မောင်မောင်စိုး ● တောင်တရုတ်ပင်လယ်၊ ကိုးကန့်တရုတ်၊ တရုတ်ပြည်နှင့် ကျွန်ုပ်တို့ မြန်မာ - အပိုင်း (၁)
(မိုးမခ) ဇူလိုင် ၁၇၊ ၂၀၁၆
(မိုးမခ) ဇူလိုင် ၁၇၊ ၂၀၁၆
● တောင်တရုတ်ပင်လယ်ပြဿနာ
ယခုရက်ပိုင်း နိုင်ငံတကာသတင်းမျက်နှာစာများတွင် ရေပန်းအစားဆုံးက တောင်တရုတ်ပင်လယ်ပြဿနာဟု ဆိုရမည်။ နှစ်ပေါင်းများစွာပင် တောင်တရုတ်ပင်လယ်ရေပြင်ပိုင်ဆိုင်မှုနှင့်ပတ်သက်ပြီး တရုတ်၊ တိုင်ေ၊ ဗီယက်နမ်၊ ဖိလစ်ပိုင်၊ ဘရူနိုင်း၊ မလေးရှားတို့ အငြင်းပွားနေခဲ့ကြသည်။ အငြင်းပွားနေသောနိုင်ငံများအနေနှင့် ထိုဒေသတွင် ကြွယ်ဝသော သဘာဝဓါတ် ငွေ့အပါ သဘာဝသယံဇာတများနှင့် ကြွယ်ဝသော ငါးအရင်းအမြစ်များကြောင့်ဖြစ်သည်ဟု ဆိုသည်။ ထိုပြင် အမေရိကန် ဂျပန်အပါ အင်အားကြီးနိုင်ငံများကလည်း စိတ်ဝင်စားသည်။ သူတို့၏စ်ိတ်ဝင်စားမှုက ပစိဖိတ်ဒေသနှင့် တောင်တရုတ်ပင် လယ်တွင်း ရေကြောင်းသွားလာမှုကို စိုးမိုးနိုင်ရန်ဖြစ်သည်။
တောင်တရုတ်ပင်လယ်တွင်း အငြင်းပွားမှု များ အချင်းများမှုများကား အတောမသတ်နိုင်ခဲ့ပေ။ ၂၀၁၂ ခန့်က တောင်တရုတ် ပင်လယ်တွင် သူပိုင်ဆိုင်မှု နယ်နမိတ်အား တရုတ်တို့ရေးဆွဲဖေါ်ပြမှု ထွက်လာပြီးနောက် အငြင်းပွားမှုများ ပို၍တိုးလာသည်။ ဖိလစ်ပိုင်နိုင်ငံက အနောက်ဖိလစ်ပိုင်ပင်လယ်ဟု ပြောင်းခေါ်သည်။ တရုတ်တို့ကလည်း တောင်ပင်လယ်တွင် ကျွန်းတုများ ဖန်တီးပြီး စစ်စခန်းများ တည်ဆောက်လာခဲ့သည်။
ဖီလစ်ပိုင်နိုင်ငံက တောင်တရုတ်ပင်လယ်အငြင်းပွားမှုအား ၂၀၁၃ ခုနှစ်တွင် ကုလသမဂ္ဂသို့တင်ပြခဲ့ပြီး နယ်သာလန်နိုင်ငံ ဟိတ်ဂ်မြို့အခြေစိုက် နိုင်ငံတကာခုံရုံးမှ ဆုံးဖြတ်ချက်ချရန်ဖြစ်လာခဲ့တော့သည်။ ၃ နှစ်အကြာ ၂၀၁၆ ခုနှစ် ဇူလိုင်လ ၁၂ ရက်တွင် ခုံရုံးမှ ဆုံးဖြတ်ချက်ထွက်သည်။ နိုင်ငံတကာခုံရုံးက တောင်တရုတ်ပင်လယ်တွင် ကျွန်းများနှင့် ရေပြင်ပိုင်နက်အများစု ကို တရုတ်တို့ပိုင်ဆိုင်သည်ဆိုခြင်းနှင့်ပတ်သက်၍ သမိုင်းကြောင်းအရ ပိုင်ဆိုင်ခွင့်မရှိသကဲ့သို့ ဥပဒေကြောင်းအရလည်း မညီဟု ဆုံးဖြတ်ခဲ့သည်။
