ငြိမ်းချမ်းအေး ● ဖော်ထုတ်ရမယ့် ‘ပုံစံမျိုးစုံ’ ရှိ လိင်အကြမ်းဖက်မှုများ

ဒီအနေအထားမှာ တရားဥပဒေစိုးမိုးမှုက လျော့ရဲနေသေးချိန်၊ ဥပဒေပိုင်းဆိုင်ရာ အားနည်းချက်တွေ ရှိနေသေးချိန်၊ ခေတ်သစ် အိုင်တီနည်းပညာနဲ့အတူ သတင်းစီးဆင်းမှု က မြန်ဆန်လာချိန်၊ သတင်းလွတ်လပ်ခွင့်က (အရင်ခေတ်တွေကထက် စာရင်) မြင့်တက်လာချိန်မှာ လိင်အကြမ်းဖက်မှု ဆက်စပ် အမှုအခင်းတွေ မြင့်တက်လာသလို ယူဆနိုင်ပါတယ်။ တကယ်တော့ ပိတ်ဆို့ထားခံရတဲ့ လူမှုအဖွဲ့အစည်း တရပ်မှာ အလားတူ လူမဆန်မှုများစွာ ဖြစ်ပျက်နေတာ ကြာခဲ့ပါပြီ။

ဒီ့အတွက် ဆေးမြီးတိုကတော့ တရားဥပဒေစိုးမှုမှု ကြိမ်စကြာ လက်နက်ပါပဲ။ ထိရောက်တဲ့ အရေးယူမှုတွေ ရှိရမယ် ဆိုတာ မှန်ပါတယ်။ ဒါပေမယ့် ဒီထက် ပို အရေးကြီးတဲ့ ကိစ္စကတော့ ကျား-မ လိင် ရေးရာ ခွဲခြားမှု အမြင်တွေ ပပျောက်ရေး၊ လူမှု တရားမျှတမှု တန်းတူ ရရှိရေး၊ ကလေး လူငယ်ထု (မ+ကျား) အားလုံးကို လိင်နဲ့ မျိးပွား ပညာရပ်များ မှန်မှန်ကန်ကန် သိရှိစေရေး၊ လိင်အကြမ်းဖက်မှု ကာကွယ်နိုင်ဖို့ အသိပညာပေးရေး အစီအစဉ်များ၊ ကလေးသူငယ်ရဲ့ မွေးရာပါ ရပိုင်ခွင့်များအား လေးစားတတ်မှု လူ့အခွင့်အရေး သင်ခန်းစားများ အစရှိတဲ့ အတွေးအခေါ်၊ အသိ ဉာဏ် ပညာ ဦးနှောက်နဲ့ နှလုံးသား ဆတူ ကြီးစေတဲ့ အစီအမံတွေကို စနစ်တကျ စီမံချက်သဖွယ် လူမှု အလွှာ လူတန်းစား အသီးသီးမှာ ပြုလုပ်နိုင်ရပါမယ်။ ဒါမှသာ ခွင့်တူညီမျှမှု အခြေတည်တဲ့ လူ့ဘောင်စနစ် ကို ရှေးရှုပြီး အကြမ်းဖက်မှု ပုံစံမျိုးစုံကို လျှော့ချ လာနိုင်မှာဖြစ်ပါတယ်။

ဒါတွေနဲ့အတူ ကျနော်တို့ လူမှု အသိုင်းအဝန်းရဲ့ ယဉ်ကျေးမှု ခေါင်းစဉ်အောက်က အရံအတား တွေ၊ ခေါက်ရိုးကျိုးနေမှုတွေ၊ ဖိနှိပ်မှုတွေ၊ အမိန့်ပေးစနစ်တွေကိုပါ တွဲလျက် တိုက်ဖျက်ရပါမယ်။ လူကြီးနဲ့ လူငယ် မို့ ကောင်းကောင်းဆိုးဆိုး ခေါင်းငုံ လက်သင့်ခံနေရတဲ့ မှားယွင်းတဲ့ လူမှုစံတန်ဖိုး ပုံဖော်မှုတွေကို အကျိုးအကြောင်း ဆန်းစစ် ဝေဖန်ခြင်း ဓလေ့နဲ့ အစားထိုးနိုင်ရပါမယ်။

