သံအမတ်ကြီး ဦးသက်ထွန်း - "ဒေါက်တာဗမော်"
(သံအမတ်ကြီး ဦးသက်ထွန်း၊ ၁၉၅၄ခုနှစ်၊ ဇူလိုင်လထုတ်၊ ဂါးဒီးယန်း မဂ္ဂဇင်း)
(ပြန်လည်ဆန်းသစ်ခြင်း) မိုးမခ၊ နိုဝင်ဘာ ၁၁၊ ၂၀၁၅
ဒေါက်တာဗမော်ကို မိတ်ဆက်ပေးရန်မလိုပါ။ သို့သော် သူ့ကိုရှင်းပြရန် အတော်လိုအပ်ပါမည်။ အထူးသဖြင့် ၁၉၃၀ခုနှစ်တို့တွင်ကြီးပြင်းလာ၍ ယခုနိုင်ငံရေးအာဏာလက်ကိုင်ထားသူတို့ သို့။ (ဤဆောင်းပါးရေးချိန် ၁၉၅၄ခုနှစ်) ထိုမျိုးဆက်နှင့်သူ့အကြား ဗြိတိလျှကို တော်လှန်လိုစိတ်နှင့် မြန်မာ့လွတ်လပ်ရေးရရှိလိုစိတ် မှလွဲ၍ တူညီချက် ဘာမျှမရှိ။ သို့ကြောင့်ပင်၊ ဗြိတိလျှမင်းတရားနှင့် နိပွန်မာစတာတို့၏ရန်ကင်းသွားသွားချင်း၊ ၎င်းတို့ လက်တွဲဖြုတ်ကြတော့သည်။ ဤအကွဲအပြဲကို ဖာထေးပေးနိုင်သူမှာ တတိယမျိုးဆက်ဖြစ်၍ ပထမမျိုးဆက်၏ယဉ်ကျေးမှု၊ ဒုတိယမျိုးဆက်၏စိတ်ထက်သန်မှုတို့ကို ပေါင်းစပ်ထားမည့်သူတို့ဖြစ်၏ ။
သီပေါမင်းပါတော်မူပြီးနောက် စစ်နိုင်သူဗြိတိလျှတို့အား ခုခံတိုက်ခိုက်သောကြောင့် ပြည်နှင်ဒဏ်ခံရသော နန်းတော်သားမောင်မောင်ကျေး၏ သားဖြစ်သူဒေါက်တာဗမော်သည် ဘမျိုးဘိုးတူ သူပုန်စိတ်အမြဲရှိခဲ့လေသည်။အစပထမ အစိုးရအထက်တန်းကျောင်းဆရာဘ၀တွင် အင်္ဂလိပ်ကျောင်းအုပ်နှင့်မတည့်၍ အလုပ်မှနှုတ်ထွက်ခဲ့၏ ။အင်္ဂလန်နိုင်ငံ ကိန်းဘရစ်တက္ကသိုလ်တွင်ပညာသင်စဉ် ၎င်း၏ အင်္ဂလိပ်နည်းပြနှင့် စကားများပြီး ပြင်သစ်နိုင်ငံ ဘော်ဒိုးတက္ကသိုလ်သို့ ပြောင်းရွှေ့ခဲ့၏ ။ စစ်ကြိုခေတ် ဥပဒေပြုလွှတ်တော်တွင် အင်္ဂလိပ်မဲတို့ကြောင့်နန်းရင်းဝန်ရာထူးမှ ပြုတ်ကျခဲ့၏ ။ ဂျပန်ခေတ်က ဂျပန်တို့ကိုပြောင်ပြောင်တင်းတင်းအာခံသော တစ်ဦးတည်းသော မြန်မာခေါင်းဆောင်ဖြစ်ခဲ့၏ ။ ဤသို့တော်လှန် ပုန်ကန်လုပ်ဆောင်မှုတို့၏ အခြေခံမှာ ၎င်း၏ အမျိုးသားဂုဏ်နှင့် ကိုယ်ပိုင်ဂုဏ်တို့ပေါင်းစပ်ထားသော ရဲရဲတောက်စိတ်ဓာတ်ဖြစ်၏ ။
