 |
| တောင်ဖြိုတူးဖော်မှုကြောင့် ချောက်ကမ်းပါးပေါ်ရောက်လာသော ကျေးရွာတရွာ |
ထက်ခေါင်လင်း ● မူလအခြေအနေပျက်ယွင်းသွားတဲ့ ကချင်ကျောက်စိမ်းမြေ
(မိုးမခ) မေ ၂၈၊ ၂၀၁၆
ယခုသတင်းဆောင်းပါးအား Myanmar Now မှ ရယူပါသည်။
ဒေသခံတွေရဲ့ မျက်စေ့အောက်ကနေ တဖြည်းဖြည်း ပျောက်ကွယ်သွားတဲ့ မြင့်မြင့်မားမား တောင်ကုန်းကြီးတွေဟာ ဟိုနား ဒီနားမှာ မြေစာပုံတွေအဖြစ် ဘဝပြောင်းသွားကြပါပြီ။
အိမ်ခြေ ၂ဝဝ ကျော်ရှိတဲ့ သာယာကုန်းရွာဟာ ကျောက်စိမ်းတူးဖော်ရေး လုပ်ငန်းရှင်တွေကို ဦးစားပေးရတာကြောင့် ပြီးခဲ့တဲ့ ဆယ်နှစ်လောက်က ရွာကို နေရာရွှေ့ပေးခဲ့ရတယ်၊ အခုတော့ ကျောက်မိုင်းတွေက ရွာဘေး ရောက်လာပြန်ပြီလို့ ဒေသခံတ ယောက်ဖြစ်တဲ့ ဒေါ်ကိုင်ယင်းက ပြောပါတယ်။
“ပေါင်မုန့်ကို ဓားနဲ့ ပတ်ပတ်လည် လိုက်လှီးထားသလို (တောင်တွေ) အတုံးလိုက်ကြီး ထောင်နေတဲ့နေရာမှာ ကျွန်မတို့ နေ နေ ကြရတာ။ ဘယ်အချိန်ပြိုမလဲကို စောင့်နေကြရသလိုပဲ” လို့ ဒေါ်ကိုင်ယင်းက ဆိုပါတယ်။
ရာအိမ်မှူးတစ်ယောက်ဖြစ်တဲ့ ဦးလမာတူးဂျာကတော့ ကမ်းပါးပြိုကျပြီး သူတို့ရွာ ချောက်ထဲကျ မြေမြှုပ်ခံရမယ့် အန္တရာယ် တွေ့ကြုံနေရပေမယ့် မြေပြန်ဖို့ပေးရေး၊ လုပ်ငန်းရပ်ဆိုင်းရေးအတွက် ကုမ္ပဏီတွေကို တောင်းဆိုဖိအားပေးဖို့ အခက်အခဲရှိ တယ်လို့ ဆိုပါတယ်။
“မနှစ်ကလည်း အိမ်ခြေတော်တော်လေး ပြိုတယ်။ တအား ပြောလို့လည်း မရဘူးလေ။ ကျွန်တော်တို့လည်း ကြောက်ရတာပဲ။ သူတို့က ကိုယ့်ထက် ဓနအခြေအနေစွမ်းနေတာ” လို့ ဦးလမာတူးဂျာက ပြောပါတယ်။
 |
| စွန့်ပစ်မြေစာပုံတခုတွင် ရောင်းတန်းဝင်ကျောက်စိမ်း ရှာဖွေသူများ |
တူးဖော်ရေးလုပ်ငန်းကြီးတွေကြောင့် မြေစာပုံတောင်ကုန်းတွေ၊ ပေပေါင်း ရာနဲ့ချီ နက်ရှိုင်းတဲ့ ချိုင့်ဝှမ်းတွေ ပေါ်ပေါက်လာပြီး ကျေးရွာတွေဟာ မြေပြိုမှု၊ လူတွေကြောင့်ဖြစ်ပေါ်တဲ့ သဘာဝဘေးဒဏ်တို့နဲ့ ရင်ဆိုင်ရမယ့် အခြေအနေမှာ ရှိနေပါတယ်။ တောင်ကုန်းကြီးတွေလို ဖြစ်လာကြတဲ့ မြေစာပုံတွေဟာလည်း မကြာခဏ ပြိုကျနေတာကြောင့် လူသေဆုံးမှု အများအပြား ဖြစ်ပေါ်နေပါပြီ။
