ထွန်းဝင်းငြိမ်း ● ငြိမ်းချမ်းရေးသည်သာ အဓိက အမျိုးသားရေးတာဝန်
(မိုးမခ) ဒီဇင်ဘာ ၁၃၊ ၂၀၁၆
(မိုးမခ) ဒီဇင်ဘာ ၁၃၊ ၂၀၁၆
● တောက်လောင်မြဲ တောက်လောင်
ဒီနေ့ ကျနော်တို့နိုင်ငံရဲ့အရေးအကြီးဆုံး ဖြေရှင်းဆောင်ရွက်ရမယ့်ကိစ္စက တနိုင်ငံလုံးမှာရှိတဲ့ တိုင်းရင်းသား လူမျိုးပေါင်းစုံ၊ လူထုလူတန်း စား အလွှာပေါင်း စုံ ရဲ့ စိတ်ဓာတ်တွေ ရုပ်ခန္ဓာတွေ သဘာဝဝန်းကျင်တွေ ကို နှစ်ပေါင်းများစွာ ဖျက်ဆီးပြစ်နေတဲ့ ပြည်တွင်းစစ်ကြီး ရပ်စဲရေးနဲ့ ပြည်တွင်း ငြိမ်းချမ်းရေး တည်ဆောက်ကြဖို့ ဖြစ်ပါတယ်။ တကယ်တော့ တိုင်းရင်းသား ပြည်သူလူထု တရပ်လုံးကို အကာအကွယ်ပေးမယ့် ငြိမ်းချမ်းရေးသည်သာလျှင် ဒီနေ့လက်တွေ့နိုင်ငံရေးရဲ့ အဓိကအမျိုးသား ရေးတာဝန်ဖြစ်ပါတယ်။
ငြိမ်းချမ်းရေးဟာ အားလုံးပါဝင်ရေးလို့ဆိုတဲ့ တပြည်လုံးအတိုင်းအတာကိုဆောင်တဲ့တပြည်လုံးအတွက် ငြိမ်း ချမ်းရေးဖြစ်ရပါ မယ်။ တနိုင်ငံ လုံးရှိ တိုင်းရင်းသားလူမျိုးတိုင်း လူမျိုးတိုင်းနဲ့ လုံးဝသက်ဆိုင်နေသလို တပြည်လုံးရှိ လူထုလူတန်းစား အသီး သီးတို့နဲ့လည်း လုံးဝသက်ဆိုင်နေကြပါတယ်။
အုပ်ချုပ်သူအာဏာလက်ကိုင်ရှိသူ ခေါင်းဆောင်ဆိုသူတွေနဲ့ လက်နက်ကိုင်တော်လှန်ရေးဆောင်ရွက်နေ သူခေါင်း ဆောင် တွေချည့် သက်သက်သာလျှင် သက်ဆိုင်သည့် ငြိ်မ်းချမ်းရေးဟူ၍ မယူဆနိုင်ပါ။
ငြိမ်းချမ်းရေးသည် တပြည်ထောင်လုံးအရေး၊ ပြည်တွင်းရှိအမျိုးသားပေါင်းစုံတို့ အလုံးစုံသက်ဆိုင်ကြတဲ့ ငြိမ်း ချမ်းရေးလို့သာ ယုံကြည်ကြပါတယ်။ ဒါပေမဲ့ မျက်နှာစုံညီတွေ့ဆုံဆွေးနွေးရေးကိစ္စ အာဏာလက်ရှိ အုပ်စိုးသူလူတန်းစားခေါင်းဆောင်ကြီးတွေနဲ့ လက်နက်ကိုင်တော်လှန်ရေးလုပ်နေကြတဲ့ အာဏာမဲ့ သူပုန်ခေါင်းဆောင်ကြီးတွေ တဘက်နှင့်တဘက် အချိန်ယူပြီး သဘောထားကြီးကြီး၊ ရိုးရိုးဖြောင့်ဖြောင့်၊ တန်းတူရည်တူ အခွင့်အရေးဖြင့် စိတ်ရှည်လက်ရှည် ရဲဘော်ရဲဘက်ချင်းသဖွယ် သဘောထားပြီး တွေ့ ဆုံဆွေးနွေး မှသာ ရရှိမှာ ဖြစ်ပါတယ်။
