ထက်ခေါင်လင်း (Myanmar Now) ● မိုးခေါင်ရေရှားဒေသမှာ စပါးမျိုးကောင်းမျိုးသန့်ရဖို့ ခက်ခဲ
(မိုးမခ) ဇန်နဝါရီ ၂၆၊ ၂၀၁၇
(မိုးမခ) ဇန်နဝါရီ ၂၆၊ ၂၀၁၇
မိုးနည်းရပ်ဝန်းမှာ ဒေသနဲ့သဟဇာတဖြစ်၊ ရာသီဥတုဒဏ်ခံနိုင်တဲ့ မျိုးကောင်းမျိုးသန့်စိုက်ပျိုးနိုင်ဖို့ လိုအပ်ချက် အများအပြား ရှိနေဆဲပါ
ရမည်းသင်း (Myanmar Now) - နိုင်ငံအလယ်ပိုင်း မိုးနည်းရပ်ဝန်းဒေသ တောင်သူတွေမှာ မျိုးကောင်းမျိုးသန့် စိုက်နိုင်ရေး အတွက် လိုအပ်ချက် အများအပြားရှိနေတယ်လို့ မကြာသေးခင်က Myanmar Now နဲ့ တွေ့ဆုံခဲ့တဲ့ သက်ဆိုင်ရာ နယ်ပယ် အလိုက် ကျွမ်းကျင်သူတွေက မှတ်ချက်ပြုကြပါတယ်။
ရမည်းသင်းမြို့နယ်၊ ဗျဉ်းကပ်ကျေးရွာအနီး ထွန်ယက်နေသော တောင်သူတစ်ဦး
ဒေသတွင်း တောင်သူတွေဟာ မျိုးကောင်းမျိုးသန့်စိုက်ပျိုးရေးကိစ္စကို သိပ်အလေးမထားကြသေးဘဲ စိုက်ချိန်ရောက်မှ ကြုံရာမျိုးစပါးတွေ အသုံးပြုကြတယ် လို့ မန္တလေးတိုင်း ဒေသကြီး လွှတ်တော်ရဲ့ စိုက်ပျိုးရေးနှင့် မွေးမြူရေးကော်မတီ အတွင်းရေးမှူး ဒေါက်တာကျော်နိုင်ဦးက ဆိုပါတယ်။
“အစိုးရအနေနဲ့ လုပ်သင့်တာက ပညာပေးတာတွေပေါ့။ မြို့နယ်တစ်ခုမှာ မျိုးအတွက် ဒီလိုစိုက်ရတယ်၊ ဒီလိုစိုက်လို့ ထွက် လာတာကို ပြန်စိုက်ရင် ဒီလိုအထွက်တိုးတယ်ဆိုတာကို တောင်သူတွေ လက်တွေ့မြင်အောင် လုပ်ပေးသင့်တယ်” လို့ စဥ့် ကူးမြို့နယ်၊ တိုင်းဒေသကြီး လွှတ်တော်ကိုယ်စားလှယ်လည်းဖြစ်တဲ့ ဒေါက်တာကျော်နိုင်ဦးက မှတ်ချက်ပေးပါတယ်။
“သီးနှံပေါ်ချိန်မှာ ငွေလိုအပ်ချက်ကြောင့် မျိုးအတွက်သီးသန့်မစိုက်နိုင်ကြသလို မျိုးသိမ်းဖို့လည်း မလုပ်နိုင်တာလည်း ပါတာ ပေါ့”
● ဌာနဆိုင်ရာနဲ့ တောင်သူတွေကြား ဆက်ဆံရေး
မန္တလေးတိုင်းဒေသကြီးလွှတ်တော် ကိုယ်စားလှယ်တစ်ယောက်ဖြစ်တဲ့ ဦးမြင့်ဆွေက အစိုးရအဆက်ဆက် စိုက်ပျိုးရေးဌာန က တောင်သူတွေကို ထိထိရောက်ရောက် မကူညီတာမျိုးလို တောင်သူနဲ့ ဌာနဆိုင်ရာတို့ကြားမှာ ပူးပေါင်းဆောင်ရွက်မှုအားနည်းခဲ့တယ်လို့ သုံးသပ်ပါတယ်။
ဌာနကဖြန့်ချိတဲ့ မျိုးစပါးတွေဟာ ဒေသ ဈေးကွက်နဲ့မကိုက်ဘူး၊ တောင်သူတွေအတွက် အသုံးမဝင်ခဲ့ဘူးလို့ အမရပူရမြို့နယ် ကိုယ်စားပြု အမတ် ဦးမြင့်ဆွေက ဆက်ပြောပါတယ်။
