 |
| ရန်ကုန်မြို့လယ်တွင် ရေသန့်ဘူးကြီး ဖြန့်ချိနေသူတစ်ဦး (ဓာတ်ပုံ - ထက်ခေါင်လင်း / Myanmar Now) |
ထက်ခေါင်လင်း (Myanmar Now) ● ဈေးကွက်ရောက်ရေသန့်ဘူးနဲ့ အရည်အသွေးအာမခံချက်
(မိုးမခ) မေ ၄၊ ၂၀၁၆
ယခုသတင်းဆောင်းပါးအား Myanmar Now မှ ရယူပါသည်။
(မိုးမခ) မေ ၄၊ ၂၀၁၆
ယခုသတင်းဆောင်းပါးအား Myanmar Now မှ ရယူပါသည်။
ရန်ကုန် (Myanmar Now) - ရန်ကုန်၊ ဒဂုံမြို့သစ် မြောက်ပိုင်းမြို့နယ်မှာ နေထိုင်တဲ့ ဦးအာကာမျိုး နေပူထဲက အိမ်ပြန်လာတဲ့ တစ်နေ့ သောက်မယ့် ရေသန့်ထဲ အနည်တွေ တွေ့လိုက်ရတဲ့ တဒင်္ဂမှာ အတော်လေး စိတ်အနှောင့်အယှက်ဖြစ်သွားပါတယ်။
အနည်ထိုင်သွားအောင် ခဏစောင့်ပြီး သောက်လိုက်တဲ့အခါမှာလည်း ရေက သံချေးနံ့ထွက်နေတာကြောင့် ရန်ကုန်၊ ရွှေ ပြည်သာမြို့နယ် လိပ်စာတပ် အဲဒီသောက်ရေသန့်တံဆိပ်ကို ဘယ်တော့မှမသုံးဖို့ ဆုံးဖြတ်လိုက်တဲ့အကြောင်း သူက ပြော ပြတယ်။
“ကျွန်တော်နဲ့သိတဲ့သူတိုင်းကို ဒီတံဆိပ်မသောက်ဖို့ သတိပေးတယ်” လို့ သူက ဆိုပါတယ်။
ဈေးကွက်ထဲက တံဆိပ်မျိုးစုံသော သောက်ရေသန့်ဘူးကြီးတွေထဲမှာ တချို့က အနည်အမှုန်တွေ၊ အနံ့အသက်တွေ ပါဝင် နေတာကို မြို့ကြီးမြို့ငယ်တွေမှာ ကြုံနေရပါတယ်။ ရန်ကုန်မှာ ဆိုရင်လည်း ပိုက်ကလာတဲ့ရေက သောက်သုံးဖို့ မသင့်တော်၊ ရေသန့်ဘူးကြီးတွေကို ဝယ်ယူသုံးစွဲရာမှာလည်း အရည်အသွေးညံ့ဖျင်းတဲ့၊ တရားဝင်ထုတ်လုပ်ရောင်းချခြင်းမရှိတဲ့ တံဆိပ် မျိုးကို ဝယ်ယူမိတာမျိုး ရံဖန်ရံခါ ဆိုသလို ကြုံနေရတာပါ။
တချို့ နာမည်ရ သောက်ရေသန့်ဘူးတွေတောင် တစ်ခါတလေ အမှုန်၊ အနည်တွေ ပါလာတတ်တယ်၊ အများအားဖြင့်တော့ ဈေးနှုန်းသက်သာတဲ့တံဆိပ်တွေ ဝယ်သုံးတဲ့အခါ ပိုမိုတွေ့ကြုံရတယ်လို့ အငှားယာဉ်မောင်းသမားတစ်ဦးဖြစ်တဲ့ စမ်းချောင်း မြို့ နယ်မှာ နေထိုင်သူ ကိုသူရက ပြောပါတယ်။
“မနှစ်ကဆို ကျွန်တော်တို့ တံဆိပ်ပြောင်းသုံးခဲ့ရတာ လေးကြိမ်ကျော်မယ်၊ အခုသောက်နေတဲ့ တံဆိပ်ကတော့ ခြောက်လနီး ပါးရှိပြီ၊ အဆင်ပြေနေသေးတယ်” လို့ သူက ဆိုပါတယ်။
အဲဒီလို မသန့်တာမျိုးကို ကြုံလိုက်ရတဲ့အခါ တံဆိပ်ပြောင်းသုံးတာကလွဲလို့ ကန့်ကွက်ခြင်း၊ တိုင်ကြားခြင်း မပြုလုပ်ခဲ့ဘူးလို့ သူက ဆက်ပြောတယ်။