● အစုလိုက်အပြုံလိုက်သေဆုံးမှု
လုံးခင်း၊ ဖားကန့်ရတနာမြေမှာ စွန့်ပစ်မြေနဲ့ ပတ်သက်ပြီး စနစ်တကျ စီမံခန့်ခွဲမှု၊ စနစ်တကျ ကြီးကြပ်မှု အားနည်းလွန်းတယ်လို့ ဒေသခံတွေက ဆိုပါတယ်။ တစ်သုံးလုံးကုမ္ပဏီရဲ့ စွန့်ပစ်မြေစာပုံမှာ ဒီနှစ်ရဲ့ ပထမငါးလအတွင်းဖြစ်ပေါ်တဲ့ မြေပြိုမှုကြီးတွေ မှာ သေဆုံးသူ အရေအတွက် ၈ဝ ကျော် အနည်းဆုံးရှိတယ်လို့ သိရပါတယ်။
ပြီးခဲ့တဲ့နှစ် နိုဝင်ဘာလက စိုင်းဂျာဘွန်ရွာအထက်ဘက် တရားမဝင် တဲအိမ်ဆောက်နေထိုင်ကြသူတွေ၊ ဈေးသည်တွေ၊ ရေ မဆေးကျောက်ရှာဖွေသူတွေ မြေစာပုံအောက် ရောက်သွားပါတယ်။ အဲဒီမြေစာပုံပြိုကျမှုဖြစ်ရပ်မှာ ရုပ်အလောင်း တစ်ရာ ကျော် ရှာဖွေတွေ့ရှိခဲ့ပြီး ပျောက်ဆုံးသူအရေအတွက်ကတော့ နှစ်ရာဝန်းကျင်ရှိမယ်လို့ ဖားကန့်အခြေစိုက် လူမှုရေးအဖွဲ့တွေ က ခန့်မှန်းကြပါတယ်။
 |
| မြေစာပုံ လာရောက်စွန့်ပစ်သော မြေသယ်ယာဉ်တစီး |
၂ဝ၁၄ ခုနှစ် မိုးတွင်းကာလ မြယမုံလုပ်ကွက် မြေစာပုံပြိုကျမှုဖြစ်ရပ်မှာ သေဆုံးသူအရေအတွက် တစ်ရာကျော်ပါတယ်။ မြေပြိုမှုကြောင့် သေဆုံးမှုနှုန်းဟာ ယခင်နှစ်တွေက ဆယ်ဂဏန်းသာရှိပေမယ့် ဒီဘက်နှစ်တွေမှာတော့ ရာဂဏန်းအထိ ဖြစ် လာပါပြီ။
စွန့်ပစ်မြေစာပုံတွေ ကျစ်လျစ်သွားအောင်ပြန်မကြိတ်ကြတဲ့အတွက် အလွယ်တကူ ပြိုကျလွယ်တယ်၊ တူးဖော်ရေးလုပ်ငန်းတချို့မှာသုံးတဲ့ ယမ်းအားပြင်းဖောက်ခွဲမှုတွေကလည်း မြေပြိုမှုကို အားဖြည့်ပေးသလိုဖြစ်နေတယ်လို့ ဒေသခံတွေက ပြော ပါတယ်။
ဆိုင်းတောင်ရွာဟောင်းနေရာမှာ ကုမ္ပဏီ ၁၂ ခုလောက်ရဲ့ မြေစာပုံတွေဟာ နာမည်ကျော် ဥရုချောင်းဘေးမှာ ဖြစ်နေတာ ကြောင့် ဒီနှစ်မိုးတွင်း ချောင်းထဲကို မြေစာပုံပြိုကျသွားရင် ရွာပေါင်း ၁ဝ ရွာလောက်ဟာ ရေဘေးအန္တရာယ်ကြုံရမယ်လို့ ကချင်အမျိုးသား လူမှုဖွံ့ဖြိုးရေး ဖောင်ဒေးရှင်းက ဒေါ်ကိုင်ရာက ခန့်မှန်းပါတယ်။
