ရန်လိုကျွဲ - ပြည်သူ့ပါတီ ဘာကြောင့် ရှုံးရသလဲ (သရော်စာ)
(မိုးမခ) နိုဝင်ဘာ ၂၇၊ ၂၀၁၅
(မိုးမခ) နိုဝင်ဘာ ၂၇၊ ၂၀၁၅
ဒုက္ခသီရိနေပြည်တော်တွင် ပြည်သူ့ပါတီက အစိုးရဖွဲ့ပြီး အုပ်ချုပ်ခဲ့၏။ ပြည်သူ့ပါတီဟု ဆိုရခြင်းမှာ ပြည်သူအများ ချစ်ခင်လေး စားသောကြောင့် မဟုတ်ချေ။ အများပြည်သူပိုင် ပန်းခြံ၊ အဆောက်အအုံ၊ ဘဏ္ဍာငွေတို့ကိုစိတ်တိုင်းကျသုံးစွဲသောကြောင့် ပြည်သူ့ပါတီဟု အမည်တွင်လာခြင်းပင်တည်း။ အဓိကအတိုက်အခံတို့မှာ ငရုပ်ဆုံပါတီဟု အမည်ပြောင်ပေးခြင်း ခံရလေ သည်။
အဘယ်ကြောင့် ဆိုသော် ငရုပ်ဆုံကဲ့သို့ အမြဲတမ်းအထုအထောင်းခံရသောကြောင့်ဖြစ်၏။ နှစ်ပေါင်း ၂ဝ ကျော် ရောသမမွှေ ထုထောင်းခံရသော်လည်း ငရုပ်ဆုံပါတီကို လွန်စွာ လူကြိုက်များလှ၏။ ပါတီခေါင်းဆောင်မှာ ပုံမှန်အားဖြင့် နေအိမ်အကျယ် ချုပ်ဖြင့်သာ နေရသည်။ ပါတီဝင်တို့မှာလည်း အထူးနှိပ်ကွပ်ခံရသည်။ အာဏာပိုင်တို့ ဖိနှိပ်လေငရုပ်ဆုံတို့ကို လူကြိုက်များ လေတည်း။ ငရုပ်ဆုံတို့က တစ်ခုသောရွေးကောက်ပွဲကို သပိတ်မှောက်ရာ ပြည်သူ့ပါတီအကြိုက်ဖြစ်သွားလေသည်။ ရွေး ကောက်ပွဲသည် ပြည်သူ့ပါတီတစ်ယောက်တည်းပြေးသောပြိုင်ပွဲကဲ့သို့ဖြစ်သော်လည်း ကြိုတင်မဲ၊ညစ်မဲများသုံးပြီး အနိုင်ရ ရန် ဖန်တီးမည့်ဟန် ပြင်လာ၏။
ဤတွင် တချို့သော ငရုပ်ဆုံ နိုင်ငံရေးသမားတို့က မခံမရပ်နိုင်ဖြစ်ပြီးပါတီမှခွဲထွက်ကာ ရွေးကောက်ပွဲဝင်ကြလေသည်။ သံ ယောဇဉ်မကုန်သောကြောင့် ပါတီတံဆိပ်ကို ငရုပ်ဆုံတစ်လုံးပုံ အသုံးပြုရာ လူကြိုက်များလာသည်။ ဒုက္ခသီရိ၏ ထုံးစံအတိုင်း ညီညွတ်မှုအားနည်းသောကြောင့် ပါတီသစ်တွင်လည်းထပ်မံ ခွဲထွက်သူပေါ်လာသည်။ ခွဲထွက်သူတို့၏ ပါတီတံဆိပ်မှာ ငရုပ်ဆုံသုံးလုံး ဖြစ်လေသည်။ သူတို့လည်း ပါတီသံယောဇဉ် မကုန်ကြသူများပင်။
