ဇော်အောင် (မုံရွာ) - ဧရာဝတီတိုင်း ၀န်ကြီးချုပ်သို့ အကြံပြု တိုင်ကြားချက်

ဧရာဝတီတိုင်း ပုသိမ်မြို့သည် တိုင်းဒေသကြီးအဓိကမြို့ကြီးဖြစ်ပြီး၊ လမ်းစည်းကမ်းထိန်းသိမ်းမှုများကို နိုင်ငံသားတစ်ဦးအဖြစ် လေ့လာသုံးသပ်ပါသည်။ ယခုနှစ်သစ် ၇၊ ၁၊ ၂၀၁၇ ပုသိမ်-ရန်ကုန် ဆားမလောက် ယာဉ်မတော်တဆမှုကြောင့် ဧရာဝတီတိုင်း ဝန်ကြီးချုပ် ထိခိုက်မှု ဖြစ်ခဲ့သည်။ ပုသိမ်မြို့ပတ်ဝန်းကျင်တွင် ယာဉ်တိုက်မှုများနှင့် ကားလမ်းကြပ်ခြင်းတို့အပြင် မိမိကိုယ်တိုင် မကြာခဏ ယာဉ်ထိန်းရဲမှ စစ်ဆေးဖမ်းဆီးခံ အချိန်ကုန် လူပင်ပမ်း ဖြစ်ရပ်များမှ အနည်းငယ်ဖြစ်စေ လွတ်မြောက်လိုသဖြင့် အကြံ့ပုစာရေးရခြင်းဖြစ်ပါသည်။

လက်ရှိလုပ်ဆောင်ချက်များ
၁။ မော်တော်ဆိုင်ကယ်များ၊ ကားကြီးငယ်များကို လိုင်စင်ဖြင့်မောင်းနှင့်ရန် ကြပ်မတ်ခြင်း။
၂။ မြို့တွင်းလမ်းဆုံများတွင် ယာဉ်ထိန်းရဲများ နေ့အချိန် နေရာချ၊ ဖမ်းဆီး အရေးယူစေခြင်း။
၃။ ယာဉ်စည်းကမ်းဖောက်ဖျက်သူများကို ဒဏ်ငွေအနည်းဆုံး ကျပ်၃သောင်းဆောင်စေခြင်း။
အခန်း(၁)ယခုတင်ပြချက်တွင် နံပါတ်(၃)အချက် ဒဏ်ငွေကျပ်၃သောင်းကိစ္စကို အထူး တင်ပြပါမည်။ လူများကို အခြေခံလစာမှာ တရက် ကျပ်၃၆၀၀ ဖြစ်သောကြောင့် ကျပ် ၃ သောင်းဒဏ်ငွေမှာ ကမ္ဘာ့စံနှုန်းနှင့်ယှဉ်ကြည့်ပါက အလွန် များပြားလှသည်။ ရန်ကုန်မြို့လို ဝင်ငွေကောင်းပါက ယာဉ်မောင်းသည် ပေးဆောင်နိုင်သော်လည်း ပုသိမ်နှင့် နယ်မြို့များတွင် အလွန်ကြီးမြင့်သော ဒဏ်ကြေးဖြစ်ပြီး လဘက်ရည်ဖိုးပေးသော စရိုက်ဆိုးကြီးကို ယာဉ်ထိန်းရဲ ဝန်ထမ်းသစ်များ မလုပ်ချင်ပဲ လုပ်နေရပါသည်။

ပြသနာမှာ ယာဉ်မောင်းများ စည်းကမ်းလိုက်နာရေး ဖြစ်သောကြောင့် ကြီးလေးသောဒဏ်မဟုတ်ပဲ ပညာပေးခြင်းဖြင့် လုပ်ဆောင်နိုင်ရန် အထောက်ကူပြု တင်ပြချက်ဖြစ်ပါသည်။

(နိဂုံး - စာမျက်နှာ-၉ ဖြစ်ပါသည်)။

၂.၁ ။ မော်တော်ဆိုင်ကယ်များ၊ ကားကြီးငယ်များကို လိုင်စင်ဖြင့် မောင်းနှင်ရန်ကြပ်မတ်ခြင်း။ မြို့နယ်အဆင့် ကော်မတီဖွဲ့ထားပြီး စည်ပင်၊ ကညန၊ အစိုးရအဖွဲ့များက အခါအားလျှော်စွာ တွေ့ဆုံဆွေးနွေးကြသည်ဟု သိရသည်။ အပတ်စဉ် အစိုးရအဖွဲ့တွေ့ဆုံခြင်းများတွင် ယာဉ်စည်းကမ်းထိန်းသိမ်းရေးသည် အရေးကြီးပါသည်။