ကလေးသူငယ် (မ+ကျား) နဲ့ အမျိုးသမီးများအတွက် လူ့ဂုဏ်သိက္ခာကို ထိပါးမှု၊ စော်ကားမှု၊ အကြမ်းဖက်ခံရမှုဆိုတာမှာ လိင် အဓမ္မပြု အသတ်ခံရမှ မဟုတ်ပါ။ ပုံစံမျိုးစုံ၊ အကြောင်းအရာမျိုးစုံ၊ နောက်ခံ မျိုးစုံ မှာ တည်ရှိနေပါတယ်။ လုပ်ငန်းခွင်မှာ၊ စာသင်ခန်းမှာ၊ ဘာသာရေး အဖွဲ့အစည်း၊ လူမှုရေး အဖွဲ့အစည်းတွေမှာ၊ စစ်တပ်၊ ရဲ လက်နက်ကိုင် အဖွဲ့အစည်းတွေမှာ အမြဲမပြတ် ဖြစ်နေတတ်ပါတယ်။ ကျနော်ဟာ အမျိုးသမီးများနဲ့ စကားပြောဖြစ်တိုင်း သူတို့ နေ့စဉ် ရင်ဆိုင် ကြုံတွေ့ ဖြေရှင်းနေရတဲ့ လူမှုဝန်းကျင်ရဲ့ ကန့်သတ်မှုတွေ၊ မဟာဖိုဝါဒီ ကျားများရဲ့ ထိပါး စော်ကားမှုတွေ အကြောင်းကို မေးလေ့ ရှိပါတယ်။ လမ်းပေါ်မှာ ထိကပါး ရိကပါး ပြောခံရတာမျို၊ ရုံးမှာ အငှားယာဉ်ပေါ်မှာ အပြာကား ပြခံထိတာမျိုး၊ အများစီးဘတ်စ်ကားပေါ်မှာ လိင်ပိုင်းဆိုင်ရာ အသားယူခံရတာမျိုး၊ ရုံးတွင်း ဌာနတွင်းမှာ လုပ်ဖော်ကိုင်ဖက်နဲ့ အထက်လူကြီး အမျိုးသားများရဲ့ ကြံရွယ်ချက်ရှိရှိ လိင်အမြတ်ထုတ်မှုမျိုးတွေဟာ တကယ်တော့ စနစ်တကျ လေ့လာဖော်ထုတ်ဖို့ လိုပါတယ်။ ဒါတွေ အတွက် လူအများရဲ့ အသိအမြင်နဲ့ ခံယူချက် စိတ်ဓာတ်တွေကို မြှင့်တင်ပေးနိုင်ရပါမယ်။

အထူးသဖြင့် ကာမရာဂ အလိုအတွက် ဆိုရင် အမျိုးသမီးများကို ချနင်းအသုံးချဖို့ ဝန်မလေးတတ်တဲ့ ကျားကြီးများကိုပါ။ အားနွဲ့သူမိန်းမသား အဖြစ် ကိုယ့်ဘာသာ နှိပ့်ချ ခံယူပြီး လူမှုအဆောက်အအုံ သတ်မှတ်ချက် ပုံစံခွက်ထဲက တော်လှန်ရုန်းကန် မထွက်ချင်တဲ့ အမျိုးသမီးများကိုလည်း ပညာပေးဖို့ လိုပါတယ်။

လူ့အဖွဲ့အစည်းမှာ ယဉ်ကျေးမှုဓလေ့လို အမြစ်တွယ်နေပြီ ဖြစ်တဲ့ ရိုသေလေးစားမှုကို တရားလွန် အခြေခံရတဲ့ ပြန်မပြောရဲ၊ မဆိုရဲ၊ အထွန့်မတက်ရဲတဲ့ မိဘ-သားသမီး၊ ဆရာဝန်-လူနာ၊ ဆရာ-တပည့်၊ ရုံး အထက်လူကြီး-ဝန်ထမ်း၊ ဘာသာရေးခေါင်းဆောင်-နောက်လိုက် ဆက်ဆံမှုတွေကြားမှာ လိင်ပိုင်း အမြတ်ထုတ်မှု၊ အဓမ္မအမှု၊ အကြမ်းဖက်တွေ ရှိနေနိုင်ပါတယ်။ ရေငုံ နှုတ်ပိတ် နေရတဲ့ အမျိုးသမီးငယ်လေးတွေ၊ ကလေးသူငယ်တွေ အများကြီး ရှိနေနိုင်ပါတယ်။ ဒါတွေကို စာနယ်ဇင်၊ အရပ်ဘက် လူမှု အဖွဲ့အစည်းများနဲ့ လူမှုရေးဆိုင်ရာ သုတေသနသမားတွေက ဖော်ထုတ် မှတ်တမ်းယူနိုင်ရပါမယ်။

