မောင်ရင်ငတေ ● စပျစ်ဝိုင်နယ်မြေများကို ဖြတ်သန်းခြင်း
(မိုးမခ) စက်တင်ဘာ ၁၉၊ ၂၀၁၆
စပျစ်သီးခူးသမားစာစုရဲ့ နောက်ဆက်တွဲ (၁)
ရှန်ပိန်နယ်ကို ဖြတ်သန်းခဲ့ခြင်း (Vignoble de Champagne)
စပျစ်သီးခူးသမားစာစုရဲ့ နောက်ဆက်တွဲ (၁)
ရှန်ပိန်နယ်ကို ဖြတ်သန်းခဲ့ခြင်း (Vignoble de Champagne)
ပြင်သစ်ပြည်ရောက်ရင် မသိမရှိ မဖြစ်တာတွေ အများကြီး အများကြီး ရှိပါတယ်။ အတွေးအခေါ် စာကဗျာ ပန်းချီ ပန်းပု အနုပညာ အဆောက်အဦးဗိသုကာ တည်ဆောက်မှုအနုပညာ၊ သမိုင်းကြောင်းနောက်ခံ၊ ဘုရင်စနစ် လူ့အခွင့်အရေး တော် လှန်ရေး ၊ နိုင်ငံရေး၊ စီးပွားရေး ကြီးပွားရေး၊ စိုက်ရေးပျိုးရေး၊ စားရေးသောက်ရေး၊ ကဖေး ဘားစားသောက်ဆိုင်ရှေးရိုးအစဉ် အလာ ထိမ်းသိမ်းမှုအတတ်ပညာ တီထွင်ဆန်းသစ်မှု အစစအရာရာလေ့လာချင်စရာ အကြောင်းအရာတွေက များစွာ များ စွာပါ။
ရှန်ပိန်မာစတာကြီး Dom Pérignon နှင့် (ဓါတ်ပုံ မရငတ) (Photo Nyan Win Paris)
အဲဒီထဲမှာ အစားအသောက်နဲ့ စိုက်ရေးပျိုးရေး ကဏ္ဍတွေမှာ မပါမဖြစ် ထိပ်တန်းတနေရာကနေပါဝင်နေတာက ဝိုင် ကော့ ညက်နဲ့ ရှန်ပိန်ဆိုတာတွေပါ။
ကျန်းမာရေးကို ထိခိုက်နိုင်ပါသည်လို့ ဘယ်သူတွေက ဘယ်လိုပင်ဆိုဆို အဲဒီအရာတွေက လူ့လောက လူ့ယဉ်ကျေးမှု နေ့ စဉ်ဘဝမှာ မရှိမဖြစ်ဆိုသလို ပါဝင်နေမြဲပါ။ အထူးအဖြင့်တော့ သူတို့ အနောက်တိုင်းသားတွေအတွက်ပေ့ါ။
စပျစ်ခူးသမားဟောင်း မောင်ရင်ငတေကတော့ နေ့စဉ် ဆေးဖြစ်ဝါးဖြစ် ဝိုင်နီလေး တခွက်နှစ်ခွက်ကို အပျင်းပြေသောက်မိ တိုင်း စပျစ်ဝိုင် စိုက်ပျိုးခင်းတွေရှိရာကို အတွေးစိတ်ကူးနဲ့ ရောက်ဖြစ်နေကြပါ။ အဲဒီ အတွေးမျိုးတွေက မောင်ရင်ငတေတင်လား မဟုတ်နိုင်ပါဘူး။
