သွန်းခ - ကျုပ် မဆင်းရဲချင်တော့ဘူးဗျ
(မိုးမခ) သြဂတ်စ် ၁၂၊ ၂၀၁၅
ကျုပ်မဆင်းရဲချင်တော့ဘူးဗျ။ ဘယ့်နှယ်ဗျာ ဘယ်သူကဆင်းရဲချင်မှာတဲ့တုံး ... ဆင်းရဲတွင်း။ အများသူငါ လျှာ အရိုးမရှိတိုင်းအားအားယားယားပြောနေကြတဲ့ဆင်းရဲတွင်း။ တကယ်ရောရှိလို့လားဗျာ။ ဆင်းရဲရုံတင်မကဘူး၊ တွင်းတောင်ရှိ လိုက်သေး တယ်ဆိုတော့ ပြောနေကြတဲ့လူတွေက မြေကျင်းတူးစားနေကြတဲ့ဟာတွေများလား။ ဆင်းရဲတွင်းတဲ့၊ ရီတောင်ရီ လိုက်ချင် ပါသေးဗျား။
ကျုပ်သိခဲ့တဲ့၊ ခံစားခဲ့ရတဲ့ဆင်းရဲခြင်းက နိုင်ငံတော်ကထုတ်ပေးထားခဲ့တဲ့ ၃၂၃ မာဇဒါကား လေးရှိတယ်ဗျာ၊ အိမ်မှာသုံးဖို့ ပစ္စည်းပစ္စယတွေ တော်တော်များများ ဟိုဟိုဟိုဗျာ ၈၈ အရေးအခင်းတုန်းက လူဆိုး၊ သူခိုး အငတ်အပြတ်ကောင်တွေ ဖောက်ထုတ်လုယူခဲ့ကြတဲ့ မေတ္တာမွန်က ထုတ်ယူရသဗျ။ လူတိုင်းတော့ ဘယ်ရမလဲဗျာ။ လက်မှတ်ကလေး၊ ထောက်ခံစာ လေးလောက်တော့ အထက်လူကြီးတွေဆီက တောင်းခဲ့ရသေးတာပေါ့။ သိတယ်နော်၊ မေတ္တာမွန်ဆိုတဲ့နေရာ။ ၁၉၈၈ အ ရေးအခင်းမှာ လုကြ၊ ယက်ကြလို့ တပ်မတော်ကတောင် ပစ်ခတ်နှိမ်နှင်းခဲ့လိုက်ရပါသေးလား။ အဲဒီ၊ အဲဒီနေရာ။
တစ်နေကုန် လက်မှတ်တွေထိုင်ထိုး၊ ထောက်ခံစာတွေစိစစ်၊ နောက်နေ့အခမ်းအနားတွေမှာ လူကြီးတွေ မိန့်ခွန်းပြောကြဖို့ တွေ စာစီရေးထားပေးရနဲ့ ပင်ပန်းလာတော့လည်း ညနေ ညနေ သွေးကြောလေးတွေ ကျယ်လာအောင် တပ်မတော်ထုတ် ရမ်လေး ဘာလေးသောက်၊ လက်ဖက်သုတ်၊ ပဲခြမ်းကြော်သုတ်ကလေး ဘာလေးနဲ့မြည်းရတာပေါ့ဗျာ။ လူကြီးတွေညဘက် ခေါ်တဲ့ပွဲတွေ၊ ဘာတွေရှိခဲ့ရင်တော့ အရသာကကောင်း၊ အမြည်းကောင်းလေးတွေနဲ့ပေါ့ဗျ။ အဲဒီပွဲတွေက ညနေတိုင်းတော့ လည်း ဘယ်ရှိပါ့မလဲဗျာ။
