ငြိမ်းချမ်းအေး ● အပြောင်းအလဲဟာ စာသင်ခန်းက စရပါမယ်
(Education Digest / The Ladies News / မိုးမခ)
(Education Digest / The Ladies News / မိုးမခ)
အောက်တိုဘာ ၃၊ ၂၀၁၆
Education Digest က “၂၁ ရာစု ပင်လုံ အလွန် မြန်မာ့ပညာရေးကို ဆွေးနွေးခြင်း” (အောက်တိုဘာလ ၄ ရက်နေ့) ခေါင်းစဉ်နဲ့ ပညာရှင်တွေကို ဖိတ်ခေါ်ပြီး ပြုလုပ်တဲ့ အကြောင်း သိရလို့ အင်မတန်ဝမ်းသာမိပါတယ်။ ဘာကြောင့်ဆို နှစ်ငါးဆယ်ကျော် လုပ်ချင်တိုင်း လုပ်ခံထားရလို့ ဖြစ်ချင်တိုင်းဖြစ် ပျက်ချင်တိုင်း ပျက်နေတဲ့ တိုင်းပြည်ရဲ့ ပြဿနာကြီးတွေကို ပြောတိုင်းမှာ ပညာရေးက အရေးကြီးလို့ ဖြစ်ပါတယ်။ ပင်မ ရေသောက်မြစ် ရောဂါဖြစ်တဲ့ နိုင်ငံရေးပြဿနာကို ဖြေရှင်းနိုင်မှ ငြိမ်းချမ်းရေး အပါအဝင် လူမှု-စီးပွား-ကျန်းမာ-ပညာ-အားကစား ဘက်စုံ ဖွံ့ဖြိုးတိုးတက်လာမယ်ဆိုတာလည်း မလွဲ ဧကန် မှန်ပါတယ်။
ဒါပေမဲ့ နိုင်ငံရေး ပြဿနာ ဖြေရှင်းရာမှာ ပညာရေးကဏ္ဍကလည်း အရေးကြီးတဲ့ အထောက်အကူ နေရာက ပါနိုင်တဲ့ အတွက် ပညာရေးပြုပြင်ပြောင်းလဲမှုကိုလည်း တိုင်းပြည်မှာ ထိပ်တန်းဦးစားပေး အဆင့် အဖြစ် မဖြစ်မနေ ဦးစားပေး လုပ်ကိုင်ဖို့လိုပါတယ်။ နိုင်ငံရေးပြုပြင်ပြောင်းလဲမှု ဖြစ်စဉ်နဲ့အတူ ပညာရေးကလည်း တပြိုင်နက်တည်း လုပ်ရမယ့် “Concurrent” ဖြစ်စဉ်ဖြစ်သင့်ပါတယ်။ အကြောင်းက ပညာရေးစနစ်၊ မူဝါဒနဲ့ ပြဋ္ဌာန်းစာတွေရဲ့ နိုင်ငံရေး အပေါ် သက်ရောက်မှုက အရေးပါလို့ပါပဲ။
နိုင်ငံရေး ပြဿနာမှာ ခေါင်းဆောင်တွေ အဓိက ဖြေရှင်းဖို့ ကြိုးစားနေကြတာက တိုင်းပြည်ရဲ့ လူမျိုးစုစုံ၊ အစုအဖွဲ့စုံ၊ အလွှာစုံမှာ အတိတ်ခေတ်စနစ်ရဲ့ ဒဏ်ကြောင့် ဖြစ်ပေါ်နေတဲ့ “လူမှု-စီးပွား-နိုင်ငံရေးရာ” ကွာဟနေမှု၊ သဘာမတူညီမှုတွေကို နီးစပ်အောင်၊ ထိကပ်အောင်၊ နားလည်မှုတခုတည်ဆောက်ယူနိုင်အောင် ညှိနှိုင်းတွေ့ဆုံ အဖြေရှာတဲ့ အမျိုးသားအဆင့် (တနိုင်ငံလုံးအဆင့်) ရင်ကြားစေ့ရေးလို့ ယေဘုယျ နားလည်နိုင်ပါတယ်။
