မောင်မောင်စိုး - တရုတ်ပေါ်လစီအရွေ့နှင့် မြန်မာ့ပြည်တွင်းရေး (၄)
(မိုးမခ) ဇွန် ၂၁၊ ၂၀၁၅
(မိုးမခ) ဇွန် ၂၁၊ ၂၀၁၅
(ဃ) မြန်မာပြည်တွင်းရှိ တရုတ်စီးပွားရေးနှင့် တရုတ်ဆန့်ကျင်ရေး
၁။ လက်ပတောင်း ကြေးနီစီမံကိန်း
အသံအထွက်ဆုံး လူသိအများဆုံး တရုတ်တို့ နာမည်အပျက်ဆုံးစီမံကိန်းဖြစ်သည်။ ယခင် မဆလခေတ် ဂျပန်နှင့်လုပ်စဉ် ကလည်း အသံမထွက် နဝတခေတ်အစောပိုင်း ကနေဒါ အိုင်ဗင်ဟိုနှင့်လုပ်စဉ်ကလည်း အသံမထွက်ခဲ့ဘဲ ယခုတရုတ်တို့၏ ဝမ်ပေါင်နှင့်ကျမှ ပွက်လောရိုက်ကုန်တော့သည်။
မြန်မာဖက်မှ ယခင်အစိုးရနှင့် ဂျပန် ကနေဒါကုမ္ပဏီတို့ တိုက်ရိုက်လုပ်သော်လည်း ယခု စစ်တပ်ဦးပိုင်ပါ ပါလာသည်။ တရုတ်ဖက်ကလည်း စစ်လက်နက်ပစ္စည်းကုမ္ပဏီကြီးတခု၏ လက်အောက်ခံကုမ္ပဏီဖြစ်သည်။ ယခင်နှင့်မတူသည်မှာ ဒေသခံတို့ ဘိုးစဉ်ဘောင်ဆက်လုပ်လာသော ယာမြေ ထောင်ပေါင်းများစွာအား သိမ်းပိုက်၍ စီမံကိန်းနယ်မြေအဖြစ်သတ်မှတ်လိုက်၍ ဖြစ်သည်။ ဒေသခံများ၏ သဘောပေါက်နားလည်မှု မပါသည့်ပြင် လျော်ကြေးငွေမှာလည်း မစို့မပို့ဖြစ်၍ ဒေသ ခံတို့၏ ဆန့်ကျင်မှုခံရတော့၏။
လက်ပတောင်းတောင်စီမံကိန်းနှင့်ပတ်သက်ပြီး သဘာဝပတ်ဝန်းကျင် ထိမ်းသိမ်းရေးသမားများကလည်း ဆန့်ကျင်ကြ သည်။ လယ်သိမ်းခံ တောင်သူများကလည်း ဆန့်ကျင်ကြသည်။ ထိုဆန့်ကျင်မှုများကို အစိုးရ တာဝန်ရှိသူများက ကိုင်တွယ် ပုံမှာ ရက်စက်ကြမ်းတမ်း၏။ ဆန့်ကျင်ကန့်ကွက်သူ သံဃာတော်အများအပြား မီးလောင်ဒဏ်ရာရသည်။ လူအများအပြား ဒဏ်ရာရသည်။တောင်သူအမျိုးသမီးကြီးတဦး သေနတ်မှန်ပြီး သေဆုံးသည်။ ထို့ပြင်အစိုးရ တာဝန်ရှိသူများ၏ ဖြေရှင်းမှု အချို့မှာ ရက်စက်ကြမ်းတမ်းသည့်အပြင် အမြော်အမြင်နည်းရာလည်းကျသည်။ တရုတ်နှစ်ဦးအား လယ်သမား များက ဓါး စားခံဖမ်းသည်ဟူသောပြဿနာဖြစ်ပွားရာတွင် ညှိနှိုင်းပြုသည်ထက် သေနတ်ပစ်ဖောက် အတင်းဝင်ရောက်ရာ အဖမ်းခံရ သည့် တရုတ်များ အသက်အန္တရာယ်စိုးရိမ်၍ တရုတ်ကုမ္ပဏီမှ ရဲများအားတားပြီး သူတို့ကိုယ်တိုင်ညှိယူသည်။ မြန်မာအစိုးရ တာဝန်ရှိသူများ ပြဿနာဖြေရှင်းရာတွင် အမြှော်အမြင်နည်းရာကိုပြသည်။ တဖန် ကျောင်းသူတဦးအား ပြန်ပေးမှုဖြင့် ရုံးတင် ရာ တရုတ်တို့ကဘဲ အမှုပိတ်ပေးလိုက်ရသည်။
