မောင်မောင်စိုး - NLD အမတ်လောင်း လူထုကြားဂယက်နှင့် တပ်ပေါင်းစုပြသနာ ( ပထမပိုင်း )

မိုးထဲလေထဲရေထဲတွင် NLD အမတ်လောင်းစာရင်းထွက်လာ သည်။ ရေဘေးနှင့်ကြုံနေသည့်ကအရေးကြီးသကဲ့သို့ တိုင်းပြည် အနာဂါတ်ကလည်းအရေးကြီးနေသည်။ ထိုစဉ် အမတ်လောင်းများ မှတ်ပုံတင်မည့် ရက်ကလည်း မရွှေ့ဆိုင်းသေးသဖြင့် အားလုံး အရေးကြီးနေပေတော့သည်။

ကျန်မည်သည့်ပါတီ၏ အမတ်လောင်းစာရင်းကိုမှ ပြည်သူအများ စိတ်ဝင်စားမှုမရှိ။ NLD အမတ်လောင်းစာရင်းကိုသာ လူထုကစိတ်ဝင်စားနေခြင်းမှာ လူထု၏ အနာဂါတ်မျှော်လင့်ချက်အား NLDအပေါ်ပုံထား၍ ဖြစ်သည်။ NLD အမတ်များ သေချာပေါက် နိုင်စေချင်၍လည်းဖြစ်သည်။

NLD အမတ်လောင်းစာရင်းတင်စဉ်က NLDရုံးချုပ်တွင် ဝုန်းဒိုင်ကျဲနေသည်ဆိုလျင် ယခုအမတ်လောင်းစာရင်း ထွက်ပြီးနောက် ဗြောင်းဆန်နေသည်ဟုဆိုရမည် ။ ပထမ ပြသနာမှာ ဗဟိုကရွေးချယ်သော အမတ်လောင်းများကို အောက်ခြေမြို့နယ်များမှ၎င်း ၎င်းမြို့နယ်များမှ ပြည်သူအချို့က၎င်း အကြိုက်မတွေ့ခြင်းဖြစ်သည်။

တကယ်တော့ ဤပြသနာမှာပါတီတွင်းပြသနာဖြစ်သော်လည်း မကြေလည်သူများက အများပြည်သူသို့ချပြခြင်းကြောင့် ပြည်သူများကြားတွင် ဂယက်ထခဲ့သည်ဟုဆိုရပေမည်။ တကယ်တမ်းပါတီတွင်းပြသနာအား အများပြည်သူသို့ချပြခြင်း သည် NLD ပါတီအနေနှင့်အနေနှင့် ပါတီစည်းရုံးစည်းကမ်း လိုက်နာမှုကို အားဖြည့်ရန် လိုကြောင်း ညွှနိပြနေသည်။

NLD ပြောရေးဆိုခွင့်ရှိသူ ဒေါ်နန်းခင်ထွေးမြင့်၏အဆိုအရ အမတ်လောင်းရွေးချယ်သည့် လျှောက်လွှာများအား အောက်ခြေ၏မှတ်ချက်ဖြင့်အဆင့်ဆင့် ဗဟိုသို့ရောက်လာပြီး ဗဟိုမှရွေးချယ်ဆုံးဖြတ်ချက်သည်အတည်ဖြစ်သည်ဟုဆိုသည်။