ရဲ၊ ရှေ့နေ၊ တရားသူကြီး အပါအဝင် တရားရေးဆိုင်ရာ အဖွဲ့အစည်းများ၊ နိုင်ငံရေးသမားများ၊ ဥပဒေပြု လွှတ်တော် အမတ်များဘက်ကလည်း လိင်စော်ကားမှု ဖြစ်စဉ်တွေအတွက် ကာကွယ်ရေး၊ အသိပေးရေး၊ အရေးယူရေး အစီအစဉ် စီမံချက်တွေကို စာနယ်ဇင်း မီဒီယာနဲ့ ပညာရေး ကဏ္ဍများကို အသုံးချကာ လူထု လူအများ၊ အထူးသဖြင့် ကလေးသူငယ်များကို လူ့ အခွင့်အရေးနဲ့ အသိ တိုးပွားအောင် ဦးဆောင် ဆောင်ရွက်ရပါမယ်။ လိင်ပိုင်းဆိုင်ရာ ဆက်စပ် အမှုတွေ အတွက်၊ ဘယ်လို ဖြောင့်မတ်မှန်ကန်၊ တရားနည်းလမ်းကျ ဥပဒေ အကာအကွယ်ပေးမှု၊ အရေးယူမှု၊ ပြဋ္ဌာန်းမှုတွေ ရှိသလဲ၊ အားနည်းချက်၊ ချို့ယွင်းမှုတွေ ရှိသလား အမြဲမပြတ် ဆွေးနွေးမှု၊ မှန်ကန်တဲ့ အရေးယူမှုတွေ လုပ်နေရပါမယ်။

ဒါ့အပြင် Victim-Blaming ခံရသူကို ဖိနင်း အပြစ်တင်ချင်ကြတဲ့ လူမှုအသိုင်းအဝန်းမှာ တံတွေးကွက် ပက်လက် အမျောခံပြီး ဒါမျိုး လိင်ဆက်စပ်အမှုတွေကို ခံရသူ အမျိုးသမီးငယ်များဘက်က အသံထွက် ပြန်ပြောဝံ့ ပြန်ပြောနိုင်တဲ့ နောက်ခံ စနစ် အဖွဲ့အစည်း တရပ် ဖြစ်ဖို့ လိုသလို၊ ရပ်ရွာ လူမှု အသိုင်းအဝန်းကလည်း လက်ခံနိုင်ဖို့လိုပါတယ်။ အစော်ကားခံရသူက မကောင်းမှု ဒုစရိုက် လုပ်ခဲ့တာ မဟုတ်တဲ့ အတွက် ရပ်ထဲရွာထဲမှာ ရင်ကော့၊ ခေါင်းမော့ ပြန်လည် နေထိုင် ပညာ၊ စီးပွား ရှာပိုင်ခွင့် ရှိရပါမယ်။

