ဆွေဝင်း - အတိတ်ကို ပြည်ဖုံးကားချချင်တဲ့ NLD လွှတ်တော်အမတ်

နေပြည်တော်တွင် တွေ့ရသော  ပြည်သူ့လွှတ်တော်ကိုယ်စားလှယ်ဦးဘိုဘိုဦး (ဓာတ်ပုံ  - ဆွေဝင်း/Myanmar Now).

စစ်အာဏာရှင်ခေတ်ဆိုးကြီး တစ်စတစ်စ မှေးမှိန်လာချိန်တွင် နိုင်ငံရေးအကျဉ်းသားအဖြစ် ဆယ်စုနှစ် နှစ်ခုကျော် ဖြတ်သန်း လာသူ အမျိုးသားဒီမိုကရေစီအဖွဲ့ချုပ် လွှတ်တော်အမတ်က အတိတ်ကို ရင်ဝယ်ပိုက်ထားခြင်းမရှိဘဲ အကောင်းမြင်သော ခြေလှမ်းများဖြင့် ရှေ့ဆက်လှမ်းရန် အားသန်နေပြီဖြစ်သည်။

နေပြည်တော် (Myanmar Now)— ဘုံအဆင့်ဆင့် ဆောက်လုပ်ထားသည့် အဆောက်အဦများ၊ အစိမ်းရောင် မြက်ခင်းတို့ လွှမ်းထားသော နေပြည်တော် လွှတ်တော်ဝင်းကြီးသည် နတ်ပြည်နတ်နန်းလော၊  သို့တည်းမဟုတ် မွန်းတည့်ချိန် ပြင်းထန်လွန်းသည့်နေအပူရှိန်ကြောင့် ဖြစ်ပေါ်လာသော တံလျှပ်ခိုးများကြား သီးခြားတည်ရှိနေသော ထိုအဆောက်အအုံများသည် ငရဲပြည်လောဟု အမျိုးအမျိုး ထင်မှတ်မှားစရာရှိသည်။

အစိမ်းရောင်၊ အနီရောင်၊ အဝါရောင်ခြယ်ထားသော လွှတ်တော်အဆောက်အဦ တစ်ခုအတွင်း သစ်သားစားပွဲကြီးတစ်ခု နောက်တွင် ပင်နီတိုက်ပုံ၊ ကချင်လုံချည်ဝတ်ဆင်ထားသော အမျိုးသားဒီမိုကရေစီအဖွဲ့ချုပ် (NLD) မှ ပြည်သူ့လွှတ်တော်ကိုယ် စားလှယ် ဦးဘိုဘိုဦးသည် ၎င်း၏ ပြည်သူ့လွှတ်တော်ဆိုင်ရာ နိုင်ငံတကာဆက်ဆံရေး ကော်မတီအတွင်းရေးမှုး တာဝန်ဖြင့် အလုပ်များနေသည်။

သံရုံး ဖိတ်ကြားစာများ၊ သံတမန်တို့၏ တွေ့ခွင့်တောင်းဆိုမှုများနှင့် ရင်ဆိုင်နေရသလို ရံဖန်ရံခါ ကော်မတီနှင့် မသက်ဆိုင် သော ကိစ္စရပ်များအကြောင်း ဆွေးနွေးရန် စီးပွားရေးသမားများ၊ စီးပွားရေးအကျိုးဆောင်များ ချဉ်းကပ်လာမှုကိုလည်း ဖြေ ရှင်းရကြောင်း ၅၂ နှစ် အရွယ် ဦးဘိုဘိုဦးက ဆိုသည်။

“ကျွန်တော်တို့နဲ့ မဆိုင်တဲ့ ကိစ္စတွေအတွက် ခေါ်တွေ့လို့ ဘာထူးမှာလဲ။ ကျွန်တော်တို့ အလိုလိုက်လို့ မရတာလေးတွေရှိ တာပေါ့လေ၊ တစ်ခါတလေလည်း လူမှုရေးအရ ကိုးလိုးကန့်လန့်ဖြစ်ရတယ်” ဟု သူကဆိုသည်။

လွှတ်တော်သစ်တွင် စစ်အစိုးရခေတ် နိုင်ငံရေးလှုပ်ရှားမှုများကြောင့် အထိန်းသိမ်းခံရသော နိုင်ငံရေးအကျဉ်းသားပေါင်း ရာနှင့်ချီ ပါဝင်ရာ ၎င်းတို့အနက် ဦးဘိုဘိုဦးသည်လည်း တစ်ဦးအပါအဝင်ဖြစ်သည်။

