အုန်းနိုင် - ၁၉၉၁ခုနှစ် အမျိုးသားဒီမိုကရေစီအဖွဲ့ ချုပ်မှ ဒေါ်အောင်ဆန်းစုကြည်ကို ထုတ်ပယ်ခြင်း (၁၅)
(မိုးမခ) သြဂတ်စ် ၂၆၊ ၂၀၁၅
(မိုးမခ) သြဂတ်စ် ၂၆၊ ၂၀၁၅
• အမျိုးသားရေးထက် ပုဂ္ဂိုလ်ရေးကို အလေးထားသူ
နောက်နှစ်ပတ်လောက်ကြာတော့ စာတိုက်က ပို့တဲ့စာနှစ်စောင်ရတယ်။ တစောင်ကကျနော့်အတွက်။ နောက်တစောင်က ရုံးအတွက်ပါ။ စာပါအကြောင်းအရာကတော့ ...
“ပြင်းထန်စွာသတိပေးခြင်း”တဲ့
(၁) ဦးအုန်းနိုင်သည် ဗဟိုတာဝန်ပေးချက်အရ ပဲခူးတိုင်းစည်းရုံးရေးအဖွဲ့ဝင်များ ပေါင်းတည်မြို့သို့ လာရောက်စဉ်က လေး လေးစားစား စိတ်ပါဝင်စားစွာဖြင့် တိတိကျကျ ပူးပေါင်းကူညီဆောင်ရွက်မှုမရှိခြင်း။
(၂) အဖွဲ့ချုပ်သည် ပုဂ္ဂိုလ်ရေးပေါ်တွင်ရပ်တည်၍မနေပဲ အမျိုးသားရေးကိုသာ ရပ်တည်နေသည်ကို ဦးအုန်းနိုင်သည် အမျိုး သားရေးထက် ပုဂ္ဂိုလ်ရေးအပေါ်ကို အလေးထားနေကြောင်းတွေ့ ရခြင်း။
(၃) ဦးအုန်းနိုင်သည် အဖွဲ့ချုပ်၏ စုပေါင်းတာဝန်ယူမှု စည်းလုံးညီညွတ်မှုတို့ကို ထိခိုက်စေသော အထက်ဖော်ပြပါ ပြုမူဆောင် ရွက်ခဲ့ခြင်းများ။ (ဥပမာ- အစည်းအဝေးမတက်ရောက်ခြင်း..) ကြောင့် ပြင်းထန်စွာသတိပေးလိုက်သည်။
ဒီစာကို အမျိုးသားဒီမိုကရေစီအဖွဲ့ချုပ် အတွင်းရေးမှူးဆိုပြီး ဦးလွင် လက်မှတ်ထိုးပါတယ်။ စွဲချက်မှာမပါတဲ့ “အမျိုးသား ရေးထက် ပုဂ္ဂိုလ်ရေးအပေါ် အလေးထားနေကြောင်း တွေ့ရခြင်း” ဆိုတာ ထူးခြားပါတယ်။ ဒါဟာ ဒေါ်အောင်ဆန်းစုကြည်ကို ပုဂ္ဂိုလ်ရေး ယုံကြည်အားထားမှုရှိတဲ့သူလို့ ညွှန်းဆိုလိုက်တာပါပဲ။ အဖွဲ့ချုပ်ဗဟိုမှာ ဒေါ်အောင်ဆန်းစုကြည်ရဲ့ကဏ္ဍကို ပယ် လိုက်ပြီလို့ ဖော်ပြလိုက်တာပါပဲ။