ဒီနေရာမှာ ပြန်လည်သင့်မြတ်ရေး၊ ရင်ကြားစေ့ရေး ဖြစ်စဉ်ကို လျင်လျင်မြန်မြန် အောင်အောင်မြင်မြင်နဲ့ ပြီးမြောက်အောင် ပံ့ပိုးပေးနိုင်စွမ်းတဲ့ အထောက်အကူပစ္စည်း (Cataylst) အဖြစ် ပညာရေးကဏ္ဍကလည်း အသုံးတော်ခံနိုင်ပါတယ်။ အခုအခါ ယူနက်စကိုနဲ့ ပူးပေါင်းပြီး အခြေခံပညာကျောင်းများမှာ ငြိမ်းချမ်းရေးသင်ခန်းစာတွေ သင်မယ်သိရလို့ ဝမ်းသာရပါတယ်။ ဒါပေမဲ့ ဒီထက်မက ပြုပြင်ပြောင်းလဲမှုတွေ လိုအပ်ပါတယ်။
■ ပညာရေးနဲ့ နိုင်ငံရေး
ဥပမာ တခု ကို ကြည့်ပါ။ မျက်မှောက်ခေတ် ပညာရေးသင်ရိုးညွှန်းတမ်းတွေမှာ (အခြေခံ + အဆင့်မြင့် နှစ်ခုစလုံးမှာ) ၁၉၄၈ ခုနှစ် လွတ်လပ်ရေး ရပြီးစကတည်းက တည်ရှိလာခဲ့တဲ့ လူမျိုးစု ရေးရာနဲ့ အယူဝါဒ ရေးရာ အခြေခံ တော်လှန်ရေး တွေကနေ အခြေတည်လာခဲ့တဲ့ ပြည်တွင်းစစ် ပြဿနာ ရင်းမြစ်ကို အမှန်အတိုင်း၊ ပကတိ အတိုင်း ပုံဖော်မှု အင်မတန် အားနည်းနေပါတယ်။ ရောင်စုံ လက်နက်ကိုင်သောင်းကျန်းသူတွေ အများကြီးရှိနေလို့ တပ်မတော်က တိုင်းပြည်ကို ဦးဆောင်နေရတယ်ဆိုတဲ့ သဘောသာ တင်းကျမ်း ဖြစ်နေပါတယ်။
အလားတူပဲ ၁၉၆၂ ခုနှစ် တပ်မတော်က တော်လှန်ရေးကောင်စီအမည်ခံ အာဏာသိမ်းခဲ့မှု ဖြစ်စဉ်နဲ့ နောက်ပိုင်းတလျှောက် ကနေ့ခေတ်အထိ တပ်မတော်ဦးဆောင်တဲ့ နိုင်ငံရေး အခန်းကဏ္ဍ ကိုလည်း ပြည်ထောင်စုကြီး ပြိုကွဲမှာစိုးလို့၊ တိုင်းပြည်ကို ချောက်ထဲ မကျစေချင်လို့ တပ်မတော်က ကယ်တင်ဟန် ပုံဖော်မှုတွေသာ ပညာရေးစနစ်မှာ အမြစ်တွယ်နေပါတယ်။
ဒီလို ပညာရေးမျိုးနဲ့ အယူဝါဒရေးရာကော၊ လူမျိုးစုရေးရာမှာပါ ရင်ကြားစေ့ဖို့ လိုနေတဲ့ ပြန်လည်သင့်မြတ်ရေး နိုင်ငံရေး ပြဿနာ ဘယ်လို အဆုံးတိုင် မှန်မှန်ကန်ကန် ဖြေရှင်းနိုင်ပါ့မလား ခင်ဗျား။ လူပြိန်းအတွေးနဲ့ တွေးကြည့်ရင်ကို ပညာရေးစနစ် ပုံဖော်မှုက နိုင်ငံရေးကို ဘယ်လောက်ထိခိုက်စေသလဲ မြင်နိုင်ပါမယ်။
