ခင်လွန်း ● ဗိုလ်ချုပ်လည်း မသေ၊ စောဘဦးကြီးလည်း မသေ၊ ဖဒိုမန်းရှာလည်း မသေ
(မိုးမခ) ဖေဖော်ဝါရီ ၁၄၊ ၂ဝ၁၇
(မိုးမခ) ဖေဖော်ဝါရီ ၁၄၊ ၂ဝ၁၇
ရှေးပဝေသဏီမှသည် ခေတ်အဆက်ဆက်လူသားတွေဟာ မိမိတို့အသက်ခန္ဓာ ထာဝရ ရှင်သန်နေရေးအတွက် သေခြင်းကိုလွန်ဆန်နိုင်မယ့်နည်းနာတခုခု အသည်းအသန်ရှာခဲ့ကြတာကို စာရေးသူငယ်စဉ်ကပင် သတိပြုမိပါတယ်။ ကလေးဘဝဖတ်ရတဲ့ပုံပြင်ဇာတ်လမ်းတွေမှာ လူတွေဟာ မသေဆေးရဖို့၊ ပြီးတော့ လူလူချင်း လုပ်ကြံသတ်ဖြတ်တာ မခံရဖို့၊ စစ်ပွဲတွေမှာ လက်နက်ဘေးနဲ့ မကျဆုံးဖို့၊ ဓားပြီးတုတ်ပြီး ကျည်မတိုး သေနတ်မပေါက်တဲ့ အဆောင်လက်ဖွဲ့တွေ မသေဆေးရှာပုံတော် ဖွင့်တဲ့ဇာတ်လမ်းတွေ စသည်ဖြင့် အတော်များများကို တွေ့ခဲ့ရတာပါ။ နောက်ဆုံးတော့လည်း လူဆိုတာ သေမျိုးပဲဆို တဲ့တရားကိုသာ လူသားတိုင်း လက်ခံသွားရတယ်မဟုတ်လား။
ဒါပေမယ့် ဒီနေရာမှာ ပြီးဆေးမသုံး လက်ဖွဲ့မဆောင် မသေဆေး မတွေ့ခဲ့ပါဘဲ ဘယ်သော အခါမှ သေဆုံးသွားခြင်းမရှိတဲ့ပုဂ္ဂိုလ်တွေလည်း လူ့ဘဝ လူ့ဘုံခန်းဝါကြီးမှာရှိနေတာ သတိထားမိ ပြန်ပါတယ်။ အဲဒီ့သူတွေကတော့ ဘဝသက်ဆုံးတိုင်ထိ မိမိယုံကြည်ရာပေါ်မှာ ထာဝရမြဲမြဲခိုင်ခိုင် မားမားမတ်မတ်ရပ်ပြီး အများအတွက်ကိုယ်ကျိုးစွန့် အနစ်နာခံသွားကြတဲ့ အာဇာ နည်သူရဲကောင်းတွေပါပဲ။ ဒီအသိ ဒီခံစားမှုနဲ့ပြောရမယ်ဆိုရင် လွတ်လပ်ရေးဖခင်ကြီး ဗိုလ်ချုပ်အောင်ဆန်းမှသည် ၈၈ အရေးတော်ပုံမှာ အသက်စွန့်လှူသွားတဲ့ မဝင်းမော်ဦးလေးအထိ မသေ၊ ကရင်အမျိုးသားတရပ်လုံး စစ်ကျွန်ဘဝက လွတ် မြောက်ရေးအတွက် ခေါင်းဆောင်ခဲ့ကြတဲ့ စောဘဦးကြီးမှသည်… ဖဒိုမန်းရှာအထိသည်လည်း မသေ။ သူတို့ဘယ်သော အခါမှ မသေခဲ့။
အာဇာနည်ဆိုတာ ကမ္ဘာတည်သ၍ မြန်မာတည်သ၍ ဘယ်သောအခါမှ သေဆုံးသွားခြင်း မရှိခဲ့တဲ့ မသေဆေးတွေ့ခဲ့သူများ ပါတကား။
(၁)
