မောင်မောင်စိုး ● တောင်တရုတ်ပင်လယ်၊ ကိုးကန့်တရုတ်၊ တရုတ်ပြည်နှင့် ကျွန်ုပ်တို့မြန်မာ - အပိုင်း (၂)
(မိုးမခ) ဇူလိုင် ၁၉၊ ၂၀၁၆
တောင်တရုတ်ပင်လယ်နှင့်ဆက်စပ်နေသောနိုင်ငံများတွင် မြန်မာနိုင်ငံမပါဝင်သော်လည်း အာဆီယံနိုင်ငံနိုင်ငံဖြစ်သည့်ပြင် တရုတ်နှင့် မိုင်ထောင်ချီ ၍နယ်စပ်ချင်း ဆက်စပ်နေသော နိုင်ငံတနိုင်ဖြစ်သည့်အားလျော်စွာ တောင်တရုတ်ပင်လယ်ပြဿနာနှင့်ပတ်သက်သော သဘောထာားကို ပျော့ပြောင်းစွာဖေါ်ပြရန် လိုအပ်နေသည်။
၂၀၁၆ ဇူလိုင်လ ၁၃ ရက်နေ့စွဲပါ မြန်မာအစိုးရ နိုင်ငံခြားရေးဝန်ကြီးဌာန၏ ထုတ်ပြန်ချက်အရ ပဋိပက္ခများကို ငြိမ်းချမ်းစွာ ဖြေရှင်းရန် တိုက်တွန်းထားသည်။ အဆိုပါအငြင်းပွားမှုကို ၁၉၈၂ ခုနှစ် ပင်လယ်ပြင်ဥပဒေဆိုင်ရာ ကုလသမဂ္ဂကွန်ဗင်းရှင်း UNCLOS အပါအဝင် နိုင်ငံအားလုံးမှ အသိအမှတ်ပြုသည့် အပြည်ပြည်ဆိုင်ရာ ဥပဒေအခြေခံမူများနှင့်အညီ ဖြေရှင်းရန်တိုက် တွန်းသကဲ့သို့ တောင်တရုတ်ပင်လယ်တွင်းနိုင်ငံများ လိုက်နာရမည့် လုပ်ထုံးလုပ်နည်းဆိုင်ရာကြေငြာချက် DOC အပြည့် အဝနှင့် ထိရောက်စွာအကောင်ထည်ဖေါ်ရေးကိုလည်း ရည်ညွှန်းသည်။
ထို့ပြင် တောင်တရုတ်ပင်လယ်တွင်း ကျင့်သုံရမည့်ကျင့်ထုံးတရပ် ဆောလျင်စွာပေါ်ထွက်ရေးအတွက် တူညီဆန္ဒပေါ်အခြေပြု ၍ အာဆီယံနိုင်ငံများနှင့် တရုတ်နိုင်ငံတို့နှင့်ဆက်လက်လက်တွဲလုပ်ကိုင်သွားမည်ဟု ဖေါ်ပြပါရှိသည်။ မြန်မာနိုင်ငံခြားရေးဝန်ကြီးဌာနတွင် တရုတ်တို့လိုလားသည့် DOC ကြေငြာချက်ကို ထည့်သွင်းဖေါ်ပြထား၍ တရုတ်တို့ သဘောကျဖွယ်ဖြစ် သော်လည်း ၁၉၈၂ ကုလသမဂ္ဂကွန်ဗင်းရှင်းနှင့် အပြည်ပြည်ဆိုင်ရာဥပဒေ UNCLOS အခြေခံမူများကိုပါ ထည့်သွင်းဖေါ်ပြ ထားသည်။