ဤဆုံးဖြတ်ထွက်လာသောအခါ ဖိလစ်ပိုင်တို့ပျော်မြူးကြ၍ တရုတ်တို့အမျက်ဒေါသထွက်သည်။ အဆိုပါဆုံးဖြတ်ချက်အား ဖိလစ်ပိုင်တို့ ထောက်ခံကြသော်လည်း တရုတ်က လက်မခံချေ ။ နိုင်ငံတကာခုံရုံး၏ ဆုံးဖြတ်ချက်ဆိုသည်မှာ မိမိတို့တိုင်းပြည်တွင်း၌ကြုံနေကြ "ဥပဒေကဲ့သို့ အာဏာတည်သောအမိန့် "မဟုတ်ချေ ။ သက်ဆိုင်ရာနိုင်ငံတိုင်း၏ ခံယူမှု လက်ခံမှု နှင့်လည်းဆိုင်သကဲ့သို့ ထိုတိုင်းပြည်၏ အင်အားနှင့်လည်းဆိုင်သည်။ အထူးသဖြင့် ၁၉၄၉ ခုနှစ် တရုတ်ပြည်သစ်ထူထောင်ချိန်ကစပြီး အနှစ် ၂၀ ကျော်ကုလသမဂ္ဂတွင်းဝင်ခွင့်မရဘဲ အထီးတည်းရပ်တည်ခဲ့သော တရုတ်ပြည်လက်ရှိအချိန်တွင် ကုလသမဂ္ဂလုံခြုံ ရေးကောင်စီတွင် ဗီတိုအာဏာသုံးခွင့်ရှိ သည့် တရုတ်ပြည်အတွက် ထိုဆုံးချက်ချက်ကို မည်သို့သဘောထားမည်က အရေးကြီးပေလိမ့်မည်။
● တောင်တရုတ်ပင်လယ်စစ်ပွဲ
အထက်ပါအခြေအနေအောက်တွင် တောင်ပင်လယ်၌ စစ်ပွဲတပွဲ ဖြစ်ပေါ်လာမည်လောဟု စိုးရိမ်မှုများ ဖြစ်ပေါ်လာကြသည်။ အချို့က တရုတ်တွေစစ်ပြင်နေကြပြီဟု ဆိုသည်။ တရုတ်သမတ ရှီကျင့်ပင်က တရုတ်စစ်တပ်ကို အမိန့်ပေးလိုက်ပြီဟု ဆိုသူကဆိုကြသည်။ ထိုသတင်းယူဆချက်များသည် လက်တွေ့မကျချေ။ နိုင်ငံတကာခုံရုံးက မည်သို့ဆုံးဖြတ်သည်ဖြစ်စေ ထိုဒေသကို ပိုင်ဆိုင်ကြောင်းပြသရန် မည်သည့်စစ်တပ်မှဝင်လာမည့် အလားအလာမရှိသည်ဖြစ်၍ လတ်တလောတောင် ပင်လယ်တွင် မည့်သည့်စစ်ပွဲမှ ရှိမည်မဟုတ်ပေ။
လတ်တလော ရေပိုင်နက်အငြင်းပွားနေသော နိုင်ငံငယ်များအနေနှင့် ထိုဒေသအားဝင်ရောက်စိုးမိုး၍ တရုတ်တို့အားယှဉ်ရန် လေကြောင်း ရေကြောင်း အင်အားမရှိပေ။ တရုတ်အားကောင်းစွာယှဉ်ပြိုင်နိုင်သည့် အမေရိကန်၊ ဂျပန် အင်အားစုများမပါဘဲ မရင်ဆိုင်နိုင်ပေ။ အမေရိကန်နှင့်ဂျပန်တို့ကလည်း နိုင်ငံတကာခုံရုံးဆုံးဖြတ်ချက်ထွက်သည်နှင့် အင်အားသုံးဝင်ရောက်လာ ဘွယ်ရာ အကြောင်းမရှိပေ။