ဤသို့ ဒေသခံတို့၏ အကျိုးစီးပွားထိခိုက်မှုအခြေခံပေါ်တွင် အစိုးရတာဝန်ရှိသူများ၏ဖြေရှင်းပုံ ရက်စက်ကြမ်းတမ်းမှု အမြှော် အမြင်နဲမှုတို့ကြောင့် ပြဿနာပိုကြီးထွားလာ၏။ ထို့နောက် ဒေါ်အောင်ဆန်းစုကြည်၏ လက်ပတောင်းတောင် စုံစမ်းရေး ကော်မရှင် အစီရင်ခံစာထွက်လာသည်။ မျှတသည့် သဘောထား ရှဥ့်လည်းလျှောက်သာ ပျားလည်းစွဲသာသည့် သဘော ထားကိုဖေါ်ပြသည်။ ဒေါ်စု၏ လက်ပတောင်းတောင်အစီရင်ခံစာသည် တရုတ်တို့အတွက် ကျေနပ်ဘွယ်ဖြစ်သည်။
ဒေသခံများအတွက်တော့ လက်ပတောင်းအစီရင်ခံစာအတိုင်း တကယ်အကောင်ထည် ဖော် မဖော် အငြင်းပွားနေဆဲဖြစ်သည်။
ထိုအခြေအနေများအောက်တွင် တရုတ်ဆန့်ကျင်ရေးလေထုထွက်ပေါ်လာသည်မှာ မဆန်းပေ။ ရန်ကုန် တရုတ်သံရုံး မန္တလေးရှိ ကောင်စစ်ဝန်ရုံးတို့အားဦးတည်၍ ဆန္ဒပြပွဲများ ဖြစ်လာတော့သည်။
၂။ သဘာဝဓာတ်ငွေ့ပိုက်လိုင်း
မြန်မာပြည်အနောက်မှ အရှေ့သို့ ဖြတ်သွယ်ထားသည့် ရှည်လျားသည့်ပိုက်လိုင်းတလျှောက် များစွာသောလယ်သမားများ၏ မြေယာပိုင်ဆိုင်မှု ထိပါးခံရသည်။ သို့သော် လက်ပတောင်းကဲ့သို့ ပြဿနာကြီးကြီးမားမား မပေါ်ခဲ့ပေ။ အဘယ်ကြောင့်ဆို သော် ထိခိုက်ဆုံးရှုံးသူတို့မှာ များသော်လည်း လက်ပတောင်းကဲ့သို့ လူများ စုစုစည်းစည်းရှိမနေ။ ပိုက်လိုင်းတလျှောက် ပျံ့ကြဲနေ၍ ပြဿနာကြီးတော့မပေါ်သော်လည်း မကျေနပ်မှုက ဒုနဲ့ ဒေးပင်။
လျော်ကြေးပေးသည်ဆိုသော်လည်း လျော်ကြေးငွေ ဘယ်နားနေမှန်း မသိမှီကထဲကပင် ပိုက်လိုင်းသွယ်တန်းရန် မြေများကို
အသုံးပြုပြီးဖြစ်သည်။ တကယ်တမ်းဆိုလျှင် အစိုးရခွင့်ပြု၍သာ တရုတ်တို့တို့ ပိုက်လိုင်းချခွင့်ရသည်ဖြစ်သော်လည်း ဒေသခံ တို့အဘို့ အစိုးရနှင့်အတူ တရုတ်အား ဆန့်ကျင်လာကြတော့သည်။
၃။ တကောင်းနီကယ်စီမံကိန်းနှင့် ကျောက်ဖြူရေနက်ဆိပ်ကမ်း
အဆိုပါတရုတ်စီမံကိန်း ၂ ခုတွင် တရုတ်အလုပ်သမား သောင်းဂဏာန်းအချို့အလုပ်လုပ်နေပြီး မြန်မာအလုပ်သမား အလွန်နဲပါးသည်။ ကျောက်ဖြူရေနက်ဆိပ်ကမ်းနှင့်ပတ်သက်ပြီး အစောပိုင်းက ဆန္ဒပြပွဲများဖြစ်သေးသော်လည်း နောက်ပိုင်း ရခိုင်တွင် ကုလား ဘင်္ဂါလီအရေး ထိပ်တက်ပြီး မြှုပ်သွားသည်။