“နှစ်တိုင်းလိုလို ရွာတွေထဲ ရေဝင်ပေမယ့် ဒီနှစ်က ပိုဆိုးမယ်။ အရင်နှစ်တွေက ချောင်းကောတာ လောက်ပဲဖြစ်တာ။ ဒီနှစ်က မြေစာပုံတွေက မိုးရေကြောင့် ပြိုကျပြီး ချောင်းထဲဝင်ပိတ်မှာတော့ ကျိန်းသေဖြစ်လာနိုင်တယ်” လို့ သူက ဆိုပါတယ်။
“ဥရုချောင်းဘေးမှာ မြေပြိုပြီး ချောင်းထဲဝင်လာနိုင်မယ့် မြေစာပုံတွေက အများကြီး”
● ပိတ်မိနေတဲ့ ဒေသခံတွေ
အာဏာပိုင်တွေက ဖားကန့်ဒေသတွင်း ချောင်းတွေနဲ့ ပေ ၃ဝဝ အတွင်းမှာ မြေစာစွန့်ပစ်မှု မပြုရဘူးလို့ ညွှန်ကြားထားပြီး မြေစာစွန့်ရမယ့်နေရာ ၁၂ ခု သတ်မှတ် ပေးထားပါတယ်။ စနစ်တကျ စွန့်ပစ်မှု ရှိမရှိ၊ မြေစာပုံ ပြိုကျမယ့် အန္တရာယ်တို့နဲ့ ပတ်သက်ပြီး ပြည်နယ်အစိုးရရဲ့ ကွင်းဆင်းကြီးကြပ်ရေးအဖွဲ့ ၁၁ ဖွဲ့က အပတ်စဉ် စစ်ဆေးတယ်လို့ မြန်မာ့ကျောက်မျက်ရေးဌာန လက်ထောက်ညွန်ကြားရေးမှူး ဦးသက်ခိုင်က ပြောပါတယ်။
ဒေါ်ကိုင်ယင်းကတော့ အာဏာပိုင်တွေဟာ တိတိကျကျ စစ်ဆေး အရေးယူ ဆောင်ရွက်ခြင်းမရှိသလို မြေစာပုံတစ်ခုဟာ ၆ လအတွင်းမှာတင် ဖားကန့်ဒေသတောင်တွေထက် မြင့်မားသွားတာက ဘာ့ကြောင့်လဲလို့ မေးခွန်းထုတ်ပါတယ်။
မြေစာသယ်ယာဉ်ကြီးတွေ ရွာလမ်းမတွေကနေ ဖြတ်သန်းသွားလာချိန်မှာ ယာဉ်မတော်တဆမှုတွေလည်း မကြာခဏ ဖြစ်တာတွေကြောင့် ဒေသခံလူမှုရေးအဖွဲ့တွေက ပြီးခဲ့တဲ့နှစ်ကုန်ပိုင်းမှာ ကားလမ်းပိတ် ဆန္ဒပြတဲ့အတွက် ရွာလမ်းတွေမှာ အရှိန်လျှော့မောင်းဖို့ ကုမ္ပဏီတွေက သဘောတူခဲ့ပါတယ်။
စိုင်းဂျာဘွန်ရွာဟာ ကျောက်စိမ်းတွင်းတွေကို ဦးစားပေးရတာကြောင့် ၂၅ နှစ်အတွင်း ၄ ကြိမ်တိုင်တိုင် နေရာရွှေ့ပေးခဲ့ရ တဲ့ရွာပါ။
ပြီးခဲ့တဲ့နှစ်က ရွာလယ်လမ်းမ မြေသားတွေ ကွဲအက်လာတဲ့အတွက် မြေပြိုမယ့်အန္တရာယ်ကို ကာကွယ်ပေးဖို့ အာဏာပိုင် တွေဆီ တောင်းဆိုထားကြပေမယ့် ကနေ့အချိန်အထိ ထူးခြားမှု မရှိသေးဘူးလို့ ဒေသခံ ဒေါ်ရွယ်ဂျားက ဆိုပါတယ်။
“ဒီရွာလေးမပျက်အောင်လို့ ဒီချောက်ထဲကို မြေစာတွေ ပြန်ဖြည့်ရင်ဖြည့်၊ ဒါမှမဟုတ် သင့်တော်တဲ့၊ အန္တရာယ်ကင်းတဲ့တနေ ရာရာမှာ ရွာပြန်တည်ပေးဖို့ ကောင်းတယ်”လို့ ၅၈ နှစ်အရွယ် ဒေါ်ရွယ်ဂျားက ဆိုပါတယ်။