ငရုပ်ဆုံ တံဆိပ်ကို အသုံးပြုကြသောကြောင့် ၎င်းတို့ကိုလည်း လူကြိုက်များလာသည်။ ရွေးကောက်ပွဲတွင် အတိုင်းအတာ တစ်ခုအထိ နိုင်သောကြောင့် လွှတ်တော်ထဲရောက်သွားသည်။ ငရုပ်ဆုံမျိုးဆက်ဖြစ်သောကြောင့်လည်းကောင်း၊ ပင်ကိုယ်အရည်အချင်းကြောင့်လည်းကောင်း အသံကျယ်သူများ ဖြစ်လာသည်။ ဤအခြင်းအရာတို့မှာ ဒုက္ခသီရိ၏ နောက်ခံအခင်း အကျင်းဖြစ်လေသည်။ ယခုနှစ် ရွေးကောက်ပွဲရာသီတွင် မည်သည့်ပါတီမျှ သပိတ်မှောက်ခြင်းမရှိသဖြင့်ပြိုင်ပွဲက အလွန်မြိုင်ဆိုင်လှသည်။ငရုပ်ဆုံလေးများကို မဲဆန္ဒရှင်တို့က ချစ်ခင်သော်လည်း ၎င်းတို့၏မဲများကိုတစ်နေရာတည်းတွင် စုပြုံထည့်ရာ ပင်မ ငရုပ်ဆုံပါတီကြီး သောင်ပြိုကမ်းပြိုနိုင်သွားသည်။ အရှုံးကြီးသူမှာ အာဏာရ ပြည်သူ့ပါတီဖြစ်၏။ အာဏာရရှိထား သည့်အင်အားကြီး ပြည်သူ့ပါတီ အဘယ့်ကြောင့် ရှုံးရသနည်း။ ရှုံးရခြင်း အကြောင်းရင်းတို့ကို ဖော်ပြလိုက်သည်။
လူကြမ်း
====
ဇာတ်ခုံပေါ်တွင် မင်းသား၊ မင်းသမီးတို့ကို ပရိသတ် ဂရုဏာသက်စေရန် အဓိကလုပ်ဆောင်ပေးရသူတို့မှာ လူကြမ်းများဖြစ် သည်။ လူကြမ်းတို့ အနိုင်ကျင့်လေ မင်းသား၊ မင်းသမီးတို့ကို ပရိသတ်ချစ်လေတည်း။ ဒုက္ခသီရိ၏ နိုင်ငံရေးဇာတ်ခုံသည်လည်း ထိုနည်းလည်းကောင်းပင်။ ဇာတ်ခုံပေါ်မှလူကြမ်းတို့၏ မကြာသေးမီနှစ်များအတွင်း လှုပ်ရှားမှုကြောင့် ပရိသတ်တို့ကမင်းသား၊ မင်းသမီးတို့ကို အချစ်ပိုကြ၊ လူကြမ်းတို့ကို အပြစ်ဆိုကြပြီးရွေးကောက်ပွဲကို ထိုင်စောင့်ကြသည်။ ရွေးကောက်ပွဲရောက်လျှင် ပရိသတ်ကဘယ်ပါတီကို မဲထည့်သင့်ကြောင်း သိနားလည်ပြီး ဖြစ်ကြလေ၏။ လူကြမ်းတို့၏ကောင်းမှုပင်တည်း။
ကိုယ့်ကိုယ်ကိုယ် အထင်ကြီးခြင်း
==================
ပြည်သူ့ပါတီမှ လူကြမ်းများက ကိုယ့်ကိုယ်ကိုယ် မင်းသား၊ မင်းသမီးထင်နေကြသည်။ ငါတို့ ဟိုတုန်းက ထင်ရာစိုင်းခဲ့တာ မှန်ပေမယ့် အခု နည်းနည်းလိမ္မာပြ၊ လေသံ လျှော့ချ၊ ယူနီဖောင်းပြောင်းလိုက်ကြသောကြောင့် ငါတို့ကို၇ ရက်သားသမီး ချစ်မြတ်နိုးကြပြီဟု ယူဆထားကြသည်။သူတို့၏အထင် တက်တက်စင်အောင်မှားကြောင်း ရွေးကောက်ပွဲအပြီးတွင်တွေ့ရလေသည်။ မဲဆွယ်ရာတွင် ဇူလိုင်သဉ္စာကဲ့သို့သော နာမည်ကြီး မော်ဒယ်များ၊ အဆိုတော်များကို ခေါ်ယူအားဖြည့်ခြင်းကြောင့်သာ