၉ဝ ခုနှစ်များရဲ့နှောင်းပိုင်းကာလ ထိုင်း-မြန်မာနယ်စပ်တနေရာမှာ ဆရာမန်းရှာကို ကျနော်ပထမဆုံးစတင် ဆုံဖူးမြင်ဖူးခဲ့ တာပါ။ မြန်မာ့ဒီမိုကရေစီရေးအတွက်ကြိုးပမ်းတိုက်ပွဲဝင်နေတဲ့ လွတ်မြောက်နယ်မြေဒေသက အင်အားစုတွေနဲ့တွေ့ဖို့ ကျနော်တို့ပြင်ဆင်လာခဲ့ကြရာက တွေ့ရတာဖြစ်ပါတယ်။ ဘဝမှာ တချို့သောကိစ္စတွေဟာ ဘယ်သောအခါမှ ထုတ်ဖော်ပြော ဆိုမှုမပြုခြင်းဖြင့် ပိုမိုကောင်းမွန်မယ်လို့ခံယူထားသူအဖြစ်နဲ့ ကျနော်ပြောနိုင်သမျှကတော့ ကျနော်တုိ့ရဲ့အဓိကရည်ရွယ် ချက်တွေက အဲဒီ့ကာလက မြန်မာပြည်အတွင်းထဲမှာဖြစ်နေရတဲ့အခြေအနေအရပ်ရပ်ကို ကမ္ဘာကသိအောင် ဖောက်ခွဲဖော် ထုတ်ချပြဖို့။ စစ်အုပ်စုက သာမန်ပြည်သူတဦးမဆိုထားနဲ့ ၉ဝ ပြည့် ရွေးကောက်ပွဲအပြတ်အသတ်အနိုင်ရ ဒီ/ချုပ်ကိုတောင် အစစအရာရာ တားဆီးပိတ်ပင် ကန့်သတ်ထားချိန်၊ လွတ်လပ်စွာထုတ်ဖော်ပြောဆိုရေးသား ဖြန့်ဝေခွင့်မှန်သမျှ နတ္ထိ။ ကမ္ဘာအရပ်ရပ်က ဖြစ်ထွန်းတိုးတက်မှုမှန်သမျှ ပြည်သူတွေမသိရအောင် သတင်းအမှောင်ချ။ မြန်မာနဲ့ကမ္ဘာကို အဆက်ဖြတ်၊ အထီးကျန်တံခါးပိတ်၊ ခြင်းထဲကကြက်တွေလို ပြည်သူတွေပေါ်သဘောထားဆက်ဆံ။ ဖြစ်လိုရာ ဖြစ်၊ သေလိုက သေ။ အနုပညာမှန်သမျှအားလုံး ချုပ်ကိုင်၊ ပြီးတော့ ဒီမိုကရေစီရေး ကြိုးပမ်းနေသူတို့နဲ့ သူတို့ရဲ့မိသားစုသားစဉ်မျိုးဆက်တခုလုံးကို ဖမ်းဆီးအကျဉ်းချ၊ ဖြိုခွင်းချိုးနှိမ်။ တနိုင်ငံလုံး လူ့အခွင့်အရေးအလုံးစုံ ချိုးဖောက်ခံနေရ ..စတဲ့ သံလှောင်ချိုင့် အမှောင် ကမ္ဘာထဲက မြန်မာ့ဖြစ်ရပ် အလုံးစုံကို ရနိုင်သမျှဖော်ထုတ်ရင်း ကမ္ဘာ့ပြည်သူတွေသိဖို့ ကြိုးစားကြတာ။ ပြီးတော့ မြန်မာ့အရေး ကို ကမ္ဘာ့ပြည်သူတွေဝိုင်းပြီး တွေးတောကူညီပေးကြစေဖို့ရာ ဒါဟာ ကျနော်တို့လာရာလမ်းပေါ့။
အဲ့ဒီမှာ ဆရာမန်းရှာကို အခြားသောကရင့်တော်လှန်ရေးခေါင်းဆောင်ကြီးများနဲ့အတူ ဆုံဖူးခဲ့တာပါ။ ကျနော်တို့ရဲ့တွေ့ဆုံ ပွဲဟာ နာရီများစွာကြာလှတာမဟုတ်ပေမယ့် အကျိုးရှိလှပါတယ်။ ကျနော့်တို့ပြည်တွင်းမှာပြောပြောနေကြတဲ့ ကရင်သူပုန် တွေဆိုတာကို သက်ရှိထင်ရှားတွေ့ရတာလို့လည်း ဆိုနိုင်တာပေါ့။ အဲဒီ့အထဲမှာ ဗမာစကားကို ကျနော်တို့နားလည်နိုင်အောင် အပြောပြနိုင်ဆုံးက ဆရာမန်းရှာပါပဲ။ ဆရာ့အသံက ပကတိရှင်းလင်းကြည်လင်ပြီး တိတိပပပြတ်ပြတ်သားသားရှိလှပါ တယ်။ ထက်မြက်တဲ့မျက်လုံးအကြည့်ရှိသော်ငြား တဖက်သားအနေခက်စေမတဲ့ စူးစူးစားစား မျိုးမဟုတ်ဘူးပေါ့။ အထူး သဖြင့် ကျနော်တုိ့လို ပြည်တွင်းကနေ အရဲကိုးလာခဲ့ရသူတွေအတွက် အရာရာဟာ အကဲဆတ်လွန်းလှတယ်မဟုတ်လား။ အဲဒီ့အချိန်က လွတ်မြောက်နယ်မြေမှာ အခရာအကျဆုံးဖြစ်တဲ့ ကရင်အမျိုးသားအချင်းချင်းကြား အကွဲအပြဲပဋိပက္ခ မီးတောက်ဟာလည်း အရှိန် ကောင်းနေဆဲဆိုတော့ ရှုပ်ထွေးလှတဲ့နောက်ခံကားချပ်က ရှိနေတာကိုး။ ဒါပေမယ့် ဆရာမန်းရှာ ပြောလိုက်တဲ့စကားက ကျနော်တုိ့အပေါ် သာမန်ထက်နားလည်ထားတဲ့ပုံပေါ်နေတော့ ကျနော်တို့ ကို သက်သောင့်သက်သာ ရှိစေပါတယ်။ “ခင်ဗျားတုိ့က ကဗျာဆရာတွေကိုး” တဲ့။ ပြီးတော့ ဆရာက “အေးဗျာ ကဗျာဆရာလည်း ပြည်သူပဲဗျ၊ စစ်အာ ဏာရှင်ပြုတ်ကျဖို့က အားလုံး သူ့နေရာနဲ့သူ တာဝန်ရှိတယ်” လို့ ပြောပါတယ်။
ဆရာမန်းရှာအဲ့ဒီလိုပြောခဲ့တုန်းက သူဟာ ကရင့်တော်လှန်ရေးရဲ့အရေးပါတဲ့ထိပ်ပိုင်းခေါင်း ဆောင်တဦးအဖြစ်သာမက တိုက်ပွဲဝင်ကဗျာဆရာတဦးဖြစ်တယ်ဆိုတာကိုကျနော်မသိသေးပါဘူး။
နောင်တော့ ဆရာမန်းရှာရဲ့ “ချစ်သမီးသို့” ဆိုတဲ့ကဗျာမှာရေးဖွဲ့ခဲ့သလို “မုန်တိုင်းက ထန်၊ လှိုင်းက ထန်လည်း၊ ရေဆန် လေကြမ်း၊ ခရီးလမ်းကို ဖြတ်သန်းနေသူတွေလည်း ရှိပါသည်” …ဆို သလိုမျိုး တော်လှန်ရေးတာဝန်ကို ကျရာနေရာက ထမ်းရွက်နေသူများအပေါ် ဆရာတန်ဖိုးထားသူအဖြစ် ကျနော်နားလည်ခဲ့ပါတယ်။ ဒါဟာ ကိုယ်တည်ရှိရာနေရာကနေ တာဝန်ယူမှုအရ ဆက်လက် ချီတက်နေဖို့ လမ်းညွှန်မှုလည်းဖြစ် ခွန်အားလည်း ဖြစ်တယ်မဟုတ်လား။
(၂)
တချိန်မှာတော့ ကျနော်ဟာ ပြည်တွင်းမှာဆက်လက်ရပ်တည်ဖုိ့မဖြစ်နိုင်တော့တဲ့အတွက် ထိုင်း-မြန်မာနယ်စပ် လွတ်မြောက်နယ်မြေရှိရာကို ထွက်လာခဲ့ပါတယ်။