မန္တလေးဒေသ ဓာတ်မြေသြဇာကုမ္ပဏီတခုရဲ့ ဖြန့်ချိရေးတာဝန်ခံ ကိုတင့်ဝေထွန်းကလည်း အလားတူ မှတ်ချက်ပေးပါတယ်။
“မျိုးမသန့်တာကိုစိုက်ရင် အထွက်မကောင်းဘူး။ မြန်မာနိုင်ငံအလယ်ပိုင်းမှာ မျိုးအတွက်သီးသန့်စိုက်ပျိုးကြတဲ့ တောင်သူတွေ ရှားပါတယ်။ အဲ့ဒီအတွက် ကျွန်တော်တို့လို ကုမ္ပဏီတွေနဲ့ချိတ်ဆက်ပြီး သွင်းအားစုတွေ ဖြန့်ဖြူးပေးတဲ့သူတွေကို မျိုးပါဖြန့်ပေး ဖို့ အမြဲတောင်းဆိုတတ်ကြတယ်” လို့ ကိုတင့်ဝေထွန်းက ပြောပါတယ်။
ရမည်းသင်းမြို့နယ် စိုက်ပျိုးရေးဌာန ဦးစီးမှူး ဦးသက်နိုင်ဝင်းက တောင်သူတွေနဲ့ လက်တွဲကာ မျိုးကောင်းမျိုးသန့် ရရှိရေး ဆောင်ရွက်ပေးနေတယ်လို့ ပြောပါတယ်။
ရမည်းသင်းမြို့နယ်၊ ရွှေမြင်တင်ေ
တောင်သူ အများအပြား မျိုးကောင်းမျိုးသန့်ကို အဓိက အလေးထားစိုက်ပျိုးလာပေမယ့် တောင်သူတိုင်း လက်လှမ်းမီနိုင် ဖို့အထိ ပညာပေးလုပ်ငန်းတွေ လုပ်ကိုင်ရာမှာတော့ ဝန်ထမ်းအင်အားမလုံလောက်မှုက အဓိက အခက်အခဲလို့ သူက ဆက် ပြောပါတယ်။
“ကျွန်တော်တို့မှာ ကွင်းဆင်းဝန်ထမ်း ၁၆ ယောက်ရှိတယ်။ ကျေးရွာအုပ်စုက ၆၄ အုပ်စုရှိတယ်။ ဝန်ထမ်းတစ်ဦးဟာ ကျေး ရွာအုပ်စု ၆ အုပ်စုလောက်ကို ကိုင်တွယ်နေရတယ်” လို့ ဦးစီးမှူး ဦးသက်နိုင်ဝင်းက ဆိုပါတယ်။
ဝန်ထမ်းတစ်ယောက်ကို ရွာပေါင်း ၃ဝ နီးပါး တာဝန်ယူနေရတဲ့သဘောပါ။
“အဲ့ဒီတော့ ရွာတစ်ရွာချင်းစီကို ကိုင်တွယ်နိုင်ဖို့ ဝန်ထမ်းတွေ အများကြီး လိုတယ်။ အဲ့ဒီဝန်ထမ်းတွေ သွားလာနိုင်ဖို့ အ ထောက်အပံ့တွေ အကုန်လုံးလုပ်ဖို့ လိုဦးမှာပါ” လို့ ဦးစီးမှူးက ရှင်းပြပါတယ်။
မန္တလေးခရိုင်အတွင်းမှာဆိုရင် ဌာနဆိုင်ရာတွေက တောင်သူတွေနဲ့ပူးပေါင်းကာ မျိုးစပါးသီးသန့်စိုက်ပျိုးတဲ့ စီမံကိန်း ဧက ၉ဝဝ အထိရှိပြီး စိုက်ရာသီတခုမှာ မျိုးစပါးတင်းပေါင်း ၉ သောင်းကျော်ထွက်ရှိကြောင်း ခရိုင် စိုက်ပျိုးရေးဌာနဦးစီးမှူး ဦး ကျော်မြင့်ဇော်က ပြောပါတယ်။
မိမိတို့ဒေသက တောင်သူတွေ စိုက်ပျိုးနိုင်တဲ့အနေအထားထက် ပိုလျှံလို့ မကွေး၊ စစ်ကိုင်း တိုင်းဒေသကြီးတွေဘက်အထိ ဖြန့်ချိပေးနိုင်ကြောင်း ခရိုင်ဦးစီးမှူးက ဆိုပါတယ်။
● ဌာနဆိုင်ရာက တောင်သူဆီသွားရမယ်
