Orchid ဟိုတယ်က သတ်သတ်လွတ်ထမင်းနဲ့ ၂၁ ရာစု ပင်လုံကို ကြိုဆို
(မိုးမခ) သြဂုတ် ၄၊ ၂၀၁၆


၂၁ရာစု ပင်လုံညီလာခံအား ကြိုဆိုထောက်ခံသောအနေဖြင့် Orchid Hotel မိသားစုမှ ယနေ့  (၃၊ သြဂုတ်၊ ၂၀၁၆) နံနက် ၁၁း၀၀ နာရီတွင် ရန်ကုန်မြို့၊ ၃၅လမ်းနှင့် ၃၆လမ်းကြား၊ ကုန်သည်လမ်းရှိ ကားရပ်နားကွင်း၌ သက်သတ်လွတ်ထမင်းကျွေးခဲ့ကြောင်း သတင်းရရှိပါသည်။

မောင်လူရေး - ဗမာ့လက်နက်မကိုင်တော်လှန်ရေး
(မိုးမခ) သြဂုတ် ၄၊ ၂၀၁၆

မြန်မာပြည်ကြီး စစ်ဖိနပ်အောက် ပြားပြားဝပ်မှောက်နေတော့ ဗမာတွေ ဘာလုပ်နေလဲ ပြန်ကြည့်မိတယ်။

လက်နက်ကိုင်တိုက်မှဖြစ်မယ်ဆိုပြီး တောခိုသူလဲ ခိုကြပေါ့လေ။ အများစုကတော့ လက်နက်မကိုင်ကြပါဘူး။ လက်နက်မကိုင် တော်လှန်ရေးဘဲ လုပ်ကြတယ်။ လက်ထဲ ဆိုင်းဘုတ် ကိုင်ကြပါတယ်။ နိုင်ငံရေး လုပ်ကြပါတယ်။ နိုင်ငံ့အရေး၊ တနိုင်ငံလုံးအရေးပေါ့လေ လုပ်ကြတယ်။ ဆဲဗင်းဂျူလိုင်က စလို့ ရွှေဝါရောင်တော်လှန်ရေးထိ အရေးတွေကလဲ များစွလေ။ နိုင်ငံရေးအကျဉ်းသားစာရင်း ကောက်မရလောက်အောင်ကိုဘဲ များခဲ့တာကလား။ လက်နက်မကိုင် တိုက်ပွဲဆိုတော့ ဒိုင်းဆို တချက်ထဲ သေတာမဟုတ်ဘဲ နှစ်ပေါင်းများစွာ မျှင်း သတ်ခံရတာမျိုး။

ကိုယ့်တက်နင်းထားတဲ့ စစ်ဖိနပ်ကြီးကို ကြည့်လိုက်ပြန်တော့ တပ်မတော်ပေါ့။ မြန်မာ့တပ်မတော်ကြီးလေ။ ခုတော့ ဗမာတွေကို အပိုင်စားပေးလိုက်တဲ့ တပ်မတော်ကြီး။
တချိန်တုန်းကတော့ လွတ်လပ်ရေးရပြီးချိန်မှာ ချင်း၊ ကရင်၊ ကချင်၊ ရှမ်း သေနတ်ကိုင်တပ်ရင်းတွေနဲ့ တပ်မတော်ကြီးပေါ့။ ကရင် ၃ ရင်း ကျန်တာတွေက ၁ ရင်းဆီဖြစ်မယ်ထင်ပါတယ်။ ၁၉၄၉ မှာ ကရင်တွေနဲ့ ဆော်ကြတော့မှ ကရင်တပ်ရင်း ၃ ရင်းကို ဖျက်လိုက်သတဲ့။ ၁၉၇၇ မှာတော့ ချင်းသေနတ်ကိုင် တပ်ရင်း သုံးရင်း၊ ကချင်သေနတ်ကိုင် တပ်ရင်း ၃ ရင်း၊ ရှမ်းသေနတ်ကိုင် တပ်ရင်း ၁ ရင်း ရှိတယ်တဲ့ဗျ။ အဲ ကယားတပ်ရင်းလည်း ၁ ရင်း ရှိဆိုဘဲ။ ဗမာသေနတ်ကိုင်တပ်ရင်းက ၆ ရင်းတဲ့။ ၁၉၅၀ နောက်ပိုင်း တပ်မတော်တွေတိုးချဲ့တော့ တုိုင်းရင်းသားတွေ တဖြေးဖြေးလျော့လာတယ် တဲ့။ ၁၉၉၀ နောက်ပိုင်းကျတော့ တပ်နံပါတ်တွေပဲ သုံးပါတော့တယ်။ ဥပမာ ခမရ ၃၀၁၊ ၃၀၂ စတာတွေဟာ အဲဒီတပ်တွေကို နာမည်ပြောင်း ထားတာတွေပါတဲ့။

ပြောချင်တာက တပ်မတော်ကြီးဖိနပ်အောက် ရောက်ခဲ့တယ်ဆိုတာဟာ ဗမာ့ဖိနပ်အောက်လို့ ပြောမရသလို အဲဒီဖိနပ်အောက်မှာတော့ ဗမာတွေဟာလဲ နိုင်ငံရေးအရ ပြားပြားမှောက်ခဲ့ရတယ် ဆိုတာပါ။

အရေးအခင်းကြီးတွေ ကြည့်လိုက်ပါ။ ဗမာတွေအများစုလည်း ပါဝင်ကြပါတယ်။ အဖမ်းခံရတဲ့သူတွေ ကြည့်လိုက်ပါ။ ဗမာတွေလည်းပါတာဘဲ။ ဗမာတွေလည်း နိုင်ငံတခုလုံးအရေးကို ကိုယ့်နိုင်ငံအပေါ် အုပ်ချုပ်မင်းမူနေတဲ့ စစ်အာဏာရှင်ကို (စနစ်ကို) လက်နက်ချင်းစီးချင်းထိုးတာမဟုတ်ဘဲ နိုင်ငံရေးကိုင်ပြီး စီးချင်းထိုးရတာပါ။ အဲဒီလို တတိုင်းပြည်လုံး စစ်ဖိနပ်အောက် ရောက်နေချိန်မှာတော့ အဲဒီတပ်မတော်နဲ့ ပေါင်းပြီး တလှည့်စီ စီးပွားဖြစ်ကြတဲ့အထဲမှာ ဗမာ လက်နက်မကိုင် တော်လှန်ရေးသမားတွေ မပါကြပါဘူး။

ဒါပေမဲ့ ဒီနေ့လို နင်းထားတဲ့ တပ်မတော်ဖိနပ်ကို ကြွအောင် မပြီး နိုင်ငံရေးအသီးအပွင့်တွေ ဖြစ်ပေါ်လာချိန်မှာတော့ ဗမာလက်နက်မကိုင်တော်လှန်ရေးသမားတွေရော၊ ဆင်းရဲလွန်းလို့ ခေါင်းတောင် မဖော်နိုင်တဲ့ ဘာပြင်ပ အထောက်အပံ့တွေမှ မရတဲ့ ဗမာတွေရော၊ ဘုသိသလိုလို ဘသိသလိုလို ဗမာတွေရောဟာ မြန်မာ့လက်နက်ကိုင်တပ်မတော်ကြီးရဲ့ လုပ်ရပ်မှန်သမျှ တာဝန်ခံရမယ့်ကိန်းဆိုက်လာတယ်။

ဒါဟာ ပရိုပိုဇယ်ပယောဂမှ ကင်းရဲ့လားလို့ ထင်မိပါတယ်။

ဗြိတိန်သိပ္ပံပညာရှင် စတိဖင်ဟော့ကင်းက ဗြိတန်ခွဲထွက်တွေကို ဝေဖန်လုိုက်ပြီ
(မိုက်ခဲစိန် ဘာသာပြန်) သြဂုတ် ၄၊ ၂၀၁၆

မကြာသေးမီက ဗြိတိန်အမျိူးသားတွေက ဥရောပသမဂ္ဂကနေ ခွဲထွက်ကြောင်း မဲနဲ့ ဆုံးဖြတ်ခဲ့ကြပါတယ်။ ဝေဖန်ပြစ်တင်မှုတွေအထဲမှာ အထင်ကရ သိပ္ပံပညာရှင်၊ မသန်စွမ်းသူ စတိဖင်ဟော့ကင်းလည်း ပါဝင်လာပါတယ်။ သူက သီးခြားခွဲထွက်နေလိုခြင်းနဲ့ ၀န်တို အာဃာတစိတ်ကြီးခြင်းတို့ဟာ လူသားတွေ မျိုးတုန်းစေတဲ့အထိ ဖြစ်နိုင်တယ်၊ လူ့ဘောင်လောကမှာ ဥစ္စာဓနအဓိကဆိုတဲ့ သဘောထားကို ပြန်လည် သုံးသပ်စေလိုကြောင်း တိုက်တွန်းလိုက်ပါတယ်။

ဗြိတိန်ထုတ် ဂါဒီယန်းသတင်းစာထဲမှာ သူရေးတဲ့ အက်ဆေးကနေ အသေးစိတ်ထောက်ပြတာကတော့ ကြွယ်ဝချမ်းသာမှု ဆိုတဲ့အထဲမှာ ငွေကြေး၊ ဥစ္စာဓနဆိုတာထက် အသိဥာဏ်ပညာ၊ သဘာဝ အရင်းအနှီး နဲ့ လူသားစွမ်းအားတွေကိုပါ ထည့်သွင်း ဖွင့်ဆိုသင့်တယ်လို့ ဆိုလိုက်ပါတယ်။

ကံဆိုးမိုးမှောင်ကျနေတဲ့ မျက်မှောက်လူ့ဘောင်လောကရဲ့ ဘက်ပေါင်းစုံက စိန်ခေါ်မှုတွေတွေကို စာရင်းလုပ်ပြရာမှာ ဥတုရာသီ ပြောင်းလဲမှု၊ စားရေရိက္ခာ ရှားပါးမှု၊ လူဦးရေပေါက်ကွဲခြင်း၊ သတ္တ၀ါမျိုးစိတ်များ တုံးလာခြင်း၊ ရောဂါဘေးဒုက္ခများ နဲ့ ပင်လယ်ရေ မြင့်တက်လာခြင်းတို့တွေ ပါဝင်ပါတယ်။

အဲသည်လို အခက်အခဲ အရေးအခင်းတွေကြောင့် ကျနော်တို့ လူသားတွေ ပူးပေါင်းဆောင်ရွက်ကြဖို့ လိုပါတယ်။ ဘုံတူသော အမြင်ကို မျှဝေခြင်း၊ လူသားမျိူးဆက်များ ရေရည်ရပ်တည်နိုင်ရေး ၀ိုင်းဝန်းကြိုးပမ်းခြင်းတို့ လိုအပ်တယ်လို့ သူက ပြောလိုက်ပါတယ်။ ကျနော်တို့ ပြောင်းလဲရမယ်၊ ပြန်လည်သုံးသပ်ရမယ်၊ ဦးတည်ချက်ကို ပြောင်းရမယ်၊ ငါသူတပါး၏ ချမ်းသာကြွယ်ဝမှုတွေ၊ ပိုင်ဆိုင်မှုတွေကနေ ပြဌာန်းထားတဲ့ မိမိတို့ အခြေခံယူဆချက်တွေကို ပြောင်းလဲစရာရှိတာတွေ ပြောင်းပစ်ဖို့ လိုတယ်လို့ သူက ပြောလိုက်ပါတယ်။

စကြာဝဠာဗေဒ ရူပဗေဒ ပညာရှင်ကြီးက ဆွေးနွေးရာမှာ ဥရောပသမဂ္ဂကနေ ခွဲထွက်ဖို့ ဆုံးဖြတ်တဲ့ ဗြိတိန်ဟာ ငွေကြေး ဓနဥစ္စာကို အဓိကထားပြီး စဉ်းစားခဲ့တယ်လို့ ဝေဖန်လိုက်ပါတယ်။ ဒီလိုလုပ်တာဟာ ဥရောပသမဂ္ဂရဲ့ သိပ္ပံနဲ့ ပညာရေးအပေါ် ရင်းနှီးမြုပ်နှံနေခြင်းတွေကို ထိခိုက်စေတယ်လို့ ဆိုပါတယ်။

ပိုက်ဆံဟာ အရေးကြီးတယ်၊ လူတဦးချင်းစီရဲ့ လွတ်လပ်ခွင့်ကို အာမခံလို့ပါပဲ။ ကျနော် အရင်တုန်းကတည်းက ဗြိတိန်အစိုးရရဲ့ ဘတ်ဂျက်ဖြတ်တောက်မှုတွေကို ထောက်ပြခဲ့တယ်။ မသန်စွမ်းတဲ့ ကျောင်းသားတွေကို ထောက်ပံ့ကြေး ဖြတ်တယ်။ ဒါဟာ ကျနော့်ကို အများကြီး အထောက်အကူပြုပေးခဲ့ဖူးတာပေါ့။ ကျနော့်ဘ၀အတွက်ဆိုရင် ငွေကြေးဟာ ကျနော့်အလုပ်ကို ဖြစ်ထွန်းအောင် အားပေးခဲ့တယ်။ ပြီးတော့ ငွေကြေးဆိုတာ ကျနော့်ကို အသက်ရှင်သန်နေအောင်လည်း အားပေးခဲ့တဲ့ အရာပါ။

ကျနော့်အစောပိုင်း ပညာရှင်ဘ၀တုန်းက ဆွစ်ဇာလန်မှာရှိတုန်း အဆုပ်အအေးမိရောဂါ ရလာတယ်။ ကင်းဘရိတ်က ကျနော့်မိတ်ဆွေကောင်းတွေက ဗြိတိန်ကို လေယျာဉ်နဲ့ အမြန်ဆုံး ပြန်ခေါ်ပြီး ကုသပေးခဲ့တယ်။ သူတို့ ပိုက်ဆံသာ မပါရင် ကျနော်လည်း အသက်ရှင်မှာ မဟုတ်ဘူး။ အခုလိုမျိုး ကျနော် ဖြစ်ထွန်းလာမှာ မဟုတ်ပါဘူး။ ငွေကြေးဆိုတာ လူတဦးချင်းစီကို လွတ်မြောက်ခွင့်ပေးပါတယ်။ ဆင်းရဲမွဲတေမှုဟာ လူတွေကို အကျဉ်းချထားတယ်၊ သူတို့ စွမ်းဆောင်ရည်တွေကို ပိတ်ဆို့ထားတယ်။ သူတို့တွေ ပျက်စီး ပြိုကွဲ မျိုးတုန်းမှုအထိကို တွန်းပို့နိုင်ပါတယ်။

ပညာရှင်ကြီးက ပိုက်ဆံ ငွေကြေး ဓနဥစ္စာဆိုတာ ဖောင်တစီးလို လိုရာရောက်ဖို့ ယာဉ်အဖြစ်သာ မြင်ပါသတဲ့။ ချမ်းသာကြွယ်ဝခြင်း သက်သက်ဟာ ပန်းတိုင် မဟုတ်ဘူးလို့ ဆိုပါတယ်။ ချမ်းသာခြင်းသည်သာ အဓိကဆိုတဲ့ သဘောထားတွေ စိတ်ဓာတ်တွေ လူတွေကြား ပြန့်နှံ့နေတယ်လို့ ပြောလိုက်ပါတယ်။

လူတွေဟာ ပကတိချမ်းသာခြင်းကို မေးခွန်းထုတ်ကြတယ်။ ဘ၀အတွေ့အကြုံတွေ အသိဥာဏ်ပညာတွေဟာ ငွေကြေးဥစ္စာတွေကထ် တန်ဖိုး မရှိဘူးလား၊ အရေးမကြီးဘူးလား။ ပိုင်ဆိုင်မှုရှိမှ ဆိုတာက ပြည့်စုံမှုဆိုတာကို တားဆီးထားသလား။ ကျနော်တို့တတွေ တကယ်ပိုင်ဆိုင်ကြလို့လား။ ကျနော်တို့တွေက လမ်းခုလတ်မှာ ခေတ္တထိန်းသိမ်းသူတွေ သက်သက်သာ မဟုတ်ဘူးလား။

ချမ်းသာမှုဆိုတာကို ပြန်လည်ပြဌာန်းကြဖို့၊ ရှိတာကို မျှဝေသုံးစွဲကြဖို့ဆိုတာဟာ မျက်မှောက်ကာလရဲ့ စိန်ခေါ်မှု ဖြစ်ပါတယ်။ ဒီစိန်ခေါ်မှုကို မဖြေရှင်းနိုင်ရင် လူသားတွေ မျိုးတုန်းကုန်ကြလိမ့်မယ်လို့ စတီဖင်ဟော့ကင်းက ဝေဖန်လိုက်ပါတယ်။

ဒီတခါ ကျနော်တို့ အရေးနိမ့်ခဲ့ရင် ဗြိတိန်ခွဲထွက်တွေကို တွန်းအားပေးခဲ့တဲ့ အထီးကျန်နေလိုခြင်း၊ မနာလိုဝန်တိုခြင်းဆိုတဲ့ အာဃာတတွေဟာ ယူကေသာမက ကမ္ဘာကိုပါ ပတ်ပြီး သဒ္ဓါတရားထက်သန်မှုကို လည်ပင်းညှစ်ပါတော့မယ်။ ချမ်းသာတယ်ဆိုတာကို ကိုယ်ကျိုးသက်သက်အတွက် ဆိုတဲ့ ကျဉ်းမြောင်းတဲ့ ဖွင့်ဆိုမှုတွေ၊ မျှဝေ ခွဲခြမ်း မသုံးစွဲလိုဘဲ တွန့်တို ၀န်တုိုခြင်းကို ကျင့်သုံးတာတွေကို မိမိတိုင်းပြည်တွင်းမှာကော နိုင်ငံတကာမှာပါ ဖြန့်ချိ တိုက်တွန်းနေကြပါတယ်။ သည်အင်အားတွေ ကောင်းလာရင် ရှေ့တိုးလာရင်ဖြင့် ကျနော့်အမြင်မှာ ကျနော်တို့ လူသားမျိုးနွယ်တွေရဲ့ အနာဂတ်ဟာ ကောင်းလာစရာ မရှိတော့ပါဘူး။

( http://mashable.com/2016/07/29/stephen-hawking-wealth-brexit-britain/#PQZlSIe7zkqMကို ဆီလျော်အောင် ပြန်ဆိုပါတယ်)

ပန်းချီသန်းဌေးမောင်

သဌမ - အမည်မဲ့ သီချင်းတပုဒ် 
(မိုးမခ) သြဂုတ်၊ ၅၊ ၂၀၁၆

လူတွေတော်တော်များများက ဒီပန်းချီကားကိုနားမလည်ဘူး ….
ဒီအနုပညာကို နားမလည်ဘူး စသဖြင့် ပြောလေ့ရှိကြတယ်။
အခုလိုချိုးငှက်လေးတကောင်ရဲ့ ကူချွဲနေတဲ့တေးသံလေးကျတော့ရော အဓိပ္ပာယ်ကို နားလည်ကြလို့လား … … .

