ဂျော်ဒီး ● မိုးမခရွာဈေးဂေဇက် (၅)
(မိုးမခ) သြဂတ်စ် (၆) ၂၀၁၆
(မိုးမခ) သြဂတ်စ် (၆) ၂၀၁၆
မိုးဦးကျပြီဆိုကတည်းက မိုးမခရွာတရွာလုံး.. နှစ်စဉ်ကြုံတွေ့နေကျကား ရန်သူမျိုးငါးပါးတွင် တပါးအပါအ၀င်ဖြစ်သော ရေဘေးဒုက္ခပင်တည်း။ မိုးမခဈေးသူဈေးသားများကား အရောင်း အ၀ယ်ပါးသော်လည်း တရွာတည်းသား ရေဘေးဒုက္ခ သည်များကို ကူညီကယ်ဆယ်ရေး ပြုလုပ်ရန်..ထမင်းထုပ်စုဆောင်းသူကစုဆောင်း။ အ၀တ်အစား အသုံးအဆောင် ထုပ်ပိုးသူက ထုပ်ပိုးရင်း…နှစ်စဉ်တွေ့နေကျ ရေဘေးဒုက္ခများအကြောင်းကို အာဘောင်အာရင်းသန်သန် ဝေဖန်ဆွေးနွေး နေကြလေသည်။
ဒေါ်အာကျယ်။ ။ ရေကြီးတဲ့ကိစ္စရဲ့လက်သည်တရားခံကတော့ သွားလေသူ.. အစိုးရ မင်းများပဲဟေ့။
သာဂိ။ ။သွားလေသူလို့ မသုံးနဲ့ဦး ဒေါ်အာကျယ်။ သူတို့အလုံးစုံ မသွားသေးဘူးဗျ။ အစိုးရအဖွဲ့ထဲမှာလည်း အမျိုးသားပြန်လည်ရင်ချင်းဆက်ရေးအရဆိုလား.. အရင်လူတွေ ပြန်ခန့်ထားတယ်။ အစိုးရယန္တရားထဲမှာလည်း အရေးကြီးတဲ့ ၀န်ကြီးဌာနတွေကို ဆုပ်ကိုင် ထားတယ်။ အောက်ခြေတွေမှာလည်း စနစ်ဟောင်းကိုဖက်တွယ်ထားသူတွေ အများကြီးဗျ။ ရွာထောင်စုလွှတ်တော်ထဲပဲကြည့်ဦးမလား။ သူတို့တကယ်မသွားသေးဘူးဗျ။
ဒေါ်အာကျယ် ။ ။ အေးပါဟယ်.. အဲဒီပြူတစ်မင်းများလက်ထက်က သစ်တောတွေအပြောင် ခုတ်ခဲ့လို့ ရာသီဥတုတွေ ဖောက်ပြန်…။ မိုးကြီး၊ မြေပြို..။ မြစ်ရေကြီး..။ ဟော..ဒင်းတို့ တရွာတကျီဆောက်သလိုဆောက်ခဲ့တဲ့ဆည်ကြီးတွေက မိုးကြီးတဲ့ဒဏ်မခံနိုင်ဘဲ ကျိုးကြ။ လူနေအိမ်တွေနစ်..။ စိုက်ခင်းတွေပျက်စီး..။
သာဂိ ။ ။ အခုလက်ရှိ အစိုးရမင်းတွေကတော့ အရင်လူတွေထက်သာပါတယ်ဗျာ၊ သဘာဝဘေး ရေကြီးတဲ့နေရာသွားကို ချက်ချင်းသွားပြီး ရိုက်တော့တာပဲဗျ..။
ဂျီးဒေါ်။ ။ ဘာရိုက်တာလဲဟေ..။ ဟို..ဘိုးတော်ဦးဝိုင်းတို့ခေတ်ကလို..မြစ်ရေကြီးတာကို ရှင်ဘုရင်ကကြိမ်းလုံးနဲ့ရိုက်တားတာမျိုးလား..။