ဥပမာ နောက်တမျိုးကို ကြည့်ပါ။ လက်ရှိ ဒီမိုကရေစီ အရပ်သား အစိုးရ အများစု ဆိုကြတဲ့ ခေတ်အထိလည်း ပညာရေးစနစ်၊ ကျောင်းသင်ခန်းစာတွေမှာ ၁၉၆၂၊ ၇ ရက် ဇူလိုင် ကျောင်းသားလှုပ်ရှားမှုကစလို့ ၇၄၊ ၇၅၊ ၇၆၊ ၉၆၊ ၈၈ ၂၀၀၇ ရွှေဝါရောင် အဆုံး ရဟန်း၊ ပြည်သူ၊ ကျောင်းသား၊ အလုပ်သမား အရေးတော်ပုံ အသီးသီးရဲ့ သမိုင်းနဲ့ နောက်ခံ အကြောင်းအရင်းတွေ အနာဂတ် မျိုးဆက်သစ် စာသင်သားတွေကို သင်ကြားပြသပေးမှု၊ သမိုင်းသင်ခန်းစာ ယူ ထုတ်နှုတ် ကျိုးကြောင်းဆက်စပ်ပြမှု ပညာရေး မပေးနိုင်သေးဘူး။ “နောင်ဆိုရင် ဆူဆူပူပူမလုပ်နဲ့၊ ကျည်ဆန်စာမိမယ်၊ ငြိမ်ငြိမ်ဝပ်ဝပ်နေကြ” ဆိုတဲ့ သွားလေသူ အာဏာရှင်ဟောင်းကြီးရဲ့ ကြိမ်းမောင်းမှုနဲ့ အလား သဏ္ဌာန်တူ အတွေးအခေါ်မျိုးကိုသာ ပေးတဲ့ ကျောင်းစာသင်ခန်းက ဘယ်လို လွတ်လပ်စွာ စဉ်းစားတွေးခေါ်တဲ့ စိတ်ကူးစိတ်သန်းကို အခြေခံတဲ့ စွန့်ဦးတီထွင် ပညာရှင်တွေ မွေးထုတ်ပေးမလဲ ခင်ဗျား။ နိုင်ငံရေးအရဆိုရင်လည်း ဒီလို သမိုင်းအမှန်ကို မဖော်ထုတ်တဲ့ အနေအထားနဲ့ ခံခဲ့ရသူ ပြည်သူနဲ့ စံခဲ့ / စံနေ သူ လူတစု ဘယ်လို ရင်ကြားစေ့နိုင်ပါ့မလဲ ခင်ဗျား။
■ ပညာရေးနဲ့ လူမျိုးစု တိုင်းရင်းသားရေးရာ
ပညာရေး စနစ်မှာ မှားယွင်းနေတဲ့ ပုံဖော်မှု၊ လမ်းကြောင်းမှုတွေ အပြည့် ဖြစ်နေတာ နောက်တချက်ကတော့ ပြည်ထောင်စု သမိုင်း၊ လူနည်းစု လူမျိုးစု ရေးရာ ဆက်စပ်ပါပဲ။ ပညာရေး စနစ်မှာ ဘာသာ တခု၊ လူမျိုး တခု တည်းကို စံ သတ်မှတ် ပြဋ္ဌာန်းခြင်းပါ။ ရှင်းအောင် ဆိုရရင် မြန်မာ လူမျိုး တမျိုး၊ ဗုဒ္ဓဘာသာ တဘာသာ တည်းကိုသာ ဗဟိုပြု သင်ရိုးညွှန်းတမ်း တည်ဆောက်ထားခြင်းပါ။ တိုင်းပြည်မှာ မှီတင်းနေထိုင်နေသူ ဘာသာစုံ၊ လူမျိုးစုံ အားလုံးရဲ့ သဘော၊ သဘာဝ တွေ ကို ပညာရေး စနစ်မှာ လျစ်လျူရှု ချန်ထားမှု က လူ့အဖွဲ့အစည်း အတွင်း အမုန်းတွေ၊ ရန်ငြိုးတွေ၊ အာဃာတတွေ မလျော့နိုင်၊ မပျောက်နိုင်၊ ပဋိပက္ခတွေဖြစ်၊ စစ်မီးတွေ ဆက်လက် တောက်နေရခြင်း ရဲ့ အဓိက အကြောင်းကြီး တရပ် ဖြစ်ပါတယ်။