အခုလို လူအများက လိင်အဓမ္မအမှုကို ပြောဆိုနေတဲ့ အချိန်မျိုးမှာတောင် ခံရသူ အမျိုးသမီး ဘက်က ရဲစခန်းမှာ အမှုဖွင့်တိုင်ကြားလိုရင် ရပ်ရွာလူကြီးများနဲ့ တရားဥပဒေဘက်တော်သား ရဲ ကိုယ်တိုင်က “ဒါမျိုးက မိန်းကလေးအဖို့ ကျော်မကောင်း၊ ကြားမကောင်းပါ၊ သိုသိုသိပ်သိပ် ကျေအေးတန်ရင် ကျေအေးပါ” ဆိုတဲ့ သဘောမျိုး ရှိဆဲ ဖြစ်ကြောင်း အမျိုးသမီးရှေ့နေ ပရဟိတ အဖွဲ့တခုဖွဲ့က လိင်အကြမ်းဖက်ခံ အမျိုးသမိးများ အတွက် အခမဲ့ ဥပဒေဝန်ဆောင်မှု ပေးနေတဲ့ ရှေ့နေအမျိုးသမီး တချို့က ကျနော့်ကို ပြောဖူးပါတယ်။ ရပ်ထဲရွာထဲ မြေပြင် လက်တွေ့မှာ ဒါမျိုး သဘောထားတွေ အခြေတည်နေခြင်းက ကျား-မ အကြမ်းဖက်မှု၊ လိင်ပိုင်းဆိုင်ရာ အဓမ္မအမှုတွေ တည်ရှိနေခြင်းရဲ့ အကြောင်းရင်းခံကြီးတွေ ဖြစ်ပါတယ်။ ရှေ့နေ အမျိုးသမီး တဦးရဲ့ စကား တခွန်းဆိုရင် ကျနော် မမေ့နိုင်ပါ။ Gender (ကျား-မ လူမှုရေးရာ) သင်ခန်းစာက ရဲ ကို အရင် သင်ပေးရမှာ လို့ သူက ဆိုပါတယ်။

တကယ်တော့ အဓမ္မ ကာမလုယူမှု (Rape) အဆင့် လုံးလုံး ရောက်ချင်မှ ရောက်နိုင်ပေမယ့် လိင်ပိုင်းဆိုင်ရာ အရှက်တကွဲ ဖြစ်စေမှု၊ မလျော်မကန် ပြုလုပ်မှု၊ အနိုင်ကျင့် စော်ကားမှု အားလုံးဟာ ခံရသူ အမျိုးသမီးနဲ့ ကလေးသူငယ်များ အပေါ် ပြင်းထန်တဲ့၊ စိတ်ဓာတ်ပိုင်းဆိုင်ရာ ပြဿနာတွေ ဖြစ်စေပါတယ်။ လိင်ကိစ္စဆိုရင် ကျန်းမာရေးအရတောင် ခပ်ကျယ်ကျယ် ပါးစပ် မဟ၊ မပြောဝံ့၊ ရှက်စရာလို့ သတ်မှတ် ပုံဖော်ခံထားရတဲ့ နောက်ခံယဉ်ကျေးမှုနဲ့ တိုင်းပြည်မျိုးမှာ ကျား၊ မ လူငယ်၊ လူရွယ် အထူးသဖြင့် ကလေးသူငယ် လူမမည်များ အများအပြား ဒီလို လိင်ဆက်စပ် အမှုတွေရဲ့ ရုပ်ပိုင်းဆိုင်ရာ၊ စိတ်ပိုင်းဆိုင်ရာ ဒုက္ခ၊ သုက္ခတွေ ခံစားနေရမှာ အမှန် ဖြစ်ပါတယ်။ လူမသိ၊ သူမသိ စိတ်ဒဏ်ရာ အနာရွတ်များစွာနဲ့ ကလေးသူငယ်များ အမြောက်အမြား ရှိနေနိုင်ပါတယ်။

အမျိုးသမီးငယ်များ၊ အထူးသဖြင့် အရွယ်မရောက်သေးသူ ကလေးငယ်များ၊ ဆယ်ကျော်သက်များ လိင်ပိုင်းဆိုင်ရာ ဆက်စပ် စိတ်ကသိကအောက်ဖြစ်ရမှု၊ ကာယိနြေ္ဒ ပျက်ရမှုဟာ နိစ္စဓူဝ မြင်တွေ့နေရတဲ့ အသားကျ လူမှုဓလေ့ ထုံးတွေမှာကို တွေ့နိုင်ပါတယ်။ ဥပမာ – သွေးမတော် သားမစပ် ကလေးသူငယ်များကို ကာယကံရှင် (ကလေးကိုဆိုလို၊ ကလေးမိဘ မဟုတ်) ကြိုက်မှန်းမသိ၊ မကြိုက်မှန်းမသိ ပွေ့ဖက် နမ်းရှုပ်ကျီစယ် ကလူ ပြုတာ မျိုးတွေဟာ ကလေးသူငယ်ဘက်က စိတ်ပိုင်းဆိုင်ရာ အနှောင့်အယှက်ဖြစ်မှုတွေ ဖြစ်နိုင်ပါတယ်။