ထိုစီမံကိန်းနှစ်ခုမှာ ဒေသခံများနှင့် ပြဿနာကြီးကြီးမားမားမဖြစ်သော်လည်း အမြှော်မြင်ရှိသော မြန်မာပြည်သားများကမူသိပ်မနှစ်သက်လှ။ ဤစီမံကိန်း နှစ်ခုတွင် တရုတ်ပြည်မှ အလုပ်သမား သုံးသောင်းခန့် လာရောက် အလုပ်လုပ်နေသော်လည်း ပြည်တွင်းမှ ဒေသခံများ အလုပ်ကိုင်လည်းမရ အတတ်ပညာလည်းမရ ဒေသခံများအတွက် တိုက်ရိုက်အကျိုးမရှိပေရာ ဒေသခံများ လိုလိုလားလားရှိသည့် စီမံကိန်းများမဟုတ်ပေ။
၎။ မြန်မာလည်း မညံ့ တရုတ်လည်း လူလည်
ဤသို့ ဒေသခံများအနေနှင့် မိမိတို့ ဘိုးစဉ်ဘောင်ဆက် ပိုင်ဆိုင်သောမြေယာများကို လျော်ကြေးငွေ အနည်းငယ်မျှနှင့် စွန့်လွှတ်ရသောအခါ တရုတ်တို့အား ဈေးပေါပေါဖြင့် မြန်မာမြေများအား ရောင်းပေးလိုက်ရပြီဟု အချို့က ဆိုကြသည်။
ဒေသခံများ ရသည့်လျော်ကြေးငွေ နည်းသည်ကတော့ ပြသနာတခုဖြစ်သည်။ သို့သော် မြန်မာမြေများကို ဈေးပေါပေါဖြင့်ရောင်းရလောက်အောင် မြန်မာစစ်ခေါင်းဆောင်များ ညံ့ပါ့မလား။ ထိုက်သင့်သောဈေးမရဘဲ မိမိအကျိုးမရှိဘဲ ပေါပေါပဲပဲ ဈေးနှင့် ရောင်းရလောက်အောင် မြန်မာစစ်ခေါင်းဆောင်များ ညံ့မည်မထင်ပါ။ တကယ်ပိုင်ဆိုင်သူ ဒေသခံများထံ ထိုက်သင့် သော ငွေကြေးရောက်မလာသည်ကသာ ပြသနာ တခုဖြစ်ပေလိမ့်မည်။
တဖက်ကလည်း တရုတ်တို့သည် မြန်မာအာဏာပိုင်များနှင့်ပေါင်းပြီး သူတို့အကျိုးစီးပွား မြတ်သထက်မြတ်အောင်လုပ်လာကြ တော့သည်။ တရုတ်တို့သည်လည်း စီပွားရေးတွင် လူလည်များဖြစ်ကြောင်း ပြတော့သည်။
၅။ လူပါးဝသော တရုတ်များ
၂၀၀၉ ခုနှစ် မေခမြစ်ဘေး ချီဗွေမြို့အထက်တွင် ကိုယ်တွေ့ကြုံခဲ့ရသည်များကိုပြောပြလိုပါသည်။ ထိုအချိန်က တရုတ်စွမ်း အင်ရင်းနှီးမြှုပ်နှံမှုကုမ္ပဏီကြီးဖြစ်သည့် CPI ဧရာဝတီမြစ်ဆုံအထက် ရေအားလျှပ်စစ်စီမံကိန်းများအတွက် အကောင်အထည် ဖော်စဉ်ကာလဖြစ်သည်။CPI နှင့်အတူ Asia World လည်းပါသည်။
ချီဗွေမြို့အထက်ဖက် မေခမြစ်ရိုးအတိုင်း ၁၄ မိုင်ခန့်အထိ မြေသား တိုင်းထွာရေးများလိုက်လုပ်သည်။ သူတို့လိုက်လုပ်သည့်