၂.၂ ယာဉ်မောင်းလိုင်စင်ထုတ်ပေးခြင်း။ 

ကညန မှာ မော်တော်ဆိုင်ကယ်၊ ကားလေး၊ ကားကြီး လိုင်စဉ်များကို သင်တန်းပေး၊ စစ်ဆေး၊ ထုတ်ပေး၊ လိုင်စဉ်သက်တမ်းတိုး ပြုလုပ်ပေးနေပါသည်။ ယာဉ်မောင်းသူသည် အလွန်အရေးကြီးသဖြင့် ကညန လိုင်စင်မရှိသော ယာဉ်နှင့်လူများ မောင်းနှင်ပါက ကြီးလေးစွာ ဒဏ်ငွေဆောင်သည်ဟု သိရသည်။

၂.၃ လေ့လာသုံးသပ်ချက်။ ကားမောင်းလိုင်စင်မှာ ရရှိဖို့ခက်ခဲသော်လည်း မော်တော်ဆိုင်ကယ်လိုင်စင်ကို လွယ်ကူမြန်ဆန်စွာ ထုတ်ပေးသင့်ပါသည်။ ကုန်ကျငွေ ကျပ်တသောင်းခန့်ဖြင့် သင်တန်း တရက် (စာတွေ့၊ လက်တွေ့) စစ်ဆေးပြီး အောင်မြင်သူများကို ထုတ်ပေးသင့်သည်။ ကညန တင်ဒါအောင်သောအဖွဲ့  ၃ ခုထံ ကန်ထရိုက်ပေးပြီး၊ ရရှိငွေကို ဒေသအကျိုးအတွက် အသုံးပြုနိုင်သည်။

၂.၄ မော်တော်ဆိုင်ကယ်များ လိုင်စင်စစ်ဆေးခြင်း၊ ဦးထုပ်ဆောင်းခြင်း၊ လူ၃ယောက်တင်ခြင်း စသည်တို့ကို စစ်ဆေးဖမ်းဆီးနေပါသည်။
လေ့လာသုံးသပ်ချက်။ ။ ဒဏ်ငွေမှာ အလွန်ကြီးလေးသဖြင့် တမင်စောင့်ဖမ်းသကဲ့သည့် စရိုက်ဆိုးများ ဖြစ်နေသည်မှာ တနိုင်ငံလုံးအဆင့်ဖြစ်သည်။ ပြည်ထောင်စုအဆင့်သို့ ဆက်လက်တင်ပြရမည် ဖြစ်သည်။ အထူးသဖြင့် ပညာပေးလုပ်ငန်းများ လုပ်ဆောင်ပြီး လိုင်စင်ပိတ်ခြင်းများကို အမှန်တကယ်လုပ်ရပါမည်။ အထူးသဖြင့် မော်တော်ဆိုင်ကယ် ထိခိုက်သေကြေ၊ ဒဏ်ရာရမှုများကို လေ့လာပါက

- ယာဉ်မောင်းသူ စည်းကမ်းမဲ့စွာ၊ အရှိန်ပြင်းစွာမောင်းခြင်း
- ယာဉ်ချို့ယွင်းခြင်း
- လိုက်ပါစီးနင်းသူများ ဦးထုပ်မဆောင်းခြင်း တို့ဖြစ်သည်။

ယာဉ်မောင်းသူ စည်းကမ်းမဲ့စွာ၊ အရှိန်ပြင်းစွာမောင်းခြင်းသည် အဓိကအကြောင်းရင်းဖြစ်သည်။ ကျန်၂ချက်မှာ ဖမ်းဆီးသူ ယာဉ်ထိန်းရဲများ အဂတိလိုက်စားရန် တမင် ဖန်တီးထားသကဲ့သို့ ဖြစ်နေပါသည်။ မော်တော်ဆိုင်ကယ်ကို ဖြေးညှင်းစွာ တနာရီ ၁၅ ကီလိုမီတာဖြင့် မြို့တွင်းမောင်းနှင်စဉ် ယာဉ် ၂ စီးတိုက်မိပါက ၃ယောက်စီး၊ ဦးထုပ်မပါသော်လည်း စီးနင်းသူများ ပွန်းပဲ့ရုံသာရှိပါမည်။ လမ်းဘေး အသက်ရွယ်ကြီးသူများကို တိုက်မိလျှင်ပင် တနာရီ ၁၅ ကီလိုမီတာနှုန်း မော်တော်ဆိုင်ကယ်၏ အရှိန်သည် အသက်သေစေသည်အထိ မဖြစ်နိုင်ပါ။