“ဒီအတိုင်းသာဆို ဒီနှစ်မိုးတွင်းမှာ ညပိုင်းအိပ်လို့တောင် ပျော်မှာမဟုတ်တော့ဘူး။ ဘယ်အချိန်ပြိုကျမလဲ စိုးတထိတ်ထိတ်ဖြစ် နေရပြီ”
● တူးဖော်မှု ရပ်ဆိုင်းရေး
ဖားကန့်ရတနာမြေရဲ့ မိုင် ၂ဝ ပတ်ဝန်းကျင်မှာ တောင်အလုံး ၅ဝ ကျော် ကုန်သွားပြီလို့ ကချင်အမျိုးသား ဖွံ့ဖြိုးတိုးတက်ရေး ဖောင်ဒေးရှင်း ဥက္ကဋ္ဌ ဦးလမာလတောင်က ပြောပါတယ်။
ကုမ္ပဏီတွေ အလွန်အကျွံတူးဖော်နေတာကိုလည်း တရားဝင်လုပ်ပိုင်ခွင့်ပေးထားသလိုဖြစ်နေတယ်လို့ သူက မှတ်ချက်ချပါ တယ်။
 |
| ဧပြီလလယ်ပိုင်းက တွေ့ရသော ဖားကန့်ဒေသ ကျောက်မျက်တူးဖော်ရေးလုပ်ကွက် တခု |
မတ်လနှောင်းပိုင်းမှာတော့ ဒေသခံလူမှုအဖွဲ့အစည်းတွေက ရန်ကုန်မြို့မှာ သတင်းစာရှင်းလင်းပွဲ သွားရောက်ပြုလုပ်ပြီး ကျောက်စိမ်းအလွန်အကျွံထုတ်ယူမှုကို စုံစမ်းရေး ကော်မရှင်ဖွဲ့စည်း စစ်ဆေးပေးဖို့ တောင်းဆိုကြပါတယ်။
သယံဇာတ စီမံခန့်ခွဲရေး မူဝါဒ၊ ဥပဒေ၊ လုပ်ထုံးလုပ်နည်းတွေကို အမြန်ဆုံးအကောင်အထည်ဖော်ဖို့၊ ကျောက်စိမ်းတူးဖော်မှုတွေ ကို ရပ်ဆိုင်ပေးထားဖို့လည်း တောင်းဆိုပါတယ်။
“ကျောက်စိမ်းအလွန်အကျွံတူးတာကို နေပြည်တော်မှာ တားမြစ် ဥပဒေရေးဆွဲကြမယ့် အချိန်မှာ တောင်တွေ အလျင်အမြန် ပျောက်သထက်ပျောက်၊ ချောက်တွေ နက်သထက် နက်လာမယ်"လို့ ဖားကန့်ဒေသမှ သတင်းသမားတစ်ယောက်ဖြစ်တဲ့ ဦးဇော်မိုးထက်က ပြောပါတယ်။
Global Witness အဖွဲ့၊ အရှေ့တောင်အာရှရုံးခွဲ ပြောရေးဆိုခွင့်ရှိသူ မိုက်ဒေးဗစ်က လုပ်ငန်းတွေကို ရပ်ဆိုင်းထားရေး ဒေသခံတွေတောင်းဆိုတာကို ထောက်ခံတယ်လို့ ဆိုပါတယ်။
 |
| စက်ယန္တရားကြီးများအသုံးပြုသော ကျောက်စိမ်းတူးဖော်ရေးလုပ်ကွက်တခု |
“အစိုးရသစ်အနေနဲ့ ကျောက်စိမ်းလုပ်ငန်း အချက်အလက်တွေ၊ ကိန်းဂဏန်းတွေကို ပွင့်လင်းမြင်သာစွာ သတင်းထုတ်ပြန်ပေးဖို့ လိုအပ်တယ်"လို့ မိုက်ဒေးဗစ်က Myanmar Now ကို ပြောပါတယ်။
