ပီတိ ၏ “ ကံကြမ္မာအလိုတိုင်း ” တေးစီးရီး DVD စာနယ်ဇင်းမိတ်ဆက်
ရန်နောင်( ဗိုလ်တထောင်) မိုးမခ ဇူလိုင် ၂၁ --၂၀၁၅
အဆိုတော် ပီတိ ၏ “ ကံကြမ္မာအလိုတိုင်း ” တေးစီးရီး DVD Video စာနယ်ဇင်းမိတ်ဆက်ပွဲ အခမ်းအနားကို ရန်ကုန်မြို့ ဗိုလ်တထောင်ဘုရားလမ်း ရှိ Orchid Hotel တွင် ယနေ့ နံနက် (၁၁) နာရီ တွင် ကျင်းပပြုလုပ်ခဲ့သည်။
အဆိုပါ တေးစီးရီး ဒီဗွီဒီ မိတ်ဆက်ပွဲတွင် အခမ်းအနားမှူး အဖြစ် ဦးအောင်သျှံဝိုင်း မှ ဆောင်ရွက်ပြီး တေးစီးရီး စီစဉ်ထုတ်လုပ်သူ ဦးချန်ဟိန်း (ရတနာမြိုင်တေးထုတ်လုပ်ရေး ) မှ တေးစီးရီး စီစဉ်ဖြစ်ပုံအကြောင်းအား ရှင်းလင်းပြောကြားခဲ့သည်။
ထို့နောက် အဆိုတော် ဝဏ္ဏ မှ မုဒိတာ စကားပြောကြားခဲ့ပြီး အဆိုတော် ပီတိ မှ တေးစီးရီး ခွေ ထုတ်လုပ်ဖြစ်ခဲ့ပုံ အား ရှင်းလင်းပြောကြားသည်။
 |
| ဦးချန်ဟိန်း |
 |
| ပီတိ |
အဆိုပါ “ ကံကြမ္မာအလိုတိုင်း ” တေးစီးရီး တွင် တေးစာသားများကို အောင်ဖြိုးပိုင်၊ သားသား နှင့် တေးသံရှင် ပီတိ ကိုယ်တိုင် ရေးသားထားသည်။ “ ICE RIVER ” တီးဝိုင်း နှင့် တီးခတ်ထားပြီး တယော ချမ်းဟိန်းကြွယ် တို့က အားဖြည့် တီးခတ်ပေးထားသည်။ စတူဒီယို မက်စ် တွင် အသံသွင်းယူထားပြီး ဟာမိုနီ ကို SKYLARCK အဖွဲ့က သီဆိုပေးထားသည်။ ထိုစီးရီး Audio ကို ၂၀၁၄ ခုနှစ်တွင် ဖြန့်ချိခဲ့ပြီး ယနေ့တွင် ရတနာမြိုင်တေးထုတ်လုပ်ရေးမှ စာနယ်ဇင်းမိတ်ဆက်ပွဲ နှင့်အတူ မြန်မာတပြည်လုံးသို့ ဖြန့်ချိလိုက်ပြီဖြစ်သည်။