တရားခံနဲ့ တရားလိုအမှုဆိုင်သလို တဘက်စီးနင်း တင်းတင်းမာမာဆွေးနွေးကြမယ်ဆိုရင် ငြိမ်း ချမ်းရေးဝေးနေပြီး ဆွေးနွေး ရေးစားပွဲဝိုင်း ခုန်ကျိုးသွားမှာ ဖြစ် ပါတယ်။ နိုင်ငံရေးအရ ကွဲလွဲချက်တွေကို နိုင်ငံရေးအရ ပြေလည်အောင် မဖြေရှင်းနိုင်ကြဘဲ ပြည်တွင်းငြိမ်းချမ်းရေးကို စဉ်းစားလို့ရနိုင်မှာ မဟုတ်ပါဘူး။
အဲဒီလို ပြည်နယ်အရေး၊ လူမျိုးအရေးတို့အတွက် ကွဲလွဲချက်ကိုလည်း သက်ဆိုင်ရာတွေကို လွတ်လပ်စွာသီးခြား ကိုယ် ပိုင်ပြည်နယ် ထူထောင်ခွင့်ရှိသည်အထိ၊ ပြေပြေလည်လည် မဆွေးနွေးနိုင်သမျှ ပြည်တွင်းငြိမ်းချမ်းရေးဆိုတာလည်း အ ကောင်အထည်ပေါ်ပေါက်နိုင်လိမ့်မယ် မထင်ပါ။
ငြိမ်းချမ်းရေး ရရှိဖို့ဆိုတာ တွေ့ဆုံဆွေးနွေးရေးလုပ်နည်းလုပ်ဟန်ကလွဲပြီး အပြုတ်တိုက်ရေးလမ်းစဉ်နဲ့ အောင်မြင်နိုင်ဖို့ ဒီ နေ့ လက်ရှိအနေအထားတွေအရ ခွင့်မပြုခြင်းဟာ ပြည်တွင်းစစ်နှစ် ၇၀ ကျော် ကြာညောင်းခဲ့ပြီး ပြည်သူ လူထုကြီး တရပ်လုံး ကြိမ်မီးအုံးခံရသည့်နှယ်၊ နှစ်ရှည်လများမချိမဆန့်၊ မရှုမလှ၊ သောက ဗျာပါဒတွေများစွာနဲ့ ပြည်တွင်းစစ်ကြီးရဲ့ ဒဏ်ရာ ဒဏ် ချက်တွေကို အလူးအလဲခံစားနေရ တာကြောင့် ဖြစ်ပါတယ်။
ဒါ့ကြောင့်ပဲ ပြည်သူလူထုကြီးတရပ်လုံးဟာ အပြုတ်တိုက်ရေးဆိုတဲ့အသံကို မကြားချင်ကြပါဘူး။ လက်နက်ချပြီး မိမိတို့ တကိုယ်ရေတကာယ အခွင့်ထူး ခံစားမှု ရယူကြရုံလောက်သာ “အလင်းဝင်သည်” “လက်နက်စွန့်သည်” “လက်နက်နှင့် ဒီမိုကရေစီလဲသည်” စတဲ့ စကားလုံးလှလှကလေးတွေနဲ့ တန်ဆာ ဆင်ပြီး ပုံဖော်ခဲ့ကြပေမယ့် “တကယ့် ငြိမ်းချမ်းရေး” မရကြဘဲ အတုအယောင်ငြိမ်းချမ်းရေးနဲ့သာ အစိုးရအဆက်ဆက် ပြည်တွင်းစစ်မီးကြီးက တောက်လောင်မြဲတောက် လောင်နေတာကို ပြည်သူလူထုကြီးက မျက်ဝါးထင်ထင် တွေ့မြင် သိရှိနေကြရတာ ဖြစ်ပါတယ်။
● အစိုးရဘက်က လှစ်လျုရှုခဲ့တယ်