ပြာမှောင်မှောင်တောင်တန်းများ
စိမ်းညို့ညို့တောအုပ်များ
တည်တည်ငြိမ်ငြိမ်အုပ်မိုးနေသော ဖြူဖြူဖွဖွတိမ်ဆိုင်အဆုပ်အခဲများ


တချို့တောင်ခြေတွေမှာတော့ မြူခိုးဖြူဖြူတို့ဝေနေဟန်က ရေဆေးကြည်ကြည်ပန်းချီကားတချပ်လို
မနက်ခင်းစောစောက မိုးတဖြိုက်နှစ်ဖြိုက်ရွာထားလို့မို့ မိုးရွာပြီးစ တောအုပ်ရဲ့အလှက ငိုပြီးစ မိန်းမလှလေးတယောက်ရဲ့ ညှို့နိုင်လွန်းတဲ့မျက်နက်ဝန်းလေးတွေလို ထိုးထွက်စနေခြည်မှာ လက်လက်ထ လှပနေလေရဲ့ …


အရုိုင်းဆန်စွာ လျှိူ့ဝှက်လွန်းစွာ တည်ငြိမ်ရင့်ကျက်လွန်းစွာ ။


တကုကူး ကူး x x x တကုကူး ကူး x x x တကုကူး ကူး


ကျနော်က အားလပ်ရက်လေးမှာ ပန်းချီကားတချပ်ရေးဖို့ ထောက်ကူပစ္စည်းတွေနဲ့အတူ ဒီတောအုပ်ထဲ တိုးဝင်လာခဲ့တာပါ။ တောအုပ်ထဲက ဖြတ်သန်းတိုက်ခတ်လာတဲ့လေပြည်နဲ့အတူ ပထမဆုံးကြားလိုက်ရတဲ့ အသံကတော့...


ချိုးငှက်လေးတကောင်ရဲ့ ကူချွဲတေးချိုချို သစ်ရွက်ကြိုသစ်ရွက်ကြား နွေဦးသစ်ကိုင်းဖျား တကူးကူး ကူသံကြား။

ကျနော်ချစ်သိပ်ချစ်ရတဲ့ သူ့ကိုသတိရသွားတာလား၊ ကျနော်လွမ်းသွားတာလား၊ ကျနော့်စိတ်မှာ ကြည်နူးအေးချမ်းသွားမိသွားတာများလား …။


သယ်ယူလာခဲ့တဲ့ပစ္စည်းတွေ အသာချပြီး လက်ဝါးနှစ်ဖက်ကိုပူးကပ်လို့ လက်ခုပ်အဝမှာ နှုတ်ခမ်းကိုတေ့မှုတ်လို့ ခပ်ဆင်ဆင်ချိုးကူသံ တုံ့ပြန်လိုက်မိပေါ့။


ပိုပျော်သွားသည်လား အလွမ်းပြေသွားသလား …ရင်ထဲပေါ့သလိုရှိသွားလား၊

ယူဆောင်လာတဲ့ ပုံဆွဲစရာပစ္စည်းတွေကိုထုတ်ရင်း အောက်ဒိုးပန်းချီကားတချပ်ရေးဖို့ အဆင်သင့်ပြင်လိုက်ပါတယ်။


တကုကူး ကူး x x x တကုကူး ကူး x x x

သူကတော့ မရပ်မနား

အိမ်ပြန်ချင်သောဝေဒနာ ကန်းထရီးတေးတပုဒ်လေလား ၊

လွမ်းဆွတ်ခြင်း တမ်းတကြေကွဲတေးတပုဒ်လား ….၊ မျှော်လင့်ခြင်းမဲ့ ငိုကြွေးသံစဉ်လား၊

နွေဦးရာသီ အရုိုင်းငှက်လေးရဲ့ကြိုဆိုခြင်း ရက်ပ်သီချင်းတပုဒ် များလေလား…၊

ဒါမှမဟုတ် အရုိုင်းငှက်လေးရဲ့ တနေ့တာ ဝမ်းရေး ကြိုတွေးညည်းညူသံလား… ၊

တောအုပ်ထဲ မျက်စေ့လည်နေရှာသူအတွက် မြေပုံလမ်းညွှန်ရောမဖြစ်နုိုင်ဘူးလား …

အနက်ရောင်ခြုံတန်းစည်းရုိုးတွေကြား ထိုးထွက်နေတဲ့ သုံးရွက်ဆိုင် ပဲပင်တွေအကြောင်းလား… ၊

ဆုံးစမသိနိုင်တဲ့စမ်းချောင်းလေးရဲ့ရာဇဝင်၊ မြက်ခင်းကုန်းမြင့်ပေါ်က ရိုးရာပုံပြင်တွေများလား.. ၊

အရုိုင်းငှက်လေးရဲ့ရင့်မှည့်စ လေပြည်အတွက် ယုံတမ်းစကားလည်း ဖြစ်နိုင်လေသည်ပဲ။


လူတွေတော်တော်များများက ဒီပန်းချီကားကိုနားမလည်ဘူး ….
ဒီအနုပညာကို နားမလည်ဘူး စသဖြင့် ပြောလေ့ရှိကြတယ်။


အခုလိုချိုးငှက်လေးတကောင်ရဲ့ ကူချွဲနေတဲ့တေးသံလေးကျတော့ရော အဓိပ္ပာယ်ကို နားလည်ကြလို့လား…….


လေပြည်အလာမှာ ယိမ်းနွဲ့နေတဲ့ တောရိုင်းပန်းပွင့်လေးတွေ၊ ဆိပ်ဖလူးပန်းတွေ မျောပါလာတဲ့စမ်းချောင်းလေးရဲ့ရေစီးသံ၊ ကြယ်တွေစုံတဲ့ညတညရဲ့အကြောင်းစတဲ့ သဘာဝအလှတွေကို လူတွေဟာ သိပ်အားမထုတ်လိုက်ရပဲ ခံစားသိလွယ် နားလည် ကျေနပ်လွယ်ကြပြီး ပန်းချီကားတချပ်၊ အနုပညာတခုကိုချဉ်းကပ်ဖို့ကျတော့ တော်တော်ခက်နေကြသတဲ့၊ တကယ်တန်းကျတော့ ပန်းချီကားတချပ်ဆိုတာ ပန်းချီဆရာရဲ့ ရင်ထဲကမှတဆင့် ဖူးပွင့်လာတဲ့ ပန်းရိုင်းလေးတပွင့်ပါပဲလေ….၊


ပုံဆွဲထောက်ခုံပေါ်က ရေဆေးစက္ကူပေါ်မှာ နံပါတ်ခြောက်ဘီ အမျိုးအစား ခဲသားပျော့ပျော့နဲ့ ပုံကြမ်းလျာထားခြင်းအလုပ်ကို စတင်လိုက်ပါတယ်။


ချိုချို သာယာ ညံစာစာ
တကုကူး ကူး x x x
တကုကူး ကူး x x x
တကုကူး ကူးလို့သာ အော်မြည်ရှာ နေတော့တာ….၊

အသေချာဆုံးကတော့ ဒီတေးသွားသံစဉ် ဒီစာသားဆိုသည်က ဒီလိုသာယာတဲ့နွေဦးမျိုးနဲ့သာ လိုက်ဖက်အည်ီဆုံးပါဆိုတဲ့အကြောင်း မင်းရဲ့အမည်မဲ့သီချင်းလေးအတွက် ဂုဏ်ပြုရင်း လေးလေးစားစား ပြောလိုက်ပါရစေ ငှက်ကလေးရေ …။ ။

သ ဌ မ

အောင်ဆန်းစုကြည် - Unity, Diversity, Identity နဲ့ ပြည်ထောင်စု ငြိမ်းချမ်းရေး
(သျှမ်းသံတော်ဆင့်၊ သြဂတ်စ်လ ၄ ရက် ၂၀၁၆)
မိုးမခက ပြန်လည်ကူးယူဖော်ပြပါတယ်
UNFC (စည်းလုံးညီညွတ်သော တိုင်းရင်းသားဖက်ဒရယ်ကောင်စီ) ခေါင်းဆောင်များအား ၂၀၁၆ ခုနှစ် ဇူလိုင်လ ၁၇ ရက်နေ့ကတွေ့ဆုံရာတွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ပြောဆိုခဲ့သော မှတ်သားဖွယ်ရာ ဆွေးနွေးချက်များ

သျှမ်းသံတော်ဆင့်၊ သြဂတ်စ်လ ၄ ရက် ၂၀၁၆ (https://www.facebook.com/Panglong.burmese/)

အဖွင့်မိန့်ခွန်း
ကျမကိုအခုလိုလာပြီးတွေ့တဲ့အတွက် အများကြီးကျေးဇူးတင်ပါတယ်။ ဒီလိုတွေ့ဆုံမှုအတွက်လည်ူ ကျမတို့မျှော်လင့်ခဲ့တာ ကြာပါပြီ။ တွေ့ဆုံခြင်းအားဖြင့်လည်း ကျမတို့အားလုံးအတွက် တိုးတက်မှုတွေ အကျိုးကောင်းတွေ ရလိမ့်မယ်လို့ မျှော်လင့်ပါတယ်။
ကျမတို့တွေမိသားစုလိုတွေ့တယ်ဆိုတော့ ကျမတခုမေးချင်ပါတယ်။
ဒီအထဲမှာ ဘယ်သူအသက်အကြီးဆုံးလဲ ? ဦးကျော်တင့်ဆွေ အပါအ၀င်ပေါ့။ ဦးကျော်တင့်ဆွေက ကျမထက် ၃ လငယ်တယ်။ ကျန်တဲ့ဧည့်သည်တွေကော ကျမထက်ကြီးတဲ့သူပါလား။

ဗိုလ်ချုပ်ဆေထဲင်က အသက်ဘယ်လောက်လဲ။ ၈၀ နှစ်။ ကျမထက် ကြီးတယ်။ ဗိုလ်ချုပ်အန်ဘန်လာကော၊ ၆၇ ဆို ကျမထက်ငယ်တယ်။ ကျမထက်ကြီးတာ တယောက်ပဲ ရှိတာပေါ့။
ကျမဘာဖြစ်လို့မေးလဲဆိုတော့ ကျမ ဒီအစည်း အဝေးမလာခင် ကျမ စဉ်းစားမိတယ်။ ကျမတို့အားလုံးမှာ ကျမတို့ ကြိုက်သည်ဖြစ်စေ မကြိုက်သည်ဖြစ်စေ တူညီချက်တခု ရှိတယ်။ ကျမတို့ ဘယ်လိုမှအမြဲနေသွားလို့ မရဘူး။ ကျမတို့သက်တမ်းဆုံးတဲ့အခါမှာ ကျမတို့ ဒီလောကကနေ ထွက်သွားရမှာပဲ။
ကျမတို့ဒီလောကကနေမထွက်သွားခင်မှာ အားလုံး စုပေါင်းပြီးတော့ နိုင်ငံ့ တိုးတက်မှု လုပ်သွားချင်တယ်။ အဲဒါ ကျမစိတ်ထဲ ရောက်လာတယ်။ ကျမတို့ဒီမှာရှိတဲ့အားလုံး လူငယ်တွေအပါအ၀င်ပေါ့၊ ပြောလို့ရတာမဟုတ်ဘူး၊ လူငယ်၊ လူကြီး ဘယ်သူဟာ ဤလောကကြီးကနေ အရင်ထွက်သွားမလဲဆိုတာ တနေ့တချိန်တခါမှာ ကျမတို့ထွက်သွားရမှာပဲ။ ဘယ်သူမှငြင်းလို့မရဘူး။

ကျမတို့အားလုံးတခြားကိစ္စတွေ NCA နဲ့ဘယ်လောက်ပဲငြင်းခုံခုံ၊ ဖက်ဒရယ်နဲ့ ပတ်သက်ပြီး ဘယ်လောက်ပဲ ငြင်းခုံခုံ တူညီတဲ့ကိစ္စတခုကတော့ ကျမတို့ တချိန်ချိန်မှာ ဤလောကကနေ ထွက်သွားရမှာပဲ။ မထွက်သွားခင်မှာ ကျမညီညွတ်မှုကိုလိုချင်တယ်။ ကျမတို့အစဉ်အဆက် ကျမတို့ခေါင်းဆောင်တွေ တိုင်းရင်းသားခေါင်းဆောင်တွေ၊ နိုင်ငံရေးခေါင်းဆောင်တွေ မျှော်မှန်း ခဲ့တဲ့ညီညွတ်မှုကိုရယူပြီးတော့ ထားပစ်ခဲ့ချင်တယ်ဆိုတဲ့စိတ် ကျမ ပေါ်ပေါက်ခဲ့ပါတယ်။

နောက်တခုကျမစဉ်းစားမိတာ ဘာလဲဆိုတော့ ကျမတို့အားလုံးဟာ ဘာလဲ ဘယ်သူလဲဆိုတာ အရင်စဉ်းစား ရင်ကောင်းမလားလို့။ ဥပမာဆိုလို့ရှိရင် ကျမအနေနဲ့ ကျမကဘယ်သူလဲဆိုတော့ ကျမဟာမြန်မာနိုင်ငံသားတယောက်လို့ ပြောမှာလား၊ ကျမဟာ ကျမမိဘရဲ့သမီး ပြောရမှာလား၊ ကျမအဖေဟာ အညာသားဗမာစစ်စစ်၊ ကျမအမေဟာ ဧရာဝတီက မွန်သွေးပါတယ်။ ရခိုင်သွေး ပါကောင်း ပါမယ်။ ဘိုးဘိုးဘက်က ကျမသိပ်မသေချာဘူး။ သေချာတာကတော့ မွန်သွေးပါတယ်။ ကျမက မွန်မျိုးနွယ်လို့ခေါ်ရမှာလား။ အညာသားမျိုးနွယ်လို့ခေါ်ရမှာလား။ ပြောရမယ်ဆိုရင် ကျမတို့ Identity အမျိုးမျိုးရှိတယ်။ တခုတည်းမဟုတ်ပါဘူး။
ဒီတော့ ကျမက ကိုယ့်ကိုယ်ကို ဗုဒ္ဓဘာသာတယောက်လို့ သတ်မှတ်ရမှာလား။
ကိုယ့်ကိုယ်ကို ဘာလဲဘယ်လူလဲဆိုတာသတ်မှတ်တာ အမျိုးမျိုးရှိတယ်။ လူတိုင်းလူတိုင်းမှာ ရှိပါတယ်။ အဲဒါ Diversity ပဲ။

နောက်ဆုံးတော့ ဒိုင်ဗာစီတီအရင်လာသလား ယူနီတီလာတာလား။ Diversity of the unity ဆိုတာ ဒီမတူကွဲပြားမှုဆိုတာ ကျမတို့အချင်းချင်းကြားထဲမှာ မဟုတ်ဘူး၊ ကျမတို့တယောက်ချင်း တယောက်ချင်းအတွင်းမှာကို မတူကွဲပြားမှုတွေ အစုံရှိပါတယ်။
ဥပမာဆို ကချင်။ ကချင်ဆိုပေမယ့် ကိုယ်ကိုးကွယ်တဲ့ဘာသာဆိုလို့ ကိုယ့်ရဲ့ Identity ပဲ။ ကိုယ်ကိုးကွယ်တဲ့ဘာသာဆိုလဲ မတူတဲ့ကချင်တိုင်းရင်းသားတွေ ရှိတယ်။ ကချင်ပြည်နယ်မှာ ဆိုတာလဲမတူတဲ့အရပ်ဒေသက လာတာရှိတယ်။ ကိုယ့်ရဲ့မိဘက မတူညီတဲ့အခြေအနေတွေ ရှိတယ်။ အဲဒီလိုအမျိုးမျိုးမတူညီတာ တွေရှိတယ်။
ကျမစဉ်းစားမိတာကတော့ တကယ်ကြီးတဲ့သစ်ပင်ကြီးတွေ ခိုင်ခံ့တဲ့သစ်ပင်ကြီးတွေဆိုတာ အမြစ်တွေအများကြီးရှိပါတယ်။ ဒီအမြစ်တွေအများကြီးစုစောင်းပြီးတော့မှ ခိုင်ခံ့တဲ့အပင်ကြီးတခု ဖြစ်လာတာပါ။ အမြစ်တခုတည်းရှိတဲ့အပင်တွေဟာ မခိုင်ခံ့ပါဘူး။
ဥပမာဆိုရင် မုန်လာဥ ဆွဲထုတ်လိုက်ရင်ပါသွားတာပဲ။ သူကအမြစ်က တခုတည်း ရှိတယ်။ တကယ်တော့ မြစ်မ ပင်မတခုတည်း ရှိတယ်။ နည်းနည်းလေးပေါ့။ တခြားအမြစ်သေးသေးလေးရှိရင် ရှိမယ်။ ဒီလိုအမြစ်ကြီးကြီးတခုတည်းရှိတာ မခိုင်ခံ့ပါဘူး။ ဆွဲနှုတ်လိုက်လို့ရှိရင် တခါတည်းပါသွားတာပဲ။