● အရည်အသွေး စစ်ဆေးမှု
ရန်ကုန်၊ မန္တလေး ဈေးကွက်ထဲက သောက်ရေသန့်တွေကို ထောက်လှမ်းစိစစ်ရာမှာ အစားအသောက်နှင့် ဆေးဝါးကွပ်ကဲရေး ဦးစီးဌာန (FDA) ရဲ့ အရည်အသွေး စိစစ်ထောက်ခံချက်မရှိဘဲ ထုတ်ဝေနေတဲ့ တံဆိပ်အများအပြား တွေ့ရတယ်လို့ ကျန်းမာ ရေးဝန်ကြီးဌာနက ဒီဇင်ဘာလလယ်ပိုင်းမှာ ကြေညာပါတယ်။
လိုင်စင်မရှိဘဲထုတ်ဝေတယ်ဆိုတဲ့ အဲဒီ တံဆိပ် ၂၁ မျိုးရဲ့ အမည်တွေ၊ လိပ်စာတွေကိုလည်း အများသိအောင် အသိပေးကြေ ညာခဲ့ပါတယ်။
FDA ဟာ စစ်ဆေးတွေ့ရှိချက်ကို အသိပေးကြေညာတဲ့ အဖွဲ့အစည်းသာဖြစ်ပြီး အရေးယူဆောင် ရွက်ရမှာက လိုင်စင်ထုတ် ပေးတဲ့ သက်ဆိုင်ရာတိုင်းနဲ့ ပြည်နယ်က စည်ပင်သာယာရေးအဖွဲ့တွေရဲ့တာဝန်ဖြစ်တယ်လို့ FDA ညွှန်ကြားရေးမှူး ဒေါက် တာထွန်းဇော်က ရှင်းပြပါတယ်။
“စိန်ဆိုတဲ့နာမည်ကို ကျွန်တော်တို့ကကြေညာရင် သူတို့က ရွှေလို့ ပြောင်းချင်ပြောင်းမှာပေါ့။ စိန်ကနေ ရွှေပြောင်းတာကို ကျွန်တော်တို့ဘက်က ချက်ချင်းမသိနိုင်ဘူး” လို့ သူက ဆိုပါတယ်။
ပိတ်ပင်ခံရတဲ့လုပ်ငန်းက အမည်ပြောင်းပြီး ဆက်လက်လုပ်ကိုင်ပါက သက်ဆိုင်ရာနယ်မြေက အုပ်ချုပ်သူတွေမှာ တာဝန်ရှိ တယ်လို့ သူက ဆက်ဆိုပါတယ်။
ဈေးကွက်အတွင်းက သောက်ရေသန့်တွေကို တိုင်းနဲ့ပြည်နယ်အလိုက် စဉ်ဆက်မပြတ် စစ်ဆေးလျက်ရှိပေမဲ့ အိမ်တွင်းမှုလုပ် ငန်းတွေက ထုတ်လုပ်နေတဲ့ သောက်ရေသန့်တွေရဲ့ အန္တရာယ်နဲ့ ပတ်သက်လို့ ခန့်မှန်းဖို့ ခက်ခဲနေသေးတယ်လို့ FDA ညွှန်ကြားရေးမှူးက ပြောပါတယ်။
ဖေဖော်ဝါရီလဆန်းပိုင်းကပဲ FDA, စည်ပင်သာယာရေးကော်မတီများ၊ ရဲတပ်ဖွဲ့တို့နဲ့ ပူးပေါင်းပြီး ရန်ကုန်မြို့က ရေသန့်စက်ရုံ ငယ်တွေကို လိုက်လံစစ်ဆေးခဲ့ကြောင်း စားသုံးသူများ ကာကွယ်ရေးအသင်းက ဥက္ကဋ္ဌ ဦးဗအုပ်ခိုင်က ပြောပါတယ်။
“အားလုံးက နေအိမ်နဲ့တွဲပြီး လုပ်ထားတဲ့ရုံတွေ။ ဘယ်လိုလုပ် စနစ်တကျနဲ့ သန့်သန့်ရှင်းရှင်း ထုတ်လုပ်နိုင်မယ့် ရုံတွေ မ ဟုတ်ဘူး”
သွားရောက်စစ်ဆေးခဲ့တဲ့ ရန်ကုန်က သောက်ရေသန့်စက်ရုံငယ် ၁၃ ခုကို လုပ်ငန်းရပ်ဆိုင်းဖို့ အကြောင်းကြားခဲ့ပေမဲ့ လုပ်ငန်းဆက်လက်လည်ပတ်နေခြင်း ရှိ၊ မရှိ နောက်ဆက်တွဲ စုံစမ်းမှု မပြုနိုင်သေးဘူးလို့ ဆိုပါတယ်။
