ဝင်းပအိန္ဒြာ ၏ ခိုင်မြဲပါစေ တေးစီးရီးသစ် မိတ်ဆက်
ရန်နောင်(ဗိုလ်တထောင်) မိုးမခ စက်တင်ဘာ ၁၉ -၂၀၁၅
အဆိုတော် ဝင်းပအိန္ဒြာ ၏ ` ခိုင်မြဲပါစေ ´ တေးစီးရီးသစ် စာနယ်ဇင်းမိတ်ဆက်ပွဲကို ရန်ကုန်မြို့ ဗိုလ်ချုပ်လမ်းပေါ်ရှိ စင်ထရယ် ဟိုတယ်တွင် ၁၈-၉-၂၀၁၅ နေ့ နေ့လယ် (၂)နာရီက ကျင်းပပြုလုပ်ခဲ့သည်။
` ခိုင်မြဲပါစေ ´ တေးစီးရီးတွင် မိုးမိုး၊ဩရသ၊ဥာဏ်လင်းအောင်၊ဆိုတေး၊နိုင်းဝမ်း၊အားတီ၊သားသား တို့က ကူညီသီဆိုပေးထားသည်။ တေးရေးဆရာများ ဖြစ်ကြသော မြင့်မိုးအောင်၊မိုးမိုး၊ဩရသ၊Aသွေး၊ ဆိုတေး၊ နိုင်းဝမ်း၊အားတီ ၊ သားသား နှင့် အဆိုရှင် ဝင်းပအိန္ဒြာ ကိုယ်တိုင် တေးသီချင်းများအား ရေးဖွဲ့ သီကုံးထားကြသည်။
တေးဂီတ ပိုင်းအား Runner၊မိုးမိုး၊ချမ်းအေးဝင်း၊ဇေထူးအောင်၊သားသား တို့မှ တီးခတ်ပုံဖော်ထားကြသည်။ဟာမိုနီကို ခင်မြတ်မွန်နှင့်အဖွဲ့မှ ဆိုပေးထားပါသည်။
CD & DVD တခါတည်းထွက်မည်ဖြစ်ပြီး စက်တင်ဘာလ ၁၈ ရက်နေ့မှ စတင်၍ The Sun Music မှ တပြည်လုံးသို့ ဖြန့်ချိလိုက်ပြီ ဖြစ်သည်။