သာဂိ။ ။ ဓာတ်ပုံရိုက်တာဗျ..။ ဓာတ်ပုံရိုက်တာ…။ ပြီးရင် ဆိုရှယ်မီဒီယာတွေတင်ပေါ့ဗျာ။ ဆိုရှယ်မီဒီယာတွေတင်ရတာလဲ လွယ်မှတ်လို့။ ၀န်တစ်ပါးဆို ခုလိုလှူဒါန်းရတာ ၀မ်းသာတယ် လို့.. ပြောမိပြောရာ ပြောလိုက်မိတာ..ရေကြီးတာ ၀မ်းသာစရာလားလို့ အဝေဖန်ခံလိုက်ရသေး တယ်..။ လူတွေကလည်း ခက်တာဗျာ..။ မျက်စိဒေါက်ထောက်လိုက်ပြောနေကြတာပဲ..။
ဒေါ်အာကျယ်။ ။ အေးလေ။ လူပဲ ပြောမှားဆိုမှားရှိမှာပေါ့။ တို့ရွေးကောက်ထားတဲ့အမတ်တွေက.. အရင် ၀န်မင်းတွေလို ပါးရိုက်မယ်တို့ ဘူးလက်နဲ့ဆော်မယ်တို့။ ထမင်းတစ်နပ်လျှော့စားတို့ထက် စာရင် တော်ပါသေးတယ်..။ ဒါနဲ့..ခုတခါ ရေကြီးတာမှာ အရင်နှစ်ကထက်ကူညီတာ..။ အရပ်ဖက်အဖွဲ့အစည်းတွေလည်း သိပ်မလုပ်နိုင်ကြတော့သလိုပဲ..။
ဂျီးဒေါ်။ ။ ပြောင်းလည်းချိန်တန်ပြီဆိုတော့…ကိုယ့်အစိုးရမင်းတွေကိုအားကိုးတာနေမှာပေါ့ဟယ်..။ သွားလေသူတို့လို မနေစိမ့်လောက်ဘူးထင်လို့စောင့်ကြည့်နေကြတာနေမှာပေါ့။
သာဂိ ။ ။ မျှော်လင့်တာလည်းပါတယ်..။ ရွာလူထုခမျာ နှစ်(၆၀)လောက် ကိုယ်ထူကိုယ်ထ လာရတော့ ခြေကုန်လက်ပန်းကျ လာတာလည်း ပါမယ်ပေါ့ဗျာ..။ ကဲကဲ.. ခြေကုန်လက်ပန်းကျတဲ့ ကြားကပဲ ရွာတောင်ပိုင်း မြစ်ကမ်းပါးက ရေမြုပ်အိမ်လေးတွေ ဆီသွားကူဖို့… အထုပ်တွေပြင်ကြစို့။ ကျုပ်တို့လူထုမှာ ကိုယ့်ဘာသာမထူရင် ထရမှာမဟုတ်ဘူး..။ အခုအထိရွာထောင်စုအဆင့် အရေးပေါ်ကယ်ဆယ်ရေးတွေ မရှိသေးဘူးဗျ..။
ဒေါ်အာကျယ် ။ ။ သာဂိရယ်..။ တို့အစိုးရကိုအပစ်တင်မနေပါနဲ့ဟယ်..။ သူတို့ခမျာ.. အနှစ်နှစ်အလလက သွားလေသူ အစိုးရမင်းများရဲ့ အရှုပ်တော်ပုံတွေကိုတောင် မနည်း ရှင်းနေ ရတာ။ နောက်ပြီး..၂၁ ရာစုညောင်နှစ်ပင်.. အဲလေ.. ပင်လုံညီလာခံကြီးကလည်း ရှိသေးတယ် မဟုတ်လား..။ စစ်မှန်တဲ့ ဖက်ဒရယ်ပြည်ထောင်စုကြီးဖြစ်ဖို့ အားလုံးပါဝင်နိုင်ဖို့ တို့မယ်မယ်ဒီခမျာ နေ့မအားညမနား ကြိုးစားနေရတာ.။ တို့ပြည်သူတွေလည်း တတ်အားသမျှပါဝင်နိုင်ဖို့ အခုဆို လူထုထောက်ခံ ဆန္ဒပြပွဲတွေတောင်..လုပ်ကြဖို့ ပြင်နေကြတယ်..။