မြစ်ရိုးတလျောက် ၁၄ မိုင်အတွင်း ရွာလေးရွာရှိသည်။ မရူးခေါ် လော်ဝေါ်ရွာများဖြစ်ကြသည်။ ရွာတရွာနှင့် တရွာကြား တွင် ရွာသူရွာသားများပိုင်ဆိုင်ကြသော လိမ္မော်ခြံများ အခင်းများရှိသည်။ ယင်းခြံများအတွင်း မည်သည့်ရွာလူကြီး မည်သည့်ပိုင်ရှင် မျှအကြောင်းမကြားဘဲ တွင်းကြီးများတူး၍ မြေသားစမ်းသပ်မှုပြုသည်။ ပြီးလျှင် ဒီအတိုင်းထားခဲ့ရာ ကျွဲများ ကျသေသည်။ ၂၀၀၉ ခုနှစ် ဧပြီလလောက်ထိ ကျွဲဆယ်ကောင်ကျော်သေပြီး အလျော်လည်း မရဟုဆိုသည်။ ထို့ပြင် ရွာအတွင်းရှိ အချို့အိမ် ဝင်းများအတွင်း၌လည်း မည်သို့မျှအကြောင်းမကြား ခွင့်ပြုချက်မယူ လျော်ကြေးမပေးဘဲ မြေသားစမ်းသပ်သည့် ကျင်းကြီး များကို CPI မှတရုတ်များ ခပ်တည်တည် ဝင်တူးကြသည်။ ဒေသခံ လော်ဝေါ်ရွာသားများ ငုတ်တုတ်ကြည့်နေရသည်။ ဒေသခံအာဏာပိုင်များ မိမိတိုင်းရင်းသားများအား မျက်ကွယ်ပြု၍ ခွင့်ပြုလိုက်ဟန်ရှိသည်။
မိမိဒေသခံများအား မည့်သည့်အကာကွယ်မှမပေးသည့် အာဏာပိုင်များ၏လုပ်ရပ်သည် စိတ်ပျက်ဖွယ်ဖြစ်သကဲ့သို့ CPI တရုတ်များသည် လည်းစိတ်ပျက်ဖွယ်ဖြစ်သည်။ သင့်အနေနှင့်မည်သည့်လူမျိုး မည်သည့်နိုင်ငံသားဖြစ်စေ သင့်ပိုင် ခြံဝင်း အတွင်း၌ သင့်ခွင့်ပြုချက်မရှိဘဲ နိုင်ငံခြားသားတစ်ဦးက ဝင်ရောက်ထင်ရာစိုင်းနေမည် လုပ်ချင်ရာလုပ်မည်ဆိုပါက သင် မည်သို့ ခံစားရမည်နည်း။ CPI တရုတ်များအနေနှင့် သူတို့အိုးအိမ်အတွင်း ဤသို့အပြုခံရမည်က မည်သို့နေမည်ကို ကိုယ် ချင်းစာသင့်သည်။ ဤCPI ကုမ္ပဏီကိုကြီးကြပ်နေသော တရုတ်အစိုးရအနေနှင့်လည်း ဤသို့သောအချင်းအရာ ဖြစ်သင့် မသင့် စဉ်းစားသင့်သည်။
တရုတ်တို့၏ စီးပွားရေးလုပ်ငန်းများအစပြုပြီး မြန်မာတို့၌ တရုတ်ဆန်ကျင်ရေးပေါ်လာရခြင်းသည် အကျိုးစီးပွားသက်သက် သာမက မြန်မာအာဏာပိုင်နှင့်ပေါင်း၍ တရုတ်အချို့ ထင်ရာစိုင်း လူပါးဝခြင်းကြောင့်ဖြစ်ပေသည်။ ဤပြဿနာမျိုးများကို မြစ်ကြီးနားတွင်လည်းကောင်း၊ သဘာဝဓါတ်ငွေ့ပိုက်လိုင်းတွင်လည်းကောင်း၊ လက်ပတောင်းတောင်တွင်လည်းကောင်း နေရာတိုင်းတွင် တွေ့ရသည်။