မတူကွဲပြားသူချင်း ချစ်ခင် ရင်းနှီး၊ နားလည်မှု တည်ဆောက်နိုင်ဖို့ဆိုတာက တယောက်နဲ့ တယောက် အရင် သိမှ၊ တယောက် ဓလေ့၊ ထုံးစံ၊ ယဉ်ကျေးမှု ကို တယောက် နားလည်မှ ဖြစ်နိုင်မှာပါ။ ဒါတွေကို ကလေး ဘဝ အခြေခံ ပညာရေး စနစ်မှာ လေ့လာခွင့် သိခွင့် မရခဲ့ရင် ဒီကလေး ကြီးတဲ့ အချိန် လူ့အဖွဲ့အစည်း အတွင်း ဝင်တဲ့ အခါမှာ မတူကွဲပြားမှုတွေကို လက်သင့်မခံနိုင်၊ မိမိနဲ့ မတူညီသူတွေကို နားမလည်နိုင် ဖြစ်ကာ အမြင်လွဲမှုတွေ အခြေတည်၊ အမုန်းတွေ ထားမိမှာသာ ဖြစ်ပါတယ်။ ဒါကို ပညာရေး စနစ်က ပြုပြင် ထိန်းကျောင်းနိုင်စွမ်းရှိရပါမယ်။ ဒါပေမဲ့ ဝမ်းနည်းစရာပါပဲ၊ ဒီအလုပ်ကိုလည်း လက်ရှိ ပညာရေးပြဋ္ဌာန်းစာ အများစုက မပေးစွမ်းနိုင်ပါဘူး။
မူလတန်းကနေ တက္ကသိုလ် အဆင့် အထိ သမိုင်း၊ မြန်မာစာ ကြိုက်တဲ့ ပြဋ္ဌာန်း စာအုပ် တအုပ်အုပ် ကို ယူကြည့်ပါ။ ပဒေသရာဇ်ခေတ်စော်နံတဲ့ လူမျိုးရေး အသားပေး၊ မြန်မာ လူမျိုးကြီး ဝါဒ အခြေခံ စာ၊ ဗုဒ္ဓ ဘာသာ အခြေပြု စာ ဒါတွေပဲ အဓိက လွှမ်းမိုးနေတာ တွေ့မြင်ရမှာပါ။ လူနည်းစု အငွေ့အသက် သဘောပါတာဆိုလို့ “ရာဇာဓိရာဇ်အရေးတော်ပုံကျမ်” ကို အကျဉ်း သင်ရတာမျိုးလောက်ပဲ ရှိပါမယ်။
ဒီနှစ် ပညာသင်နှစ် တက္ကသိုလ်အဆင့်မှာ သမိုင်းဘာသာ အဓိက သင်ယူသူ မရှိလို့ လူကြီးများက ဝိုင်း ဝေဖန်ကြပါတယ်။ လူငယ်တွေ သမိုင်းကို စိတ်မဝင်စားဘူး၊ လေ့လာလိုစိတ်မရှိဘူး စသဖြင့်ပေါ့။ ဒါပေမဲ့ တကယ့် ပြဿနာက ခေတ်အဆက်ဆက် အုပ်စိုးခဲ့သူများရဲ့ အာဏာ၊ ဥစ္စာ အတ္တကို အခြေခံပြီး လိုသလို ပုံဖျက် တည်ဆောက်ထားတဲ့ သမိုင်း ဘာသာရပ် ကျောင်းပြဋ္ဌာန်းစာကသာ လူငယ်တွေကို စာသင်ခန်းကိုလာ လေ့လာစေအောင် ဆွဲဆောင်မှု အနှစ်သာရ မရှိခြင်းပါ။ ဒီလို သမိုင်း ပြဋ္ဌာန်းစာမျိုး၊ သမိုင်းလိမ် သမိုင်းဝှက် ပုံဖော်မှုမျိုးနဲ့ ဆက်သွားနေရင် နောက်လည်း သမိုင်းကို သင်ယူလိုသူ ရှိမှာ မဟုတ်ပါ။
■ ပညာရေးနဲ့ စစ်ဘုရင် သူရဲကောင်းကိုးကွယ်ဝါဒ
ပညာရေးကနေ လူငယ်တွေကို ပေးနေတဲ့ မကောင်းတဲ့ အကျိုးသက်ရောက်မှု နောက်တခုကတော့ တိုင်းပြည်ကို လက်နက်အားကိုးနဲ့ တည်ဆောက်လာခဲ့ဟန် ပဒေသရာဇ် စစ်ဘုရင်တွေကို သူရဲကောင်းအသွင် အလွန်အကျွံ အမွှန်းတင် ပုံဖော်နေမှုနဲ့ စစ်ပွဲတွေကို တရားသောစစ်၊ မျိုးချစ်စစ် ဆိုပြီး စစ်သွေးစစ်မာန် တရားလွန်ကြွစေနေမှုပါ။ ပြည်သူက ဦးဆောင်ခဲ့တဲ့ ဖက်ဆစ်တော်လှန်ရေးကြီးကို တပ်မတော်တစုတည်းက လုပ်ခဲ့လေဟန် ပုံဖော်မှုမျိုး၊ နိုင်ငံရေး အရ အရယူခဲ့တဲ့ လွတ်လပ်ရေးကို တပ်မတော်ကြောင့်သာ ဖြစ်လေသဟန် ပုံဖော်မှုမျိုးနဲ့ ပုဂံ ခေတ်ကစလို့ ပဒေသရာဇ် စစ်ဘုရင်အဆက်ဆက် နဲ့ နောက်ဆုံး တပ်မတော်အုပ်ချုပ်တဲ့ စစ်အာဏာရှင်စနစ် အထိ တိုင်းပြည်၊ လူမျိုး (မြန်မာ/ဗမာ) နဲ့ အမျိုးသားရေးကို စစ်ဝါဒ၊ စစ်တပ်နဲ့ စနစ်ကသာ ကာကွယ်စောင့်ရှောက်နေဟန် တလွဲ ပုံဖျက်မှုမျိုးကို ပညာရေးစနစ်မှာပါ ထည့်သွင်း မှိုင်းတိုက်နေခြင်းမျိုးတွေဟာ ငြိမ်းချမ်းတဲ့ ဒီမိုကရေစီဖက်ဒရယ်ပြည်ထောင်စု တည်ဆောက်ရမယ့် အနာဂတ်ခရီးလမ်းအတွက် ဆူးငြောင့်ခလုတ်တွေ ဖြစ်စေပါတယ်။
အခြေခံပညာရေးမှာ အခုအချိန်ထိ “နောက်တခေတ်တွင်မှ အောင်စစ်သည် ဇာနည်များလိုပ၊ စွန့်စားကာ စစ်မြေနန်းကိုကွယ် မြန်းရမယ်လေ” ဆိုတဲ့ ဘယ်သူရေးမှန်းမသိတဲ့ စစ်ဝါဒအားပေး မျိုးဆက်သစ်ကို စစ်မြေပြင် တွန်းလွှတ်နေတဲ့ “ဗမာ့သား” ကဗျာမျိုးနဲ့ “ရှောင်စေတဲ့ ရှားစေ၊ ရှားစေတဲ့ ရှောင်စေ တို့သွေးကို လာမစမ်းနဲ့ ကျွမ်းပြန်လိမ့်လေ” ဆိုတဲ့ အမုန်းတရားအားပေး၊ လူသတ်ဝါဒ အခြေပြု စိတ်ကြွဆေး “တို့သွေး” လို ကဗျာမျိုးတွေ ပြဋ္ဌာန်းထားတာကို ကြည့်ပါ။ စစ်ဝါဒ အသားပေး၊ စစ်မြေပြင်မှာ သတ်ရ၊ ဖြတ်ရ၊ သေရတာကို ချီးမွမ်းခန်းဖွင့်ပြီး ဘယ်လို ပညာခေတ်ကြီးကို တည်ဆောက် ကမ္ဘာအလယ်မှာ ရင်ပေါင်တန်းနိုင်မလဲ ခင်ဗျား။
■ ပညာရေးနဲ့ ကျား-မ လူမှု ရေးရာ
လက်ရှိ ပညာရေး ပြဋ္ဌာန်းချက်တွေမှာ တဖက်စောင်းနင်း ဖြစ်နေတဲ့ နောက်တချက်ကတော့ ကျားဗဟိုပြုစနစ် (Patriarchy) ယောက်ျားသာ စွမ်းဆောင်ရည်ရှိသူ (Male Chavuinism) ဝါဒ သွတ်သွင်းထားခြင်းပါပဲ။ ကျား-မ ရေးရာ (Gender) အတွက် သုတေသန လုပ်နေသူ ကျနော့်ရဲ့ မိတ်ဆွေတချို့က ကျောင်းပြဋ္ဌာန်းစာမှာ ဘာကြောင့် “ယောက်ျားသူရဲကောင်းအကြောင်းတွေချည်း လွှမ်းမိုးထားလဲ” လို့ တာဝန်ရှိသူတဦးကို (အခုလတ်တလော) စစ်တမ်းတခု အတွက် မေးတော့ “မိန်းမသူရဲကောင်းမှ မရှိပဲဗျာ” လို့ ပြန်ဖြေပါသတဲ့။ ကျနော်ပါဝင် ဆွေးနွေးရတဲ့ သုတေသနအထောက်အကူပြု ဆွေးနွေးပွဲတခုမှာ သိခဲ့ရတာပါ။ ဒီလို စကား၊ သဘောတွေဟာ ကျနော့်ကို အံအားသင့် မင်သက်စေပြီး အနာဂတ်အတွက် အကောင်းမြင်လိုစိတ် ပျောက်ဆုံးစေပါတယ်။ အရင်ခေတ်စနစ်တွေလိုပဲ စစ်တိုက်တဲ့လူမှ သူရဲကောင်ခေါ်ကာ ဂုဏ်ပြုပြီး ပြဋ္ဌာန်းစာမှာ ထည့်သွင်းနေကြဦးမလို့လား ခင်ဗျား။ နိုင်ငံရေး၊ လူမှုရေး၊ စီးပွားရေး၊ စာပေ၊ အနုပညာ၊ အားကစား ကဏ္ဍစုံမှာ ကာယ၊ ဉာဏ ဘက်စုံ အစွမ်းပြ တိုင်းပြည်ဂုဏ်ဆောင် အမျိုးသမီးသူရဲကောင်းတွေကို အသားပေး ဖော်ထုတ်ဖို့နဲ့ ကျား-မ ခွဲခြားမှု အမြင်တွေ ပပျောက်ဖို့ လက်ရှိ ပညာရေးက စွမ်းဆောင်မပေးနိုင်ပါဘူး။ လက်ရှိ “ဘဝအတွက်တာ” သင်ခန်းစာ အောက်က “ကျား-မရေးရာ သင်ခန်းစာ” လောက်နဲ့ မလုံလောက်ပါဘူး ခင်ဗျား။
■ ပညာရေးနဲ့ ငြိမ်းချမ်းရေး
အထက်မှာ ဆွေးနွေးခဲ့တဲ့ ပညာရေးစနစ်က သက်ရောက်နေတဲ့ နိုင်ငံရေး၊ လူမျိုးစု တိုင်းရင်းသားရေးရာ၊ စစ်ဝါဒနဲ့ ကျား-မ လူမှုရေးရာ ဆွေးနွေးချက်တွေကို ကြည့်ရင် မျက်မှောက်တိုင်းပြည်မှာ နိုင်ငံရေး အရ၊ လူမျိုးရေး အရ၊ ကျား-မ လိင် အရ ဘာကြောင့် မငြိမ်းချမ်းနိုင်ဖြစ်နေတယ်၊ ကွဲပြားနေရတယ်၊ ရင်ကြားစေ့လို့ မရဖြစ်နေတယ်၊ သင့်မြတ်ရေးလမ်းစဉ် တည်ဆောက်လို့ မရဖြစ်နေတယ် ဆိုတာကို သိနိုင်ပါမယ်။ ပညာရေးဟာ ငြိမ်းချမ်းရေးကို အခြေမပြုဘဲ တဖက်ပိတ် အစွန်းရောက် အမျိုးသားရေးဝါဒ၊ စစ်ဝါဒ အသားပေးနဲ့ ကျား ဗဟိုပြု တည်ဆောက်ထားနေသရွေ့ တိုင်းပြည်ဟာ ငြိမ်းချမ်းရေးလမ်းကြောင်းအမှန်ပေါ်ကို ရောက်ရှိနိုင်မှာ မဟုတ်ပါ။
ဒီလို ပညာရေးစနစ်နဲ့ ၂၁ ရာစု ပင်လုံတင်မဟုတ် ၂၂ ရာစု ပင်လုံရောက်သွားသည့်တိုင်အောင်လည်း ခွင့်တူညီမျှ ဝါဒဖြူစင်တဲ့ ဖက်ဒရယ် ပြည်ထောင်စု စနစ်ကို တည်ဆောက်နိုင်မှာ မဟုတ်သလို တိုင်းပြည်မှာ တရားမျှတ လွတ်လပ်မှု အခြေခံ ငြိမ်းချမ်းရေးကိုလည်း တည်ဆောက်နိုင်မှာ မဟုတ်ပါ။ ငြိမ်းချမ်းရေး မတည်ဆောက်နိုင်ရင် နောက်ဆက်တွဲ လူမှု-စီးပွားနဲ့ နိုင်ငံရဲ့ အထွေထွေ ဖွံ့ဖြိုးတိုးတက်မှုလည်း တည်ဆောက်နိုင်မှာ မဟုတ်ဘဲ အရာရာ ဓားမနောက်ပိတ်ခွေး အဖြစ် လူမွေးလူရောင်မပြောင်တဲ့ စနစ်ဆိုး တိုင်းပြည်ဆိုးဟာ ပဋိစ္စသမုပ္ပါဒ် သံသရာ လည်နေမှာသာ ဖြစ်ပါတယ်။
