လင်းသက်ငြိမ် - လူကြောက်များရဲ့မြို့

(မိုးမခ) ဇွန် ၁၆၊ ၂၀၁၆

မြို့ဝင်ဆိုင်းဘုတ်မှာ
ကြောက်ရွံ့ခြင်းသို့ ကြိုဆိုခြင်း
ဆိုင်းဘုတ်ချိတ်ဆွဲလို့
လမ်းတွေရဲ့ နာမည်တွေကို
ကြောက်ရွံ့ခြင်း ၁ ၂ ၃ အမှတ်စဉ်တပ်လို့
ကြောက်ရွံ့ခြင်းနဲ့ အလှဆင်ပါ ဆိုတဲ့
စာသားတွေက နေရာတိုင်း နေရာယူထားတယ်။

လူကြောက်များရဲ့ မြို့ဟာ
တိတ်ဆိတ်ခြင်းက သွေးပျက်ဖွယ်
ဆူညံလို့နေရဲ့
လူကြောက်များရဲ့မြို့က
လူတွေဟာ ခေါင်းကိုမော့ မကြည့်ဖူးလို့
သစ်ရွက်တွေသာ လှည်းကျင်းနေရတယ်
သစ်ပင်ထိပ်ဖျားကို မမြင်ဖူးကြဘူးတဲ့။

လူကြောက်များရဲ့မြို့မှာ
မကြောက်ဖူးဆိုတဲ့ စကားကို
ဘယ်သူမှ သုံးစွဲလို့ မရဘူးလို့
ပြောကြတယ်။

လူကြောက်များရဲ့မြို့မှာ
ကြောက်ရွံ့ခြင်းအကြောင်း
ကဗျာတွေဖွဲ့ကြတယ်၊
သီချင်းစပ်ဆိုကြတယ်၊

ကြောက်ရွံ့ခြင်းရဲ့ အရုဏ်ဦးဆိုတဲ့
ပန်းချီကားကို ရေးဆွဲတဲ့
ပန်းချီဆရာတစ်ယောက်ဆို
တစ်သက်လုံး ထိုင်စားရလောက်အောင်
အောင်မြင်သွားတယ်တဲ့...။

လူကြောက်များရဲ့ မြို့မှာ
ကြောက်ရွံ့ခြင်းပွဲတော်ကို နှစ်စဉ်နှစ်တိုင်း
ခြိမ့်ခြိမ့်သဲ ဆင်နွဲကြတယ် ဆိုပဲ။

လူကြောက်များရဲ့ မြို့မှာ
ကြောက်ရွံ့ခြင်းကိုသာ ကိုးကွယ်ကြသတဲ့
ကြောက်ရွံ့ခြင်းဟာ အစဉ်အဆက်
ထိန်းသိမ်းလာခဲ့တဲ့ ယဉ်ကျေးမှုလည်း
ဖြစ်သတဲ့...။

လူကြောက်များရဲ့ မြို့လမ်းတွေဟာ
ကျောက်သားလမ်းတွေဖြစ်ပြီး
လူကြောက်များရဲ့ မြို့မှာ
အဆောက်အဦတိုင်းကိုလည်း
ကျောက်သားတွေနဲ့ပဲ
တည်ဆောက်ထားတယ်။

ကြောက်ရွံခြင်း အသစ်အသစ်တွေ ပေါ်ထွက်နိုင်ရေးအတွက်
လူကြောက်များရဲ့မြို့မှာ
ခေတ်မီ ကြောက်ရွံ့စရာများ ပြပွဲတွေလည်း
မပြတ်ကျင်းပကြတယ်လို့ ပြောကြတယ်။

လူကြောက်များရဲ့မြို့ဟာ
ကြောက်ရွံ့ခြင်းကို
ဂုဏ်သိက္ခာလို တန်ဖိုးထားကြတယ်
မကြောက်ရွံ့ခြင်းကိုလည်း
ကူးစက်ရောဂါတစ်ခုလို့ ခေါ်ကြတယ်။

လက်ဖက်ရည်သောက်ရင်း
ကြောက်ရွံ့ကြ
သတင်းစာဖတ်ရင်း ကြောက်ရွံ့ကြ
ထမင်းစားရင်း ကြောက်ရွံ့ကြ
ရေချိုးရင်း ကြောက်ရွံ့ကြ
ုတစ်ယောက်နဲ့ တစ်ယောက်
နူတ်ဆက်ကြတဲ့အခါ
ကြောက်ပါပြီလို့ နူတ်ဆက်ကြ
တစ်ယောက်နဲ့တစ်ယောက်
စကားများကြတဲ့အခါ
မင်း ငါ့လောက်ကြောက်နိုင်အောင်ကြိုးစားတို့၊ 

မင်း ကြပ်ကြပ်ကြောက်ထားတို့

စသဖြင့် အော်ဟစ် ဆဲဆိုကြ။

လူကြောက်များရဲ့ မြို့ဟာ
အချုပ်အခြာ အာဏာ က
တစ်သွေး တစ်သံ တစ်မိန့်ပဲ
နူတ်လှန်ထိုးခြင်း မရှိ
တုံ့ပြန်ပြောဆိုခြင်း မရှိ
စောဒကတက်ခြင်း ဟာ
လုံးဝမယဉ်ကျေးတဲ့ သဘောတရားပဲ တဲ့။

လူကြောက်များရဲ့မြို့မှာ
နှစ်ဆယ့်လေးနာရီလုံး
လျှပ်စစ်မီးတွေ ထွန်းထားတယ်
အရာရာကို ကြောက်ရွံ့တယ်
စကားကျယ်ကျယ် မပြောကြဘူး
မြို့သားတွေရဲ့ အကြီးမားဆုံးဒုက္ခက
အိပ်ရေးဝဝ မအိပ်ရခြင်းပဲဖြစ်ပြီး
အမုန်းတီးဆုံး အသံကတော့
ခွေးအူသံတွေနဲ့
အရေးပေါ်ဥသြသံတွေပဲဖြစ်တယ်။

အထူးခြားဆုံးကတော့
လူကြောက်များရဲ့မြို့မှာ
သတ္တိဆိုတဲ့ စကားလုံးကို
ဘယ်သူကမှ မကြားဖူးကြဘူးတဲ့ ။ ။