တူမောင်ညို - အစွဲအလန်း နဲ့ စွဲစွဲမြဲမြဲ ရပ်တည်တာဟာ လုံးဝ ကွဲပြားခြားနားပါတယ်
(မိုးမခ) အောက်တိုဘာ ၃၁၊ ၂၀၁၆
အောက်တိုဘာလ ၁၅ ရက်နေ့၊ (NCA) စာချုပ်နှစ်ပတ်လည် အခမ်းအနားမှာ ပြောတဲ့ ကာချုပ် ဗိုလ်မင်းအောင်လှိုင်ရဲ့ပြော စကားထဲမှာ အောက်ပါ စကားရပ် ပါရှိပါတယ်။

“ကျွန်တော်တို့ဟာ ဒီမိုကရေစီလက်ခံတယ်ဆိုရင် ဒီမိုကရေစီရဲ့ဆန့်ကျင်ဘက်ဖြစ်တဲ့ လက်နက်ကိုင်လမ်းစဉ်အပေါ် အစွဲ အလန်းကို ဖြတ်တောက်ပစ်ဖို့ လိုမှာဖြစ်ပါတယ် ”

အဲဒီစကားရပ်ကို ဝေဖန်ဆန်းစစ်ပါ့မယ်။

ရှင်းရှင်းလင်းလင်း ကြိုတင်ပြောလိုတာ တစ်ချက်ရှိပါတယ်။

အဲဒီအချက်က ဝေဖန်ဆန်းစစ်မယ့်အထဲမှာပါရှိတဲ့ “လက်နက်ကိုင်လမ်းစဉ်” ဆိုတဲ့စကားရပ်ဟာ “ကားပါမစ်” ကို ဒူးထောက် အညံ့ခံသွားတဲ့ လမ်းစဉ်မျိုးကို ထည့်သွင်း စဉ်းစားပြောဆိုခြင်း အလျဉ်းမရှိဘူးဆိုတဲ့ အချက်ပါပဲ။

ကာချုပ်ပြောသွားတဲ့စကားကို အပိုင်း နှစ်ပိုင်းခွဲပြီး ဝေဖန်ဆန်းစစ်ပါ့မယ်။

ပထမတပိုင်းက “ ဒီမိုကရေစီကို လက်ခံတယ်ဆိုရင်” ဆိုတဲ့ အပိုင်းဖြစ်ပြီး။

ဒုတိယအပိုင်းက “ဒီမိုကရေစီရဲ့ဆန့်ကျင်ဘက်ဖြစ်တဲ့လက်နက်ကိုင်အစွဲအလန်း” ဆိုတဲ့အပိုင်း ဖြစ်ပါတယ်။

ပထမပိုင်း “ ဒီမိုကရေစီကို လက်ခံတယ်ဆိုရင်”

ဓမ္မဘေရီ အရှင်ဝီရိယ (တောင်စွန်း) - ဓမ္မရေစီး နဲ့ ကမ္ဘာ့ရေစီး

POS

လူဗိုလ်  - အပြစ်မဲ့သူတို့၏ ဝဋ်ကြမ္မာ 
(မိုးမခ) နိုဝင်ဘာ ၁၊ ၂၀၁၆

သူဆိုလိုတာကို ကျနော်သဘောပေါက်၏။ ကျနော်က ဒီရွာမှာစာသင်တဲ့ဆရာဆိုပေမယ့်ကျောင်းသားတပ်မတော် ကဆိုတာ ရွာသားတိုင်းသိကြသည်။ သို့ကြောင့်ပင် မိုင်းအကြောင်းကို ကျနော်နားလည်လိမ့် မည်ဟုထင်ပုံရသည်။ အမှန်က ကျနော်နဲ့မနီးစပ်ခဲ့။ ကျနော်က ABSDF ရဲဘော်တယောက်ဖြစ်ပေမယ့် ကျနော်ထမ်းဆောင်ဖူးသည့် တာဝန်များထဲတွင် တိုက်ခိုက်ရေးကဏ္ဍမပါ။

(၁)

ကုန်းတက်ကိုအကျော် တိုးနိုးနိုပါတို့တဲစုကို လှမ်းမြင်လိုက်ရမှ သက်ပြင်းချမိသည်။ လျှောက်ခဲ့ရသည့် ခရီးက မိုင်၂ဝ ကျော်၊ တောင်ကုန်းအဆင်းအတက်တွေချည်း။ ခုမြင်လိုက်ရတဲ့တဲစုတွေက လယ်ခိုဒိုးသာရွာ သင်္ချိုင်းကုန်း အနီး တောင်ကြောတွေရဲ့ကြားက ပုန်းတဲတွေ။ ၁၉၉၇ - ခုနှစ် ရွာတွေမီးရှို့ခံရပြီး ရွာအနီးအနားမှာတောင်မှ နေခွင့်မရကြတဲ့ ရွာ သားတွေကို သံတောင်မြို့အနီးမှာ စုစည်းပြီးထားလို့ “စုစည်းရွာ” ဟူ၍ပေါ်ပေါက်လာခဲ့၏။ စုစည်းရွာမှာနေကြရတဲ့ မိသားစု တွေ ရိက္ခာစုနိုင်ဖို့နဲ့ ရွာပြန်ပြီး၊ ပုံမှန်ခြံလုပ်ငန်းတွေလုပ်နိုင်ဖို့အတွက် ဒီတဲစုကလေးတွေက ခေတ္တတည်းခိုစရာ … ။

“ဟာ ဆရာလူဗိုလ်၊ ဆရာတယောက်ထဲလား၊ အခု ဘယ်ကလာတာလဲ”

ကျနော်ကိုမြင်လိုက်သည်နှင့် တိုးနိုးနိုပါရဲ့ အံ့သြတကြီးနှုတ်ဆက်သံ။ သူ့နံဘေးမှာ ကျော်ကဒါ၊ ပြီးတော့ လယ်ခိုဒိုး သာ ရွာသားအချို့။

“ကျနော် ကိုမူဒိုရွာကလာတာလေ။ စုစည်းမှာနေထိုင်ရတဲ့ အခြေအနေလေးတွေသိချင်လို့ ပြန်လာလည်တာ။ ဟိုမှာ နေရထိုင်ရတာ အဆင်ပြေကြရဲ့လား”

 ၁၉၉၆ - ခုနှစ် လယ်ခိုဒိုးသာရွာမှာ ကျနော်က ကျောင်းဆရာ။ နှစ်ကုန်လို့ နွေရာသီကျောင်းပိတ်ချိန်လည်းရောက် စစ်အစိုးရတပ်များ ကရင်ပြည်နယ် သံတောင်တမြို့နယ်လုံးက ရွာတွေအားလုံးကိုမီးရှို့ခဲ့သည်။ မီးရှို့ပြီးစမှာ ရွာသားတွေက ရွာနီးတဝိုက်မှာ ပုန်းအောင်းနေကြသေးသည်။ ကျနော်လည်း လယ်ခိုဒိုးသာရွာသားတွေနဲ့အတူ၊ ငှက်ပျောပင်တွေကိုခင်း၊ ငှက်ပျောရွက်တွေကိုမိုး တဲကလေးတွေ ဆောက်ပြီး နေခဲ့ကြသည်။ ခွေးဟောင်သံကြားရင်၊ ကြက်တွန်သံကြားရင်၊ ကလေး ငိုသံကြားရင်၊ မီးခိုးထွက်တာမြင်ရင် နအဖစစ်တပ်တွေက သေနတ်နဲ့လှမ်းလှမ်းပစ်တတ်ပေမယ့် ရွာသားတွေမှာ မျက်နှာက အပြုံးမပျက်ကြ။ မွေးကတည်းကကြုံလာရသည့် အဖြစ်အပျက်တွေမို့ ရိုးနေကြပုံပေါ်၏။ တောတောင်ထဲ ဖါးရှာ၊ ငါးရှာ၊ သဘာဝအသီးအရွက်တွေ လုရှာကြရင်း ပျော်နေကြရှာသည်။