ထို့ပြင် DOC ကြေငြာချက်နှင့်အတူ ပြဿနာဖြေရှင်းရေးနှင့်ပတ်သက်ပြီး တရုတ်တို့တင်ပြသည့် Dual-track Approach ဆို သည့် အငြင်းပွားသည့်နိုင်ငံနှစ်နိုင်ငံမှ တိုက်ရိုက်ဆွေးနွေးညှိနှိုင်းဆောင်ရွက်ခြင်း အငြင်းပွားမှု အားဖြေရှင်းခြင်းနည်းလမ်းနှင့် ပတ်သက်၍ မည်သည့်သဘောထားမျှ ဖေါ်ပြထားခြင်းမရှိရာ မြန်မာနိုင်ငံခြားရေးဝန်ကြီးဌာန၏ကြေငြာချက်သည် တောင်ပင် လယ်ပြဿနာတွင် ကြားနေသည့်မူဝါဒကို ဖေါ်ပြလျှက်ရှိပြီး တရုတ်တို့အကြိုက်တော့ မဖြစ်ခဲ့ပေ။ အငြင်းပွားနေသော နိုင်ငံ အချင်းချင်း ညှိနှိုင်းဖြေရှင်းကြရန်ဟူသော ကြေငြာချက်မျိုးသာ တရုတ်တို့အကြိုက်ဖြစ်ပေလိမ့်မည်။
တကယ်တမ်းဆိုလျှင် တောင်တရုတ်ပင်လယ်ပြဿနာ မပေါ်မှီကပင် မြန်မာပြည် အရပ်သားအစိုးရသစ်သည် တရုတ်နှင့် အမေရိကန် ဂျပန်တို့၏ ပိုမိုပြင်းထန်လာနေသော အားပြိုင်မှုကြားတွင် မြန်မာပြည်ရောက်နေသည်ကို ကောင်းစွာရောက်နေ သည်ကို ကောင်းစွာသဘောပေါက်ပုံရသည်။ တရုတ်နှင့်ဂျပန်တို့ အပြိုင်အဆိုင်ဖိတ်ခေါ်မှုများကြားတွင် အစိုးရသစ်၏ အဓိ ကပုဂ္ဂိုလ် ဒေါ်အောင်ဆန်းစုကြည် တုတ်တုတ်မှ မလှုပ်သည်ကို တွေ့ရသည်။ အစိုးရသစ်တက်ပြီး ၃ လကျော်သည်အထိ မည်သည့်နိုင်ငံမှ အလည်အပတ်သွားခြင်းမရှိသကဲ့သို့ ထိုနိုင်ငံများနှင့် ထူးခြားသည့်ဆက်ဆံမှု ထူးခြားသည့် နိုင်ငံရေး စီးပွား ရေးသဘောတူညီမှု တခုမျှ မပြုသေးသည်ကို တွေ့ရသည်။ တရုတ်နှင့် အမေရိကန် ဂျပန်တို့ကြားတွင် တဖက်ဖက်က ရပ် ခြင်းသည် မြန်မာနိုင်ငံအတွက် အကျိုးမရှိ ကြားနေရေးဝါဒသည်သာ မြန်မာနိုင်ငံ အကျိုးဖြစ်ထွန်းမည်ဆိုသည်ကို အရပ် သားအစိုးရသစ်အနေနှင့် ကောင်းစွာသဘောပေါက်သကဲ့သို့ သတိကြီးစွာထား၍ ကိုင်တွယ်ချဉ်းကပ်နေပုံရသည်။
တောင်တရုတ်ပင်လယ်ပြဿနာသည် တောင်ပင်လယ်နှင့် ဆက်စပ်နေသောနိုင်ငံများနှင့် နိုင်ငံတကာအင်အားချိန်ခွင်လျှာအတွက် အရေးပါသော ပြဿနာတရပ်ဖြစ်သော်လည်း ကျွန်ုပ်တို့တိုင်းပြည်အတွက်တော့ တိုက်ရိုက်ဆက်စပ်နေသော ရှေ့ တန်းရောက်သောပြဿနာတော့ မဟုတ်ပေ။ လက်ရှိမြန်မာပြည်အနေအထားနှင့် တက်ကြွစွာပါဝင်ရန်လည်း သင့်မည်မ ဟုတ်ပေ။ကျွန်ုပ်တို့အတွက် ရှေ့တန်းရောက်သော အရေးပါသော ပြဿနာမှာ တရုတ်ပြည်နှင့် ကိုးကန့် တရုတ်ပြဿနာများ ကိုင်တွယ်ဖြေရှင်းရေးသာဖြစ်သည်။ တောင်တရုတ်ပင်လယ်ပြဿနာကတော့ မိမိတို့အတွက် ကြားနေရေးမူဝါဒကိုစမ်း သပ်ခြင်းဖြစ်နိုင်သည်။