အမျိုးသား ပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန NRPC ရဲ့ဥက္ကဋ္ဌ ဒေါ်အောင်ဆန်းစုကြည်က ရှမ်းပြည် အရှေ့မြောက်ဒေသမှာဖြစ်ပေါ်နေတဲ့ တိုက်ပွဲတွေနဲ့ပတ်သက်ပြီး သဘောထားတရပ် နိုဝင်ဘာ ၂၄ ရက်နေ့က ထုတ်ပြန်ခဲ့ ပါတယ်။ ထုတ်ပြန်ချက်မှာ “ပြည်သူအများ လိုလားတောင့်တ လျက်ရှိသော ပန်းတိုင်သို့ လက်နက်ကိုင် နည်းလမ်းဖြင့် ရောက်ရှိနိုင်မည်မဟုတ်ပါ။ လက်နက်ကိုင်ပဋိပက္ခများ ချုပ်ငြိမ်း ပြီး ရေရှည်တည်တံ့သော ငြိမ်းချမ်းရေး တည်ဆောက်နိုင်ရေး အတွက် ပြည်ထောင်စုငြိမ်းချမ်းရေးညီလာခံ ၂၁ ရာစုပင်လုံသည် တခုတည်းသော လမ်းကြောင်းဖြစ်ပါ သည်။ ထိုငြိမ်းချမ်းရေးဖြစ်စဉ်တွင် ပါဝင်သင့် ပါဝင်ထိုက်သူအားလုံး ပါဝင်နိုင်ရေးအတွက် ငြိမ်းချမ်းရေး တံခါးများ အစဉ်အမြဲ ဖွင့်လှစ်ထားပြီး တန်းတူ ရည်တူပါဝင်နိုင်ရေး အတွက် ကြိုဆိုဖိတ်ခေါ် လျက်ရှိပါ သည်” ဆိုပြီး ပါရှိပါတယ်။ ပါဝင်သင့် ပါဝင်ထိုက်သူ အားလုံးပါဝင်နိုင်ရေးအတွက် ဆိုတဲ့နေရာမှာ အားလုံးပါဝင်နိုင်ရေးဖြစ်မှသာ ငြိမ်းချမ်းရေးဖြစ်စဉ်က အမှန်တ ကယ် အသက်ဝင်မှာဖြစ်ပါတယ်။ နောက်ထပ်ထူးခြားချက်ကတော့ ကြေညာချက်ထဲက စကား ရပ်တွေရဲ့ အနက်အဓိပ္ပါယ်ပါပဲ။
“တပ်မတော်နှင့် လုံခြုံရေးတပ်ဖွဲ့ဝင်များ၏ ရွပ်ရွပ်ချွံချွံစွမ်းဆောင်မှုများကြောင့်” ဆိုတာနဲ့ “အပြစ်မဲ့ အရပ် သားပြည်သူများပါ ထိခိုက် သေ ဆုံး ဒဏ်ရာရရှိ” ဆိုတာတွေ ဖြစ်ပါတယ်။ သေနတ်သံတွေနဲ့အတူ တက်လာတဲ့ မေးခွန်းတွေက အရင်တိုက်ပွဲတွေမှာလည်း အပြစ်မဲ့ အရပ်သား ပြည်သူတွေ ထိခိုက်သေဆုံး ဒဏ်ရာရရှိခဲ့တာပါပဲ။ အဲဒီတုန်းက ဘာကြောင့် တိတ်ဆိတ်နေခဲ့တာလဲဆို တဲ့ မေးခွန်းပါ။
လက်နက်ကိုင်းတိုင်းရင်သားတပ်ဖွဲ့တွေ စုစည်းထားတဲ့ ညီညွတ်သော တိုင်းရင်း သားလူမျိုးများ ဖယ်ဒရယ်ကောင်စီ UNFC ကတော့ တိုင်းရင်သားတပ်ဖွဲ့တွေအနေနဲ့ တချိန်လုံး ထိုးစစ်ဆင် တိုက်ခိုက်ခံရ တာဖြစ်လို့  ဒါကြောင့် မဟာမိတ်အဖွဲ့တွေစုပြီးပြန်တိုက်တဲ့ သဘောဖြစ်တယ်လို့ ဆိုပါတယ်။ ၂၁ ရာစုပင်လုံ ညီလာခံပြီးကတည်းက တိုင်းရင်သားနယ်မြေတွေမှာ ဒုက္ခသည်တွေ များပြားလာတဲ့အထိ ထိုးစစ်တွေ ရှိနေပေမယ့် အစိုးရဘက်က လှစ်လျုရူခဲ့တယ်လို့လည်း ယူအန်အက်ဖက်စီခေါင်းဆောင်တဦးဖြစ် သူ နိုင်ဟံသာက ပြောပါတယ်။