လွတ်မြောက်နယ်မြေကိုရောက်တော့ ကျနော်တို့ ကနဦးထဲကစုဖွဲ့ထားခဲ့တဲ့ မိုးကြိုးသတင်းစာမှာ ဝင်ရပ်ပါတယ်။ “မင်းဆိုးကို မိုးကြိုးပစ်မည်” ဆိုတဲ့ ကြွေးကြော်သံနဲ့ သူပုန်သတင်းစာပေါ့။ ကျနော်မရောက်ခင်က အဖွဲ့ကြီးတခုရဲ့အထောက်အပံ့နဲ့ထုတ်ဝေနေရာက နောက်ပိုင်း ထောက်ပံ့မှုလုံးဝရပ်ပစ်ခဲ့တဲ့အတွက် အားပေးသူတချို့ရဲ့ပံ့ပိုးမှုအနည်းငယ်မျှနဲ့ ဆက်ရပ်နေရချိန် ပါ။ မိုးကြိုးသတင်းစာက ပြည်တွင်းနိုင်ငံရေးနဲ့ ပြည်ပနိုင်ငံရေးကို စည်းချက်ညီပေါင်းစပ်ပုံဖော်၊ ပြီးတော့ ပြည်တွင်းနဲ့ နယ်စပ် ဒေသတလျောက် တိုင်းရင်းသားဒေသတွေမှာ စစ်အုပ်စုရဲ့အထွေထွေလူ့အခွင့် အရေးချိုးဖောက်မှုတွေ၊ တိုင်းပြည်ရဲ့စီးပွားဓန ကို သူတို့မောင်ပိုင်စီးတာတွေကို ဖော်ထုတ်နေတာ ဆိုတော့ စစ်အုပ်စုကို နည်းပေါင်းစုံနဲ့ဆန့်ကျင်တော်လှန်ရမယ်ဆိုတဲ့အမြင်ရှိသူတိုင်း အားပေးကြပါ တယ်။ အဲဒီ့ထဲမှာ ဆရာမန်းရှာ ထိပ်ဆုံးက ပါပါတယ်။ အခါအားလျော်စွာ ဆရာနဲ့ဆုံကြတိုင်းလည်း အားပေးစကားပြောလေ့ရှိပါတယ်။ ကျနော်တုိ့က အခိုင်အမာနောက်ခံမရှိဘဲ သတင်းစာပုံမှန်ထုတ်နိုင်ဖို့ကိုပဲ အားခဲနေကြတာ မဟုတ်လား။ တကယ်က အဲဒီ့အချိန်မှာ ကျနော်တုိ့ဟာ အဖွဲ့ရဲ့နေရာထိုင်ခင်းနဲ့ အခြေခံရပ်တည်ရေးအတွက်တောင် အတန် တန်ရုန်းကန်နေကြရတာပါ။ လုံခြုံရေးက ပထမဆိုတဲ့အသိကို ခေါင်းထဲမထားအားတော့ပဲ ဈေးပေါလှတဲ့နေရာထိုင်ခင်းတွေဆီ ရွေးချယ်နေခဲ့ရတာမျိုးတွေလည်း ရှိလာပါတယ်။
တကြိမ်မှာတော့ ဒီမိုကရေစီဘက်တော်သားအင်အားစုတွေအားလုံးနဲ့ အလှမ်းအကမ်းဝေးလှတဲ့တနေရာမှာ စရိတ်သက်သာ လွန်းလို့ သွားနေကြရပါတယ်။ အဲဒီ့နေရာကို ကျင်လည်ဖူးခဲ့တဲ့ ကရင့်တော်လှန်ရေးရဲဘော်တချို့နဲ့ ကျောင်းသားတပ်မတော် ရဲဘော်တချို့က ဒီနေရာဟာ ရန်သူရဲ့လက်တကမ်းအကွာလေးတင်ဖြစ်လို့ အချိန်မရွေးအန္တရာယ်ကျရောက်နိုင်ကြောင်း အမြန်ဆုံးနေရာ သစ်တခုဆီ ရွေ့ပြောင်းသင့်ကြောင်း သတိပေးကြပါတယ်။ လူ့ဘောင်သစ်က တယောက်ကတော့ သူတို့ သိသွားရင် ဆယ်မိနစ်အတွင်းပေါက်ချလာပြီး သြဇာသီးလာကျွေးသွားနိုင်တယ်တဲ့။ တလုံးလောက်ဆိုရင်ပဲ ခင်ဗျားတို့ အတွက် လုံလောက်ပါပြီတဲ့။ ဒါပေမယ့် ကျနော်တို့မှာ တခြားရွေးချယ်ဖို့ကလည်း အချက်အလက်အားနည်းလွန်းတော့ ဒီလို ပဲ ပေပြီး ဆက်နေကြရတာပါပဲ။