ကွယ်လွန်သွားရှာပြီဖြစ်တဲ့ စာရေးဆရာ/မြန်မာစာ ဆရာ ဆရာဦးအောင်သင်းဟာ ၁၉၉၀ ခုနှစ် ဆယ်စုနှစ်များက စလို့ ကွယ်လွန်ချိန်အထိ လူငယ်ရေးရာ စာပေဟောပြောပွဲတွေမှာ “အခုခေတ်က ခလုတ်တချက်နှိပ်တာနဲ့ အိမ်နံပါတ်ရှာ လာမှန်တဲ့ ခေတ်”၊ “တိုင်းပြည်ကို ကာကွယ်ချင်သလား ပညာ”၊ “တိုင်းပြည်တိုးတက်ချမ်းသာချင်သလား ပညာ”၊ အရာရာ “ပညာ -- ပညာ” ဆိုပြီး ပညာဗဟိုပြု လူ့အဖွဲ့အစည်းကို ရှေးရှုဖို့ အမြဲ တိုက်တွန်းတတ်ပါတယ်။ ကျနော်ဒါကို အကြွင်းမဲ့ ထောက်ခံပါတယ်။ ဒါပေမဲ့ တခုတော့ ဖြည့်စွက်ရပါမယ်။ လက်ရှိ ပညာရေးစနစ်၊ ကျောင်းပြဋ္ဌာန်းစာနဲ့ အမိန့်ပေးစနစ် နာခံမှု အဓိက စာသင်ခန်း ယဉ်ကျေးမှုတွေနဲ့တော့ ကမ္ဘာတန်းဝင် ပညာလူ့အဖွဲ့အစည်းကို တည်ဆောက်နိုင်မှာ မဟုတ်ပါ။
■ နိဂုံး
အချုပ်အားဖြင့် ဆိုရသော် ပညာရေးစနစ်မှာ လူ့အဖွဲ့အစည်းကို လူအများကို အင်အားတရှိ ကျယ်ကျယ်ပြန့်ပြန့် သက်ရောက်စေတဲ့ Soft Power ရှိပါတယ်။ ဒီလို အားကောင်းတဲ့ အနာဂတ်အတွက် တိုင်းပြည်ရတနာလေးတွေ မွေးထုတ်ပေးနေတဲ့ နေရာမှာ၊ စနစ်မှာ ဆောင်းပါး တလျှောက် တင်ပြခဲ့တဲ့ အပြစ်အနာအဆာတွေ အပြည့် ဖြစ်နေပါတယ်။ တိုင်းပြည်ရဲ့ နိုင်ငံရေး၊ လူမျိုးရေး၊ ငြိမ်းချမ်းရေးနဲ့ ကျား-မ ရေးရာ ပြဿနာတွေကို အစပြုစေတဲ့၊ ကြီးထွားစေတဲ့၊ ရေရှည်စေတဲ့ သဘောတွေ စိတ်မကောင်းဖွယ် ပြည့်နှက်နေပါတယ်။ လူလူချင်း အပြန်အလှန် လေးစားချစ်တတ်ဖို့ရာ၊ မတူကွဲပြားမှုတွေကို လက်ခံကာ အယူဝါဒကွဲပြားမှု အစုံစုံကို နားလည် လက်ခံ ခန္တီပါရမီ (Tolerance) ရင့်သန် ကျင့်ကြံနိုင်ဖို့ရာ၊ ငြိမ်းချမ်းခြင်းကို လိုလားဖို့ရာ၊ သဘာဝပတ်ဝန်းကျင်ကို မြတ်နိုးဖို့ရာ စတဲ့ စတဲ့ ၂၁ ရာစု မေမီဒေါက်မီ ငြိမ်းချမ်းတဲ့ ဒီမိုကရေစီ လူ့အဖွဲ့အစည်းတည်ဆောက်နိုင်ဖို့ ဒေါက်တိုင်တွေကို စာသင်ခန်းက တည်ဆောက်ပေးနိုင်ရပါမယ်။
