လောကပါလ - စော်ကားခြင်းအနုပညာ
(မိုးမခ) အောက်တိုဘာ ၁၄၊ ၂၀၁၅
(မိုးမခ) အောက်တိုဘာ ၁၄၊ ၂၀၁၅
မကြာမီက ပြီးဆုံးသွားခဲ့သော စင်္ကာပူနိုင်ငံအထွေထွေရွေးကောက်ပွဲအတွက် ပါတီတွေမဲဆွယ်ကြရာတွင် အာဏာရ ပီအေပီ (People’s Action Party) ပါတီမှဂုဏ်ထူးဆောင်ဝန်ကြီး (ဝန်ကြီးချုပ်ဟောင်း) ဂိုချုပ်ထောင် (Goh Chok Tong) က သူတို့၏ပါတီကို ဦးတည်ချက်အတိအကျဖြင့်သွားနေသော လူစီးသင်္ဘောကြီးနှင့် ခိုင်းနှိုင်းကာ ပြိုင်ဘက်ပါတီများအား ဦး တည်ချက်မဲ့သော အပျော်စီးလောင်းကစားသင်္ဘောနှင့် နှိုင်းယှဉ်ခဲ့၏။ “ကျုပ်တို့သင်္ဘောပေါ်တက်ခဲ့ရင် ရည်မှန်းချက်ရှိရှိခရီးသွားလို့ရမယ်။ တစ်ခြားပါတီတွေကတော့ ရည်မှန်းချက် တိတိကျကျ ဘာမှမရှိတဲ့ ကက်စီနို (Casinos) သင်္ဘောတွေပါ” ဟု စည်းရုံးရေးခရီးစဉ်တစ်ခုတွင် သူက ပြောလိုက်သည်။ ဤတွင် အတိုက်အခံများထဲမှာ အင်အားအကြီးဆုံး အလုပ်သမားပါတီ (Workers’ Party) ခေါင်းဆောင် လိုသီယာခင် (Low Thia Khiang) က “ပြောရမှာ အားတော့နာပါတယ်။ မမြှုပ်နိုင်ဘူးလို့ ဒီဇိုင်နာကကြွေးကြော်ထားတဲ့ ပီအေပီရဲ့ဇိမ်ခံသင်္ဘောကြီးဟာ ခရီးသည်တွေ မဆန့်အင်ကာနဲ့ အသက်ကယ်လှေ မလုံမ လောက် အရေးပေါ်အခြေအနေအတွက်စီမံထားရှိမှုလည်းမရှိ။ အဲဒီသင်္ဘောရဲ့နာမည်က “တိုက်တန်းနစ် (Titanic)” ပါတဲ့။ ခုလို သတိပေးဖေါ်ရတာကျေးဇူးတင်ပါတယ် ဆရာဂိုချုပ်ထောင်ခင်ဗျား” ဟု ပြန်ပက်ခဲ့လေသည်။
အဆိုပါရွေးကောက်ပွဲ၌ပင် အလုပ်သမားပါတီအမတ်များအုပ်ချုပ်သော မြို့နယ်တစ်ခုမှမြို့နယ်ကောင်စီ၏ ဘဏ္ဍာရေးဆိုင်ရာလုပ်ထုံးလုပ်နည်းနှင့်ပတ်သက်၍မှားယွင်းမှုအချို့အား ပြီးခဲ့သည့်နှစ်အတွင်း စာရင်းစစ်ချုပ်မှ ထောက်ပြခြင်းခံခဲ့ရသည့် ကိစ္စကို ပီအေပီဘက်မှ ပြန်လည်အစဖေါ်လာသည်တွင်လုပ်သားပါတီခေါင်းဆောင်မှ ကျွန်တော်တို့ မမှားပါဘူး၊ မှားရင် ကျွန်တော်တို့အားလုံး ခုချိန် ထောင်ကျနေပြီပေါ့ဟု မဲဆွယ်ပွဲမှာ ပြောခဲ့သည်။ ဤကိစ္စနှင့်ပတ်သက်၍ မဲဆန္ဒနယ်မြေတစ်ခုတွင် ပြည်သူတစ်ဦးက ပီအေပီ ဝါရင့်ဝန်ကြီးတစ်ဦးအား “လုပ်သားပါတီမှားတယ်ဆိုရင် သူတို့ကိုထောင်ချလိုက်ပေါ့၊ မမှားဘူးဆို ရင်လည်း ဒီအကြောင်းပြောမနေပါနှင့်တော့” ဟု ပြောဆိုခဲ့ရာ ဝန်ကြီးက ‘ဆိုပါတော့ ခင်ဗျားတို့ ကျွန်တော်တို့အိမ်မှာ အိမ် ထောင်ဦးစီးလုပ်တဲ့သူက သားကျွေးမှု မယားကျွေးမှု တာဝန်မကျေဘူးဆိုရင် မှန်သလားမှားသလား။ မှားတယ်လို့ ခင်ဗျား သဘောတူတယ်နော်၊ ဒါဆို သူ့ကိုထောင်ချလို့ရမလား’ ဟု ပြန်မေးခဲ့သည်။ ပြီးမှ ‘ဒါဟာ မှန်ခြင်းမှားခြင်း (right and wrong) နဲ့ တရားဝင်ခြင်းမဝင်ခြင်း (legal and illegal) တို့ရဲ့ ကွာခြားချက်ပါ’ ဟု ရှင်းပြလိုက်သည်။ ‘ကျွန်တော်တို့ (PAP) ယုံကြည တာက မဲဆန္ဒရှင်တွေအတွက် လုပ်ဆောင်ချက်မှန်သမျှ တရားဝင်ရုံမကဘူး မှန်လည်းမှန်ရမယ်ဆိုတာပါပဲ’ ဟု သူက ဆက် ပြောလေသည်။
တစ်ဘက်သားနာသာခံခက်ဖြစ်အောင် ပြောဆိုခြင်းသည် စော်ကားခြင်း (insult) တစ်ရပ်ဖြစ်၏။ ထေ့ခြင်း ငေါ့ခြင်း သရော် ခြင်းမှသည် မှိုချိုးမျှစ်ချိုးပိဿာလေးနှင့်ဘေးပစ်သလိုမျိုးပြောဆိုခြင်းတွေအားလုံး အကြုံးဝင်မည်။ သို့သော် ပြောသည့်သူ၏ စေတနာ၊ အတွေးအခေါ် နှင့် ပညာ (အာဝဇ္ဇာန်း) ပေါ်မူတည်၍ စော်ကားသော အသုံးအနှုံးတွေ ရသ (ချစ်၊ ရွှင်၊ သနား၊ တည်ကြား၊ ကြမ်းကြုတ်စသည်)၊ အလင်္ကာ (အတိဿယ၊ ဝင်္က စသည်) မြောက်သည်နှင့်အမျှ အနုပညာတစ်ရပ်သဘွယ်ကြား နာသူအပေါင်းကို လွှမ်းမိုးမှုရှိလာသည်။ လူထုကိုစည်းရုံး ရသော နိုင်ငံရေးနယ်ပယ်တွင် ပိုပြောကြ ပိုကြားရမြဲဖြစ်သည့်တိုင် အရပ်ထဲရွာထဲမှာလည်း ရှားပါးလှသည်တော့မဟုတ်ပါ။ ‘ကျားပိန်တွယ်တောက်တဲ့ဇွဲရယ်နဲ့၊ စွတ်ဆွဲကြီးတရစေ၊ ခက်ပါပေ့ တဏှာရူး..’ ဆိုသော ကျေးလက်ကဗျာလေးမှသည် ‘ကားလမ်းမပေါ်ထွက်မကစားနဲ့ တော်ကြာကားကြိတ်ခံရလို့ပြားကပ် သွားရင် ကော်ပြား (ဂေါ်ပြား) နဲ့ခြစ်ယူနေရမယ်’ ဆိုသော ကလေးမိခင်၏ အမှာစကားတို့မှာ ထိုရသ ထိုအလင်္ကာ ထို သဘောတွေ ပါနေသည်။ သို့သော် ကျော်ကြားသောစာပေနှင့် နိုင်ငံရေးသမားကြီးများ၏စကားတွေကတော့ ပို၍ပြောင် မြောက် ပို၍ထင်ရှားစွာ တင်ကျန်ရစ်သည်။