ဒီလို Diversity ရှိတဲ့ အမြစ်တွေအများကြီးရှိတဲ့သစ်ပင်ကြီးတွေသာ တကယ်ကို ခိုင်ခံ့နိုင်မှာပါ။ အဲဒီတော့ကျမတို့ကနေပြီးတော့ Diversity of Strength ဆို ပြီးတော့ လက်တွေ့ကျကျ သဘာဝ အရ မှန်တယ်လို့ ကျမမြင်တယ်။ ကျမတို့ဘယ်သူမှ Identity တခုတည်းရှိတာ မဟုတ်ဘူး။ ကျမ ဒီဟာကို ဘာဖြစ်လို့လေ့လာလဲဆိုတော့ ကျမတို့တကမ္ဘာလုံးမှာဖြစ်နေတဲ့ Identity Crisis ပေါ့နော်၊ အထူးသဖြင့် ဘာသာရေးအရ ကွဲပြားတာတွေ၊ အဲဒီဟာနဲ့ပတ်သက်ပြီးတော့ ပြင်သစ်မှာ ကြီးလာတဲ့ North Africa ကမူစလင်ဘာသာဝင်တယောက်က ရေးဖူးပါတယ်။

ဒီ Identity နဲ့ပတ်သက်လို့ပေါ့။ လူတွေဟာ ကိုယ့်မှာ Identity တခုရှိတယ်လို့ သတ်မှတ်လိုက်လို့ ရှိရင် ပြဿနာ ဖြစ်တယ်တဲ့။ ဒါပေမဲ့ လူတိုင်းလူတိုင်းမှာ Identity အများကြီးရှိတယ်။ ဒီဟာတွေ အားလုံးကိုသိမ်းသွင်းပြီးတော့ လက်ခံပြီးတော့ ကျော်လွှားနိုင်ရမယ်။ ဒီဟာတွေအားလုံးကို အင်အားဖြစ်အောင် လုပ်ဆောင်နိုင်ရမယ်ဆိုတော့ ကျမ ဒီဟာကို သိပ်ကို သဘောကျပါတယ်။
ကျမတို့အားလုံးဟာ ပြည်ထောင်စုသားတွေဆိုတဲ့ Identity ကိုလည်း ရှိစေချင်တယ်။ ကိုယ်သက်ဆိုင်ရာသက်ဆိုင်ရာ တိုင်းရင်းသားဆိုတဲ့ Identity ကိုလည်း ရှိစေချင်တယ်။ ကိုယ်ကိုးကွယ်ရာဘာသာဆိုတဲ့ Identity ကိုလည်း ရှိစေချင်တယ်။ ကိုယ့်ရဲ့မိဘတွေကလည်း လူမျိုးစုတခုတည်းကပဲ ဖြစ်ချင်မှဖြစ်မယ်။ ဒီလိုမတူကွဲပြားတဲ့ Identity ကိုပေါင်းပြီးတော့ ပိုပြီးခိုင်ခံ့တဲ့အပင်ကြီးသဖွယ်ဖြစ်တဲ့ ပြည်ထောင်စုကိုထူထောင်တာဟာ ကျမတို့ခေတ်မှာ ကျမတို့ အသက်ရှင်ကာလမှာ ကျမတို့ထူထောင်သွားစေချင်တယ်။

ကျမတို့ ဒီမှာအမြဲရှိနေမှာမဟုတ်ဘူး။ ဒါ ဘယ်သူမှ ငြင်းလို့ရမှာမဟုတ်ဘူး။ ကျမတို့ အသက် ၅၀ ကျော်လာတာနဲ့အမျှ သက်တမ်းတ၀က်ရောက်တဲ့သူက များပါတယ်။ အသက်တရာကျော်တဲ့သူက အခု နည်းနည်းတော့ များလာတယ်။ ကျမတို့မြန်မာနိုင်ငံရဲ့ပျမ်းမျှခြင်းသက်တမ်းနဲ့ အမျိုးသားတွေ က ၆၃ နှစ်၊ အမျိုးသမီးတွေက ၆၅ နှစ်ဆိုတော့၊ ဒီမှာလည်း အမျိုးသားတွေဘက်က ၆၃ နှစ်ကျော် သွားပြီ၊ ကျမလည်း ၆၅ နှစ်ကျော်သွားပြီ၊ ကျမတို့မှာ ကျန်တဲ့သက်တမ်းအတွင်းမှာ ကျမတို့ ရေရှည်ထားပေးခဲ့ရမယ့် နောင်မျိုးဆက်တွေအတွက် ဘာဖြစ်မလဲဆိုတာ စဉ်းစားပြီးတော့ ကျမတို့ပြောမယ်ဆိုမယ် ဆွေးနွေးမယ်ဆိုရင် အခက်အခဲရှိမယ်မထင်ဘူးလို့ ကျမယုံကြည်ပါတယ်။

အဲဒါ့ကြောင့်မို့လို့ ဒီအချက်နှစ်ချက် မနေ့က စဉ်းစားတာပါ။ ဒီအစည်းအဝေးကျရင် ပွင့်ပွင့်လင်း ပြောရရင် အောင်မြင်ချင်စေတယ်။ အရင်တုန်းကမအောင်မြင်ခဲ့တဲ့ဟာကို အောင်မြင်ချင်တယ်။ ဒီလိုအောင်မြင်မှုရအောင် ဘယ်လိုစဉ်းစားမလဲဆိုတော့ ကျမ အတွေးနှစ်ခု ၀င်လာတယ်။ တခုက အကန့်အသတ်မရှိတဲ့အချိန်မရှိဘူး။ ကမ္ဘာကြီးတောင်မှအကန့်အသတ်မရှိဘူးလို့ ပြောလို့ရတာ မဟုတ်ဘူး။ ကမ္ဘာကြီးလည်း တချိန်တခါ ပြီးသွားမှာပဲပေါ့နော်။ ကျမတို့တဦးချင်းတဦးချင်းမှာ အကန့်အသတ်မဲ့အချိန်ရှိတာ မဟုတ်ပါဘူး။ ဒီရှိတဲ့အချိန်ကို တန်ဖိုးအရှိဆုံးဖြစ်အောင်လို့ သုံးစေချင်တယ်။ ဒီရှိတဲ့အချိန်ကို သတ္တိရှိရှိနဲ့ အပြောင်းအလဲဖြစ်အောင် ကျမလုပ်ချင်တယ်။

နောက်ပြီးတော့ ကျမတို့အားလုံးဟာ Identity ပေါ့နော် အမျိုးမျိုးရှိတယ်။ တခုတည်း ရှိတာ မဟုတ်ဘူး။ အဲဒီလိုစဉ်းစားမယ်ဆိုလို့ရှိရင် ကျမတို့ ကွာဟချက်တွေက အင်မတန်မှ နည်းသွား မယ်။ ဥပမာဆိုလို့ရှိရင်ကျမမေမေ က မွန် ဆိုတော့မွန်သွေးပါတယ်။ မွန်တွေနဲ့ ချိတ်ဆက်မှု လုပ်လို့ရတယ်။ ကျမအဘိုးက ခရစ်ယာန်ဆိုတော့ ခရစ်ယာန်တွေနဲ့ ချိတ်ဆက်လို့ ရတယ်။ ကျမတို့ကိုးကွယ်တဲ့ဗုဒ္ဓဘာသာက ဘာသာဆိုပြီးတော့ ဗုဒ္ဓဘာသာနဲ့ ချိတ်ဆက်လို့ရတယ်။ တူညီတဲ့အပိုင်းတွေမှာ ကျမတို့ချိတ်ဆက်ပြီးတော့ ငါတို့အားလုံးဟာ မျှဝေနိုင်တာပဲဆိုတဲ့ စိတ်ထားနဲ့ ပြဿနာတွေကို ကိုင်တွယ်မယ်ဆိုရင် ဖြေရှင်းမယ်ဆိုရင် ချဉ်းကပ်မယ်ဆိုရင်တော့ မဖြေရှင်းနိုင်တဲ့ကိစ္စမရှိဘူးလို့ ကျမထင်ပါတယ်။

Identityနဲ့ ပတ်သက်လို့ ကျမ ကလေးမတယောက်အကြောင်းဖတ်ပြီးတော့ သူကလည်း ဒီလိုပါပဲ။ သူ့ရဲ့မျိုးနွယ်တွေမနေတဲ့နိုင်ငံမှာ ကြီးလာရတော့သူ့ရဲ့ Identity ကို သူပြောပြေတော့Tangla Identity ပေါ့။ ရှုပ်ထွေးလှတဲ့ Identity ပေါ့။ သူဘယ်သူလဲဆိုတာ သူဆုံးဖြတ်ရတာ ရှုတ်ထွေးနေ တယ်။
ဒီလိုရှုတ်ထွေးမှုက ကျမတို့မဖြစ်စေချင်ဘူး။ ကိုယ့်မှာရှိတဲ့ Identity အားလုံးဟာ တန်းတူရည်တူ လက်ခံနိုင်တယ်။ သူတို့တွေဟာ သဟဇာတရှိရှိနဲ့ ရှင်သန်နိုင်တယ်။ ဒီလိုအခြေအနေမျိုး ဖြစ်စေ ချင်တယ်။ ပြည်ထောင်စုဆိုတာ ဒီလိုပါပဲ။ အားလုံးဟာ အတူတူနေပြီးတော့ ကိုယ့်ရဲ့မတူညီတဲ့ ကိစ္စတွေကို သဟဇာတဖြစ်အောင်လုပ်တာဟာ ပြည်ထောင်စုတည်ထောင်ခြင်းပါပဲ။
အဲဒီလိုစိတ်ဓာတ်နဲ့သွားမယ်ဆိုရင် ကျမတို့အောင်မြင်နိုင်မယ်လို့ ကျမယုံကြည်ပါတယ်။ ဒါကိုကျမတို့အနေနဲ့ ကျမတို့တိုင်းရင်းသားတွေက ဘာ့ကြောင့် ဒီ့ငြိမ်းချမ်းရေးဖြစ်စဉ်မှာ ပါဝင်ဖို့ အခက်အခဲရှိတယ်ဆိုတာ ပွင့်ပွင့်လင်းလင်းပြောပါ။ ပွင့်ပွင့်လင်းလင်းပြောရင် ကျမတို့လည်း ဒီကိစ္စကို ထိထိရောက်ရောက် ကိုင်တွယ်ဖို့ ကြိုးစားပါ့မယ်။ ကျမတို့အနေနဲ့လည်း ကျမတို့ အမြင်တွေကို ပွင့်ပွင့်လင်းလင်း မှန်မှန်ကန်ကန် ပြောပြမယ်။ အခြေခံအားဖြင့်တော့ ပွင့်လင်းဖို့ ဖြောင့်မတ်ဖို့ လိုပါတယ်။ ဖြောင့်မတ်ဖို့ ပွင့်လင်းဖို့ဆိုတာကလဲ ဒါ ပထမလိုအပ်တဲ့ ယုံကြည်မှုပဲ။ ကိုယ်မယုံကြည်တဲ့သူနဲ့ဆို ပွင့်လင်းဖို့ အင်မတန်မှ ခက်ပါတယ်။

ဘာဖြစ်လို့လဲဆိုတော့ ဒီသူဟာ ကိုယ့်ကို မကောင်းကြံမယ်လို့ ထင်ရင် သူနဲ့ ပွင့်ပွင့်လင်းလင်း ဆက်ဆံမယ်ဆိုရင် ကိုယ့်အကြောင်း သိသွားတာကိုအခြေခံပြီးတော့ အခွင့်အရေး ယူမလား ဆိုပြီးတော့ ဒီလိုစိုးရိမ်မှုလည်း ရှိနိုင်ပါတယ်။ ပထမဦးဆုံး တယောက်နဲ့တယောက် ပွင့်လင်းနိုင်ဖို့ အတွက် ဖြောင့်မတ်နိုင်ဖို့အတွက် အဲဒီ့အထိတော့ ယုံကြည်မှုရှိရမယ်။

ကျမတို့ဟာ တယောက်နဲ့တယောက် ဆွေးနွေးတဲ့အချက်တွေကိုပြန်ပြီးတော့ တိုက်ခိုက်ဖို့ သုံးဖို့အတွက် မဟုတ်ဘူး၊ ကြားမှရှိနေတဲ့ပြဿနာကို ဘယ်လိုပြေလည်အောင် အဖြေရှာဖို့။ ကျမထပ်တလဲလဲ ပြောပါတယ်။ ပြဿနာဟာ ခက်တာမဟုတ်ဘူး။ အဖြေရှာမှာမို့ပဲ အရေးကြီးတာ။ ပြဿနာတော့ ရှိမှာပဲ။ အခုလည်း ရှိမှာပဲ၊ နောင်လည်း ရှိမှာပဲ။ ကျမတို့ပြည်ထောင်စုကြီးတည်တည်တံ့တံ့ရှိတဲ့အခါမှာလဲရှိမှာပဲ။ အဲဒီ့တော့ ပြဿနာဖြေရှင်းတဲ့ နည်းကိုပဲ ကျမတို့ရှာဖို့ပါပဲ။ ပြဿနာကိုတော့ စိုးရိမ်ဖို့ မလိုပါဘူးလို့ ကျမအနေနဲ့တင်ပြချင်ပါတယ်။

ဒါ့ကြောင့်မို့လို့ NCA အခက်အခဲငြိမ်းချမ်းရေးပရောဆက်တွေရဲ့အခက် အခဲတွေကို ပြဿနာပါလို့ ဆိုမယ့်အစား ကိုင်တွယ်ရမယ့်ကိစ္စတခုဆိုတဲ့အမြင်နဲ့ ၀ိုင်းပြီးတော့ အဖြေရှာပေးချင်ပါတယ်လို့ ကျမမနေနဲ့ မေတ္တာရပ်ခံချင်ပါတယ်။

ဆွေးနွေးချက်
အခုကျမတို့ ဆွေးနွေးပြောဆိုသွားတဲ့အထဲမှာ ပင်လုံစာချုပ် NCA ဖက်ဒရယ်နဲ့ တိုက်ပွဲတွေ အကြောင်းပါမယ်။ အချိန်ကာလအကြောင်းပါတယ်နော်။
ကျမတို့ အချိန်ကာလ အရင်ကြည့်ရအောင်၊ အချိန်ကာလ အကန့်အသတ် တခုလိုတယ်လို့ ဘာကြောင့်ကျမတို့ဆုံးဖြတ်ရသလဲဆိုရင် တခြားနိုင်ငံကနေရတဲ့ အတွေ့အကြုံကို ကျမတို့ကြည့် ပြီးတော့ ပြောတာပါ။ တခြားနိုင်ငံမှာ အမျိုးသားပြန်လည်ရင်ကြားစေ့ရေးအတွက် ငြိမ်းချမ်းရေး ဖြစ်စဉ်တွေကိုစတဲ့အခါမှာ အချိန်အကန့်အသတ်မရှိထားလိုက်တဲ့အခါမှာ အလုပ်ကိုမပြီးဘူးဆိုတာ ဖြစ်သွားပါတယ်။

ဥပမာဆိုရင် အထူးသဖြင့် မြောက်အိုင်ယာလန်နဲ့ပတ်သက်လို့ ထဲထဲဝင်ဝင်လုပ်ခဲ့တဲ့ Jonathan Powell တို့ဆိုရင်သိဖူးကြမှာပါ။ သူပြောခဲ့တာက သူတို့ ပထမပိုင်းမှာ ဘာမှားသွားလဲဆိုတာက အကန့်အသတ်မရှိ အချိန်ကိုထားလိုက်တဲ့အခါကျတော့ အလုပ်မဖြစ်ဘူးတဲ့။ သူတို့အရင်တုန်းက ထင်ခဲ့တာက အရင်တုန်းက အကန့်အသတ်မရှိ ပြောချင်တာပြော ဆွေးနွေးချင်တာ ဆွေးနွေးဆိုလို့ ရှိရင် ပြဿနာတွေပြေလည်သွားမယ်လို့ ထင်ပေမယ့် မဟုတ်ဘူးတဲ့။ ပြဿနာတွေမဆုံးနိုင်ဘူးပဲ ဖြစ်သွားတယ်။ အဲတော့ အိုင်ယာလန်ကိုပြန်ကြည့်မယ်ဆိုရင်တော့ အိုင်းရစ်ပြဿနာ စတာဟာ Cromwell တို့လက်ထက်ကတည်းက ထဲထဲဝင်ဝင်စတယ်ဆိုရင် အဲဒီမတိုင်မီကတည်းက အိုင်ယာလန်တို့ကနေသွားသွားပြီးတော့ ဒီမိန်းလန်းနားကနေပြီးတော့ အင်္ဂလိပ်တွေ ကျူးကျော်တာ တွေဆိုတာ ၁၃ ရာစုလောက်ကတည်းက စခဲ့တဲ့ကိစ္စပါ။
တရားဝင် အိုင်ယာလန်ကိုဝင်သိမ်းလိုက်တာကတော့ Cromwell တို့ခေတ်မှာပေါ့နော်။ အဲဒီကနေ တွက်လာရင်တောင်မှ နှစ် ၃၀၀ ကျော်မှ ငြိမ်းချမ်းရေးရအောင်လုပ်တယ်။ အဲတော့ နှစ် ၃၀၀ ကြာ မှာ ပြဿနာတခုဟာ သူ့ဘာသာသူ ပျောက်သွားလားဆိုတာ သူ့ဟာသူ မပျောက်သွားပါဘူး။ သူတို့ဆွေးနွေးယူရပါတယ်။ အဲတာ ကျမတို့ကိုသတိပေးလိုက်တာက အချိန်သတ်မှတ်ချက်ဆိုတာ ရှိသင့်တယ်တဲ့။ ဘာဖြစ်လို့လဲဆိုတော့ လူ့သဘာဝအလျောက် အချိန်ရှိရင် ရှိသလောက် ပြောမယ် ဆိုမယ် ငြင်းမယ်ခုံမယ်ပေါ့။ အဲတာကို အချိန်သတ်မှတ်ချက်တခုထားမှသာလျှင် ပြောမယ်ဆိုရင် အချိန်နဲ့ပတ်သက်ပြီးတော့လည်း ပန်းတိုင်တခုထားရပါမယ်။ ကိစ္စရပ်တွေနဲ့ပတ်သက်မှသာ ပန်းတိုင် ထားရမှာမဟုတ်ပါဘူး။ အချိန်နဲ့ပတ်သက်လို့လည်း ပန်းတိုင်တခုထားရမယ်လို့ ပြောတဲ့ဟာကိုလည်း ကျမ အမြဲမှတ်ထားပါတယ်။