နိုင်ငံရေးပါတီတရပ်အဖို့ အမတ်လောင်းရွေးချယ်ခြင်းအပါ ပါတီ၏ပေါ်စီများကို ချမှတ်ခေါင်းဆောင်ရမည်သာဖြစ်သည်။ အောက်ခြေအဆင့်ဆင့်သည်ဗဟို၏ဆုံးဖြတ်ချက်များကို နာခံအကောင်အထည်ဖေါ်ရမည်သာဖြစ်သည်။ အမတ်လောင်း ရွေးရာတွင်လည်း ဗဟို တိုင်း ခရိုင် အဆင့်မှခေါင်းဆောင်များ အခြားပြင်ပမှဖိတ်ခေါ်သူများမှာလည်း မြို့နယ်အဆင့်မှပင် ဝင်ရောက်အရွေးခံရမည်ဖြစ်ရာ မြို့နယ်မှ အားလုံးရွေးချယ်ရန် လက်တွေ့အရလည်းမဖြစ်နိုင်ပေ။ သို့သော် ယခုတွေ့ရသည်မှာ မြို့နယ်အဆင့်မှ မိမိတို့ကအားလုံးရွေးချယ်ခွင့်ရှိသည်ဟု အမှတ်မှား နေကြသည်ကိုတွေ့ရပေသည်။ တကယ်ဆိုလျင် မြို့နယ် ခရိုင် တိုင်းတို့၏တာဝန်မှာ အမတ်လျောက်ထားသူများအား မှတ်ချက်ပေး၍ ဗဟိုသို့တင်ပြရန်သာ တာဝန်ရှိပေသည်။ ဤသည်မှာ NLD ခေါင်းဆောင်ပိုင်းနှင့် အောက်ခြေကြား ရှင်းလင်းပြတ်သားသည့် သဘောထားမရှိခဲ့၍ဟုဆိုရမည်။

တဖက်တွင်လည်း NLD ခေါင်းဆောင်ပိုင်းအနေနှင့် မိမိချမှတ် ထားသောဆုံးဖြတ်ချက်အားအောက်ခြေသို့ ရှင်းလင်းချပြရန် လိုအပ်သလို အောက်ခြေ၏အသံကိုလည်း အလေးထားဘို့ လိုပေလိမ့်မည်။

တကယ်တော့ အထက်ပါပြသနာများသည် ပါတီတွင်းပြသနာ များဖြစ်သော်လည်း ပါတီတွင်းထားရှိရမည့်စာရွက်စာတမ်း များမှအစ အများပြည်သူများကြား ပျံ့နှံ့လာခြင်းမှာ ပါတီ စည်းရုံးရေးစည်းကမ်းလိုက်နာမှု အားနဲခြင်းကိုဖေါ်ပြသည်ဟု ဆိုရပေမည်။သို့သော် NLD ပါတီဝင်အမတ်လောင်းပြသနာသည် မြို့နယ်အလိုက်သာ ပြသနာရှိသော်လည်း တပြည်လုံးအတိုင်း အတာထိတော့ ကြီးမားသည့်ဂယက်မရိုက်ပါ။

အဘယ်ကြောင့်ဆိုသော် မြို့နယ်အလိုက် မကြေလည်သည့် အမတ်လောင်းများ၏ အားနဲချက်ဆိုသည်ကို ထိုမြို့နယ်ရှိပါတီဝင်များနှင့် ပြည်သူအနည်းငယ်ကသာသိပြီး တပြည်လုံး အတိုင်း အတာအရမသိကြချေ။ ဥပမာ ရန်ကင်းမြို့နယ်က မကြေလည့် အမတ်လောင်းများနှင့်ပတ်သက်ပြီး အရွေးခံ ထားရသူရော အရွေးမခံရသူပါ တပြည်လုံးအတိုင်းအတာအရ မသိကြပေ။သူ့မြို့နယ် အတိုင်းအတာအရသာ သိကြ၍ဖြစ်သည်။

တဖန် မင်္ဂလာတောင်ညွန့်မြို့နယ်မှ သူမြို့နယ်အနေအထားအရ ဒေါ်ဖြူဖြူသင်းအားကန်ကွက်သည်ဟုဆိုသည်။ မြို့နယ်အနေ အထားအရ ကန့်ကွက်ခြင်းဖြစ်သော်လည်း တပြည်လုံးအတိုင်း အတာအရ ဒေါ်ဖြူဖြူသင်းအား ကန့်ကွက်ခြင်းအား နားလည် လက်ခံနိုင်ခြင်းရှိမည်မဟုတ်ပါ။ ကျန်မြို့နယ်များရှိ အမတ်လောင်းများ အားနည်းချက်ရှိသည်ဆိုသည်မှာလည်း သက်ဆိုင်ရာ မြို့နယ်အလိုက်သာ ဂယက်ရိုက်နိုင်သော်လည်း အတိုင်း အတာမကြီးမားနိုင်ပါ။