 |
| illustration : The Japan tiems |
လက်ရှိအခြေအနေတွင် တရုတ်နှင့် အမေရိကန် ဂျပန်တို့၏ စီးပွားရေးကုန်သွယ်မှုမှာ နှစ်စဉ် ဘီလျံပေါင်းရာနှင့်ချီသည်။ တရုတ်ပြည်တွင်း ၎င်းတို့၏ ရင်းနှီးမြှုပ်နှံမှုမှာ လွန်စွာများပြားသည်။ တရုတ်တို့ကလည်း အမေရိကန်ငွေတိုက်စာချုပ်များ ဝယ်ယူထားသည်မှာ အမေရိကန်ဒေါ်လာ ဘီလျံပေါင်းများစွာရှိနေသည်။ စီးပွားရေးလုပ်ငန်းများအရ ခြေထောက်ချင်း ပူး ချည်ခံထားရသူများဖြစ်ရာ တယောက်ရေထဲပြုတ်ကျလျှင် နောက်တယောက်လည်း ကုန်းပေါ်ကျန်နေစရာအကြောင်းမရှိ ပေ။ ထို့ကြောင့်လည်း ယခုအချိန်မျိုးတွင် စစ်ပွဲသည် တောင်ပင်လယ်တွင်း၌ အလွယ်တကူဖြစ်စရာအကြောင်းမရှိပေ။ တ ယောက်ယောက်၏ သေရေးရှင်ရေးနှင့် သက်ဆိုင်သောကိစ္စရပ်မျိုးမဖြစ်သ၍ ဖြစ်စရာအကြောင်းမရှိပေဟု ဆိုရပါမည်။
တကယ်တမ်းဆိုလျှင် တရုတ်တို့က တောင်ပင်လယ်အားထိမ်းချုပ်နိုင်ရန် စစ်အင်အားတည်ဆောက်နေပြီး အမေရိကန်က လည်း တရုတ်တို့အားထိမ်းချုပ်နိုင်ရန် နည်းလမ်းရှာနေသည်ဟု ဆိုရမည်။ တရုတ်တို့အဖို့ ပင်လယ်ကူးသင်္ဘောတစီးရေချ ပြီးနောက် ၂ စီးထပ်မံတည်ဆောက်နေသည်ဟု သတင်းများကဆိုသည်။ နိုင်ငံတကာခုံရုံးဆုံးဖြတ်ချက်ထွက်ပြီးနောက် နေ့ ဖြစ်သော ဇူလိုင် ၁၃ ရက်တွင် တောင်တရုတ်ပင်လယ်တွင်းရှိ နန်ရှာ (Nanshar) ကျွန်းပေါ်တွင်တည်ဆောက်ထားသော လေယဉ်ကွင်း ၂ ခုပေါ်သို့ ဘိုးရင်း ၇၃၇ အမျိုးအစား လေယဉ်တစီးနှင့် အဲယားဘတ်စ် A 319 လေယာဉ် ၂ စီး ဆင်းသက်ပြ ခဲ့သည်။ တောင်တရုတ်ပင်လယ်တွင်းရှိ Yongshu သန္တာကျောက်တန်းအပါ နန်ရှာကျွန်းစုပေါ်တွင် အကြီးစားလေယာဉ်များဆင်းသက်နိုင်သည့် လေယဉ်ကွင်း ၃ ခု တည်ဆောက်နိုင်ခဲ့ပြီဖြစ်သည်။ တရုတ်တို့အနေနှင့် လေကြောင်းအသာစီးရရန် သူ တို့၏ပြင်ဆင်မှုကို ပြသလိုက်ခြင်းဖြစ်သည်။