တိုက်ပွဲနောက်တခုက ခုနက ခေါင်းဆောင်ကြီးတွေပြောသွားတဲ့အထဲမှာ တိုင်းရင်းသားတွေ အချင်းချင်းလည်း တိုက်ပွဲတွေဖြစ်နေကြတယ်ဆိုတာကတော့ အဲတာဟာ ကျမတို့အတွက် လေးလေးနက်နက် စဉ်းစားစရာပဲ။ ဘာဖြစ်လို့တိုက်ပွဲတွေဖြစ်လဲ။ တိုက်ပွဲတွေဖြစ်တယ်ဆိုတာဟာ နိုင်ငံရေးသဘောထား မတူညီမှုကြောင့်ဖြစ်တာလား။ ရှိတဲ့အရင်းအမြစ်တွေအတွက် လုကြတာ ပေါ့နော်။ မျှမျှတတ မခွဲယူနိုင်မှုကြောင့်ဖြစ်တာလား။ တခြားကိစ္စတွေကြောင့်ဖြစ်တာလား။ အပြင်ပယောဂကြောင့်ဖြစ်တာလား …စသည်ဖြင့်။
ဘာဖြစ်လို့ တိုင်းရင်းသားတွေကြားထဲမှာ တိုက်ပွဲတွေဖြစ်သလဲဆိုတာကျမတို့ စဉ်းစားရပါလိမ့်မယ်။ အဓိကကတော့ ဗမာ့တပ်မတော်ပေါ့နော်။ နိုင်ငံ့တပ်မတော်ခေါ်မှာလား ရွေးရတာခက်ပါတယ်။ တကယ်တော့ ဗမာအများစုပါနေတော့ ဗမာ့တပ်မတော်ပဲခေါ်ရမှာပေါ့။

ဒါပေမဲ့ ဗမာ့တပ်မတော်ခေါ်ပြန်တော့လည်း ဗမာလူမျိုးနဲ့ တခြားတိုင်းရင်းသားတွေ တိုက်နေတယ် ဆိုတဲ့ပုံစံကြီးဖြစ်နေတဲ့ခါကျတော့ ၀မ်းသာစရာကိစ္စမဟုတ်ပါဘူး။ ဒါဘယ်လိုပဲပြောပြော တပ်မတော်နဲ့ တိုင်းရင်းသားအဖွဲ့အစည်းတွေ တိုက်ပွဲတွေဖြစ်နေတာမဟုတ်ဘူး။ တိုင်းရင်းသား အချင်းချင်းလည်းဖြစ်နေတယ်ဆိုတော့ ဒီဟာကိုကျမတို့က မေးခွန်းမေးရမယ်။ ဘာဖြစ်လို့ကျမတို့ အချင်းချင်းတိုက်ပွဲတွေဖြစ်နေရသလဲ။ ဘာကြောင့်လဲ။ မတူကွဲပြားမှုကြောင့်လို့ပြောသွားတဲ့အပေါ် မှာ ကျမတို့က ဖက်ဒရယ်သာအဖြေဆိုတာ လက်ခံထားပြီးသားပါ။

ဖက်ဒရယ်ဆိုတဲ့အဓိပ္ပာယ်ကိုဖော်ရမယ်ဆိုတော့ အမှန်ပြောရင် ဒါ ကျမတို့ခေါ်လို့မရဘူး။ ငြိမ်းချမ်းရေးညီလာခံလည်းဖော်လို့မရဘူး။ ဘာဖြစ်လို့ပြောလဲဆိုတော့ ဖက်ဒရယ်ဆိုတဲ့အနက် အဓိပ္ပာယ်ကိုဖော်ရမယ်ဆိုရင် ပညာရှင်များပေါင်းစုံ၊ နှစ်ပေါင်းရာနဲ့ချီပြီး ဖော်လို့မရပါဘူး။ တိတိကျ ကျဖော်လို့ မရပါဘူး။ အခုထက်ထိ ဖက်ဒရယ်နဲ့ပတ်သက်တဲ့ စာရွက်စာတမ်းေ တွက တချိန်လုံး ထုတ်နေကြတာ။ တယောက်တမျိုးပေါ့။ နောက်ဆုံး ကျမတို့ရဲ့နိုင်ငံရဲ့ဖက်ဒရယ်က ဘာလဲဆိုတာ ကလည်း ဖွဲ့စည်းပုံအခြေခံဥပဒေကပဲဆုံးဖြတ်မှာ။ အမေရိကန်ရဲ့ဖွဲ့စည်းပုံအခြေခံဥပဒေက ဂျာမနီ နိုင်ငံရဲ့ဖွဲ့စည်းပုံအခြေခံဥပဒေနဲ့ မတူပါဘူး။ ဂျာမနီနိုင်ငံရဲ့ဖွဲ့စည်းပုံအခြေခံ ဥပဒေကလည်း ဆွိစ္စလန်ရဲ့ဖွဲ့စည်းပုံအခြေခံဥပဒေနဲ့လည်း မတူပါဘူး။ မတူတာနဲ့အမျှ သူတို့ရဲ့ဖက်ဒရယ်တွေ ကလည်း တခုနဲ့တခု ကွာခြားပါတယ်။
ကွာခြားတဲ့အပေါ် ဘယ်ဟာက ပိုကောင်းတာလဲဆိုတာကိုလည်း ပြောဖို့ခက်ပါတယ်။ သူ့နည်းသူ့ဟန်နဲ့ အောင်မြင်နေကြတာပဲမတူကြဘူးပေါ့။ ကျမတော့ ဖက်ဒရယ်နဲ့ပတ်သက်ပြီး ပြည်သူတွေကိုရှင်းပြတဲ့အခါမှာ အရင်တုန်းကတော့ ဖက်ဒရယ်နဲ့ပတ်သက်ပြီး ၀ါဒဖြန့်မှုတွေ အများကြီး ရှိပါတယ်။

ဖက်ဒရယ်ဆိုတာ ခွဲထွက်ရေး။ ကျမတို့အဖွဲ့က အမြဲတမ်း ဖက်ဒရယ်နဲ့ရပ်တည်ခဲ့တာကိုး။ အဲဒါကြောင့် NLD က ခွဲထွက်ရေးကိုလိုလားတယ်။ ပြည်ထောင်စုပြိုကွဲအောင် လုပ်နေတာဆိုပြီး အဲ့ဒီတုန်းက ဖက်ဒရယ်ဆိုတဲ့စကားသုံးရင် ဖမ်းတာဆီးတာတွေ ရှိခဲ့ပါတယ်။ ကျမတို့တော့ ဖက်ဒရယ်ဆိုတာကို အမြဲသုံးခဲ့တယ်။ မူအရပေါ့။ ဖက်ဒရယ်ဆိုတာခွဲထွက်ရေးမဟုတ်မှန်း လူထုကို သိစေချင်လို့။ ဆိုတော့ ဖက်ဒရယ်ဆိုတဲ့အဓိပ္ပာယ်ကို အရိုးသားဆုံးရှင်းပြရမယ်ဆိုရင် နိုင်ငံတနိုင်ငံ အတွင်းမှာ အာဏာကို ဗဟိုအစိုးရနဲ့ ပြည်နယ်အစိုးရ၊ တိုင်းအစိုးရတွေကြားထဲမှာခွဲယူဖို့၊ ခွဲယူတဲ့စနစ်။ အဲဒီဟာ ဖက်ဒရယ်ပဲ။
ဘယ်လိုပုံစံနဲ့ ခွဲယူလည်းဆိုရင် ဖွဲ့စည်းပုံ အခြေခံဥပဒေက သတ်မှတ်တယ်။

ဖက်ဒရယ်နဲ့ပတ်သက်ပြီး ပညာရှင်တွေရဲ့လေ့လာချက် သုတေသနပြုချက်အရ ဖက်ဒရယ်စနစ် လုပ်လိုက်တဲ့အခါမှာ ခွဲထွက်ချင်တဲ့ စိတ်ဓာတ်တွေက ကျဆင်းသွားတယ်။ ဒါကြောင့် ဖက်ဒရယ် ဆိုတာ ခွဲထွက်ချင်တဲ့စိတ်ကို အားပေးတာတော့မဟုတ်ဘူး။ ခွဲထွက်ချင်စရာအကြောင်းမရှိအောင် အဆောက်အအုံတခုကို တည်ဆောက်တာပဲဆိုပြီးတော့ ကျမတို့ဒီလိုပဲရှင်းပြပါတယ်။ ဒါကြောင့် ဖွဲ့စည်းပုံအခြေခံဥပဒေက ကျမတို့နိုင်ငံနဲ့အသင့်တော်ဆုံး ဖက်ဒရယ်ပုံစံတခုကို သတ်မှတ်ပေးပါ မယ်။
ဆက်ပြီးပြောမယ်ဆိုရင် ဖွဲ့စည်းပုံအခြေခံက ဖက်ဒရယ်ကရအောင်လုပ်မယ်ဆိုတော့ ညီလာခံတွေဘာတွေနဲ့ပတ်သက်လို့ Ceasefire မရခင် ညီလာခံလုပ်လို့သင့်တော်ပါ့မလား ခုနပြောတဲ့အတိုင်း အချိန်တိတိကျကျ လိုအပ်ပါတယ်။ ဆိုတော့ NCA ဘက်ကို ပြန်လှည့် လာပါမယ်။

NCA

NCA ထဲမှာပါတဲ့အချက်တွေကိုတချို့ဟာတွေက သဘောမတူဘူး။ ဒါကြောင့် NCA ရေးဆွဲရေးမှာ ကျမတို့အဖွဲ့ချုပ် မပါခဲ့ပါဘူး။ ကျမတို့ကဏ္ဍလည်း အင်မတန်မှသေးပါတယ်။ ကျမတို့ ကိုယ်စားလှယ် ၂ ယောက်ပဲ တက်ပါတယ်။ NCA နဲ့ပတ်သက်လို့ ကျမတို့သဘောမတူခဲ့တာတွေ လည်း ရှိခဲ့ပါတယ်။ သို့ပေမယ့် ကျမတို့တောင်းဆိုတာ တခုပဲရှိခဲ့ပါတယ်။ ပြုသာပြင်သာအောင်တော့ ထည့်ခဲ့ပါ။ အဲဒါမထည့်ခဲ့လို့ ကျမတို့လက်မခံနိုင်ပါဘူး။ ဒါတောင်မှ ကျမတို့ လက်မှတ်မထိုးခဲ့ပါဘူး။ ပြည်ထောင်စုနေ့တုန်းကလေ။ မထိုးဘူးဆိုတာက ကျမတို့ကို နို့တစ်စ်မပေးဘဲနဲ့ လာပါ တက်ပါ လက်မှတ်ထိုးပါဆိုတော့ ကျမတို့ကိုယ်စားလှယ်တွေက ထိုးခွင့် မရှိဘူးလေ။ တိတိကျကျပြောမယ်ဆိုရင် NCA လက်မှတ်ထိုးပြီးတာနဲ့ ရက်ပေါင်း ၉၀ အတွင်း ငြိမ်းချမ်းရေးညီလာခံလုပ်မယ်ဆိုတာ မဖြစ်နိုင်ဘူးလေ။ ဒီတိုင်းပဲဖြစ်မယ်ဆိုရင် NCA က ဘယ်တော့လောက်မှ လက်မှတ်ထိုးနိုင်မလဲဆိုတာ ကျမတို့မှန်းလို့ရမယ်။ NCA လက်မှတ်ထိုးပြီးမှ ဆက်ပြီးသွားဖို့ဆိုတာ အမှန်ပြောရင် ကျမတို့ဆုံးဖြတ်ချက်မဟုတ်ပါဘူး။ အရင်တုန်းက အုပ်ချုပ်ရေး ယန္တရားလို့ပဲ ပြောချင်ပါတယ်။ ဒါကျမတို့ အမွေခံပါတယ်။

နိုင်ငံတနိုင်ငံရဲ့အစိုးရတာဝန်ကိုယူတဲ့အဖွဲ့ဟာ အရင်အစိုးရလုပ်ခဲ့သမျှကိုတာဝန်မယူဘူးဆိုပြီး လုပ်လို့မရပါဘူး။ ဒါကြောင့် ဒီ NCA ဆိုတဲ့ဝန်ထုပ်ဝန်ပိုးက ကျမတို့အပေါ် ရောက်လာပါတယ်။ ကျမတို့ကထမ်းပြီး တတ်နိုင်သမျှပြေလည်အောင်လုပ်ရမှာပဲ။ အခွင့်အလမ်းတခုလို့ကျမမြင်သလို တိုင်းရင်းသားတွေကို မြင်စေချင်ပါတယ်။ NCA က ဒီတိုင်းရှိတယ်ဆိုပေမယ့် တချို့သော ဒက်ဖ်ှနေးရှင်း Definitions တွေက အဓိပ္ပာယ်ဖော်မှုတွေက မပြီးပြတ်သေးပါဘူး။ ဒီအဓိပ္ပာယ်ဖော်မှုတွေက အလျှော့အတင်းလုပ်လို့ရပါတယ်။ ဒါကြောင့် အားလုံး အဆင်ပြေစေ ရမယ်လို့ မပြော လိုဘူး။ အရင်တုန်းကကျမကိုဟို ဘက် ကလာကမ်းလှမ်းတုန်းက Calculated risk ယူလိုက်ပါဆိုသလို။ ၂၀၁၂ ကနေ မကျော်ဖြတ်နိုင်ရင် ၂၀၁၅ ကို ကျမတို့ရောက်မှာ မဟုတ်ပါဘူး။ ကျမတို့အလျှော့အတင်းလုပ်ခဲ့ပါတယ်။ အလျှော့အတင်းလုပ်ပြီးတော့မှ အောင်မြင်အောင် လုပ်ရမှာပဲ။

ပင်လုံညီလာခံ

ပင်လုံညီလာခံဆိုတာ ပင်လုံ Agreement အပေါ်မှာအခြေခံမှာလား။ ပင်လုံစိတ်ဓာတ်အပေါ်မှာ အခြေခံတာလား။ ပင်လုံသဘောတူညီချက်ဟာ ယျေဘုယသဘောဆန်ပါတယ်။ တိတိကျကျရယ်လို့တော့ မဟုတ်ပါဘူး။ ပြန်ဖတ်ကြည့်မယ်ဆိုရင်တော့ အဓိကပါနေတာက ကချင်နဲ့ပတ်သက်တဲ့ဟာ ပါတာပါ။ တခြားတိုင်းရင်းသားတွေနဲ့စာလို့ရှိရင်တော့ အပိုဒ် ၅ အပိုဒ် ၆ နဲ့အပိုဒ် ၉ မှာ သေသေချာချာကို ကချင်ဆိုပြီးတော့ ဖော်ပြထားတာရှိပါတယ်။ ၈ မှာတော့ ရှမ်းကို ဖော်ပြထားပါတယ်။ ရှမ်းကိုဖော်ပြထားရာမှာလည်း တကယ်တော့ General ဖြစ်ပါတယ်။ ဥပမာ (VIII) The arrangements accepted in this Agreement are without prejudice to the financial autonomy now vested in the Federated Shan States.

အဲတော့ without prejudice ဆိုတာ အဓိပ္ပာယ် အမျိုးမျိုးဖော်လို့ရပါတယ်။ အဲတော့ ပင်လုံစာချုပ် အတိုင်းသွားမယ်ဆိုလို့ရှိရင်တောင်မှ လိုတိုးပိုလျှော့တွေ အများကြီး လုပ်နိုင်တဲ့အခြေအနေ ရှိပါ တယ်။ ဒါဟာ ကျမတို့အတွက် ပြဿနာမဖြစ်နိုင်ပါဘူး။ ပြဿနာက တကယ် ကျမတို့သဘော တူညီမှုယူချင်တယ်ဆိုလို့ရှိရင် ဘာမှပြဿနာမှ မရှိပါဘူး။ ကျမက ပင်လုံစိတ်ဓာတ်လို့ပြောတာ ဟာ ပူးပေါင်းဆက်ဆဲရေး။ ပူးပေါင်းခြင်းအားဖြင့်ပေါ့နော်။ ဒါပေမဲ့ ကျမတို့က စိတ်ဓာတ်ပဲယူရမယ်။ ဒီထဲမှာ ရှမ်း၊ ကချင်၊ ချင်း၊ ဗမာ ပါတယ်။ မွန်မပါ ကယားမပါ ။ မပါတာတွေ အများကြီးပဲ။ ဒါကြောင့် ကျမက ပင်လုံစိတ်ဓာတ်ကို အခြေခံပါလို့ ပြောတာ။ ပင်လုံစာချုပ်ကိုအခြေခံမယ်ဆိုရင် ကချင်၊ ချင်း၊ ဗမာ၊ ရှမ်းနဲ့ပဲ ပြီးသွားရောလားဆိုတာ မဖြစ်နိုင်ပါဘူး။ နောက် ပင်လုံစာချုပ်ထဲက အတိုင်းလို့မပြောတာဟာ တိုင်းရင်းသားတွေရဲ့အခွင့်အရေးတွေကို ကန့်သတ်ချင်လို့ မဟုတ်ပါဘူး။ ပြောရမယ်ဆိုရင် ပင်လုံစာချုပ်က ကျဉ်းလွန်းလို့ပါ။ ဒါ့ထက်ပိုပြီးတော့ ကျယ်ပြန့်ဖို့ ကျမတို့ လိုပါ တယ်။ တကယ့် ဖက်ဒရယ်ပြည်ထောင်စုထူထောင်ဖို့ ဆိုလို့ရှိရင်ပေါ့။