တဖြည်းဖြည်းနဲ့ ရာထူးနေရာလေးကတက်လာတော့ နေရာထိုင်ခင်းလေးလည်း ပြောင်းလာခဲ့တော့တာပေါ့ဗျ။ အဲဒါ ၈၈ အရေးအခင်းပြီးမှပါဗျာ။ အောင်မယ်လေး ၁၉၈၈ အရေးအခင်းတုန်းက ရန်ကုန် ဆင်ခြေဖုံးရပ်ကွက်တခုထဲမှာနေခဲ့ရတာ။ ရပ်ကွက်ထဲကလူတွေက ကျုပ်အလုပ်ကိုသိနေကြတော့ ရန်ပြုမှာလည်း ကြောက်ရသေးတာကိုး။ ရုံးတွေကလည်းပိတ်ထားတဲ့ကာလဆိုတော့ အရပ်ထဲကလူတွေနဲ့ ဟိုရော၊ ဒီရော၊ ဟိုအလုပ်၊ ဒီအလုပ် ရမယ်ရှာလုပ်ခဲ့ရတာပေါ့။ မြောင်းတွေဖော်လား၊ အမှိုက်တွေ ရှင်းလား၊ လမ်းတွေပြင်လား ကိုယ်တိုင်ဝင်ကြဲရတာများ ခါးတွေကို နာလို့ပါဆို။ မဟုတ်လို့တယောက်ယောက်ကထဖွလိုက်ရင် ဦးခေါင်းမဲ့အလောင်းဖြစ်သွားနိုင်တာကိုး။ တမိသားစုလုံးများ ခေါင်းတက်ဖြတ်လိုက်လို့ဗျာ။ အဲဒီတုန်းက ကျုပ်တို့ရပ်ကွက်နဲ့ ဘာဝေးတာမှတ်လို့၊ခေါင်းတွေဖြတ်နေခဲ့ကြတာများခုများ ပြန်တွေးမိတော့ကြက်သီးတောင်ထသေး။
နေစရာနေရာပြောင်းသွားသလို ရာထူးလည်းတက်၊ စီးရတဲ့ကားအမျိုးအစားလည်း ပြောင်းသွားတာပေါ့။ လိုင်းကား၊ ဟုတ် လား။ လိုင်းကား၊ ဘတ်စ်ကားဆိုတာ ကျုပ်နဲ့ ဘာမှကိုမဆိုင်၊ မပတ်သက်ခဲ့ပါလားဗျာ။ နိုင်ငံတော်ကပေးထားတဲ့ ကားပျက် တော့ ရုံးလှမ်းဖုန်းဆက်လိုက်။ မော်တော်ယာဉ်ဌာနကကား လာကြိုတာပါပဲ။ ဘာကိစ္စ ဘတ်စ်ကားစီးစရာလိုလို့တုန်းလဗျာ။
လူဆိုတာကလည်း အခက်သားဗျ။ ကျုပ်ရာထူးခပ်နိမ့်နိမ့်တုန်းက ရုံးတက်၊ ရုံးဆင်းများကားပေါ် အတက်အဆင်းတွေမှာ ကိုယ်တိုင်ကားတံခါးဖွင့်၊ ပိတ်။ မိုးရွာတော့လည်း ထီးလေးဖွင့်ပြီး ကားရပ်တဲ့နေရာကနေ ရုံးကိုပြေးဝင်၊ ပြေးထွက်ခဲ့ရ တာပါပဲ။ လူတွေ့ကိုက အကျင့်ဖျက်ကြတာဗျ၊သိလား။ ရာထူးလေးကြီးလာတာနဲ့ ကျုပ်ကားမို့ရုံးထဲဝင်လာပြီဆို ကားရပ်တဲ့နေရာထိအောင်တောင်ပေးမမောင်းကြတော့ပါလား။ ရုံးအဝင်ပေါ်တီကိုအောက်ရောက်၊ ပြေးလာကြိုတဲ့ဝန်ထမ်းတွေကို ကားသော့ သာပေးလိုက်၊ သူတို့ဟာ သူတို့ကားသွားသိမ်းပေးကြတော့တာကိုး။ ကားပေါ်ကအဆင်းကားတံခါးတောင် သူတို့တရိုတသေ ဖွင့်ပေးမှဆင်းတတ်၊တက်တတ်လာတော့လည်း လူဗျလူ။ သာယာပြီပေါ့ဗျာ။ကားရပ်ပြီးလို့ ကားတံခါးဖွင့်ဆင်းးရင်တောင်မဆင်းတတ်တော့အောင်ပါဆို။
လူကြီးတွေအကြိုက်တွေ့တဲ့ကျုပ်ကိုရာထူးတိုးပေးလိုက်ပုံများမြန်ချက်။အိမ်ကမိသားစုအ တွက်မော်တော်ကား တစ်စီး၊ကျုပ်ရုံးတက်ဖို့ကားအကောင်းစားကတစ်စီးဖြစ်လာရောဗျို့။ကိုယ်တိုင်မ မောင်းရတော့ဘူး။နိုင်ငံတော်ကကျုပ်ကားကိုမောင်းဖို့ ယာဉ်မောင်းတစ်ယောက်ခန့်လိုက်လို့။သူ့အတွက်လစာလား၊နိုင်ငံတော်ကပေးတယ်လေဗျာ။
ကျုပ်ကားမောင်းခွင့်ကိုတောင်ခပ်လွယ်လွယ်ရခဲ့ကြ တာမဟုတ်ဖူးကြားတယ်နော်။ဟုတ်မှာပေါ့လေ၊ကျုပ်တစ်လ၊တစ်လထုတ်ပေးလိုက်ရတဲ့ပစ္စည်းဝယ်ခွင့် ပါမစ်တွေတန်ဖိုးကအပြင်ပေါက်ဈေးနဲ့ဆိုသူတို့ရနေခဲ့တဲ့နိုင်ငံတော်လစာထက်အပုံကြီးကွာနေခဲ့တာကိုး
ကျုပ် ဂေါက်သီး လည်းရိုက်တတ်လာတယ်ဗျ။ရိုက်တတ်ရုံလေးပါဗျာ။လူကြီးတွေနဲ့ထိ တွေ့မှုများများရှိဖို့က ဂေါက် တတ်။အဲလေ၊ဂေါက်သီးရိုက်တတ်ရတယ်လေဗျာ။ငယ်ငယ်ကရွာမှာ ကျည်းသားလောက်ရိုက်တတ်တဲ့ကျုပ်၊ခု ဘီယာလေး၊ဝီစကီလေးမြုံ့ပြီး ဂေါက်သီးရိုက်လိုက်၊လူကြီး တွေနဲ့ခွင်ကိစ္စတွေပြောလိုက်နဲ့ဟန်ကျနေတာ၊
ဟန်ကျနေတာ။လုပ်ငန်းခွင်ကိုပြောတာလေဗျာ။အဲဒီ လူကြီးတွေလက်မှတ်ထိုး၊ခေါင်းညိတ်မှအဆောက်အဦးဆောက်ခွင့်၊ဟိုတယ်ဖွင့်ခွင့်၊ဟိုဟာလုပ်ခွင့်၊ဒီ ဟာလုပ်ခွင့်တွေရတာကိုး။အပေးအယူလား၊ဟား…..ရှိတာပေါ့ဗျ။လုပ်ငန်းခွင်အလိုက်ရာခိုင်နှုန်းနဲ့အ
ပေးအယူရှိတာပေါ့ဗျာ။အဲဒီတော့ ဂေါက်ရိုက်သွားတာ အကျိုးမရှိပေဖူးလား။ကျုပ်ကအကျွမ်းကျင်ကြီး
