ထက်ခေါင်လင်း (Myanmar Now) - အုပ်ချုပ်ရေးယန္တရားကြီး ခိုင်ခိုင်မာမာရှိဖို့လုပ်ရမယ် (အင်တာဗျူး)

ပြီးခဲ့တဲ့ရက်ပိုင်းအတွင်း ရန်ကုန် NLD ရုံးချုပ်တွင်တွေ့ရသည့် NLD ရဲ့ ပြောရေးဆိုခွင့်ရှိသူ ဦးဉာဏ်ဝင်း

အမျိုးသား ဒီမိုကရေစီအဖွဲ့ချုပ် (NLD) သည် ရွေးကောက်ပွဲ အပြတ်အသတ်နိုင်ခဲ့သောကြောင့် မကြာမီ အစိုးရဖွဲ့ရတော့မည်ဖြစ် သည်။ ဒီဇင်ဘာလလယ်မှ အစပြုပြီး အစိုးရ၏ နိုင်ငံတော်အကြီးအကဲတာဝန်လွှဲပြောင်းမှု အထောက်အကူပြုကော်မတီ၊  NLD ၏ အသွင်ကူးပြောင်းရေး အဖွဲ့တို့ မကြာခဏ တွေ့ဆုံပြီး ညှိနှိုင်းလျက်ရှိသည်။

မကြာသေးမီက Myanmar Now သတင်းထောက် ထက်ခေါင်လင်းနှင့် ရန်ကုန်မြို့ NLD ရုံးချုပ်တွင် တွေ့ဆုံစဉ် NLD ၏ ဗဟိုကော်မတီဝင်လည်းဖြစ် ပြောရေးဆိုခွင့်ရှိသူ တစ်ဦးလည်း ဖြစ်သည့် ဦးဉာဏ်ဝင်းက အာဏာလွှဲပြောင်းရေး၊ အစိုးရအဖွဲ့ သစ်၏မူဝါဒ၊ ပြုပြင်ပြောင်းလဲရေး၊ တရားစီရင်ရေး စသည့် အကြောင်းအရာများကို ပြောပြခဲ့သည်။ ပြောဆိုချက်များထဲမှ တချို့ကို ကောက်နုတ် ဖော်ပြလိုက်ပါသည်။

မေး -  အခု လက်ရှိအစိုးရအဖွဲ့နဲ့ ဝန်ကြီးဌာနတွေ အာဏာလွှဲပြောင်းရေးကိစ္စ ဆွေးနွေးနေတာ ဘယ်အခြေအနေအထိခရီး ရောက်နေပြီလဲဆိုတာ ပြောပြပါခင်ဗျ။
ဖြေ -  အဲဒီဆွေးနွေးတဲ့အဖွဲ့မှာ ကျွန်တော်တော့မပါဘူး။ သို့သော် ကျွန်တော်သိရသလောက်တော့ အားလုံးအဆင်ပြေပါတယ်။ သဘောထားအားလုံးတူတယ်လို့ ကျွန်တော်ပြောတာမဟုတ်ဘူး။ လွှဲပြောင်းရေးနဲ့ ပတ်သက်ပြီးတော့ ခက်ခဲနေတဲ့၊ အဟန့် အတားဖြစ်နေတာတွေတော့ မရှိပါဘူး။ အဆင်ပြေတယ်လို့ သာမန်အားဖြင့် ပြောလို့ရပါတယ်။ အသေးစိတ်တော့ ကျွန်တော် မသိဘူး။ ကျွန်တော်တို့ဆီက အဖွဲ့လည်းရှိတယ်။ ဟိုဘက်မှာလည်း အဖွဲ့ရှိတယ်။ ဒီနှစ်ဖွဲ့ မကြာခဏတွေ့ပြီးတော့ ညှိနေကြ တယ်။  