 တလလောက်ကြာမှ စုစည်းရွာကိုအားလုံးလာကြ။ မလာရင် တွေ့တဲ့လူအကုန် ပစ်မယ်ကြားတော့မှ ရွာသားတွေ တစုပြီးတစုထွက်သွားကြသည်။ နောက်ဆုံးကျနော်တယောက်ထဲ။ အစားအစာအခက်အခဲနဲ့ လူသူမရှိ တယောက်ထဲနေရ တဲ့ဒုက္ခကို ဆက်မခံနိုင်တဲ့အဆုံး ရွာသားတွေရှိနေသေးတဲ့ ကရင်နှင့်ကရင်နီ နယ်စပ်က ရွာတွေဘက်မှာသွားနေခဲ့ရသည်။

“အဆင်ပြေပါတယ်ဆရာ၊ ရောက်စက အိုးခွက်နဲ့ ဆန်ကအစထုတ်ပေးတယ်။ နောက်ပိုင်းကြတော့ ကိုယ့်ဖါသာ ကိုယ်ရှာစားရတယ်။ ဆန်ကိုတော့ ဟိုမှာဝယ်စားလိုက်၊ တခါတခါဒီမှာ လာပြန်သယ်လိုက်ပဲ။ ဟင်းချက်စရာကတော့ ဝယ် မစားနိုင်ဘူးဆရာရေ၊ ကျနော်တို့က ကျွဲလိုနွားလိုစားကြတာဆိုတော့ ဝယ်မစားနိုင်ကြဘူး၊ တွေ့ရာအသီးအရွက်တွေကို ခူးစားရင်း ကြာလာတော့အပင်တွေက အရွက်ရင့်တွေတောင် မကျန်ကြတော့ဘူး။ ဒါကြောင့်ခွင့်တောင်းပြီး ဒီမှာဟင်းစား လာပြန်ရှာနေရတယ်”

“ဆရာကကံကောင်းတယ်။ မနေ့ညက ကျနော် ဂျီတကောင်ရထားတယ်။ အခု ဝမ်းတွင်းသားတွေ ချက်ထားတယ် ဆရာရေ။ တခါထဲထမင်းစားတော့မလား”

 “ထမင်းဆာလာတာနဲ့အတော်ပဲ တိုးနိုးနိုပါရေ။ ကျနော်လည်း ဒီမှာလာပြန်နေချင်ပြီ”

 ကျော်ကဒါတို့အဖွဲ့က ထမင်းဝိုင်းပြင်နေကြပြီ။ ကျနော်ကတော့ တိုးနိုးနိုပါကိုတွေ့လိုက်ရတာနဲ့ ဟင်းကောင်းစားရ တော့မယ်လို့ ကြိုတွေးပြီးသား။ ဟိုးအရင်သူတို့အိမ်မှာ အတူတူနေခဲ့ရတဲ့အချိန်ကဆိုရင်၊ တောဝက်သား၊ ဂျီသား၊ တော ကြက်၊ ငှက်၊ ဖား၊ ငါး တမျိုးပြီးတမျိုး မရိုးနိုင်အောင်ရှာကျွေးနေကျ။ တချို့တောကောင်တွေဆိုရင် နာမည်တောင်မခေါ် တတ်ဘူး။ ကြက်လိုလို ငှက်လိုလိုအကောင်တွေ၊ ကြောင်လိုလို ကြွက်လိုလိုအကောင်တွေ အစုံပါ၏။ ရစ်တို့၊ ဖြူတို့၊ ပွေး တို့ဆိုလျှင် လယ်ခိုဒိုးသာရွာမှာနေမှ ကျနော်မြင်ဖူး၊ စားဖူးသည်။

“ကဲ လက်ဆေးဆရာရေ စားကြမယ်”

ကြမ်းပြင်မှာဝိုင်းထိုင်ကြပြီး ထုံးစံအတိုင်း မစားခင်ဝတ်ပြုဆုတောင်းကြသည်။ ဒီနယ်တဝိုက်မှာက ခရစ်ယာန်ဘာ သာဝင်တွေချည်း။ ကျနော်လည်း သူတို့နည်းတူ မျက်စိမှိတ်ငြိမ်နေလိုက်ရ၏။

“စားလို့ရပြီဆရာရေ၊ အားရပါးရစား” ဆိုမှ မျက်စိဖွင့်ကြည့်လိုက်မိသည်။

“ဆရာရော ကိုမူဒိုရွာမှာနေရတာ အဆင်ပြေရဲ့လား”

“ပြေတယ်လည်းမဟုတ်ပါဘူးဗျာ၊ လူတွေနဲ့အတူနေရတယ်၊ စိတ်ချလက်ချအိပ်လို့ရတယ်၊ ထမင်းမငတ်ဘူး ဆိုရုံ ပါပဲ။ ကျနော်လည်းဟိုရောက်မှ ပညာတွေတိုးလာတယ်။ အခုစပါးလည်းရိတ်တတ်ပြီ၊ ဆူးလည်းထိုးတတ်ပြီ တိုးနိုးနိုပါရေ၊ အခု ကျနော်ဟိုမှာ ဒီးဒါးခိုရွာ၊ မာဘွယ်ခိုရွာနဲ့ ဂေလော်ခီးရွာက ကလေးတွေကိုပါခေါ်ပြီး စာသင်ပေးနေတယ်”

“ကောင်းတယ်ဆရာ။ ကလေးတွေလည်း ရွာတွေမီးရှို့ခံထားပြီးကတည်းက တောထဲပုန်းနေကြရတော့ လူနဲ့ကို တူကြတော့မှာမဟုတ်ဘူး။ စာလည်းမသင်ရ၊ အိမ်နဲ့လည်းမနေရ”

စကားပြောရင်း တိုးနိုးနိုပါက အသည်းဖတ်ကြီးကြီးတဖတ်ကို ကျနော့်ပန်းကန်ထဲ ခပ်ထည့်ပေးကာ အူဖတ်တဖတ် ကိုခပ်၍ သူ့ပါးစပ်ထဲသို့ တန်းထည့်လိုက်၏။

(၂)

“ဝုန်း”

ထမင်းဝိုင်းမှ စကားသံများလည်းရပ်၊ ဆောင်းပုဇင်းရင်ကွဲသံများလည်းရပ်သွားကြ၏။ ရွာအနောက်ဖက်မှ အသံ ဖြစ်သည်။ ကျနော်တို့နှင့်ဆိုလျှင် အများဆုံး တမိုင်ကျော်ကျော်သာ ကွာနိုင်သည်။

“ဟာ မိုင်းသံပဲ၊ ဘာဖြစ်ပြန်ပြီလဲမသိဘူး”