တဖက်ကပြောလျင် လက်ရှိအနေအထားတွင်ပါတီတွင်း မကြေနပ်ချက်များအား ဖွင့်ပေးပြီးအရေးယူဆောင်ရွက်မှုပြုနေရာ အမတ်နေရာများစွာ အပြောင်းအလဲ လုပ်နိုင်မည်မဟုတ်သော် လည်း ကြိုဆိုရမည့် အချက်ပင်ဖြစ်သည်။

လက်ရှိအခြေအနေတွင် ပါတီဝင်အချို့နှုတ်ထွက်ခြင်းများရှိသည်။ မူအရ ပါတီဝင်သည်ပါတီ၏ဆုံးဖြတ်ချက်များကို မိမိသဘော ထား နှင့်တိုက်ဆိုင်မှုမရှိသော်လည်း ယနေ့ကာလကဲ့သို့ ဒီမိုကရေစီ အလှည့်အပြောင်းအရေးကြီးနေသောအချိန်တွင် မိမိကြား ကွဲလွဲမှုများအား အတွင်းစည်းတွင်ထား၍စည်းလုံးနာခံရန် လိုပေသည်။ချောက်မြို့နယ် NLDကဲ့သို့ အမတ်လောင်း ရွေးချယ်မှုနှင့် ပတ်သက်၍အငြင်းပွါးဘွယ်ရာရှိသော်လည်း ပါတီဗဟိုဆုံးဖြတ်ချက်ကိုနာခံပြီး အောင်နိုင်ရေးကို တက်တက်ကြွကြွ လုပ်ဆောင်သွားရန်လိုသည်။

သို့သော် ဥပဒေတွင်းပါတီများ ဖြစ်လေ့ဖြစ်ထရှိသော ပါတီဝင် နှုတ်ထွက်ခြင်း ပါတီပြောင်းခြင်းအမတ်များပါတီပြောင်းခြင်း တို့မှာ သိပ်တော့မထူးဆန်းလှပေ။ဖြစ်ရိုးဖြစ်စဉ်ဟုသာဆိုရမည်။

လက်ရှိNLD အမတ်လောင်းများ စင်းလုံးချောမဖြစ်တောင်မှ ရာနှုံးအများစုကောင်းမည်ဟု မျှော်လင့်ပါသည်။ NLD ခေါင်းဆောင် ပိုင်းအနေနှင့်လည်း နောင်တွင်ပိုမိုဂရုစိုက်ရတော့ပေမည်။ လူထုအနေနှင့်လည်း ပါတီကိုသာမက လူပုဂ္ဂိုလ်ကိုပါရွေးချယ်လာပြီ ဖြစ်သည်ကို သတိပြုသင့်သည်။လူထုအနေနှင့် “အဘ အဘ” နှင့် လုပ်စားသွားကြသည်ကို ခံခဲ့ရသည့်အတွေ့အကြုံအရ “အမ အမ” နှင့် လုပ်စားကြသူများ မပါစေလိုသည်ကို ဂရုပြုပေးသင့်သည်။

တကယ်တော့ဤပြသနာများပေါ်လာခြင်းမှာ အမတ်လောင်း ရွေးချယ်ခြင်းနှင့်ပတ်သက်၍ ပြင်ဆင်ချိန် နဲပါး၍ဖြစ်သည်။ ရွေးကောက်ပွဲဝင်ရန်ဆုံးဖြတ်ချိန်နောက်ကျ၍ အမတ်လောင်း ရွေးရန် အချိန်မလုံလောက်ဟုဆိုသည့် အကြောင်းပြချက်မှာ လက်ခံနိုင်ဘွယ်ရာမရှိဟုဆိုရမည်။