နေ့စဉ် ဝိုင်သောက်သုံးမှု စစ်တမ်းတခုမှာ ဖတ်ရှုခဲ့ဖူးတာလေး ထည့်ပြောရရင် ဒီကနေ့ စာရင်းဇယားတွေအရ အများဆုံး ဝိုင် သောက်သုံးကြသူများဟာ အီတလီ ဗာတီကန်က ဘုန်းတော်ကြီးများ ဖြစ်ကြပါတယ်တဲ့။ ဒါကြောင့် သူတို့တတွေလည်း နေ့ စဉ် စိတ်ကူးနဲ့ ဝိုင်စိုက်ခင်းထဲ ရောက်ချင်ရောက်နေကြမှာပါ။ အဲသလို အတွေးစိတ်ကူးတွေထဲက စပျစ်ရှန်ပိန် စိုက်ခင်းတွေ ရှိရာဆီသို့ ဒီတခေါက် ခရီးထွက်ရင်းနဲ့ ရောက်ဖြစ်ခဲ့တာပါ။ အဲဒီ စိုက်ခင်းတွေက မောင်ရင်ငတေအတွက် ရင်းနှီးပြီးသာလို့လည်း ပြောနိုင်ပါတယ်။
သက္ကရာဇ် နှစ်ထောင့် သုံးလေးငါးခုနှစ်များဆီက စပျစ်ခူးသမားဘဝနဲ့ ရောက်ရှိခဲ့ဖူးတဲ့နေရာ ဒေသတွေပါ။ စပျစ်စိုက်ခင်းတွေ ဆီကိုသာမက နာမည်ကျော် Moët & Chandon ရှန်ပိန် လုပ်ငန်းရဲ့ ရုံးချုပ်နဲ့ ပြတိုက်ရှိရာသို့လည်း ရောက်ခဲ့ပါတယ်။ ၂၈ ကီလိုမီတာ ရှည်လျှားပါတယ်ဆိုတဲ့ ဝိုင် လှိုဏ်ဥမင် မြေတိုက်ခန်းကြီးထဲကိုတော့ အချိန်နောက်ကျသွားလို့ ဝင်ချိန်မရခဲ့ပါ ဘူး။
La Maison Moët & Chandon (ဓါတ်ပုံ မရငတ)
Epernay အေပီရ်နေးမြို့ အခြေစိုက် Moët & Chandon ရှန်ပိန်လုပ်ငန်းကို စတင်တည်ထောင်ခဲ့သူ ဂျာမန်နွယ်ဖွား Claude Moët (1683–1760) နဲ့ မြေးဖြစ်တဲ့သူ Jean-Rémy Moët (1758–1841) တို့ရဲ့ရုပ်တုတွေကိုတော့ Moët & Chandon လုပ်ငန်းတည်ရှိရာ အဆောက်အဦးဝင်းထဲမှာ စိုက်ထူထားတာကို မတွေ့မြင်မိရပါဘူး။
Pierre Dom Pérignon (1639-1715) (ဓါတ်ပုံ မရငတ)
ခြံထောင့် တနေရာမှာ စိုက်ထူထားရှိတဲ့ ရုပ်ထုကတော့ သူတို့ရဲ့ နာမည်ကျော် ရှန်ပိန် အမည်လည်းဖြစ်သလို ရှန်ပိန်ချက်လုပ် ခြင်းနည်းပညာများကို မြှင့်တင်ပေးသွားခဲ့သူ ဘုန်းတော်ကြီး Pierre Dom Pérignon (1639-1715) ရဲ့ ပုံတူ ရုပ်တုပါ။
ဒီဘုန်းတော်ကြီးရဲ့ ရှန်ပိန်ချက်လုပ်ခြင်း ဖော့ဆို့ဆို့ခြင်း ပုလင်းသွပ်ခြင်း စပျစ်အမျိုးအစား စပျစ်စိုက်ပျိုးခြင်း နည်းပညာတွေ ကြောင့် နှစ်ပေါင်းများစွာခံနိုင်တဲ့ တန်ဖိုးကြီး နှစ်ချို့ ရှန်ပိန်လုပ်နည်းစနစ်တွေ တိုးတက်ထွန်းကားလာတာပါ။ လွယ်လွယ်နဲ့ ပြောရရင် Œnologie ခေါ်ကြတဲ့ ဝိုင်ဗေဒ ဘာသာရပ်ပေ့ါ၊ အဲဒီဘာသာရပ်ကတော့ လူသိနည်းတဲ့ဘာသာရပ်ဖြစ်သလို မောင်ရင်ငတေတို့ရဲ့ရွှေပြည်တော်သားတွေထဲမှာတော့ ဒီဘာသာရပ်နဲ့ ကျောင်းပြီးတယ်ဆိုပြီး မကြားမိဖူးသေးပါဘူး၊