ဒီလိုနဲ့တနေ့မှာတော့ ကားလမ်းတောင် ပီပီပြင်ပြင်မရှိတဲ့အဲဒီ့နေရာကို ဆရာမန်းရှာ အမှတ်မထင်ပေါက်ချလာပါတယ်။ ကား မောင်းသူနဲ့မှနှစ်ယောက်ထဲ။ ကြိုတင်ပြောထားရအောင်ကလည်း ကျနော်တို့မှာ အိမ်သုံးရုံးသုံး ဖုန်းမရှိကြ။ တာဝန်အကြီး ဆုံးယူထားရတဲ့ ကျနော့်မှာတောင် လိုရ မယ်ရ ပြင်ပနဲ့ဆက်သွယ်နိုင်ဖို့ လက်ကိုင်ဖုန်းလေးရယ်လို့မှ မရှိဘဲကိုး။
ရုံးလို့ပြောရမယ့် ကျနော်တို့နေရာကလည်း လုံလုံခြုံခြုံမရှိတာရယ် လူသူ ပြတ်တောင်းလှရုံမက အိမ်ခြေပါးလျားလွန်းလှတဲ့ ပတ်ဝန်းကျင်အခင်းအကျင်းရယ် ဆက်သွယ်ရေးအသုံးအဆောင် နတ္ထိဖြစ်နေတဲ့ ကျနော်တို့အခြေအနေရယ်ကို ဆရာ သိတော့ စိတ်ပူတဲ့အရိပ်အယောင်က မျက်နှာမှာ အထင်းသားနဲ့ပါ။
ဆရာစိုးရိမ်မယ်ဆိုလည်းစိုးရိမ်စရာပါ။ တနေ့ကတင် ကျနော်တို့နောက်ဖေးဘက်ကျကျမှာ လူသေအလောင်း ၂ လောင်း လာပစ်သွားသေးတာမဟုတ်လား။ ဒါက မကြာမကြာဖြစ်နေကြတဲ့။ ဆရာက ခပ်ဝေးဝေးမှာ ညှို့ညှို့လေးလှမ်းမြင်နေရတဲ့တနေရာကို လက်ညှိုးထိုးပြပြီး “သူတို့က (ခွဲထွက်ကရင် အဖွဲ့ကိုဆိုလိုဟန်ရှိ) အဲဒီမှာတင် ထိုင်ထားတာဗျ၊ ဝင်လာရင် ဆယ် မိနစ်လောက်ပဲ လာရမှာ။ ဒီနားမှာ ခင်ဗျားတို့မနေအပ်ဘူး” တဲ့။ ဆရာဟာ ဒီလိုနေရာကနေ သတင်းစာပုံမှန်ထွက် နိုင်ဖို့ကြိုးစားနေတဲ့ကျနော်တုိ့ကိုလည်း ရဲဘော်ရဲဘက်အရင်းအချာတွေလို စာနာမှုအပြည့်နဲ့နွေးထွေးစွာ အားပေးသွားခဲ့ပါသေး တယ်။
အဲဒီ့နောက် သိပ်မကြာခင်မှာတော့ ကျနော်တို့လည်း အဲဒီ့နေရာကို စွန့်ခွာခဲ့ကြပါတယ်။
(၃)
“ခေတ်ပြိုင်မှာပါတဲ့ ခင်ဗျားကဗျာကို မန်းရှာက ကြိုက်လို့တဲ့ဗျ။ အဲဒါ ခင်ဗျားကိုပြောခိုင်းလိုက်တယ်။ ကွန်ဂရက်ကျူလေး ရှင်းဗျား”