၂.၄ ထို့ကြောင့် အဓိက အချက်သည် စည်းကမ်းမဲ့စွာ၊ အရှိန်ပြင်းစွာမောင်းခြင်းဖြစ်ပြီး ထိုအချက်ကိုသာ ကိုင်တွယ်ရန်။

 ထိခိုက်သေဆုံး ဒဏ်ရာရမှုများ အလွန်ကျဆင်းသည့်အပြင်၊ ယာဉ်ထိန်းအဖွဲ့များ၊ တရားရုံးများ အ ဂတိတိုက်ဖျက်ရေးကိုလည်း ကြီးစွာအကျိုးပြုမည် ဖြစ်ပါသည်။ မလိုအပ်သော ဦးထုပ်မပါ၊ လူ ၃ယောက်စီး၊ လိုင်စင်စစ်ဆေး စသည်လုပ်ငန်းများထက် စည်းကမ်းမဲ့စွာ၊ အရှိန်ပြင်းစွာမောင်းခြင်းကိုသာ ယာဉ်ထိန်းရဲများက ဖမ်းဆီးခြင်းလုပ်သင့်ပါသည်။

ပုသိမ်မြို့တွင်း လမ်းကော်မတီများမှ ပြည်သူရန်ပုံငွေဖြင့် လစာ တလ ၁သိန်ခန့်ဖြင့် ခန့်ထားသော လမ်းလုံခြုံရေးများဖြင့် မိမိလမ်းတွင်း စည်းကမ်းမဲ့စွာ၊ အရှိန်ပြင်းစွာမောင်းခြင်းသော မော်တော်ဆိုင်ကယ်၊ ကားလေး၊ ကားကြီးများကို နေ့အချိန် ထိန်းသိမ်းပေးခြင်းကို ကညန နှင့် ယာဉ်ထိန်းရဲအဖွဲ့က ခွင့်ပြုအောင် အစိုးရအဖွဲ့မှ ကြိုးစားရပါမည်။ ကျေးလက်မြို့ပြင်များတွင် လုပ်ရန် မလွယ်သေးသော်လည်း မြို့တွင်းပြည်သူလူထုမှာ ရန်ပုံငွေကောက်ခံရန် လုပ်ငန်းရှင်များ ကူညီမည်ဖြစ်သောသည်။

၂.၅ အကြံပြုတင်ပြခြင်း။ လမ်းလုံခြုံရေးများ ခန့်ထားပြီး ယာဉ်မောင်းသူ စည်းကမ်းမဲ့စွာ၊ အရှိန်ပြင်းစွာမောင်းခြင်းကို လမ်းရံပုံငွေအဖြစ် ဒဏ်ငွေပေးဆောင်စေသင့်သည်။ မလိုက်နာ မနာခံသူများကို ယာဉ်စည်းကမ်းထိန်းကော်မတီသို့ လိုင်စင်မှတ်တမ်းများဖြင့် တင်ပြအရေးယူရပါမည်။

အခန်း(၃)
မြို့တွင်းလမ်းဆုံများတွင် ယာဉ်ထိန်းရဲများ နေ့အချိန် နေရာချ၊ ဖမ်းဆီးအရေးယူစေခြင်း အမှတ်(၂) နှင့် ယာဉ်စည်းကမ်းဖောက်ဖျက်သူများကို ဒဏ်ငွေအနည်းဆုံး ကျပ်၃သောင်းဆောင်စေခြင်း အမှတ်(၃) အချက်များ

၃.၁။ အဆိုပါ လုပ်ဆောင်ဆောင်ရွက်ခြင်းတွင် ဒဏ်ငွေအနည်းဆုံး ကျပ် ၃သောင်း ဆောင်စေခြင်း တို့မှာ အဂတိမရှိအောင် အကြံပြုတင်ပြခြင်းနှင့် ဆက်စပ်ပါသည်။ ထိုသို့လုပ်ဆောင်ခြင်းဖြင့် ယာဉ်စည်းကမ်းထိန်းသိမ်းနိုင်သည် မှန်သော်လည်း အဂတိလိုက်စားမှု ကြီးစွာဖြစ်စေသောကြောင့် အထူးသဖြင့် မရှိဆင်းရဲသား ဧရာဝတီတိုင်းသားများ ပုသိမ်မြို့သို့ ခဏရောက်လာသော ဧည့်သည်များအတွက် မှတပါးအခြားလမ်းမရှိ အဂတိ လဘက်ရည်ဖိုးပေးနည်းသာ ရှိနေပါသည်။ ထို့ကြောင့် ထို အမှတ်(၂)၊ အမှတ်(၃) ကို တင်းကြပ်စွာလုပ်ဆောင်ခြင်းသည် ယာဉ်မောင်းများ ယာဉ်စည်းကမ်းလိုက်နာရေးအတွက် အကျိုးကျေးဇူးထက် အဆိုးဖက် ပိုများပါသည်။