ထို့ပြင် တောင်တရုတ်ပင်လယ်တွင်ရှိ ဟွာရန် (Hwa Yang) ကျောက်တန်း ချီ ဂွာ (Chigua) ကျောက်တန်း ကျူးဘီ (Zhubi ကျောက်တန်း ယုန်ရှု (Yong shu) ကျောက်တန်း များပေါ်တွင် မီးပြတိုက် ၄ ခုတည်ဆောက်ခဲ့ပြီး ၅ ခုမြောက် မီးပြတိုက်အား နန်ရှာကျွးန်စုရှိ မေဂျီ (Meiji) ကျောက်တန်းပေါ်တွင် တည်ဆောက်နေသည်ဟု သတင်းထုတ်ပြန်ထားပါသည်။ တရုတ်တို့ အနေနှင့် တောင်ပင်လယ်စိုးမိုးမှုအား စစ်ရေး၊ စီးပွားရေးအင်အားအသာဖြင့် သွက်သွက်လက်လက် လုပ်ဆောင်နေသည် ဟု ဆိုရမည်။
အမေရိကန်အနေနှင့် ပစီးဖိတ်ဒေသကို အာရုံစိုက်၍ အလေးထား ဗဟိုပြုမည်ဟုဆိုနေသော်လည်း လက်တွေ့တွင် ဥရောပ တွင် ရုရှားရင်ဆိုင်နေရသဖြင့် ပစီးဖိတ်ဒေသသို့ စစ်အင်အားဖြည့်တင်းရန် အကန့်အသတ်ရှိနေသည်။ ထိုကြောင့်လည်း ပစိဖိတ်ဒေသရောက် အမေရိကန်ရေတပ်အား တွဲဖက်အားဖြည့်နိုင်ရန် ဂျပန်နိုင်ငံအပေါ်ထားရှိသည့် ကာကွယ်ရေးဆိုင်ရာကန့်သတ်ချက်များကို ဖြေလျော့၍ ဂျပန်နှင့် လက်တွဲလှုပ်ရှားနေသည်။
တောင်တရုတ်ပင်လယ်တွင်း တရုတ်တို့ စိုးမိုးထိမ်းချုပ်နိုင်ရန်ဆောင်ရွက်ချက်များသည် အမေရိကန်နှင့် ဂျပန်တို့၏ ပစိဖိတ် သမုဒ္ဒရာထိမ်းချုပ်မှု အားကန့်သတ်လိုက်ခြင်းဖြစ်သကဲ့သို့ ပစိဖိတ်ဒေသအား တရုတ်တို့ လက်တန်းထိုးဆန့်နိုင်ရန် ခြေကုပ် ယူလိုက်ခြင်းလည်း ဖြစ်သည်။ အမေရိကန်ဂျပန်နှင့် ဒေသတွင်း တောင်ပင်လယ်ပြဿနာအငြင်းပွားမှုတွင်ပါဝင်သော နိုင်ငံငယ်များအနေနှင့် နိုင်ငံတကာခုံရုံး၏ဆုံးဖြတ်ချက်အားထောက်ခံသည့် အင်အားစုများကို စည်းရုံးသိမ်းသွင်းရန် ပြင်ဆင် နေသကဲ့သို့ တရုတ်အနေနှင့်လည်း နိုင်ငံတကာခုံရုံး၏သဘောထားအား မှားယွင်းကြောင်းသက်သေပြရန် ကြိုးစားပြီး သူ့ အား ထောက်ခံသည့်အင်အား စုဆောင်းကြမည့်ကာလဖြစ်သည်။
