သာထက်အောင် - တိုင်းပြည်ရဲ့ပုံရိပ် လူမျိုးရဲ့ ဂုဏ်သိက္ခာ
(မိုးမခ) ဇွန် ၂၆၊ ၂၀၁၅
(မိုးမခ) ဇွန် ၂၆၊ ၂၀၁၅
ပြီးခဲ့တဲ့ ဗုဒ္ဓဟူးနေ့ (၁၇.၆.၁၅) တုန်းက ဩစတြေးလျနိုင်ငံ မဲလ်ဘုန်းမြို့မှာ ရပ်ဘီပွဲကြီးတပွဲဝှဲချီး ကျင်းပခဲ့ပါတယ်။ ဘောလုံးထက် ရပ်ဘီကို ပိုမိုစွဲလမ်းရူးသွပ်တဲ့ ဩစီတွေအဖို့ အဲဒီနေ့ကကျင်းပတဲ့ (STATE OF ORIGIN) ပွဲမှာ ပရိသတ် ၉ သောင်းကျော် ကြည့်ရှုအားပေးခဲ့ကြပါတယ်။
Marrons လို့ခေါ်တဲ့ အင်္ကျီနီညိုရောင်ဝတ်ထားတဲ့ ကွင်းစလန်းပြည်နယ်အသင်းနဲ့ Blues လို့ခေါ်တဲ့ အပြာရောင်အင်္ကျီ ၀တ် ထားတဲ့ နယူးဆောက်ဝေးပြည်နယ်အသင်းတို့ အကြိတ်အနယ်ယှဉ်ပြိုင် ကစားတဲ့ပွဲကို တနိုင်ငံလုံးဝက်ဝက်ကွဲ အားပေးခဲ့ကြ ပါတယ်။ နှစ်စဉ် ဒီအချိန်ရောက်ရင်ဒီ ၂ သင်း၊ ဒီလိုပဲ အကြိတ်အနယ်ကစားပြီး ပရိတ်သတ်ကလည်း ဒီလိုပဲ ၀က်ဝက်ကွဲ အားပေးစမြဲမို့ သိပ်တော့မဆန်းပါဘူး။ ဒါပေမယ့် နည်းနည်းထူးခြားတာက ပွဲမစခင်မှာ မကြာခင်က ကွယ်လွန်သွားတဲ့ အိုလံ ပစ်ချန်ပီယံ အားကစားသမားဟောင်းကြီး (RON CLARKE) ဆိုတဲ့ပုဂ္ဂိုလ်ကို ဂုဏ်ပြုအောက်မေ့ပွဲလုပ်ပါတယ်။ အသက် ၇၇ နှစ်မှာကွယ်လွန်သွားတဲ့ အဲဒီအားကစားသမားကြီးဟာ သူငယ်ငယ် သြစတြေးလျမှာကျင်းပခဲ့တဲ့ အိုလံပစ်ပွဲမှာ အိုလံပစ်မီးရှူး တိုင်ကြီးကိုထွန်းညှိခဲ့တဲ့ ပုဂ္ဂိုလ်ကြီးလည်းဖြစ်တော့ သြစတြေးလျနိုင်ငံရဲ့ အစဉ်အလာအတိုင်း ရပ်ဘီပွဲမစခင်အား ကစား သမားတွေရော ပွဲကြည့်ပရိသတ်တွေပါ သူ့ကို ဂုဏ်ပြုအောက်မေ့တဲ့အနေနဲ့ တစ်မိနစ် မတ်တပ်ရပ်ပြီး အလေးပြုပါတယ်။ ကွင်းထဲက တီဗွီကြီးပေါ်မှာလည်း သူ့ရုပ်ပုံနဲ့ လှုပ်ရှားမှုတွေပြပါတယ်။
ပြဿနာက အဲဒီမှာစပါတယ်။ လူကိုးသောင်းကျော်ကြည့်ရှုအားပေးတဲ့ မဲဘုန်းမြို့က အားကစားကွင်းကြီးထဲမှာ အားလုံး မတ်တပ်ရပ်ပြီး ကွယ်လွန်သူ နိုင်ငံဂုဏ်ဆောင်အားကစားသမားကြီးကို တစ်မိနစ် ငြိမ်သက်ဂုဏ်ပြုနေစဉ် ဆူပူအော်ဟစ်နေတဲ့ လူတစုရှိခဲ့ပါတယ်။ အဲဒီသတင်းကို တီဗွီချန်နယ်အသီးသီးက သတင်းအဖြစ်လွှင့်ထုတ်ခဲ့ပြီး ဒါဟာမလုပ်သင့်တဲ့အပြုအမူ၊ ရှက်စရာကောင်းတဲ့အပြုအမူလို့ ဝေဖန်ပြောဆိုသွားပါတယ်။ ဗစ်တိုးရီးယားပြည်နယ် ၀န်ကြီးချုပ်ကလည်း တစ်မိနစ် လောက်တောင် ကိုယ့်နှုတ်ကို မစောင့်စည်းနိုင်ဘူးလားဆိုပြီး ပြစ်တင်စကားချက်ချင်းပြောကြားတာကို တီဗွီက တိုက်ရိုက် လွှင့်ထုတ်သွားပါတယ်။ ပြီးတော့ တနိုင်ငံလုံးကတက်လာတဲ့ ဖေ့စ်ဘုတ်က Comments တွေထဲက တချို့ကိုထုတ်နှုတ်ပြီး ဒါဟာ တိုင်းပြည်နဲ့ လူမျိုးရဲ့ ဂုတ်သိက္ခာကိုထိခိုက်စေတဲ့အကြောင်း၊ ဒီလိုလူမျိုးတွေကို ထိုက်သင့်တဲ့အပြစ်ပေးအရေးယူမှု တွေပြုသင့်ကြောင်း စသဖြင့်ပေါ့လေ။ တစ်မိနစ်အတွင်း လိုက်နာရမယ့်လူ့ ကျင့်ဝတ်၊ လူ့စည်းကမ်းကို မလိုက်နာသူ (အချို့) ကြောင့် သောင်းနဲ့ချီသော ပရိတ်သတ်နဲ့အားကစားသမားများ နှလုံးမသာမယာဖြစ်ကြရပါတယ်။
ဒီကိစ္စဟာ သာမာန်ကြည့်ရင် အသေးအဖွဲလို့ထင်ရပေမယ့် ဒါဟာတိုင်းပြည်ရဲ့ပုံရိပ်-လူမျိုးရဲ့ဂုဏ်သိက္ခာနဲ့ တိုက်ရိုက်ဆက်စပ် နေပါတယ်။ ခက်တာက သြစတြေးလျက အားကစားကွင်းကြီးတွေမှာ အားကစားပွဲကျင်းပနေတုန်း ဘီယာဝယ်သောက်လို့ရတဲ့ဘီယာဆိုင်တွေကလည်းရှိလေတော့ တချို့က မူးနေပါပြီ။ အဲသလို အော်ကြ ဟစ်ကြအားပေးကြရတာကိုက သူတို့မှာ အရသာမို့ ဈေးကြီးလှတဲ့လက်မှတ်ဝင်ကြေးဖိုးကို ဂရုမစိုက်နိုင်ပဲ ကွင်းထဲအထိလာရောက်အားပေးရတာကို ပျော်နေတာပါ။ ဒါပေမယ့်အခုလိုလူတယောက်ရဲ့ နောက်ဆုံးအချိန် ကွယ်လွန်သွားရှာပြီဖြစ်တဲ့ နိုင်ငံ့ဂုဏ်ဆောင်အားကစားသမားဟောင်း ကြီးတယောက်ကို ဂုဏ်ပြုအောင်းမေ့တဲ့အနေနဲ့ တမိနစ်ငြိမ်သက်ရမယ့်အချိန်မှာ အော်ဟစ်ဆူပူသောင်းကျန်းနေတာ က တော့ နည်းနည်း တရားလွန်ပါတယ်။ ဒါပေမယ့် ခုလိုဆူပူအော်ဟစ်နေသူတွေဟာ လူများစုလား။ လူ ၉ သောင်း ကျော် အားပေးတဲ့ကွင်းကြီးထဲမှာ လူ ၉ ထောင်ကျော် ခုလိုပြုမူကျင့်ကြံရင် ၁၀ ရာခိုင်နှုန်း၊ လူ ၉ ရာကျော်ဆိုရင် ၁ ရာခိုင်နှုန်း။ ကျွန်တော်ထင်ပါတယ် ၁ ရာခိုင်နှုန်းမပြည့်သော လူနည်းစုလေးပဲ ခုလို မူးရူးအော်ဟစ်နေတာဖြစ်ပါလိမ့်မယ်။ ဘာပဲဖြစ်ဖြစ် ဒါဟာ တိုင်းပြည်နဲ့လူမျိုးရဲ့ပုံရိပ်ဂုဏ်သိက္ခာကို ထိခိုက်တာဖြစ်တဲ့အတွက် မီဒီယာတွေက