“တိုက်ပွဲဖြစ်တာတော့ မဟုတ်ဘူးထင်တယ်၊ လက်နက်ငယ်အသံတွေ မကြားရဘူး”

ကျနော်တို့ထမင်းဝိုင်းကို လက်စသတ်လိုက်ကြပြီး သတိဝီရိယဖြင့် မီးမှုတ်၊ အသံတိတ်ကာ ငြိမ်နေ လိုက်ကြသည် ကျနော်လည်း တနေကုန်လမ်းလျှောက်ထားရသဖြင့် လှဲနေရင်းက အိပ်ပျော်လုလု။

“တိုးနိုးနိုပါ၊ တိုးနိုးနိုပါ”

ဟိုမှာ မိုရှေးမိုင်းနင်းမိလို့ ဟုလှမ်းပြောရင်း နေသာဆိုးပါတယောက် ဒါးပလိုင်းကိုလွယ်လျှက် အမောတကော ရောက် လာသည်။

“ဘာ … ဘယ်လိုဖြစ်တာလဲ”

မိုရှေးမှာ တိုးနိုးနိုပါ(တိုးနိုးနို၏အဖေ)ရဲ့ ယောက်ဖ။ တိုးနိုးနိုမို(တိုးနိုးနို၏အမေ) ရဲ့ အကို။

“ညနေက မိုရှေးကို တောကြက်ထောင်ဖို့ပြင်နေတာတွေ့တယ်။ ခိုဒိုးကားရွာဖက်သွားတဲ့လမ်းမှာ သွားထောင်မလို့ လုပ်နေလို့ သူ့ကိုသတိပေးခဲ့သေးတယ်။ အဲ့ဒီလမ်းက စစ်သားတွေဖြတ်ဖြတ်သွားတတ်လို့ ဗိုလ်သဲဒယ်အဖွဲ့က မိုင်းထောင် တဲ့ ကျော်ဂေါ်အယ်က ဒီလမ်းမှာမိုင်းထောင်မယ်လို့ အကြောင်းကြားထားပြီးသား”

ဗိုလ်သဲဒယ်ဆိုတာက ကေအန်ယူကတပ်ခွဲမှူး၊ နှုတ်ခမ်းမွှေးစစ၊ အရပ်မြင့်မြင့်နှင် ဆက်ဆံရေးကောင်းသူ။ ပညာတတ် တယောက်။

“ဒါဆိုရင် ဒီဖက်ကထောင်တဲ့မိုင်းပေါ့” လို့ ကျနော်ဖြတ်မေးလိုက်သည်။

“သေချာတာပေါ့၊ ထောင်မယ်ဆိုရင်လည်း ဘယ်နေရာလောက်မှာဆိုတာ မပြောထားဘူး။ လမ်းဆိုတာက အရှည်ကြီး။ ဘယ်နားမှာဆိုတာ ဘယ်လိုခန့်မှန်းမလဲ”

“မိုရှေးကလည်းဂရုမစိုက်တာပါ၊ ကြက်ထောင်စရာနေရာတွေအများကြီးပဲ”

အချိန်က ၁၂ - နာရီကျော်ကျော်။ လကွယ်ညမို့ တလောကလုံးမှောင်မဲနေသည်။ ဒီဇင်ဘာလမို့ အအေးဓာတ်က အားကောင်းဆဲ။ ကျနော်မျက်လုံးထဲတွင်တော့ သဘောကောင်းကောင်း၊ ခပ်အေးအေးနေတတ်သည့် ကိုမိုရှေးမျက်နှာ ကို မြင်ယောင်နေမိသည်။

“ဒီလိုနေလို့တော့မဖြစ်ဘူး၊ မိုရှေးကိုဒီည တွေ့အောင်သွားရှာမှဖြစ်မယ်။ ဆရာလည်းလိုက်ခဲ့ပေါ့”

တိုးနိုးနိုပါ စဉ်းစားနေရင်းမှ ရုတ်တရက်ပြောလိုက်သည်။ တိုးနိုးနိုပါက ကျနော့်မွေးစားအဖေ။ အသက်သိပ် မကွာလှေ ပမယ့် မိဝေးဖဝေးဖြစ်နေတဲ့ကျနော့်ကို မိဘတဦးလို သဘောထားနိုင်သူ။ သူ့သားတိုးနိုးနို ကျောင်းတက်ရင်း ဖျားလို့ ကျနော်ဆေး သွားကုဖူးသည်။

တိုးနိုးနိုအထက်ကနှစ်ယောက်နဲ့ အောက်ကတယောက် ရောဂါနဲ့ဆုံးပါးဖူးသဖြင့် သူ့ သားရောဂါ ကို ပျောက်အောင်ကုသပေးသူ၊ ကျေးဇူးရှင်အဖြစ်ကျနော့်ကို သတ်မှတ်ထားဟန်ရှိသည်။

သူ့အိမ်တွင်လာနေဖို့ ဖိတ်ခေါ်ကာ၊ သား အရင်းတယောက်လို သဘောထားခဲ့သူလည်းဖြစ်သည်။

“ဆရာမှာဆေးပါတယ်မဟုတ်လား”

တိုးနိုးနိုပါမှ ဆက်၍မေးသည်။ ပွင့်ပွင့်လင်းလင်းပြောရလျှင် ကျနော်နားချင်နေသည်။ တနေကုန်ပင်ပန်းခဲ့သည်နှင့် အိပ်ချိန်လွန်နေခြင်းများကြောင့် အလွန်အိပ်ချင်လှပြီ။ သို့သော်မိုရှေးက တိုးနိုးနိုပါရဲ့ယောက်ဖ၊ လယ်ခိုဒိုးသာရွာရဲ့ သင်းအုပ် ဆရာ၊ ဒါထက်အရေးကြီးတာက ကလေးငယ်(၂) ယောက်ရဲ့ဖခင်၊ သူ့မိသားစုကို စုစည်းရွာမှာထားခဲ့ပြီး ရွာမှာဟင်းစား ပြန်လာရှာစားသူ၊ တခုခုများဖြစ်သွားရင် …

“ကျနော့်မှာပါပါတယ်၊ ဆေးမစုံပေမယ့် တတ်နိုင်သလောက်ကြည့်လို့ရတာပေါ့”

“ဟုတ်တယ်ဆရာ၊ ဆရာပါလာတယ်ဆိုရင် မိုရှေးလည်းအားရှိမှာ”

“ဒါဆိုရင်မြန်မြန်သွားကြမယ်၊ ကျော်ကဒါက ဆရာ့ဆေးပုလိုင်းကိုလွယ်ကူလိုက်” ဟုပြောကာ တိုးနိုးနိုပါက
ဓားချင်းကို လွယ်၊ တူမီးကိုထမ်းကာ ရှေ့ဆုံးမှထွက်သွားသည်။ ကျနော်နှင့် ရွာသားများက နောက်မှ …။

(၃)

