မောင်မိုးသူ - ပြည်သူကို မျက်နှာမူကြ ပြည်သူထံမှ သင်ယူကြ
(မိုးမခ) ဒီဇင်ဘာလ ၈၊ ၂၀၁၅
ကုမုဒြာ သတင်းဂျာနယ်ပါ မောင်မိုးသူ ဆောင်းပါးဖြစ်ပါသည်။
(မိုးမခ) ဒီဇင်ဘာလ ၈၊ ၂၀၁၅
ကုမုဒြာ သတင်းဂျာနယ်ပါ မောင်မိုးသူ ဆောင်းပါးဖြစ်ပါသည်။
၂၀၁၅ ရွေးကောက်ပွဲမှာ ပြည်သူလူထုကြီးက အင်တိုက်အားတိုက် တစ်ခဲနက် အမျိုးသားဒီမိုကရေစီအဖွဲ့ချုပ်ကို ဆန္ဒမဲပေး လိုက်ပါတယ်။ လက်ရှိအာဏာရ ပြည်ခိုင်ဖြိုးကတော့ အပြတ်အသတ် ရှုံးနိမ့်သွားပါတယ်။ ဒီချုပ်ဥက္ကဋ္ဌဒေါ်အောင်ဆန်းစုကြည်ရဲ့ `ပြောင်းလဲချိန်တန်ပြီ´ ဆိုတဲ့ လှုံ့ဆော်မှုနဲ့ နှစ်ပေါင်း ၅၀ ကျော် အမျိုးမျိုးဖိနှိပ်ခံခဲ့ရတဲ့ ပြည်သူလူထုက ပြည်ခိုင်ဖြိုးကို ဆန့်ကျင်ပြီး အင်န်အယ်လ်ဒီကို တခဲနက်မဲပေးခဲ့တာ ဖြစ်ပါတယ်။ အင်န်အယ်လ်ဒီက လွှတ်တော်ကိုယ်စားလှယ်ဟာ ဘယ် သူဘယ်ဝါလို့ကို မေးမနေတော့ဘဲ ကြယ်ဖြူနဲ့ ခွပ်ဒေါင်းကို တံဆိပ်တုံးထု မဲပေးခဲ့ကြတာ ဖြစ်ပါတယ်။
ရွေးကောက်ပွဲ အနိုင်ရကိုယ်စားလှယ်တွေကို အောက်မြန်မာပြည်အတွက် ရန်ကုန်မှာ၊ အထက်မြန်မာပြည်အတွက် ပျဉ်းမ နားမှာ ခေါ်ယူတွေ့ဆုံပြီး အင်န်အယ်လ်ဒီနာယကနဲ့ အင်န်အယ်လ်ဒီဥက္ကဋ္ဌ ဒေါ်အောင်ဆန်းစုကြည်တို့က ကိုယ်စား လှယ် တွေကို ပထမဆုံးအလုပ်အနေနဲ့ ကိုယ်စားလှယ်များဦးဆောင်ပြီး အမှိုက်တွေကောက်ကြဖို့၊ အခြေခံဥပဒေနဲ့ အင်န်အယ်လ်ဒီ ရဲ့ ရည်ရွယ်ချက်တွေကို လေ့လာစာမေးပွဲဖြေကြဖို့၊ ပြည်သူတွေရဲ့ ဆန္ဒမဲအရ ရရှိလာကြပြီဖြစ်တဲ့ ကိုယ်စားလှယ်တွေဟာ ပြည်သူတွေကို မျက်နှာမူဖို့၊ ပြည်သူတွေကို အလုပ်အကျွေးပြုကြဖို့ တင်းကျပ်စွာ လှုံ့ဆော်တိုက်တွန်းခဲ့တာကို တွေ့ရပါ တယ်။ ကုန်ကုန်ပြောရရင် ကိုယ်စားလှယ်လစာတွေကိုလည်း ဖြတ်တောက်မယ်၊ မတော်မတရား လာဘ်စားမှု၊ဥပဒေချိုး ဖောက်မှုများ ပြုလုပ်ရင်လည်း အရေးယူမယ်လို့ ပြတ်ပြတ်သားသား ညွှန်ကြားခဲ့ပါတယ်။