လက်ပိုက်ကြည့်မနေပဲ ချက်ချင်း တုံ့ပြန်ကြပါတယ်။ ခုခေတ်မှာ လူတိုင်းလက်ထဲမှာ သေနတ်မရှိပေမယ့် ဖေ့စ်ဘုတ်ဆိုတဲ့လက်နက်တော့ ရှိကြပါတယ်။ သူတို့ကလည်း မတော်မတရားဘူးထင်ရင် ၀ိုင်းပစ်ကြတာပါ။ ကျွန်တော်တို့ ရွှေမြန်မာတွေလို ပက်ပက်စက်စက်၊ တစ်တစ်ခွခွ ဆဲရေး တိုင်းထွာတာမျိုးတော့ မလုပ်ကြပါဘူး။
ခုတလော နှစ်ပေါင်း လေးငါးဆယ်ကျော်ကြာ တိမ်မြှုပ်ပျောက်ကွယ်နေတဲ့ မြန်မာ့ဘော်လုံး နည်းနည်းခေါင်းထောင်လာပုံ ပေါ်ပါတယ်။ “မြန်မာနိုင်ပြီ” ဆိုတဲ့ သီချင်းဓာတ်ပြား ဖုံတက်နေတာကြာလှပေါ့။ ဟော ခု စင်္ကာပူဆီးဂိမ်းမှာ ငွေရလိုက်တော့ဇာတိမာန်တွေလှုပ်လှုပ်ရွရွဖြစ်လာတယ်လို့ကြားပါတယ်။ ဇာတိမာန်တက်ကြွတယ် မျိုးချစ်စိတ်ရှိတယ်ဆိုတာ ကောင်းတဲ့ အလုပ်ပါ။ ဘယ်သူပဲဖြစ်ဖြစ် ရပ်ကွက်ဘောလုံးပွဲတောင် ကိုယ့်ရပ်ကွက်အသင်းပဲ နိုင်စေချင်တာ သဘာဝပါ။ ခွေးနှစ်ကောင် ကိုက်လည်း ကိုယ့်ခွေးပဲ နိုင်စေချင်တာပဲပေါ့။ ဒါပေမယ့် အားကစားဆိုတာ ခွေးနှစ်ကောင်ကိုက်တဲ့ပွဲ မဟုတ်ပါဘူး။ တရား နည်းလမ်းကျစွာ စည်းမျဉ်းစည်းကမ်း ဥပဒေဘောင်အတွင်းက ယှဉ်ပြိုင်ရတာမို့ ရှုံးရင်လည်း အရှုံးကို လက်ခံနိုင်တဲ့ အား ကစားစိတ်ဓာတ်မျိုး ရှိရပါတယ်။ ထို့အတူပဲ အားပေးကြည့်ရှုသူတွေကလည်း ကိုယ့်လူမျိုး၊ ကိုယ့်တိုင်းပြည်၊ ကိုယ့် အသင်း အားပေးရင်းနဲ့ သူ့လူမျိုး သူ့တိုင်းပြည် သူ့အသင်းကို ထိခိုက်စော်ကားရာရောက်တဲ့ အပြောအဆို အပြုအမူအားလုံးကို ဆင် ခြင်ရပါလိမ့်မယ်။
ခက်တာက ခုခေတ်ဘောလုံးပွဲကိုအားပေးတယ်ဆိုတာက အားကစားကိုချစ်လို့ ဘောလုံးကိုချစ်လို့ အားပေးတဲ့သူက နည်း နည်း၊ အလောင်းအစားဆိုတဲ့ ‘စီးပွားရေး’ တွေပါ ပါလာတော့ ရှုံးရင် ရန်လိုတဲ့အပြုအမူတွေပါလာပြီး ဆဲဆိုကြိမ်းမောင်းအော်ဟစ်တဲ့လူတွေ အတွေ့ရများလာပါတယ်။ ဘောလုံးပွဲနဲ့ ဘ၀ပျက်တဲ့လူတွေ၊ အောင်ဆန်းကွင်းထဲမှာပဲ ဘောပွဲကြည့်ရင်းမွဲ သွားတဲ့သူတွေ တွေ့ခဲ့ဖူးတဲ့ ကျွန်တော့်အဖို့ ဘောပွဲတွေဟာ အားကစားသန့်သန့်မဟုတ်တော့ဘူးဆိုတာ ဟိုတုန်းကတည်း ကသိခဲ့ပါတယ်။ ဘောပွဲတွေက မသန့်တော့သလို ဘောပွဲကြည့်တဲ့ပရိသတ်လည်း ကိုယ်လောင်းထားတဲ့ အသင်းနိုင်ဖို့ဆိုတဲ့ ဦးတည်ချက်နဲ့ အားပေးကြတာများပါတယ်။ မသန့်သမှ ကမ္ဘာ့ဘောလုံးအဖွဲ့ချုပ် FIFA တောင် လာဘ်မတရားစားလို့ ဖမ်းရ ဆီးရ ကျော်မကောင်းကြားမကောင်းဖြစ်တာ ကမ္ဘာတ၀ှမ်း သိကြပါတယ်။