ရွာကိုဖြတ်တက်၍ ၁၅ - မိနစ်လောက်လျှောက်အပြီး ဓာတ်မီးရောင်နှင့် လူတစုကိုမြင်လိုက်ရသည်။ ဓာတ်မီး အလင်းေ ရာင်များမှာ အတန်းလိုက်မဟုတ်ဘဲ အစုလိုက်ဖြစ်နေခြင်းနှင့် ကရင်လိုစကားပြောသံများကိုကြားနေရသဖြင့် ရွာ သားများ ဖြစ်ကြောင်းခန့်မှန်နိုင်သည်။ ကျနော်စိုးရိမ်မိသည်မှာ ဗုန်းကွဲသံကြားသဖြင့် အစိုးရစစ်တပ်များတောနင်းနိုင်၍ တည့်တည့် တိုးမိမည်ကိုသာ။ ပို၍နီးလာလေလေ စကားသံများမှာ ပို၍ရှင်းလာလေလေဖြစ်ပြီး၊ လယ်ခိုဒိုးသာရွာသူကြီး ဦးစောထူးနှင့် ရွာသားများဖြစ်နေကြသည်။

“တိုးနိုးနိုပါရေ၊ မိုရှေးတော့ ခြေတဖက်ပြတ်သွားပြီ၊ ခုနက နေဆဲပြန်ရောက်လို့ပြောပြတယ်။ သူနဲ့အတူတူသွားတာ တဲ့၊ ကြက်ထောင်ချောက်တွေလိုက်ချပြီးအပြန် မိုရှေးက တောကြောင်သွားစောင့်မယ်လို့ပြောပြီး စားပင်ဖက်ကိုအသွား နင်းမိသွား တာတဲ့။ နေဆဲလည်းလန့်ပြီးပြန်ပြေးလာတယ်။ ခက်တာက ညကလည်းမှောင်၊ အဲ့ဒီနားတဝိုက်မှာက မိုင်းက ၂ - လုံး ကျန်သေးတယ်ဆိုတော့ သွားရမှာ ခပ်လန့်လန့်ဖြစ်နေကြတယ်”

“ဟာ ဆရာလူဗိုလ်လဲ ပါတာပဲ၊ အတော်ပဲဆရာရေ၊ ဆရာ့ကိုပဲ အားကိုးရမှာပဲ” ဟု နေဆဲမှလှမ်း ပြောသည်။

သူဆိုလိုတာကို ကျနော်သဘောပေါက်၏။ ကျနော်က ဒီရွာမှာစာသင်တဲ့ဆရာဆိုပေမယ့်ကျောင်းသားတပ်မတော် ကဆိုတာ ရွာသားတိုင်းသိကြသည်။ သို့ကြောင့်ပင် မိုင်းအကြောင်းကို ကျနော်နားလည်လိမ့် မည်ဟုထင်ပုံရသည်။ အမှန်က ကျနော်နဲ့မနီးစပ်ခဲ့။ ကျနော်က ABSDF ရဲဘော်တယောက်ဖြစ်ပေမယ့် ကျနော်ထမ်းဆောင်ဖူးသည့် တာဝန်များထဲတွင် တိုက်ခိုက်ရေးကဏ္ဍမပါ။ ဆက်သွယ်ရေး၊ ပြန်ကြားရေးနှင့် ပညာရေးဌာနများတွင်သာ လုပ်ကိုင်ခဲ့ဖူးသဖြင့် မိုင်းကိစ္စကို နား မလည်ရိုးအမှန်။

“ဆရာရေ ပွင့်ပွင့်လင်းလင်းပြောရရင် ကျနော်တို့လည်း ခြေမချရဲဘူးဖြစ်နေကြတယ်။ မသွားရင်လည်း သွေးထွက် လွန်ပြီး မိုရှေးတယောက် ဒုက္ခရောက်မှာ”

ကျနော်ဘာဆက်လုပ်ရမည်နည်း။ လမ်းသိသည့်ရွာသားများကလည်း ရှေ့ကမသွားရဲ။ ကျနော်ကိုယ်တိုင်က လည်း ထိုနည်းတူစွာ။ ပို၍ဆိုးသည်ကား မိုင်းကိစ္စကိုကျနော်နားမလည်ကြောင်း ရွာသားများကိုရှင်းပြရင်လည်း ကြောက်၍ ပြောသည်ဟု ထင်နိုင်သည်။ ယုံကြည်မှုကင်းမဲ့သွားနိုင်သည်။ မတတ်နိုင်တော့၊ မိမိ၏ကျေးဇူးရှင်များအပေါ် ကျေးဇူးဆပ် နိုင်ခွင့်ကို လက်ရှိအခြေအနေနဲ့ပဲ အရယူရတော့မည်။ ဘဝဘဝတွေနဲ့ရင်းပြီး ဗမာမှန်ရင် လူဆိုး၊ လူယုတ်မာဟု သတ်မှတ် ထားခဲ့ကြသော တောင်ပေါ်ဘွဲကရင်များကို ကောင်းသည့်ဗမာဆိုတာ ရှိသေးကြောင်းကို ကြုံတုန်းသက်သေပြရမည်။

“ဒါဆိုရင် ကျနော်ရှေ့ကသွားမယ်။ ခပ်လှမ်းလှမ်းကလိုက်ခဲ့ကြ၊ ကျနော်ကလမ်းမသိတော့ လမ်းခွဲရှိရင် အော်ပေး ပေါ့။ ကဲ သွားကြစို့”

 ရှေ့မှသာလျှောက်ခဲ့ရသည် ကျနော့်စိတ်မှာ လေးနေ၏။ ခြေနှစ်ဖက်မှာ ခဲကြီးကြီးဆွဲထားသလိုလို။ အရဲစွန့်၍ ရှေ့ မှထွက်ခဲ့ရပေမယ့်ဘုရားတနေမိ၏။ လမ်းကလည်းမှောင်၊ ဓာတ်မီးကလည်း အားနည်းနေသဖြင့် တောင်ကြောတလျှောက် အဆင်းအတက်ကိုလမ်းလျှောက်ရသည်မှာ မဖြောင့်။ ဖြစ်နိုင်လျှင် ဤအဖြစ်အပျက်ကို အိပ်မက်သာဖြစ်စေချင်တော့သည်။

(၄)

ဗီဒီယိုကြည့်သလို၊ ကက်ဆက်နားထောင်သလိုသာ ကျော်လို့ရရင် လက်ရှိအခြေအနေကို ကျော်လိုက်ချင်၏။

“ဆရာ … ဆရာ့ဓာတ်မီးက သိပ်အားမကောင်းဘူး၊ ကျနော့်ဓာတ်မီးနဲ့လဲပေးမယ်၊ ခဏစောင့်ပါဦး”

 နောက်မှ တိုးနိုးနိုပါအသံကြောင့် ခဏရပ်စောင့်၍ဓါတ်မီးလဲလိုက်သည်။ တိုးနိုးနိုပါ၏ ကျနော့်အပေါ် မေတ္တာထား နိုင်မှုနှင့် ဂရုတစိုက်ရှိမှုတို့ကို သတိပြုလိုက်မိသည်။ ကျနော့်မှာတော့ ခဏတာ ခုလိုရပ်နားခွင့်ရရှိလိုက်ခြင်းသည်ပင် မဟာ အခွင့်အရေးတရပ်။ စိတ်ကိုအတင်းချုပ်တည်းကာလျှောက်နေရခြင်းမှ ကင်းလွတ်ခွင့်၊ လွတ်မြောက်ခွင့်ပေတည်း။
ဓာတ်မီးလဲလိုက်ခြင်းကြောင် လမ်းကိုကောင်းကောင်းမြင်ရလေပြီ။ လမ်းမမြင်ရ၍ ဖြေးဖြေးလျှောက်နေရသည်ဟု ဆင်ခြေပေးခွင့်မရှိတော့။ ခပ်သွက်သွက်လျှောက်မှဖြစ်တော့မည်။ ကျနော့်ကိုကျနော်လည်း အမျိုးမျိုးအားပေးနေရသည်။