နိဂုံး
နောက်တခုက ဒီ Ceasefire တွေလုပ်မှ အားလုံးအပစ်အခတ်ရပ်စဲရေး စာချုပ်လက်မှတ်ထိုးပြီးမှ ညီလာခံကို စနိုင်မယ်ဆိုရင် ညီလာခံဘယ်တော့စနိုင်မလဲ။ အဲတော့ အဲလိုဆိုလို့ရှိရင် ညီလာခံမဖြစ်မြောက်ချင်တဲ့ အဖွဲ့အစည်းတခုတည်းကနေပြီးတော့ အားလုံးကိုပျက်စီးအောင် လုပ်လို့ရတယ်။ အပစ်အခတ်ရပ်စဲရေးဆိုတာ ကျမတို့ဒီကိစ္စလည်း လေ့လာပြီးပါပြီ။ အပစ်ရပ်စဲရေးသဘောတူညီချက်တွေထဲမှာကြည့်လိုက်မယ်ဆိုလို့ရှိရင် ၉၀ ရာခိုင်နှုန်းက လပိုင်းအတွင်း ချိုးဖောက်တယ်။ ဒါတကမ္ဘာလုံးက အဖြစ်အပျက်ကိုကြည့်လိုက်တာ။ အဲတော့ ကျမအမြဲဘဲပြောတယ်။ အပစ်အခတ်ရပ် စဲရေးပျက်ဖို့ဆိုတာ ၁ စက္ကန့်ပဲ လိုတယ်။
ကျည်ဆံတတောင့်ထွက်ဖို့ဆိုတာ ၁ စက္ကန့်ပဲ။ ၁ စက္ကန့်တောင်မရှိဘူးထင်တယ်။ ကျမတော့ မကျွမ်းကျင်တော့ သိပ်မသိဘူး၊ သေနတ်တွေ ဘာတွေနဲ့။ ကျွမ်းကျင်တဲ့ဗိုလ်ချုပ်တွေတော့ ပိုသိတာပေါ့။ အဲတော့ ဒိုင်းဆိုတာနဲ့အပစ်ရပ်က ပြိုကွဲသွားနိုင်တယ်။ ကျည်ဆံတတောင့်ဟာ အပစ်ရပ်ပျက်စီးတဲ့ အခြေအနေကိုဖန်တီး နိုင်တယ်။ အဲဒီ့တော့ အဲဒီအပေါ်ကို ကျမတို့ရဲ့ငြိမ်းချမ်း ညီလာခံကအခြေခံမှာလား။ အဲဒီ့တော့ ကျမတို့ရဲ့ဒီငြိမ်းချမ်းရေးညီလာခံက သိပ်ကို အားနည်းသွား ပါတယ်။ ဒါကြောင့် ကျမတို့က တမူးတရှူး ကမန်းကတန်း လုပ်ချင်တာ မဟုတ်ပါဘူး။

တကယ်ပြောမယ်ဆိုရင် ကျမတို့ ငြိမ်းချမ်းရေးညီလာခံဖြစ်သင့်တာဟာ ရာစုနှစ် တ၀က်လောက်ကို ရှိနေပါပြီ။ ဒါကျမတို့ သိပ်ပြီးတော့ ကမန်းကတန်းလုပ်တယ်လို့ ပြောလို့မရပါဘူး။ လုပ်ခဲ့တဲ့ လုပ်ခဲ့တဲ့အစဉ်အဆက်တွေအပေါ်ကျမတို့အခြေခံတာပါ။ ကျမတို့ ဒီ စပြီးဆွေးနွေးတဲ့ ၂ လ လောက်ကမှ စတာမဟုတ်ပါဘူး။ ငြိမ်းချမ်းရေး Process ပရောစက်ဆိုတာ ဟိုးကတည်းက လွတ်လပ်ရေး ရကတည်းက စတယ်လို့ပဲပြောလို့ရမှာပေါ့။
လွတ်လပ်ရေးနဲ့အတူတူ ကျမတို့ပြည်တွင်းငြိမ်းချမ်းရေးကိုဆုံးရှုံးခဲ့တာကိုး။ အဲဒီတော့ ပြည်တွင်းငြိမ်းချမ်းရေးရအောင်လို့ကြိုးပမ်းမှုတွေက လွတ်လပ်ရေး သက်တမ်းနဲ့အတူတူပဲလို့ ကျမတို့ပြောလို့ရပါတယ်။

အဲဒီတော့ ကျမပြောလိုတာက လိုချင်တာတွေတောင်းပါ။ ကျမတို့ပေးမယ်လို့ အာမမခံဘူး။ ကျမတို့ ဆွေးနွေးမယ်။ ဒါပေမဲ့ Calculated Risk ဆိုတာ ကိုလည်း ယူပါ။ ၁၀၀ ရာခိုင်နှုန်း အာမခံချက်ရှိမှလုပ်မယ်ဆိုရင် ကျမတို့ ဘယ်တော့လုပ်ဖြစ်မှာ မဟုတ်ဘူး။ ဘယ်တုန်းကမှကျမတို့ ၁၀၀ ရာခိုင်နှုန်းက မရှိခဲ့ပါဘူး။ ဥပမာကျမတို့ ၂၀၁၂ - ၂၀၁၅ မှာ ၀င်ပြိုင်တုန်းက - ၉၀ တုန်းကကြည့်ပါလား ဘာဖြစ်သွားလဲ။ ဘာကြောင့်အခု ၀င်ပြိုင်မှာလဲ လို့မေးတယ်။
အဲဒီတော့ ခုနကပြောသွားသလိုပေါ့နော်။ အရင်တုန်းက ဖေဖေတို့နဲ့ သဘောတူညီချက်ဟာ နောက်ပိုင်းကျတော့ မတည်ဘူး။ မတည်လို့ အခု နောက် သဘောတူညီချက်အသစ် မယူသင့်ဘူး ဆိုတာ မသင့်ဘူးဆိုလို့ရှိရင် ကျမတို့ က ၉၀ တုန်းက ကျမတို့ရဲ့ရွေးကောက်ပွဲရလာဒ်ဟာ အဟောသိကံဖြစ်သွားလို့။ ၂၀၁၂ ၊ ၂၀၁၅ တို့ဟာ အခွင့်အရေး အလွတ်ခံခဲ့ကြမှာလား။
အလွတ်ခံခဲ့ရင်တော့ ကျမတို့မှားမယ်လို့ ပြန်ပြီးတော့သုံးသပ်လို့ရပါတယ်။ မှားမယ်၊ မှန်မယ် ဆိုတာ ၁၀၀ ရာခိုင်နှုန်း ကျမတို့ ပြောလို့မရဘူး။ ကျမတို့စွန့်စားပြီးတော့မှ တခါဖြစ်ပြီးလို့ အမြဲပဲဖြစ်မယ်လို့ အဲဒီအမြင်နဲ့ဆိုရင်တော့ အရှေ့တိုးလို့ရမှာမဟုတ်ဘူးဆိုပြီးတော့ ကျမတို့စွန့်စားပြီး လုပ်လိုက်တာပါ။

အသေးစိပ်ဟာတွေနဲ့ပတ်သက်လို့ကတော့ ကျမသိတယ်၊ တိုင်းရင်းသားတွေနဲ့ဆွေးနွေးရမယ်။ ဘာပဲဆွေးနွေးဆွေးနွေး Peace Process မှာ ၀င်နိုင်ရေး ကိုဦးတည်ပြီးတော့ ဆွေးနွေးပါလို့ ကျမက မေတ္တာရပ်ခံချင်ပါတယ်။ Peace Process မှာဝင်နိုင်ဖို့ ဒို့ဘယ်လို လုပ်ကြမယ်။ ဘယ်လို အပေးအယူလုပ်ကြမလဲ၊ အဲဒီလိုပုံစံနဲ့ပဲဆွေးနွေးပါလို့ မေတာရပ်ခံချင်ပါတယ်။
ဒါကြောင့် ကျမတို့က ပင်လုံစိတ်ဓာတ်က အင်မတန်ကျယ်ပြန့်တယ်။ သဘောတူညီချက်က နည်းနည်းကျဉ်းတယ်။ အဲဒါ ကျမတို့စဉ်းစားပြီးပြေလည်အောင် လုပ်ပါမယ်။

၂၁ ရာစုပင်လုံညီလာခံကိုလည်း အပစ်အခတ်ရပ်စဲရေးမထိုးတဲ့လူတွေကိုလည်း တက်နိုင်တဲ့ အနေအထားမျိုးကို ဖန်းတီးချင်တယ်။ ဒါပေမဲ့ တန်းတူညီတူတော့ အခွင့်အရေးပေးလို့မရဘူး။ ဒါကတော့ လက်တွေ့ကျပါတယ်။ ဘာလို့လဲဆိုတော့ လက်မှတ်မထိုးတဲ့အတူတူပဲဆိုရင်တော့ ဘယ်သူက ထိုးတော့မှာလဲ။ လက်မှတ်မထိုးတဲ့လူနဲ့ လက်မှတ်ထိုးနဲ့ လူနဲ့အတူတူပဲဆိုရင်တော့ ဘယ်သူကမှ ထိုးတော့မှာမဟုတ်ဘူး။

အဲ့ဒီတော့အဲ့ဒီဟာတခုကတော့ သတ်မှတ်ချက်ကတော့ ရှိမှာပေါ့။ ဒါပေမဲ့ ကျမတို့က တတ်နိုင်သမျှ အောလ်အင်ကလူးစစ် (All Inclusive) ဖြစ်အောင်လို့ ဘယ်လိုပုံစံနဲ့လက်မှတ်မထိုးတဲ့သူတွေ ပါဝင်ပြီးတော့ကျမတို့ ညီလာခံဖြစ်မြောက်ရေးအတွက်လုပ်နိုင်မလဲဆိုပြီးတော့ ကျမတို့အဲဒါကိုလည်း စဉ်းစားထားပြီး သားပါ။

အကောင်းဆုံးကတော့ လက်မှတ်ထိုးပြီးဝင်လာရင်ကောင်းတာပေါ့။ အဲတော့ လက်မှတ်ထိုးနိုင် အောင်လို့ ဒီအန်စီအေ အပေါ်မှာပတ်သက်ပြီးတော့ ဘယ်လိုအလျှော့အတင်းလုပ်မလဲ။ ဘယ်လိုအဓိပ္ပာယ်ဖော်မလဲဆိုတာကို ကျမက ဦးတည်စေချင်တယ်။ လက်မှတ်မထိုးဘဲနဲ့ တက်ရအောင်လုပ်ပေးဆိုရင် ဒါကတော့ မတရားဘူး။ လက်မှတ်ထိုးတဲ့လူတွေက ပြောမှာပါ ကျနော်တို့ကျတော့ လက်မှတ်ထိုးရတယ်။ သူတို့က လက်မှတ်မထိုးရဘူးဆိုရင်ကျမက ဘယ်လိုဖြေရမလဲ။

ရန်လင်းအောင် - ခေါင်းစဉ်ကွဲ 
(မိုးမခ) သြဂုတ် ၅၊ ၂၀၁၆

ကြမ်းကန့်လန့် ခင်းထားတယ် -
လောင်းရိပ်က သြဇာကြီးလွန်း -
ပေါင်းမြက်တွေ အိပ်မွေ့ကျနေတာ ဘာဆန်းလဲ ?

တရေးပဲ နိုးနိုး
လန့်ပဲ နိုးနိုး
မူရင်းသတ်ပုံဆိုလည်း

သွေးဖောက်စစ်ရမယ် … … …

၈. ၃ .၂၀၁၆

ခင်လွန်း - ကောင်းကင်ချစ်တဲ့ ကောင်ကလေး
(မိုးမခ) သြဂုတ် ၅၊ ၂၀၁၆
၁။



နီနီသည် မိုးကောင်းကင်ကိုချစ်သော ကောင်လေးတယောက်ဖြစ်သည်။ မိုးကောင်းကင်သည် သူ့အတွက်တော့ သုံးမကုန်ဖြုန်းမကုန် ဆွဲ၍မဆုံးနိုင်တော့သည့် ပုံဆွဲစက္ကူချပ်ကြီးတချပ်လို ခံစားမြင်နေမိသည်။ ပြီးတော့ ပန်းချီကားချပ်တွေကုဋေကုဋာ ခင်းကျင်းထားသည့် ပန်းချီပြခန်းကြီး တခုအဖြစ်လည်း သူ မြင်သည်။

စင်စစ် ပန်းချီပြခန်းတခုထဲသို့ သူအမှန်တကယ်ရောက်ဖူးခဲ့သည်မှာ အိပ်မက်လိုတော့ဖြစ်နေသည်။ ပထမတော့ ဘာရယ်ညာရယ်ဟု သူမသိ။ ရောက်ဖူးနေကြ သာမာန်အိမ်တအိမ်အဖြစ်လို့သာ သူ ထင်မိသည်။ အိမ်က အိမ်အိုအိမ်ဟောင်းကြီး ဖြစ်သော်လည်း ကျယ်ကျယ်ပြန့်ပြန့်ရှိသည်။ အခန်းဖွဲ့ တွေ ကျယ်သည်။

ပြတင်းပေါက်တွေများသလို တခန်းမှတခန်းအကူး တံခါးမကြီးများကလည်း များသည်။ ထိုပြတင်း ပေါက်များ ထိုတံခါးမကြီးများအနီးတွင် နီနီတို့ပျိုးကမ္ဘာဥယျာဉ်ထွက် ပန်းပင်ဂမုန်းပင်အမျိုးမျိုးကို အိမ်တအိမ်၏ အလှအပ အဆင်တန်ဆာအဖြစ် လာရောက်ပို့ပေးရစဉ်က ရောက်ခဲ့ခြင်းဖြစ်သည်။ နီနီက ပျိုးခင်းကမ္ဘာဥယျာဉ်က လုပ်သားခေါ်မလား၊ အဖွဲ့ဝင်လားခေါ်မလား။ အဲ ဘာမှန်းညာမှန်း ပင် ကိုယ့်ဘာသာမသိ။ ပန်းအိုးကြီးများကိုချဖို့ ကားကိုထိုးရပ်လိုက်တော့ ပန်းချီကားတချပ်ကို ဆွဲ နေဟန်ရှိသည့် လူတယောက်က ထိုင်ရာမှထလာကာ နေရာလိုက်ပြပေးသည်။

သူ့လက်ထဲမှာတော့ နီနီတခါမှမမြင်ဖူးသေးသည့် စုတ်တန်အရွယ်အစား ခပ်ငယ်ငယ်လေး တ ချောင်းကိုင်လို့။ နီနီမြင်ဖူးနေကျက သံစည်ပိုင်းဆေးသုတ်သည့် စုတ်တန်ပြားပြား ကြမ်းကြမ်းကြီး မျှသာ။ စဥ့်ရောင်အမျိုးမျိုးသုတ်လိမ်းထားသည့် ပန်းအိုးကြီးတွေကို သူ့နေရာနှင့်သူချထားပြီး ချိန် မှာတော့ နီနီသည် သူရောက်နေသည့်အဆောက်အဦကို ဝေ့ဝဲကြည့်မိလေသည်။

အားပါးပါး။ အိမ်လုံးပြည့်ပန်းချီကားတွေချည်းပါပဲလား။ ဒါတွေအားလုံး ခုနလူကြီး ဆွဲထားတာများ လားလို့ သူထင်မိသည်။ ပန်းချီကားတွေသာ မဟုတ်။ တချို့စားပွဲလေးများပေါ်တွင် ပန်းပုရုပ်များ၊ ဇာတ်ပွဲတွေမှာတွေ့ရတတ်သည့် ဝန်ရုပ်၊ ဇော်ဂျီ ရုပ်၊ သူတော်ရုပ်တွေကိုလည်း လှမ်းတွေ့ရသည်။ သူနှင့်အနီးဆုံးနံရံပေါ်က ပန်းချီကားတချပ်ကိုမြင်မိချိန်မှာတော့ သူ့စိတ်ထဲ စပ်ဖျဉ်းဖျဉ်းလေးလို ဖြစ် သွားခဲ့သည်။ ထိုပန်းချီကားလေးက နီနီတို့အညာကျေးလက်ရွာလေးတရွာ၏မြင်ကွင်းကို ရေးခြယ် ထားခြင်းဖြစ်သည်။ ရွာလမ်းဖုန်အလိမ်းလိမ်းတွင် နွားအုပ်တအုပ် မောင်းသွင်းလာသည့် မြင်ကွင်း။ ဝင်လုဆဲနေလုံးကြီးက ဖုန်လိပ်ကြီးများနောက်တွင် နီရင့်ညိုမှိုင်းလျက်။ မကြာမီ စုန်းစုန်းမြှုပ်သွား တော့မည့်အသွင်။

နီနီအံ့သြသွားသည်။ ပန်းချီကားချပ်လေး၏အရွယ်က ခပ်ငယ်ငယ်။ သူမြင်နေရသည့်မြင်ကွင်းက ရွာလမ်း၊ တဲအိမ်၊ နွားအုပ် နှင်တန်ကိုင်မြှောက်နေသည့် နွားကျောင်းသား။ ကြည့်အုံး၊ ဟိုးနောက် မှာလည်း ဆည်းဆာနေလုံးရဲ့အရောင်များ ဖြာလွှင့်။ ဒီအရွယ် ပန်းချီကားလေးမှာမြင်နေရသည့် အ ရောင်တွေ အရုပ်တွေ လှုပ်ရှားမှုတွေက အကျယ်အပြော။ ဖုန်တွေအလ်ိပ်လိပ် ထနေပုံများ ကိုယ့် ရွာကိုပဲ ပြန်ရောက်နေတော့သလိုလို။

နောက်ပန်းချီကားတချပ်မှာတော့ ညမိုးကောင်းကင်၏ တိမ်လိပ်တိမ်ဆိုင်များ၊ လမင်းကိုဝန်းရံနေ သည့် ကြယ်ကလေးများ။ အပြာရင့်မှောင်အာကာပြင်၌ ဖြူလွှလွှတိမ်သားတိမ်ဆိုင်တွေက လေထဲ လွှင့်နေသလိုလို။ ကြယ်ကလေးများ လက်ပနေသည်ကလည်း အရောင်များပြက်ပြက်ထလျက်။ ဒီပန်းချီကားလေးကလည်း ၁၆-နှစ်သားအရွယ် နီနီ့လက်တတောင်သာသာခန့် မျှသာ။ နီနီ့ အတွေး က လက်တတောင်သာသာရှိသည့် နေရာလေးတနေရာတွင် မိုးကောင်းကင် တပြန့်တပြောကြီးကို ထည့်သွင်းနိုင်သည်ဆိုသည့် အသိ၊ အတွေး။ တယ်လည်း ဆန်းပြားတဲ့ အတတ်ပညာပါလား။