သို့ဖြစ်ရာ တရုတ်စီးပွားရေးလုပ်ငန်းများမှစ၍ တရုတ်ဆန့်ကျင်ရေးနှင့် တရုတ်မုန်တီးမှုများဖြစ်မလာစေရန် မြန်မာပြည်ရှိ တရုတ်ကုမ္ပဏီများအနေနှင့် နိုင်ငံတကာစည်းကမ်း နည်းလမ်းများအတိုင်း သိက္ခာရှိစွာ လုပ်ဆောင်ဘို့လိုသည်။ မြန်မာ အာဏာပိုင်များနှင့်ပိုင်လျှင် လုပ်ချင်တာလုပ်လို့ရပြီဆိုကာ မရမ်းကားဘို့လိုသည်။ အရပ်စကားနှင့်ပြောရလျှင် လူပါးမဝဘို့ လိုသည်။
၆။ တရုတ်တို့အပြောင်းအလဲ
မြန်မာပြည်တွင်း တရုတ်ဆန့်ကျင်ရေးလေထုတက်သည့်အချိန်က တိုက်တိုက်ဆိုင်ဆိုင် မြန်မာပြည်တွင်း ဒီမိုကရေစီအပြောင်း အလဲများနှင့် တိုက်ဆိုင်နေ၍ တရုတ်တို့ လျင်လျင်မြန်မြန် တုန့်ပြန်လာသည်။ အတိုက်အခံပါတီ တိုင်းရင်းသားပါတီနှင့် စာပေ အနုပညာ နယ်ပယ်အသီးသီးနှင့် ကိုယ်စားလည်များကို တရုတ်ပြည်ဖိတ်သည်။ မြန်မာတို့၏အသံကို နားထောင် သည်။ နိုင်ငံတကာကုမ္ပဏီကြီးတန်းမဝင်သေးသော တရုတ်ကုမ္ပဏီများ၏အားနည်းချက်များကို ဝန်ခံလာသည်။ ဒေသခံတို့ ၏ အကျိုးစီပွားအတွက်လုပ်ဆောင်ပေးပါမည်ဟု ကတိပြုလာသည်။ တရုတ်အနေနှင့် လုပ်စရာများစွာရှိသေးသော်လည်း မြန်မာပြည်သူတွေဘက်သို့ မျက်နှာမူသောလမ်းကြောင်းကို ရွေးချယ်လာသည်။ မြန်မာပြည်သူများဘက်သို့ ပြန်လည်မျက် နှာမူလာသည်ဟု ဆိုရပေမည်။
ဤနေရာတွင် တရုတ်အစိုးရအနေနှင့် စီးပွားရေးနယ်ပယ်တွင် မြန်မာနှင့်ပတ်သက်ပြီး ပြောင်းလဲစရာ အဓိကအချက်တော့ ကျန်နေသေးသည်။ ၎င်းမှာ တရုတ်အနေနှင့် သူခိုးလက်ခံလုပ်နေခြင်းကို ရပ်တန့်ပေးဘို့ လိုသည်။
၇။ သစ်စီးပွားရေးနယ်က သူခိုးလက်ခံတရုတ်
တရုတ်မြန်မာ နှစ်နိုင်ငံကုန်သွယ်ရေးတွင် အခွန်ရှောင်လိုသောကုန်သည်များမှ နှစ်ဖက်ကုန်စည်များကို ခိုးသွင်းခိုးထုတ်လုပ်ကြသည်ရှိသည်မှာ မထူးဆန်းလှပေ။ သို့သော် ချွင်းချက်တော့ထားဘို့ လိုသည်။ ၎င်းမှာ သစ်မှောင်ခိုဖြစ်သည်။ သစ်တော ထိမ်းသိမ်းကာကွယ်ခြင်း သဘာဝပတ်ဝန်းကျင်ထိမ်းသိမ်းခြင်းသည် တိုင်းပြည်တိုင်းက အလေးထားဆောင်ရွက်နေကြသည်။