မောင်ရင်ငတေကလည်း ဝိုင်ကိုသာ ချဉ်ချဉ်တူးတူး သောက်တတ်တာဖြစ်ပေမယ့် ဝိုင်ဗေဒကိုတော့ နကန်းတလုံး နားမလည် ကြောင်းပါ။ ဝိုင်ဗေဒဘာလဲဆိုတာမသိပေမယ့် Master of Wine ဆိုတာကြီးကိုတော့ ရည်မှန်းလို့ ရနိုင်ပါတယ်။ ပြင်သစ်မှာ တော့မဟုတ်ပါဘူး။ အင်္ဂလန်က လန်ဒန်မှာ Institute of Masters of Wine ဆိုတာရှိပြီး ဝိုင်ကိုယ်တွေ့ ဖြစ်ရပ်မှန်တွေ သိ နားလည်မယ်ဆိုခဲ့ရင် အဖွဲ့ဝင်ဖြစ်နိုင် Masters of Wine ဖြစ်နိုင်ပါတယ်။
မောင်ရင်ငတေ့အတွက် ခက်နေတာက မောင်ရင်ငတေ အမှန်တကယ် သောက်သုံးဖူးတာက ဈေးခပ်ပေါပေါ ဝိုင်တွေပါ။ ဈေး နှုန်းမြင့်မားလှတဲ့ ခရိုဏီဝိုင်တွေအကြောင်းကိုတော့ မောင်ရင်ငတေ ဝင်ရောက် ဒူးတိုက် မဆွေးနွေးနိုင်ကြောင်းပါ။ ဒါ ပေမယ့် မောင်ရင်ငတေတို့လိုကောင်တွေ သောက်သုံးနေကြ နံပါတ်ဝမ်းအဆင့် လက်ရွေးစင်ဝိုင်တွေရဲ့ ဝိုင်ဗေဒနဲ့ ဈေးကွက် တည်ရှိပုံအကြောင်းတွေကိုတော့ မောင်ရင်ငတေ ဒူးတိုက်တင်မကပါဘဲ ခေါင်းပါတိုက်ပြီး ဆွေးနွေးနိုင်ကြောင်းပါခင်ဗျာ။
မိုအေ့တ် တည်ထောင်သူ Claude Moët (1683–1760) နဲ့ သူရဲ့ မြေးဖြစ်တဲ့သူ Jean-Rémy Moët တို့ မြေးအဖိုးတတွေဟာ သူတို့ခေတ်က အုပ်စိုးသူဘုရင်များဖြစ်ကြတဲ့ Louis XV လူဝီ ၁၅ (၁၇၁၀-၁၇၇၄) Napoléon Bonaparte နပိုလီယံဘိုနာပတ် (၁၇၆၉-၁၈၂၁) တို့ရဲ့ အကောင်းဆုံး မိတ်ဆွေ စီးပွားဖက်များ ဖြစ်ခဲ့ကြသူတွေပါ။
ဘုရင့် ဆွေတော်မျိုးတော်တွေရဲ့ ဝိုင်းဝန်းချီးမြောက်မှုတွေကြောင့် မိုအေ့တ် ရှန်ပိန်လုပ်ငန်းကြီးကလည်း ပိုမိုကြီးပွား တိုး တက် ခဲ့တယ်ဆိုရင် မမှားပါဘူး၊ ပြင်သစ်ဘုရင် အသိုင်းအဝိုင်း မကပါဘူး၊ ကမ္ဘာတဝှမ်းက သုံးနိုင်ဖြုန်းနိုင်တဲ့ ရှင်ဘုရင် အ သိုင်းအဝိုင်းရဲ့ ဖြုန်းအားတွေကြောင့် မိုအေ့တ် ရှန်ပိန်လုပ်ငန်းကြီးက အဆမတန် ကြီးထွားလာတာပါ။ မင်းတုန်းတို့ သီပေါ တို့ ရွှေပြည်တော်က မင်းကိုယ်စားလှယ် သံကြီးတမန်ကြီး ကင်းဝန်မင်းကြီးတောင်မှ မိုအေ့တ်ရဲ့ ရှန်ပိန် မြည်းစမ်းသွားဖူး လိမ့်မယ်လို့ မောင်ရင်ငတေ ယုံကြည်ထင်မိရကြောင်းပါ။