“ဟေ့ချာတိတ်၊ မင်းက ပန်းချီဝါသနာပါသလားကွ ”

ပန်းချီကားတွေထဲ နီနီနစ်မြောနေစဉ် ပန်းချီဆရာဖြစ်ဟန်တူသော စုတ်တန်ကိုင်ထားသည့် လူက မေးတော့ နီနီသည် ယောင်အမ်းအမ်းဖြင့် ခေါင်းငုံ့ပြမိလားမသိ။

“အေး၊ ဝါသနာပါရင် ပန်းချီသင်ပေါ့ကွာ၊ မင်းက ငယ်ငယ်လေးရှိသေးတာပဲ၊ ပန်းချီဆရာဖြစ်လာမှာ ပေါ့၊ ကဲ မင်းသူငယ်ချင်း တွေစောင့်နေပြီ။ သွားလိုက်အုံး ”

ထိုမှစ၍ မိုးကောင်းကင်ကို သူစတင်ချစ်သွားခဲ့ခြင်းဖြစ်သည်။ အရင်ကတော့ သူ့ခေါင်းပေါ်မှာအမြဲရှိ နေသည့် မိုးကောင်းကင်ကို ချစ်ရကောင်း မြတ်နိုးရကောင်းမှန်းမသိခဲ့သလို ယောင်မှားမော့ငေး ကြည့်ဖို့ပင် အမှတ်ရတတ်သည့် ကောင်ကလေး မဟုတ်ခဲ့ပေ။ သြော် မိုးကောင်းကင်ကြီးကလည်း သူ့ကိုများ တခါတလေဖူးမျှ ငုံ့ကိုင်းကြည့်မိပါရဲ့လားလို့ ခုနေခါတွင် သူ တကိုယ်တည်း မေးခွန်းတွေ ထုတ်နေမိတတ်သည်။

ခွင့်လွှတ်ပါ မိုးကောင်းကင်ကြီးရယ်။ နီနီကလည်း နီနီ့အဖြစ်ကို မေ့လျော့နေတဲ့ မိုးကောင်းကင်ကြီး ကို ခွင့်လွှတ်ပါတယ်ဟု တယောက်တည်းလည်း မကြာခဏ စကားပြောတတ်သည်။ တခါတော့ ထိုအဖြစ်ကို အောင်လေးက ကြားသွားဟန်ရှိ၍ သူ့နားတိုးကပ်ကာ မေးလေသည်။

“ဟေ့ကောင် ငနီ၊ မင်းတယောက်ထဲ စကားတွေပြောနေတယ်ဟုတ်လား၊ အဲဒီအကျင့်မကောင်းဘူး ငနီ။ တော်ကြာ မင်းရူးသွားလို့ ဦးလေးခင်ကြီးက အိမ်ကနှင်ထုတ်နေအုံးမယ်” ဟု သတိပေးယူရ သည့်အထိ။

ဘာပဲပြောပြော နီနီကတော့ မိုးကောင်းကင်ကြီးကို အချစ်ကြီးချစ်သွားခဲ့ပြီ။ ပျိုးကမ္ဘာဥယျာဉ်တွင် တနေကုန် တကုန်းကုန်းတချိချိ လုပ်ခဲ့ကိုင်ခဲ့ရသမျှ ညညများဆိုလျှင် မိုးကောင်းကင်ကြီးကို မော်ကြည့်ကာ တိမ်တောင်ပန်းချီ၊ ကြယ် ပန်းချီတွေကို တမေ့တမော ငေးကြည့်ရသည်မှာ ထူးခြား ဆန်းကျယ်လှသည့်အရသာဖြစ်သည်ဟု သူယုံသည်။

“ဟေ့နီနီ၊ ဘာတွေတွေးနေတာလဲကွ။ ကဲ ဟိုမှာပျိုးထားတဲ့ သူယောင်မယ်ဂမုန်းတွေ နေဝလောက် ပြီ၊ အရိပ်ထဲ ပြန်ရွှေ့ကြတော့၊ နော်သား”

ဦးလေးခင်ကြီးက သူ့ကို သားဟု ခေါ်လိုက်သည့်အတွက်တော့ သူ့ရင်ထဲ သိမ့်ခနဲဖြစ်ရသည်မှာ အ မှန်ပင်။ နီနီက ဟုတ်ကဲ့ဟု တခွန်းထဲပြောကာ ကံကော်ပျိုပင်လေးအရိပ်အောက်က ထွက်ခဲ့လေ သည်။

၂။

ရွာက နီနီထွက်ခွာလာချိန်မှာ အသက် ၁ဝ နှစ်ကျော်ကျော်မျှသာ။ အမေနှင့်အဖေ ရှေ့ဆင့်နောက် ဆင့် ဆုံးပါးသွားသည့် နောက် အမေ့မောင် ဘဒွေးတော်ဦးပဉ္ဇင်းလေးရှိရာ မန္တလေးရွှေမြို့တော်သို့ အားကိုးတကြီး ရှာခါဖွေခါ သွားရောက်ခဲ့သော်လည်း မျက်စေ့လည်နေသည့် လူမမယ်လေးနီနီနှင့် ဦးလေးခင်တို့တွေ့ကာ သူ့ကို ရန်ကုန်ရွှေမြို့တော်ကြီးသို့ခေါ်လာသည့်အတွက် ပျိုးခင်းကမ္ဘာဆို သည့် ပန်းပျိုးဥယျာဉ်သို့ ရောက်လာခဲ့ခြင်းဖြစ်သည်။

ဦးလေးခင်က ဆိုလေသည်။

ပျိုးခင်းကမ္ဘာဆိုတာ ပန်းတွေချည်းပျိုးတာ မဟုတ်ဘူးသားရဲ့။ အားကိုးရာမဲ့နေတဲ့ မင်းတို့လို ကလေးတွေ လမ်းမှားမရောက်သွားဖို့နဲ့ မင်းတို့ အနာဂတ်လေးတွေ လှပဖို့ ကောင်းကောင်းမွန်မွန် စောင့်ရှောက်ပျိုးထောင်တဲ့ အလုပ်ကိုလည်း ဦးလေးခင်လုပ်တယ်လေဟု သူ့ကို ပြောပြသည်။



ဦးလေးခင်သည် ဇနီးသားသမီးမရှိသူ တကိုယ်တည်းသမားပီပီ ကလေးများအပေါ်မှာတော့ တ ကယ်ပင် ချစ်ခင်နှစ်လိုပုံရပါသည်။ ပျိုးခင်းကမ္ဘာ၌ နီနီ့ အရင်ရောက်နှင့်သူရော နီနီ့ နောက်မှ ရောက်လာသူရော ဆယ်ယောက်ကျော်ရှိသည်။ သူတို့ အားလုံးကို ဦးလေးခင်က မခွဲမခြားဆက်ဆံ ကျွေးမွေးပါသည်။ မခွဲမခြားဝတ်စား ဆင်ယင်စေပါသည်။ ဦးလေးခင်၏ ဥယျာဉ်တွင် အားလုံးတူ တူညီညီ အလုပ်လုပ်လုပ်ရပါသည်။ နီနီတို့တွေကို စာသင်ကျောင်းထားမပေးသော်လည်း ခေတ် ပညာတတ်ဖြစ်သည့် ဦးလေးခင်ကိုယ်တိုင် ညအခါများတွင် စာသင်ပြပေးသည်။ ကျောင်းစာသာ မ က အထွေထွေဗဟုသုတတွေ လည်းသင်သည်။ အထူးသဖြင့် သစ်ပင်ပန်းပင်တွေအကြောင်းကို ပို ပြီးအသားပေးသင်သည်။ သူက နီနီတို့ကို လူတန်းစေ့ထက် မြင့်မားစေချင်တာလည်းပါသည်။ စာသင်ကျောင်းတွေက ကျဉ်းမြောင်းပါတယ်ကွာဟုဆိုကာ ကိုယ်တိုင်သင်ကြားခြင်း ဖြစ်သည်။ နီနီတို့ကတော့ နားလည်တချက် နားမလည်တချက်။

ပြီးတော့ ဦးလေးခင်သည် လူပျိုကြီးပီပီ စည်းစနစ်ကျသည်။ နီနီတို့ကိုလည်း စည်းစနစ်တကျ အုပ် ချုပ်ပဲ့ပြင်သည်။ နီနီတို့သည် ဦးလေးခင်၏ရင်အုပ်အောက်တွင် ခိုက်ရန်ဖြစ်ပွားခြင်းမရှိလောက် အောင် သင့်သင့်မြတ်မြတ်ရှိကြသည်။ ချစ်ချစ်ခင်ခင်လည်း ရှိကြပါသည်။

တကယ်တော့ ဦးလေးခင်၏ဘဝမှာ သစ်ပင်ပန်းမာလ်များသာ။ ဝင်စားမွေ့လျော်မှုကလည်း သစ်ပင် ပန်းမာလ်များသာ။ ဂမုန်းမျိုးစုံ ရွက်လှမျိုးစုံ သစ်ခွမျိုးစုံ နှင်းဆီမျိုးစုံ စိုက်ပျိုးထားသော သည်လို ဥယျာဉ်မျိုး ရန်ကုန်မြို့ကြီးလိုနေရာ၌ ရှာမှရှားဟု ဆိုကြသည်။ ဦးလေးခင်၏ နောက်တခုထူးခြား ချက်ကိုလည်း နီနီမြင်မိသည်။ သူက ပန်းမာလ်သစ်ပင်တွေကို လူတွေထက် ပိုချစ် ပိုစွဲလန်းသည့် စိတ်ရှိသူပီပီ လူတိုင်းကို သူ့လိုချည်းဖြစ်စေချင်သည့် လူစားမျိုးဟုလည်း နီနီမြင်သည်။ သစ်ပင် ပန်းမာလ်တွေ မြတ်နိုးတတ်သူများကိုလည်း လူကြီးလူကောင်း နိုင်ငံကြီးသားများ ဖြစ်သည်ဟု လည်း ဦးလေးခင်က အမြဲပြောဆိုတတ်သည်လေ။

သည်တွင် နီနီတို့၏အနာဂတ်ကိုလည်း ဦးလေးခင်ပင် ပိုင်ဆိုင်နေသည်။ ဦးလေးခင်က နီနီတို့ အား လုံးကို သူနှင့်စံထား၍တိုင်းသည်။ ဦးလေးခင်၏ စိတ်ကူးစိတ်သန်းများ၊ ဝင်စားမှုများ၊ အနာဂတ်အိပ် မက်များသည် နီနီတို့ဖြစ်သည်။ ဦးလေးခင်၏ ဆုံးမသွန်မှုနှင့် လမ်းညွှန်မှုများကိုဖြစ်စေ၊ ဦးလေးခင် ၏ လိုအင်ဆန္ဒကို ဆန့်ကျင်လျှင်ဖြစ်စေ ပျိုးခင်းကမ္ဘာမှဝေးရာကို ထွက်သွားပေတော့။

နီနီတို့သည် ဦးလေးခင်ဖြစ်လိုရာကိုရော သူဖြစ်ခွင့်မပိုင်ခဲ့သည့် လက်လွှတ်ဆုံးရှုံးခဲ့ရမှုများကိုပါ ရယူပေးဖို့အတွက် ဒီနေရာကိုရောက်နေရတာလားဟု နီနီတွေးမိလာသည်။ ရောက်ခါစ သုံးလေး နှစ်လောက်ကတော့ ဒီလိုတွေး ဒီလိုမြင်ခဲ့သည်တော့မဟုတ်။ ခု ကြီးခေါင်ဝင်စ အသိဉာဏ်လေးမြင့် လာတော့ တဖြည်းဖြည်း နီနီတွေးတတ်စပြုလာသည်။ လူတွေအကြောင်းကို နားလည်စပြုလာ သည်ဟုလည်း ဆိုနိုင်သည်။ လူတိုင်းကိုယ်စီတွင် ရှင်သန်နေထိုင်မှုအတွက် ရည်ရွယ်ချက်တခု၊ မျှော်မှန်း ချက်တခုစီတော့ ရှိကြမြဲဆိုတာ။ ဦးလေးခင်က ရုက္ခဗေဒလောကကို ရူးရူးသွပ်သွပ်ချစ် မြတ်နိုးသူ။ ဦးလေးခင်၏ အသက်ရှင် နေထိုင်ခြင်းသည် သစ်ပင်ပန်းမာလ်တွေကို မျိုးစိတ်များခွဲဖို့၊ မျိုးစိတ်ကွဲများချင်း ပေါင်းစည်းပြီး အသစ်သစ်သောမျိုးစိတ်တွေ စမ်းသပ်ဖန်တီးကြည့်ဖို့။

တခါကတော့ နီနီ့ကို ဦးလေးခင်ပြောပြဖူးသည်။ ဟောဒီ့ပျိုးခင်းကမ္ဘာဥယျာဉ်ဟာ ရုက္ခဗေဒနယ်ပယ် မှာ အတိုင်းအတာတခုအထိ အသိအမှတ်ပြုခံရအောင် သူရည်ရွယ်ကြိုးပမ်းနေတာတဲ့။ လောလော ဆယ်တော့ ဒို့တွေ မြှုပ်နှံကြရတာပေါ့ကွာတဲ့။

ဦးလေးခင်ကို နီနီနားလည်ပါသည်။ နီနီတို့ကမ္ဘာသည် ဦးလေးခင်၊ နီနီ့တို့ဘဝသည် ဦးလေးခင်၊ နီနီ့တို့ကို ပဲ့ကိုင်သူသည် ဦးလေးခင်၊ နောက်ဆုံး နီနီ့တို့၏အနာဂတ်သည်ပင် ဦးလေးခင် မဟုတ် လား။ ထို့အတူ အောင်လေးတို့ အခြားသူတွေကရော။ ပြောရလျှင်တော့ မိုးကောင်းကင်ကို မော့မ ကြည့်မိသူအားလုံးတို့သည် ဦးလေးခင်သာ ကိုးကွယ်အားထားရာ၊ စံပြု လိုက်နာရာအဖြစ် ခံယူနေ ကြလိမ့်မည်မလွဲဟု နီနီမြင်မိနေလေပြီ။

၃။

ငါ ပန်းချီဆရာဖြစ်ချင်တယ်ကွာ၊ ငါ ပန်းချီသွားသင်မယ်လို့ စိတ်ကူးမိတယ်လို့ အောင်လေးကိုပြော တော့ ဦးလေးခင်သိရင် မင်းကို အိမ်ကနှင်ချမှာကွ၊ စိတ်ကူးမယဉ်ပါနဲ့ငနီရာ၊ သူဖြစ်စေချင်တာ လုပ် စမ်းပါဟု အောင်လေးက တိုးတိုးတိတ်တိတ်ပြန် ဖျောင်းဖျနေလေသည်။

ဦးလေးခင်က သစ်ပင်ပန်းပင်လောကမှာ ပါရဂူကြီးဖြစ်ချင်သလို ငါရော ပန်းချီဆရာတယောက် မ ဖြစ်ချင်ရဘူးတဲ့လားကွာဟု နီနီက ပြန်မေးတော့ အောင်လေးတယောက် ဘာမှပြန်မပြောတတ်ရှာ တော့။
အောင်လေးသည် နီနီ့လိုပင် ကျေးလက်ပေါက်လူငယ်လေးဖြစ်ပြီး နီနီ့အပေါ်ချစ်ခင်သံယော ဇဉ် ကြီးရှာသည်။ ပန်းချီပြခန်းကို ရောက်ခဲ့ဖူးချိန်မှစ၍ နီနီတယောက် မိုးကောင်းကင်ကြီးပေါ်ကို ညလုံး ပေါက်ထိုင်ငေးကြည့်နေတတ်တာကိုလည်း သတိထားမိသည်။ ငေးမောကြည့်နေရုံမကသေး၊ သူ့ လက်ချောင်းလေးများကို ကောင်းကင်သို့ဆန့်တန်းပြီး ပန်းချီရေးနေသည့်ဟန်နှင့် လှုပ်ရှားနေပုံကိုပါ သတိထားမိနေသည်။

အောင်လေးရေ ကြည့်စမ်း၊ ဟိုမှာတွေ့လား၊ အဲဒါ ကိန္ဒရာအရုပ်လေကွာ၊ ဟိုးမှာက တာဝတိံသာက စောင်းတန်းကြီးပေါ့ တွေ့လားဆိုကာ တိမ်တွေကိုကြည့်ကာ ခဏခဏထထအော်တတ်သဖြင့် ခဏ ခဏသူ စိတ်ညစ်ရဖူးသည်။ ဒီကောင်ရူးသွား ပြီလားမသိဟုပင်တွေးမိပြီး ဦးလေးခင်ကိုပင် ပြောပြ သင့်မသင့် စဉ်းစားနေရသူဖြစ်သည်။

တနေ့ခင်းမှာတော့ နီနီသည် ပလစ်စတစ်အိတ်ကြီးများနှင့် မျိုးပွားထားသော ဂမုန်းပင်ကြီးတပင်ကို စူးစိုက်ကာ ကြည့်နေမိသည်။ အပင်ကြီးက ကြီးလှပြီ။ စိမ်းရင့်ရင့်ရွက်ဖားကြီးများက နေရောင်ထဲ တွင် အရောင်တင်ထားသလို လက်နေသည်။ ဂမုန်းမျိုးပေါင်းများစွာရှိသည့်အနက် အပွင့်လှလှ လေးတွေပွင့်သည့် ဂမုန်းပင်မျိုးထဲက ဖြစ်သည်။ ခုလည်း သည်ဂမုန်းပင်ကြီး အပွင့်တွေ ပွင့်နေ သည်။ အဖြူရောင်ပွင့်ဖတ်များကြားက ဝတ်ဆံလေးမျာမှာ ရွှေမှုန်ရွှေစလေးများနှယ် လှလှပပ။ နီနီက စိမ်းရင့်ရွက်ဖားတွေနှင့် ဆယ်စွယ်နုရောင် ရွက်တန်တွေများကြားမှ ထိုဂမုန်းပွင့်လေးတွေကို ပန်းချီကားတခုလိုကြည့်မြင်ရင်း စိတ်ကူးနှင့် ဆေးသားအရောင်တွေ သွင်းနေမိသည်။