၃.၂။ အကြံပြုခြင်း။

မရှိဆင်းရဲ၊ ပညာနည်းပါးသူများကို တမင် အာဏာဖြင့် အနိုင်ကျင့် ဒဏ်ရိုက်သလို ဖြစ်နေသောကြောင့် ပြန်လည်သုံးသပ် ဒဏ်ငွေလျှောချခြင်း - ဥပမာ ပထမအကြိမ် ၅ထောင်ကျပ်၊ ဒုတိယအကြိမ်း ၃သောင်းကျပ်၊ တတိယအကြိမ် ကျပ်၅သောင်းနှင့် လိုင်စင်ပိတ် စသဖြင့် လုပ်ဆောင်သင့်ပါသည်။

အဂတိနည်းပါးအောင် လုပ်ဆောင်ခြင်းကို ဆက်ပါမည်။
အခန်း (၄)
အဂတိနည်းပါးအောင် လုပ်ဆောင်ခြင်း

ထိုပြသနာသည် တနိုင်ငံလုံး ဆင်းရဲမွဲတေမှု လစာမလုံလောက်မှု၊ တရားဥပဒေမစိုးမိုးမှုများကြောင့် နက်နဲခက်ခဲလှပါသည်။ သို့ရာတွင် ပုသိမ်မြို့တွင်း ယာဉ်များ စည်းကမ်းရှိရေး၊ ထိခိုက်သေကြေဒဏ်ရရမှု နည်းပါးစေရေးအတွက် အဂတိနည်းပါးစွာ လုပ်ဆောင်ဖို့ အစိုးရအဖွဲ့က ကြိုးစားအားထုတ်နေသည်ကို ကျေးဇူးအထူးတင်ပါသည်။

ပုသိမ်မြို့တွင် နေ့အချိန် ယာဉ်ကြပ်တည်းခြင်းသာ ရှိပြီး စည်းကမ်းမဲ့မောင်းမှုကြောင့် ထိခိုက်သေကြေမှုမှာ မရှိသလောက် ရှားပါးလှပါသည်။

နိုင်ငံတော်က သတ်မှတ်သည့်အတိုင်း အဂတိလိုက်စားမှုကို လူအမည်နှင့် အတိအကျ တိုင်တန်းစေလိုပါက ပုသိမ်မြို့တွင် တာဝန်ချထားသော ယာဉ်ထိန်းရဲ ၉၀% သည် လဘက်ရည်ဖိုးကို နည်းမျိုးစုံဖြင့် ပေးချင်လာအောင် ပြောဆိုရယူနေသည်မှာ အားလုံးသိပြီးသားဖြစ်သည်။ ထိုသို့ လဘက်ရည်ဖိုး အလွန်ကျွံ တောင်းခြင်းမှာ ဥပဒေအားနည်းခြင်းကို လက်တလုံးခြား၊ ပွင့်လင်းစွာ အဂတိလိုက်စားခြင်းဖြစ်သည်။ သာမန်ပြည်သူလူထုတစ်ဦး မည်သူမျှ တင်ပြတိုင်မည်မဟုတ်သောကြောင့် မိမိတင်ပြရပါသည်။

အခန်း(၅)
အကြံပြုခြင်း နည်းလမ်း(၃)ခု။

အဂတိနည်းပါးပြီး မြို့တွင်း၊ မြို့ပြင် ယာဉ်စည်းကမ်းကောင်းလာအောင် လက်ရှိလုပ်ဆောင်နေမှု၊ သင်တန်းပေးခြင်း၊ ပညာပေးခြင်း၊ အရေးယူ ဒဏ်ငွေပေးဆောင်စေခြင်း၊ လိုင်စင်ပိတ်သိမ်းခြင်းများသည် ကောင်းမွန်သောလုပ်ရပ်များဖြစ်သည်။ သို့သော် တရားဥပဒေစိုးမိုးရန် အလွန်အရေးကြီးပါသည်။ စစ်ဆေးခြင်း၊ အရေးယူခြင်းကို ကောက်ရိုးမီးကဲ့သို့မဟုတ်ပဲ ဆောင်ရွက်ရန် လူ၊ ငွေ၊ ပစ္စည်းအင်အား ရှိစေချင်ပါသည်။ အောက်ပါ (၃)ချက်ကို တင်ပြပါသည်။