“အမြဲတမ်းအတိုက်ခံနေရတော့ သူတို့အချင်းချင်းစုပြီးတော့ ပြန်တိုက်တဲ့ သဘောပေါ့လေ၊ ဒါကတော့ ကျနော်အဲလိုပဲထင် တယ်။ အမှန်တော့ ဒီဆွေးနွေးရေးကလည်း ပြတ်မသွားစေချင်ဘူးလေ၊ ဒါကိုလည်း ထိန်းရမယ်။ ဒါကတော့ ကိုယ်ကတော့ သူ့ကိုတိုက်ရင်၊ သူကလည်း ကိုယ့်ကိုပြန်တိုက်မှာပေါ့။ ဒါကတော့ ခံစစ်ကြီးပဲ သူတို့လည်း ရေရှည်ဘယ်ခံနိုင်ပါ့မလဲ၊ သူတို့ ကလည်း တခါတလေတော့ ထိုးစစ်တော့လုပ်မှာပေါ့။ အမှန်ကတော့ ဒီ ၂၁ ရာစုပင်လုံဖြစ်ပြီးတဲ့ နောက်မှာမှ အခုက ထိုးစစ်တွေက ပိုပြီးတော့ ပြင်းထန်လာတယ်နော်။ တိုက်ပွဲတွေအဓိက ပြင်းထန်လာတာကတော့ အစိုးရဘက်က ထိုးစစ်တွေ ဆင်နေတယ်လို့ အဲဒါလေ့လာသိရှိရတယ်။ အဲဒီအပေါ်မှာ ဒါ စစ်တပ်က ထိုးစစ်ဆင် တာပေါ့နော်၊ အဲဒါကို အစိုးရဘက်က ဘာမှမပြောဘူး။ ဒါတွေကို သူတို့က လုံးဝကို ဂရုမစိုက်သလို နေနေတယ်ပေါ့လေ။ အဲလို အနေအထားမျိုးကတော့ အခြေ အနေကတော့ မဖြစ်သင့်ဘူးလို့တော့ မြင်တယ်။”
အဓိကကတော့ အခုကျနော်တို့ တိုင်းရင်းသားနယ်မြေထဲမှာ ကချင်နယ်မြေရော၊ ကျနော်တို့ နယ်မြေရော၊ ကျန်တဲ့အဖွဲ့ နယ်မြေတွေရော မြန်မာ့တပ်မတော်က တောထဲမှာ ကျနော်တို့ကို ထိုးစစ်ဆင် ပိုက်စိပ်တိုက် လှုပ်ရှား မှုတွေ တော်တော်ပြင်း ထန်လာပါတယ်။ အဲဒါကြောင့်မို့ ကျနော်တို့က ဒီလှုပ်ရှားမှုကို ဆောင်ရွက်ရခြင်းဖြစ်ပါတယ်လို့ နိုင်ဟံသာက ပြောကြားတာ ကိုလည်း တွေ့ရပါတယ်။
● ကာလုံအစည်းအဝေး ခေါ်ခိုင်းပြီ
ကာချုပ်က NCA စာချုပ်တစ်နှစ်ပြည့်ပွဲမှာ NCA ကို လက်မှတ်ရေးထိုးခြင်းမရှိဘဲ NCA စာချုပ်ပါ ကိစ္စရပ်များ ကိုကျော်လွန်ပြီး အမျိုးသား အဆင့်ဆွေးနွေးပွဲတွေကိုသွားနိုင်ရန်ကြိုးစားနေခြင်းဟာ မဖြစ်သင့်ပါဘူးဆိုပြီး သတိပေးသလိုပြောကြားခဲ့တာကိုတွေ့ရပါတယ်။ ဆိုလို ချင် တာကတော့ NCA လက်မှတ်မထိုး ရင် နိုင်ငံရေးဆွေးနွေးမှုနဲ့ နိုင်ငံရေးအရပါဝင်ဆောင်ရွက်မှုကို ခွင့်မပြုနိုင်ဘူးလို့ ပြောတာပါပဲ။ ဒါ ကြောင့်လည်း ငြိမ်းချမ်းရေးဖြစ်စဉ်မှာ NCA ကနေ ရှေ့ဆက်ဆောင်ရွက်ဖို့ နည်းလမ်းရှာ နေရတာ ဖြစ်ပါတယ်။ ငြိမ်းချမ်းရေးဆိုတဲ့ ဆင်ကောင်လုံးကြီးတွေ့နေပေမယ့် ဆင်ခြေရာဆိုတာ အတည်ပြုဖို့ နည်း လမ်းရှာနေရဆဲပါ။
နိုဝင်ဘာ ၂၆ ရက်နေ့ကလည်း နိုင်ငံတော်ကာကွယ်ရေးတက္ကသိုလ်မှာ သင်တန်းတက်ရောက်နေတဲ့ သင်တန်းသားအရာရှိတွေ ကို တပ်မတော်အနေနဲ့သမိုင်းကြောင်းဆိုင်ရာဆက်နွယ်မှုများအရ ဒို့တာဝန် အရေးသုံးပါးဖြစ်တဲ့ ပြည်ထောင်စုမပြိုကွဲရေး၊ တိုင်းရင်းသားစည်းလုံညီညွတ်မှုမပြိုကွဲရေးနဲ့ အချူပ်အခြာ အာဏာ တည်တံ့ခိုင်မြဲရေးတို့တွက် မဖြစ်မနေလုပ်ဆောင်ရမည့် အမျိုးသားရေးတာဝန် ဖြစ်ကြောင်း ဆိုခဲ့ပါ တယ်။
ရှမ်းမြောက်က တိုက်ပွဲတွေ၊ ရခိုင်က အရေးတွေနဲ့ မြို့ပြက လူထုဘဝမလုံခြုံတာတွေကို အကြောင်းပြပြီး ပါတီတချို့က အမျိုးသားကာ ကွယ်ရေးနဲ့ လုံခြုံရေးကောင်စီ အစည်းအဝေးခေါ်ဖို့ ပြောကြ လက်မှတ်တွေထိုးတောင်းဆိုကြပါတယ်။ တပ်မတော်ကာချုပ်ကလည်း ကာလုံအကြောင်း ပြောဆိုလာပါတယ်။ ကာလုံအစည်းအဝေးခေါ်ယူဖို့ တောင်းဆိုတဲ့ နိုင်ငံရေး ပါတီတွေဘက်ကတော့ ကာလုံအစည်းအဝေး အမြန်ဆုံးခေါ်ယူပြီး ဘယ်လိုအခြေအနေတွေ ဆောင်ရွက်ချင်တာလဲ ဆိုတာကိုတော့ ရှင်းရှင်းလင်းလင်းပြောတာ မတွေ့ရပါဘူး။
ဒီကိစ္စကို ကာလုံမှာပါဝင်တဲ့ပုဂ္ဂိုလ်တွေက ဆုံးဖြတ်ရမှာ ဖြစ်တယ်လို့ ပြောဆိုပါတယ်။ ကာလုံအစည်းအဝေး ခေါ်ယူဖို့ လက် မှတ်ထိုး တောင်းဆိုထားတဲ့နိုင်ငံရေးပါတီတွေထဲမှာတော့ အရင်စစ်အစိုးရအဖွဲ့ဝင်တွေအများစု ပါဝင်တဲ့ ပြည်ထောင်စုကြံ့ခိုင် ရေးနဲ့ ဖွံ့ဖြိုးရေး ပါတီ၊ စစ်အစိုးရ မတိုင်မီက အုပ်ချုပ်ခဲ့ တဲ့ မြန်မာ့ဆိုရှယ်လစ်လမ်းစဉ်ပါတီတဖြစ်လဲ တိုင်းရင်းသားစည်းလုံး ညီညွတ်ရေးနဲ့ ဖွံ့ဖြိုးရေး ပါတီတို့ ပါဝင်ကြပါတယ်။