ဖားကန့်ကျောက်စိမ်းကိစ္စဟာ ကချင်ပြည်နယ်ရော မြန်မာတနိုင်ငံလုံးအတွက်ပါ အကျိုးအမြတ် ရှိစေတဲ့လုပ်ငန်းဖြစ်တဲ့ အတွက် အစိုးရအနေနဲ့ နိုင်ငံရေး၊ စီးပွားရေးအရ ဦးစားပေး လုပ်ဆောင်သင့်တဲ့ကိစ္စ ဖြစ်တယ်လို့ သူက ဆိုပါတယ်။
အစိုးရသစ်ကတော့ ကျောက်စိမ်းတူးဖော်ရေးလုပ်ငန်းတွေ ရပ်ဆိုင်းထားရေး တောင်းဆိုချက်များနဲ့ပတ်သက်ပြီး တုန့်ပြန် ခြင်း မရှိသေးပါဘူး။ သို့သော်လည်း ကုမ္ပဏီအသစ်တွေ၊ လုပ်ကွက်အသစ်တွေ ခွင့်ပြုမှာမဟုတ်ဘူးလို့ သယံဇာတနှင့် သ ဘာဝပတ်ဝန်းကျင် ထိန်းသိမ်းရေးဝန်ကြီးဌာနဝန်ကြီး ဦးအုန်းဝင်းက အမျိုးသားလွှတ်တော်ရဲ့ မေလ ၁၁ ရက်နေ့ အစည်း အဝေးမှာ ပြောဆိုခဲ့ပါတယ်။
 |
| ဧပြီလလယ်ပိုင်းက တွေ့ရသော ဖားကန့်ဒေသမှ မြေသယ်ယာဉ်တချို့ |
“မြေစာပုံဖို့ ၁၂ နေရာသတ်မှတ်ထားပါတယ်။ သတ်မှတ်ထားတဲ့နေရာမှာ စွန့်ပစ်မှုရှိမရှိ၊ မြေစာပုံမှာ တရားမဝင် ပျံကျတဲတွေ ရှိမရှိ၊ မြေစာပုံပြိုနိုင်မှု ရှိမရှိကို မြို့နယ်မြေစာကြီးကြပ်စစ်ဆေးရေးအဖွဲ့နဲ့ ကွင်းဆင်းကြီးကြပ်ရေး အဖွဲ့တွေက ကွင်းဆင်းကြီးကြပ်သွားမှာဖြစ်ပါတယ်” လို့ သူက ပြောပါတယ်။
ကျောက်စိမ်းတွင်းကြောင့် ပတ်ဝန်းကျင်ပျက်စီးမှုကို စိစစ်ဖို့ ကျွမ်းကျင်ပညာရှင်တွေပါဝင်တဲ့ အဖွဲ့တစ်ခု ဖွဲ့စည်းတာဝန်ပေး မယ်၊ ဒီအဖွဲ့ရဲ့ စစ်ဆေးတွေ့ရှိချက်အရ ပတ်ဝန်းကျင် စီမံခန့်ခွဲမှု အစီအစဉ်တွေ ဆက်လက်ရေးဆွဲမယ်၊ ရေးဆွဲပြီး အစီအစဉ် တွေကိုလည်း ဆက်လက်အကောင်အထည်ဖော်မယ်လို့ ပြည်ထောင်စုဝန်ကြီးက ဆိုပါတယ်။
 |
| ဧပြီလလယ်ပိုင်းက တွေ့ရသော ဖားကန့်ကျောက်စိမ်းမြေ မြင်ကွင်းတခု |
ဖားကန့်အခြေအနေနဲ့ ပက်သက်ပြီး စုံစမ်းစစ်ဆေးရေးကော်မရှင် ဖွဲ့စည်းရေးကိစ္စကို ဒေသတွင်း လွှတ်တော်ကိုယ်စားလှယ်များ စုပေါင်း သုံးသပ်နေတယ်လို့ ဖားကန့်မြို့နယ်၊ ပြည်သူ့လွှတ်တော်ကိုယ်စားလှယ် ဦးတင့်စိုးက ပြောပါတယ်။
“စုံစမ်းစစ်ဆေးရေးကော်မရှင်မှာ ပါဝင်ရမယ့်လူတွေက ဒီလုပ်ငန်းကိုလည်း ကျွမ်းကျင်ပြီး ဘယ်သူ့ မျက်နှာမှ မကြည့်တဲ့ သူတွေဖြစ်ဖို့ လိုတယ်” လို့ သူက ပြောလိုက်ပါတယ်။ ။