သို့သော် မြန်မာနိုင်ငံအပါ တဖက်ဖက်တွင် အပြတ်ရပ်ရန်ခက်ခဲသောနိုင်ငံများစွာသည် ဤကိစ္စနှင့်ပတ်သက်၍ ကြားနေကြပြီး မယုတ်မလွန်သောစကားများပြောဆိုကာ လတ်တလောနေကြမည်ဖြစ်သော်လည်း ထိုကစားပွဲတွင်မှ ရှောင်ထွက်ရန် ခက် ခဲပေသည်။
● တောင်ပင်လယ်နှင့် တရုတ်ပြည်မကြီး
အချို့က နိုင်ငံတကာခုံရုံးဆုံးဖြတ်ချက်ထွက်ပြီး တရုတ်တို့ စစ်ပြင်နေပြီဟု ဆိုသည်။ တရုတ်တို့အနေနှင့် လှုပ်လှုပ်ရှားရှား နိုးနိုး ကြားကြားနေပြရုံကလွဲ အထွေအထူးစစ်ပြင်လိမ့်မည်မထင်ပါ။ သူ၏မူလစီမံကိန်းအတိုင်းတောင်ပင်လယ်တွင် စစ်အင် အားတည်ဆောက်ခြင်း ဆက်လက်လုပ်ဆောင်သွားပြီး အရှိန်တော့မြှင့်လာနိုင်ပါသည်။
ခုံရုံး၏ဆုံးဖြတ်ချက်နှင့်ပတ်သက်၍ တရုတ်သမတ ရှီကျင့်ပင်က တရုတ်ရဲ့ရေကြောင်းဆိုင်ရာပိုင်ဆိုင်မှုနှင့် အကျိုးစီးပွားကို အထိခိုက်ခံမှာမဟုတ်ဟုဆိုလိုက်သည်။ တရုတ်သမတက ဘယ်ခုံရုံးဆုံးဖြတ်ချက်မှ တရုတ်တို့၏အချုပ်အခြာအာဏာနှင့် ရေကြောင်းသွားလာမှုကို ခုခံကာကွယ်ပိုင်ခွင့်အား သက်ရောက်မှုရှိစေမှမဟုတ်ဟု ဆိုခဲ့သည်။ ရေပိုင်နက်အငြင်းပွားမှု များ ကို အိမ်နီးချင်းနိုင်ငံများနှင့် ပူးပေါင်းဖြေရှင်းသွားမည်ဟုဆိုခဲ့သည်။ ခုံရုံးဆုံးဖြတ်ချက်အရ တရုတ်တို့အနေနှင့် တောင်တရုတ် ပင်လယ်အတွင်းရှိ သယံဇာတများကို ထိမ်းချုပ်နိုင်ခွင့် သမိုင်းအထောက်အထားခိုင်ခိုင်မာမာမရှိဘဲ ဖိလစ်ပိုင်၏ ပိုင်နက်အ တော်များများကို တရုတ်တို့ ကျူးကျော်ထားသည်ဟု ဆုံးဖြတ်ထားသည်။
တရုတ်တို့က နိုင်ငံတကာခုံရုံး၏ဆုံးဖြတ်ချက်များနှင့်ပတ်သက်ပြီး စက္ကူဖြူစာတမ်းတစောင်ထုတ်ပြန်ခဲ့သည်။ ထိုစာတမ်းတွင် လွန်ခဲ့သောနှစ်ပေါင်း ၂၀၀၀ ကျော်က တောင်တရုတ်ပင်လယ်အတွင်း တရုတ်တို့၏လုပ်ဆောင်ချက်များနှင့် တရုတ်တို့၏ ရှိရင်းစွဲ အချုပ်အခြာအာဏာနှင့် သက်ဆိုင်သည့် သွင်ပြင်လက္ခဏာ နှစ်သောင်းကျော်ကို ရေးသားဖေါ်ပြထားသည်ဟု ဆိုပါ သည်။ တရုတ်နိုင်ငံသည် တောင်တရုတ်ပင်လယ်အား ဦးစွာရှာဖွေတွေ့ရှိခြင်း အမည်ပေးခဲ့ခြင်း ချဲ့ထွင်ခြင်းများနှင့် အကျိုး ရှိစွာအသုံးချခဲ့သကဲ့သို့ အချုပ်အခြာအာဏာဆိုင်ရာ အလေ့အကျင့် တရားမျှတမှုတို့အား စဉ်ဆက်မပြတ် ငြိမ်းချမ်းမှု ရှိစွာ ထိရောကမှုရှိစွာ လုပ်ဆောင်သွားမည်ဟု ဆိုပါသည်။