● မြန်မာပြည်နှင့် တရုတ်ပြည်မကြီး
နယိနမိတ်ချင်းမိုင်ထောင်ချီ ဆက်နေသော ကျွန်ုပ်တို့နှင့်တရုတ်တို့ပြဿနာမှာ နိစ္စဓူဝပြဿနာဖြစ်သည်။ လူဦးရေလည်း သန်းထောင်ချီရှိ၍ တိုင်းပြည်ကြီးလည်းဖြစ်ကာ စီးပွားရေး စစ်ရေးအရ မိမိတို့ထက်များစွာတောင့် တင်းသည့် တရုတ်ပြည် အနေနှင့် မြန်မာပြည်အား၎င်းတို့၏ အနာဂါတ်သေနင်္ဂဗျူဟာအတွင်း ထည့်သွင်းရေးဆွဲထားရာ မြန်မာပြည်နှင့် ပတ်သက် သည့်တရုတ်တို့၏ပေါ်လစီသည် တက်တက်ကြွကြွ တွန်းတွန်းထိုးထိုး ဖြစ်မည်မှာအမှန်ပင်ဖြစ်သည်။ မြန်မာပြည်အဖို့တော့ မိမိအကျိုးစီးပွားကာကွယ်မူဝါဒဖြင့် မိမိတိုင်းပြည်အကျိုးဖြစ်ထွန်းမည့်အခြေအနေများကို တရုတ်မြန်မာဆက်ဆံရေးမှ ဖေါ် ထုတ် သွားရပေမည်။
တရုတ်နှင့်ကွန်ုပ်တို့ကြား များပြားသောပြဿနာများရှိသည်အထဲမှ တိုင်းပြည်အကျိုးငှာ လက်ငင်းကိုင်တွယ်ဖြေရှင်းရန် လိုသည်ဟုထင်သော အရေးပါသော ပြဿနာများကို ကောက်နှုတ်ဖေါ်ပြလိုပါသည်။ ဒေါ်အောင်ဆန်းစုကြည်မှ တရုတ်ပြည် အနေနှင့် မြန်မာပြည်နှင့်ဆက်ဆံရာတွင် စီးပွားရေးအကျိုးစီးပွားသက်သက် အမြင်ဖြင့် ချဉ်းကပ်ကြည့်မြင်ခြင်းမပြုရန် ဆိုခဲ့ သော်လည်း တရုတ်တို့၏ မြန်မာပြည်အား ၎င်းတို့ သေနင်္ဂဗျူဟာအတွင်း ထည့်သွင်းထားခြင်းသည် စီးပွားရေးအကြောင်း အချက်က အဓိကကျပေသည်။
မြန်မာပြည်တွင်း၌လည်း ယခင်အစိုးရ၏သဘောတူထားသည့် လုပ်ငန်းများတွင် ခြံဝင်းကြီးများခတ်၍ သောင်းနှင့်ချီသော တရုတ်အလုပ်သမားများလုပ်ကိုင်နေကာ မြန်မာပြည်သူ သိရှိခွင့်မရသည့် တရုတ်ရင်းနှီးမြှုပ်နှံမှုလုပ်ငန်းကြီးများသည် ကျွန်ုပ်တို့မြန်မာပြည်ပြည်အတွက် အကျိုး ရှိ/မရှိ ဆန်းစစ်ကြဖို့ လိုပါသည်။