တပ်ရင်းမှရဲဘော်များ၏ နောက်ပြောင်ပြောခဲ့ဖူးသည်များကို ပြန်သတိရမိသည်။ မိုင်းမှာ ကိုယ်ပိုင်နံပါတ်နဲ့ နာမည် တွေ ကပ်ပါပြီးသားတဲ့။ အတွေ့အကြုံများထဲမှ စကားများဖြစ်၏။ ရှေ့ကသွားတဲ့လူမထိပဲ နောက်ကလူကိုထိတဲ့အဖြစ်တွေ၊ လူအများသွားလာနေကျနေရာနဲ့ အမြဲနေနေကျနေရာတွေမှာ ခဏလာလည်တဲ့လူကျမှထိတတ်တဲ့အဖြစ်တွေကနေ ပေါ် လာတဲ့စကားလေ။
ဟုတ်သည်။ ကံပါရင်တော့ နင်းမိမှာပဲ။ ခုမနင်းမိလည်း နောက်နင်းမိချင် နင်းမိနိုင်တာပဲ။ ဖြေးဖြေးလျှောက် လျှောက်၊ မြန်မြန်လျှောက်လျှောက်၊ နောက်ကလျှောက်လျှောက်၊ ရှေ့က
 လျှောက်လျှောက် ထိချင်တဲ့သူထိမှာပဲ။ မထူး တော့ပါဘူး၊ ရဲရဲသာလျှောက်တော့လူဗိုလ်ရေဟု စွတ်အတင်းအားပေးကာ သွက်သွက်ကလေး လျှောက်လိုက်မိသည်။

အတော်ကလေးလျှောက်မိပြီး ခပ်ညည်းညည်းအော်သံကိုကြားလိုက်ရ၍ အပြေးလေးသွားကြည့်မိသည်။ သေချာ တာပေါ့ ကိုမိုရှေး။ ညာဖက်ခြေ ဒူးဆစ်အောက်တွင်မရှိတော့။ ပက်လက်အနေအထားဖြင့်လဲနေသည်။ သွေးများမှာ မြင်မ ကောင်း။ မျက်နှာမှာလည်း စိုးရိမ်သောကများနှင့်အတူ ညှိုးငယ်နေ၏။

“ကိုမိုရှေး၊ ကျနော်ဆရာလူဗိုလ်ပါ။ ကျနော်တို့ရောက်လာကြပြီ ဘာမှအားမငယ်နဲ့။ တိုးနိုးနိုပါလည်းပါတယ်”
ဟု တတ်နိုင်သမျှ အားပေးစကားဆိုရင်း သူ့လက်တဖက်ကို ဆုပ်ကိုင်ထားလိုက်မိသည်။

“ဆရာရယ်ကယ်ပါဦး၊ ကျနော်တော့ဒုက္ခရောက်ပြီ၊ ခြေထောက်လည်းမရှိတော့ဘူး” မိုရှေးရဲ့မျက်နှာမှာ မျက်ရည် အရွှဲသား။

ဒီအချိန်မှာပဲ ရွာသားတဖွဲ့လုံးရောက်လာကြသည်။ ကျနော်က ကိုမိုရှေးခြေထောက်ကို ပါလာသည့်ပုဆိုးဖြင့် ဖြန့် အုပ်ထားပေးလိုက်သည်။ မြင်နေရလျှင် ရွာသားတယောက်ဝင်လာတိုင်း “ဟာ” “ဟယ်” အသံများနှင့် မျက်နှာပျက်ပျက် သွားတတ်မှုများကြောင့် လူနာအားငယ်သွားမှာကို စိုးရိမ်မိ၍။

ကျိန်းသေသည်မှာ ကျနော်သည် ဆေးပညာကျွမ်းကျင်သူတယောက်မဟုတ်။ အထူးသဖြင့် ခုလိုထိခိုက်ဒဏ်ရာများနှင့် ပို၍ပင်မနီးစပ်။ လေ့လာဖတ်ရှုဖူးသမျှများနှင့် အတန်အသင့်သော အတွေ့အကြုံများအရသာ ကုသနေရခြင်း ဖြစ် သည်။ ကျောင်းစာသင်ပေးရင်းက ကျောင်းသားများကို စ၍ကုသခဲ့သည်။ ပထမစားဆေးများနှင့်သာ။ နောက်ပိုင်းဖြေ ဆေး၊ အသက်ကယ်ဆေးများရှိလာမှ ထိုးဆေးများကိုအသုံးပြုခဲ့သည်။ ကျောင်းသားများကိုကုသနိုင်မှုများအပေါ် ရွာသားများမှ ယုံကြည်လက်ခံလာကြ၍ ရွာမှပင် ဆေးဝါးများဝယ်ယူပေးကာ ကုသစေခဲ့၏။ မိမိ၏စေတနာထားမှု၊ ရွာသားများ၏ ယုံ ကြည်မှုနှင့် ဆေးပညာကို တတ်နိုင်သရွေ့လေ့လာကာ စနစ်တကျအသုံးချနိုင်မှုများကြောင့် လယ်ခိုဒိုးသာရွာသာမက နီးစပ် ရာရွာများမှပင် မိမိကိုအားကိုးလာကြသည်။

“ဖြစ်တတ်လျှင်ပျောက်တတ်သည်”ဟူသော ရိုးရာအစွဲများဖြင့် ရောဂါကို ရင် ဆိုင်နေရာမှ ကုသမှုကို အလေးထားလာကြခြင်းဖြစ်၏။

ပါလာသည့်ဆေးများထဲမှပင် သွေးတိတ်ဆေး၊ သွေးအားနည်းမှုမှ သက်သာစေနိုင်သည့်ဆေးများပေးပြီး သူကြီး နှင့် တိုးနိုးနိုပါတို့ကို ခပ်လှမ်းလှမ်းသို့ခေါ်ကာ လူနာရှေ့တွင် မျက်နှာမပျက်မိကြဖို့၊ စိတ်ဓာတ်ကျစေနိုင်မည့်စကားများကို မပြောမိစေဖို့၊ ပုခက်နှင့်ပင် ထမ်းစင်ကိုအမြန်လုပ်ကြဖို့တို့ကိုသတိပေးလိုက်သည်။ ပုခက်မှာ ကျနော့်တွင်အသင့်ပါလာ၍ အဆင်ပြေသွားပြီး၊ ထမ်းစင်အတွက်ဝါးခုတ်ရန်ကိုမူ တိုးနိုးနိုပါမှတာဝန်ယူလိုက်၏။
ထိုအချိန်တွင် ကိုမိုရှေးမှ ရေဆာသည်ဆို၍ ဗီတာမင်ကေစားဆေး (၂) လုံးကို ရေဗူးအဖုံးနှင့်တခွက်စာရေဖြင့် တိုက်ပေးလိုက်သည်။ ရေများများပေးသောက်၍မဖြစ်။

(၅)