လုပ်ငန်းခွင်မှာ၊ လူမှုဆက်ဆံရေးမှာ ကျား-မ၊ ကျား-ကျား၊ မ-မ၊ လိင်တူ၊ လိင်ကွဲ ထိတွေ့ဆက်ဆံမှု မျိုးစုံမှာလည်း လိင်ပိုင်းဆိုင်ရာနှောင့်ယှက်မှု အကျုံးဝင်တဲ့ အပြောအဆို၊ အနေအထိုင်တွေ အများကြီး ရှိနေပါတယ်။ အသားချင်း အသားယူ ထိကိုင်မှုကအစ၊ အပြောအဆို စကားလုံး ရွေးချယ် သုံးနှုန်းမှုတချို့ဟာ တကယ် စစ်စစ်ပေါက်ပေါက် လေ့လာသုံးသပ်ကြည့်ရင်၊ နိုင်ငံတကာက စံနှုန်း၊ ဥပဒေ၊ လုပ်ထုံးလုပ်နည်းတွေနဲ့ ချိန်ထိုးရင် လိင်ပိုင်းဆိုင် မသင့်မလျော် ပြုလုပ်ခြင်းခေါင်းစဉ်အောက်မှာ ဝင်နေနိုင်တာမျိုးတွေ နေရာတိုင်းမှာ တွေ့နိုင်ပါတယ်။

ဒါမျိုးတွေ အတွက် ကျား-မ၊ လူငယ်-လူကြီး မှန်ကန်တဲ့ အသိပညာပေးမှုတွေ လိုနေပါတယ်။ ဗမာပြည်က မဟာဖိုဝါဒီ ကျားကြီး ပုရိသသူတော်ကောင်းအပေါင်း လမ်းသွားလမ်းလာ မိန်းကလေးငယ်များကို လေချွန် အသံပြု စနောက်တာ၊ မိန်းမလျာများကို သရော် နှောက်ယှက်တာမျိုးက အစ၊ မိန်းမဆိုရင် စိတ်ထဲက အဝတ်ခွာ တဏှာခိုးတွေ ထ၊ နှာခေါင်း မီးတောက် မျက်စိက (မရိုသေ့စကား) သုတ်ရည်ထွက်တဲ့ အထိ စူးစူးရဲရဲ ကြည့်တာမျိုး အလယ်ကနေ၊ နင်ပဲငဆ ညစ်တီးညစ်ပတ် ပြောတာမျိုး အဆုံး အားလုံးဟာ လိင်ပိုင်းဆိုင်ရာ အနိုင်ကျင့် စော်ကားမှု ဖြစ်တယ်၊ ထောင်ဒဏ် နှစ်ရှည်ကျခံရမယ့် ရာဇဝတ်မှု အကြီးမျိုး မြောက်တယ် ဆိုတဲ့ ဗဟုသုတ အမြင်၊ အသိ၊ အတွေးအခေါ်၊ ခံယူချက်မျိုး ဖြစ်အောင် ကျား၊ မ နှစ်ဘက်စလုံးကို ပညာပေးရပါမယ်။ ကလေးသူငယ် အရွယ်ကတည်းက မိမိရဲ့ လိင်ပိုင်းဆိုရာ ဂုဏ်သိက္ခာနဲ့ အခွင့်အရေးကို ကာကွယ်တတ်အောင် လေ့ကျင့်ပြုစု ပျိုးထောင် သင်ကြားပေးရပါမယ်။

လိင်ကိစ္စမို့ မပြောအပ်၊ မဆိုအပ်ဆိုပြီး လူ့အဖွဲ့အစည်းရဲ့ နောက်ဖေးချောင်ကို ပို့ထားရင် လိင်ပိုင်းဆိုင်ရာ ဆက်စပ် ရာဇဝတ်မှု၊ ကျန်းမာရေး ယိုယွင်းမှု၊ စိတ်ဓာတ်ပိုင်းဆိုင်ရာ ထိခိုက် ခံစား ပျက်ယွင်းမှုတွေ၊ အကျင့်စာရိတ္တ ပျက်စီးမှုတွေဟာ နောက်ကွယ်မှာ တိုးပွား အမြစ်တွယ်နေမှာသာ ဖြစ်တယ်။ အိုင်းအနာ ပြည်ပုပ်ကို အအောင်းမခံဘဲ ဖောက်ထုတ်မှသာ တိုင်းပြည်မှာ လူသားဂုဏ်ရည်မြင့်၊ အကျင့်စာရိတ္တ မြင့်မာ အမှန်တကယ် ကာယ၊ စိတ္တ ကျန်းမာ၊ ချမ်းသာ တိုးတက်ကြီးပွားနိုင်ပါမယ်။