ဒီစာ ကျနော်တို့လက်ထဲရောက်တာ (၁၃.၁၂.၉၁) နေ့ပါ။ စာထွက်တဲ့နေ့က ၉ ရက်နေ့ပါ။ ကျနော်တို့မြို့ နယ်ကော်မတီအစည်း အဝေးခေါ်ကြပြန်ပါတယ်။ စိတ်မကောင်းအလွန်ဖြစ်ကြပါတယ်..။ ကျနော့်ကိုပြင်းထန်စွာသတိပေးတာကြောင့် မဟုတ်ပါ။ အဖွဲ့ချုပ်ဗဟိုမှာ ပုဂ္ဂိုလ်ရေးထက် အမျိုးသားရေးကို ဦးစားပေးတယ်ဆိုတဲ့ပျားရည်သုတ်ထားပြီး အနှစ်သာရခါးသီးလှတဲ့ ဒေါ်အောင်ဆန်းစုကြည်ပစ်ပယ်ရေးကို လက်ခံလိုက်ကြပြီလို့ သိလိုက်ရလို့ဖြစ်ပါတယ်။ ဒေါ်အောင်ဆန်းစုကြည်ရဲ့ ခေါင်း ဆောင်မှုကို ဆက်လက်ဆွဲကိုင်နေရင် အပြစ်ပေးခံရမယ်ဆိုတဲ့သဘောထားကြောင့် စိတ်မကောင်းကြပါ။ အခုမှ ၁၉၉၁ ခုနှစ် ကုန်တော့မယ့်ဆဲဆဲပဲ ရှိပါသေးတယ်။ ဒေါ်အောင်ဆန်းစုကြည်ရဲ့အရှိန်နဲ့ အပြတ်အသတ် အနိုင်ရခဲ့တဲ့ရွေးကောက်ပွဲကြီးပြီးတာ နှစ်နှစ်တောင်မပြည့်သေးပါဘူး။ တနှစ်နဲ့ ခုနစ်လပဲ ရှိပါသေးတယ်။ တယ်လဲ ကျေးဇူးကန်းကြပါလား..။
အထူးသဖြင့် ဒေါ်အောင်ဆန်းစုကြည်ကို ကမ္ဘာကတောင် ဒီမိုကရေစီတိုက်ပွဲမှာ ရဲရဲဝံ့ဝံ့ ခုခံတိုက်ပွဲဝင်နေတဲ့ ဒီမိုကရေစီခေါင်း ဆောင်အဖြစ် အသိအမှတ်ပြုပြီး နိုဗယ်ဆုတောင်ပေးခံရထားတဲ့အချိန်မျိုးမှာ ဗဟိုအလုပ်အမှုဆောင်နဲ့ အပေါင်းပါတသိုက်ရဲ့ သဘောထားဟာ အလွန်အံ့သြစရာကောင်းရုံသာမက ၀မ်းနည်းစက်ဆုတ်ဖွယ်ရာ ကောင်းလှပါတယ်။ ဒီအယူအဆကိုတော့ သေသေချာချာပြန်တိုက်ကြမယ်လို့ ကျနော်တို့မြို့ နယ်ကော်မတီက ဆုံးဖြတ်ကြပါတယ်။ ဒါပေမဲ့ ဗဟိုအလုပ်အမှုဆောင်ရဲ့ သုတ်ထားတဲ့ပျားရည်ကို အရင်ပထမ ဆေးကြောသုတ်သင်ပစ်ကြဦးမယ်လို့ ယူဆကြပါတယ်။ ဒါကြောင့် ကျနော့်ကိုအရေးယူ တဲ့စာမှာပါတဲ့ “အမျိုးသားရေးထက် ပုဂ္ဂိုလ်ရေးအပေါ် အလေးထားနေကြောင်း…” ဆိုတဲ့စကားရပ်ကို သေသေချာချာ နားမ လည်သဖြင့် ထပ်မံပြီး တိတိကျကျ ရှင်းလင်းပေးပါလို့ ဗဟိုကို အရင်စာတင်ကြမယ်လို့ ပြင်ကြပါတယ်..။
ဒါပေမယ့် စာမတင်ဖြစ်ခင်မှာပဲ ပျားရည်များ စင်သွားစေတဲ့ ဗဟိုအလုပ်အမှုဆောင်ရဲ့  အခါးသက်သက်ကို တွေ့လိုက်ကြရပါ တယ်။
(အပိုင်း ၁၆.. ဒေါ်အောင်ဆန်းစုကြည်ကို ထုတ်ပစ်သတဲ့လား.. ကို ဆက်ပါမယ်)