ဒီသတင်းကို ကျနော်ရှိရာနယ်စပ်ဒုက္ခသည်စခန်းထဲအထိ သယ်ဆောင်လာတာက မိုးကြိုးသတင်းစာအယ်ဒီတာချုပ် ဦးသန်း ထွဋ်ပါ။ သူက ကျနော့်အခြေအနေကိုလည်း ဆရာမန်းရှာက မေးမြန်းတဲ့အကြောင်းပါ ဆက်ပြောပါတယ်။
၂ဝဝ၆ ရဲ့နိဂုံးပိုင်းမှာ ကျနော့်ရွေးချယ်မှုက တတိယနိုင်ငံတခုကိုထွက်ခွာဖို့ပါ။ လုပ်ငန်းစဉ်အရ ဒုက္ခသည်စခန်းတခုကို မဖြစ် မနေ ကျနော်ဝင်ရပါတယ်။ စခန်းထဲမှာ ကျနော့်လိုပဲ ဘဝကိုရွေးချယ်လာခဲ့ကြသူတွေဖြစ်တဲ့ တော်လှန်ရေးအဖွဲ့စုံက လုပ် ဖော်ကိုင်ဖက် ရဲဘော်ညီအကိုတွေနဲ့ ဆုံရ ကြုံရ။ ဆရာမန်းရှာကြိုက်တယ်ဆိုတာက အဲဒီမှာဆုံကြရတဲ့သူတွေနဲ့ ဆောင်းရက် ရှည်များကာလ ခံစားမှုကို ကျနော်ရေးဖွဲ့တာပါ။ ပွင့်ပွင့်လင်းလင်းပြောရရင် တတိယနိုင်ငံကိုထွက်ဖို့ ရွေးလာခဲ့သူ တွေဟာ တချိန်က ဒီမိုကရေစီအရေးတော်ပုံအတွက် ဘယ်လိုပင် ပါဝင်ခဲ့ဖြတ်သန်းခဲ့သည်ဖြစ်စေ၊ အဲဒီ့အချိန်မှာတော့ တော်လှန်ရေးကိုကျောခိုင်းသွားသူများအဖြစ် ဈေးပေါင်ချိုးတာခံထားရသလို ခံစားနေရချိန်လည်း ဖြစ်နေလို့ပါ။ ကျနော်ကိုယ်တိုင်လည်း အဲဒီ့ခံစားမှုရှိနေတာပါ။ မှတ်မှတ်ရရ ဆောင်းနံနက်ခင်းတခုမှာတော့ တောကြီးခေါင်ခေါင်ထဲက ဒုက္ခသည်စခန်းတခုရဲ့ အေး လွန်းလှတဲ့ ဆောင်းကို ကျနော်တုိ့ဘဝတူတွေ ဘေထုတ်ထည်ကိုယ်စီဝတ် ထင်းမီးဖိုလေးဖိုရင်း အချမ်းဒဏ်ကို အံတု ခုခံနေကြပါတယ်။ ထုံးဓာတ်များလှတဲ့ရေနွေးကို လက်ဖက်ခြောက်ခါးခါးလေး နှပ်လို့ပေါ့။ အစီခံမှာ ထိုင်းစာတံ ဆိပ်ကပ်ထား တဲ့ ဆေးလိပ်ကိုယ်စီ ဖွာလို့ပေါ့။ အဲဒီ့အချိန်မှာပဲ ဆေးလိပ်ဖွာ နေသူတယောက်က ပတ်ထားတဲ့ထိုင်းတံဆိပ်အစီခံလေးကို ခွာလိုက်ပါတယ်။ အောက်မှာထပ်ပေါ်လာတာက ရွှေရောင်စက္ကူပတ်လေးပေါ် ဗမာစာတန်းထိုးလျက်နဲ့…“သုခိတာ” တဲ့။