မေး -   လာမယ့် အစိုးရအဖွဲ့အတွင်းမှာ ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီက တချို့လူတွေ၊ လက်ရှိအစိုးရအဖွဲ့ထဲက တချို့ကို တာဝန်ပေးဖို့ အစီအစဉ်ရှိလား။
ဖြေ -  ကျွန်တော်တို့ ဘယ်သူ့ကိုသုံးမယ်၊ ဘယ်သူ့ကို မသုံးဘူးဆိုတာ မပြောနိုင်ပါဘူး။ တစ်ခုတော့ရှိတယ်၊ ကျွန်တော်တို့ စဉ်းစားတာက ဒီမိုကရေစီနဲ့ လူ့အခွင့်အရေးကိစ္စတွေ၊ နိုင်ငံသားတွေကို အကာအကွယ်ပေးဖို့ကိစ္စတွေ၊ တရားဥပဒေစိုးမိုးရေး တွေ အဲဒါတွေက ဦးစားပေးလုပ်မှာပါ။ 

မေး -  လက်ရှိ အစိုးရအဖွဲ့မှာ သတင်းထုတ်ပြန်မှုအပိုင်း   အားနည်းနေတယ်။  NLD အစိုးရအဖွဲ့မှာ သတင်းမြန်မြန်ဆန်ဆန် စီးဆင်းဖို့ ဘယ်လိုပြင်ဆင်ထားလဲ။
ဖြေ -  သတင်းဌာနတွေအနေနဲ့ကတော့ ပြန်ကြားရေးကပဲ သတင်းထုတ်ပြန်ရေးကို ကိုင်ရဦးမှာပဲ။ ဒါ သူ့အလုပ်လည်း ဖြစ်ပါ တယ်။ ပြီးတော့ သတင်းနဲ့ ပတ်သက်ရင် ကျွန်တော်တို့ကိုယ်တိုင် သတင်းတွေဟာ အရေးကြီးတဲ့ဟာကို Quote (ကိုးကား ချက်) မလုပ်ဘဲနဲ့ ထည့်တယ်၊ ဆိုတော့ စွပ်စွဲလို့လည်း မရဘူး။ Quote လုပ်ထားတယ်ဆိုရင် ကျွန်တော်တို့ ရှင်းကြလို့ရတယ်။ အဲဒါမျိုးတွေ တော်တော်များများ ဖြစ်နေပါတယ်။ ကျွန်တော်က အပြစ်တင်တာမဟုတ်ပါဘူး။ အဲဒါတွေမဖြစ်အောင် ကျွန် တော်တို့ အစိုးရဖွဲ့တဲ့အခါ လုပ်မယ်၊ စီစဉ်ဆောင်ရွက်မယ်လို့ စိတ်ကူးထားပါတယ်။

မေး -  ဒါဆို ပြန်ကြားရေး ဝန်ကြီးဌာနက ဆက်ရှိနေဦးမှာပေါ့။  
ဖြေ - လောလောဆယ်တော့ ပြန်ကြားရေးဝန်ကြီးဌာနက ဆက်ရှိနေဦးမှာပါ။ နိုင်ငံတကာမှာလို သက်ဆိုင်ရာ ဝန်ကြီးဌာန အလိုက် ပြန်ကြားရေးဌာနတွေ၊ သတင်းထုတ်ပြန်ရေးအဖွဲ့တွေ ထားဖို့ဆိုတာ နောင်တော့ မပြောတတ်ဘူး၊ လောလော ဆယ်တော့ မရှိသေးဘူး။