နည်းလမ်း(၁) ။ ယာဉ်စည်းကမ်းဖောက်သူများ မှတ်တမ်းအမှန်ရှိရမည်။ တနည်း ကွန်ပြူတာမှတ်တမ်းရှိရမည်။ ပထမအကြိမ် ပညာပေး (ဒဏ်ငွေ၅ထောင်ကျပ် - တနေ့ လုပ်အားခ)၊ ဒုတိယကြိမ် ( ဒဏ်ငွေ ၃သောင်းနှင့် အထက်)၊ တတိယအကြိမ် လိုင်စင်ပိတ်သိမ်းခြင်း ... မှတ်တမ်းဖြင့် လုပ်ဆောင်ရန်ဖြစ်သည်။ လမ်းပြောင်းပြန် မောင်းနှင်မှုကြောင့် ပထမအကြိမ်ပင် ဒဏ်ငွေ၃သောင်း နှင့် လိုင်စင်၁နှစ် ပိတ်ခံရမည် ဆိုပါက အလွန်မတရားစွာ စီရင်ခံရသကဲ့သို့ ဖြစ်မည်။ ထိုအခါ လိုင်စင်ပိတ်ခြင်း မခံရရန် အဂတိ (လာဘ်ပေးခြင်း) လုပ်ကို လုပ်ရတော့မည်ဖြစ်သည်။

နည်းလမ်း(၂)။
မြို့တွင်းလမ်းဆုံများတွင် ယာဉ်ထိန်းရဲချည်း မထားပဲ လမ်ကော်မတီ ရပ်ကွက်မှ ခန့်ထားသော လခစား လုံခြုံရေးကို ထည့်ပေးထားရပါမည်။ ယာဉ်ထိန်းရဲ နှင့် လမ်းလုံခြုံရေးတို့သည် လမ်းဆုံများတွင် ပုံသေမဟုတ်ပဲ နေရာချထားရမည်။ ဓါတ်ပုံရိုက် တိုင်တန်းခြင်းခံရပါက ပညာပေးခြင်း၊ ဒဏ်ငွေဆောင်စေခြင်း နှင့် အလုပ်ထုတ်ခြင်း စသဖြင့် အရေးယူရပါမည်။ ဝန်ထမ်းကို ဌာနပြောင်းခြင်းသည် ပြင်းထန်သော အရေးယူခြင်း တခု ဖြစ်သော်လည်း အလုပ်ထုတ်ခြင်း၊ ထောင် ရက်တိုကျခြင်း (ဥပမာ ၃ရက်) သို့မဟုတ် လုပ်အားပေးစခန်းတွင် သန့်ရှင်းရေးလုပ်စေခြင်း စသည်တို့သည်လည်း နိုင်ငံတကာ စံနှုန်း ဝန်ထမ်းအပြစ်ပေးခြင်းများဖြစ်သည်။ ပုသိမ်မြို့နှင့် သင့်လျှော်သည့် ဒဏ်ပေးခြင်းကို ထိရောက်စွာ လုပ်ဆောင်သင့်ပါသည်။
လမ်းဆုံများတွင် ယာဉ်စည်းကမ်းထိန်းဝန်ထမ်း အလှည့်ကျရွှေ့ပြောင်းနည်းဖြင့် နေရာချ၊ ဖမ်းဆီးအရေးယူစေခြင်းကို အချိန်အတိကျဖြင့် လုပ်ရပါမည်။

ဖမ်းချင်တဲ့အချိန် လာဖမ်းသလို တမင်စောင့်ဖမ်းသောနည်းလမ်းကို မလုပ်ရန်လိုသည်။

(ကိုးကားချက်။ ဆရာအောင်သင်းပြောသော စစ်မြေပြင်ခွေးသင်တန်း)

နည်းလမ်း(၃)ယာဉ်ထိန်းရဲ ဝန်ထမ်းများအတွက် တရားဝင် ဒဏ်ကြေးငွေများကို ဆုကြေးအဖြစ် ခွဲဝေပေးခြင်းကို မြို့နယ်အစိုးရမှာ ဆောင်ရွက်ပေးရမည်။ လစာ တသိန်းခွဲကျပ် မှာ မလုံလောက်ပါက နောက်ထပ် ၁သိန်းခန့် ရအောင် အစိုးရအဖွဲ့က ရန်ပုံငွေ ဖန်တီးပေးရမည်။ လဘက်ရည်တခွက် နည်းလမ်းဖြင့် ဦးထုပ်မပါ၊ လူ၃ယောက်တင်၊ လိုင်စင်မေ့နေသူ လမ်းကြောမှားမောင်းခြင်း စသည့် စည်းကမ်းဖောက်ဖျက်သူများကို တယောက် ကျပ် ၃ထောင် စသဖြင့် လမ်းဆုံတိုင်းမှာ ပုန်းတခုဖြင့် အလှုထည့်စေပါက လုံလောက်သော ငွေကြေးရမည်ဖြစ်သည်။ ထိုစနစ်သည် ပုသိမ်မြို့လည် လမ်းများတွင်သာ ကျင့်သုံးရန် အကြံပြုပါသည်။

ယခုအခါ ဘဏ်လုပ်ငန်း တိုးတက်လာပြီဖြစ်သည်။ ဒဏ်ကြေးကို ချလမ်ရေးပေးပြီး .. ကျူးးလွန်သူက ဘဏ်အကောင့်ထဲ သွားထည့်ပေး၊ လွယ်လွယ်လေးဖြစ်သည်။

သို့သော် ယာဉ်စည်းကမ်းထိန်းသိမ်းရေးဌာနသို့ ဘဏ်မှ ငွေလက်ခံဖြတ်ပိုင်းသွားပေးလိုက်လျှင် အလွယ်လေးကို ချလမ်၊ စာအုပ်စနစ်ဖြင့် manual system တနိုင်ငံလုံးကျင့်သုံးနေဆဲဖြစ်သည်ကို နားမလည်နိုင်ပါ။

ယခုအခါ ယာဉ်ထိန်းရဲများသည် လဘက်ရည်ဖိုးကို လူများစွာရှေ့တွင်ပင်လျှင် အတင့်ရဲစွာ ယူနေခြင်းသည် အလွန်ဝမ်းနည်းဖွယ်ဖြစ်ပါသည်။ လုပ်အားပေးများ၊ ရပ်ကွက်အုပ်ချုပ်ရေးမှုးနှင့် လမ်းကော်မတီများအတွက် သင့်တင့်သောနေ့တွက်စရိတ် ပေးရမည်ဖြစ်သည်။

အခန်း(၆)။
ပညာပေးခြင်း
ယာဉ်မောင်းနှင့်ပြည်သူလူထုကို သင်တန်းပေးခြင်း၊ ပညာပေးခြင်းမှာ ရပ်ကွက်အုပ်ချုပ်ရေးမှုများသာ အထိရောက်ဆုံး တတ်နိုင်ပါသည်။

၅.၁။ ယာဉ်စာရင်း ကောက်ခြင်း။

ယခုအခါ ရန်ကုန်တွင် မိမိလမ်းအတွင်းရှိ ယာဉ်များကို အုပ်ချုပ်ရေးမှုးများက စာရင်းကောက်နေကြသည်။ အလားတူ ပုသိမ်လမ်းကော်မတီဝင်များသည် ယာဉ်စာရင်းကောက်ခြင်းမှာ ရန်ကုန်မြို့ထက် ပိုပြီးလွယ်ပါသည်။ လူ၂ယောက် လမ်းတွင်းရှိ မော်တော်ဆိုင်ကယ်၊ မော်တော်ကားများကို စာရင်းကောက်ပါက အချိန်တိုတွင်း ပြီးစီးပါသည်။

၅.၂။ သင်တန်းပေးခြင်း။

ထိုယာဉ်ပိုင်ရှင်များ၊ မောင်းနှင်သူများကို တလတကြိမ် ပညာပေးခြင်း သင်တန်းများလုပ်ရန်ဖြစ်သည်။ ကညန မှ လစဉ် သင်တန်းပေးခြင်းကို မလုပ်ဆောင်နိုင်ပါက၊ တင်ဒါခေါ်ပြီး ၃ဖွဲ့ ကညန မှစီစစ်လုပ်ဆောင်ရန်ဖြစ်သည်။ သင်တန်းကြေး ကျပ်တထောင်ဖြစ်စေ တလ တနာရီ ယာဉ်မောင်းအားသစ်လောင်းသင်တန်းများ (Vehicle Refresher Course) ပေးရန်စဉ်းစားသင့်ပါသည်။ 