ဦးလေးခင်ကတော့ မကြာခင် ဒီဂမုန်းပင်ကြီးကို စဥ့်ရည်သုတ်ထားသည့် ပန်းအိုးကြီးတလုံးတွင် ရွေ့ကာ ရောင်းတန်းတင်ပေတော့မည်။ နီနီမှာက ပန်းချီဆွဲဖို့ စုတ်တန်တွေ အရောင်တွေမပြောနှင့် မိုးကောင်းကင်ကြီးမှလွဲ၍ ပုံဆွဲစက္ကူပင် မရှိသေး။ တကယ်တော့လည်း နီနီ ပန်းချီဆွဲခွင့်ရဖို့ပင် ဦး လေးခင် ခွင့်ပြုမည်လိမ့်မည်မဟုတ်သလို ပန်းချီတွေ ဘာတွေနားလည်မည့် လူစားလည်းမဟုတ် သည်ကို နီနီ အသိပင်။ ဦးလေးခင်က လူတွေအားလုံး သူ့လို ရုက္ခဗေဒချစ်သူသာ ဖြစ်စေချင်သူ။ နီနီ ကလည်း အပင်တွေ အပွင့်တွေ အရွက်တွေကိုမုန်းသူမှမဟုတ်တာ။ နီနီ ပန်းချီဆွဲရင် ပန်းပွင့် တွေရော သစ်ပင်မြင့်ကြီးတွေရော ထည့်ရေးမှာဖြစ်သလို မြက်ခင်းစိမ်းလေးလည်း ပါနိုင်သည်ပဲ လေ။ ဦးလေးခင် နားလည်ပေးမလား။

ဒီလိုတွေးတော့ တလောက ဦးလေးခင်ပြောတာကို သတိရမိသည်။ ဟေ့နီနီ၊ မင်းက ပန်းချီဆရာ ဖြစ်ချင်လို့ဆို။ ပန်းချီဆရာ ဖြစ်ချင်ရင် ဖြစ်နိုင်တဲ့နေရာသွားကွ။ ငေးငေးငိုင်ငိုင်နဲ့ ညမအိပ် နေ့မအိပ် ဖြစ်နေလို့ရူးသွားရင် ငါဆေးကုမပေးဘူးတဲ့။

ဟုတ်တော့လည်း ဟုတ်သည်။ ဦးလေးခင်သည် သစ်ပင်ပန်းမာလ်များကို မြတ်နိုးသူသော်လည်း စိတ်ကူးယဉ်သမားတော့ မဟုတ်။ သူ့စီမံကိန်းများ၊ သူ့အိပ်မက်များတွင် သစ်ပင်ပန်းမာလ်တွေကို ဘယ်လို မျိုးစပ်ရမည်။ ဘယ်လို မျိုးပွားရမည်။ ဘယ်လို စောင့်ထိန်း ကြီးထွားအောင် လုပ်ရမည်။ ဒါတွေပဲ ရှိသည်။ အခြားအရာများ မရှိ။ အခြားလည်း စိတ်ကူးမယဉ်။ သူ လုပ်ချင်တာပဲ သူသိသူ။ သူက ကိုယ်တိုင်စိတ်ကူးမယဉ်သလို နီနီ တို့တွေ စိတ်ကူးယဉ်တာကိုလည်း မကြိုက်။ အားပေး မည့် ပုံလည်း မပေါ်။ ကိုယ့်ဆန္ဒကို ဖွင့်ပြောရအောင်ကလည်း သူ့ကျေးဇူး မသိသူ ဖြစ်ပေရော့မည်။

နီနီ သည် ဟင်းခနဲမြည်အောင် သက်ပြင်းရှည်ကြီးချလိုက်ကာ ဂမုန်းပင်ကြီး၏ရှေ့ ဂမုန်းပွင့်လေး တွေနားတိုးကာ ဒူးထောက်လျက်သား ထိုင်ချလိုက်သည်။

အို…ကြည့်စမ်း၊ အမြစ်တွေ မြေပေါ်ထိုးထွက်နေလိုက်တာ။ ဖွေးဖွေးဆွတ်ဆွတ် ဖွာထွက်ဖြာလွှင့်နေ သည့် အမြစ်နုလေးတွေ။ ပလစ်စတစ်အိတ်ကြီးအတွင်း မြေသားများထည့်သွင်း ပျိုးထားသည့် ဂမုန်းပင်ကြီး၏ အမြစ်ပွားများက အိတ်ခွံကိုထိုးခွဲကာ ပကတိမြေသားစစ်စစ်ပေါ်သို့ ထိုးဖြာထွက်နေ ကြတာကို သူမြင်လိုက်ရတာလေ။

ပကတိမြေသားပေါ်က သစ်တပင်၏အမြစ်။ ပုံသွင်းပျိုးထောင်ခံထားရသောသစ်တပင်က သဘာဝ အတိုင်း မြေသားစစ်စစ် ဆီကိုသွားဖို့ ထိုးဖောက်ရုန်းထွက်နေတာလေ။ အပွင့်များပင် ပွင့်လို့။ သည် မြင်ကွင်းကိုမြင်တော့ နီနီသည် အသိစိတ်တခု ဖျတ်ခနဲလက်သွားကာ ပန်းအိုးကြီးများစီတန်း စိုက် ပျိုးထားရာဘက်သို့ ချာခနဲလှည့်လိုက်သည်။ အပင်တွေ ပန်းတွေ သူ့သဘာဝနှင့်သူ ပွင့်ကြလန်းကြ ပါစေလား။
သူက မိုးကောင်းကင်ကို ချစ်သူ။ မဟာပထဝီ မြေဆိုင် မြေသားတွေကိုလည်း ချစ်သူ။ သစ်ပင်ပန်း ပွင့်တွေကိုလည်း ချစ်သူ။ ပန်းပွင့်တွေ သစ်ပင်တွေကရော။ မြေဆိုင်မြေသားများနှင့် အာကာသ မိုးကောင်းကင်ကြီးကို ချစ်ကြသည်ပဲမဟုတ်လား။ ထိုအချစ်တွေအတွက် သူ တခုခုလုပ်ရတော့ မည်။
ခဏအကြာမှာတော့ နီနီတယောက် ပျိုးခင်းကမ္ဘာဥယျာဉ်ထဲက စဥ့်ရည်သုတ် မြေပန်းအိုးကြီးများ ဖြင့် စိုက်ပျိုးထားသည့် ပန်းအိုးကြီးများမှန်သမျှကို တလုံးပြီးတလုံး ဆက်တိုက် ရိုက်ခွဲပစ်နေတာ တွေ့ရသည်။

အမြစ်တွေကို မင်းတို့ချစ်တဲ့မြေပေါ်မှာ လွတ်လွတ်လပ်လပ်လျှောက်ခွင့် ပေးလိုက်ကြပေတော့ ချစ် လှစွာသောအပင်တို့ရေ။ နီနီသည် မြေတူးဆွသည့် ခရင်းခွတချောင်းကိုကိုင်လျက် မားမားကြီးရပ် ကာ မြေအိုးပုံစံခွက်ထဲမှ ထွက်ကျလာသည့် အပင် တို့ကိုကြည့်လိုက် ကောင်းကင်ကိုမော်၍ ကြည့် လိုက်နှင့် မျက်လုံးအစုံက ဝင်းဝင်းတောက်နေသည်။

“ ဟေ့ဟေ့ နီနီ မင်းဘယ်လိုလုပ်လိုက်တာလဲ၊ ဘယ်လိုလုပ်လိုက်တာလဲ၊ သွားပါပြီ။ သွားပါပြီကွာ။ မင်း ၊ မင်း …”

ဒါ ဦးလေးခင်၏အသံလား။ အောင်လေး၏အသံလား။ …အို၊ ဘယ်သူ့အသံတွေမှန်း နီနီမသိတော့။ ဘာသံကိုမှလည်း မကြားတော့။ ပန်းအိုးတွေ အစိတ်စိတ်အမွှာမွှာကွဲကုန်ချိန်တွင် ကောင်းကင်ကို ချစ်သည့်ကောင်ကလေးသည် ပျိုးခင်းကမ္ဘာဥယျာဉ်ကို ကျောခိုင်းထွက်ခွာလာခဲ့လေပြီ။


ခင်လွန်း
၃ဝ၊ နိုဝင်ဘာ၊ ၂ဝဝ၄

(၂၀၀၄ ခေတ်ပြိုင်အွန်လိုင်းမဂ္ဂဇင်းတွင် ဖော်ပြပြီးဖြစ်)

နိုင်ငံတကာသာဂိ - သမ္မတလောင်း ဒေါ်နယ်ထရန့်ရဲ့ အတက်အကျများ
(မိုးမခ) သြဂုတ် ၅၊ ၂၀၁၆

ဇူလိုင်လကုန်ခါနီးမှာ ရီပတ်ဘလစ်ကန်ပါတီညီလာခံကြီးကနေ သူတို့သမ္မတလောင်းအဖြစ် သေဌေးကြီး ဒေါ်နယ်ထရန့်ကို တင်မြှောက်လိုက်တယ်။ သူ့ကို လူကြိုက်များတဲ့ နှုန်းတွေ တက်လာတယ်လို့ ဆိုကြတယ်။ ဒီမိုကရက်တွေရဲ့ ပါတီညီလာခံကြီး နောက်ကလိုက်လာတဲ့ပြီး ဒေါ်ကလင်တန် သမ္မတလောင်းအဖြစ် တဖက်ပါတီက အတည်ပြုတဲ့ နောက်ပိုင်း ထရန့်တယောက် တောက်လျောက် ကာလနာတိုက်တော့တာပဲ။ ဒေါ်နယ်ထရန့်၏ တလွဲများဆိုတာ ကျမ်းပြုစုရတော့မလိုပါ။ အခုတော့ သူ့ကို လူကြိုက်နည်းလာပြီလို့ ဆိုကြပြန်တယ်။ ဘယ်လိုများ ဖြစ်ရပြန်တာပါလိမ့်နော်။

အမေရိကန်တီဗီတွေနဲ့ တခြား သတင်းမီဒီယာတွေက ထရန့်ကြီးနဲ့ သူ့ပါတီတို့ အထိနာနေတာကို တန်းတန်းစွဲလိုက်ပြီး သတင်းပို့နေကြတယ်။ အမေရိကန်ပြည်သား တ၀က်လောက်ကလည်း ထရန့်တယောက် တွစ်တာကနေ ဘာတွေများ လက်လွတ်စပယ်ပြောလိုက်မလဲ၊ ဘယ်သူက ဆော်ထည့်လိုက်မလဲလို့ ရင်မပြီး စောင့်ကြည့်နေကြတယ် ဆိုတယ်။

အခုဆိုရင် ထရန့်တယောက်ဟာဖြင့် မီဒီယာရဲ့ အမြင်မှာ ဘောင်ထဲမှာ အဆိုးတွေချည်း ဖြစ်နေတော့တာပဲ။ အစကတော့ ရွေးကောက်ပွဲအကြို ပါတီသမ္မတလောင်းပြိုင်ပွဲဝင်စဉ်က ရွှေထီးဆောင်းခဲ့တာတွေ ဘယ်ရောက်ကုန်ပြီလဲ။

ပြောရရင် ထရန့်အတွက် အကြိုကာလ Primary season အုပ်စုဗိုလ် ပွဲစဉ်ရာသီကုန်သွားလို့ပါ။ အခု ဖိုင်နယ်ပွဲ တကယ်ကန်ရတော့မှာကိုး။ ဟိုတုန်းက ပါတီတွင်း ဗိုလ်လုခဲ့တာ၊ အခုဟာက ပြည်ထောင်စုအဆင့် ချန်ပီယန်ကန်ရတော့မှာလေ။ ပရိသတ်ချင်း မတူတော့ပါ။ လူထုပရိသတ်က တိုးလာ များလာပြီ။ ပိုပြီး အာရုံစိုက်လာကြပြီ။ လူတန်းစားစုံ အဆင့်အတန်းစုံ အသွေးအရောင်စုံက မဲပေးကြတော့မှာကိုး။ ပရိသတ် တောင်းဆိုမှုတွေ မျှော်လင့်ချက်တွေဟာ ပြိုင်ပွဲဝင်သူကို ဖိအားတွေ တိုးပေးပါတော့တယ်။

လူများစု သဘောထားကို မစောကြောနိုင်သူတွေဟာ နောက်ဆက် အကျိုးနည်းရပါတယ်။ အမေရိကန်မှာ သမ္မတလောင်းတွေထဲမှာ လူထုသဘောထားကို မရိပ်စားနိုင်ဘဲ ကိုယ့်မြင်းကိုယ်စိုင်းခဲ့ကြလို့ အကြိုရွေးကောက်ပွဲတွေမှာတော့ ပါတီတွင်းမှာ အနိုင်ရပါရဲ့၊ ပါတီပြင်ပ လူထုကြားထဲ တိုက်ရိုက် ရွေးကောက်ပွဲကျမှ အရေးနိမ့်ကြရပါတယ်။

အကြိုကာလတွေမှာ လုပ်ငန်းရှင် အသက် ၇၀ အရွယ် ထရန့်တယောက်က အပြောအဆို ရမ်းကားချင်တိုင်း ရမ်းကားခဲ့တာပါ။ နိုင်ငံရေးလုပ်တဲ့သူတွေရဲ့ လက်တွေ့သဘောတရားတွေကို ဖီဆန်ခဲ့တယ်။ သူဘယ်လောက် ထိခိုက်တာ နစ်နာတာတွေ ပြောဆိုခဲ့ ပြောဆိုခဲ့ သူ့နောက်က ပါတီတွင်း မဲတွေက တိုးပြီးရင်းတိုးခဲ့တယ်။ နောက်ဆုံးမတော့ ပါတီတွင်း မဲ ၅၀% ကျော်နဲ့ ပြိုင်ဖက်တွေကို ကျော်တက်ပြီး သမ္မတလောင်း ဖြစ်လာခဲ့တယ်။

သူဖြတ်သွားသမျှမှာ အငြင်းပွားစရာတွေ ဖန်တီးခဲ့တာချည်းပဲ။ ဒီလိုနဲ့ သူ ခေတ်စားလာခဲ့တာ အခုအချိန်ထိ နောက်ဆုံး ဆိုရမှာပေါ့။ အရှိန်သတ်မရတဲ့ ထရန့်ရဲ့ ပုံရိပ်ဟာ ခုတော့ဖြင့် တန်ပြန်မှုတွေ ရင်ဆိုင်လာရပါပြီ။ အပေါင်းလက္ခဏာကနေ အနှုတ်လက္ခဏာဖြစ်အောင် ခလုတ်က တချက်နှိပ်လိုက်သလို မြန်ဆန်လှပါတယ်။

တက်ခရုက သူ့ပါတီတွင်း ပြိုင်ဘက်ဟောင်းက သတိပေးခဲ့ပါတယ်။ မီဒီယာတွေဟာ ထရန့်ကို ထိခိုက်စေမယ့် အကြောင်းအရာတွေ စုဆောင်းထားပြီး သူတကယ်သမ္မတလောင်း အတည်ပြုပြီးနောက်မှာ အုံလိုက် ကျင်းလိုက် ဆော်ကြလိမ့်မယ်တဲ့။ အခုမှာတော့ဖြင့် မီဒီယာတွေဟာ ထရန့်ကို မှန်ပြောင်းအသစ်နဲ့ အသေးစိတ် စောင့်ကြည့် သတင်းပို့လာကြတဲ့အတွက် ရှုထောင့်ကလည်း ပြောင်းလာပါတယ်။

အခု ၅ ရက်အတွင်းမှာ ထရန့်ရဲ့ လူထုအကြိုက်နှုန်း ဦးဆောင်နေတာ ကျဆင်းသွားပါတယ်။ ဒီမိုကရက် သမ္မတလောင်း ဟီလာရီကလင်တန်ဟာ သူ့ပါတီညီလာခံအပြီးမှ လူကြိုက်များမှု တက်လာပါတယ်။ ဒါတွေက ကလင်တန်လုပ်လို့ မဟုတ်ပါ။ ထရန့်ကိုယ်တိုင်က သူ့ဖာသာသူ အကျလမ်း ရွေးခဲ့တာလို့ ဆိုကြတယ်။

အကျတွေရဲ့ အစကတော့ တိုက်ပွဲကျ အမေရိကန်စစ်မှုထမ်းရဲ့ မူဆလင်မိဘ ၂ဦးကနေ စပါတယ်။ သူတို့က ထရန့်ရဲ့ မူဆလင်တွေအားလုံး ပြည်ဝင်ခွင့် မပေးရေးပေါ်လစီကို ဒီမိုကရက်ပါတီညီလာခံကြီးကနေ ဝေဖန်ခဲ့ကြတယ်။ သူတို့သား မူဆလင်လည်း အမေရိကန်စစ်ပွဲမှာ တိုင်းပြည်အတွက် အသက်စွန့်ခဲ့တာကို ထောက်ပြတာပါ။ အဲဒါကို တုန့်ပြန်တဲ့အနေနဲ့ ထရန့်နဲ့ ဘက်တော်သားတွေက မူဆလင်မိဘ ၂ ဦးကို လူမှုရေးအရ ပုတ်ခတ် စော်ကားပါတယ်။ မူဆလင်မိန်းမ (မိခင်)က ယောကျာ်းကို ကျော်ပြီး စကားမပြောရဲဘူး၊ ဒါ မူဆလင်ထုံးစံပဲလို့ ပျက်ရယ်ပြုလိုက်တာပါ။ အဲသည်မှာတင် မူဆလင်မိဘ ၂ဦး ပြန်လည် တုန့်ပြန်တာကို မီဒီယာတွေ ၀က်ဆိုက်တွေက တင်ဆက်ပြီး ထရန့် ပြန်အတိုက်ခံရတော့တာပါပဲ။