မေး -  သမ္မတ ဦးသိန်းစိန်လက်ထက်မှာ လုပ်ခဲ့တဲ့ စီမံကိန်းတွေဟာ တိုင်းပြည်အပေါ်မှာ ဘယ်လောက်အထိ အကျိုးသက် ရောက်မှု ရှိတယ်လို့ ယူဆလဲ။
ဖြေ -  အဲဒါနဲ့ ပတ်သက်ပြီး ကျွန်တော်တို့က မေးထားပါတယ်၊ သူတို့က မဖြေသေးပါဘူး။ စီမံကိန်းကြီးတွေ ဘာရှိလဲ၊ ဘယ် လိုပုံစံနဲ့ ဒီစီမံကိန်းကို အကောင်အထည်ဖော်တာလဲ၊ ဘယ်လောက် ဖော်ပြီးပြီလဲ၊ ဘယ်လောက်ကျန်သေးလဲ။ ဒါတွေကို နောင်တက်လာမယ့် NLD အစိုးရ သိဖို့လိုတယ်။ ဒါသိမှ အလုပ်လုပ်လို့ရမှာ။ အဲဒီမေးခွန်းရဲ့အဖြေက အဲဒီထဲမှာပါမှာ။ ကျွန်တော်တို့ အခု ချိန်ထိ အဲဒီရဲ့ စာရင်းမရသေးပါဘူး။ နှစ်ဖက်ညှိနှိုင်းတဲ့အထဲက ထွက်လာတာ မရှိသေးပါဘူး။ အဓိက အဲဒါပဲ။ စီမံကိန်းတွေ ဘယ်တုန်းကလုပ်တာလဲ၊ ရည်ရွယ်ချက်ကဘာလဲ၊ ဘယ်လောက်သုံးပြီးပြီလဲ၊ ဘယ်ငွေနဲ့ သုံးတာလဲ၊ ဘယ်လောက် ကျန်သေးလဲ။ ဒါမှ ရှေ့ဆက်ပြီးတော့ ဒါကိုအကောင်အထည်ဖော်မလဲ၊ မနိုင်လို့ နောက်ထက်အများကြီးလိုသေးတယ်ဆိုရင်လည်း ခဏရပ်ပေါ့ဗျာ။ ငွေရှာပေါ့။ သူ့ဘာသာသူ ဆက်သွားနိုင်ရင်လည်း ဆက်သွားပေါ့။ ဒါတွေကို ပထမ သိဖို့လိုတယ်။ NLD ကိုယ်တိုင်ကို အဲဒါတွေ မသိသေးပါဘူး။

မေး -  NLD အနေနဲ့မဟုတ်ဘဲ ကိုယ့်ရဲ့ ပုဂ္ဂလိက အမြင်ကရော ဘယ်လိုလဲ။
ဖြေ - ကျွန်တော့်ရဲ့ တသီးပုဂ္ဂလအမြင်အရပြောရင်လည်း အဲဒီလိုမြင်နိုင်ဖို့ဆိုတာ အရေးကြီးတာက အဲဒီစီမံကိန်းတွေနဲ့ ပတ်သက်ပြီး ပွင့်လင်းမြင်သာမှုရှိဖို့လိုတယ်။ ကိုင်တွယ်တဲ့သူတွေက ပွင့်ပွင့်လင်းလင်းမပြောဘူး၊ မထုတ်ပြန်ဘူးဆိုရင် သုံးသပ်ရတာလဲ အမှန်မရနိုင်ဘူး။ အမှန်မရလို့ ကောင်းစွာမဝေဖန်နိုင်ရင် ဘယ်ဟာမှ မချောပါဘူး။ ဝေဖန်မှုဆိုတာ အိုးဖုတ် သလိုပါပဲ၊ ရိုက်ချက်များမှပဲ ချောမှာပါ။

မေး -  NLD အစိုးရအနေနဲ့ တပ်မတော်အပေါ်မှာ  ဘယ်လိုသဘောထားမလဲ။
ဖြေ -  တပ်မတော်ဆိုတာ တိုင်းပြည်မှာ မရှိမဖြစ် အရေးကြီးတဲ့ ဌာနကြီးတစ်ခုပါ။  စစ်သားအရေအတွက်၊ တပ်ရင်း အရေအ တွက်က အရေးမကြီးဘူး။   အရှေ့တောင်အာရှမှာဆိုရင်လည်း အင်အားကြီးနိုင်ငံကြီးတွေ အများကြီး ရှိတယ်။ ကျွန်တော် တို့က အရေအတွက်နဲ့၊ ခိုင်းကောင်းတဲ့ဟာရှိနေရုံနဲ့ မဖြစ်ဘူး။ ခေတ်မီတပ်မတော်ဖြစ်ဖို့ကို ဦးတည်ဖို့လိုတယ်လို့ ထင်ပါတယ်။