တော့မဟုတ်ပေဖူးဗျ။တစ်ခါသားဝီစကီလေးခပ်ထွေထွေနဲ့ရိုက်ထည့်လိုက်တာကယ်ရီ(ဂေါက်သီးအိတ် ထမ်းတဲ့)ကလေးမလေးနဖူးတည့်တည့်မှန်သွားလို့မနည်းနှာနှပ်ယူလိုက်ရပါသေးတော့လား။ထားပါဗျာ အဓိကက ကျုပ် ဘယ်ခရီးထွက်ထွက် ဂေါက်အိတ် နဲ့ ဝတ်စုံအပြည့်မပါမဖြစ်ပါအောင်အိမ်ကထည့်ပေး ရတော့တာပါပဲ။ယမကာလား၊ဟာ…..တစ်ခါသောက်ဖို့အရေး…ဟိုချိပ်တွေခွာရ…အဖုံးဖွင့်တံရှာရနဲ့အလုပ်က
ရှုပ်၊အဝင်ကလည်းဆိုးတဲ့ တပ်မတော်ရမ် မသောက်တော့ပါဘူးလေ။ဝီစကီဗျ၊ဝီစကီ၊ဝီစကီမှ စကော့တလန်ကလာတဲ့ဝီစကီကိုသောက်တာ။အမြည်းလား၊အညာဘက်ကဗျာ၊ချာတိတ်တွေပို့ပေးတဲ့ စာကလေးကြော်တွေနဲ့မြည်းမလား၊ပုရစ်ကြော်၊ငါးရံ့ခြောက်ဖုတ်ဆီရွှဲရွှဲလေးဆမ်းပြီးမြည်းမလား၊
လက်ဖက်ကိုဆီနဲ့အကြာကြီးနှပ်ထားတာတွေအိုဗျာ…စုံလို့ပါ။ငါးမန်းတောင်ဟင်းချိုလား၊အိုဗျာ၊ဟိုတယ်စာ တွေအိမ်ထဲမှာကိုစားလို့ရတယ်။အိမ်ကလူတွေချက်စရာမလိုဘူး။လုပ်ငန်းရှင်တွေ၊စီးပွားရေးသမားတွေကစပွန်စာလုပ်ပြီးအကောင်းဆုံးဟိုတယ်ကအစားအသောက်တွေကိုအကောင်းဆုံးအစားအစာတွေနဲ့အကောင်းဆုံးစားဖိုမှုး၊အတော်ဆုံးစားပွဲထိုးတွေနဲ့အိမ်တိုင်ရာရောက်၊အိမ်တိုင်ရာရောက်။
အဆင့်မြင့်သွားပြန်တော့အလုပ်တွေများများလာတယ်ဗျ။ရုံးလည်းပြောင်းသွားပြီကိုး။ရုံးမှာ လည်းလူကြီးတွေနဲ့အလုပ်လုပ်ရ၊အိမ်ပြန်ရောက်တော့လည်းစီးပွားရေးသမားတွေနဲ့တွေ့ရ၊ပြောရ၊ဆိုရ၊ လက်ဆောင်လေးဘာလေးပေးလာတော့လည်းလက်ခံရပြန်တာပေါ့လဗျာ။အိမ်မှာလည်းလူတွေများ လာသဗျ။အဲ..အဲ..ဂိုဒေါင်တစ်လုံးတောင်အိမ့်အနောက်ဖက်မှာသပ်သပ်ရပ်ရပ်ဆောက်လိုက်ရသေး တာကိုး။လက်ဆောင်ပစ္စည်းတွေသိမ်းထားဖို့ရယ်။ပေါ့တော့တော့ဂိုဒေါင်တော့မထင်နဲ့နော်။အဲယား ကွန်းကို ၂၄ နာရီ ဖွင့်ထားခဲ့ရတဲ့ ဂိုဒေါင်။ဘာမှတ်နေတုံး။လက်ဆောင်ပစ္စည်းတွေထဲမှာအအေးဓါတ်နဲ့ ထားမှရတဲ့ပစ္စည်းတွေလည်းပါသကိုး။မီးပျက်ရင်၊ဟား…..ခင်ဗျားဗျာ။ကျုပ်နေတဲ့နေရာမီးပျက်သွားခဲ့ရင် မိုးတောင်မီးတက်လောင်သွားဦးမှာပေါ့ဗျ။