ပထမအချက်ကတော့ တရုတ်တို့၏မြန်မာပြည်တွင်း ရင်းနှီးမြှုပ်နှံမှု ပြဿနာဖြစ်သည်။ လက်ရှိအချိန်တွင် မြန်မာပြည်တွင်း ပြည်ပရင်းနှီးမြှုပ်နှံမှုများအနက် တရုတ်တို့က အများဆုံးဖြစ်သည်။ တရုတ်တို့၏ရင်းနှီးမြှုပ်နှံမှုများ၏ ၉၉ ရာခိုင်နှုန်းသည် မြန်မာပြည်၏ သဘာဝရင်းမြစ်များထုတ်ယူသုံးစွဲမှုပေါ်၌ အခြေပြုသည်။ ရေအားလျှပ်စစ်တွင် ၆၃ ရာခိုင်နှုန်း၊ ရေနံ သဘာ ဝဓါတ်ငွေ့နှင့် သတ္တုတူးဖေါ်ရေးတွင် ၃၆ ရာခိုင်နှုန်းရှိပြီး အခြားမြှုပ်နှံမှုမှာ ၁ ရာခိုင်နှုန်းသာ ရှိသည်။ သို့ဖြစ်ရာ တရုတ်တို့၏မြန်မာသယံဇာတများထုတ်ယူသုံးစွဲမှုတွင် ၉၉ ရာခိုင်နှုန်းရှိသော တရုတ်တို့၏ရင်းနှီးမြှုပ်နှံများမှ မြန်မာတို့ မည်မျှအကျိုးရှိ သည်ကို ပြန်လည်သုံးသပ်သင့်သည်။ နိုင်ငံတကာနှင့်ချုပ်ဆိုထားသော စာချုပ်စာတမ်းများကို အလေးထားရမည်ဖြစ်သော် လည်း ထိုစာချုပ်များ တိကျစွာကိုယ်တွယ် ကြပ်မတ်ခြင်း၊ အခြေအနေနှင့်လျော်ညီသည့် ပြန်လည်သုံးသပ်ချုပ်ဆိုမှုများလုပ် ရန် လိုအပ်ပေလိမ့်မည်။
၁။ ထိုလုပ်ငန်းများ၏ သဘာဝပတ်ဝန်းကျင်ထိခိုကမှု ရှိ/မရှိအား အစိုးရကကြပ်မတ်ရန်လိုသည်။ သဘာဝပတ်ဝန်းကျင်ဆိုင်ရာ စံချိန်စံညွှန်းများအား လိုက်နာမှုရှိစေရန် ထိမ်းကျောင်းကြပ်မတ်ရန်လိုသည်။
၂။ ထိုလုပ်ငန်းများမှ မြန်မာနိုင်ငံအတွက် ရရှိသည့် အကျိုးအမြတ်များရရှိမှု သင့်တင့်လျောက်ပတမှု ရှိ/မရှိ စိစစ်ရန်လိုသည်။
၃။ ထိုလုပ်ငန်းများကြောင့် ဒေသခံလူထု၏ ထိခိုက်နစ်နာဆုံးရှုံးမှုများအား လျော်ကြေးပေးလျော်မှုအခြေအနေအား စိစစ်ပြီး အမြန်ဆုံးလျော်ကြေးငွေကိစ္စများအား ပြီးပြတ်အောင်ပြုလုပ်ပေးရမည်။
၎။ ထိုလပ်ငန်းများရှိရာဒေသများ၌ အစိုးရ ရင်းနှီးမြှုပ်နှံသည့်ကုမ္မဏီနှင့် အရပ်ဖက်လူ့အဖွဲ့စည်းများပေါင်း၍ သင့်တော်သည့် ဒေသဖွံ့ဖြိုးရေးလုပ်ငန်းများ ပြုလုပ်ရမည်။