မေး -   အရပ်သားစစ်စစ် သမ္မတဖြစ်လာရင် တပ်အပေါ် သြဇာလွှမ်းမိုးမှု အားနည်းနေလိမ့်လို့ တချို့က ယူဆကြတယ်။  
ဖြေ -  အဲဒါက သမ္မတဖြစ်လာမယ့်သူရယ်၊ သူတို့ရဲ့ အဖွဲ့အစည်းတွေရဲ့ အခြေအနေပေါ်မှာ မူတည်တယ်။ ကမ္ဘာ့နိုင်ငံတွေကို လှည့်ကြည့်လိုက်ရင် အရပ်သားအစိုးရတွေက တိုင်းပြည်ကိုအုပ်ချုပ်တယ်။ တပ်မတော်ဆိုတာ အဲဒီထဲကမှ Institution (အဖွဲ့အစည်း) တစ်ခု။ ဒီမှာလည်း အဲဒီလို ဖြစ်သင့်တယ်။

မေး -    အုပ်ချုပ်ရေးယန္တရားတွေထဲက ဘယ်အချက်တွေကို အဓိက ဦးစားပေးပြုပြင်မလဲ။
ဖြေ -  ကျွန်တော့်အမြင်အရတော့ ဗျူရိုကရေစီယန္တရားတည်ဆောက်မှရမှာပဲ။  မြန်မာနိုင်ငံမှာ ဒီလိုဟာရှိခဲ့တယ်။ ဒါပေမယ့် ၁၉၆၂ ခုနှစ်ကစပြီးတော့ ၂ဝ၁ဝ ခုနှစ်အထိ သူတို့(စစ်အာဏာရှင်တွေ) က ဖျက်ဆီးလိုက်တယ်။  ဦးသိန်းစိန် အစိုးရ လက်ထက်မှာ ပြုပြင်ဖို့ ကြိုးစားတယ်။ အမြဲတမ်း အတွင်းဝန်ဆိုတာကို ခန့်တယ်။ အဲဒီဟာက ဘယ်အစိုးရတက်တက်၊ ဘယ်နိုင်ငံရေးသမားလာလာ အုပ်ချုပ်ရေးက သူ့ဘာသာသူ ရှိနေမှာ။ အုပ်ချုပ်ရေးအရာရှိက သူ့အလုပ်သူ လုပ်သွားမှာ၊ ဒီပုံစံနဲ့ သွားရမှာ။ အခုအစိုးရ ကြိုးစားတာလည်း တပိုင်းတစ်စပေါ့။ ကျွန်တော်တို့က ဒီလိုအုပ်ချုပ်ရေးယန္တရားကြီး ခိုင်ခိုင်မာမာရှိဖို့လုပ်ရမယ်။

မေး -    နည်းနည်းအသေးစိတ် ပြောပြပေးပါ။
ဖြေ -      နိုင်ငံရေး ခေါင်းဆောင်က သူလိုချင်တဲ့ဟာကို အောက်ကိုချပေး၊ အောက်က ပုံဖော်။ အောက်က ပုံဖော်တာကိုတော့ သွားပြီး ဆရာမလုပ်နဲ့၊ သူက အဲဒီလောက် မတတ်ဘူး၊ သူက Policy Guide Line (မူဝါဒဆိုင်ရာညွှန်ကြားချက်) ပဲ ပေးရမှာ။ အသေးစိတ်ကို သွားဝင်ပါလိုက်တာနဲ့ ပျက်တာပဲ။ ကျွန်တော်တို့ ကြီးပြင်းလာတဲ့ဘဝမှာ တပ်တွေက ဌာနဆိုင်ရာတွေကို ဝင်တယ်၊ သူတို့အကုန်တတ်တယ်လို့ပြောတာပဲ၊ အဲဒီလို ပြောပြီးလုပ်ခဲ့လို့ ပျက်နေခဲ့တာ။ ကျွန်တော်တို့က သူ့လိုင်းနဲ့သူ သွားမှာ၊ ဆင်အလုပ် ဆင်လုပ်၊ မြင်းအလုပ် မြင်းလုပ်ပဲ။