အဘယ်ကြောင့်ဆိုသော် ၂၀၁၂ ကြားဖြတ်ရွေးကောက်ပွဲ ဝင်ရောက်ခဲ့သည့် NLD ပါတီအနေနှင့် ၂၀၁၅ ရွေးကောက်ပွဲ အတွက် ၂၀၁၅ နှစ်ဆန်းကတည်းက ဝင်ပြိုင်မည့်အမတ်လောင်း ရွေးချယ်ရန်ပြင်ဆင်ထားရပေမည်။ ထိုသုိ့ပြင်ဆင်ပါက ကိုယ်စားလည်လောင်းရွေးချယ်ခြင်းနှင့် ပတ်သက်ပြီး အထက် အောက်အပြန်အလှန်ပါတီတွင်း၌ ကြေလည်အောင် ညှိနှိုင်းနိုင်လိမ့်ပေမည်။ NLDအတွက် ၂၀၁၅ အမတ်လောင်း ရွေးချယ်မှုကို Plan A အဖြစ်ပြင်ဆင်ထားရမည်သာဖြစ်ပေသည်။

လက်ရှိလွှတ်တော်တွင်းမှ အမတ်များ လွှတ်တော်အားသပိတ်မှောက်ခြင်းဖြစ်စေ ၂၀၁၅ ရွေးကောက်ပွဲအား NLD မှသပိတ် မှောက်ခြင်းဖြစ်စေအစိုးရက ၂၀၁၅ ရွေးကောက်ပွဲအား ရွှေ့ဆိုင်ခြင်းဖြစ်စေ Plan B သာဖြစ်ပေလိမ့်မည်။ဥပဒေတွင်း ရွေးကောက်ပွဲလမ်းကြောင်းအား ရွေးချယ်ထားသောပါတီအဖို့ ၂၀၁၅ ရွေးကောက်ပွဲဆိုသည်မှာ သူ၏ပုံမှန်လုပ်ငန်းစဉ် အချိန်ဇယားတွင် ပါဝင်ပြီး ဖြစ်သည်။Plan A သာဖြစ်သည်။ လိုအပ်၍ Plan Bပြောင်းလည်း ပြသနာမရှိပေ။လာမည့် ပုံမှန် ရွေး ကောက်ပွဲကျင်းပဖြစ်ပါက သို့မဟုတ် ဝင်ရောက်ရန်ဆုံးဖြတ်ပါက ပြင်ဆင်မှုအဖြစ် ပြင်ဆင်ထားရပေမည်။

၂၀၁၅ ကြားဖြတ်ရွေးကောက်ပွဲနှင့် ၂၀၂၀ ရွေးကောက်ပွဲ အတွက် သင်္ခန်းစာဟု မှတ်ယူရပေမည်။အတွေ့အကြုံများက သင်ပေးနေသည်ဟုပင် မှတ်ယူရပေတော့မည်။

တကယ်တမ်းဆိုလျင် NLD အမတ်လောင်းရွေးချယ်မှု ဂယက် ပြင်းထန်ခြင်းမှာ NLD မှပြင်ပမှ ပါဝင်ယှဉ်ပြိုင်လိုသူများကို ဖိတ်ခေါ်မှုမှဖြစ်သည်။ပြင်ပမှ ပါဝင်ယှဉ်ပြီုင်လိုသူဖိတ်ခေါ်ရာ တွင် NLDပါတီဝင်ပြီးလျင် အမတ်လောင်းလျောက်လွှာတင်၍ရပြီဟု ဆိုခဲ့၏။