တစ်နေ့၊တစ်နေ့ရုံးဆင်းပြီးပြောင်းနေရတဲ့ခြံဝမို့ကျုပ်ရောက်ပြီလား၊အိုး…အိုး…ကျုပ်ကိုစောင့် နေကြတဲ့လုပ်ငန်းရှင်တွေ၊စီးပွားရေးသမားတွေတန်းစီိလို့ပါဗျာ။ကျုပ်မိန်းမက စီမံ၊ခန့်ခွဲတာ တော်တယ်ဗျ။ခြံထဲမှာကျုပ်မွေးထားတဲ့ခွေးကြီးတွေရှိတယ်ဗျာ။နည်းတဲ့ကောင်ကြီးတွေမှ
မဟုတ်တာ။ကျုပ်ကားခြံဝ ရောက်လို့ဟွန်းသံပေးလိုက်တာနဲ့မိန်းမက အဲဒီကောင်ကြီးတွေလွှတ်လိုက်တော့တာပဲ။ဟိုလူတွေရုတ်တရက်ကျုပ်နားကပ်ခွင့်မရတော့ဘူးပေါ့ဗျ။နောက်ပြီးအချိန်ဆွဲထားပုံက ကျုပ် ကားပေါ်ကဆင်းဆင်း ချင်း ကျုပ်ဆီပြေးလာကြတဲ့ ခွေးကြီးတွေကို ကျုပ်က ထန်းလျက် ကျွေးရသဗျ။ဘယ်ကထန်းလျက်က ကျုပ်ဘောင်းဘီအိတ်ထဲရှိမလဲဗျာ။ကလေးမလေး ၅ ယောက်တန်းစီနေကြတာဗျ။ပထမဆုံးကောင်မ လေးက ထန်းလျက်ပန်းကန် ကိုင်ပြီးကျုပ်နားကပ်လာတယ်။ဘယ်ကလာကျုပ်ကိုကျွေးရမှာလဲဗျာ။ခွေး ကြီးတွေကိုကျွေးဖို့။တစ်ကောင်ချင်းကျွေးပြီးပြီလား။ကျုပ်လက်ပေနေတယ်လေဗျာ။လက်ဆေးဖို့ရေဖလား
ကိုင်ထားတဲ့ကောင်မလေးကအနားရောက်လာရော။ပြီးတော့ကလေးမကလူချင်းကပ်တုန်းစီးပွား ရေးသမားတွေထဲက ဘယ်သူ၊ဘယ်ဝါ ဘယ်ခွင်၊ဘယ်ပမာဏနဲ့ ချဉ်းကပ်လိမ့်မယ်ဆိုတာကပ်ပြောပြီ။ အဲ…လက်ရေစိုကြီးနဲ့မဖြစ်ဘူးလေဗျာ။လက်သုတ်ပဝါကိုငွေလင်ပန်းနဲ့လာပေးတော့ရေစိုလက်ကိုသုတ် တာပေါ့ဗျ။နောက်ကောင်မလေးတစ်ယောက်ကလက်သုတ်ပဝါဘဲနောက်ထပ်လာပေးတာ၊အဲဒါကအ ခြောက်သုတ်ဖို့။အဲ…နောက်ဆုံး ကောင်မလေး ဒူးညွတ်ပြီး ကမ်းပေးတဲ့ ငွေဖလားထဲက သောက်ရေ ခွက်ထဲက သောက်ရေကို တဖြည်းဖြည်း သောက်ချနေတဲ့အချိန်မှာ ကျုပ်မိန်းမ(ကတော်ပေါ့ဗျာ)ကခန့် ခန့်ကြီးကိုပြုံးလို့ပေါ့။