ဂျီးဒေါ်။ ။ ဟဲ့..ကြည့်ကျက်လည်း ဆန္ဒပြကြနော်။ ဟိုရက်က ၀န်ချုပ်ကြီးဘကြီးဖြိုးက.. နေရာ တကာ လမ်းပေါ်တက်ဆန္ဒပြတဲ့ အလေ့အထတွေကို ပြန်သုံးသပ်သင့်ပြီတဲ့။ မတော် ပုဒ်မ(၁၈)နဲ့ အရေးယူခံနေရမယ်..။ ဟို..(၅)ညဖမ်းနိုင်တဲ့ ဥပဒေပယ်ဖျက်ဖို့ ကိစ္စကလည်း တမတ်တန် ကိုယ်တော်တွေဘက်က မီးစိမ်းမပြသေးဘူးတဲ့။ နောက်ပြီး..ဟိုတလောကဖွဲ့လိုက်တဲ့ အရေးပေါ် ကာလစီမံခန့်ခွဲမှုကော်မတီ..ဆိုတာကြီးလည်း ရှိတယ်နော်..။ သတိထားကြ။
ဒေါ်အာကျယ် ။ ။ ဂျီးဒေါ်ရယ်..အခု ထောက်ခံဆန္ဒပြမှာကို ရွာဂံတော်အစိုးရက သဘောတောင် ကျဦးမှာ။ သွားလေသူ အစိုးရမင်းများလက်ထက် ဘောလုံးကွင်းတွေထဲမှာလုပ်တဲ့ဆန္ဒပြပွဲတွေလိုပဲ။ အစိုးရအကြိုက်ဆန္ဒပြပွဲတွေဆို အစိုးရမင်းတွေ က ဖမ်းမလားရှင့်။ ၀န်ချုပ်ကြီးတပါးဆို ဆန္ဒပြသူတွေနဲ့ဓာတ်ပုံတောင် တွဲအရိုက်ခံထားသေးတယ်။ ရွာဂံတော်အဆင့် ဆန္ဒပြပွဲပါရှင့်။
သာဂိ ။ ။ အားလုံးပါဝင်ရေး..ဆိုပေမယ့် ကြည့်ရတာတော့ လက်နက်ရှိတဲ့သူတို့လက်နက်ကိုင် နိုင်တဲ့သူတွေပဲ အရာနံနေတာ တွေ့တာပဲဗျာ။ အနှစ်နှစ်အလလက တိုင်းပြည်အတွက် စွန့်လွှတ် အနစ်နာခံလာတဲ့ နိုင်ငံရေးအင်အားစုတွေကိုလည်း မမေ့သင့်ဘူးပေါ့ဗျာ..။
ဒေါ်အာကျယ် ။ ။ သာဂိရယ်။ ပုဂ္ဂလိက ခံစားချက်တွေကိုဘေးဖယ်ထားကြစို့ ။တို့တိုင်းပြည်မှာ အခုအရေးအကြီးဆုံးက “အမျိုးသားပြန်လည်ရင်ကြားစေ့ရေး” ပဲ။ ဒါမရှိရင် ဘာမှလုပ်လို့ရမှာ မဟုတ်ဘူး။ ဒါကြောင့် အခုလက်ရှိအစိုးရက.စီးပွားရေးမူဝါဒတွေချမှတ်တာတောင်.. “အမျိုးသား ပြန်လည်ရင်ကြားစေ့ရေး” ကိုပဲ ဦးစားပေးထားတာတွေ့လား..။
သာဂိ ။ ။ တွေ့ပါတယ်ဗျာ တွေ့ပါတယ်။ စီးပွားရေး..နိုင်ငံရေးကဏ္ဍတိုင်းမှာ.. အမျိုးသားပြန်လည် ရင်ကြားစေ့ရေးက ရှေ့ တန်းရောက်နေသမျှ တိုင်းပြည်ကိုအဖက်ဖက်က ဖျက်ခဲ့တဲ့စစ်ရာဇ၀တ် ကောင်တွေ ခရိုနီတွေကတော့ စင်ပေါ်မှာပန်းပန်လှက်ပါပဲပေါ့ဗျာ။ ဟိုတလောက သတင်းတွေထဲ မှာ…၀န်ချုပ်ကြီးဘကြီးဖြိုးက တပ်ထိန်းနာနီကြီးရဲ့မြေးခရိုနီတွေကိုတောင် ပွဲထုတ်လာပါရောလား။ ဒါလည်း အမျိုးသားရင်ကြားစေ့ရေးနဲ့အားလုံးပါဝင်နိုင်ရေး မူထင်ပါရဲ့ဗျာ။