ရန်ကုန်၊ ကိန်းဗရစ်နှင့် ဘော်ဒိုးတက္ကသိုလ်တို့တွင် ပညာသင်ကြားခဲ့ပြီး အင်္ဂလန်ဝတ်လုံတော်ရဘွဲ့ဆွတ်ခူးခဲ့သူအဖြစ် ဒေါက်တာဗမော်သည် မြန်မာပြည်တွင် ပညာအတတ်ဆုံးပုဂ္ဂိုလ် တစ်ဦးဖြစ်ပါသည်။ ပညာကိုလွန်စွာတန်ဖိုးထား၍ ပညာတတ်တို့နှင့်သာနေသာထိုင်သာရှိပါသည်။ နိုင်ငံရေးသမားတို့အနက် ပညာတတ်အကျော်အမော်ဖြစ်၍ သူ မာနကြီးသည်ဆိုလျှင် ပညာမာနသာ ဖြစ်ပါလိမ့်မည်။ အမြဲတစေ သတိဖြတ်လတ်၍ ဘ၀ကိုချဉ်းကပ်နည်းမှာ ပညာရှိက၀ိနည်းဖြစ်ပါသည်။ ဤနေရာတွင် အန္ဒိယခေါင်းဆောင်နှင့် တူငြားသော်လည်း ထူးခြားသည်မှာ သူတို့နှစ်ဦးကြားခင်မင်မှု မရှိခြင်းဖြစ်၏ ။စစ်အတွင်းအဓိပတိအဖြစ် လူထုနားလည်မည်ထင်သောစကားဖြင့် မိန့်ခွန်းများပေးခဲ့သော်လည်း သူ့မိန့်ခွန်းတို့ကို လူထုကနားလည်နိုင်မည် မဟုတ်ပါ။
မျက်နှာဖြူ - အထူးသဖြင့်၊ အင်္ဂလိပ်တို့၏ကြီးစိုးမှုကို ခံပြင်းတာချင်းတူငြားသော်လည်း တန်ပြန်မှုတွင် ဒေါက်တာဗမော်နှင့် သခင်လူငယ်တို့ခြားနားပါသည်။ သခင်လူငယ်တို့က အနောက်နိုင်ငံနည်းလမ်းတို့ကို ငြင်းပယ်ခဲ့ပါသည်။ ဒေါက်တာဗမော်ကမူ အင်္ဂလိပ်တို့အား၎င်းတို့၏ နယ်ပယ်တွင် ပင်အနိုင်ယူပါသည်။ ၎င်းတို့၏ အကောင်းဆုံးကျောင်းတို့သို့ သွား၊ ၎င်းတို့၏အကောင်းဆုံးအမူအရာကို အတုယူ၊ ၎င်းတို့၏စကားကို ၎င်းတို့အများစုထက် ပိုမိုသွက်လက်စွာပြောဆိုနိုင်၏ ။ သခင်တို့သည် ဗြိတိလျှနယ်ချဲ့တို့၏ အပေါ်ယံကြောအမူအရာတို့ကိုမုန်းတီးသော်လည်း၊ ဒေါက်တာဗမော်ကမူ အင်္ဂလိပ်တို့၏မာန်မာနနှင့် လူပေါ်လူဇော်စိတ်ဓာတ်ကိုထုတ်ဖော်ဝေဖန်လေသည်။ အမျိုးသားဝါဒီလူငယ်တို့က ၎င်းတို့၏ အမည်ရှေ့တွင် “ သခင် “စာလုံးတတ်ကြသော်လည်း၊ဒေါက်တာဗမော်ကမူ ၎င်း၏အမည်ရှေ့တွင် ပညာဂုဏ်ဒြပ် “ ဒေါက်တာ “ ဘွဲ့ကိုတပ်လေသည်။ ၎င်း၏ ဘော်ဒိုးတက္ကသိုလ်မှပါရဂူဘွဲ့ကိုကြွားဝါလို၍မဟုတ်ဘဲ၊ ဗြိတိလျှ “ ဆပ် “ အား တိုင်းရင်းသားတို့စာတတ်ကြောင်းကို သတိပေးလိုခြင်းကြောင့်ပေ။
မြန်မာ့နိုင်ငံရေးသမားများအနက် ပညာအတတ်ဆုံး၊ လူခင်လူမင်အများဆုံးပုဂ္ဂိုလ်ဖြစ်သော်ငြားလည်း၊ ၎င်းအာဏာရသည်မှာ အတက်မြန်လွန်းသည့် မြန်မာနိုင်ငံတွင် မြန်သည်ဟု မယူဆနိုင်ပါ။ ဒေါက်တာဗမော်သည် ဆရာစံ၏တရားခံရှေ့နေအဖြစ် နာမည်ရပြီးနောက် ၁၉၃၀ခုနှစ် စောစောပိုင်းနှစ်များက နိုင်ငံရေးထဲဝင်၍ ဆင်းရဲသားဝံသာနုပါတီကို တည်ထောင်ခဲ့၏ ။ ဒိုင်အာခီအစိုးရတွင်ပညာရေးဝန်ကြီးအဖြစ်ဆေင်ရွက်ခဲ့ပြီး ၁၉၃၈ခု အုပ်ချုပ်ရေးဥပဒေအောက်တွင် ညွန့်ပေါင်းအစိုးရတစ်ရပ်ဖွဲ့စည်းခဲ့သည်။ ၁၉၃၉ခု တက္ကသိုလ်သပိတ် အတွင်း အဝေဖန်ခံရပြီး ဥပဒေပြုလွှတ်တော်တွင် နိုင်ငံရေးအတိုက်အခံဦးစော (အဘက်ဘက်တွင် ဒေါက်တာဗမော်နှင့် ပြောင်းပြန်) ၏ အင်္ဂလိပ်ကုန်သည်ကြီးများအသင်း အကူအညီဖြင့် ဖြုတ်ချခြင်းကို ခံခဲ့ရပါသည်။
ဒေါက်တာဗမော်သည် ကျောင်းသားခေါင်းဆောင်တို့နှင့်ပြန်လည် သင့်မြတ်ပြီး ဂျပန်ဝင်မသိမ်းမီ “ လွတ်လပ်ရေး ထွက်ရပ်ဂိုဏ်း “ ကိုတည်ထောင်ခဲ့၏ ။ စစ်အပြီးတွင် ဗြိတိလျှတို့က မြန်မာပြည်အား ကိုယ်ပိုင်အုပ်ချုပ်ရေး ပေးမည်ဟု ကတိမပြုပါက ၎င်းထွက်ရပ်ဂိုဏ်းက စစ်ကြိုးပမ်းမှုတွင် ပါဝင်ဆောင်ရွက်လိမ့်မည်မဟုတ်ဟု ကြေညာခဲ့ပါသည်။ အခြားနိုင်ငံရေးခေါင်းဆောင်များနှင့်အတူ ထိုစဉ်က ၀န်ကြီးချုပ်ဦးစော၏ ထောင်သွင်းအကျဉ်းချခြင်းကို ခံရ၏ ။၎င်း၏ ချစ်ဇနီးအကူအညီဖြင့် မိုးကုတ်ထောင်မှ လွတ်မြောက်ပြီး ဗြိတိလျှဆန့်ကျင်ရေးအရည်အချင်းရှိသော ခေါင်းဆောင်တစ်ဦးကို ရှာဖွေနေသော ဂျပန်တို့က ၎င်းအား အုပ်ချုပ်ရေးမှူးအဖြစ် ခန့်အပ်ခဲ့သည်။ မြန်မာပြည်အား ဂျပန်က လွတ်လပ်ရေးပေးသောအခါ ဒေါက်တာဗမော်သည် နိုင်ငံတော်အဓိပတိဖြစ်လာလေသည်။
ဒေါက်တာဗမော်၏ခေါင်းဆောင်မှုသည် ဂျပန်ခေတ်တွင် မှတ်ကျောက်အတင်ခံရလေသည်။
အားလုံးခြုံပြောရ လျှင် သူ၏ဆောင်ရွက်မှုမှာ ချီးကျူးဖွယ်ရာပင်။ မှန်ပါသည်။ သူ့အားတပည့်တပန်းတို့က တရားလွန်မြှောက်ပင့်ခြင်းကို ခွင့်ပြုခဲ့၏ ။ အစိုးရရာထူးကလေးများ ခန့်အပ်ရာတွင် သူ၏ဇနီးဝင်ပါခြင်းကို ခွင့်ပြု ခဲ့၏ ။ အခြားကိစ္စတို့တွင်ကား သူအကောင်းဆုံး ဆောင်ရွက်ပေးခဲ့၏ ။ အနောက်ဆန့်ကျင်ရေးဝါဒကို ယုံယုံကြည်ကြည်နှင့် စတုတ္ထ အင်္ဂလိပ်-မြန်မာစစ်ပွဲကို ကြေညာခြင်းအားဖြင့် မြန်မာပြည်တွင်ဂျပန်၏ ရက်စက်ကြမ်းကြုတ်မှုနှင့် နှိမ်နင်းမှုတို့ကို လျော့ချစေခဲ့၏ ။