တရုတ်ပြည်အနေနှင့်လည်း သစ်တောကာကွယ်ထိမ်းသိမ်းရေးကို ပြင်းထန်သည့် ဥပဒေများဆောင်ရွက်နေသည့်နိုင်ငံဖြစ်သည်။ နိုင်ငံကြီး တနိုင်ငံဖြစ်သည်။ ဤသို့သောနိုင်ငံတခုမှ မြန်မာပြည်တွင်းမှ သစ်များခိုးထုတ်ခြင်းကို လက်ခံပေးသည့် သူခိုးလက်ခံလုပ်နေသည်မှာ စိတ်ပျက်ဖွယ်ဖြစ်သည်။ ဘယ်သူသေသေ ငတေမာရင်ပြီးရောဆိုသည့် စီးပွားရေးသမား တချို့ကလွဲ၍ မြန်မာပြည်ရှိ တိုင်းချစ်ပြည်ချစ် မြန်မာတိုင်းရင်းသားတိုင်း လက်မခံနိုင်သောကိစ္စဖြစ်သည်။
ပြီးခဲ့သောလများအတွင်း တရုတ်မြန်မာနယ်စပ် နမ့်ခမ်းအနီး
တရုတ်ပြည် လုံတောင်းမြို့နားမှ ညစဉ် သစ်ကားကြီး အစီးငါးဆယ်ခန့် မြန်မာပြည်တွင်းမှ တရုတ်ပြည်တွင်းသို့ ဝင်သည်။ တစ်စီးလျှင် သစ်တန် ၃၀ ခန့်တင်နိုင်သည့် ၂၂ ဘီးကားကြီးများလည်းပါသည်။ တရုတ်ပြည် လုံတောင်းဝင်သည်နှင့် ကား များသည် တစ်စီးချင်း လမ်းခွဲ၍မောင်းကြသည်။ အုပ်စုလိုက်မောင်းလျင် သိပ်ရုပ်ပျက်မည်စိုး၍ထင်သည်။ ဤသည်တို့မှာ မြန်မာ့ဘက်က အကျင့်ပျက်အာဏာပိုင်များ လဘ်ယူပြီးလွှတ်လိုက်ခြင်းဖြစ်ပေမဲ့ တရုတ်ဘက်ကတော့ တရုတ်ရွှေလီခရိုင် အစိုးရထံ တရားဝင်အခွန်ဆောင်ဝင်ရောက်ခြင်းဖြစ်သည်။
၂၀၁၅ မတ်လကုန်ပိုင်းက ဗန်းမော် ကိုက်ထိပ်ကြား သစ်မှောင်ခိုကားတန်းကို တိုက်လေယာဉ်သုံး၍ ဖမ်းဆီးသည်ကို တွေ့ရသည်။ သို့သော် တရုတ်သစ်မှောင်ခို လန့်မသွား ရပ်မသွားကြချေ။ ၂၀၁၅ ဧပြီလအတွင်း ရွှေလီမှ တရုတ်သစ်မှောင်ခို တဖွဲ့ ကောလင်း ဝန်းသိုဖက်သို့ သစ်ခိုးထုတ်ရန် သွားကြသည်ဟုဆိုသည်။ သူတို့အဆိုအရ မတ်လကုန်ကဖြစ်သည့်ပြဿ နာမှာ အပေးအကမ်းနည်း၍ဖြစ်သည်။ ပိုင်ရာဆိုင်ရာကို ကောင်းကောင်းပေးလျှင် ပြဿနာမရှိဟု ဆိုသွားသေးသည်။
ဤကိစ္စတွင် မြန်မာ အကျင့်ပျက်အာဏာပိုင်အချို့ကြောင့် ဤပြဿနာရှိသည်မှာမှန်သော်လည်း တရုတ်အာဏာပိုင်များသစ် ခိုးထုတ်မှုကို တရားဝင်လက်ခံပေးနေသည်ကလည်း ပြဿနာကြီးတရပ်ဖြစ်သည်။ ဤနှစ်အတွင်း မြစ်ကြီးနား ဝိုင်းမော် ဘက်ခြမ်းတွင် သစ်ခိုးထုတ်ရာတွင် တရုတ်ရာနှင့်ချီ၍ဖမ်းမိသလို သစ်ကားများလည်း ရာနှင့်ချီ၍ ဖမ်းမိသည်ကိုတွေ့ရ သည်။ဤတရုတ် သစ်ခိုးအဖွဲ့မှာ တရုတ်ပြည် ထိန်ချုံးခရိုင်အစိုးရနှင့်ပတ်သက်နေသည်ဟူသော သတင်းများကြားရသည်။ ထိုတရုတ်သစ်သူခိုးများအရေးတွင် တရုတ်သံတမန်များ ပြေးလွှားနေသည်ကိုတွေ့ရသည်။