၅။ ထိုလုပ်ငန်းများတွင် မြန်မာပြည်မှ အလုပ်သမားအချိုးအစားပါဝငမှုနှင့်ပတ်သက်၍ စီးမံခန့်ခွဲမှုပညာရှင် အတတ်ပညာ သည်များ ရိုးရိုးအလုပ်သမား စသည့်အစိတ်အပိုင်းအားလုံးတွင် မြန်မာပြည်သားများပါဝင်မှုကို စိစစ်မြှင့်တင်ရန် လိုသည်။
၆။ ယခုသဘောတူညီချက်ရရှိပြီး ဆောင်ရွက်ရန်ပြင်ဆင်နေ သည့် ကျောက်ဖြူစက်မှုဇုံနှင့်ပတ်သက်ပြီး မြန်မာပြည်အတွက် အကျိုးအမြတ်ရှိသည့် သဘောတူညီချက်များ ရရှိဆောင်ရွက်ရန်လိုသကဲ့သို မြန်မာပြည်သားများ အလုပ်ရရှိမှု အလုပ်ခန့် ထားမှုအားလည်း သေချာစွာ သတ်မှတ်ရန်လိုသည်။
၇။ မြန်မာပြည်တွင်း၌ လာရောက်ရင်းနှီးမြှုပ်နှံသောလုပ်ငန်းများတွင် မြန်မာပြည်သား အလုပ်ခန့်ထားမှုနှင့်ပတ်သက်၍ စီမံ ခန့်ခွဲမှုအပိုင်း၊ ပညာရှင်အပိုင်း၊ အတတ်ပညာသည်အပိုင်း သာမန်အလုပ်သမားအပိုင်းအားလုံး၌ ရာခိုင်နှုန်း ၈၅ အထိ ခန့် အပ်ရေးအတွက် ဥပဒေပြဌာန်းရန်လိုအပ်သည်။ စီမံခန့်ခွဲမှုပညာရှင် အတတ်ပညာအပိုင်းများ၌ ချက်ခြင်းခန့်ထားရန် မလွယ် ပါက မြန်မာပြည်သားများအား လေ့ကျင့်ပေးပြီး နှစ်ပိုင်းအလိုက် တိုးမြှင့်ခန့်ထားနိုင်ရေးအတွက် နိုင်ငံခြားရင်းနှီးမြှုပ်နှံမှု များ၌ မြန်မာပြည်သားများ ခန့်အပ်ရေးဥပဒေအား တိကျစွာ ရေးဆွဲပြဌာန်းရန်လိုသည်။ မြန်မာပြည်သားခန့်ထားမှု သတ်မှတ် မှုအား ယေဘုယျသာသတ်မှတ်ပါက အချို့က အောက်ခြေ လစာနည်းဝန်ထမ်းတွင်သာ မြန်မာတို့အား ခန့်အပ်လေ့ရှိရာ မြန် မာပြည်မှပညာတတ်များ အလုပ်အကိုင်မရနိုင်သည့်ပြင် ထိုရင်းနှီးမြှုပ်နှံမှုလုပ်ငန်းများမှ မြန်မာပြည်သားတို့ မည်သည့် အတတ်ပညာမှ မရ ဖြစ်သွားမည်။
၈။ ထိုသို့ဥပဒေပြုရေးသည် လာရောက်ရင်းနှီးမြှုပ်နှံသည့် နိုင်ငံတိုင်းနှင့်ဆိုင်သကဲ့သို့ တရုတ်တို့နှင့်လည်း အဓိကသက် ဆိုင်သည်။ လက်ရှိ တရုတ်တို့လုပ်ကိုင်နေသည့် တကောင်းနီကယ် ထုတ်လုပ်မှု၊ လက်ပတောင်းတောင်ကြေးနီထုတ်လုပ်မှု ၊ ကျောက်ဖြူ ရေနက်ဆိပ်ကမ်းနှင့် ရပ်ဆိုင်းထားသော မြစ်ဆုံစီမံကိန်းတို့တွင် တရုတ်ပြည်မှ အလုပ်သမား သောင်းနှင့်ချီ၍ လာရောက် အလုပ်လုပ်နေကြပြီး မြန်မာအလုပ်သမားများ အလုပ်အကိုင်ရရှိမှု နည်းပါးသည်။ ထို့ပြင် အလုပ်ရသော မြန်မာ ပြည်သားအချို့မှာလည်း အောက်ခြေလစာနည်း အလုပ်ကြမ်းသမားသာများပြီး စီမံခန့်ခွဲမှုပညာရှင် အတတ်ပညာသည်များ အလုပ်အကိုင်ရရှိမှု လွန်စွာနည်းပါးသည်။
၉။ မကြာမီကထုတ်ပြန်တဲ့ တရုတ်ပြည် ဘေကျင်းမြို့တော်အခြေစိုက် GlobalEnvirronmental Institute ကမ္ဘာလုံးဆိုင်ရာ သဘာဝပတ်ဝန်းကျင်သိပ္ပံမှ သုတေသီ ၃ ဦးရေးသားသော Chinese Investment in Myanmar မြန်မာပြည်မှ တရုတ်ရင်း နှီးမြှုပ်နှံများဆိုသည့် ၄၅ မျက်နှာစာတမ်းတွင် သဘာဝပတ်ဝန်းကျင်နှင့် လူ့အဖွဲ့စည်းထိခိုက်မည့်အန္တရာယ်အား တရုတ် ကုမ္ပဏီများ သဘောပေါက်သော်လည်း လက်တွေ့အကောင်အဖေါ်သောဘက်တွင် မထိရောက်ဟု သုံးသပ်ထားသည်။ မြန်မာနှင့်ဖက်စပ်လုပ်ကိုင်သော တရုတ်ကုမ္ပဏီများကတော့ မြန်မာဖက်မှ တာဝန်ယူကြရမည်ဟုယူဆပြီး မြန်မာပြည်က အရပ်ဖက်အဖွဲ့အစည်းတွေကို တရုတ်ကုမ္ပဏီများက မကိုင်တွယ်တတ်ခြင်းကြောင့်လည်း တရုတ်ဆန့်ကျင် ရေးပြင်းထန်ရ သောအကြောင်းဟု ဆိုသည်။ အရပ်ဖက်အဖွဲ့အစည်းများနှင့် သဟာဇာတဖြစ်ရေးဟာ တရုတ်ကုမ္ပဏီများ၏ ရည်ရွယ်ချက် ဖြစ်သင့်ကြောင်း အဆိုပါစာတမ်းတွင် သုံးသပ်ထားသည်။
၁၀။ အထက်ပါ စာတမ်းအရ တရုတ်တို့သည် ၎င်းတို့၏ရင်းနှီးမြှုပ်နှံမှုများနှင့်ပတ်သက်၍အဆင်ပြေရန် သုံးသပ်လုပ်ကိုင်မှု များရှိလာသည်ကို တွေ့ရသည်။ သဘာဝပတ်ဝန်းကျင် ပျက်စီးမှုနှင့်ပတ်သက်၍ မြန်မာဖက်ကသာတာဝန်ယူရမည်ဆိုသည်မှာ သဘောတရားအရလွဲချော်သည်။ ပူးပေါင်းတာဝန်ယူရမည်။ ထို့အတူ မြန်မာပြည်ဘက်ကလည်း လာဘ်ပေး လာဘ် ယူကိစ္စများကို တိကျစွာကိုင်တွယ်ရန်လိုသည်။ လျော်ကြေးကိစ္စရှင်းရန် လာဘ်ယူပြီး မရှင်းဘဲထားသော တာဝန်ရှိသူများကို အရေးယူရန်လိုသည်။ တရုတ်တို့အနေနှင့် အလားတူသုံးသပ်သကဲ့သို့ မြန်မာပြည်သားများ အလုပ်ကိုင်ခန့်ထားရေးပြဿ နာအား သုံးသပ်နားလည်လာစေရန် မြန်မာပြည်မှ တွန်းအားပေးရန်လိုအပ်သည်။
