အောင်ကျော်ဆန်း ● ဗကသဆိုတာ
(မိုးမခ) ဖေဖော်ဝါရီ ၂၂၊ ၂၀၁၇
(မိုးမခ) ဖေဖော်ဝါရီ ၂၂၊ ၂၀၁၇
ကျွန်တော်တို့တတွေ သမဂ္ဂမှာ တာဝန်ယူခွင့်ရတဲ့အချိန်တုန်းက ကျွန်တော်တို့ရဲ့အထက်က မျိုးဆက်ဟောင်းရဲဘော်ကြီး တွေဟာ ကျွန်တော်တို့ကို အင်မတန်နေရာပေးပြီးဆက်ဆံခဲ့တာကို အခုမှပြန်တွေးကြည့်မိပါတယ်။ ကျွန်တော်တို့ခေတ်က သမဂ္ဂခေါင်းဆောင်ဟောင်းကြီးတွေကို မျိုးဆက်အစုံတွေ့နိုင်ပါသေးတယ်။ ၁၉၀၃ ခုနှစ် ဘုရားမထူးသပိတ်ကိုမီခဲ့တဲ့ခေါင်း ဆောင်ကြီးတွေ၊ ပထမသပိတ် ဒုတိယသပိတ်၊ တတိယသပိတ်ကို မီခဲ့တဲ့ခေါင်းဆောင်ကြီးတွေ အများကြီးရှိပါတယ်။
အဲဒီတုန်းက ၁၉၀၃ နဲ့ ၁၉၃၆ အကြား ကျောင်းသားခေါင်းဆောင်ကြီးတွေဟာ အသက်အရွယ် ကြီးရင့်ကုန်ပါပြီ။ တော်ရုံတန်ရုံ ကိစ္စနဲ့တော့ သူတို့ကို ကျွန်တော်တို့ ဆက်သွယ်လေ့မရှိပါ။ သိပ်အရေးကြီးတဲ့အချိန်မျိုး National Concern ဖြစ်လာတဲ့အခြေ အနေမျိုး သူတို့မပါမဖြစ်တဲ့အခြေအနေမျိုးမှ သွားပြီးဒုက္ခပေးရတာပါ။ ၁၉၈၈ ခုနှစ် ရှစ်လေးလုံးအရေးတော်ပုံမှာ အဲဒီမျိုး ဆက်တွေပါ လမ်းပေါ်ထွက်လာကြတယ်။ သူတို့က ကျွန်တော်တို့လိုအပ်သမျှ ဗကသလိုအပ်သမျှ ဘာမဆို ဝိုင်းဝန်းကူညီခဲ့ကြ တာပါ။ မန္တလေးမှာ ဗကသများအဖွဲ့ချုပ် ဗြောင်ထွက်ရပ်တော့မယ်ဆိုတော့ နေရာကိစ္စစဉ်းစားရပါတယ်။ သပိတ်ကာလဆို တော့ နေရာက မရှားပါဘူး။ ပေါပါတယ်။ လက်ညှိုးညွှန်ရာ ရေဖြစ်တဲ့ကာလမဟုတ်လား။
ဗကသများအဖွဲ့ချုပ်အနေနဲ့ မန္တလေးမှာ တကယ်ကိုနေရာမရှားပါဘူး။ မန်းတက္ကသိုလ်မှာ ရတနာဘုမ္မိမှာ သပိတ်စစ်ကြောင်း အသီးသီးမှာ ဗကသကို ကြိုဆိုနေရာပေးမယ့်သူတွေ အများကြီးရှိပါတယ်။ ဒီလိုကြားထဲကပဲ ကျွန်တော်တို့ဟာ နေရှင်နယ် ကျောင်းလို့ခေါ်တဲ့ အထက (၂) မှာ ရုံးထိုင်မယ်လို့ ဆုံးဖြတ်လိုက်ပါတယ်။ နေရှင်နယ်ကျောင်းသားဟောင်းထဲကတဆင့် ကျွန်တော်တို့ချဉ်းကပ်တယ်။ အသင်းနာယကတဦးဖြစ်တဲ့ သုခဝတီဦးစိန်တင်ကလည်း သပိတ်မှောက်ကျောင်းသားဟောင်း ပါ။ သူက ဗကသများအဖွဲ့ချုပ်ဆိုတဲ့ အသံကြားတာနဲ့ ထိုင်ခုံလက်တန်းနှစ်ဖက်ကို တင်းတင်းဆုပ်ပြီး ထရပ်လိုက်တယ်။