ဒီကျေညာချက်ဟာတချိန်ကစစ်အုပ်စုရဲ့ မြေတောင်မြှောက်ပေးမှုနဲ့ပေါ်ထွက်ခဲ့ပြီး ပြည်သူလက်မခံလို့ အာဏာလက်လွှတ်ခဲ့ရ တဲ့ပါတီတချို့က လက်ရှိအခြေအနေကို ပုံကြီးချဲ့ပြီး နိုင်ငံရေးမှာ စစ်တပ်ပါဝင်ပတ်သက်ဖို့ နှပ်ကြောင်းပေးနေတာပါပဲ။ တိုင်းပြည်အတွက် ဘယ်သူတွေ နောက်ကြောင်းပြန်လှည့်ဖို့ ကြိုးစားနေသလဲဆိုတာ ထင်ရှားစေပါတယ်။
● တိတ်ဆိတ်မနေသင့်
ရှမ်းမြောက်ဒေသ ၁၀၅ မိုင်က ပေါ်ထွက်လာတဲ့ သေနတ်သံတွေဟာ သီးခြားအကြောင်းတရားမဲ့ မဟုတ်ပါ ဘူး။ နှစ်ပေါင်း ၇၀ ကျော် မဖြေရှင်းနိုင်သေးတဲ့ ပြည်တွင်းစစ်ဇာတ်လမ်းရှည်ကြီးက မွေးထုတ်ပေးလိုက်တဲ့ အကျိုးဆက်သေနတ်သံတွေပဲ ဖြစ်ပါတယ်။ တကယ်တော့ ဒီသေနတ်သံတွေပေါ် NRPC က ကြေညာချက် တခုလောက်ထုတ်ပြန်ရုံနဲ့ရပ်တန့်မနေသင့်ပါဘူး။ NRPC က အလေးထားနေတဲ့အချိန်မှာ နိုင်ငံတော်အစိုးရနဲ့ ပြည်ထောင်စုလွှတ်တော်ကြီးကလည်း တိတ်ဆိတ်မနေ သင့်ဘဲ အရေးယူအလေးထားပြီး လိုအပ်သလို ဆောင်ရွက်ဖို့ တာဝန် ရှိပါတယ်။
ပြည်ထောင်စုလွှတ်တော်ကြီးထဲမှာ “တိုင်းပြည်နဲ့အဝန်း ပစ်ခတ်တိုက်ခိုက်မှုတွေ ချက်ချင်းရပ်စဲကြပါ ရန် နိုင်ငံတော်အစိုးရ၊ တပ်မတော်နဲ့ တိုင်းရင်းသားလက်နက်ကိုင်တပ်ဖွဲ့များ အားလုံးထံတိုက်တွန်းကြောင်း အရေးကြီးအဆို” တစ်ရပ်ကို ချက် ချင်းလက်ငင်းတင်ပြဖို့ လိုအပ်ပါတယ်။ နှောင့်နှေးကြန့်ကြာမနေဘဲ ဒီလိုတင်ပြဖို့ ပြည်သူကရွေးချယ်စေလွှတ်လိုက်တဲ့၊ တာဝန်သိတဲ့ ပြည်သူ့လွှတ်တော် ကိုယ်စားလှယ်တိုင်းမှာ တာဝန်ရှိတယ်လို့ အလေးအနက် ယူဆပါတယ်။ ဒါ့အပြင် နိုင်ငံ တော်၏ အတိုင်ပင်ခံပုဂ္ဂိုလ်အနေနဲ့ လည်း “နိုင်ငံတော်၏ အတိုင်ပင်ခံပုဂ္ဂိုလ်ဆိုင်ရာဥပဒေ” အရ လုပ်ဆောင်နိုင်တာတွေ ရှိပါတယ်။