ဒုတိယအချက်အနေနှင် တရုတ်တို့၏ ပိုးလမ်းခါးပတ်နှင့်ပတ်သက်၍ဖြစ်သည်။ မြန်မာပြည်ကိုဖြတ်၍ အိန္ဒိယသမုဒ္ဒရာသို့ ဖောက်ထွက်မည့် တရုတ်တို့၏ အနောက်သွား ပိုးလမ်းခါးပတ်စီမံကိန်းတွင် မြန်မာပြည်သည် အရေးပါသောအနေအထား တွင်ရှိသည်။ ထိုကြောင့်လည်း မြန်မာနှင့်ဆက်ဆံရာတွင် တရုတ်တို့ သွက်လက်သက်ဝင် (active) နေခြင်းဖြစ်သည်။ အဆို ပါစီမံကိန်းအရ ကျောက်ဖြူမှ တရုတ်နယ်စပ်အထိ ရထားလမ်း၊ ကားလမ်းဖောက်လုပ်သွယ်တန်းရန် လိုအပ်သည်။ အဆို ပါစီမံကိန်းနှင့်ပတ်သက်၍ ကျွန်ုပ်တို့ကြည့်မြင်ရန် လိုအပ်သည်မှာ မိမိတိုင်းပြည်အတွက် မည်မျှအကျိုးရှိမည်နည်းဆိုသည့်အချက်ကအဓိကဖြစ်သည်။ ၎င်းစီမံကိန်းကိုလက်ခံလျင်သတိပြု ရန်လိုသည်များသာရှိသည်။
၁။ ထိုလမ်းမ ဖောက်လုပ်ရေးနှင့်ပတ်သက်ပြီး လုံလောင်ခိုင်မာသည့် မြန်မာတို့၏ရေရှည်အကျိုးစီးပွားအတွက် အာမခံချက် ရှိရန်။
၂။ ထိုလမ်းများဖောက်လုပ်မှု သဘာဝပတ်ဝန်းကျင်နှင့် ဒေသခံလူထု ထိခိုက်မှုများအား ပြည့်ပြည့်ဝဝ လုံလုံလောက်လောက် အချိန်နှင့်တပြေးညီရရှိရန်။
၃။ ထိုလမ်းပိုင်းများအား ထိမ်းချုပ်ခွင့်သည် မြန်မာအစိုးရလက်ဝယ်တွင်ရှိပြီး မြန်မာအချုပ်အခြာအာဏာထိပါးခြင်း မရှိစေ ရန်။
၎။ ထိုလမ်းပိုင်းများတွင် ဖြတ်သန်းသွားလာသော တရုတ်ကုန်စည်များကြောင့် ပတ်ဝန်းကျင်နှင့်ဒေသခံတို့အား ထိခိုက်မှု ရှိ ပါက လုံလောက်သောအာမခံမှုအား တရုတ်တို့ကပေးရန်။
၅။ ဘေးအန္တရယ်ရှိသော ပစ္စည်းများဖြတ်သန်းခွင့်မပြုရန်။
၆။ အဆိုပါ လမ်းကြောင်းများဖေါက်လုပ်ရာတွင်၎င်း ၎င်းလမ်းကြောင်းများထိမ်းချုပ်မောင်းနှင်ရာတွင်လည်းကောင်း၊ မြန်မာ ပြည်မှ အလုပ်အကိုင်ရရှိမှု အဆင့်အားလုံးတွင် ၈၅ ရာခိုင်နှုန်း အနည်းဆုံးရရှိရန်။
၇။ လုပ်ငန်းဆိုင်ရာသဘောတူညီချက်များကို လွှတ်တော်တွင် တင်သွင်းအတည်ပြုရန်နှင့် လွှတ်တော်မှလိုအပ်သည့် ဥပဒေ များ ပြဌာန်းရန်။