ထင်းမီးပုံအခိုးအငွေ့တွေကြား မပီဝါးဝါးဖြစ်နေတဲ့ ဘဝတူတွေရဲ့မျက်နှာတွေ။ အပေါ်က ဖုံးအုပ်ခံထားရတဲ့ သုခိတာဆိုတဲ့ရွှေရောင်အစီခံပတ်ကလေး။ ဒုက္ခသည်များအဖို့ သုခိချမ်းသာခြင်းတဲ့လား။ ဒီမြင်ကွင်းလေးကို ကဗျာရေးဖြစ်တော့ ဆရာ မန်းရှာက ခံစားရတယ်ထင်ပါရဲ့။ ဒုက္ခသည် စခန်းတွေမှာ ကရင်လူထုသိန်းနဲ့ချီပြီး မှီခိုနေကြရတာကလား။ ဆရာမန်းရှာ နှစ်သက်တယ်ဆိုတော့ ကျနော်ပီတိ ဖြစ်မိတယ်။ တော်လှန်ရေးခေါင်းဆောင်လည်းဖြစ် ကလောင်အမည် “ရေဆန်” လို့ အမည်ရတဲ့ကဗျာဆရာတယောက်လည်းဖြစ်သူက နှစ်သက်တာလေ။ ကျနော် ဂုဏ်ယူရမှာပေါ့။ စိတ်ထဲမှာလည်း အခါအခွင့် ရရင် ဆရာ့ကိုဂါရဝသွားပြုရမယ်ဆိုပြီး ကျနော်တေးထားလိုက်ပါတယ်။ ဒါပေမယ့် ကျနော်အခွင့်အရးမရလိုက်ပါဘူး။ လူကို ခွေးသတ်သွားခဲ့ပြီ။
(၄)
တကယ်တော့လည်း သေခြင်းတရားဆိုတာ အသက်ရှင်နေထိုင်ခြင်းနဲ့အတူ တွဲဖက်ပါလာတဲ့ အခွင့်အရေးတမျိုးပါပဲ။ မည်သူတဦးတယောက်မဆို ဒီအခွင့်အရေး နှစ်ရပ်ကို မလွဲမသွေ ခံစားကြရပါတယ်။ ဒါကိုငြင်းပယ်ဖို့ ကြိုးစားခဲ့ကြတာတွေ ကိုလည်း အထက်မှာ ကျနော်ပြောပြီးခဲ့ပါပြီ။ တကယ်က သေခြင်းတရားဟာ ဘဝတန်ဖိုးရဲ့နိဂုံးတော့ မဟုတ်ပါဘူး။ အသက် ရှင်သန်စဉ်မှာ ဘဝတန်ဖိုးကြီးမြတ်စွာနေထိုင်ရပ်တည်သွားတဲ့လူတွေအဖို့ လူ့သမိုင်းအစဉ်မှာ ဘယ်သောအခါမှ နိဂုံး ချုပ်မသွားခဲ့ပါဘူး။ ခုဆိုရင်ပဲ လွတ်လပ်ရေးဖခင်ကြီးဗိုလ်ချုပ်အောင်ဆန်း ရှင်သန်နေမှုကို အနှစ်ရာ ပြည့်အထိမ်းအမှတ်အဖြစ် နှောင်းလူတွေက ဖော်ကျူးကြဦးမှာ မဟုတ်လား။ ဗိုလ်ချုပ်လို တိုင်းပြည်ခေါင်းဆောင်ကြီးမှမဟုတ်၊ ကိုယ့်နိုင်ငံကိုယ့်လူမျိုး အတွက် ကိုယ်ကျိုးစွန့်ခဲ့သူ အနစ်နာခဲ့ခဲ့သူ မည် သူမဆို ဘဝနိဂုံးချုပ်ခဲ့သွားခဲ့ဖူးပါသလား။
ကျနော့်ရင်ထဲမှာသာမက မြန်မာပြည်သူများအားလုံးမှာ ဗိုလ်ချုပ်အောင်ဆန်းလည်းမသေ။ ဝင်းမော်ဦးလေးလည်းမသေ။
ကရင်အမျိုးသားတရပ်လုံး စစ်ကျွန်ဘဝကလွတ်မြောက်ဖို့ကို ခေါင်းဆောင်ခဲ့ကြတဲ့ စောဘဦးကြီးလည်းမသေ။ လူမသိသူ မသိကျဆုံးသွားကြတဲ့ အညတြကရင့်ရဲဘော်များလည်း မသေ။ တော်လှန်ရေးခေါင်းဆောင် ဖဒိုမန်းရှာ သို့မဟုတ် ကဗျာ ဆရာ ရေဆန်သည်လည်း မသေ။ ဘယ်သောအခါမှ မသေ။