“တာဝန်နဲ့လုပ်ပိုင်ခွင့်တွေ”တရားဝင်ပြဋ္ဌာန်းပေးထားပြီးသားဖြစ်ပါတယ်။ တတိုင်းတပြည်လုံးကို လွှမ်းခြုံနိုင် တဲ့ တာဝန်တွေ၊ လုပ်ပိုင်ခွင့်တွေ ရှိပါလျက်သားနဲ့ NRPC ဥက္ကဋ္ဌဆိုတာလောက်နဲ့ ကြေညာချက်ထုတ် တာဟာ သဘာဝမကျပါဘူး။ နိုင်ငံတော်၏အတိုင်ပင်ခံပုဂ္ဂိုလ်အနေနဲ့ နိုင်ငံတော်အစိုးရ၊ တပ်မတော်နဲ့ တိုင်းရင်းသားလက်နက် ကိုင်အဖွဲ့အစည်းများထံလိုအပ်တဲ့ အကြံဉာဏ်တွေ၊ တိုက်တွန်းချက်တွေပြုသင့်တာပါ။ ပြည်သူလူထံလည်း လိုအပ်သလိုပန်ကြားသင့်တာပါ။ နိုင်ငံတော် သမ္မတကြီးနဲ့တကွ အစိုးရအဖွဲ့ အနေနဲ့လည်း တပ်မတော်နဲ့ တိုင်းရင်းသားလက်နက်ကိုင် အဖွဲ့အစည်းများထံ လိုအပ်သလို တိုက်တွန်းတာ၊ မေတ္တာရပ်ခံတာတွေ လုပ်သင့်တယ်လို့ နိုင်ငံရေးအသိုင်းအဝိုင်းက သုံးသပ်ကြပါတယ်။
● အဓိက အမျိုးသားရေးတာဝန်
ငြိမ်းချမ်းရေးဆိုတာ အာဏာလက်ရှိတပ်မတော်နဲ့အစိုးရရဲ့အပိ်ုင်ပစ္စည်းလည်းမဟုတ်သလို အာဏာမဲ့ လက်နက် ကိုင်တော်လှန်ရေး အဖွဲ့တွေရဲ့အပိုင်ပစ္စည်းလည်း မဟုတ်ပါဘူး။ တပြည်လုံးအတိုင်းအတာကိုဆောင်တဲ့ ဧရာမပြည်သူလူထုကြီးတရပ်လုံးရဲ့အပိုင်ပစ္စည်းသာ ဖြစ်ပါတယ်။
ဒါကြောင့် တရက် တမနက်ခံမယ့် ငြိမ်းချမ်းရေးအတုအယောင်မျိုးမဟုတ်ဘဲ ထာဝစဉ်ရေရှည် တည်တံ့မယ့် တကယ့်ငြိမ်း ချမ်းရေးအတွက် တွေ့ဆုံဆွေးနွေး အဖြေရှာရေးနဲ့ဖြစ်စေ၊ ပြည်သူလူထုအများစုကြီးရဲ့ ဆန္ဒယူပြီး၊ အများစု ပြည်သူလူထုကြီး ၏ဆန္ဒအရ ငြိမ်းချမ်းရေးစစ်စစ်ကို မနေမနား၊ မရမနေ ကြိုးစား အားထုတ်ပြီး အရယူရမှာ ဖြစ်ပါတယ်။
ငြိမ်းချမ်းရေးဆိုတာ မိုးပေါ်ကကျလာမှာ မဟုတ်ပါဘူး။ ငြိမ်းချမ်းရေးဟာ လူစွမ်းကောင်းတွေဆီမှာလည်း မရှိပါဘူး။ ငြိမ်းချမ်း ရေးဟာ ပြည်သူလူထုကြီးထံမှာသာ ရှိနေတာပါ။ ငြိမ်းချမ်းရေးအတွက် တန်းတူ ရည်တူရှိတဲ့၊ တရားမျှတပြီး ဖိအားပေးခြိမ်း ခြောက်မှုကင်းတဲ့ တွေ့ဆုံဆွေးနွေးအဖြေရှာခြင်း နည်းလမ်းနဲ့သာ ထာဝရငြိမ်းချမ်းရေး ရရှိမှာဖြစ်ပါတယ်။
ဒါကြောင့် ငြိမ်းချမ်းရေးသည်သာ ဒီနေ့နိုင်ငံရေးရဲ့အဓိကအမျိုးသားရေးတာဝန်ဖြစ်ကြောင်း တင်ပြလိုက်ရပါတယ်။
ထွန်းဝင်းငြိမ်း
၂၉-၁၁-၂၀၁၆
(မြန်မာသံတော်ဆင့်ဂျာနယ် ၉-၁၂-၂၀၁၆ နေ့ထုတ်မှ...)
သရုပ်ဖော်ပန်းချီ သန်းဌေးမောင်