နာယကဦးတင်ဦးနဲ့ ဥက္ကဋ္ဌဒေါ်အောင်ဆန်းစုကြည်တို့ရဲ့ စည်းနဲ့ကမ်းနဲ့လုပ်ဆောင်ကြဖို့၊ လေ့လာဆည်းပူးလုပ်ကြဖို့ ညွှန် ကြားတာကို ဆန္ဒမဲပေးလိုက်ကြတဲ့ မဲဆန္ဒရှင်ပြည်သူအများကလည်း ကျေနပ်ကြပါတယ်။ ဒါနဲ့ပတ်သက်ပြီး ဧရာဝတီ ဒီဘိတ်အစီအစဉ်က ဧရာဝတီအယ်ဒီတာ အောင်ဇော်နဲ့ အင်န်အယ်လ်ဒီလွှတ်တော်ကိုယ်စားလှယ် သက်သက်ခိုင်၊ နေဘုန်း လတ်တို့ တွေ့ဆုံမေးမြန်းခန်းကို ဘကြီးမိုး နားထောင်လိုက်ပါတယ်။ ကိုယ်စားလှယ်နှစ်ဦးလုံးဟာ တင်းကျပ်တဲ့ စည်းကမ်း၊ လုပ်ဆောင်ရမယ့် တာဝန်တွေကို ကျေနပ်သဘောကျတာ တွေ့ရပါတယ်။
တစ်ဦးက သူတို့ဟာ အတွေ့အကြုံမရှိသေးတဲ့ ပထမဆုံးကိုယ်စားလှယ်များဖြစ်တဲ့အတွက် လေ့လာသင်ကြားဖို့ လိုအပ်တဲ့အ တွက် လေ့လာသင်ကြားဖို့ လိုအပ်တယ်ဆိုတာ လက်ခံကြပါတယ်။ အဓိကအားဖြင့် ပြည်သူရဲ့ဆန္ဒမဲနဲ့ ကိုယ်စားလှယ်တွေ ဖြစ်လာရတဲ့အတွက် ပြည်သူကို မျက်နှာမူ၊ ပြည်သူ့အကျိုးကို အဓိကထားပြီး ဆောင်ရွက်ကြရမယ်ဆိုတာ နားလည်ကြပြီး သူတို့ရဲ့ တာဝန်ကို သူတို့ ကြိုးစား ထမ်းဆောင်ကြမယ်လို့ ပြောဆို ကတိပေးသွားတာလည်း ကြားလိုက်ရပါတယ်။
ဒါဟာ ယခုဖြစ်ပေါ်လာမယ့် အင်န်အယ်လ်ဒီရဲ့ လွှတ်တော်နဲ့အစိုးရရဲ့ သိသာထင်ရှားတဲ့ `ပြောင်းလဲမှုကြီး ´ ဖြစ်ပါတယ်။ ပြည်သူကို အုပ်ချုပ်ဖို့၊ အာဏာပြဖို့မဟုတ်ဘဲ ပြည်သူကို အလုပ်အကျွေးပြုဖို့ကို တာဝန်ယူရမှာ ဖြစ်တယ်ဆိုတာကို ကိုယ်စား လှယ်နှစ်ဦးလုံးဖြစ်တဲ့ သက်သက်ခိုင်ရော၊ နေဘုန်းလတ်ပါ ကျေကျေနပ်နပ်ဝန်ခံကြိုးစားသွားမယ်လို့ ပြောတာကို ကြားရပါ တယ်။ တကယ်တော့ သူတို့ နှစ်ဦးဟာ အင်န်အယ်လ်ဒီရဲ့ အရွေးခံကိုယ်စားလှယ် ၈၀၀ ကျော်ကို ကိုယ်စားပြုဖြကြားတယ်လို့ ဘကြီးမိုး ခံယူပါတယ်။
အဓိကအချက်ကတော့ ပြည်သူက ယုံကြည်ကိုးစားစွာ ပြောင်းလဲချိန်တန်ပြီဆိုပြီး တခဲနက် ဆန္ဒမဲပေးခံရသူများ ဖြစ်တဲ့အ တွက် ပြည်သူကို အလုပ်အကျွေးပြုဖို့ သူတို့မှာတာဝန်ရှိကြောင်း သိနားလည် ကြပါတယ်။ ယခုပဲ ကိုယ်စားလှယ်တွေ ဦးစီးပြီး မိမိတို့ မဲဆန္ဒနယ်တွေအလိုက် ပြည်သူလူထုနဲ့အတူ အမှိုက်ကောက်ကြဖို့ လှုံ့ဆော်ခဲ့တာ ယခုဆိုရင် တချို့ တချို့ သောနယ်တွေမှာ ကိုယ်စားလှယ်တွေနဲ့ ပြည်သူလူထုတွေ တပျော်တပါးကြီး အမှိုက်ကောက်နေကြတာကို မြင်တွေ့နေကြရ ပါပြီ။ ခေါင်းဆောင်ဖြစ်တဲ့ ဒေါ်အောင်ဆန်းစုကြည်ကိုယ်တိုင်လည်း သူအရွေးခံခဲ့တဲ့ ကော့မှူးမြို့နယ်မှာ ၁၂ ရက်နေ့မှာ သူကိုယ်တိုင် ပြည်သူနဲ့အတူ အမှိုက်ကောက်မယ်လို့ ကြေညာသတ်မှတ်ထားတာ တွေ့ရပါတယ်။