နှစ်ယောက်တဖွဲ့ဖြင့် လူနာကိုအလှည့်ကျထမ်းကာ ပြန်ခဲ့ကြသည်။ လမ်းကလည်းဆိုး၊ မှောင်ကလည်းမှောင်မို့ ခက်ခက်ခဲခဲသွားနေရသဖြင့် ခရီးကသိပ်မတွင်။ စိတ်မကောင်းမှုများကြားက ကြည်နူးမှုဖြစ်ရသည်မှာ ရွာသားများသည် ခိုကပ်ခြင်းမရှိသည့်အပြင် အတင်းလုထမ်းနေကြသဖြင့် တားနေရသည့်အဖြစ်ကိုပင်။

“ဆရာလူဗိုလ်…ဒီညတော့ နီးစပ်ရာဖာလာခြံတခုမှာပဲ အိပ်လိုက်ကြတော့မယ်။ ညဥ့်လည်းသိပ်နက်နေပြီ။ ဆရာ လည်းရှိသမျှဆေးနဲ့ အတတ်နိုင်ဆုံးကူညီပေးပါ။ မနက်စောစောထပြီး ကျနော်တို့မိုရှေးကို သံတောင်ကိုပြန်ခေါ်သွား မယ်လေ”

“ရပါတယ်သူကြီးရယ်၊ ကျနော့်ကိုတော့ ဘာမှထည့်တွက်မနေပါနဲ့။ ကျနော့်မှာဆေးမစုံလို့သာ စိတ်မကောင်းဖြစ် နေရတာပါ။ ဒီအချိန်မှာ ဒရစ်သွင်းနိုင်ရင်သိပ်ကောင်းမယ်။ ကျနော့်မှာလည်းမပါဘူး”

သူကြီးနှင့်စကားပြောနေစဉ် လူနာခေါ်ခိုင်းသည်ဆို၍ အမြန်လိုက်သွားရပြန်သည်။ ရာသီဥတုမှာအေးလွန်းသဖြင့် ဒဏ်ရာမှကိုက်ခဲနေဟန်ရှိသည်။

“ဆရာရေ၊ ကျနော့်ကိုကယ်ပါဦး။ ခြေထောက်ကတအားနာနေလို့”

“ဟုတ်ကဲ့ပါကိုမိုရှေး၊ ကျနော် အခုပဲဆေးတလုံးထိုးပေးမှာပါ။ ဒီဆေးထိုးပြီးရင် သက်သာသွားမှာပါ”

ကျနော်အရေးပေါ်သိမ်းထားသည့် ဆိုဆီကွန် ထိုးဆေးပေးလိုက်ပြီး၊ ဗီတာမင်ကေစားဆေးကိုပါ ထပ်ပေးလိုက် သည်။ ဒီအချိန်လူနာအိပ်ပျော်သွားပါက လူနာရော ကျန်ရွာသားများပါအကျိုးရှိနိုင်သည် မဟုတ်ပါလား။

“ဘာမှအားမငယ်နဲ့ကိုမိုရှေး၊ ကျနော့်သူငယ်ချင်းတွေထဲမှာလည်း ဒီလိုအဖြစ်မျိုးတွေ အများကြီး တွေ့ခဲ့ဖူးတယ်။ ရဲဘော်တယောက်ဆို မာနယ်ပလောမကျခင်တိုက်ပွဲတခုမှာ လက်ထဲကမိုင်းထကွဲလို့ လက်(၂) ဖက် ပြတ်သွားပြီး မျက်လုံး (၂) လုံးပါ ထိသွားတယ်။ မျက်လုံးတလုံးတော့ပြန်မြင်ရတယ်။ သူနာမည်က မိုးကျော်တဲ့”

“သူကစိတ်ဓာတ်မကျတဲ့အပြင် ဒဏ်ရာရပြီးနောက်ပိုင်းစိတ်ဓာတ်က ပိုပြင်းထန်လာတယ်လို့တောင် ပြောလို့ရ တယ်။ လက်(၂)ဖက်နဲ့ မျက်လုံးတလုံးမကောင်းတော့ပေမယ့် တစက်ကလေးမှ အနားမနေဘူး။ ရှေ့တန်းစခန်းကုန်းတွေ အထိ လိုက်နေနိုင်သေးတယ်။ လမ်းလျှောက်ရင်လည်း သူ့ကိုတွဲခေါ်တာမျိုးကို မကြိုက်ဘူး။ ဘယ်သူ့ကိုမှလည်း အားမကိုး ဘူး”

တတ်နိုင်သမျှ အားပေးနေရင်းနဲ့ပဲ လူနာအိပ်ပျော်သွားသည်။ ကျနော်လည်းအိပ်ချင်နေပြီ။ အိပ်စရာနေရာ ရှာ ကြည့်တော့ ဝါးသဲ့ပြားတချပ်ခင်းထားသော နေရာလွတ်တခုကိုတွေ့ရသည်။ ဘေးနားမှာမီးဖိုနှင့်။

“ဆရာ ဒီမှာဆရာအတွက်နေရာလုပ်ထားတယ်။ ခဏအိပ်လိုက်ပါလား”

“ကျေးဇူးပဲ တိုးနိုးနိုပါရေ”

အချိန်က ည ၂ - နာရီခွဲတောင်ကျော်သွာပြီ၊ ကျနော်လည်းခေါင်းချလိုက်သည်နှင့် အိပ်ပျော်သွားသည်။

(၆)

“ဆရာ ဆရာ ခဏလောက်ထပါဦး၊ မိုရှေးခေါ်ခိုင်းလို့”

အိပ်ပျော်လို့ တနာရီတောင်မပြည့်သေးမီတွင် တိုးနိုးနိုပါလာပြန်နှိုးသည်။ ဆေးပလိုင်းကိုလွယ်၍ ချက်ချင်းလိုက် သွားလိုက်သည်။

“ဆရာရယ် ဆရာ့ကိုလည်းအားနာပါတယ်၊ ကျနော်ဘယ်လိုမှ အိပ်လို့မရတော့လို့ပါ။ ဒဏ်ရာက တအားနာတာပဲ ဆရာရယ်၊ ကျနော့်ကိုဆေးထပ်ထိုးပေးပါဦး”

ရာသီဥတုကအေးလွန်း၍ ဒဏ်ရာမှနာသည်ဆိုသည်မှာ သဘာဝကျပါသည်။ သို့သော် ကျနော့်မှာဆိုဆီကွန် မရှိ တော့၊ ဒိုင်ယာဇီဖင်ထိုးဆေးတလုံး ထပ်ထိုးပေး၍၊ နောက်ထပ် ဒိုင်ယာဇီပင်စားဆေးနှင့် ဗီတာမင်ကေ ထပ်ပေးလိုက်သည်။

“ကိုမိုရှေးရေ၊ စိတ်ထဲမှာ ဒဏ်ရာအကြောင်းပဲတွေးပူနေရင်တော့ အိပ်လို့ရမှာမဟုတ်ဘူး၊ ဖြစ်ခဲ့ပြီးမှတော့ ရတဲ့ နည်းနဲ့ဆက်ရင်ဆိုင်ကြရမှာပဲ။ ဘုရားသခင်လည်းခင်ဗျားကို ပစ်ထားမှာမဟုတ်ပါဘူး၊ တတ်နိုင်ရင် ဟိုးငယ်ငယ်က အကြောင်းတွေဖြစ်ဖြစ်၊ လူပျိုအရွယ်တုန်းက အကြောင်းတွေပဲဖြစ်ဖြစ် တွေးနေလိုက်ပါလား။ ခင်ဗျားအိပ်ပျော်သွား လိမ့် မယ်”