အချုပ်အား စက္ကူဖြူ စာတမ်းထုတ်ပြန်ပြီးနောက် တောင်တရုတ်ပင်လယ်အရေးနှင့်ပတ်သက်ပြီး စေ့စပ်ဆွေးနွေးသောနည်း လမ်းကို အသုံးပြုသွားမည်ဟု တရုတ်တို့ကဆိုပါသည်။ တရုတ်နိုင်ငံခြားရေးဝန်ကြီးဌာန ဒုဝန်ကြီး လျူကျင့်မင်ကလည်း ၂၀၁၆ ဇူလိုင်လ ၁၃ ရက်နေ့တွင်ပြုလုပ်သော သတင်းစာရှင်းလင်းပွဲတွင် နိုင်ငံတကာခုံရုံးနှင့်ပတ်သက်၍ ဝေဖန်မှုပြုခဲ့ သည်။ လျူကျင့်မင်က အဆိုပါနိုင်ငံတကာခုံရုံးသည် အမှန်တကယ် အပြည်ပြည်ဆိုင်ရာခုံရုံးမဟုတ်ဘဲ နိုင်ငံရေးကြိုးကိုင်မှု ၏ရလဒ်ဖြစ်ကြောင်း ခုံရုံးအဖွဲ့ဝင် ၄ ဦးမှာ ဥရောပမှဖြစ်ပြီး ၁ ဦးမှာ ဂါနာနိုင်ငံမှဖြစ်သဖြင့် တောင်တရုတ်ပင်လယ်ပြဿနာကို အမှန်တကယ်နားလည်နိုင်ခြင်း ရှိ/မရှိ မှန်မှန်ကန်ကန် ဆုံးဖြတ်နိုင်ခြင်း ရှိ/မရှိတို့နှင့်ပတ်သက်ပြီး သံသယဖြစ်ဘွယ်ကောင်း သည်ဟု ဆိုပါသည်။
နိုင်ငံတကာဥပဒေများအောက်တွင် တောင်တရုတ်ပင်လယ်အတွင်း အခြားနိုင်ငံများအနေနှင့် လွတ်လပ်စွာ ရေကြောင်းသွား လာခြင်း လွတ်လပ်စွာဖြတ်ကျော် ပျံသန်းရေးအား လုပ်ဆောင်ရန်ကို တရုတ်တို့က ကတိကဝတ်ပြုထားခဲ့သည်။ သို့သော် တရုတ်ပြည်၏ လုံခြုံရေးခြိမ်းခြောက်ခံရလျှင် တောင်ပင်လယ်တွင်း လေကြောင်းရန်ကာကွယ်ရေးဇုံ ထားရှိခွင့်ရှိကြောင်း လျူကျင့်မင်က အဆိုပါသတင်းစာရှင်းလင်းပွဲတွင်ဆိုခဲ့သည်။ ဆက်လက်၍ တရုတ်တို့အနေနှင့် တောင်ပင်လယ်အား ငြိမ်း ချမ်းရေးပင်လယ်၊ ချစ်ကြည်ရေးပင်လယ်၊ ပူးပေါင်းဆောင်ရွက်ရေးပင်လယ်ဖြစ်ရန် လိုလားသည်ဟု ဆိုခဲ့သည်။