ပြသနာတိုင်းတွင် လူသည် အဓိကကျပါသည်။ လူကို သင်တန်းပေးခြင်းနည်းလမ်းဖြင့်သာ အရည်အသွေး မြှင့်တင်ပေးနိုင်သောကြောင့် ယာဉ်မောင်းများအတွေ လစဉ် တနာရီသင်တန်းများ ရပ်ကွက်တိုင်း လစဉ်လုပ်သင့်ပါသည်။

အကယ် ၍ ယာဉ်စည်းကမ်းထိမ်းသိမ်းရေး ကော်မတီမှ ဝန်ထမ်းအင်အားဖြင့် မလုပ်နိုင်ပါက ပုဂ္ဂက အဖွဲ့များအား ကညန ယာဉ်ထိန်းရဲ တို့မှ သင်တန်းပေးပြီး တင်ဒါခေါ်လုပ်ဆောင်စေနိုင်ပါသည်။

၅.၃။ ပညာပေးခြင်း

ယာဉ်မတော်တဆ ဖြစ်ခြင်းများတွင် ယာဉ်မောင်းသည် အရေးကြီးဆုံးဖြစ်သော်လည်း လမ်းမပေါ် စည်းကမ်းမဲ့လမ်းလျှောက်၊ စက်ဘီးစီး၊ ပစ္စည်းသယ်၊ ဈေးရောင်းသည့် လူများလည်း ပညာပေးရန်လိုပါသည်။ ယာဉ်မောင်းများကို သင်တန်းကြေးဖြင့် ပညာပေးနိုင်သော်လည်း ပြည်သူလူထု ယာဉ်/လမ်း ဘေးအန္တရာယ်ကင်းရှင်းရေးအတွက် အခမဲ့ ပညာပေးခြင်းများ လုပ်ရန်လိုပါသည်။ ယာဉ်စည်းကမ်းထိန်းသိမ်းရေးအဖွဲ့က အစိုးရဝန်ထမ်း (သို့မဟုတ်) လုပ်အားပေးသူ အခက်ခဲရှိပါက သင်တန်းတင်ဒါရထားသူများကို အစိုးရဘတ်ဂျတ်ဖြင့် ရပ်ကျေးအုပ်ချုပ်ရေးမှုးများကို လုပ်ဆောင်စေနိုင်ပါသည်။

အခန်း(၇)
ဆရာအောင်သင်း (ကွယ်လွန်)ပြောသော စစ်မြေပြင်ခွေးသင်တန်း

ယခု ယာဉ်စည်းကမ်းထိမ်းသိမ်းရေးတွင် တရားဥပဒေစိုးမိုးမှု အားကောင်းပြီး၊ အဂတိနည်းအောင် စစ်မြေပြင်ခွေးသင်တန်း ဖြစ့် အဆုံးသပ်လိုပါသည်။ အကျဉ်းချုပ်ရေးပါက ...

ဆရာအောင်သင်း သူငယ်ချင်း စစ်ခွေးသင်တန်းကျောင်းအုပ် ဗိုလ်မှုးထံအလည်ရောက်သွားချိန် အယ်ဇေးရှင်းမျိုးရိုး စစ်ခွေးမများ ခွေးထိန်းပြောစကားကို တသွေမတိမ်း လိုက်နာ၊ ခုန်အုပ်၊ ကိုက်ဖြတ်၊ ရပ်တန့် အမိန့်နာခံသည်ကို အံ့သြဘွယ်မြင်ရသည်။ သူငယ်ချင်းသင်တန်းမှုးကို "မြန်မာခွေးမျိုးတွေ သင်ပေးလို့ရနိုင်မလား"ဟုမေးသောအခါ "ဟာ.. ရတာပေါ့၊ မြန်မာခွေးက ပိုတောင် တတ်လွယ်သေးတယ်" ..လို့ဖြေပါတယ်။ "ဒါဆို မြန်မာခွေးတွေကို ဘာလို့မသုံးသလဲ".. မေးတော့ .. "အင်း မြန်မာခွေးက စိတ်မပါရင် ခိုင်းတာမလုပ်ဘူး..ဗျ။ ကျနော်တို့စစ်မြေပြင်မှာ ဒါမျိုးမရဘူးလေ"... လို့ ဖြေရှာပါသည်။