ကျနော်ပြောသလိုလုပ်၍ပေလား၊ ဆေးတန်ခိုးကြောင့်ပေလားမသိ၊ ခဏကြာတော့ လူနာပြန်အိပ်ပျော်သွားသည်။ ကျနော်လည်းနေရာကိုပြန်၍ မီးခဏလှုံပြီး ပြန်အိပ်လိုက်သည်။ တိုးနိုးနိုပါတယောက်သာ လူနာဘေးတွင် စောင့်နေပြီး၊ ကျန် ရွာသားအားလုံးမှာ အိပ်ပျော်နေကြလေပြီ။

(၇)

ကျနော်ပြန်နိုးလာတော့ နံနက် ၄ - နာရီခွဲပြီးပြီ၊ ရွာသားတချို့က ခရီးထွက်ဖို့ပြင်နေကြပြီး၊ တချို့က ထမင်းချက်နေ ကြသည်။ လူနာကို လှမ်းအကဲခပ်ကြည့်တော့ အိပ်ပျော်နေဆဲ။ တိုးနိုးနိုပါလည်းလူနာဘေးတွင် အိပ်ပျော်လျှက်။ တညလုံး စောင့်နေရသဖြင့် အိပ်ချင်ရှာမှာပေါ့။

“နိုးပြီလားဆရာ၊ နည်းနည်းလင်းလာတာနဲ့ ကျနော်တို့ခရီးထွက်ကြမယ်။ လမ်းမှာလိုမယ်ထင်တာလေးတွေကို လည်း ပြင်ဆင်ပေးလိုက်ပါဦးဆရာ”
သူကြီးမှနှုတ်ဆက်ရင်း လူနာအတွက်စိတ်ပူပင်နေမှုများကို ထုတ်ဖော်ပြသည်။

“ဟုတ်ကဲ့ပါသူကြီး၊ ကျနော့်မှာရှိတဲ့ဆေးတွေထဲက လိုအပ်မယ့်ဆေးတွေ ပေးလိုက်ပါမယ်။ ဒါပေမဲ့ ဆေးထိုး တတ် တဲ့ လူတယောက်တော့လိုမယ်”

“ဒါဆိုရင် ကျော်ကဒါဖြစ်မလားဆရာ”

“ကောင်းတယ်သူကြီး၊ အရင် ကျနော့်ဆီမှာ လာလေ့လာဖူးတယ်။ ဆေးလည်းထိုးဖူးတယ်။ သူ့ကိုခဏခေါ်ပေးပါ လားသူကြီး၊ ကျနော်လိုတာလေးတွေ မှာလိုက်ချင်လို့”

“နေဆဲရေ၊ ကျော်ကဒါကို ခဏသွားခေါ်ပေးစမ်းပါဦး၊ ငါခေါ်ခိုင်းတယ်လို့ပြောလိုက်”

 ဆေးပုလိုင်းထဲမှ လိုအပ်မယ်ထင်တဲ့ဆေးတွေကို ထုတ်ကြည့်နေသည်။ လမ်းမှာလိုနိုင်တာတွေက သွေးတိတ် ဆေး၊ စိတ်ငြိမ်ဆေး၊ အကိုက်အခဲပျောက်ဆေးနဲ့ အသက်ကယ်ဆေးတွေ။ သံတောင်မြို့ရှိဆေးရုံကို အချိန်မီရောက်သွားဖို့ပဲ လိုသည်။ လမ်းမှာအနည်းဆုံး (၈) နာရီလောက်ကြာနိုင်တာမို့ လိုအပ်မည့်ဆေးတွေကို တွက်လိုက်၏။

“ဆရာ ကျနော်ရောက်ပြီ၊ ဘာကိစ္စလဲဆရာ”

“သြော် ကျော်ကဒါရေ ဒီလို၊ ကျနော်ကခင်ဗျားတို့နဲ့လိုက်လို့မရဘူး။ လူနာကလမ်းမှာ ဆေးထိုးဖို့လိုဦးမယ်။ ဒါကြောင့် ခင်ဗျားကို ဆေးပစ္စည်းတွေအပ်လိုက်ပြီး လိုတာတွေမှာလိုက်ချင်လို့”

 “ပြောပါဆရာ”

“အရေးကြီးတာက လူနာကိုရေများများမတိုက်မိဖို့ ဂရုစိုက်ပါ။ ရေများများသောက်ရင် သွေးထွက်များမယ်။ ဒါကြောင့် လမ်းမှာ သူရေတောင်းသောက်ရင် ရေဗူးဖုံးတဖုံးစာပဲတိုက်ပါ။ ရေတိုက်တိုင်း ဗီတာမင်ကေ (၂) လုံးထည့်တိုက်၊ နောက်ပြီး သိပ်နာ၊ သိပ်ကိုက်တယ်ပြောရင် ဒိုင်ယာဇီဖင်ထိုးဆေးကို အကြောထဲကနေထိုးပေးပါ။ လူနာအခြေအနေဆိုးလို့ ဥပမာ ထူးထူးခြားခြားအမူအရာပျက်နေရင်တော့ အသက်ကယ်ဆေးကိုအကြောထဲကပေး။ နောက်ပြီး ဆေးတွေကိုလည်း သေသေ ချာချာသိမ်းထားပေးနော်။ ရှင်းရဲ့လား ကျော်ကဒါ၊ မရှင်းရင်၊ နားမလည်ရင်ပြန်မေးနော်”

“ရှင်းပါတယ်ဆရာ”

 ဆေးတွေနဲ့ ဆေးပစ္စည်းတွေကို ကျော်ကဒါကိုအပ်လိုက်သည်။ ခဏနေတော့ မိုးလင်းစပြုလာပြီး၊ လူနာပါနိုးလာ သဖြင့် ဆေးထပ်ပေးရင်း အားပေးစကားပြောရပြန်သည်။ လူနာမှာ ဆေးအရှိန်ကြောင့်ပေလား၊ သူ့ကိုယ်သူထိမ်းနိုင်လာ၍ ပေလားမသိ၊ အရင်လောက်မညည်းတော့။

“ကဲ ကိုမိုရှေးရေ၊ နောက်မှပြန်တွေ့ကြမယ်၊ အားလုံးပဲဗျာ လမ်းမှာဂရုစိုက်ကြပါ။ ရေများများမတိုက်မိစေဖို့တော့ အားလုံးပဲသတိထားကြပါဗျာ”

လူနာကိုထမ်းပြီးထွက်သွားကြပြီ၊ တိုးနိုးနိုပါတယောက် ရှေ့အတော်ရောက်ပြီးမှ ကျနော်ရှိရာသို့ပြန်လာကာ …

“ဆရာရေ ကျနော်တို့ ၂ - ရက်၊ ၃ - ရက်လောက်ကြာရင်ပြန်လာမယ်။ ဆရာ ကျနော်တို့တဲမှာ ပြန်စောင့်နေပေါ့၊ ဂျီသားတွေ ဆရာကြိုက်သလိုလုပ်စား၊ သွားလိုက်ဦးမယ်နော်ဆရာ”

ရွာသားများ ကျနော့်မြင်ကွင်းထဲမှ တစစပျောက်ကွယ်သွားကြပြန်ပြီ။ လယ်ခိုဒိုးသာရွာအနီးတဝိုက်တွင် လူဆို၍ ကျနော်တယောက်ထဲ။ ဒုတိယအကြိမ်မြောက် တယောက်ထဲ။