"လက်ခံမှာပေါ့ဗျ။ လက်ခံရမှာပေါ့။ ငြင်းလို့ရတဲ့ကိစ္စမှ မဟုတ်တာ။ ဒီနေရာဟာ ဗကသများအဖွဲ့ချုပ်ရဲ့ ဘူမိနက်သန် နေရာမှန်ပဲ။ ကိုယ့်အိမ်ကို ပြန်လာတာ ဘယ်သူကငြင်းဆန်ရမှာတုန်း။ ကိုယ့်အမေအိမ်ပြန်လာတာကို ဘယ်လိုသားသမီးက ငြင်းဆန်ရမှာတုန်း။ လာကြဗျ လာကြ။ ခင်ဗျားတို့ကို အားလုံးကစောင့်နေကြတာ။ လိုအပ်တာမှန်သမျှပြော။ ကျွန်တော့်ကို ခိုင်း။ ခိုင်းပါ။ အဖိုးအရွယ် အဖေအရွယ်ဆိုပြီး အားမနာကြနဲ့။ ကျွန်တော်တို့အားလုံးဟာ သမဂ္ဂရဲ့သားသမီးတွေပဲ။ သမဂ္ဂ အတွက်ဆို အကုန်လုပ်ပေးကြမှာ။ လာဗျ လာကြ ဝမ်းမြောက်ဝမ်းသာ လက်ခံတယ်။ ဟုတ်ပြီလား။"
ဗကသများအဖွဲ့ချုပ်ကို အဲဒီလို ဝမ်းပန်းတသာကြိုဆိုတဲ့ နောက်တယောက်ကတော့ အမေလူထုဒေါ်အမာပါ။ ရှစ်လေးလုံး ပထမဆုံးနေ့မှာ အမေလူထုဒေါ်အမာ လမ်းပေါ်ထွက်ပြီး ချီတက်တဲ့အထဲ မပါသေးပါဘူး။ "အမေခဏနေပါဦး အခြေအနေ စောင့်ကြည့်ပေးပါဦး။ အမေထွက်ဖို့လိုအပ်ရင် ကျွန်တော်တို့လာပြောပါမယ်။"လို့ ဗကသများအဖွဲ့ချုပ်က သဘောထားပေး ထားတာပါ။ အမေက "ဗကသနဲ့ပတ်သက်ရင် ငါ့ကို ဘာမဆိုခိုင်း"လို့ ခွင့်ပြုခဲ့ပါတယ်။ တကယ်လည်း ကျွန်တော်တို့ မေတ္တာ ရပ်ခံတဲ့အတိုင်း လိုက်လျောပါတယ်။
သြဂုတ်လ ရှစ်ရက်နေ့အခြေအနေဟာ အတော်ကိုတင်းမာပါတယ်။ သပိတ် ဘယ်နေရာကစမလဲ ဘယ်သူမှမသိပါဘူး။ ကိုယ်စီကိုယ်စီ အုပ်စုဖွဲ့ပြီး အသေခံဆန္ဒပြမယ့်အဖွဲ့တွေ ရှိနေကြပါပြီ။ ဒါပေမယ့် ကိုယ့်လူကိုယ်ပဲသိတယ်။ တမြို့လုံးအ ခြေအနေ မှန်းလို့မရသေးဘူးပေါ့။ မန္တလေးဘုရားကြီးအရှေ့မုခ် ကုသိနာရုံတိုက်ဝ၊ မြတောင်ကျောင်းတိုက်အုတ်တံတိုင်း၊ မစိုးရိမ်တိုက်ဟောင်းဆွမ်းစားကျောင်း၊ မန်းတက္ကသိုလ်ပင်မ၊ ရတနာဘုမ္မိနဲ့ ဂျီတီအိုင်ကျောင်းဝန်းတွေမှာ စာရွက်တွေပြန့်ကြဲ လေမှာဝဲနေပါပြီ။ အဲဒီတုန်းက နိုင်ငံရေးဝါဒဖြန့်ကြော်ငြာတွေကပ်တဲ့နေရာတွေကိုလည်း Democrtic Wall တွေလို့ တင်စား ခေါ်ဝေါ်နေပါပြီ။ သပိတ်ကဖြစ်တော့မှာပဲ။ ဘယ်လိုစကြမလဲ။ ကျွန်တော်တို့အနေနဲ့ကတော့ ရေရှည်အမြင်စိုက်ထူပြီး အလုပ်လုပ်တာမို့ အများဆုံးရှေ့ထွက်တိုက်ပွဲဝင်ဖို့ ၃၀ ရာခိုင်နှုန်းအထိ ခွင့်ပြုပေးလိုက်ပါတယ်။ အဲဒီအချိန်က အားလုံးသိတဲ့ အတိုင်း ရန်ကုန်မှာလည်း နေ့စဉ်နဲ့အမျှ သေနတ်သံတွေ ယမ်းနံ့တွေနဲ့ ဆူညံပွက်လောရိုက်နေပါပြီ။
အခုပြန်စဉ်းစားကြည့်တော့ မန္တလေးဟာလည်း အင်မတန်ပြင်းထန်တဲ့ စစ်မြေပြင်လိုဖြစ်နေတယ်လို့ ခံစားမိပါတယ်။ စစ် ကိုင်းမှာ လူပေါင်းရာကျော် ပစ်သတ်ထားတာ ဘာမှမကြာသေးပါဘူး။ ရှေ့ကစစ်ကိုင်းလူသတ်ပွဲက သွေးမခြောက်သေးခင် နောက်ထပ်တမျိုး အန္တရာယ်ရှိတဲ့တိုက်ပွဲကို ဆက်တိုက်ကြရမှာပါ။ သတင်းတွေက ဘယ်မှာမှ မကောင်းပါဘူး။ ရန်ကုန်မှာ ပစ်ခတ်နေသလို တောင်ကြီး လားရှိုးနဲ့ပြည်တို့မှာ လူမျိုးရေး အဓိကရုဏ်းတွေဖြစ် သွေးချောင်းစီးထားတာတွေလည်း ရှိပါ သေး တယ်။
ဘယ်လိုပဲဖြစ်ဖြစ် လူထုရဲ့ မကြောက်မရွံ့နောက်မတွန့်တဲ့ သတ္တိ ဇွဲနပဲ အနစ်နာခံဆောင်ရွက်မှု အသက်ကိုတောင်ပမာမထားဘဲ စွန့်လွှတ်စွန့်စားမှုတွေကြောင့် ၁၉၈၈ ခုနှစ် သြဂုတ်လ ၈ ရက်နေ့မှာ မန္တလေးမြို့ရဲ့လမ်းမကြီးတွေပေါ် ရှစ်လေးလုံးတိုက်ပွဲ ခေါ်သံတွေ မြည်ဟိန်းပဲ့တင်ထပ်ခဲ့ပါတယ်။ သပိတ်စတဲ့နေရာတွေက ကုသိနာရုံတိုက်ဝဘုရားကြီးအလယ်တိုက် ဦးပေစိ ဘုရား ဈေးချိုနာရီစင်တို့ပဲလို့ အကြမ်းဖျင်းပြောနိုင်ပါတယ်။ သပိတ်စစ်ကြောင်းတွေဟာ တောင်ကနေမြောက် တဖြည်းဖြည်း ချင်းစုပေါင်းပြီး နာရီစင်မှာ လူအုပ်ကြီးဖြစ်လာတယ်။ အဲဒီကနေ ၂၆ ဘီလမ်း နောက်အဲဒီကတဆင့် ၇၃ မင်္ဂလာလမ်း အဲဒီက နေ တက္ကသိုလ်၊ နောက်ရေတွင်းပျက် သိပ္ပံလမ်းကတဆင့် ဘုရားကြီး။ အဓိကစစ်ကြောင်းဟာ အဲသလိုပတ်ပါတယ်။ ကျန်တဲ့စစ်ကြောင်းတွေ လူအုပ်တွေကတော့ ရှေ့ကျွံလိုက် နောက်ပြတ်ကျန်လိုက် အမျိုးမျိုးဖြစ်ကြရတာပါ။ ဒီအူကြောင်း ကနေလမ်းလွဲပြီး အခြားနည်းနဲ့ချီတက်နေတာတွေလည်း ဒုနဲ့ဒေးပါပဲ။ အဲဒီနေ့က ပစ်ခတ်မှု နှစ်ကြိမ် သုံးကြိမ်ဖြစ်ပါတယ်။ လူအုပ်ထုထည်ကြီးလွန်းတဲ့အတွက်တကြောင်း ပြည်သူတွေ ဝန်းရံထားတဲ့အတွက် လမ်းပိတ်ပြီး လုပ်ကြံသတ်ဖြတ်ရေးတပ်စုပိတ်မိသွားနိုင်တဲ့အခြေအနေကြောင့်တကြောင်း စစ်တပ်က နောက်ပြန်ဆုတ်ပေးရပါတယ်။