“စည်းကမ်းအစ စာသင်ကျောင်းက” လို့ မ-ဆ-လ ခေတ်မှာ ဆိုကြသလို အခု ပြောင်းဆိုကြည့်ဖို့ လိုနေပါတယ်။ “နိုင်ငံရေး အစ စာသင်ခန်းက”၊ “ရင်ကြးစေ့ရေး၊ ပြန်လည်သင့်မြတ်ရေး အစ စာသင်ခန်းက”၊ “ငြိမ်းချမ်းရေးအစ စာသင်ခန်းက”၊ “လူမှုတရားမျှတမှု အစ စာသင်ခန်းက” ဖြစ်ရပါမယ်။ “ပြောင်းလဲချိန်တန်ပြီ” အမှန်ဟစ်ကြွေး လိုကြရဖြင့် အားလုံး အတွက် အပြောင်းအလဲ ကို ပညာရေးစနစ်က စတင်ရမှာ ဖြစ်ကြောင်း တာဝန်ရှိသူ အပေါင်း စဉ်းစားဆင်ခြင်နိုင်အောင် တင်ပြလိုက်ကြောင်းပါ ခင်ဗျား။
ငြိမ်းချမ်းအေး
စက်တင်ဘာ ၃၀၊ ၂၀၁၆
(ဆက်သွယ်ရန်နှင့် ဝေဖန်ရန် - nyeinchanaye81@gmail.com)
ဆောင်းပါးပါ ကဗျာ နှစ်ပုဒ် အညွှန်း -- အစိုးရပညာရေး ၄ တန်းနဲ့  ၆ တန်းမှာ ပြဋ္ဌာန်းထားတဲ့ မြန်မာစာသင်ရိုးက ကဗျာနှစ်ပုဒ်ပါ။
မှတ်ချက် -- Education Digest (ပညာပဒေသာ) အပတ်စဉ်ထုတ် ဂျာနယ် အတွဲ-၅၊ အမှတ်-၃၉ တွင် မူလ ပုံနှိပ်ခဲ့ပါသည်။
https://www.facebook.com/TheNewEducationDigestJournal/posts/1099509546800302:0
မှတ်ချက် -- Education Digest ဂျာနယ် က စီစဉ်တဲ့ “၂၁ ရာစု ပင်လုံ အလွန် မြန်မာ့ပညာရေးကို ဆွေးနွေးခြင်း” မှာ Moderator အဖြစ် ဆောင်ရွက်ဖို့ အစက စီစဉ်ခဲ့ပေမယ့် တခြား ဖျက်လို့ မရတဲ့ အလုပ်ကိစ္စတခုနဲ့ တိုက်သွားလို့ ပွဲမှာ ပါဝင်နိုင်မှာ မဟုတ်ပါ။ ဒါကြောင့် ဒီဆောင်းပါးဟာ စကားဝိုင်းမှာ ဦးဆောင်ဆွေးနွေးမယ့် ပညာရှင် ဆရာများကို ဆွေးနွေးစေလိုတဲ့ ကျနော့်ရဲ့ မေးခွန်းများနဲ့ ကျနော့် ရဲ့ အမြင်များလို့ ယူဆနိုင်ပါတယ်။
Edu Digest က အောက်တိုဘာ ၄ အင်္ဂါနေ့၊ နေ့ခင်း ၁ နာရီ Orchid ဟိုတယ်မှာ ပြုလုပ်မယ့် ပညာရေးဆွေးနွေးပွဲ အကြောင်းကို သူတို့ရဲ့ Event Page မှာ သွားရောက် လေ့လာနိုင်ပါတယ်။
https://web.facebook.com/events/658666497632276/
The Ladies News Journal တွင်လည်း ထပ်မံ ဖော်ပြခဲ့ပါသည်။
http://theladiesnewsjournal.com/articles/mon-2016-10-03-1334/3674