၎င်းတို့သိမ်းပိုက်ထားသည့်နယ်မြေတိုင်းရှိ ခေါင်းဆောင်တို့အတွက် ဂျပန်တို့ကလျာထားသည့် ရုပ်သေးနေရာကို ယူမည့်အစား ဒေါက်တာဗမော်သည် အခါအခွင့်ရတိုင်း ဂျပန်စစ်ဝါဒီတို့အား အာခံ သိက္ခာချခဲ့သည်။ အရေးကြီးဆုံးကိစ္စမှာ ဂျပန်ဗီတိုမှအပ ကိုယ်ပိုင်အာဏာကုန် လက်ဝယ်ရှိနေသည့်အချိန်တွင် လူတစ်ဦးတစ်ယောက်ကိုမျှ ရန်မမူခဲ့ဘဲ၊ မိမိ၏ ယခင်ရန်သူတို့ကိုပင် အကာအကွယ်ပေးခဲ့လေသည်။ ၎င်း သဘောထားကြီးခဲ့မှုကို ၎င်း၏ရန်သူတို့ကပင် မငြင်းခဲ့။
မျိုးချစ်လူငယ်တို့၏ ဂျပန်ဆန့်ကျင်ရေးမြေအောက်လှုပ်ရှားမှုများ စတင်သည့်အခါ ဒေါက်တာဗမော်သည် မသိချင်ယောင်ဆောင်ပြီး တတ်နိုင်သမျှ အကာအကွယ်ပေးခဲ့သည်။ ငြိမ်းချမ်းရေး ချစ်မြတ်နိုးသူတစ်ဦးအနေဖြင့် စစ်အတွင်း တိုင်းပြည်အုပ်ချုပ်ရသည်မှာ ဆန်းကျယ်သည့်ကံကြမ္မာ ပေတည်း။
၎င်း၏ နေရာဆက်ခံသည့်လူငယ်တို့တွင် ၀မ်းနည်းဖွယ်ရာချို့တဲ့သည့် ၎င်း၏ဉာဏ်ပညာနှင့် အုပ်ချုပ်မှုအရည်အချင်းတို့ကို ထိုဆူပူသည့်အချိန်တွင် အသုံးချခွင့်မရခဲ့ပေ။
လွတ်လပ်ရေးတိုက်ပွဲနောက်ဆုံးအဆင့်တွင် စစ်ကာလအတွင်း လုပ်ဖော်ကိုင်ဖက်တို့နှင့် ဒေါက်တာဗမော် ပြန်လည် လက်မတွဲနိုင်ခဲ့ခြင်းကို နှစ်ဖက်သော မိတ်ဆွေတို့ စိတ်မကောင်းခဲ့။ သို့သော် ဗြိတိလျှအစိုးရအနေဖြင့်- အမြင်ကြည်လင်သော လေဘာအစိုးရပင်ဖြစ်လင့်ကစား - ဗိုလ်ချုပ်အောင်ဆန်း၊ သခင်နုတို့မဟုတ်ဘဲ ဒေါက်တာဗမော် ခေါင်းဆောင်သော ဖဆပလအား အလွယ်တကူ အာဏာလွှဲပေးမည်မဟုတ်ပါ။ စစ်ကြိုခေတ်ကတည်းက ဗြိတိလျှတို့က ဒေါက်တာဗမော်ကို ၎င်းတို့အား အမုန်းတီးဆုံး မြန်မာခေါင်းဆောင်အဖြစ် မှတ်သားထားခဲ့ခြင်းကြောင့်ပင်။
သမိုင်းနောက်ကြောင်းပြန်နေလျှင်အချီးနှီးပင်ဖြစ်၍ ဒေါက်တာဗမော်ကို လူတစ်ဦးအနေနှင့်ကြည့်ကြစို့။