တရုတ်ကဲ့သို့ တိုင်းပြည်ကြီးတခုအနေနှင့် သဘာဝပတ်ဝန်းကျင်ထိမ်းသိမ်းရေး သစ်တောထိမ်းသ်ိမ်းရေးဆိုသည်ကို မိမိတိုင်း ပြည်တွင်းသာလုပ်ပြီး ကျန်သောတိုင်းပြည်ငယ်များ ဖြစ်ချင်ရာဖြစ်ဆိုပါက အများလေးစားမည်မဟုတ်ပေ။ ထို့ပြင် မြန်မာပြည် တွင်းမှ သစ်ခိုးထုတ်ခြင်းသည် မြန်မာပြည်မှ အကျင့်ပျက်အာဏာပိုင်အချို့မှ အစပြုသည်မှာ မှန်သော်ငြားလည်း တရုတ် အစိုးရအနေနှင့်မူ မြန်မာပြည်မှ အကျင့်ပျက်များနှင့်ပေါင်း၍ သူခိုးလက်ခံလုပ်ရန် မသင့်ဟုဆိုရပေမည်။ မြန်မာပြည်သူ အများအကျိုးစီးပွားနှင့်အတူ ရှိသင့်သည်။ သို့မှသာ မြန်မာပြည်သူများ၏ စိတ်ချယုံကြည်မှုကို ရနိုင်မည်။ သို့မဟုတ်ဘဲ တရုတ်အစိုးရကိုယ်တိုင်က သစ်သူခိုးလက်ခံလုပ်နေလျှင် အမြီးကျက် အမြီးစားခေါင်းကျက် ခေါင်းစာလုပ်နေသည့် တရုတ် အစိုးရအား မြန်မာတို့ယုံကြည်ဘို့ ခက်ခဲပေလိမ့်မည်။
၈။ တရုတ်ဆန့ကျင်ရေးလေထုဖျက်ဘို့ရန် မြန်မာတို့၏သဘောထား
နယ်ပယ်အသီးသီးမှ မြန်မာတို့အား ဖိတ်ကြားရှင်းလင်းခြင်း အကြံဉာဏ်တောင်းခြင်း သဘောထားမေးခြင်းများ ပြုခဲ့ရာအများ စု၏သဘောထားမှာ ဒေါ်အောင်ဆန်းစုကြည်နှင့် တရုတ်သမတ လက်ဆွဲနှုတ်ဆက်လိုက်ပါဟု ပြောသည်ဟု သိရသည်။ ဒေါ်အောင်ဆန်းစုကြည်နှင့် တရုတ်သမတ လက်ဆွဲနှုတ်ဆက်လိုက်တာနှင့် တရုတ်ဆန့်ကျင်ရေးလေထုမှိန်သွားပြီး တရုတ် မြန်မာ ချစ်ကြည်ရေး အရမ်းကောင်းသွားမည်ဟု ဆိုကြသည်။ သို့သော် ဤသို့ဆိုခြင်းမှာ ဒေါ်အောင်ဆန်းစုကြည်အား ဘေ ကျင်းရှိ ပြည်သူ့ခန်းမသို့ဖိတ်ခေါ်ပြီး တရုတ်သမတ ကလက်ဆွဲနှုတ်ဆက်ရုံတော့မဟုတ်။ ဒေါ်အောင်ဆန်းစုကြည်ဘက်မှ တရုတ်တို့ရပ်တည်ပေးဘို့ တရုတ်တို့ ဘက်ပြောင်းဘို့ပြောမှန်း တရုတ်တို့ကောင်းစွာသိကြသည်။
မည်သို့ပင်ဖြစ်စေ ဘေကျင်းရှိ ပြည်သူ့ခန်းမအတွင်းတရုတ်သမတ ရှီကျင့်ပင်နှင့် ဒေါ်အောင်ဆန်းစုကြည်တို့ အများရှေ့ မှောက်၌ လက်ဆွဲနှုတ်ဆက်တော့ ပြီးပြီ။ ရှေ့လျောက် တရုတ်တို့ ဒေါ်အောင်ဆန်းစုကြည်ဖက်က ရပ်တည်မလား တရုတ်တို့ဘက်ပြောင်းမလားဆိုသည်ကိုတော့ ဆက်လက်စောင့်ကြည့်သွားရန် လိုပေလိမ့်မည်။ ဆက်လက်သုံးသပ်ကြည့်ဘို့ လို ပေလိမ့်မည်။
ဆက်လက်ဖေါ်ပြပါမည်