ပြန်ချုပ်ရရင် အပေါ်ယံ သနပ်ခါးလိမ်း ပေါင်သေးစီးကြောင်းကို ဖုံး၊ မကောင်းတာမှန်သမျှ ဖျာအောက်ထိုးသိပ် ဝှက်ထားချင်တဲ့ အကျင့်တွေ ကျနော်တို့ ပြင်သင့်ပါပြီ။ ကာမ ဆက်ဆံရေး၊ လိင်ပညာရေး၊ မျိုးပွား အင်္ဂါ ကျန်းမာရေး ဆက်စပ် အစီအစဉ်တွေကို မူလတန်း၊ အလယ်တန်း အရွယ် ကျောင်းပညာရေးမှာကို စနစ်တကျ ထည့်သွင်း သင်ကြားပြသသင့်နေပါပြီ။ အလားတူပဲ လိင်ဆက်စပ် ရာဇဝတ်မှုတွေ၊ လူ့အခွင့်အရေး ဂုဏ်သိက္ခာ ရပိုင်ခွင့် စံချိန် စံညွှန်း အကြောင်းတွေလည်း ကျောင်းသား အရွယ်ကတည်းက နည်းစနစ်တကျ သင်ယူနိုင်ဖို့ လိုနေပါတယ်။ သန်စွမ်းကျန်းမာ၊ သီလ စင်ကြယ် သိက္ခာမြင့်မား၊ ကိုယ့်အခွင့်အရေး နဲ့ ရပိုင်ခွင့်ကိုသိ၊ ကိုယ် စောင့်ထိန်းရမယ့် တာဝန်နဲ့ ကျင့်ဝတ်ကို နားလည် အလေးထားတဲ့ မျိုးဆက်သစ်များနဲ့ ကောင်းမွန်တဲ့ တိုင်းပြည် အနာဂတ်ကို လက်တွေ့တည်ဆောက် လိုရင် ရှေးရိုစွဲ အမြင် ပိတ်ဆို့ထားတဲ့ အတွေးအခေါ်တွေကို စွန့်သင့်၊ ခေါက်ရိုးကျိုး စိတ်ဓာတ်တွေကို ပြုပြင်ပြောင်းလဲသင့်ပါပြီ။

ဒါကြောင့် ကိုယ့် လူ့အဖွဲ့အစည်းမှာ အခု သက်ငယ် လိင်အဓမ္မအမှု အတွက် ပညာပေးရေး၊ ကာကွယ်ရေး အစီအစဉ်များနဲ့အတူ တခြား ရုပ်ပိုင်းဆိုင်ရာ၊ စိတ်ပိုင်းဆိုင်ရာ လိင်အကြမ်းဖက်မှုများကိုလည်း တပါတည်း တွဲလျက် လူမှု၊ ကျန်းမာ၊ ပညာ၊ စိတ်ပညာ၊ ဥပဒေရေးရာ ပြောဆို ဆွေးနွေး လူထုအများ၊ အထူးသဖြင့် မျိုးဆက်သစ်ကို အသိရေချိန် ပိုမို မြှင့်တင်ပေးကြဖို့ တိုက်တွန်းနှိုးဆော်ပါရစေ ခင်ဗျား။

ငြိမ်းချမ်းအေး

(ပြန်လည်ဝေဖန်ရန်နှင့် ဆက်သွယ်ရန် - nyeinchanaye81@gmail.com)

The Ladies News Journal တွင်လည်း ဖော်ပြခဲ့သည်။

http://theladiesnewsjournal.com/articles/mon-2016-11-28-1311/4326

https://www.facebook.com/News.TheLadies/posts/663213813853591:0