အထက်ပါတရုတ်တို့၏ သဘောထားများအရ တရုတ်တို့သည် တောင်ပင်လယ်နှင့်ပတ်သက်၍ သူတို့၏ အချုပ်အခြာပိုင် ဆိုင်မှုကို လုံးဝဆွဲကိုင်ထားပြီး တောင်ပင်လယ်အတွင်း နိုင်ငံတကာယာဉ်များ ရေကြောင်းလေကြောင်းများ လွတ်လပ်စွာဖြတ် သန်းခြင်းအား ၎င်းတို့၏နယ်မြေပိုင်ဆိုင်မှုအပေါ်မှသာ အသိမှတ်ပြုပေးမည်ဖြစ်သကဲ့သို့ ၎င်းတို့၏ တောင်ပင်လယ်အား စစ်ရေးအရ ချုပ်ကိုင်နိုင်ရန် အားထုတ်မှုကို ဆုပ်ကိုင်သွားမည်ဟု အဓိပ္ပါယ်ရသည်ဟု ဆိုရပါမည်။
ထို့ပြင် တရုတ်နိုင်ငံခြားရေး ဝမ်ရီက တရုတ်နိုင်ငံအနေနှင့် နိုင်ငံတကာခုံရုံး၏ဆောင်ရွက်ချက်များတွင် ပါဝင်ဆောင်ရွက်ခြင်း မပြုခြင်း၊ အသိအမှတ်မပြုခြင်းတို့သည် နိုင်ငံတကာဥပဒေနှင့် ဒေသတွင်း စည်းမျဉ်းများကိုထောက်ခံရန် ရည်ရွယ်သည်ဟု ဆိုခဲ့သည်။ နိုင်ငံတကာဥပဒေအရ တိုင်းပြည်အသီးသီးအနေနှင့် အငြင်းပွားမှုအား ဖြေရှင်းလိုသည့်ပုံစံကို မိမိစိတ်ကြိုက် ရွေးချယ်ခွင့်ရှိသည်ဟု ဆိုသည်။ ကုလသမဂ္ဂ ရေကြောင်းဥပဒေဆိုင်ရာသဘောတူညီချက် (United Nations Convention on the Law of the Sea= UNCLOS) အရ အဖွဲ့ဝင်နိုင်ငံတနိုင်ငံအနေနှင့် အတင်းအကြပ်ချုပ်ကိုင်ဆောင်ရွက်သည့် လုပ် ငန်းပုံစံကို ငြင်းပယ်နိုင်ကြောင်း တရုတ်နိုင်ငံအနေနှင့်အာဆီယံ ၁၀ နိုင်ငံနှင့်ချုပ်ဆိုခဲ့သော တောင်တရုတ်ပင်လယ် နိုင်ငံများ အပြု အမူဆိုင်ရာကြေငြာစာတမ်း (Declaration on the Conduct of Partiesin the South China Sea DOC) တွင် တိုက်ရိုက်သက်ဆိုင်သည့် နိုင်ငံများမှ ဆွေးနွေးညှိနှိုင်းဆောင်ရွက်ခြင်းဖြင့် အငြင်းပွားမှုကို ဖြေရှင်းရမည်ဆိုသည်အချက် ပါရှိကြောင်း၊ ထို့ကြောင့် တရုတ်အနေနှင့်ပါဝင်ဆောင်ရွက်မှုမပြုခြင်း၊ အသိမှတ်မပြုခြင်း စသည့် ဆောင်ရွက်ချက်များသည် ဥပဒေကြောင်းအရ နိုင်ငံတကာရေကြောင်းဥပဒေ စံချိန် စံညွှန်းများနှင့် ကိုက်ညီသည့် ဥပဒေကြောင်းအရ ဆောင်ရွက်ခြင်း ဖြစ်ကြောင်း ဝမ်ရီက ဆိုခဲ့သည်။ ထို့ပြင် ဝမ်ရီက နိုင်ငံပေါင်း ၆၀ ကျော်နှင့် ပြည်ပနိုင်ငံရေးပါတီနှင့် အဖွဲ့အစည်းပေါင်း ၁၃၀ ကျော်မှ တရုတ်ပြည်၏ရပ်တည်မှုကို နားလည်ထောက်ခံမှုပေးသည်ဟု ဆိုခဲ့သည်။