နိုင်ငံရေးအကျဉ်းသားများအဖြစ် အမှောင်ခေတ်ကို ဖြတ်သန်းလာပြီး  အာဏာနှင့်လုပ်ပိုင်ခွင့်များ ရရှိလာသည့် ယခုအချိန် တွင် ထိုအရာများ၏ ဖျက်ဆီးမှုကို မခံရရန် ဆင်ခြင်ရသည်မှာ စိန်ခေါ်မှုတစ်ခုဖြစ်ကြောင်း သူက ဆိုသည်။

“အကောင်းလောကဓံတွေ လာနေပြီ၊ ခံနိုင်ဖို့ အရေးကြီးတယ်” ဟု သူက Myanmar Now နှင့် နေပြည်တော်တွင် မကြာသေး မီက တွေ့ဆုံစဉ် ပြောသည်။

၂ဝ၁၅ ရွေးကောက်ပွဲတွင် NLD  အနိုင်ရခဲ့သည့် ရလဒ်အဖြစ် ဒီမိုကရေစီနည်းကျ ရွေးချယ်သည့် အရပ်သားအစိုးရသစ် ပေါ်ထွက်လာ၏။ သို့တိုင် တစ်ဖက်တွင် ဖွဲ့စည်းပုံအခြေခံဥပဒေအရ နိုင်ငံရေး၊ အုပ်ချုပ်ရေးတွင် စစ်တပ်က ဆက်လွှမ်းမိုးထား ဆဲဖြစ်သော်ငြား ဒီမိုကရေစီ ကူးပြောင်းမှုတွင် ပါဝင်လှုပ်ရှားခဲ့သူအချို့ကတော့ စစ်အာဏာရှင်ခေတ် အမှောင်ကာလကြီး လွန်မြောက်၍ တိုင်းပြည် အနာဂတ် ဆက်လက် တိုးတက်လိမ့်မည်ဟု မျှော်လင့်နေကြသည်။

“တဖြည်းဖြည်းနဲ့တော့ ဆက်ပြီးပြောင်းနေမှာပါပဲ။ ကျွန်တော်ကတော့ တိုင်းပြည်အတွက် အကောင်းမြင်တဲ့စိတ် အပြည့်ရှိ တယ်” ဟု ဦးဘိုဘိုဦးက ဆိုသည်။

အမှောင်ခေတ်မှ အလင်းခေတ်
စစ်အာဏာရှင်ခေတ် လူငယ်များစွာတို့ နိုင်ငံရေးလှုပ်ရှားမှုများကြောင့် အကျဉ်းချခံခဲ့ရပြီး ၎င်းတို့အနက် အချို့သောသူတို့မှာ လူ့ဘဝ၏ အတက်ကြွဆုံးအရွယ်များကို သံတိုင်များနောက်တွင်ပင် ကုန်လွန်ခဲ့ကြရသည်။

ရန်ကုန်မြို့၏ ချမ်းသာသောမိသားစုတစ်စုတွင် ကြီးပြင်းလာသော ဦးဘိုဘိုဦးလည်း ထိုအုပ်စုထဲတွင် အပါအဝင်ဖြစ်သည်။ ရန်ကုန်တက္ကသိုလ်တွင် အင်္ဂလိပ်စာ အထူးပြုနောက်ဆုံးနှစ် တက်ရောက်နေစဉ် သူသည် ၁၉၈၈ ဒီမိုကရေစီအရေးတော် ပုံကြီးတွင် ပါဝင်ခဲ့ပြီး နောက်တစ်နှစ်အကြာတွင် ဖမ်းဆီး ထိန်းသိမ်းခံခဲ့ရသည်။

“ဖြစ်ချင်ခဲ့တာကတော့ အောင်မြင်တဲ့စီးပွားရေးသမားတစ်ယောက်ပဲ။ ဒါပေမဲ့ ဒီမိုကရေစီနဲ့ လူ့အခွင့်အရေးအတွက် နိုင်ငံရေး မှာ ပါဝင်ခဲ့တာပေါ့” ဟု သူက ဆိုသည်။

သူ၏ လူငယ်ဘဝမှာ  ရန်ကုန်ရှိ အင်းစိန်ထောင်၊ စစ်အစိုးရခေတ် နိုင်ငံရေးအကျဉ်းသားများကို အနှိပ်စက်ဆုံး အကျဉ်းထောင် တစ်ခုဟု ဆိုစမှတ်ပြုသော မြင်းခြံထောင်တို့တွင် ကုန်ဆုံးခဲ့ရသည်။