မေး -  ခြစားမှုကိစ္စတွေကရော ဘယ်လိုလဲ။
ဖြေ - ဒါက ဥပဒေစိုးမိုးရေးကိစ္စတွေပဲ။ တရားဥပဒေစိုးမိုးရေးကို လူတွေကလည်း နားလည်ရမယ်။ စနစ်ချည်းပဲလည်း မ ဟုတ်ဘူး။   ဥပဒေမှာပေးထားတဲ့ဟာကို မလုပ်တာ၊ နောက်တစ်ခုက ဥပဒေမှာပေးထားတဲ့ဟာကို ပိုလုပ်တာ၊ ဒီနှစ်ခုရှိနေ သမျှ တိုင်းပြည်မတိုးတက်ဘူး၊ အုပ်ချုပ်ရေးယန္တရားလည်း မခိုင်မာဘူး။ လုပ်ပိုင်ခွင့်ဆိုတာက ဥပဒေက လာရမှာ၊ ပါးစပ်က လာရမှာ မဟုတ်ဘူး။

မေး -    လက်ရှိတရားစီရင်ရေးမဏ္ဍိုင်က ယိုင်နဲ့နေတယ်လို့ အများကလည်း ဝေဖန်ထားကြတော့ အဲဒီဟာကို ဘယ်လိုပြုပြင်ဖို့ လိုမယ်လို့  ဥပဒေသမား တစ်ယောက်ဖြစ်တဲ့ ဦးဉာဏ်ဝင်းက ယူဆသလဲ။
ဖြေ -  စနစ်ဟောင်းတွေ ပြန်ဖော်ထုတ်ရမယ်။ ကျွန်တော်တို့မီလိုက်တဲ့ခေတ်မှာ တရားရေးအရာရှိတစ်ယောက်ဟာ ရာထူး တက်ဖို့ဆိုတာ သူစစ်ဆေးခဲ့တဲ့ အနည်းဆုံး အမှုတွဲ ၃ တွဲလောက် အထက်အဆင့်ဆင့် တင်ပြရတယ်။ အထက်က လူကို မကြည့်ဘူး၊ ဖိုင်ကိုပဲကြည့်တာ။ ဘယ်လောက် စနစ်တကျ စီရင်ခဲ့လဲ၊ အဲဒါမလုပ်ရင် ဘယ်တော့မှ ရာထူးမတိုးဘူး။ အဲဒီလို လုပ်မှ တရားရုံးအမှုတွဲတွေကို တရားသူကြီးတွေက ခိုင်ခိုင်လုံလုံလုပ်မှာ။ လာဘ်စားဦးတော့၊ ရက်ရက်စက်စက် မစားရဘူး။ သူ တစ်သက်လုံး ရာထူးမတက်ဘဲ နေချင်သလား၊  လူတိုင်းက ရာထူးတက်ချင်တာပေါ့၊ အဲဒီတော့ ကောင်းကောင်း လုပ်၊ ရှိနေတဲ့ ဥပဒေကိုလည်း ပေးထားတဲ့အတိုင်းပဲလုပ်ပေါ့၊ ပိုမလုပ်ရဘူး။ ဒီနှစ်ခုနဲ့သာ လုပ်သွားမယ်ဆိုရင် လာဘ်ပေးလာဘ်ယူက လျော့သွားမယ်။