ပြည်သူတွေရဲ့ ယုံကြည်ကိုးစားဆန္ဒမဲပေးခြင်းခံရတဲ့ ကိုယ်စားလှယ်တွေဟာ သူတို့ တာဝန်ဖြစ်တဲ့ ပြည်သူကို အကျိုးပြုတဲ့ အလုပ်တွေ လုပ်ကြရမှာ ဖြစ်ပါတယ်။ ပြီးခဲ့တဲ့ နှစ် ၅၀ ကျော်အတွင်းက အုပ်ချုပ်သူတွေဟာ အာဏာနဲ့ အုပ်ချုပ်ခဲ့ကြသူ များဖြစ်ပြီး ပြည်သူလူထုကို အမိန့်ပေးစေခိုင်းခဲ့ကြတာဖြစ်ပါတယ်။ ယခုဒီမိုကရေစီဆန္ဒမဲနဲ့ အရွေးခံလာကြရတဲ့ ကိုယ်စား လှယ်တွေကတော့ ပြည်သူကို အမိန့်ပေးဖို့၊ အာဏာပြဖို့ မဟုတ်ဘဲ ပြည်သူကို အလုပ်အကျွေးပြုကြဖို့ ဖြစ်ပါတယ်။
ဒီမိုကရေစီအစိုးရသစ်ရဲ့တာဝန်က ငါးနှစ်သက်တမ်း၊ နောက်ထပ် ရွေးကောက်ပွဲမတိုင်မီအထိဖြစ်ပါတယ်။ သည်ငါးနှစ် သက်တမ်းမှာ အင်န်အယ်လ်ဒီကိုယ်စားလှယ်များနဲ့ အင်န်အယ်လ်ဒီကဦးစီးတဲ့ အစိုးရအဖွဲ့သစ်ဟာ ဆင်းရဲတွင်း နစ်နေတဲ့ မြန်မာနိုင်ငံ၊ နိုင်ငံတကာက ချေးငှားထားတဲ့ ကြွေးမြီတွေ ဘီလျံပေါင်းများစွာ ကြွေးတင်နေတဲ့ မြန်မာနိုင်ငံ၊ ပြည်တွင်းမှာ လုပ်ကိုင်စားသောက်စရာ မရှိလို့ နိုင်ငံရပ်ခြားတွေမှာ ရွှေ့ပြောင်းလုပ်သားတွေ အဖြစ် လေးငါးခြောက်သန်းလောက်ရှိတဲ့ မြန်မာနိုင်ငံ၊ မြန်မာပြည်ရဲ့ ပေါများလှတဲ့ သယံဇာတတွေကို လက်ဝါးကြီးအုပ် အိတ်ထဲထည့်ပြီး ထင်သလို လုပ်စား ရောင်း စားခံနေရတဲ့ မြန်မာနိုင်ငံ၊ မူးယစ်ဆေးဝါးတွေ အများဆုံး ထုတ်လုပ်ဖြန့်ဖြူးရောင်းချနေကြပြီး လူငယ်လူရွယ်တွေ မူးယစ် ဆေးဝါးသုံးနေကြတဲ့ မြန်မာနိုင်ငံကို `ပြောင်းလဲဖို့ အချိန်တန်ပြီ´ ဆိုတဲ့ ခေါင်းဆောင်၊ သူကိုယ်တိုင်လည်း ရှေ့ကနေ ထွက်ပြီး လုပ်ဆောင်ပြတဲ့ ခေါင်းဆောင်နဲ့ အတူ ပြည်သူပြည်သားများ တခဲနက် ဆန္ဒမဲပေးခဲ့ကြသလို ပြန်လည်ထူထောင်ရေး၊ ဖွံ့ဖြိုးတိုး တက်ရေးတွေမှာလည်း လုပ်ဆောင်နိုင်ကြပါစေကြောင်း အားပေးတိုက်တွန်းစကားပြောကြားလိုက်ရကြောင်းပါ။
ပြည်သူကို မျက်နှာမူကြ၊ ပြည်သူထံမှ သင်ယူကြနှင့် ဘကြီးမိုးပါ။