ထိုမြင်းခြံထောင်တွင် ထောင်အာဏာပိုင်တို့က စည်းကမ်းထိန်း၊ တန်းစီး စသောရာထူးများတွင်  မုဒိမ်းလူသတ်မှုများဖြင့် အကျဉ်းကျနေသော ရာဇဝတ်သားတို့အားခန့်အပ်ပြီး နိုင်ငံရေး အကျဉ်းသားများကို မျက်ခြည်မပြတ်စောင့်ကြည့်စေခဲ့ပြီး၊ မထင်ရင်မထင်သလို ရိုက်နှက်၏ဟူသော နာမည်ဆိုးများ ယခုတိုင် ပြောစမှတ်ရှိသည်။

ဦးဘိုဘိုဦး  အဖမ်းခံရစဉ်က အသက် ၂၆ နှစ်ရှိပြီး ပြန်လည်လွတ်မြောက်လာသော ၂ဝဝ၉ ခုနှစ်တွင် သူသည် အသက် ၄၆ နှစ်ရှိပြီဖြစ်၏။

နှစ်ပေါင်း ၂ဝ ကျော် ထောင်နန်းစံခဲ့သော အချိန်များတွင် အစာရေစာ မလုံလောက်ခြင်း၊ အကျဉ်းခန်းအတွင်း တစ်နေကုန် လှောင်ပိတ်ခံထားရခြင်း၊ ကျန်းမာရေးစောင့်ရှောက်မှု လုံလောက်စွာမရရှိခြင်း စသည့် ဒုက္ခများ လွန်မြောက်၍  မြန်မာ့နိုင်ငံရေး အပြောင်းအလဲယခုကဲ့သို့ဖြစ်လာမည်ဟု ဘယ်သောအခါကမျှ မမျှော်လင့်မိခဲ့ကြောင်း၊ သို့သော် မြန်မာပြည်သည် ကောင်းသည့်ဘက်သို့ ရောက်ရှိလာမည်ကို အမြဲယုံကြည်ခဲ့ကြောင်း ဦးဘိုဘိုဦးက ဆိုသည်။

“ခဏခဏ ကျွန်တော် မေးခံရတယ်၊ ခုလို မြန်မာ့နိုင်ငံရေးအခြေအနေပြောင်းလဲတာရော၊ ကျွန်တော်လွှတ်တော်အမတ်ဖြစ်လာတယ်ဆိုတာရော ဒါတွေဖြစ်လာမယ်လို့ အရင်ကမျှော်လင့်ဖူးသလားလို့။ ကျွန်တော်တော့ တစ်ခါမှ ဒါတွေဖြစ်လာမယ်လို့ တကယ့်ကို မတွေးမိဘူးဗျ” ဟု သူကဆိုသည်။

၁၉၉ဝ ပြည့်လွန်နှောင်းပိုင်းကာလ လေတပ်ဦးစီးချုပ်ဖြစ်လာမည့် အဆင့်မြင့်စစ်အရာရှိတစ်ဦး၏ သမီးဖြစ်သူ သူ၏ဇနီးက  သူအကျဉ်းကျနေစဉ်ကာလအတွင်း သူ့ကို ကွာရှင်းခဲ့သည်။ သူထောင်မှမလွတ်မီ နှစ်အနည်းငယ်အလိုတွင် သူ၏ဖခင်လည်း ကွယ်လွန်ခဲ့သည်။

သူ့ဇနီးက သူ့အားစွန့်ခွာခဲ့ပုံနှင့်ပတ်သက်၍မေးမြန်းရာ "ဒါဟာ တော်တော်ဆိုးတဲ့ အတွေ့အကြုံပါပဲ"ဟု သူကဆိုပြီး အသေးစိတ်ကိုရှင်းပြရန် ငြင်းပယ်ခဲ့သည်။

၂ဝဝ၉  ခုနှစ် သူလွတ်မြောက်လာပြီးနောက် ဘဝသစ်တစ်ခုကို လျင်မြန်စွာ တည်ဆောက်လိုက်သည်။  သူနှင့်အတူ တစ်နေ့တည်း မြန်မာနိုင်ငံအထက်ပိုင်း မြင်းခြံထောင်မှ လွတ်မြောက်လာသူ နိုင်ငံရေးအကျဉ်းသား မခင်မိုးအေးနှင့် မကြာခင် လက်ထပ်ပြီး မိုးခအမည်ရ ပန်းချီပြခန်းတစ်ခုကိုလည်း ရန်ကုန်တွင် ဖွင့်လှစ်ခဲ့သည်။