တချို့တောင်သူတွေဟာ မျိုးစပါးအတွက် သက်ဆိုင်ရာစိုက်ပျိုးရေးဌာနနဲ့ ကြိုတင်ချိတ်ဆက် ဆောင်ရွက်တာတွေ မပြုလုပ် ဘဲနဲ့ စိုက်ခါနီးမှ အသည်းအသန်လိုက်ရှာကြတယ်၊ ရရာမျိုးစပါးကိုပဲ သုံးကြတဲ့ အလေ့အထတွေလည်း ရှိနေတယ်လို့ စဥ့်ကူး မြို့နယ်၊ လက်ပံလှကျေးရွာက စိုက်ပျိုးရေးဘွဲ့ရ တောင်သူ ကိုထွန်းလွင်က ဆိုပါတယ်။
ရမည်းသင်းမြို့နယ်၊ သမန်းကွင်းအတွင်းရှိ ရိတ်သိမ်းပြီးသား စပါးများကို ချွေလှေ့ရန်ပြင်ဆင်နေကြသော တောင်သူများ
“စောစောလာယူထားရင် အဆင်ပြေတယ်လို့ စိုက်ပျိုးရေးဌာနက ပြောပေမယ့် သူတို့က (တောင်သူတွေက) အဲ့ဒီလို မလုပ် တတ်ကြဘူးဗျ။ စိုက်ပျိုးရေးဌာနမှာ မရတော့မှ အပြင်မှာလိုက်ဝယ်တော့ ဈေးကြီးပေးဝယ်ရတာပေါ့” လို့ သူက ဆက်ပြောပါ တယ်။
အဲ့ဒီလိုဖြစ်ရတာကလည်း ဒီဒေသမှာ ပြောင်းလဲခဲ့တဲ့ ရာသီ ဥတုရဲ့ အကျိုးသက်ရောက်မှုတွေကြောင့်လည်း ဖြစ်တယ်လို့ ရမည်းသင်းမြို့နယ်၊ စိုက်ပျိုးရေးဦးစီးမှူး ဦးသက်နိုင်ဝင်းက သုံးသပ်ပါတယ်။
မိုးရေချိန် လက်မ ၃ဝ ဝန်းကျင် ရွာသွန်းတတ်တဲ့ ဒီဒေသမှာ ရာသီဥတုက ပုံမှန် မဟုတ်တော့ပါဘူး။ ၂ဝ၁၅ မှာ မိုး အလွန် နည်းတယ်၊ ၂ဝ၁၆ မှာတော့ မိုးရေချိန် ၆၇ လက်မခန့်အထိ ရွာသွန်းခဲ့တယ်လို့ စိုက်ပျိုးရေးဦးစီးမှူးက ဆိုပါတယ်။
တချို့တောင်သူတွေက စပါးမျိုးကျဲပြီးမှ မိုးမရွာရင် ဆုံးရှုံးနစ်နာတတ်တယ်၊ မျိုးကောင်းမျိုးသန့် သုံးထားပြီးမှ ဆုံးရှုံးရရင် ပိုနစ်နာမယ်ဆိုပြီး ယူဆကြတယ်လို့ ဦးစီးမှူးက ပြောပြပါတယ်။
ဒီဒေသမှာ နည်းပညာအကူအညီပေးနေတဲ့ အဖွဲ့တစ်ခုက Association of Volunteers in International Service (AVIS) ဖြစ်ပါတယ်။
“အပူပိုင်းဒေသမှာက ရာသီဥတုပြောင်းလဲမှုဒဏ်ကြောင့် တောင်သူတွေရဲ့အကျိုးစီးပွားကို ထိခိုက်နေတာလည်း ကိစ္စရပ် တစ်ခုပဲ။ စိုက်ရမယ့်အချိန် မိုးမရလို့ သီးနှံပျက်တာ၊ မိုးမလိုတဲ့အချိန် မိုးရွာတာကြောင့် သီးနှံပျက်တာလည်း ရှိတယ်” လို့ AVIS အဖွဲ့ရဲ့ ရမည်းသင်းမြို့နယ်၊ စီမံကိန်းမန်နေဂျာ ကိုအောင်စိုးဝင်းက ဆိုပါတယ်။
မည်းသင်းမြို့နယ်၊ သမန်းကွင်းအတွင်းရှိ နွေစပါးစို