ယာဉ်စည်းကမ်းထိန်းသိမ်းရေး သင်တန်းများ၊ ပညာပေးခြင်းများ၊ ဝန်ထမ်းများအဂတိနည်းပါးရေး များသည် စည်းကမ်းများ ထုတ်လေလေ ထိုစည်းကမ်းအပေါ် ဥပဒေလက်တလုံးခြား လုပ်စားမှုများ ပေါ်ပေါက်လေလေဖြစ်ပါသည်။ ယခု ထိုစရိုက်ဆိုးများ ပြောင်းလဲချိန်တန်ပြီ။ လမ်းလုံခြုံရေးဝန်ထမ်း (သို့မဟုတ်) လုပ်အားပေးကို တာဝန်ပေးပါက ထိုသူသည် အာဏာအလွဲသုံးချင်လာသည်။ သို့သော် စည်းကမ်းကို လိုက်နာကျင့်သုံး အရေးယူရခြင်းမှာ လူများသာဖြစ်သဖြင့် ဗဟိုမှချပေးသော ဥပဒေများကို ဌာနခြင်းလွှဲချခြင်းဖြင့် ပြည်သူလူထုမှာ အလွန်နစ်နာ၊ အလုပ်ရှုပ်ရပါသည်။

ISO ဆိုသည်မှာ ပြောတာ၊ လုပ်တာ၊ မှတ်တမ်းရှိရန်သာမက ပြောသမျှ လုပ်သမျှကို အချိန်ကာလ၊ဒေသအရ ပြန်လည်ပြင်ဆင်ခြင်းဖြစ်ပါသည်။ ရန်ကုန်မြို့ထဲ ကားခါးပတ် မပတ်သူတိုင်း ဖမ်းဆီးနေလျှင်လဲ အလုပ်ရှုပ်မည်။ လိပ်ကဲ့သို့ကားမောင်းရသော ရန်ကုန်မြို့တွင်း ကားခါးပတ်မလိုသော်လည်း အဝေးပြေးလမ်းများတွင် လိုအပ်သည်။ ဥပမာ လိုင်စင်မဲ့များကို အရေးယူမည် ဆိုပါက တနေ့လုံး စစ်ဆေးအရေးမယူနိုင်လျှင် တနေ့ တစ်နေရာ တစ်နာရီ အချိန်မှန်လှည့်လည် စောင့်ကြည့် အရေးယူဖမ်းဆီး ဒဏ်ရိုက်ရန်ဖြစ်သည်။

စိတ်ပါမှ ထွက်စစ်ခြင်း၊ စိတ်မပါလျှင် မစစ်ဆေးခြင်းများမှာ မြန်မာခွေး စရိုက်ဖြစ်သည်။ ပြုပြင်ရန်ခက်ခဲသော်လည်း ပြုပြင်နိုင်ပါသည်။

နိဂုံး (တင်ပြချက်)
ပထမအကြိမ် ဦးထုပ်မဆောင်း၊ လိုင်စင်မပါ အမှုများကို ဒဏ်ငွေ ၅ထောင်ခန့်သာ (ပုဂ္ဂလိကဘဏ် အကောင့်တခုသို့ ငွေသွင်းစေခြင်း) ပေးဆောင်စေပြီး၊ မှတ်တမ်းများ ထားပေးခြင်း၊ ပညာပေးခြင်းများ စဉ်ဆက်မပြတ်၊ ရပ်ကွက်အုပ်ချုပ်ရေးမှုများနှင့် လုပ်ဆောင်သွားရန် အကြံပြု တင်ပြပါသည်။

လေးစားစွာဖြင့်

ဦးဇော်အောင်
+++++

xxxxxxx
(ကိုယ်ရေးအကျဉ်း - ပူးတွဲတင်ပြပါသည်)။

မိတ္တူဖြန့်ဝေခြင်း
၁။ ဝန်ကြီးချုပ်၊ ဧရာဝတီတိုင်းဒေသအစိုးရ။
၂။ ဝန်ကြီး၊ ဧရာဝတီတိုင်းဒေသကြီးအစိုးရ လမ်းပန်းဆက်သွယ်ရေးဌာန။
၃။ ဝန်ကြီး၊ ကရင်ရေးရာဌာန
၎။ ပုသိမ်၊ ဧရာဝတီတိုင်းဒေသကြီးလွှတ်တော်ကိုယ်စားလှယ်၂ဦး။
၅။ ညွန်ကြားရေးမှု (အကြီးကဲ)၊ က.ည.န နှင့် ယာဉ်ထိန်းရဲအဖွဲ့၊ ပုသိမ်မြို့နယ်။
၆။ မြို့နယ်အုပ်ချုပ်ရေးမှုး၊ ပုသိမ်မြို့နယ်။