ဒေါက်တာဗမော်၏ ဥပဓိကောင်းပုံမှာ အကျော်အကြားဖြစ်၏ ။လူကိုဆွဲဆောင်နိုင်၏ ။လူကိုချမ်းမြေ့စေ၏ ။ လူကို လောင်းရိပ်မိစေ၏ ။ သူ၏ အောက်တွင် အပင်ငယ်များသာပေါက်နိုင်သော ကုက္ကိုပင်ကြီးသဖွယ်ဖြစ်၏ ။ တကယ့်လုပ်ဖော်ကိုင်ဖက်၊ တန်းတူနီးပါးပုဂ္ဂိုလ်ကို နေရာမပေးနိုင်။ ထို့အတွက်ကြောင့် ၎င်းတွင် လက်ထောက်ကောင်းကောင်း မရှိဘဲ၊ မြှောက်ပင့်တတ်သူတို့သာ ၀ိုင်းနေခဲ့၏ ။ ကိုယ့်အားကိုယ်ကိုးသူတစ်ဦး၏ မိမိကိုယ်မိမိ ယုံကြည်မှုမှ ထွက်ပေါ်လာသည့် ဟန်ကြီးပန်ကြီး အမူအရာကြောင့် သခင်လူငယ်တို့ သူ့အားကျဉ်ကြသည်။ သူကလည်းသခင်လူငယ်တို့ကို မယုံကြည်ခဲ့။
သူ၏နာမည်ကျော်တစောင်းခေါင်းပေါင်း၊ သူ၏ “ ဓားမ “ ၀တ်စုံ(သူ့လိုမချောသော တပည့်များဝတ်လျှင် အလွန်ရီစရာကောင်းသည်)၊ သူ၏ ကလေးတို့နာမည်နောက်တွင် သူ့နာမည်အစွန်းထည့်ခြင်း( ဥပမာ- ဇာလီမော်၊ တင်ဇာမော်) တို့မှာ သူ၏တီထွင်မှုတစ်ချို့ဖြစ်သည်။ ချာချီကဲ့သို့ စကားအရာ ကျွမ်းကျင်၍ “ တစ်သွေး၊ တစ်သံ၊ တစ်မိန့် “ ၊ “ အမျိုးသားကွန်မြူနစ်ဝါဒ “ စသည့် စကားလုံးသစ်များတီထွင်ခဲ့သည်။
အိမ်တွင်ဒေါက်တာဗမော်သည် လင်ကောင်းပီသ၍ ကလေးများအပေါ်ကြင်နာအလိုလိုက်သော ဖခင်ဖြစ်၏ ။ မိတ်ဆွေများအပေါ်လည်းသစ္စာရှိ၏ ။ နန်းရင်းဝန်ဖြစ်စေ၊ အာဏာရှင်ဖြစ်စေ၊ အဓိပတိဖြစ်စေ၊ သူသည် “ မော် “ သာဖြစ်၏ ။ သူ၏ သက်ဝင်သွက်လက်သောအမူအရာကြောင့် ပါတီအခမ်းအနားတို့တွင် ပရိသတ်ဝိုင်းဝိုင်းလည်ဖြစ်၏ ။မွေးရာပါမင်းသားကြီးပင်။ ၀တ်ကောင်းစားကောင်းကြိုက်သော်လည်း၊ လိုအပ်ပါက ဒုက္ခဆင်းရဲခံနိုင်၏ ။အလုပ်ဇောက်ချလုပ်နိုင်၍ အလွန်စာဖတ်ဝါသနာပါ၏ ။နိုင်ငံရေးသမားအားလုံးကဲ့သို့ နာရီပေါင်းများစွာစကားပြောနိုင်သော်လည်း၊ သူ၏ တိုတိုတုတ်တုတ် မိန့်ခွန်းတို့မှာ သူ့နေရာဆက်ခံသူတို့ အတုယူဖွယ်ရာပင်။
အလွန်အာခံသော သခင်တို့ပင်လျှင် ဒေါက်တာဗမော်၏ လောင်းရိပ်ချ ဥပဓိရုပ်ကို အသိအမှတ်ပြုကြ၏ ။ သို့သော်၎င်း၏ဥပဓိရုပ်က ၎င်း၏အတွေးအခေါ်ကို လွှမ်းမိုးသွားသည်မှာ တစ်ခါတစ်ရံ နှမြောစရာပင်။ အကြောင်းမှာ ဒေါက်တာဗမော်တွင် အတွေးအခေါ် မခေါင်းပါးခြင်းကြောင့်ပင်။ ၎င်းသည် မြန်မာထဲမှ မတ်ခ်စာပေကို အဖတ်ဖူးဆုံးဖြစ်သည်။