အဲဒီခြံထဲရောက်မှဧည့်တွေ့ခန်း ၄ ခန်းဖြစ်သွားပါလေရောဗျို့။သာမန်မ်ိတ်ဆွေ၊ဆွေမျိုး သားချင်းတွေဆိုတစ်ခန်း၊သာမန်စီးပွားရေးသမားတွေနဲ့တွေ့ဖို့ကတစ်ခန်း၊နိုင်ငံတော်ဧည့်သည်ဆောင်
တာတွေဆိုတစ်ခန်းလေဗျာ။မိသားစုချည်းစကားလက်ဆုံကြဖို့ကျတော့တစ်ခန်းပေါ့။အမှောင်ချလိုက်ပြီး ရုပ်ရှင်ပိတ်ကားနဲ့ရုပ်ရှင်ကြည့်နိူင်တဲ့ဧည့်ခန်းပေါ့လဗျာ။
ဝီစကီမသောက်ဖြစ်တော့ဘူး။တစ်ပုလင်းသိန်းရာချီတန်တဲ့ယမကာတွေသောက်နေပါပြီ။ပိုင် ဆိုင်မှုလား။ခင်ဗျားကဘာလုပ်မလို့လဲ။ဘာလဲလာမယ့်ရွေးကောက်ပွဲပြီးလို့ ဟို ပါတီ နိုင်တော့တရားစွဲ မယ်ပေါ့လေ။မနိုင်စေရဘူး၊စိတ်ချ။ကျုပ်တို့ချထားတဲ့အကွက်တွေခင်ဗျားစောင့်ကြည့်နေလိုက်။ဘာတွေ
ဖြစ်ကုန်မယ်ထင်သလဲ၊ဟုတ်လား။နားစမ်းပါဗျာ၊ခင်ဗျားတို့ကျေနပ်အောင်လုပ်ပေးထားတဲ့ပန်းခြံထဲက ပုရွက်ဆိတ်ကိုက်တဲ့မြက်ခင်းပေါ်မှာသွားပြီးပုရွက်ဆိတ်အကိုက်ခံရင်းနားနေလိုက်စမ်းပါ။ဆင်းရဲတယ်ဆိုတာ
ဘာလဲသွားခံစားလိုက်စမ်းပါ။ကျုပ်တော့ တပ်မတော် ရမ်ကိုသောက်ခဲ့ရတဲ့ ဆင်းရဲခဲ့တဲ့ဘဝကို ပြန်ရောက်မှာ သိပ်စိုးရိမ်နေပြီဗျ။တကယ်။
ဒါနဲ့နေပါဦး။အခုခင်ဗျားနဲ့ကျုပ်သောက်ထားခဲ့ကြတဲ့လက်ဖက်ရည်ဖိုးဘယ်သူရှင်းမှာတဲ့လဲ။ ကျုပ်ကပိုက်ဆံဆိုဘယ်ပိုက်ဆံမှကိုင်တတ်တော့တာမဟုတ်ဖူး။အရင်ကလည်းကျုပ်မိန်းမကဘဲချယ် လှယ်ခဲ့တာ၊အခုလည်းကျုပ်နေတဲ့လူနာဆောင်ကသူနာပြုဆရာမကြီးဆီကခဏဆိုပြီးခွင့်တောင်းထွက် လာရတာ။စိတ်ကျန်းမာရေးသူနာပြုဆရာမကြီးပီပီစိတ်သဘောထားသိပ်ကောင်းရှာတာဗျ။စည်းကမ်း
အရတော့ကျုပ်တို့ပိုက်ဆံကိုင်ခွင့်မရှိကြဘူး။အဲဒီတော့ကျုပ်အကြောင်းသိပ်သိချင်နေတဲ့ခင်ဗျားကပဲကျ သင့်ငွေရှင်းလိုက်ပေတော့။ကျုပ်ကတော့မဆင်းရဲချင်တော့လို့ပါဗျာ၊မဆင်းရဲချင်တော့လို့ပါဗျ။