သူတို့အဖွဲ့ဟာ ဒီမြို့နယ်အတွင်း ကျေးလက်ဒေသ ၄ ခုမှာ ဒေသနဲ့ ကိုက်ညီတဲ့ မျိုးစပါးတွေကို စမ်းသပ် စိုက်ပျိုးနေတာ ၃ နှစ်ရှိပါပြီ၊ စပါး ၁၃ မျိုးကို စမ်းသပ် စိုက်ပျိုးပြီး ဒေသခံ တောင်သူတွေကိုပဲ ပြန်အကဲဖြတ်စေတယ်၊ မျိုးစပါးနဲ့ လိုအပ်တဲ့ စက်ပစ္စည်းတွေ၊ နည်းစနစ်တွေကို ကူညီထောက်ပံ့ပေး နေတယ်လို့ သိရပါတယ်။
သူတို့ အဖွဲ့နဲ့ လက်တွဲဆောင်ရွက်နေတဲ့ ရမည်းသင်းမြို့နယ်၊ ဗျဉ်းကပ်ကျေးရွာက ဦးကျော်ဝင်းကတော့ စိုက်ပျိုးရေးနည်း စနစ်တွေ စနစ်တကျ ရနေတယ်၊ လက်တွေ့လည်း သုံးတယ်လို့ ပြောပါတယ်။
“တစ်ဧကကို တင်း ၁ဝဝ နီးပါးအထိ အထွက်တိုးတယ်။ ဒါကိုလက်တွေ့မြင်ရတော့ တခြားတောင်သူတွေလည်း လိုက်လုပ် လာကြပြီ။ ကိုယ့်တောင်သူအချင်းချင်း ဘယ်လိုစိုက်လဲ၊ ဘာတွေသုံးလဲဆိုတာ ပြန်မေးလာကြတယ်” လို့ တောင်သူ ဦးကျော်ဝင်းက ဆိုပါတယ်။
ဦးကျော်ဝင်းတို့ကို ကူညီတဲ့အဖွဲ့ဟာ ကုလသမဂ္ဂရဲ့ အသက်မွေးဝမ်းကျောင်းမှုနှင့် စားနပ်ရိက္ခာဖူလုံရေး ရန်ပုံငွေ (LIFT) အစီအစဉ်ရဲ့ မိတ်ဖက်အဖွဲ့အစည်း IRRI Research နဲ့ လက်တွဲဆောင်ရွက်နေတာပါ။
IRRI Research အဖွဲ့ဟာ မိုးခေါင်မှုနဲ့ ဆားငန်ဒဏ်ခံနိုင်တဲ့ မျိုးစပါးတွေကို စမ်းသပ်စိုက်ပျိုးခြင်း လုပ်ငန်းကို လုပ်ကိုင်နေပါ တယ်။ အစိုးရဌာနတွေက မျိုးသစ်တွေကို ထုတ်လုပ်နိုင်ပေမယ့် မျိုးစစ်မျိုးမှန်တို့ကို လုံလောက်အောင် မျိုးပွား မထုတ်လုပ်နိုင် သေးပါဘူး။ ဒါကြောင့် ပုဂ္ဂလိက ကဏ္ဍကနေ မျိုးစေ့ထုတ်လုပ်တာ၊ ဈေးကွက်တင်တာတွေ ဖြစ်လာရေးအတွက် LIFT က ကြိုးပမ်းနေကြောင်း သိရပါတယ်။
ရမည်းသင်းမြို့နယ်၊ သမန်းကွင်းအတွင်းရှိ နွေစပါးစို
စိုက်ပျိုးရေး ဦးစီးမှူး ဦးသက်နိုင်ဝင်းက သူတို့ဝန်ထမ်းတွေအနေနဲ့ တောင်သူတွေ လက်လှမ်းမီအောင် နည်းအမျိုးမျိုးနဲ့ ပညာပေးသွားဖို့လိုတယ်လို့ သုံးသပ်ပါတယ်။
“တောင်သူက မလာရင် သူ့ရဲ့အိမ်အထိ သွားသင့်ရင်သွားရမှာပေါ့။ ကျွန်တော်တို့ပြောတဲ့နည်းပညာတွေကို တစ်ထိုင်တည်း သူတို့နားမလည်ဘူးဆိုရင် သူတို့ဆီ အကြိမ်ကြိမ်သွားရမယ်။ လက်ဖက်ရည်ဆိုင်မှာ တွေ့ရင်လည်း အဲ့ဒီမှာ ဆွေးနွေးမှာပဲ။ ကျွန်တော်တို့က ပညာကလွဲလို့ ပေးစရာမရှိဘူး။ ကျွန်တော်တို့ ဝန်ထမ်းတွေ သူတို့ဆီသွားနိုင်ဖို့ပဲ အဓိကကျတယ်” လို့ ဦးသက်နိုင်ဝင်းက ပြောလိုက်ပါတယ်။