● သောက်ရေသန့်ယဉ်ကျေးမှု
၂ဝ၁၄ ခုနှစ် သန်းခေါင်စာရင်းရဲ့ အချက်အလက်တွေအရ မြို့ပြအိမ်ထောင်စုရဲ့ ၃၁ ရာခိုင်နှုန်းဟာ ရေသန့််စက်၊ ရေသန့်ဘူးတွေကို အသုံးပြုနေကြတယ်လို့ သိရပါတယ်။
စည်ပင်သာယာရေပိုက်ကနေ သောက်သုံးရေ ရရှိတဲ့ မြို့ပြကြီးတွေကနေ ရေတွင်းအားကိုးတဲ့ ကျေးရွာတွေအထိ ပုလင်းသွတ်ရေသန့်သောက်သုံးတဲ့ဓလေ့က မြန်မာနိုင်ငံမှာ ထွန်းကားနေပါပြီ။ နိုင်ငံအနှံ့မှာ တစ်ရက်ကို လီတာ ၂ဝ ဝင် ဘူး ၁ဝဝ လောက်အထိပဲ ထုတ်လုပ်နိုင်တဲ့ ရေသန့်စက်အငယ်စားသုံး အိမ်တွင်းမှုလုပ်ငန်းတွေရှိသလို တစ်နာရီကို လီတာ ထောင်နဲ့ချီ ထုတ်လုပ်နိုင်တဲ့ စက်ကြီးတွေ သုံးပြီး ထုတ်လုပ်နေကြတာကိုလည်း တွေ့ရမှာပါ။
ရေသန့်ထုတ်လုပ်ခွင့် လိုင်စင်ကို သက်ဆိုင်ရာ မြို့နယ်စည်ပင်သာယာရေးကော်မတီကနေတဆင့် တိုင်းနှင့် ပြည်နယ် စည်ပင်သာယာရေးကော်မတီကနေ ထုတ်ပေးနေတာပါ။
ရန်ကုန်တိုင်းဒေသကြီးက ရေသန့်သောက်သုံးမှု အများဆုံးဖြစ်ပြီး မန္တလေးတိုင်း ဒေသကြီးက ဒုတိယအများဆုံး ရေသန့် သောက်သုံးမှု ဖြစ်ပါတယ်။
ရေသန့်သောက်သုံးမှုအနည်းဆုံးက ချင်းပြည်နယ်ဖြစ်ပြီး ကယားပြည်နယ်က ဒုတိယအနည်းဆုံးဖြစ်ပါတယ်။
ရန်ကုန်မြို့မှာဆိုရင် အိမ်တိုင်းနီးပါးက ရေသန့်သောက်သုံးနေကြပြီးတော့ တချို့ဆင်းရဲတဲ့ရပ်ကွက်တွေမှာသာ အဝီစိရေကို သောက်ရေအဖြစ်အသုံးပြုတယ်လို့ စားသုံးသူများ ကာကွယ်ရေးအသင်းက ဥက္ကဋ္ဌ ဦးဗအုပ်ခိုင်က ဆိုပါတယ်။
“ရေသန့်သောက်တယ်ဆိုတာ သန့်ရှင်းတဲ့ရေကို သောက်ချင်လို့ သောက်တာ။ ဒီလိုသာသန့်ရှင်းမှုမရှိဘူးဆိုရင် ကိုယ့်အိမ် မှာလာတဲ့ အဝီစိရေကိုပဲ အကြည်ခံပြီးသောက်မှာပေါ့” လို့ သူက ဆိုပါတယ်။
ဒါ့အပြင် တချို့ရေသန့်ဖြန့်ချိရေးတွေရဲ့ ရေသန့်ဘူးတွေကို မြေကြီးပေါ်မှာပဲသိုလှောင်ထား၊ အမိုးအကာမပါဘဲနဲ့ နေပူထဲမှာ သယ်ယူပို့ဆောင်တာတွေကလည်း သောက်ရေသန့်ရဲ့ သန့်စင်စိတ်ချမှုကို အနည်းနဲ့အများ ထိခိုက် စေတယ်လို့ သူက ဆက်ပြောပါတယ်။
● ဘူးသွတ်ရောင်းချခြင်း