Epernay စပျစ်ရွာ သို့မဟုတ် ရှန်ပိန်ရွာ အဝင်ဝက စပျစ်ခင်းများ (ဓါတ်ပုံ မရငတ)
စပျစ်ရာသီ မစခင်ဆိုတော့ မတ်လဆန်းဆိုတော့ စပျစ်ခင်းများကလည်း ဒီလိုမျိုး လွမ်းစရာကောင်း နေပြန်ပါရော၊ အရွက် တွေ အညွှန့်တွေ စိမ်းစိမ်းစိုစို မတက်ခင်မှာ ငုတ်တိုင်တွေပြန်စိုက် သံကြိုးတွေ ပြန်ချည်နှောင် နေတုန်းကပေ့ါ၊
မနှစ် ၂၀၁၄ မတ်လမှာ သူငယ်ချင်းတယောက်ကောင်းမှုနဲ့ ဒီနယ်ကိုဖြတ်သန်းသွားခွင့်ရရှိခဲ့စဉ်က အလွမ်းပြေ ခဏနား နေခိုက် မှတ်တမ်းတင်ခဲ့တာပါ။ စပျစ်ခူးတဲ့ရာသီ သြဂတ်စ်ကုန် စက်တင်ဘာလဆန်းဆိုရင်တော့ စိမ်းမှောင်နေတဲ့ စပျစ် ခင်းတွေကို တွေ့မြင်ရမှာပါ။အရိုးဂေါက်ဂက်ပုံစံ ဒီစပျစ်ခင်းတွေကြား လမ်းလျှောက် မှတ်တမ်းတင်ရင်း မောင်ရင်ငတေ ဖတ် ခဲ့ဖူး မှတ်ခဲ့ဖူးပါတဲ့ စပျစ်သမိုင်း မှတ်တမ်းထဲက စကားတခွန်းကို ပြန်လည်လို့ သတိရမိလာပါတယ်။
Epernay စပျစ်ရွာ သို့မဟုတ် ရှန်ပိန်ရွာ အဝင်ဝက စပျစ်ခင်းများ (ဓါတ်ပုံ မရငတ)
ပြင်သစ်စစ်ဘုရင်ကြီး Napoléon Bonaparte နဲ့ ရုရှားအင်ပါယာကြီးတို့ရဲ့ စစ်ရေး အားပြိုင်မှုနောက် နပိုလီယံဘုရင် စစ်ရှုံး အပြီးမှာတော့ စစ်နိုင်သူ ရုရှားနဲ့ အပေါင်းအပါ စစ်သားတွေက စစ်နိုင်သူတွေရဲ့ အကျင့်အတိုင်း မိုအေ့တ်တို့ရဲ့ စပျစ်ခင်းများ အလုပ်ရုံများကို ဖျက်နိုင်သမျှ ဖျက်စီးခဲ့ကြပြီး သိုလှောင်ထားရှိသမျှသော ရှန်ပိန်ပုလင်းပေါင်း လေးငါးခြောက်သိန်းကို အလကား သောက်သုံးသွားခဲ့ကြလို့ အဲဒီလို မသထာရေစာ သောက်သုံးသွားခဲ့ကြတာကိုJean-Rémy Moët ပြောခဲ့တဲ့ မှတ်ချက်စကားကတော့ ဒီလိုပါ အဲဒီကောင်တွေ ရုရှားစစ်သားတွေ ငါ့ရှန်ပိန်တွေ အခု အလကားသောက်သွားပေမယ့် သိပ် ကြိုက်သွားလို့ နောင်တချိန်မှာ ပြန်လာဝယ်သောက်ရလိမ့်မယ်။ ငါ့ရှန်ပိန်တွေရဲ့ အကောင်းဆုံး အရောင်း မြှင့်တင်ရေးသ မားတွေ ဖြစ်လာလိမ့်မယ် ဆိုတာပါ။ အလွန်တရာမှ မှန်ပါပေတယ် ခင်ဗျာ။