ထရန့် လက်လွတ်စပယ်ပြောလိုက်တာဟာ စစ်မှုထမ်းဟောင်းတွေကိုပါ စော်ကားသလို ဖြစ်သွားပါတယ်။ ပါတီတွင်းက တပ်မတော်ဆိုင်ရာ နိုင်ငံရေးခေါင်းဆောင်တွေ၊ စစ်မှုထမ်း မိသားစုတွေကို ထိခိုက်စေပါတယ်။ ထရန့်ထင်တာက မူဆလင်တွေကို သူ လက်တုန့်ပြန်လိုက်ရတယ် ထင်နေတယ်။ ထိခိုက်သွားတာက အမေရိကန် တပ်မတော်နဲ့ မိသားစုတွေအထိ ပြန့်သွားပါတယ်။

ထရန့်ရဲ့ အရင်ထောက်ခံသူတွေက ပါတီတွင်း ဘက်တော်သား မဲရှင်တွေပါ။ အခုဟာက တနိုင်လုံး အတိုင်းအတာက ပါတီတွင်း ပါတီပ မဲဆန္ဒရှင် လူပေါင်းစုံ။ တပ်မတော်သားတွေ၊ စစ်မှုထမ်းဟောင်းတွေ၊ မိသားစုတွေ အစုံအလင်ပါနေပါပြီ။ ဒါကို စိတ်ကြီးဝင်နေတဲ့ ထရန့်က မရပ်သေးပါဘူး။ ပါတီမဲဆွယ်ခရီးစဉ်တခုမှာ ပါတီဝင် စစ်မှုထမ်းဟောင်း အဖိုးကြီးတဦးက သူ့စစ်မှုထမ်းကောင်း တံဆိပ်ကို ဂုဏ်ပြုတဲ့အနေနဲ့ ပေးအပ်တာကို ပြောင်ချော်ချော် လုပ်ပစ်လိုက်ပါတော့တယ်။ သူ ဒါမျိုး လိုချင်နေတာ ကြာလှပြီ။ အခုလို လွယ်လွယ်နဲ့ လက်ဆောင်ရတာ ဟန်ကျသကွာလို့ ရယ်သွမ်းသွေးလိုက်တာ ဖြစ်ပါတယ်။ ဗီယက်နမ်စစ်ကာလတုန်းကလည်း ဆေးနား ကျောင်းနား အကြိမ်ကြိမ်နဲ့ စစ်မှုထမ်းဖို့ကို ဒေါ်နယ်ထရန့် ပျက်ကွက်ဘူးကြောင်း သတင်းတွေက ဖော်ထုတ်လာကြပါတယ်။

ဒေါ်နယ်ထရန့်က ဒါတင်ဘဲလား ဆိုတော့ မဆုံးသေးပါဘူး။ ရီပတ်ဘလစ်ကန်ရဲ့ ရန်ပုံငွေအများဆုံးထည့်ဝင်တဲ့ ကုဋေကြွယ် ညီအကိုအရင်းရှင်ကြီးတွေဖြစ်တဲ့ ကောက်ညီနောင်ကိုလည်း သရော်မော်ကားလိုက်ပါသေးသတဲ့။ သူတို့တွေက သူတို့အတွက် ရုပ်သေးတွေကို ငွေပေးတာလို့ ပြောထည့်လိုက်တာပါ။ ကော်ညီနောင်နဲ့လည်း တွေ့ဖို့ ငြင်းလိုက်ပါကြောင်း သူက ကြွားလုံးထုတ်ပါတယ်။ တကယ်က ကောက်ညီနောင်က ထရန့်နဲ့ တွေ့ဆုံဖို့အရေး အရင်ဦးဆုံး ငြင်းပယ်ထားပြီးသားပါတဲ့။

အခုလို အဖျက်အမှောင့်တွေ ဖြစ်နေချိန်မှာ ထရန့်က ဟီလာရီကလင်တန်နဲ့ သမ္မတလောင်းချင်း စကားစီးချင်းထိုးပွဲတွေ လုပ်ဖို့ကို ငြင်းပယ်လိုက်ပြန်ပါတယ်။ သူက ပြောတာကတော့ အမေရိကန်ဘောလုံးရာသီ ထိပ်တန်းပွဲတွေနဲ့ တိုက်နေလို့တဲ့။ တကယ်က မတိုက်ပါဘူး။ သမတလောင်ချင်း စကားစီးချင်းထိုးပွဲတွေကို ပါတီ ၂ ခု က စီစဉ်တာ မဟုတ်ပါ။ ပါတီပြင်ပ တသီးပုဂ္ဂလတွေက စီစဉ်တာ လွန်ခဲ့တဲ့ ၁၀ လ ကတည်းကပါ။ ဘာပွဲတွေနဲ့မှ တိုက်ဆိုင်နေတာ မရှိပါ။

ထရန့်က ပေါက်ပန်းဈေး စွတ်စွဲစကားတွေနဲ့ ပြိုင်ဘက်တွေကို ပစ်ပေါက်လေ့ရှိပါတယ်။ အမေရိကန် ရွေးကောက်ပွဲကလည်း လုပ်ကြံဖန်တီးထားတာပါတဲ့။ ဒါက သူ ရွေးကောက်ပွဲ ရှုံးလို့ ရှိရင် ကြိုကန်ထားတာလို့ သုံးသပ်ကြပါတယ်။ ရှုံးမှာပေါ့ ရွေးကောက်ပွဲက ကြိုတင် လုပ်ကြံထားတာမို့လို့ ပြောဦးမှာကိုး။ ရွေးကောက်ပွဲကို ညစ်ထားတယ်ဆိုတာ သမိုင်းမှာ မရှိပါဘူး။ ထရန့်ကတော့ ဒါတွေကို စွတ်စွဲစရာ ဆင်ခြေတွေအဖြစ် မကြာခန သုံးစွဲဖို့ ပြင်ထားတာပါ။

ရီပတ်ဘလစ်ပါတီ အတွင်းပိုင်း ခေါင်းဆောင်အချို့ကလည်း ထရန့်တယောက်ကို အစားထိုးနိုင်ဖို့ အခြားသမ္မတလောင်း ကြိုရှာထားကြတယ်လို့ လေသံထွက်လာပါတယ်။ အမေရိကန် ရွေးကောက်ပွဲ ရာဇ၀င်မှာ ဒါမျိုး မဖြစ်ဖူးသေးပါ။ ပါတီညီလာခံက ရွေးထားတဲ့ သမ္မတလောင်း သေမှ သုို့မဟုတ် ကံဆုိုးတဲ့ အဖြစ်ဆိုးနဲ့ တိုးမှသာ လူစားထိုးလို့ ရတယ် ဆိုပါတယ်။

ထရန့်ကို်ယ်တိုင်ကလည်း သမ္မတလောင်း လုပ်တမ်း ကစားနေတာလို့ လူတွေက သံသယရှိကြတယ်။ တကယ်သမ္မတလုပ်ချင်တာထက် သူရဲ့ ပုံရိပ် မြှင့်တင်ချင်လို့ နိုင်ငံ့အမြင့်ဆုံး ပြိုင်ပွဲကို ၀င်ပြိုင်တာမျိုး၊ သူ့အမည် ကြော်ကြားမှုကို လုပ်စားချင်တာမျိုး ဖြစ်တယ်လို့ ဆိုကြတယ်။ သူကိုယ်တိုင် သရုပ်ဆောင်ရွေးပွဲ ၀င်ပြိုင်သလိုမျိုး ဟန်ရေးပြနေတာလို့ သုံးသပ်လာကြပြန်ပါတယ်။

ထရန့်ကတော့ ခုချိန်ထိ သူ့ကိုယ်သူ ဟုတ်လှပြီ အထင်တလုံးနဲ့ ချီတက်နေဆဲပါပဲ။ ရှေ့ကိုလည်း ဆက်တိုးဖို့သာ အာရုံရှိပြီး လွယ်လွယ်နဲ့တော့ နောက်ဆုတ်မယ့်ပုံ မရှိပါဘူး။ ခုချိန်မှာတော့ တပြည်လုံးအနှံ့ မဲဆန္ဒရှင်တွေကြားမှာ ထရန့်ကို မျက်လုံး ဒေါက်ထောက်ကြည့်နေကြရတဲ့အဆင့်ကို ရောက်နေပါပြီ။ မှန်ပြောင်းနဲ့ ထောင်ကြည့်ရင် မှန်ပြောင်းအသေးဖက်က ကြည့်မိသလို ရုပ်ထွက်ကတော့ တဖြေးဖြေး သေးငယ် လာ၊ ကျုံ့ဝင် မှုံမွှားလာနေတယ်လို့ ဆိုရမယ် ထင်ပါတယ်။




ရည်ညွှန်း - National Public Radio ဆောင်းပါး

http://www.npr.org/2016/08/04/488625889/what-changed-trump-s-terrific-primary-run-hits-the-post-convention-skids?ft=nprml&f=1001ကို ဆီလျော်အောင် ပြန်ဆိုပါတယ်။

တင်တင်ညို (ဒလမြို့နယ်) - ပြည်ထဲရေးဝန်ကြီးသို့ အိမ်ပြန်ချိန်နောက်ကျသူတဦးရဲ့ အိတ်ဖွင့်ပေးစာ
(မိုးမခ) သြဂုတ် ၅၊ ၂၀၁၆
ဒီလိုတွေဖြစ်လာလိမ့်မယ်လို့ မမျှော်လင့်ခဲ့ပါ၊ တွေးမထားခဲ့ပါ၊ လျှော့တွက်တာတော့ မဟုတ်ပါဘူး။ မထင်မှတ်ထားတာတွေ ဖြစ်နေတော့  အချိန်မတန်လို့  အိမ်မပြန်ရသေးဘူးလို့ပဲ တွေး ပြီး ဖြေသိမ့်ရတာပေါ။့ ကိုယ့်နိုင်ငံက ထွက်လာတာ ၉ နှစ်နီးပါး ရှိပြီ။ ဆွေမျိူး မိတ်ဆွေ၊ နိုင်ငံ့အရေး လုပ်ဖော်ကိုင်ဖက်၊ နိုင်ငံရေးအမှုတွေနှင့် ထောင်နန်း စံဖက်၊ ရပ်ဆွေရပ်မျိုး အားလုံးကို တနေ့မှ မမေ့ပါ၊ ရင်နှစ်သည်းခြာ တဦးတည်းသော သမီးလေးကိုလည်း လွမ်းမိပါသည်။ (တထောင်ထဲ အတူဝင်ကြတော့ သူက ဆယ်ကျော်သက်ကလေး၊ အခုတော့ လူရွယ်တဦး ဖြစ်နေပေပြီ)။ သမီးရေ … မေမေပြန်လာဖို့ လုပ်နေပြီ၊ ဘယ်အချိန်ရောက်မည် လက်လှမ်းမှီသမျှ မိတ်ဆွေများကိုလဲ အသိပေးခဲ့သည်။

ယခင်တုန်းကတော့ ကျွန်မတို့ အချိန်မတန်၍ မြန်မာပြည်ပြန်ရန် အချိန် ရက် လ နှစ် မခန့်မှန်းနိုင်ဖြစ်နေကြရသည်။ အကြောင်းအရင်းက ကျမတို့ရဲ့နိုင်ငံမှာ ပြည်သူ့အစိုးရစစ်စစ် တက်ပြီးမှ အိမ်ပြန်မယ်လို့ ဆုံးဖြတ်ထားလို့ ဘယ်တုန်းကမှ မြန်မာနိုင်ငံ ပြန်ဖို့ မလုပ်ခဲ့။ ယခု စတင်ပြင်ဆင်တာ ပြည်သူ့ အစိုးရ တရားဝင်ဖြစ်တဲ့နေ့ နောက်ပိုင်းမှ စတင်ပါတယ်။ ကိုယ့်စိတ်ကို ရှင်းရှင်း ဖြစ်ချင်လို့။

မိခင်န်ိင်ငံပြန်ရန် ခရီးသွားခွင့်စာအုပ် ဇူလိုင် ၁၆ ရက်နေ့ ကရရှိပါတယ်။ ဇူလိုင် ၁၈ ရက်နေ့ မှာ အမေရိကန်နိုင်ငံ ၀ါရှင်တန်ဒီစီမှာ ရှိတဲ့ မြန်မာသံရုံးကို သွားတယ်။ ဖောင်ဖြည့်ရန် စာရွက်ထုတ်တဲ့အခါမှာ မိမိ၏ဆန္ဒနဲ့ မကိုက်ညီတဲ့ အကြောင်းအရာ နှစ်ချက်ကို တွေ့ရပါတော့သည်။

၁ အချက်က (မိမိရဲ့ ဆွေမျိူးများနှင့် တွေ့ဆုံရန် အလည်သက်သက်ဖြစ်ပြီး မည်သည့်အဖွဲ့အစည်း နှင့်မျှ ပါဝင် ပတ်သက် လုပ်ကိုင် ဆောင်ရွက်ခြင်း မပြုပါ ဟု ၀န်ခံ ကတိပြု လက်မှတ်ရေးထိုးရန်) ၊

၂ အချက်က (အလုပ်အကိုင် ကိုယ်ရေးသမိုင်းကြောင်း ရေးရန်)၊ တို့ ပါရှိပါသည်။

ဒီအချက်ပါ အကြောင်းအရာများကို သံရုံးအရာရှိနှင့် တွေ့ ဆုံဆွေးနွေးခဲ့သည်။ အဆိုပါအရာရှိက (ဒီစာရွက်နှင့်ပတ်သက်ပြီး ထည့်သွင်းဖြည့်စွက်ခြင်း၊ လက်မှတ်ထိုးခြင်း ပြုလုပ်ရန်မလိုဘဲ ဗီဇာ ထုတ်ပေးမည်ဖြစ်ကြောင်း) ဖြေကြားပါသည်။

ကျမ ပြန်ဆွေးနွေးခဲ့တာကတော့ - (ဤခံဝန်ချုပ်ခြယ်သည့် အကြောင်းအရာများကို တရားဝင်ပယ်ဖျက်ပေးရန်)။ (သက်ဆိုင်ရာလူကြီးမင်းများထံ တင်ပြ ကူညီပေးပါရန်)။  ( အားလုံးတရားဝင်ပယ်ဖျက် ပြီးမှသာ ကျမ၏ဗီဇာကို လာလျှောက် တော့မည်)။

ထိုနောက် ကျမ ဗီဇာစာရွက်များကို မဖြည့်တော့ဘဲ အားလုံးပြန်ယူလာခဲ့ပါသည်။

ကျမဘ၀မှာ မြန်မာနိုင်ငံကို ဆန့်ကျင်သည့် လုပ်ရပ်များ တခါမျှ မလုပ်ခဲ့။ မှန်တာလုပ်၊ ဟုတ်တာပြောသည်။ မတရားမှုကို ဆန့်ကျင်ခဲ့သည်။ သည့်အတွက် … NLD ပါတီဝင်တယောက်အနေနဲ့  နိုင်ငံရေးပုဒ်မ (၅ည ၊ ၀၉၀၇/ စီ) ဖြင့် ထောင်ဒဏ် ၇ နှစ် ချမှတ်ခြင်း ခံခဲ့ရသည်။ ဥပဒေသည် နိုင်ငံတိုင်းမှာရှိသည်၊ လူတိုင်းသိသလို ကျမလဲ သိသည်၊ မတရားထောင်ချခဲ့ရသည်မှ လွဲ၍ (တရားသောဥပဒေ) ကို မချိုးဖောက်ခဲ့ပါ။

အင်းစိန်ထောင်မှ လွတ်ချိန် အများ လွတ်လူများ ပြန်သလို အိမ်ကို ချက်ချင်း ပြန်ချင်ခဲ့ပါသည်။ ထောင်ညွန်မှူး စကားပြောဖို့ ထိုင်စောင့် နေခဲ့ရတဲ့ အချိန်၊ ဒါတင်မပြီးပဲ ပြည်ထဲရေးဝန်ကြီး မောင်ဦးက ၁၀ ဦးထဲ သီးသန့် စကားပြောဖို့ နေပေးခဲ့ရတဲ့ အချိန်တွေ ပြန်ပေးရခဲ့သေးသည်။ ထောင်ထဲက ထွက်ချိန်တန် လွတ်ချိန်တန် တချိန်တည်းနှင့် မထွက်ခဲ့ရဘဲ အချိန် လေး ငါးနာရီ နောက်ကျမှ အိမ်ပြန်ခဲ့ရတဲ့ အဖြစ်မျိုး ကျန်မတို့ ကြုံခဲ့ရ ပြီးပါပြီ။

ယခုလည်း ပြည်သူ့အစုိုးရ တက်ပြီးပြီ။ အားလုံးသော အဝေးရောက် မြန်မာပြည်သူတွေ တခါတည်း တပြေးတည်း အတူတူ အိမ်ပြန်ခွင့် ရသင့်နေပြီ။ အိမ်ပြန်ခွင့် မရကြသေး။ အကြောင်းကြောင်းတွေနဲ့ အိမ်ပြန်နောက်ကျနေဆဲ။ အချိ်န်တွေ ပေးပြီး စောင့်ဆိုင်းနေရဆဲ ဖြစ်နေသည်။ ကျမ အိမ်ပြန်ချိန်ကုို ပြင်ဆင်ပြီး စောင့်နေပါသည်။ ကျန်းမာရေးက ငယ်စဉ်ကလို မကောင်းတော့ပါ။ ဆရာဝန်က အနားယူခိုင်းနေသည်။ ဒီစာကို နည်းနည်း နားပြီးမှ ရေးရလို့ နောက်ကျသွားရပြန်ပါပြီ။

ကိုယ့် မိခင်နိုင်ငံကို ပြန်ချင်သူများ အားလုံး ၀န်ခံချက်တွေ လက်မှတ်ရေးထိုးရန် မလိုတော့ဘဲ အိမ်ပြန်နိုင်ကြစေရန် တောင်းဆိုအပ်ပါတယ်။

တင်တင်ညို (ဒလမြို့နယ်)
ခေတ္တ အမေရိကန်ပြည်ထောင်စု