နေရာတချို့တွင် အနိုင်ရလေသည်။ သို့သော်လည်း ပြောပလောက်သော အောင်မြင်မှုမဟုတ်ပေ။
၅ သိန်း
====
ဒုက္ခသီရိကို လူတတ်ကြီးများ နှစ်ပေါင်း ၅ဝ အုပ်ချုပ်ပြီးသွားသောအခါတိုင်းပြည်မှာ အကြွေး တပုံတခေါင်းဖြစ်ကျန်ရစ် လေသည်။ အကြွေး မည်မျှများပြားသနည်းဟု တွက်ချက်ရာ လူတစ်ဦးလျှင် ငွေ ၅သိန်းကျစီထည့်ဝင်ပြီးဆပ်မှ အကြွေး ကြေမည်ဟူသတတ်။ ဒီလူကြီးတွေဆက်အုပ်ချုပ်ရင် အကြွေးပမဏ ထပ်တိုးလာမည်ကို အထူး စိုးရိမ်ကြသဖြင့်လူတတ်ကြီးများကို ပညာပေးရေးအတွက် ရွေးကောက်ပွဲကိုသာ စောင့်စားခဲ့ကြလေသည်။ ထိုငါးဂဏန်းက မည်မျှအထိ ဖိစီးသနည်းဟူမူ တချို့က ငရုပ်ဆုံပါတီအမတ်လောင်းကို မဲပေးစဉ် တံဆိပ်တုံး ငါးကြိမ်ထုမိသဖြင့် ၎င်းတို့၏မဲများ ပယ်မဲ ဖြစ်သွားကြသေးသည်။
မြေသိမ်းမှု
=====
မြေသိမ်း၊ ယာသိမ်းမှု၊ အောက်ဈေးဖြင့် ခြိမ်းခြောက်ဝယ်ယူမှုတို့မှာဒုက္ခသီရိတိုင်းပြည်အနှံ့ ပေါ်ပေါက်ခဲ့ရာ လက်သည်မှာပြည်သူ့ပါတီခေါင်းဆောင်တို့နှင့် ဆက်စပ်နေသူများသာဖြစ်သည်။ထိုဖြစ်ရပ်နှင့် ပတ်သက်ပြီး တောင်းပန်စကားပြောဆိုခြင်းမရှိ၊ ပြေလည်အောင်ဖြေရှင်းနိုင်ခြင်း မရှိပေ။ မဲပေးသူတို့က … "မင်းတို့တွေ ရွေးကောက်ပွဲမှာအကြောင်းသိစေရမယ်"ဟု ကြိမ်းဝါးထားကြသည်။ ယခု သူတို့ကြိမ်းဝါးထားသည့်အတိုင်း ဖြစ်လာလေသည်။ မြေသိမ်းပြီး ပြန်မပေးမှုသည်လည်း ပြည် သူ့ပါတီ မဲရှုံးရသည့် အဓိကအကြောင်းတစ်ခုဟု ဆိုရမည်ဖြစ်သည်။
စကားလုံး ပိသေခြင်း
==========
ပြည်သူ့ပါတီ၏ အကြံပေးအရာရှိ၊ အလယ်အလတ်ခေါင်းဆောင်၊ထိပ်တန်းခေါင်းဆောင်တို့၏ ပြောစကားများကို စာနယ်ဇင်း တို့တွင် မကြာခဏကိုးကားကြသည်အထိ ၎င်းတို့၏ ဒိုင်ယာလော့တို့ ထင်ရှားကြသည်။ နယ်လှည့်ပါးရိုက်လာတာကွ ဟူ သော အလယ်အလတ် ခေါင်းဆောင်တစ်ဦးကလည်းရွေးကောက်ပွဲဝင်၏။ နှစ်အနည်းငယ်အတွင်း စင်္ကာပူလိုဖြစ်အောင်လုပ် ပေးမည်ဟုခပ်တည်တည် အာမခံသောခေါင်းဆောင်ကလည်း ရွေးကောက်ပွဲ ဝင်၏။ ဆိုက်ကားနင်းရုံဖြင့် သူဌေးဖြစ်တော့ မည်ဟု ဆိုသူကဆို၊ အသုံးစားရိတ် တစ်နေ့ကျပ်နှစ်ထောင်ဖြင့် ရောင့်ရဲသင့်သည်ဟု တရားဟောသူကဟော။လူထုနှင့်ကင်းကွာသောစကားများ ပြောဆိုသူတို့ကို ခပ်ကင်းကင်းနေရန် လူထုကဆုံးဖြတ်လိုက်ရာ ဤသည်မှာလည်း ရွေးကောက်ပွဲ အရေး နိမ့်ခြင်းအကြောင်းရင်းတစ်ခု ဖြစ်ပြန်၏။
ထောက်လှမ်းရေး သတ်ခြင်း
=============
ပြည်သူ့ပါတီသည် ရွေးကောက်ပွဲမတိုင်ခင် ကာလများစွာကတည်းကပင် မဲများများရနိုင်ချေ ရှိမရှိ စနည်းနာခြင်း၊ ထောက် လှမ်းခြင်းတို့ကို နေရာအနှံ့တွင်ပြုလုပ်ထားသည်။ အောက်ခြေမှ ထောက်လှမ်းရေးသတင်းများ အထက်ခေါင်းဆောင်တို့ အကုန် သိရှိကြသည်။
အထက်ခေါင်းဆောင်တို့သည် ရေဘူးပေါက်တာ မလိုချင်ဘူး၊ ရေပါတာပဲ လိုချင်တယ်ဟူသော ဆောင်ပုဒ်ကို လက်ကိုင် ထားသူများ ဖြစ်သောကြောင့်ထောက်လှမ်းရေးတို့ကလည်း လူကြီးကြိုက်သတင်းကိုသာ ဆက်သကြကုန်၏။ ရွေးကောက်ပွဲ နိုင်ခြေရှိကြောင်း၊ အကြီးအကျယ် မဲဆွယ်စရာ မလိုအပ်ကြောင်းအစီရင်ခံကြလေကုန်၏။ ထောက်လှမ်းရေးသတင်းကို ယုံမှတ်၍ ပုံအပ်မိခြင်းကိုယခုမှ နောင်တကြီးစွာရနေပြီဟု ဆိုသည်။
ခေါင်းဆောင်မှု ပြိုကွဲခြင်း
===========
ရွေးကောက်ပွဲ အကြီးအကျယ်ရှုံးရခြင်း၏ အဓိက အကြောင်းရင်းမှာခေါင်းဆောင်ပိုင်း ညီညွတ်ရေး မရှိခြင်းကြောင့်ဖြစ်သည်ဟု တချို့ကသုံးသပ်ကြသည်။ တချို့ကတော့ ဤအခြင်းအရာသည် သာမည အကြောင်းရင်းသာ ဖြစ်သည်ဟုသုံးသပ်သည်။ သုံးသပ်ချက် မည်သို့ပင် ကွဲပြားကြစေကာမူခေါင်းဆောင်ပိုင်းကတော့ ညီညွတ်မှု ပျက်ယွင်းခဲ့၏။ ဇာတ်လမ်းမှာငရုပ်ဆုံပါတီ ဥက္ကဋ္ဌက ပြည်သူ့ပါတီဥက္ကဋ္ဌကို ရင်းနှီးအောင် ချည်းကပ်ရာမှအစပြုသည်။ ပါတီနှစ်ခု ပြိုင်ဘက်ဖြစ်သော်လည်း ပါတီဥက္ကဋ္ဌ နှစ်ယောက် လွန်စွာမှပနံသင့်ကြခြင်းမှာ ခေတ်သစ် ဒုက္ခသီရိနိုင်ငံရေး၏ ထူးခြားချက်တစ်ခုဖြစ်လာသည်။ နိုင်ငံတကာက လည်း ပြိုင်ဘက်နှစ်ဦး မဟာမိတ်ဖွဲ့ခြင်းဟုအမည်ပေးပြီး စိတ်ဝင်တစား မျက်စေ့ဒေါက်ထောက် ကြည့်ကာ လေ့လာကြ ကုန်၏။တက္ကသိုလ်တချို့တွင် ဒုက္ခသီရိလေ့လာရေး ဟူသော သီးခြားဘာသာရပ်ပင်ပေါ်ပေါက်လာလေသည်။ ပြည်သူ့ပါတီ ခေါင်းဆောင်ပိုင်းနှင့် နောက်ကွယ်မှကြိုးကိုင်သူများက ဤအနေအထားကို လုံးဝ မကျေနပ်။ မည်သို့ ဖြေရှင်းမည်၊ရှင်းလင်းမည်၊ ရှင်းထုတ်မည်ကို ငါးရက် ငါးညတိုင်တိုင်ဆွေးနွေးတိုင်ပင်ကြသည်။ သဘောထားတင်းမာသူတချို့က ဥက္ကဋ္ဌကို ဇာတ်လမ်းဆင်ပြီးထောင်ထဲပို့သင့်သည်ဟု ဆိုကြသည်။ နောက်ဆုံးတွင် ဆုံးဖြတ်လိုက်ကြသည်မှာဥက္ကဋ္ဌကို ရာထူးမှ ဖြုတ်ချရေး ဟူသတည်း။
နေ့သင့်နံသင့်သော တစ်နေ့တွင် လုံခြုံရေးတပ်ဖွဲ့များ၏ အကူအညီကို ရယူပြီးပါတီဌာနချုပ်ရုံးကို ဝိုင်းလိုက်သည်။ ထို့နောက် ညတွင်းချင်းပင် ဥက္ကဋ္ဌနှင့်၎င်း၏ဘယ်လက်ရုံး၊ ညာလက်ရုံး၊ ထိပ်သီးအမာခံ၊ ထိပ်သီးလူယုံတို့ကို ရာထူးမှဖယ်ရှားလိုက်သည်။ ထိုအချင်းအရာကို စာနယ်ဇင်းတို့က သန်းခေါင်ယံအာဏာသိမ်းပွဲဟု ခေါင်းစည်း တပ်ကြလေသည်။ ဤသို့ဖြင့်ပြည်သူ့ပါတီခေါင်းဆောင်ပိုင်း အပေါ် အောက်ခြေ၏ယုံကြည်မှု ကျဆင်းပြီးစိတ်ပျက်သွားကြသည်။ ငရုပ်ဆုံပါတီခေါင်းဆောင်ကို ညီ ညွတ်ရေးဖြိုခွဲသူအဖြစ် ရှုမြင်ကြ၊ စိတ်နာကြသည်။ ထိုသို့ ရှုမြင်သော်လည်း နောက်ကျသွားလေပြီ။
မိတ်ဆွေစာရှုသူ… အထက်ဖော်ပြပါတို့မှာ ရွေးကောက်ပွဲတွင် ပြည်သူ့ပါတီ ဟန်မကျပန်မကျ အရေးနိမ့်သွားရခြင်း အ ကြောင်းများပင်တည်း။ ။
သရုပ်ဖော်ကာတွန်းအား ကာတွန်းဆရာ၏ ဖေ့ဘုတ်ခ်မှ ရယူ အသုံးပြုပါသည်။