ပြင်သစ်လူမျိုးတွေ နှစ်ဆယ်အစိတ်ပေးသောက်တဲ့ ရှန်ပိန် (မောင်ရင်ငတေကတော့ လုံးဝမကြိုက်၍ တခါဘူးမျှ ဝယ်မ သောက်ဖူးပါ ခင်ဗျ) အမျိုးအစားတွေကို ခပ်အအ ခေတ်ပျက် ဆိုဗီယက်ပျက် ရုရှား ခရိုဏီဆိုတဲ့ သကောင်သားတွေကတော့ ယူရိုငါးရာ တထောင်ပေး၍ သောက်ကြသူတွေရှိကြောင်းပါ ခင်ဗျာ။
အဲလို သောက်သုံးကြသူတွေ များလာတာမို့ ရှန်ပိန်ဈေးကွက်က ပြောင်းလဲလို့ လာပါတယ်။ရှန်ပိန်စီးပွားရေး ဈေးကွက်က တော့ အတော်လေးကို ရှုပ်ထွေးသလို အကျိုးအမြတ်က ရရှိရင်လည်း မြိုးမြိုးမြက်မြက်လေး ရှိကြဟန်တူပါတယ်။
အဲဒါကြောင့် ပိုပိုလျှံလျှံ ရှိကြတဲ့ ဝင်ငွေကောင်းကြသူများ Brad Pitt, Angelina Jolie, David Beckham, Cliff Richard, Johnny Depp,Sting, Madonna, Olivia Newton-John တို့လို နာမည်ကြီးအဆိုတော် ရုပ်ရှင်သရုပ်ဆောင် အားကစား သမားများစွာတို့တွေလည်း စီးပွားဖြစ် စပျစ်ဝိုင် ထုတ်လုပ်မှုတွေထဲမှာ ပါဝင်ရင်းနှီးကြသလို တချို့တွေကတော့ စပျစ်စိုက် ခင်းတွေကြား ခြံကြီးဝင်းကြီးတွေကို အပန်းဖြေဖို့နားနေဖို့ ဝယ်ယူထားကြပါတယ်။ အမြတ်ရတဲ့အချိန်မှာတော့ ပြန်ရောင်း ထုတ်ကြတာပေ့ါ။
မောင်ရင်ငတေကတော့ အဲဒီလိုစပျစ်ခင်းတွေကြား ရောက်ဖြစ်တဲ့အခါတိုင်းမှာ ရှန်ပိန်ရယ်ဝိုင်ရယ်မှ မဟုတ်ပါဘူး။ ဘယ် စပျစ်ခင်းမဆို စိတ်ဝင်စားမိ ရတာပါ။ ခူးခဲ့ဖူးတာက ရှန်ပိန်ချက်တဲ့ စပျစ်ခင်းမှာ၊ကြိုက်နှစ်သက်တာက ဝိုင်မှဝိုင်ဆိုတော့ကာ ဘယ်စပျစ်ခင်းကိုမဆို သံယောဇဉ် ကြီးမိနေတာလား မသိပါဘူး။
စပျစ်သီးတွေ စိမ်းစိမ်းနီနီ မည်းမည်းဖြူဖြူ (ဓါတ်ပုံ မရငတ)