ဝိတိုရိယခေတ် (Victorian Era) အင်္ဂလန်နိုင်ငံတွင် ကွန်ဆာဗေးတစ် (Conservative) နိုင်ငံရေးသမားနှင့် စာရေးဆရာ ဘင်ဂျမင်ဒစ်စရေးလီ (Benjamin Disraeli 1804-1881) နှင့် လစ်ဘရယ် (Liberal) ခေါင်းဆောင် ဝီလျမ်ဂလက်စတုန်း (William E. Glastone 1809-1898) တို့သည် နိုင်ငံရေးပြိုင်ဘက်များဖြစ်ကြ၏။ တစ်ခါတွင် ကံဆိုးခြင်း (misfortune) နှင့် ကံဆိုးမိုးမှောင်ကျခြင်း (calamity) စကားလုံးနှစ်လုံးတို့ အဓိပ္ပါယ်ကွဲပြားပုံကို မေးမြန်းရာ ဒစ်စရေလီက “ဂလက်စတုန်း သိမ်းမြစ် (River Thames) ထဲကျသွားတယ်ဆိုရင် ကံဆိုးခြင်းပေါ့။ မြစ်ထဲကျသွားတဲ့ဂလက်စတုန်းကို တစ်ယောက်ယောက်ကဆယ်လိုက်တယ်ဆိုရင်တော့ ကံဆိုး မိုးမှောင်ကျခြင်းပဲ” ဟု ပြန်ဖြေခဲ့လေသည်။ ဂလက်စတုန်းကို ထောက်ခံသူများ ကခေါ်ဆိုလေ့ရှိသော GOM (Grand Old Man) ကိုလည်း သူက GOM (God’s Only Mistake) ဟုသာအမြဲရည်ညွှန်းခဲ့သည်။ ဒစ်စရေလီကနှစ်ကြိမ် ဂလက်စတုန်းကလေးကြိမ် ဗြိတိသျှပါလီမန်အစိုးရဝန်ကြီးချုပ်အဖြစ် အသီးသီးတာဝန် ထမ်းဆောင် ခဲ့ကြ သည်။
စကားပြောကောင်းသည်ဟုလူသိများသည့် လေဘာပါတီ (Labour Party) (ယခင်လစ်ဘရယ်ပါတီ) ခေါင်းဆောင် ဂျိမ်းရမ်ဆေးမက်ဒေါ်နယ် (James Ramsay McDornald) ၏ ရေပက်မဝင်မိန့်ခွန်းတစ်ခု အပြီးတွင် ကွန်ဆာဗေးတစ် ဝင်စတန်ချာချီ (Winston Churchill 1874-1965) က “သိကြတဲ့အတိုင်း အတွေးအခေါ်အနည်းဆုံးထဲကို စကားလုံးအများဆုံးဖိသိပ်ထည့်တဲ့နေရာမှာဒီလူကတော့ ‘ဝိတ်’ ပါပဲ” ဟု ပြောခဲ့ဘူးသည်။ တစ်ကြိမ်ကပါလီမန်တွင်အမတ်တစ်ဦးထ၍စကား ပြော စဉ် အိပ်ငိုက်နေပုံရသောချာချီကို ‘အိပ်ပျော်နေတာလားဗျ’ ဟု လူကြားသူကြားမေးသည်ကို ချာချီက “မပျော်ပါဘူးဗျာ တစ်ကယ်တော့ ကျုပ်ကအိပ်ပျော်ချင်နေတာပါ” ဟု ပြန်ဖြေခဲ့လေသည်။ တစ်ခါတွင်လည်း လေဘာပါတီမှ (ခပ်ဝဝ) အမျိုး သမီးအမတ်တစ်ဦးမှ “ရှင်မူးနေပြီ” ဟု ပြောခဲ့ရာချာချီက “ခင်ဗျားလဲ အကြည့်တန်နေပြီဗျ၊ ကျုပ်မူးတာက မနက်ဖြန်ဆို ကောင်းသွားမှာပါ’ ဟု တုံ့ပြန်ဘူးကြောင်း အဆိုရှိခဲ့လေသည်။
မာ့တွိန် (Mark Twain, 1835-1910) ၏ ‘တစ်ခြားလူပေးတဲ့ဗဟုသုတတွေ ကျုပ်မှာများလွန်းနေပြီမို့ ကျုပ်ရဲ့ ကိုယ်ပိုင် အဝိဇ္ဇာလေးနဲ့ကျုပ်ပဲ ရှိပါစေတော့ဗျာ’ ဆိုသောစကားမှာကောင်းသည်ဟုသူညွှန်းလိုက်သော စာရေးဆရာတစ်ဦး၏ ဆောင်းပါးတစ်ခုအားသူ့မိတ်ဆွေစာရေးဆရာနောက်တစ်ဦးက ဆန့်ကျင်ဝေဖန်သည်ကို တုံ့ပြန်ခဲ့ခြင်းဖြစ်၏။ ဘားနဒ်ရှော (George Barnard Shaw, 1856-1950) ၏ ‘လူတစ်ယောက်ဟာ များများ ရှက်တတ်လာလေလေ ပိုပြီးလေးစား စရာကောင်းလေလေပဲ’၊ မာဂရက်သက်ချာ (Margaret Thatcher, 1925-1913) ၏ ‘နောက်ပြန်လှည့်ချင်တဲ့သူရှိရင်လှည့်ကြ ဒီအမျိုးသမီးကြီးကတော့လှည့်ဘို့မဟုတ်ဘူး’ စသော စကားတွေမှာ ကျော်ကြားသူများစွာထဲမှ အချို့တို့၏ (သရော်) စကားဥပမာများဖြစ်ကြသည်။
မြန်မာတို့ရာဇဝင်မှာလည်း သည်လိုစကားတွေမရှားပါ။ ပုဂံခေတ်ရာဇသင်္ကြန်အမတ်ကြီး ကွမ်းအစ်ပဲ့ကိုကိုင်ကာ နရသီဟ ပတေ့မင်းထံအခစားဝင်ပြီး ‘ပန်းပွတ်သည်သားတွေကောင်းစားသွားသဖြင့် ပန်းပွတ်မည့်သူမရှိတော့ သောကြောင့် ကွမ်းအစ်အပဲ့ဖြင့်ခစားရပါသည်ဟုပြောဆို (လျှောက်တင်) ရာ (ပန်းပွတ်သည်သား) ဘုရင် နရသီဟပတေ့ မျက်မာန်ရှ၍ ဒလသို့ ပိုခြင်းခံရ၏။ ဘိုးတော်ဘုရားအား ‘ရွှေဉာဏ်တော် စူးရောက်ပါပေတယ်’ ဟု အရူးနှင့်နှိုင်းပြီးတိုင်းထွာခဲ့သော အမတ်ကြီး ဦးပေါ်ဦးကိုမူ ဘုရင်က (အောင့်သက်သက် ဖြစ်ရသည့်တိုင် ရယ်ကာမောကာ) အပစ်မယူခဲ့။ မင်းတုံးမင်းကြီးကို ကာမဂုဏ် လိုက်စားရာတွင် ဓားပြနှင့်တူသည်ဟု (တစ်တစ်ခွခွ) ပြောဆိုခဲ့သောဗန်းမော်ဆရာတော်၊ မျက်နှာဖြူဝန်ထောက်၏ ကုဋီ လုပ်သည့်အုတ်နှင့် ဘုရားတည်သည့်အုတ် အတူတူပင်မဟုတ်သလောဆိုသည့်မေးခွန်းကို သင့်အမေနှင့် သင့်ဇနီးရော မိန်းမချင်း အတူတူပင်မဟုတ်သလောဟု ပြန်လှန်မေးခွန်းထုတ်ခဲ့သော မန်လည်ဆရာတော်၊ ဗြိတိသျှတို့သိမ်းပိုက်ထား သော အောက်မြန်မာနိုင်ငံသို့လာရောက်စဉ် ထီးဖြူနှစ်လက်မိုး၍ကြိုဆိုခံခဲ့သည့် အိန္ဒိယဘုရင်ခံချုပ် လော့ဒ် မေယိုး (Lord Mayo, 1822-1872) အပြန်ခရီးတွင် ပို့ဘလဲယား (Port Blair)၌ စိတ်မနှံ့သူအကျဉ်းသားတစ်ဦး၏ ဓါးချက်ဖြင့်သေ ဆုံးခဲ့ရသည်ကို ‘မင်းတုတု ခွေးသေသေတယ် သွေးထွေထွေယိုစီး’ ဟုဖွဲ့ဆိုခဲ့သော အချုပ်တန်းဆရာဖေတို့၏ စာများစကား မျာရှိခဲ့ကြ၏။
ထို့အတူ ဆရာကြီးသခင်ကိုယ်တော်မှိုင်း၏ ဒိုင်အာခီ (Diarchy) ခေတ်တွင် မြန်မာတို့ရာထူးလုကြပုံကို ‘တောင်ကျရေနွားနှစ် ကောင်မဝလိုပ မောင်ဘဖေငါးထောင်မရသော်ကြောင့်’ ဟု ရေးသားခဲ့သည်များနှင့် စစ်အစိုးရခေတ် ဆရာကြီးဦးအောင်သင်း၏ “ဗိုလ်ချုပ်အောင်ဆန်းတို့ မစားပဲစွန့်သွားတာကို ခုလူတွေမစွန့်ပဲ စားနေကြတာ” စသောဟောပြောချက်များသည် ခေတ် အလိုက်သရုပ်ပါသော ‘ညည်းချင်း’ များ ဖြစ်ခဲ့ကြသည်။ ပြောရလျှင် လွှတ်တော်ထဲမှာခေါင်းပေါင်းတွေညာချကြတယ် အစရှိ သောစကားလုံးများသည် ရယ်စရာ သက်သက်မဟုတ်။ သို့တိုင်အောင် ယ္ခုအခါ ကျွဲပါးစောင်းတီး၊ လူသေကောင်နှင့် စကား ပြောရသလိုဟု ပြောဆိုသူတွေပင် ရှိလာကြပြီ။
ဝါးတားဂိတ်အရေးတော်ပုံ (Watergte scandal) ကြောင့်နှုတ်ထွက်ခဲ့ရသူ အမေရိကန်သမ္မတနစ်ဆင် (Richard M. Nixon, 1913-1994) ကို သတင်းစာဆရာ နော်မန်ကာဆင် (Norman Cousins, 1925-1990) က ‘အမှားနှစ်ခုလုပ်လို့အမှန်တစ်ခုဖြစ်မလာရင် အမှားသုံးခုလုပ်ကြည့်ရမယ်ဆိုတာ ဒီလူရဲ့ဆောင်ပုဒ်ပဲ’ ဟုသုံးသပ် ခဲ့ဘူး၏။ နစ်ဆင်၏နောက် ခြောက်ဆက်မြောက်သမ္မတဂျော့ဒဗလျူဘွတ်ရှ် (George W. Bush) မှာ စကားအမှား စကားလုံးအမှားများ (They misunderestimated me ဆိုသည်မျိုး) သုံးနှုံးပြောဆိုရာတွင် လူသိများသည်။ အီရတ် အရေးအခင်းအတွင်း ဘွတ်ရ်ှနှင့် လူထုရှေ့မှောက်မှာစကားစစ်ထိုးဘို့ အီရတ်သမ္မတ ဆဒမ်ဟူစိန် (Saddam Hussein, 1937-2006) က စိမ်ခေါ်ခဲ့ရာ နှစ်ယောက်စလုံးအတွက် အင်္ဂလိပ်စာသည် ဒုတိယဘာသာစကား (second langue) ဖြစ်သည်မို့ လက်ရည်တူတွေပါပဲ ဟု အင်ဘီစီ (NBC) ရုပ်မြင်သံကြား၏ ယနေ့ည (The tonight Show) အစီအစဉ် (ထိုစဉ်က) ထုတ်လွှင့်သူဂျေလန်နို (Jay Leno) က ပြက်လုံးထုတ်ခဲ့လေသည်။ ယ္ခုခါ ၂၀၁၆ ခုနှစ်ရွေးကောက်ပွဲအတွက် သမ္မတလောင်း အပြေးပြိုင်ပွဲ (presidential race) အရှိန်မြင့်လာနေပြီဖြစ်ရာ စကားစစ်ထိုးပွဲတွေမေးမြန်းခန်းတွေမှာ ကိုယ်စားလှယ်လောင်း တစ်ဦးနှင့်တစ်ဦးတစ်ဖွဲ့နှင့်တစ်ဖွဲ့ ငြင်းကြခုန်ကြထိုးနှက်ကြသည့်အသံတွေကြားနေရပြီ။ စကားထဲကပြလာသော ဇာတိတွေကိုမြင်အောင် ကြည့်ပြီး အသဲကြား ကမဲတစ်ပြား မည်သူနှင့်ထိုက်တန်သည်ကို လူထုကဆုံးဖြတ်ရုံပင်။ မီဒီယာတွေကလည်း ထိုသို့ဆုံးဖြတ်နိုင်အောင် ရှုထောင့်မျိုးစုံမှသတင်းအချက်အလက်မျိုးစုံ ရှာဖွေဖေါ်ထုတ် ပေးရုံမက လူထုကိုယ်တိုင်တိုက်ရိုက်ပါဝင်ပြောဆိုနိုင်သည့် အစီအမံတွေချမှတ်ဆောင်ရွက်လျက်ရှိကြသည်။ ပါလည်းပါဝင်ကြသည်။
ဂျီအိုပီ (GOP, Grand Old Party) ခေါ် ရီပတ်ဘလီကန် (Republican) ပါတီဘက်မှကိုယ်စားလှယ် (ယနေ့ထိ) ဆယ့်ငါးဦးတွင် ဦးဆောင်နေသူမှာ အဆောက်အအုံဖွံ့ဖြိုးရေးလုပ်ငန်းရှင် (Real Estate Developer) နှင့် The Apprentice ရုပ်မြင်သံကြား အစီအစဉ် ရိုက်ကူးပါဝင်ထုတ်လွှင့်သူသန်းကြွယ်သူဌေး ဒေါ်နယ်ထရမ့် (Donald J Trump) ဖြစ်ပြီး နှုတ်ကြမ်းသူတစ်ဦးအဖြစ်နာမည်ကြီးသည်။ လေစစ်ဇကာမပါတဲ့ပါးစပ်မှာ မော်တာတပ်ထားသူ ဟုတင်စားခံရသော ထရမ့်က အာဖရိကန်-အမေရိကန်ကပြား လက်ရှိသမ္မတ အိုဘားမား (Barak Hussein Obama) ၏ မွေးစာရင်းကို အတုကြီးဟု (ယခင်စွဲချက်ဟောင်း တစ်ခုကိုအစပြန်ဖေါ်၍) ပြောကာ အစစ်အမှန် ကို အပြည့်အစုံတင်ပြဘို့တောင်းဆိုခဲ့သည်။ ထိုအတွက် အိမ်ဖြူတော်မှ သမ္မတ၏တရားဝင်မွေးစာရင်းကို တင်ပြရပြီးနောက် ၂၀၁၁ ခုနှစ်အိမ်ဖြူတော်သတင်းထောက်များ အသင်းနှစ်ပတ်လည် ညစာစားပွဲမိန့်ခွန်းတွင် သမ္မတက ဒီမွေးစာရင်းစာရွက်စာတမ်းတွေကို ဒေါ်နယ်ထရန့်ကလွဲရင် ဘယ်သူမှစိတ်ဝင်စားကြမှာ မဟုတ်ပေမယ့် တင်လိုက်ပါတယ်၊ ဒါမှလည်းသူ့အတွက်အရေးကြီးတဲ့အလုပ် ဥပမာ လပေါ်လူရောက်တဲ့ကိစ္စ ကျုပ်တို့ အတု များလုပ်ခဲ့ကြသေးလားဆိုတာမျိုးတွေကို ပိုပြီးအာရုံစိုက်လို့ရမှာပေါ့ဟု ပြောကြားခဲ့သည်၊ ထို့အပြင် ယ္ခုနှစ် ညစာစားပွဲမှာ တက်ရောက်လာကြသူတွေကိုစင်မြင့်ပေါ်မှနှုတ်ခွန်းဆက်ရင်း ဒေါ်နယ်ထရန့်လည်းပါနေဆဲပဲကိုး ဟုပြောပြီးပရိဿတ်များအားပွဲကျစေခဲ့သည်။ အမုန်း (ဝိဘစ္ဆ) ကိုအပြုံး (ဟာသ) ဖြင့်ဖုံးကာပြလိုက်ခြင်းပင်။
ဗီယက်နမ်စစ်ပြန်ဝါရင့်ဆီးနိတ်အမတ် ဂျွန်မက္ကိန်း (John McCane) ကိုလည်း ဒေါ်နယ်ထရန့်က ‘စစ်ပွဲမှာ အဖမ်းခံရလို့သူရဲကောင်းဖြစ်လာတာအထင်မကြီးဘူး’ ဟုပြောသည်။ မက္ကိန်းကမချေပသော်လည်း ဝါရှင်တန် ပို့စ် (Washington Posts) သတင်းစာက ‘ဒီလိုတော့မပြောသင့်ပါဘူး၊ ထရန့်က မန်ဟတ္တန် (Manhattan) ကို သိမ်းပိုက်ဘို့ပြင်နေတဲ့အချိန် မက္ကိန်းဟာစစ်ပွဲမှာရခဲ့တဲ့ဒဏ်ရာတွေကြားက ပြန်ပြီးလမ်းလျှောက်သင်နေရတာပါ’ ဟု ရေးသားခဲ့လေသည်။ နောက်ပိုင်းတွင် ထရန့်က သူဒီစကားမပြောခဲ့ပါဘူး မီဒီယာတွေက စကားဆက်ပြော ခွင့် မပြုဘဲလိုရာဆွဲဖေါ်ပြခဲ့လို့ဒီလိုဖြစ်ရတာပါဟု ဆိုပြန်သည်။ ပြိ်ုင်ဘက် ရီပတ်ဘလီကန် အမျိုးသမီး ကိုယ်စားလှယ်လောင်းကာလီဖီယိုရီနား (Carly Fiorina) ကိုလည်း ‘ကြည့်စမ်းပါဦး ဒီပုံကြီးကိုဘယ်သူက မဲပေးမှာလည်း’ ဟုပြောပြီးနောက် ဝေဖန်သူတွေကို ကျွန်တော်ကသူ့ကိုယ်ရည်ကိုယ်သွေး (persona) ကို ပြော တာပါ ဟုစကားပြင်ခဲ့ရာ ဖီယိုရီနားက “မစ္စတာထရန့် ဘာပြောတယ်ဆိုတာ အမျိုးသမီးတွေအကုန်လုံး ကြားပါတယ်” ဟုချေပခဲ့သည်။ သို့သော် ဖောက္ခစသတင်းဌာန (Fox News) နိုင်ငံရေးသုံးသပ်သူ မက်ဂျင် ကယ်လီ (Megyn Kelly) အပေါ် တွေ့ဆုံမေးမြန်းမှုတစ်ခုနှင့် ပတ်သက်၍မကျေနပ်သဖြင့် ‘မျက်လုံးက အစဘယ်နေရာမဆို သွေးတွေ စီးနေတဲ့မိန်းမ’ ဟု ပြောဆိုခဲ့သည်ကို မခံမရပ်နိုင်ဖြစ်ကာ ပေါ့တလန် (Portland) မြို့သူပန်းချီဆရာမတစ်ဦးက ဒေါ်နယ် ထရန့်ပုံတူရေးဆွဲပြီး ထိုပုံကိုသူမ၏ရာသီသွေးဖြင့်ဆွဲထားခြင်းဖြစ်ကြောင်း ထုတ်ဖေါ်ပြောဆို ပြသခဲ့လေသည်။ ‘ဥတုနှင့်ပုဇွန် ဆီလို’ ဟု ဦးပုညကသူနှင့်အချုပ်တန်းဆရာဖေကို ခိုင်းနှိုင်းခဲ့ဘူး၏။ သည်မှာတော့ ဝိဘစ္ဆကို ရုဒ္ဓ (ရုန့်ရင်း) လွှမ်းနေ ချေသည်။
‘အိုဘားမားနှစ်ခါလာတော့နှစ်ခါအနမ်းခံရတာပေါ့’ ဟု (မည်သူ့ကိုမျှမရည်ရွယ်ပါဆိုသော) စကားမျိုးတွေပြော တတ်သည့် ကိုယ်ရွှေကိုယ်မျိုးတို့တစ်တွေ အမျိုးသားခေါင်းဆောင်ကြီးဗိုလ်ချုပ်အောင်ဆန်း၏ ရာပြည့်မွေးနေ့ ကျရောက်သော ယ္ခုနှစ်တွင်အောင်ဆန်းဒိုင်းဘော်လုံးပြိုင်ပွဲဆုပေးစင်မြင့်ကြမ်းခင်းအပြည့် အောင်ဆန်းနာမည် ရေးသားချယ်မှုံးလျှက် ခြေဖြင့်နင်း ကာ ထူးထူးခြားခြားဂုဏ်ပြုခဲ့ကြခြင်းမှာမူ ဝိဘစ္ဆကို အချည်းအနှီး တူးဆွခြင်း တစ်ရပ်သာဖြစ်ဘို့ရှိသည် (ဒါမျိုးကို လူမိုက်တွေ သာ လုပ်လေ့ရှိ၏)။ အနုပညာ (fine art) ထက် အောက်လမ်း (dark art) နှင့် နီးစပ်မည်၊ ဟာသထက် အဟီရိက (အရှက်မဲ့ခြင်း) ပိုအလေးသာမည်ထင်သည်။ မရယ်ပဲ မောအောင် လုပ်သည့်နေရာတွင် သူတို့က (ချာချီပြောခဲ့ဘူးသလို) “ဝိတ်” ပါပဲဟု ဆိုရမလိုဖြစ်လေသည်။
[ဝန်ခံချက်။ ၂၉/၀၃/၂၀၀၉ ရက်ထုတ် ဘန်ကောက်ပို့စ် (Bangkok Post) သတင်းစာ (ဟောင်း) Postscript ကဏ္ဍမှ Roger Crutchley ၏ The art of insulting behavior ဆောင်းပါးကိုအခြေပြုလျှက် Wikipedia; Wikiquote; Straits Times Singapore, CNN, FOX, ABC, C-SPAN စသည့်သတင်းဌာနထုတ်လွှင့်ချက်များ; နှင့်ကိုယ်ပိုင်မှတ်စု မှတ်တမ်းများကို မှီငြမ်းရေးသားပါသည်]