မေး -  NLD ဘက်က ဥပဒေကိစ္စနဲ့ ပတ်သက်ပြီး တရားရေးသမား ၄ဝ လောက် လျာထားတာရှိတယ်လို့ အသံတွေ ထွက် နေတယ်။
ဖြေ -  သတင်းထဲမှာ အဲဒီလိုပါလာတာကိုလည်း တစ်ယောက်ကပြောတယ်။ ဒါပေမယ့် ကျွန်တော်အဲဒါမသိဘူး။ တရားရေးက အစိုးရအဖွဲ့နဲ့ မဆိုင်ဘူး။ အစိုးရအဖွဲ့သက်တမ်းကုန်တာ၊ လွှတ်တော်သက်တမ်းကုန်တာ တရားရေးနဲ့ ဘာမှမဆိုင်ဘူး။ တရားရေးကသက်သက်။ ဒီဘက်မှာရှိနေတာက ရှေ့နေချုပ်ပဲရှိတာ၊ ရှေ့နေချုပ်က အစိုးရပြုတ်ရင် သူပြုတ်တယ်။ လူစား ထိုးလည်းရတယ်။ အခု ၄ဝ တို့၊ ၆ဝ တို့ ဘာ့ကြောင့်အဲဒီလိုပြောနေကြလဲ ကျွန်တော်မသိဘူး။

မေး - NLD မှာ သမ္မတရာထူးအတွက် လျာထားတာရှိတယ်လို့ ဦးဉာဏ်ဝင်းက ပြောကြောင်း ဂျပန်သတင်းဌာနတစ်ခုက ရေးခဲ့ဖူးတယ်။ ဘယ်သူတွေကို လျာထားတာလဲ။
ဖြေ -  အဲဒီဟာက သတင်းမှားပါ။ ရေးပုံရေးနည်းမှားတာပါ။ ကျွန်တော်ပြောခဲ့တာက သမ္မတ ဖြစ်ထိုက်တဲ့သူ ၁ဝ ဦးမက ရှိတယ်လို့။ အဲဒါကို သူတို့က ၁ဝ ဦးရှိတယ်လို့ ရေးလိုက်တာ။ အဲဒီဟာက ကျွန်တော်တို့ပါတီထဲမှာရှိတာကိုပြောတာ။ ပါတီ ထဲမှာ ဝါရင့်တယ်၊ ပညာလည်းရှိတယ်၊ လုပ်သက်လည်းရင့်တယ်၊ နိုင်ငံရေးဝါလည်းရင့်တယ်၊ သစ္စာလည်းရှိတယ်။ အဲဒီလို လူမျိုးတွေ ပါတီထဲမှာ အများကြီးပါလို့ ကျွန်တော်ဖြေခဲ့တာ။   ။

မေး -  ပြည်ပရောက်နေတဲ့သူတွေအတွက်ရော အထွေထွေလွတ်ငြိမ်းချမ်းသာခွင့်ဆိုတာမျိုး ကြေညာမယ့်အစီအစဉ် ရှိလား။
ဖြေ - ကျွန်တော်တော့ အဲဒါလက်ခံတယ်၊ ဒါက နိုင်ငံရေးအရ။ ဥပဒေအရတော့ အဲဒါမမှန်ပြန်ဘူး။ နိုင်ငံခြားသားပတ်စ်ပို့ ကိုင်လိုက်တာနဲ့ နိုင်ငံသားအဖြစ်က ဥပဒေအရ အလိုလိုရပ်ဆိုင်းသွားတယ်၊ အဲဒါကို ဘယ်လိုပြန်လုပ်မလဲဆိုတာ ဥပဒေမှာ မပါဘူး။ ပါတာတစ်ခုက နိုင်ငံတော်သမ္မတက ဘယ်ဟာမဆို သူကယ်တင်နိုင်တယ်၊ ဒါနဲ့ပဲလုပ်ရမှာ။ အခု လုပ်နေခဲ့တာလည်း ဒါနဲ့ပဲလုပ်ခဲ့တာ။ တချို့နိုင်ငံသား ပြန်ရတယ်၊ တချို့မရဘူး၊ မရတဲ့သူတွေမှာ ကျွန်တော့်မိတ်ဆွေ တချို့လည်း ပါပါတယ်။ လိုအပ်ရင် ဥပဒေကို ပြင်သင့်တယ်လို့ ထင်တယ်။ နိုင်ငံသားပြန်ပေးတာနဲ့ပတ်သက်ပြီး ကန့်သတ်ထားတာတွေကို ဖြေ လျှော့ဖို့တော့ အစီအစဉ်ရှိလာမယ်လို့ ထင်ပါတယ်။     ။