ထို့နောက်တွင် NLD သို့ ဝင်ရောက်၍ နိုင်ငံရေးလောကကို တစ်ဖန် ခြေစုံပစ်ဝင်ပြီး ၂ဝ၁၂ ကြားဖြတ်ရွေးကောက်ပွဲ မဲဆွယ်လှုပ်ရှားမှုများ၊ ပါတီလှုပ်ရှားမှုများတွင် ရန်ကုန်တိုင်း ပါတီစည်းကမ်းထိန်းသိမ်းရေး ကော်မတီ အဖွဲ့ဝင်အဖြစ်လည်း ကောင်း၊ စမ်းချောင်းမြို့နယ် NLD ဒုဥက္ကဋ္ဌအဖြစ်လည်းကောင်း တက်ကြွစွာ ပါဝင်လုပ်ဆောင်ခဲ့သည်။

၂၁၁၅ ရွေးကောက်ပွဲတွင် ရန်ကုန်တိုင်းဒေသကြီး စမ်းချောင်းမြို့နယ်တွင် ဝင်ရောက်ယှဉ်ပြိုင်ရာ အနိုင်ရရှိခဲ့ပြီး ယခုအခါ လွှတ်တော်ကော်မတီတစ်ခု၏ အတွင်းရေးမှူး၊  ရန်ကုန်တိုင်းဒေသကြီး NLD လွှတ်တော်အမတ်များ၏ ဆော်သြရေးမှူးအဖြစ် လည်း တာဝန်ယူထားသည်။

ဒီမိုကရေစီဖြစ်ထွန်းလာမှု၏ တစ်စိတ်တစ်ဒေသဖြစ်သော လက်ရှိသူ၏လွှတ်တော်အမတ်ဘဝ နှင့် စစ်အာဏာရှင်ခေတ် ယခင်က သူ၏အကျဉ်းစံဘဝကို ပြန်ပြောင်းနှိုင်းယှဉ်သည့်သဘောဖြင့် “အခုတော့ အကောင်းတွေချည်းဖြစ်နေတာဗျ။ ဖေ ဖော်ဝါရီ ၁ ရက် ကျမ်းသစ္စာကျိန်တဲ့နေ့မှာတောင် ထီတစ်သိန်းဆုပေါက်တယ်ဗျ” ဟု သူက ဆိုသည်။

တစ်မိုးတည်းအောက် အမတ်များ
လွှတ်တော်နှင့် မိုင်အနည်းငယ်အကွာတွင် တည်ရှိသော စည်ပင်သာယာရိပ်သာ ဆိုသည်မှာ နိုင်ငံတဝန်းမှ ရောက်ရှိလာ ကြသော ပြည်ထောင်စုလွှတ်တော်အမတ်အများစု တည်းခိုသည့် နေရာဖြစ်သည်။

ကွန်ကရစ်ကြမ်းခင်း၊  ရေချိုးခန်း၊ အိမ်သာ၊ တစ်ယောက်အိပ် သစ်သားခုတင် သုံးလုံး ပါဝင်သော ထိုအခန်းသည် အဆောင် အယောင် ကင်းမဲ့လှသော်လည်း ဦးဘိုဘိုဦးကဲ့သို့သော နိုင်ငံရေးအကျဉ်းသားဟောင်းများအတွက်မူ ထောင်ခန်းများနှင့် စာလျှင် ပိုမိုကောင်းမွန်သော နေရာထိုင်ခင်းဖြစ်နေသည်။

ပျင်းရိငြီးငွေ့စရာကောင်းလှသော နေပြည်တော်ဘဝ အားလပ်ချိန်များတွင် ရေကူးခြင်း၊ စာဖတ်ခြင်းဖြင့် အချိန်ကုန်ရကြောင်း ဦးဘိုဘိုဦးက ဆိုသည်။

“ဒီမှာ ထောင်နဲ့တူတာဆိုလို့ ညဘက် တစ်ယောက်တည်းအိပ်ရတဲ့အခါမှာပေါ့။ တစ်ခါတလေ ညဘက် ပူလို့အိပ်မရဘူး” ဟု သူကဆိုသည်။