၈။ တိုင်းပြည်အကျိုးစီးပွားကို ရောင်းစားပြီး လာဘ်ယူ၍ ကိုယ်ကျိုးစီးပွားရှာသည့် တာဝန်ရှိသူများအား ပြတ်ပြတ်သားသား အရေးယူရန်။
သို့ဖြစ်ရာ တရုတ်တို့သေနင်္ဂါဗျူဟာ စီးပွားရေးရည်မှန်းချက်တွင်ကျွန်ုပ်တို့ တိုင်းပြည်အတွက် အကျိုးစီးပွားဖြစ်ထွန်းအောင် ဆောင်ရွက်ရန် လိုပေသည်။
တတိယအချက်နှင့် တရုတ်မြန်မာနယ်စပ်ကုန်သွယ်ရေးတွင် မြန်မာပြည်မှ တားမြစ်ထားသည့် ကုန်ပစ္စည်းများအား မြန်မာ ကုန်သည်များက မှောင်ခိုထုတ် ရောင်းချနေခြင်းကို ဖြေရှင်းရန်အတွက် ပူးပေါင်းနည်းလမ်းရှာကြရန်လိုအပ်သည်။
ဤသည်တို့ကား လက်ရှိ တရုတ်မြန်မာမာဆက်ဆံရေးတွင် ကျွန်ုပ်တို့ တိုင်းပြည်အတွက်အရေးကြီးသော ပြဿနာဖြစ်ပေ သည်။ ဤကား စီးပွားရေး ကုန်သွယ်ရေးပူးပေါင်းဆောင်ရွက်ရေးပြဿနာဖြစ်သည်။ တောင်တရုတ်ပင်လယ်တွင်း တရုတ်တို့ စိုးမိုးထက် လက်တွေ့ကျသော ဖြေရှင်းရန်လိုအပ်သော မြန်မာ့ပြည်တွင်းမှ ရင်းနှီးမြှုပ်နှံမှု အများဆုံးဖြစ်သည့် ဆက်လက် တိုးချဲ့ မြှုပ်နှံရန်လည်း ကြိုးစားနေသည့် တရုတ်တို့၏စီးပွားရေးလုပ်ငန်းကြီးများအား ကောင်းမွန်စွာဖြင့် တိုင်းပြည်အတွက် အကျိုးရှိစေရန် ထိမ်းကြောင်းနိုင်ရေးပြဿနာဖြစ်သည်။ ကျွန်ုပ်တို့အတွက် တောင်ပင်လယ်ထက်အရေးပါသည့်လက်တွေ့ကျသည့် ပြဿနာဖြစ်ပေသည်။
တရုတ်တို့က တရုတ်တို့၏အကျိုးစီးပွားအတွက် ကြိုးပမ်းအားထုတ်ခြင်းသည် သဘာဝကျသကဲ့သို့ ကျွန်ုပ်တို့ မြန်မာပြည်သား များအနေနှင့်လည်း မိမိတို့တိုင်းပြည်အကျိုးစီးပွားအတွက် စဉ်းစားလုပ်ကိုင်ခြင်းသည်လည်း ဖြစ်သင့်ဖြစ်ထိုက်သော ကိစ္စဖြစ် ပေသည်။
နောက်ပြဿနာတခုကတော့ တရုတ်တို့နှင့်ဆက်နွယ်ပတ်သက်နေသည့် နိုင်ငံရေးပြဿနာ နယ်စပ်ပြဿနာ ကျွန်ုပ်တို့၏ ငြိမ်းချမ်းရေး ပြဿနာဟု ဆိုရပေမည်။
ဆက်လက်ဖေါ်ပြပါမည်
Mg Mg Soe (မောင်မောင်စိုး)
photo တကောင်း နီကယ်စက်ရုံ