ဒေါ်အာကျယ် ။ ။ ဘာပဲဖြစ်ဖြစ်။၂၁ ရာစုပင်လုံညီလာခံကြီးကိုတော့ အောင်မြင်စေချင်ပါတယ်။ ပြည်တွင်းငြိမ်းချမ်းရေးလည်း တကယ်ရစေချင်ပါပြီ။ တိုင်းရင်းသားဒေသက စစ်ဘေးဒုက္ခသည်တွေ လည်း နေရပ်ကို အေးအေးချမ်းချမ်းပြန်စေ့ချင်ပါပြီ။
သာဂိ ။ ။ ငြိမ်းချမ်းရေးတကယ်ရဖို့ ဖက်ဒရယ်ပြည်ထောင်စုစစ်စစ်ဖြစ်ဖို့ တိုင်းရင်းသားတွေအားလုံး တန်းတူအခွင့်အရေး ရဖို့လိုတယ်..။ ပါးစပ်ကတင် ၂၁ ရာစုပင်လုံညီလာခံကြီး အောင်မြင်ပါစေ.. ကြွေးကြော်နေလို့မရဘူးဗျ။ ခင်ဗျားတို့ကျနော် တို့တွေလည်း ဗမာလူမျိုးကြီးဝါဒစွဲတွေ အမြင်စွဲတွေကိုလည်း မှန်မှန်ကန်ကန် သုံးသပ်ရမယ်။ ဗမာဆိုတာအခွင့်ထူးခံလူမျိုးကြီးဆိုတဲ့ စိတ်ဓာတ်တွေကို ပြင်ရမယ်။
ဒေါ်အာကျယ် ။ ။ ဟုတ်တယ်။ နောက်ပြီး..အရေးကြီးတာက ၂၀၀၈ ဖွဲ့စည်းပုံကိုဖောက်ထွက်နိုင် မှ ၂၁ ရာစုပင်လုံညီလာခံအောင်မြင်နိုင်မယ်။ ဘယ်လိုဖောက်ထွက်နိုင်မလဲ တို့တွေ ၀ိုင်းကူစဉ်းစား ရမယ်။
သာဂိ ။ ။ ၀ိုင်းကူစဉ်းစားရအောင်..ခင်ဗျားမှာ လက်နက်ကိုင်တပ်ရှိလား..။ ဒါမှမဟုတ်.. အနိုင်ရအမတ်ဦးရေများများရှိတဲ့ နိုင်ငံရေးပါတီလက်ကိုင်ရှိလား..။ ဒါမှမဟုတ်…NGO အမည်ခံ အရပ်ဖက်အဖွဲ့အစည်းတခုခုရှိလား..။ ဒါတွေမရှိရင် ၀ိုင်းကူစဉ်းစားခွင့်ကို စိတ်ကူးယဉ် မနေနဲ့။
ဒေါ်အာကျယ်။ ။ တို့လည်း တို့တိုင်းပြည်အရေး ကိုယ်တတ်နိုင်တဲ့နေရာက ပါချင်သေးတာပေါ့ဟဲ့။
သာဂိ ။ ။ ပါချင်ရင်.. ဘေးက လက်ခုပ်လက်ဝါးလေးတီးပေး၊ ဆန္ဒပြဆိုပြပေးပေါ့ဗျာ။ လက်နက်မဲ့ ကျုပ်တို့ပြည်သူတွေမှာတော့ စစ်ဖြစ်ရင် စစ်ဘေးဒုက္ခသည်အဖြစ်ပါ ၀င်၊ ရေကြီးရင်.. ရေဘေးဒုက္ခသည်အဖြစ်ပါဝင်ပေါ့ဗျာ၊ ကုန်ဈေးနှုန်းကြီးရင် ကုန်ဈေးနှုန်းကြီးတဲ့ဒဏ် အားလုံးနဲ့ အတူတူခံရင်း ပါဝင်ပေါ့ဗျာ။ ဒါလည်း..အားလုံးပါဝင်ရေးမူအရ ခင်ဗျားတို့ကျနော်တို့ရဲ့ ပါဝင်မှုစစ်စစ်တွေပေါ့ဗျာ။ ။