နောက်တနေ့ သြဂုတ်လ ၉ ရက်နေ့ဟာ ကျွန်တော်တို့အတွက် သေရေးရှင်ရေးဖြစ်နေဆဲပါပဲ။ အဲဒီနေ့ဆက်မထွက်နိုင်ရင် ပွဲ သိမ်းပြီ။ တကယ်တော့ တိုက်ပွဲဝင်လူထုတရပ်လုံးဟာ အဲဒီအခြေအနေကို အမှန်အတိုင်း မှန်းဆနိုင်ကြပါပြီ။ ကျွန်တော်တို့ရှိ သမျှလူသူအင်အားအကုန်သုံးပြီး ဆက်တွန်းကြပါမယ်။ ကျွန်တော်တို့ နောက်ပြန်ဆုတ်လို့ မရတော့ပါဘူး။ ရေရှည် မြေ အောက်လုပ်ငန်းအတွက် ချန်ရစ်မယ့်ရဲဘော်တွေကလွဲလို့. ကျန်ရဲဘော်အားလုံးကို အဆုံးစွန်ဝင်ပါခွင့်ပေးလိုက်ကြပါပြီ။ ကိုယ်တိုင် ပိုင်းဖြတ်မှုရှိရှိနဲ့ တိုက်ပွဲကိုဆင်နွဲခွင့်ပေးလိုက်ပါတယ်။ ဒါတင်မက ကျွန်တော်တို့ မေတ္တာရပ်ခံ ဟန့်တားထားတဲ့ သမဂ္ဂရဲဘော်ကြီးတွေဆီကိုလည်း သပိတ်တိုက်ပွဲမှာ တခဲနက်ပါဝင်ကြဖို့ မေတ္တာရပ်ခံစာတွေ ပို့လိုက်ကြပါတယ်။ အဲဒီနေ့က စပြီး အမေလူထုဒေါ်အမာအပါအဝင် သမဂ္ဂခေါင်းဆောင်ဟောင်းမျိုးဆက်အားလုံး သပိတ်တိုက်ပွဲထဲကို တခဲနက် အုံနဲ့ကျင်း နဲ့ တိုက်ပွဲဝင်လာခဲ့ကြတာပါ။
လေးစားအပ်တဲ့ သမဂ္ဂခေါင်းဆောင်ဟောင်းကြီးတွေ အများကြီးပါ။ အခုအဲဒီခေါင်းဆောင်ဟောင်းကြီးတွေ အားလုံးနီးပါး ကွယ်လွန်သွားကြပါပြီ။ ဒီသမဂ္ဂခေါင်းဆောင်ကြီးတွေဟာ ကျွန်တော်တို့ လိုအပ်တဲ့အချိန်တိုင်းမှာ သမဂ္ဂတာဝန်ကိုကျေပြွန် အောင် ဝင်ရောက် ထမ်းဆောင်ပေးကြပါတယ်။ ကျွန်တော်သတိရသလောက် အဲဒီရဲဘော်ကြီးတွေရဲ့ အမည်စာရင်းကို ပြောပြချင်ပါတယ်။ အများကြီးကျန်ပါဦးမယ်။ သုခဝတီဦးစိန်တင် လူထုဒေါ်အမာ ကဗျာဆရာကြည်အောင် စံပြကြက်ခြံပိုင်ရှင် ဦးမောင်လေး မြေးသူကြီးဦးစောမောင် ဒေါက်တာလှရွှေစစ်ကိုင်း ကျောင်းသားခေါင်းဆောင်ဦးသူတော် သပိတ်မတိုင်ခင်အနီးကပ်မှကွယ်လွန်သွားတဲ့ တက္ကသိုလ်မောင်စောလွင် မနတဦးဇော်ဝင်း ကျောက်ဆည်ဦးစိုးဝင်းမောင် ကျောက်ဆည်ဒေါ်မြရီ သံမဏိမောင်မောင် တတိယသပိတ်ခေါင်းဆောင် ဒေါ်တင်တင် ဂျပန်တော်လှန်ရေးရဲဘော် ဗိုလ်မှူးလှဖေ မြင်းခြံသပိတ်ဒုတိယခေါင်းဆောင်ဦးအောင်သူ မစိုးရိမ်တိုက်ဟောင်းနာယကချုပ်ဆရာတော် ဦးကောဝိဒ၊ မစိုးရိမ်တိုက်သစ်နာယကချုပ်ဆရာတော်ဦးရာဇဓမ္မ စတဲ့ ရဟန်းရှင်လူမြို့မျက်နှာဖုံးလူကြီးတွေ အများကြီးပါ။ ဆရာတော်တွေကလွဲရင် ကျန်တဲ့လူပုဂ္ဂိုလ် တွေက သမဂ္ဂရဲဘော်ဟောင်းတွေပါ။ ဒီပုဂ္ဂိုလ်တွေဟာ သမဂ္ဂဆိုတဲ့အသံကြားရင် အားလုံးအသင့်အနေအထားနဲ့ရှိခဲ့ကြတယ်။
ကျွန်တော်တို့ကို လိုလေသေးမရှိ ကူညီပံပိုးခဲ့ကြတယ်။ ကျွန်တော်တို့လည်း အမိတက္ကသိုလ်ရင်ခွင်ကထွက်ပြီး ပုလဲသီတကွဲစီ ဆိုသလို ပရိယေသနဝမ်းစာရှာစားနေရတဲ့ဘဝမှာ သမဂ္ဂဆိုတဲ့အသံကြားရင် အလိုလိုနားစွင့်မိကြတာပါ။ ကိုယ်ကျင်လည် လေရာ ဘဝဝန်းကျင်က ခဏထွက်ပြီး သမဂ္ဂမိခင်လိုအပ်သမျှ ပံ့ပိုးကူညီကြရတာပါ။ မျိုးဆက်အသီးသီးက ကျောင်းသား ရဲဘော် ဟောင်းအားလုံးဟာ သမဂ္ဂမိခင်ရှေ့မှာ ရိုသေကိုင်းညွှတ်ကြရတာပါ။ လူထုဒေါ်အမာသခင်အုန်းမြင့် သခင်သိန်းမောင် ဒဂုန်တာရာ လေထီးဗိုလ်အုန်းမောင် လေထီးဒေါ်မြရီစတဲ့တိုင်းပြည်ရှေ့ဆောင်သူရဲကောင်းကြီးတွေတောင်မှ သမဂ္ဂမိခင်ရှေ့ မှာ ရိုသေကိုင်းညွှတ်ကြရပါတယ်။ သမဂ္ဂကို ပမာမခန့်လုပ်သူ မကြုံဖူးပါဘူး။ ဒါ ကျွန်တော်ရင်းနှီးတွေ့ကြုံဆက်ဆံမိသမျှ လူပုဂ္ဂိုလ်တွေကို တိုင်တည်သက်သေထူတာပါ။ ကျွန်တော် လက်လှမ်းမမှီတဲ့ပုဂ္ဂိုလ်တွေ အများကြီးပါ။
ရဲဘော်များခင်ဗျား .....
ဗကသများအဖွဲ့ချုပ်ရှေ့မှောက်မှာ ကျွန်တော်တို့အားလုံးမူလတန်းဆရာရှေ့ရောက်သလို ရိုသေလေးစားကြရပါတယ်။ ရဲဘော်တို့ဟာ သမဂ္ဂအမေရဲ့ဂုဏ်သိက္ခာကို ဆထက်တပိုး တိုးမြှင့်နိုင်သူတွေဖြစ်ကြပါစေ။ သမဂ္ဂစိတ်ဓာတ်နဲ့ ညီညွတ်ကြပါ စေ။ သမဂ္ဂကို ရိုသေလေးစားနိုင်ကြပါစေလို့ ဆုတောင်း မေတ္တာပို့သအပ်ပါတယ်။
ဗကသများအဖွဲ့ချုပ် အဓွန့်ရှည်ပါစေ။
ရန်သူတကာ ကြောက်ဒူးတုန်ပါစေ။
အောင်ကျော်ဆန်း
၂၂ ဖေဖော်ဝါရီ ၂၀၁၇
ဓာတ်ပုံအညွှန်း - ဗိုလ်ချုပ်အောင်ဆန်းနှင့်ကျောင်းသားသမဂ္ဂအဖွဲ့ဝင်များ (ဓာတ်ပုံ MOI)