သခင်လူငယ်တို့ အမျိုးသားဝါဒီသက်သက်ဖြစ်စဉ်က ဒေါက်တာဗမော်သည် ၎င်း၏စစ်ကြိုခေတ်နိုင်ငံရေးပါတီကို ဆင်းရဲသားပါတီဟု ခေါ်ဝေါ်၍ “ လယ်ယာစိုက်ပျိုးသူတိုင်း တစ်ဦး ၅ ဧက “ ဟုကြွေးကြော်ခဲ့၏ ။ “ ကမ္ဘာ့အမြင်ရှင် “ အနေဖြင့် “ ကမ္ဘာက ကျုပ်တို့ကို ဘယ်လိုမြင်မလဲ “ ဟု မေးလေ့ရှိ၏ ။အပြင်လောကကို တစ်ချိန်လုံးကြည့်နေ၍ မိမိနိုင်ငံတွင်းက နိုင်ငံရေးလှုပ်ရှားမှုကို လွတ်တတ်ခြင်းလည်း ရှိနိုင်ပါသည်။ လွတ်လပ်သောနိုင်ငံတကာအမြင်ရှိ၍ ဘာသာရေးမလိုက်စားသူတစ်ဦး၏ ခေါင်းဆောင်မှုမျိုးမှာ မြန်မာလူထုကို ဆွဲဆောင်နိုင်လိမ့်မည် မဟုတ်ပါ။ ကိုယ်ကျိုးမငဲ့ အခြင်းအရာကလေးများက ဆွဲဆောင်တတ်သော မြန်မာပြည်သူပြည်သားတို့အနေဖြင့် မြန်မာနိုင်ငံ၏ ပထမတန်းပုဂ္ဂိုလ်ကြီးက ဒုတိယနေရာကို ငြင်းဆန်မှုကိုစိတ်ပျက်ခဲ့ကြပါသည်။
အေးချမ်းသော ဘာသာတရားကိုရင်ဝယ်ပိုက်သော ယောက်ျားပီသ မြန်မာတို့သည် သမိုင်းတလျှောက် ၎င်းတို့၏ခေါင်းဆောင်အဖြစ် စစ်သည်နှင့် သူတော်စင်တို့ကိုသဘောကျခဲ့ကြ၏ ။ ကိုယ်ရေးသတ္တိမနည်းသော်လည်း၊ စစ်အတွင်းက ဗိုလ်ချုပ်ကြီးဝတ်စုံကို အမြတ်တနိုးဝတ်သော ဒေါက်တာဗမော်သည် စစ်သားမဟုတ်ပါ။ တရားကျင့်သူတော်စင် အထင်ခံရအောင်လည်း လောကီဆန် လွန်းအားကြီးပါသည်။ မြန်မာနိုင်ငံတွင် ပါလီမန်ဒီမိုကရေစီ ပေါ်သည်မှာ မကြာသေးသဖြင့် လူထုအနေဖြင့် ပါလီမန်ဒီမိုကရေစီနိုင်ငံတို့တွင် အုပ်ချုပ်ကြသည်မှာ စစ်သည်နှင့် သူတော်စင်တို့ မဟုတ်၊ လောကီဆန်နိုင်ငံရေးခေါင်းဆောင်ကြီးတို့ ဖြစ်ကြောင်း သိချင်မှ သိပေမည်။ ဒေါက်တာဗမော်သည် နိုင်ငံအုပ်ချုပ်သူ အဆင့်အတန်းမီပါသည်။ သို့သော်မြန်မာ့နိုင်ငံရေးလောကထဲ အရောက် စောသွားပါသည်။
သံအမတ်ကြီး ဦးသက်ထွန်း
၁၉၅၄ခုနှစ်၊ ဇူလိုင်လထုတ်၊ ဂါးဒီးယန်း မဂ္ဂဇင်း
Credit - https://www.facebook.com/Dr-Ba-Maw-433371973516096/?fref=photo