လက်ရှိအခြေအနေဖေါ်ပြချက်များအရ တရုတ်တို့သည် တောင်ပင်လယ်ပြဿနာနှင့်ပတ်သက်ပြီး အငြင်းပွားနေသော ဒေ သတွင်း တနိုင်ငံချင်းစီနှင့် သီးသန့်ဖြေရှင်းမည်ဟူသောမူကို ရပ်ခံထားသည်။ ၎င်းအာဆီယံနှင့်ဆွေးနွေးညှိနှိုင်းရန်ပင် ပယ်ချ ထားသည်။ အမေရိကန်နှင့် အခြားနိုင်ငံများဝင်မပါရန် သတိပေးထားသည်။ ဒေသတွင်းနိုင်ငံများအနေနှင့် အင်အားကြီးထွား လာနေသော တရုတ်အား တနိုင်ငံချင်းစီ ရင်ဆိုင်ရန် မဖြစ်နိုင်သဖြင့် စုပေါင်းအားကို ရယူနိုင်ရန် ကြိုးပမ်းနေကြသည်။
လက်ရှိကမ္ဘာကြီး၏ ရေပြင်မြေပြင်နယ်နမိတ်သတ်မှတ်ချက် အများစုသည် အင်အားအသုံးပြုခြင်း အင်အားစု စည်းပြသခြင်း များ အပေါ်အခြေတည်သည့် အင်အားကြီးသူ အနိင်ယူရှင်သန်သည့် တောရိုင်းဥပဒေသပေါ်၌ သန္ဓေတည်ပေါက်ဖွားလာ ခြင်းဖြစ်သည်။ ယဉ်ကျေးလာပြီဆိုသည့် ကမ္ဘာကြီးသည် လှပသိမ်မွေ့သည့် ဥပဒေစကားလုံးဖြင့် ကျင်လည်ရှင်သန်နေကြပြီဆိုသော်လည်း တောရိုင်းဥပဒေသ အရိပ်အာဝါသအောက်မှ မလွတ်မြောက်နိုင်သေးပေ။
တောင်တရုတ်ပင်လယ်အရေးနှင့်ပတ်သက်၍လည်း တရုတ်အပါမတူကွဲလွဲသောနိုင်ငံများအနေနှင့် မိမိအားထောက်ခံသောအင်အားစုများကိုစုဝေး၍ အင်အားတည်ဆောက်ကြမည်သာဖြစ်သည်။ စစ်အင်အားပြင်ဆင်မှု နည်းတူ တောင်ပင်လယ်ပြဿ နာကိုအခြေပြု၍ နိုင်ငံရေးတပ်ပေါင်းစုကို တည်ဆောက်ကြမည့် အခါသမယဟုဆိုရမည်။ ထိုသို့ အင်အားတည်ဆောက် ကြသည့်အခါ ပြဿနာအမှန်အမှားကို ခွဲခြား၍ မည်သည့်ဘက်မှပါမည်ကို ဆုံးဖြတ်ကြသူအချို့ ရှိနိုင်သကဲ့သို့ ဘက်တိုင်းက မိမိဘက်သို့ပါအောင် နည်းမျိုးစုံသုံး၍ ဆောင်ရွက်ကြမည်ဆိုသည်ကတော့ မြေကြီးလက်ခတ်မလွဲဟု ဆိုရမည်။ ထို့ပြင် မည် သည့်ဘက်ပါရမည်ကို မိမိတိုင်းပြည်အကျိုးစီးပွားပေါ်အခြေခံ၍ ကြည့်ကြမည်သူများလည်း ရှိပေမည်။
ဆက်လက်ဖေါ်ပြပါမည်။
Mg Mg Soe (မောင်မောင်စိုး)