ထိုအခါ NLD ပြင်ပရှိ ဒီမိုကရက်တစ်အင်အားစုများ တသီး ပုဂ္ဂလများ ပညာရှင်များ NLD ၏အမတ်လောင်းစာရင်းလျှောက်ထားမှုတွင် ပါဝင်လာတော့သည်။ ထိုသူအများစုမှာ သူတို့၏ နိုင်ငံရေးဖြတ်သန်းမှုများ လုပ်ဆောင်ချက်များကြောင့် ပြည်သူများသိရှိကြသူများဖြစ်သကဲ့သို့ လူထုအတွင်းတွင်လည်း အထိုက် အလျောက် သြဇာရှိသူများ ဖြစ်ကြသည်။ဤတွင် လူထုအနေ နှင့်လည်း ဒီမိုကရေစီအင်အားစုများ လက်တွဲကြသည်ကို ဝမ်းသာအားရကြိုဆိုခဲ့ကြသည်။သို့ဖြစ်ရာ ထိုပါတီပြင်ပမှပုဂ္ဂိုလ်များအား ရွေးချယ်သည် မရွေးချယ်သည်မှာ ပါတီတွင်းပြသနာ သက်သက်မဟုတ်တော့ဘဲ တိုက်ရိုက်လူထုနှင့် သက်ဆိုင်သော ပြသနာဖြစ်လာတော့သည်။ ထိုအခါ ဂယက်ရိုက်ခတ်မှုလည်း ပိုကြီးသည်ဟု ဆိုရမည်။

ထို့ပြင် ပြင်ပမှ ဒီမိုကရက်တစ်အင်အားစုများအား အမတ်လောင်း ရွေးချယ်မှုဆိုသည်ကို သာမန်မူလပါတီဝင်များထဲမှ အမတ်လောင်းရွေးချယ်မှုနှင့်မတူပေ။NLD အနေနှင့် ပြင်ပမှ ဒီမိုကရေစီအင်အားစုများအား လက်တွေ့ကျကျ မည်သို့လက်တွဲ သွားသည် မည်သို့နေရာပေးသည်ဆိုသည့် ပါတီ၏ တပ်ပေါင်းစု ပေါ်လစီနှင့်သက်ဆိုင်သည်။ 

လူထုထောက်ခံမှုနှုံးမြင့်သည့် ပါတီတရပ်ဖြစ်စေကာမူ လူအားလုံး၏ထောက်ခံမှုကို ရနိုင်သည် မဟုတ်ချေ။ မိမိပါတီကို ထောက်ခံသည့်အင်အားများရှိသကဲ့သုိ့ တဖက်ပါတီကို ထောက်ခံသည့်အင်အားလည်းရှိသည်။ကြားနေ အင်အားများလည်းရှိသည်။ ပုံမှန်အခြေအနေအရဆိုလျင် ကြားအင်အားစုက လျော့တွက်၍မရအောင် များပြားလှသည်။ လူအပြည့်တက်ရောက်သည့်လူထုအစည်းအဝေးသည်ပင်လျင် မိမိထောက်ခံသည့် အင်အားအများစုနှင့်အတူ အခြေအနေကိုေ စာင့်ကြည့်အကဲခတ်နေသည့် ကြားအင်အားစုများလည်းပါနေ သည် သာဖြစ်သည်။

အင်အားကြီးမားသည်ဆိုသည့် နိုင်ငံရေးပါတီများသည်ပင် ကြားအင်အားစုများအား သိမ်းသွင်းနိုင်ရေးကိုအလေးထားကြ သည်။ ၁၉၄၈/၄၉ တရုတ်ပြည်တွင်းစစ်ကာလ နောက်ဆုံးပိုင်း မော်စီတုန်းနှင့်တရုတ်ကွန်မြူနစ်တို့အသာစီးရလာပြီဖြစ်သည်။ တရုတ်ပြည်နယ်မြေအများစုကို တရုတ်ကွန်မြူနစ်တို့ သိမ်းပိုက်ထားနိုင်ပြီး ဘေကျင်း ရှန်ဟိုင်းလို အဓိကမြို့ကြီး အနဲငယ်နှင့်နယ်စွန်နယ်ဖျားသာကျန်တော့သည်။ ထိုကဲ့သို့ မိမိအင်အား အသာစီးရသောအချိန်တွင်ပင် မော်စီတုန်းသည် ဒီမိုကရက်တစ်အင်အားစုများ သိမ်းသွင်းရေးကို စနစ်တကျ အားစိုက်လုပ်သွားသည်ကိုတွေ့ရသည်။