မှန်တာပြောရရင် ကျွန်တော်ဘောလုံးပွဲ မကြည့်ဖြစ်တာကြာပါပြီ။ ကမ္ဘာ့ဖလားပြိုင်ပွဲကြီးကျင်းပလို့ တီဗွီက တိုက်ရိုက် လွှင့် တာနဲ့ကြုံရင် ကြည့်ဖြစ်တာကလွဲလို့ ဟိုတုန်းကလို တကူးတက ဘောပွဲသွားကြည့်ဦးမဟဆိုတာ မရှိသလောက်ဖြစ်သွားပါပြီ။ ဒါပေမယ့် ၀ါသနာအခံကို မစွန့်လွှတ်နိုင်တော့ ဆီးဂိမ်းဘောလုံးပွဲမှာ ဗမာဗိုလ်လုပွဲတက်တယ် ဘာညာဆိုတော့ ကျွန်တော် စိတ်ဝင်စားပါတယ်။ ဖေ့စ်ဘုတ်မှာလည်း ဗမာတွေ စည်းကမ်းရှိစွာအားပေးဖို့ တိုင်းပြည်နဲ့လူမျိုးဂုဏ်သိက္ခာကျမယ့် အပြုအမူ မျိုး မပြုလုပ်ဖို့ သတိပေးတဲ့ စာတွေ အကြံပေးတဲ့စာတွေဖတ်ရတော့ ဘာတွေများဖြစ်ကုန်ပြီလဲပေါ့။ ဒါနဲ့ ဘောလုံးပွဲသရဲတွေကို မေးကြည့်မှ ရွှေဗမာတွေက ထိုင်းနဲ့တွေ့ရင် ရိုးရိုးသားသား အားမပေးပဲ ဟိုတုန်းက ယိုးဒယားကိုသိမ်းခဲ့စဉ်ကဟာတွေ ဖော်ထုတ်ပြီး ပြောလိုပြော၊ ဦးအောင်ဇေယျလို မင်းဝတ်မင်းစားတွေ ၀တ်လိုဝတ်။ မင်းတို့ကို ဒို့က ငယ်နိုင်ပါဆိုတဲ့ အချိုးမျိုး ချိုးလိုချိုး။
သြော် ….. ခက်ပါလား ဘောလုံးပွဲကို ဘောလုံးပွဲလိုပဲ မြင်မှပေါ့။ ဦးအောင်ဇေယျနဲ့ ဘောလုံးပွဲ၊ အယုဒ္ဓယနဲ့ ဘောလုံးပွဲ ဘာ အကြောင်းနဲ့မှ ကပ်ပြစရာအကြောင်းမရှိပါဘူး။ ကိုယ့်တိုင်းပြည်ရဲ့လက်ရှိအခြေအနေက ဘာလဲဆိုတာလည်း နားလည်ဖို့ သင့်တယ်။ ဘောလုံးပွဲကြည့်ပရိသတ်ဆိုတာကလည်း ဉာဏ်ရည်၊ ပညာရည်အဆင့်အမျိုးမျိုးဆိုတော့ လူ့လွန်မသားတွေ လည်း ပါပေမပေါ့။ ခက်တာက အဖက်ဖက်က ချွတ်ခြုံကျနေတဲ့ မင်းဆိုးမင်းညစ်အောက်မှာ ဘယ်အရာကိုမှ သိပ်မျှော် လင့်လို့မရပါဘူး။ ဒိုင်လူကြီးနေရာမှာနေရမယ့် ရွေးကောက်ပွဲကော်မရှင်ဥက္ကဌလိုသူကတောင် ဘယ်သူ့ဂရုမစိုက်ဘူး ဘယ်ဝါ့ ဂရုမစိုက်ဘူးဆိုတဲ့ အသုံးအနှုန်းမျိုး၊ တေလေဂျပိုးစကားပြောနေမှတော့….