ဝိုင် ရှန်ပိန် ကော့ညက်ချက်လုပ်တဲ့ စပျစ်သီးတွေက စိမ်းစိမ်းနီနီမည်းမည်း စားကြည့်လိုက်ရင်တော့ ဖန်တွတ်တွတ်အရသာ အ တူတူသာပါ။ စပျစ်နီမှ ဝိုင်နီ စပျစ်ဖြူရင် ဝိုင်ဖြူ (သို့) ရှန်ပိန် မဟုတ်ပါဘူး။ မောင်ရင်ငတေတို့ ခူးခဲ့ရတာ အများစုက ခပ် မည်းမည်း စပျစ်နီတွေသာပါ။ ချက်လုပ်ပုံ အဆင့်ဆင့်နဲ့ နည်းစနစ်တွေကွာဟပြီး ရှန်ပိန် ဝိုင် ကော့ညှက် မျိုးကွဲသွားတာပါ။
Vignoble de Montagne de Reims (ဓါတ်ပုံ မရငတ)
Vignoble de Montagne de Reims (Photo Google)
မောင်ရင်ငတေ စပျစ်ခူးခဲ့တဲ့ ရွာကလေးပါ။ စပျစ်ခူးခဲ့စဉ်ကတော့ စိုပြေသာယာလှတဲ့ အမှန်တကယ် ပတ်ဝန်းကျင်ရဲ့ အလှ အပကို မခံစားနိုင်ခဲ့ရပါဘူး။ ရာသီဥတုမကောင်းတာရော အချိန်မရတာရော အလုပ်ပင်ပန်းတာရောနဲ့ တဝက်တပျက်သာ တကယ့်သဘာဝအလှတွေကို ခံစားခဲ့ရတာပါ။ ဒီတော့ အခုနေများ သွားနေပါလားဆိုလာရင်တော့လည်း နေနိုင်လိမ့်မယ် မထင်ပါဘူး၊ မြို့ပြရဲ့ ကျေးကျွန်တွေပီပီ မြို့ပြကနေခွာလို့လည်း မဖြစ်ပါဘူး။ ဌာနေသမားတွေတောင်မှ မနေနိုင်ကြပါဘဲ အိမ်တလုံးလူတယောက် မရှိပါဘဲ အိမ်အလွတ်တွေများစွာ ရှိနေတဲ့ ရွာကလေးတွေပါ။ 
Vignoble de Montagne de Reims (Photo Google)
အခုတခေါက် အဲဒီ ရွာကလေးတွေဘက်သို့ မောင်ရင်ငတေ ပြန်လည်ရောက်ရှိခဲ့တဲ့ချိန်က စပျစ်ခင်း စိမ်းစိမ်းတွေကို မတွေ့ နိုင်သေးတဲ့အချိန်မို့လို့ ဂူဂဲလ်ကနေ စပျစ်ခင်းစိမ်းစိမ်းတွေရဲ့ အလှကိုရှာဖွေပြီး မှတ်တမ်းတင်လိုက်ရခြင်းပါ။
၂၀၀၇ ခုနှစ် မတိုင်မီက မောင်ရင်ငတေရဲ့ ကိုယ်တွေ့ စပျစ်ခူးမှတ်တမ်းများကို၂၀၁၂ ခုနှစ်မှာ မိုးမခ အွန်လိုင်းမှာ ရေးသားခဲ့ပြီး အခု ၂၀၁၅ ခုနှစ် မတ်လမှာ ဘဝထဲကလူသား စပျစ်သီးခူးသမား စာစုရဲ့ နောက်ဆက်တွဲ အမှတ် (၁) ရှန်ပိန်နယ်ကို ဖြတ် သန်းခဲ့ခြင်းစာစုကို ဖြည့်စွက် ရေးသားလိုက်ရခြင်းပါ။
ဆက်လက်ပြီးတော့ အခြားသော ရောက်ခဲ့ဖူးတဲ့ စပျစ်ခင်းများအကြောင်းကိုလည်း ပြီးဆုံးအောင် ကြိုးစားရေးသားနေဆဲပါ ခင်ဗျား။
အားလုံးကို ကျေးဇူးအထူးတင်ပါတယ်။
မောင်ရင်ငတေ ၁၂၀၃၂၀၁၅