ဥပမာတခုအနေနှင့် မဒမ်စုန့်ချင်လင်းအားစည်းရုံးသိမ်းသွင်း ခဲ့သည်။ စုန့်ချင်လင်းဆိုသည်မှာထိုစဉ်တရုတ်ပြည်ရှိအချမ်းသာ အကြွယ်ဝဆုံးဆိုသည့် စုန့် ခုန့် စီ ဝင် ဆိုသည့်မျိုးနွယ် လေးခုအနက်တစ်ယောက်ဖြစ်သလို တရုတ်ပြည်အား ဘုရင်စနစ်မှ သမတနိုင်ငံအဖြစ်ပြောင်းလဲရာတွင် ပထမဆုံးသမတဖြစ် လာသည့် ကွယ်လွန်သူ ဒေါက်တာ ဆွန်ယက်ဆင်၏ဇနီးလည်း ဖြစ်သည်။ တရုတ်ပြည်အထက်လွှာ နှင့်လူလတ်တန်းစားများ ကြားတွင်သြဇာရှိသူဖြစ်သည်။ မဒမ်စုန့်ချင်လင်းအား စစ်နိုင်ဘို့ သေချာသလောက်ရှိနေသည့် မော်စီတုန်း ကသူ၏အလေးထား မှုက်ို သေချာစွာပြခဲ့သည်။မဒမ်စုန့်ချင်လင်းသူထံလာရောက် သည့်အခါ ဘူတာရုံသို့ ကိုယ်တိုင်ဆင်း ရထားတွဲပေါ်သုိ့ တက်၍ကြိုဆိုနှုတ်ဆက်ကာ သူ၏အလေးထားမှုကိုပြခဲ့သည်။ 

လွတ်မြောက်ပြီးတရုတ်ပြည်၏ နိုင်ငံလုံးဆိုင်ရာအမျိုးသား အတိုင်ပင်ခံကွန်ဂရက် သဘာပတိအဖွဲ့ဝင်အဖြစ်လည်း တာဝန်ယူစေ ခဲ့သည်။ ဤသို့ဖြင့် တရုတ်လူလတ်တန်းစားနှင့် အထက်လွှာ များကို သိမ်းသွင်းခဲ့သည်။မဒမ်စုန့်ချင်လင်းအပြင် အခြားဒီမိုကရက်တစ်အင်အားအများအပြားကို သိမ်းသွင်းခဲ့ပါသည်။

နောက်ဥပမာတခုအနေနှင့် ဘေကျင်းကို သိမ်းပိုက်ခါနီတွင် တဖက်ရန်သူ၏ ဘေကျင်းမြို့စောင့်တပ်မှူး ဖူစို့ယီအား စည်းရုံးသိမ်းသွင်းခဲ့ပြီး ဘေကျင်းမြို့အားအပျက်အစီးမရှိ သိမ်းပိုက်နိုင်ခဲ့သည်။ ဖူစို့ယီအားလည်း လွတ်မြောက်ပြီး တရုတ်ပြည်တွင် အစိုးရရာထူးကြီးတခုပေးခဲ့သေးသည်။

မော်စီတုန်းအနေနှင့် နောက်ပိုင်းတွင် အငြင်းပွါးဖွယ်ရာ အမှား အချို့ရှိသည်ဆိုသော်လည်း ထိုစဉ်ကာလက အစိတ်စိတ်အမွှာမွှာ ကွဲပြားနေသောနယ်ချဲ့ပေါင်းစုံ အုပ်စီးခံနေရသော တရုတ်ပြည်အား တစည်းတလုံးတည်း မားမားရပ်စေခဲ့သူဖြစ်သည်။သူသည် သူ့၏အင်အားကိုကြီးထွားအောင်တည်ဆောက်ရုံသာမက ကြားနေဒီမိုကရက်အင်အားစုများ ကိုပါသိမ်းသွင်းပြီး နောက်ဆုံး အောင်ပွဲကို လျင်မြန်ချောမွေ့စေခဲ့သူဖြစ်ပါသည်။