တချို့သောက်ရေသန့်ဘူးထဲ အမှုန်အမွှားနဲ့ အနံ့ဆိုးတွေ ဖြစ်လာတာက ရေသန့်ဘူးအဟောင်းတွေကို ပြန်သန့် စင်ရာမှာ စနစ်ကျမှု၊ ဂရုစိုက်မှု အားနည်းတာကြောင့် ဖြစ်နိုင်တယ်လို့ လှည်းကူးမြို့နယ်၊ လေးထောင့်ကန်ရပ်က ရေသန့်လုပ်ငန်းရှင် တစ်ဦးဖြစ်တဲ့ ကိုအာကာက ပြောပါတယ်။
ထုတ်လုပ်လိုက်တဲ့ရေသန့် ဘယ်လောက်ပဲကောင်းကောင်း၊ ဘူးသန့်ရှင်းရေးအပိုင်း အလေးမထားခဲ့ရင် နာမည်ကို ထိခိုက် လာမှာပဲဖြစ်တယ်လို့ သူက ဆိုပါတယ်။
“ကျွန်တော်တို့နာမည်ကိုသုံးပြီးတော့ လုပ်ငန်းအသေးလေးတွေလုပ်တာကလည်း ကျွန်တော်တို့ သတိထားရမယ့်ကိစ္စ။ ကျွန်တော်တို့နာမည်ပါ ထိခိုက်စေတယ်”
တချို့ရေသန့်ဘူးတွေမှာ အတွင်းပိုင်း ရေညှိတက်နေခြင်းက ရေထဲမှာမှိုဖြစ်စေတဲ့ ပိုးမွှားများပါဝင်နေခြင်းကြောင့် ဖြစ်တယ် လို့ ဒေါက်တာကျော်လင်းက ဆိုပါတယ်။
“ရေညှိပါတာလည်း ပိုးမွှားပါတာပဲလေ။ သောက်ရင် ဝမ်းပျက်မယ်၊ ဝမ်းလျှောမယ်၊ သန်ကောင်၊ တုတ်ကောင်တွေဖြစ်မယ်၊ နောက်ပြီး ရေမသန့်ရှင်းမှုနဲ့ ဓာတုပစ္စည်းတွေပါဝင်မှုပေါ် မူတည်ပြီး နောက်ဆက်တွဲရောဂါတွေဖြစ်မယ်” လို့ သူက ဆိုပါ တယ်။
FDA မှာ ညွှန်ကြားရေးမှူးတာဝန် ထမ်းဆောင်ခဲ့ဖူးတဲ့ ဒေါက်တာကျော်လင်းက လိုင်စင်ထုတ်ပေးတဲ့ စည်ပင်ဌာနရော၊ FDA ဌာနပါ ကြပ်မတ်ဖို့ လိုနေသေးတယ်လို့ ဆိုပါတယ်။
“ရေသန့်ကို တကယ်လုပ်ချင်ရင် မှတ်ပုံတင်၊ လိုင်စင်ရအောင်လုပ်၊ မှတ်ပုံတင်မရှိတဲ့ ဘယ်သောက်ရေသန့်ကမှ ကောင်းဖို့မရှိ ဘူး။ အိမ်ဘေးရေပိုက်ထဲက ရေကို ထည့်ချင်ထည့်မှာပဲ။ ခိုးလုပ်ကြတာကိုး”
ဒဂုံမြို့သစ် တောင်ပိုင်းမြို့နယ်က အမည်မဖော်လိုသူ ရေသန့်လုပ်ငန်းရှင်တစ်ဦးကတော့ သူ့မှာ ထုတ်ဝေခွင့် လိုင်စင်မရှိပေမဲ့ ရေဘူးကြီး ၅ဝ ကျော် နေ့စဉ် ထုတ်လုပ်နေတယ်လို့ ပြောပါတယ်။ သို့သော်လည်း လုပ်ငန်းခွင်သန့်ရှင်းရေး၊ ရေသန့်စင်ရေးကို ဦးစားပေး ဆောင်ရွက်ပြီး ရပ်ကွက် နှစ်ခုစာလောက်ပဲ ဖြန့်ဝေ ရောင်းချနေတယ်လို့ သူက ဆိုပါတယ်။
“နေရာ အများကြီးကို ဖြန့်တာလည်း မဟုတ်ပေမဲ့ ကိုယ့်ပတ်ဝန်းကျင်ကလူတွေ ကောင်းကောင်းမွန်မွန် အသုံးပြုလို့ရအောင် အလေးထားလုပ်ပါတယ်” လို့ သူက အေးအေးဆေးဆေး ပြောလိုက်ပါတယ်။ ။