သူက ရန်ကုန်ရှိမိသားစုကို ခွဲခွာပြီး လွှတ်တော်တက်ရန် ရောက်နေသည့် မြို့တော်ကြီးတွင်   မိတ်ဆွေများနှင့် တွေ့ဆုံလည်ပတ်နိုင်ခြင်းမရှိဟု ဆိုသည်။

ရန်ကုန် NLD လွှတ်တော်အမတ်များ၏ ဆော်သြရေးမှူးလည်းဖြစ်သောကြောင့် ထိုအမတ်များ လွှတ်တော်တက်နေသည့် ကာလအတွင်း  ကျန်းမာရေး၊ စားဝတ်နေရေး  အဆင်ပြေစေရန်လည်း စီမံရသည်။

“ပါတီရဲ့မူဝါဒတွေနဲ့ မတိမ်းမစောင်းသွားအောင် လိုက်လုပ်ရတယ်။ တစ်ခါတလေ စိတ်ဓာတ်မြှင့်တင်ရေးတွေလည်း လုပ်ရ တယ်။  နောက်ပြီး လာဘ်ပေးလာဘ်ယူကိစ္စဆိုတာ ပုဂ္ဂလိကအခက်အခဲကြောင့်လည်း ဖြစ်လာရတာရှိတယ်။ ဒါ့ကြောင့် ယုတ်စွအ ဆုံး ငွေလိုရင်ပြောပါ၊ ကျွန်တော်တို့ချေးပါမယ်၊ အဲဒီလောက်ထိတောင် ပြောသွားတာ။ ဒါဟာသိပ်ကိုအရေးကြီးတယ်၊ ကျွန်တော်တို့ပါတီရဲ့ အသက်ဗျ” ဟု သူကဆက်၍ဆိုသည်။

အတိတ်ကို ပြည်ဖုံးကားချရမယ်
နိုဝင်ဘာ ၈ ရွေးကောက်ပွဲနေ့ ညနေခင်း မဲရေတွက်အပြီး သူ အပြတ်အသတ်နိုင်သွားသဖြင့် ထောက်ခံသူ မဲဆန္ဒရှင်များ ပြုံးပျော်နေချိန်တွင် ဦးဘိုဘိုဦးတစ်ယောက် မျက်ရည်ဝဲမတတ် ဖြစ်ခဲ့ရသည်။  သူ့ကဲ့သို့ ၁၉၈၈ ဒီမိုကရေစီသပိတ်မှစ၍ နှစ် ပေါင်း ၂ဝ ကျော်အတွင်း အာဏာရှင်ဆန့်ကျင်ရေးတွင် ပါဝင်ခဲ့ပြီး ဖမ်းဆီးအကျဉ်းချခံရသူများထဲမှ အချို့မှာ ကွယ်လွန်ခဲ့ပြီဖြစ် သောကြောင့် ယခုကဲ့သို့ သမိုင်းဝင်မြင်ကွင်းကို တွေ့မြင်ခွင့်မရနိုင်တော့ပေ။

“ကျွန်တော်တို့ ရဲဘော်ရဲဘက်တွေအတွက် စိတ်မကောင်းဘူးဗျာ” ဟု သူက ဆိုသည်။

သို့သော် နိုင်ငံပြန်လည်ထူထောင်ရေး၊ အမျိုးသားပြန်လည်သင့်မြတ်ရေးတို့မှာ အရေးတကြီး ဆောင်ရွက်ရမည့် လုပ်ငန်းများ ဖြစ်သောကြောင့် နိုင်ငံရေးတက်ကြွလှုပ်ရှားသူများကို ဖမ်းဆီးနှိပ်စက်ခဲ့သော ယခင်စစ်ဗိုလ်ချုပ်များအား အရေးယူရန် မလို လားကြောင်း ဦးဘိုဘိုဦးက ဆိုသည်။

“Justice (တရားမျှတမှုပြန်လည်ရှာဖွေရေး) ကို မစဉ်းစားသင့်တော့ဘူး။  Justice ဆိုတာ လက်စားချေတာတစ်မျိုးပဲ။ သူတို့ ဗိုလ်ချုပ်တွေ ချောချောမွေ့မွေ့ Exit (နိုင်ငံရေးစင်မြင့်မှ ထွက်ခွာ) ဖြစ်အောင် မနည်း လုပ်နေရတယ်” ဟု မြန်မာ့နိုင်ငံရေးတွင် ဆက်လက်လွှမ်းမိုးထားသော စစ်တပ်ကဏ္ဍအား ရည်ညွှန်း၍ သူက ပြောလိုက်သည်။     ။