ဇာတိမာန်တက်ကြွကြပါ။ ကိုယ့်အမျိုးကိုချစ်ပါ။ အပြစ်မရှိပါဘူး။ ဇာတိမာန်တက်ကြွရင်း၊ ကိုယ့်အမျိုးကိုချစ်ရင်းနဲ့ သူများ အမျိုး၊ သူများတိုင်းပြည်စော်ကားသလိုမဖြစ်အောင်တော့ ဆင်ခြင်ရပါလိမ့်မယ်။ ခါးမှာ ပုဆိုးမကပ်တဲ့သူက သူများလိုလုံ အောင်ထိုင်ပါလို့တော့ လက်ညှိုးမထိုးမိပါစေနဲ့။ နောင်တရတတ်လွန်းလို့ပါ။
တခါတုန်းက (နည်းနည်းတော့ကြာပါပြီ) စက်ရုံတရုံမှာ ထိုင်းလူငယ်တယောက်နဲ့အတူ အလုပ်လုပ်ဖူးပါတယ်။ နေ့တိုင်း တစက်ရုံတည်း အတူလုပ်လာကြတော့ လူချင်းကလည်း အတော်ရင်းနှီးနေပါပြီ။ တခါတလေ အလုပ်ပါးရင် ဟိုအကြောင်း ဒီအကြောင်း သူ့ပြည် ကိုယ့်ပြည်အကြောင်း ပြောဖြစ်ကြပါတယ်။ တခါတော့ ရယ်ရင်းမောရင်းပြောရင်းနဲ့ စကားနိုင်လုသလို ဖြစ်လာပြီး ဒို့ဗမာက မင်းတို့အယုဒ္ဓယတို့ ဇင်းမယ်တို့ကို ဘယ်လိုနိုင်ခဲ့တာ ဘာညာနဲ့ ကျွန်တော်ဖိပြောမိတော့ သူငြိ်မ်နေပါ တယ်။ ပြီးတော့မှ မင်း ချင်းမိုင်တို့ မဲဆောက်တို့ရောက်ဖူးသလားတဲ့။ မရောက်ဖူးဘူးဆိုတော့ အေး.. မင်းအဲဒီကိုသွားကြည့်၊ အလုပ်ကြမ်း၊ ကြက်တန်း၊ အနှိပ်ခန်း၊ အိမ်ဖော် အများဆုံးလုပ်တာ မင်းတို့ ဖမတွေပဲတဲ့။ ကျွန်တော် ဘာတခွန်းမှမပြောနိုင်ပဲ မတ်တပ်ရပ်ကြီး အသက်ထွက်သွားပြီလားတောင် အောက်မေ့ရပါတယ်။ ဒါကြောင့် ရွှေမြန်မာ လူငယ်များကိုပြောပါရစေ။ မျိုးချစ်စိတ်ရှိပါ။ ဇာတိမာန်တက်ကြွပါ။ ပါးစပ်ကြီးနဲ့မျိုးချစ်စိတ်ရှိတာ၊ ပါးစပ်ကြီးနဲ့ ဇာတိမာန်တက်ကြွတာ လွယ်ပါတယ်။ တ ကမ္ဘာလုံးက အထင်ကြီးတဲ့တိုင်းပြည် တကမ္ဘာလုံးက လေးစားတဲ့လူမျိုးဖြစ်အောင် လုပ်ဖုိ့ဆိုတာကတော့ အတော်ခက်ပါ တယ်။
အချိန်ခဏလေးစောင့်ပါ။ ဆန္ဒတွေမစောကြပါနဲ့ဦး။ မြန်မာနိုင်ငံသားလူငယ်တွေ ပြည်ပကျွန်ထွက်ခံရ၊ အမျိုးသမီးတွေ အိမ် ဖော်ထွက်လုပ်ရတဲ့ဘ၀က ကျွတ်ပြီး ကျွန်တော်တို့ မလုပ်ချင်တဲ့အလုပ်ကြမ်းတွေ အိမ်ဖော်အလုပ်တွေကို တန်ဖိုးရှိလှတဲ့ မြန်မာ “ကျပ်ငွေ” ငမ်းငမ်းတက်လိုချင်လို့ အလုပ်လာရှာကြတဲ့နိုင်ငံခြားသားတွေကို လက်ညှိုးထိုး ခါးထောက်ခိုင်းနိုင်တဲ့ ဘ၀ရောက်ပြီဆိုရင် ‘မြန်မာကွ’ လို့ ကျွန်တော် လက်မထောင်နေမှာပါ။ ။
Photo / abc.net.au