ထိုသို့သိမ်းသွင်းရာ၌လည်း ထိုပုဂ္ဂိုလ်များအားကွန်မြူနစ်ပါတီဝင်အဖြစ် အတင်းအကြပ်တောင်းဆိုဝင်ရောက်စေခြင်း မပြုခဲ့ပေ။ထိုစဉ် စစ်ကာလဖြစ်သည့်အားလျော်စွာ တရုတ်ကွန်မြူနစ်ပါတီဝင်များအတွက် တင်းကြပ်သောစည်းကမ်းများ နေထိုင်မှုဘဝနှင့်ပတ်သက်ပြီး ဆင်းရဲချွေတာမှုများရှိခဲ့သည်။သို့ဖြစ်ရားး ထိုပုဂ္ဂိုလ်များအား ဒီမိုကရေစီပုဂ္ဂိုလ်များအဖြစ် အသိမှတ်ပြုကာ ကွန်မြူနစ်ပါတီ၏ တင်းကြပ်သော စည်းကမ်းများမှ ကင်းလွတ်ခွင့်ပေးခဲ့သည်။

ပါတီပြင်ပမှ ဒီမိုကရက်တစ်အင်အားစုများကိုသိမ်းသွင်းခြင်း နေရာပေးခြင်းသည် ထိုလူပုဂ္ဂိုလ်ထိုအစုအဖွဲ့ကိုသာမက သူတို့၏ သြဇာသက်ရောက်သော ကြားနေအင်အားစုများကို စည်းရုံး သိမ်းသွင်းဖြစ်သည်ကို အလေးထားရန်လိုအပ်သည်။သို့ဖြစ်ရာ လက်ရှိပါတီပြင်ပမှ ဒီမိုကရက်တစ်အင်အားစုများအား အမတ်လောင်းရွေးမရွေးဆိုသည်မှာ ပါတီဝင်အမတ်လောင်းရွေးသည်နှင့်မတူပေ။ NLD ပါတီအနေနှင့် ပါတီပြင်ပရှိ ဒီမိုကရက်တစ်အင်အားစုများ တသီပုဂ္ဂလများပညာရှင်များကို မည်သို့သိမ်းသွင်းစည်းရုံးမည်မည်သို့နေရာပေးမည်ဆိုသည့် တပ်ပေါင်းစုပေါ်လစီနှင့်လည်း သက်ဆိုင်နေသည်။

ထို့ကြောင့်လည်း ဤကိစ္စနှင့်ပတ်သက်၍ ဒီမိုကရက်အင်အား စုများ တိုင်းရင်းသားပါတီများ စသည့် ကြားနေအင်အားစုများ ပြည်သူများက စိတ်ဝင်တစား စောင့်ကြည့်နေကြနေကြသည်။

သူတို့စောင့်ကြည်သည်မှာ အမတ်လောင်းမည်သူ မည်ဝါဖြစ်သည်ဆိုသည်ထက် ပါတီပြင်ပမှ ဒီမိုကရက်အင်အား စုများအားNLD ပါတီအနေနှင့် မည်မျှအလေးထား နေရာ ပေးသနည်း မည်မျှအလေးထားမှုရှိသနည်းကိုစောင့်ကြည့်ခြင်း ဖြစ်သည်။ NLD ပါတီပြင်ပရှိဒီမိုကရက်တစ်အင်အား စုများနှင့် ပတ်သက်သည့်တပ်ပေါင်းစုပေါ်လစီကို ဆန်းစစ် စောင့်ကြည့်ခြင်း ဖြစ်သည်။ ထိုကြောင့် မည်သည့်ရလဒ်ထွက်ပေါ်သည်ဖြစ်စေ ဒီမိုကရက်တစ်အင်အားစုများ ကြားနေအင်အားစုများ ပြည်သူများအား ပြင်းထန်စွာသက်ရောက်မှုရှိပေတော့သည်။