Sony Myanmar မှ အဆိုတော် ဘန်နီဖြိုး နှင့် မိစန္ဒီ တို့အား Sony MDR Headphone Brand Ambassadors ခန့်အပ်
ရန်နောင် (ဗိုလ်တထောင်) မိုးမခ ဇူလိုင် ၂၀ - ၂၀၁၅
ဆိုနီမြန်မာအနေနဲ့ နာမည်ကျော် အဆိုတော်ဘန်နီဖြိုး နှင့် မိစန္ဒီ တို့အား Sony MDR
Headphone Brand Ambassadors အဖြစ်တရားဝင်ခန့်အပ်ခြင်း အခမ်းအနားကို ရန်ကုန်မြို့ ဂျမ်းရှင်းစကွဲယား ပရိုမိုးရှင်း ဧရိယာတွင် ဇူလိုင်လ ၁၇ ရက် (သောကြာနေ့) ညနေ ၅ နာရီတွင် ကျင်းပပြုလုပ်ခဲ့သည်။ ဘန်နီဖြိုး နဲ့ မိစန္ဒီ တို့သည် တရားဝင် သံတမန် အဖြစ် ခန့်အပ်လိုက်တဲ့ အချိန်ကစပြီး တနှစ်ပတ်လုံး Sony MDR Headphone နဲ့ ပတ်သက်သော လှုပ်ရှားမှု ပွဲတိုင်းမှာ ပါဝင်သွားမှာ ဖြစ်ပြီး ထူးခြားတဲ့ အစီအစဉ်များကိုလည်း လုပ်ဆောင်သွားမည်ဖြစ်ကြောင်း အစီအစဉ် တင်ဆက်သူ ဆန်းထွဋ် က ပြောကြားခဲ့ပါသည်။
ပြင်ပအနှောင့်အယှက် ကင်းစင်တဲ့ စတူဒီယိုအရည်အသွေးရှိတဲ့ ဂီတသံများကိုနားဆင်နိုင်တဲ့ premium headphone တွေကို ဒီနေ့မှာတော့ လူထုကြားထဲကို ချပြနိုင်ခဲ့ပါပြီ။ (High – Resolution ) အသံထွက်အရည်အသွေး မြင့်မားတဲ့ Sony MDR- 1A Headphone က အားကောင်းပြီး ကြည်လင်တဲ့ အသံထွက်ကို ထုတ်ပေးနိုင်တာကြောင့် သုံးစွဲသူ စိတ်ကြိုက် အကြိုက်ဆုံးတေးသွားများကို အကောင်းဆုံးနားဆင်နိုင်ပါကြောင်း ၊ High- Resolution Audio ရဲ့ အသံဖမ်းယူမှု ဟာဆိုရင် အရည်အသွေးမြင့် စီဒီတွေမှာ သုံးတဲ့ စံနှုန်းထက် မြင့်မားတဲ့ ဂီတ အသံဖလှယ်မှု နှုန်းထားတွေကို အသုံးပြုထားတာကြောင့် အသံထွက်ကို အကြည်လင်အပြတ်သားဆုံး ခံစားနိုင်မည်ဖြစ်သည်။
ဆက်လက်၍လည်း ထပ်မံသိရှိရသည်မှာ 100kHz ရှိတဲ့ Frequeny (အသံစနစ် ) အသုံးပြုထားလို့ Sony MDR – 1A Headphone နဲ့ နားထောင်တဲ့အခါ အနုပညာရှင်တစ်ဦး မိမိရှေ့တွင် လာရောက်သီဆိုပြနေသကဲ့သို့ အပြည့်အဝခံစားနားဆင်နိုင်မည်ဖြစ်ကြောင်းလည်း မသိင်္ဂီစိုး က ပြောပြရှင်းလင်းခဲ့သည်။
ဘန်နီဖြိုး ၏ နာမည်အရင်းမှာ ပြည့်ဖြိုးပိုင် ဖြစ်ပြီး ယနေ့ခေတ် လူငယ်များကြား ရေပန်းစားနေသော အသက် ၂၃ နှစ်အရွယ် Pop and R&B တေးရေးတေးဆို တစ်ယောက်ဖြစ်သည်။ သူရဲ့ ပထမဆုံး တစ်ကိုယ်တော် အယ်လ်ဘမ် “ ချစ်တယ်ဟုတ်” ကို ၂၀၁၁ ခုနှစ်မှာ ထုတ်ဝေခဲ့ပြီး “ နှစ်ပတ်လည် ” ဆိုတဲ့ သီချင်းနဲ့ အချိန်တိုအတွင်းမှာ အောင်မြင်မှုကို ရရှိခဲ့သည်။ ၂၀၁၃ ခုနှစ်မှာ ဒုတိယတစ်ကိုယ်တော် အယ်လ်ဘမ် “ လူပျိုလှည့်တေး ” ကို ထုတ်ဝေခဲ့ပါတယ်။
မိစန္ဒီ ၏ နာမည်ရင်းမှာ မိစန္ဒီမင်းဥာဏ် ဖြစ်ပါတယ်။ လူငယ်များကြားမှာ ရေပန်းစားတဲ့ အသက် ၂၅ နှစ်အရွယ် R&B နဲ့ Hip-Hop တေးရေး တေးဆို တစ်ယောက်ဖြစ်ပါတယ်။ သူ့ရဲ့ ပထမဆုံး တစ်ကိုယ်တော် အယ်လ်ဘမ် မိုနိုပိုလီ ကို ၂၀၁၁ ခုနှစ်မှာ ထုတ်ဝေခဲ့ပါတယ်။ “ ရေခဲရိုက်အပြုံး ” ဆိုတဲ့ သီချင်းနဲ့ အချိန်တိုအတွင်းမှာ အောင်မြင်မှုကို ရရှိခဲ့ပါတယ်။ ၂၀၁၄ ခုနှစ်မှာ ဒုတိယတစ်ကိုယ်တော် အယ်လ်ဘမ် ပစ်တိုင်းထောင်ကို ထုတ်ဝေခဲ့ပါတယ်။