(၈)

တိုးနိုးနိုပါ ပြန်အလာကို (၅) ရက်ကြာစောင့်ပြီး ပြန်မလာနိုင်တော့ဟုယူဆမိသဖြင့် ကျနော်ကို မူဒိုရွာသို့ပြန်ခဲ့ သည်။ သို့သော်လမ်းရှိ သော့ခေါ်စောရွာသို့အရောက် အရေးပေါ်လူနာရှိနေသဖြင့် (၂) ည ဝင်အိပ်လိုက်ရသည်။ ဒုတိယ ညနေတွင် သံတောင်မှ ပြန်လာသောရွာသားအချို့ထံမှ လယ်ခိုဒိုးသာရွာမှ သတင်းများကို ကြားလိုက်ရ၏။

“ဆရာရေ၊ သောက်ရေခပ်ချောင်းရောက်တော့ မိုရှေးကရေဆာလို့တောင်းသောက်တယ်။ ရေနဲနဲပဲတိုက်ကြပါ တယ်။ ဒါပေမဲ့ သူကဒေါသထွက်ပြီး ငါ့ကိုရေလေးတောင် မသထာကြတော့ဘူးလားလို့ပြောရင်း အော်အော်ပြီးငိုလို့ ရေ အဝပေးသောက်လိုက်ကြတယ်တဲ့။ သောက်ရေခပ်ချောင်းကထွက်ကတည်းက သွေးထွက် ပိုများလာတယ်တဲ့။ နောက် သံတောင်မြို့ လည်းဝင်ရော စိတ်လျှော့လိုက်ပုံရတယ်၊ ဆေးရုံမရောက်ခင် လမ်းမှာပဲအသက်ထွက်သွားတယ်”

“ဟာ ဒါဆို သွားတဲ့နေက့ထဲက မိုရှေးဆုံးတာပေါ့”

”ဟုတ်တယ်ဆရာ၊ ဆရာဆီပြန်အကြောင်းကြားဖို့ လူကြုံကလည်းမရှိ၊ ဟိုမှာလည်းနာရေးကိစ္စနဲ့ လူတွေကလည်း မအားကြ။ ဆရာ့ကိုတော့ အားနာစရာဖြစ်သွားတယ်”

“မလိုပါဘူးဗျာ၊ အစအဆုံးမကူညီလိုက်နိုင်တာကိုပဲ ကျနော်စိတ်မကောင်းဖြစ်မိတာပါ”

ဟုတ်ပါသည်။ ကိုမိုရှေးအခြေအနေမှာ စိုးရိမ်လောက်စရာ အခြေအနေမရှိ။ ငြိမ်းငြိမ်းချမ်းချမ်းကာလဖြစ်ပြီး လမ်း ပန်းဆက်သွယ်ရေးသာကောင်းခဲ့လျှင် ခုလိုဝမ်းနည်းကျေကွဲဖွယ်ရာ အဖြစ်ဆိုးမျိုးနှင့်ကြုံနိုင်စရာမရှိပေ။ ခုတော့ ကလေး နှစ်ယောက်နှင့် သူ့မိန်းမခမျာဒုက္ခဝဋ်ကျွေးကြမ္မာတွေကို ဆက်ခံရရှာပေဦးတော့မည်။

ဆရာစောဘွဲ့မှူးသီချင်းထဲက “တောင်ပေါ်မှာဝေ၊ တောင်ပေါ်မှာနေ၊ တောင်ပေါ်မှာကြွေ သစ်ရွက်တွေလို တို့ဘ၀ဟာလည်း” စာသားလေးလို… ။ ။

(ကရင်ပြည်နယ်၊ တပ်မဟာ (၂)နယ်မြေ၊ သံတောင်မြို့နယ်ရှိ ဘွဲကရင်များ၊ အထူးသဖြင့် လယ်ခိုဒိုးသာရွာသားများနှင့် တိုးနိုးနိုပါတို့မိသားစုအား လွမ်းဆွတ်သတိရခြင်း အမှတ်တရ…)

ကိုသန်းလွင် - အာဏာ၊ သြဇာ၊ ပါဝါ
(မိုးမခ) နိုဝင်ဘာ ၁၊ ၂၀၁၆

(၁)

တခါက မောင့်ထိုင်းတောင်ကုန်း အနီး ကျေးရွာသုသာန်တခုဘေးမှဖြတ်သွားသော ပညာရှိကြီး ကွန်ဖြူးရှပ် မှာ အုတ်ဂူတခု ဘေးတွင် ၀မ်းနည်းပက်လက်ငိုကြွေးနေသော အဘွားအိုတဦးကိုတွေ့သဖြင့် “ဘာကြောင့်များ ငို ကြွေးနေရတာပါလဲ”ဟု မေးခဲ့လေသည်၊ အဘွားအိုက အုတ်ဂူမှာ ကျားကိုက်ပြီးသေသွားသောသားဖြစ်သူ၏ အုတ်ဂူဖြစ်ကြောင်း၊ သား၏ဖခင်နှင့်အတူ အဖိုးဖြစ်သူတို့မှာလည်း အလားတူကျားကိုက်ခံရသောကြောင့်ပင် သေသွားကြရကြောင်းရှင်းပြသည်၊ “ဒါဆိုဘာဖြစ်လို့ ဒီရွာမှာနေနေရတာလဲ ကျားတွေမရှိတဲ့နေရာမှာသွားနေပါ လား” ဟု အကြံပေးလေသည်၊ အဖွါးအိုက “ ဒီရွာမှာက ရက်စက်ကြမ်းကြုတ်တဲ့ အစိုးရ မရှိဘူလေ” ဟု ဖြေလေ သည်။

တခါက တရုပ်ပြည် အင်ပါယာပိုင်ရှင်ဧကရာဇ်မင်းကြီးများသည် ပြည်သူပြည်သားများအပေါ် ကျားသတ္တ၀ါထက် ဆိုးရွားအောင် အုပ်ချုပ်ခဲ့ကြဟန်တူသည်။

(၂)

၁၉၃၈ ခုနှစ်က ဘာထရန်ရပ်ဆဲလ်၏ “ပါဝါ” Power- New Social Analysis ခေါ်စာအုပ်ထွက်ပေါ်လာခဲ့ပါသည်၊ အင်္ဂလန်နိုင်ငံမှ အတွေးအခေါ်ပညာရှင်ကြီး၏ များပြားစွာသော စာအုပ်များအနက်မှ ဤစာအုပ်ကို ထူးခြားသည် ဟုမဆိုနိုင်ပါ၊ သို့ပါသော်လည်း လူ့အဖွဲ့အစည်းတည်ဆောက်ပုံ၊ အစိုးရများဖွဲ့စည်းတည်ဆောက်ပုံ အခွင့်အာဏာ များနှင့် ပါတ်သက်၍ စဉ်းစားတွေးတောစရာအချက်များစွာကို ဤစာအုပ်တွင် တွေ့မြင်နိုင်ပါသည်။

လူတို့၏အပြုအမူများကို စေ့ဆော်တွန်းအားပေးသည့်အရာများစွာရှိသည်၊ ဆစ်ဂမာန်ဖရိုက်က လိင်စိတ်ဆန္ဒ သည် အဓိကဟုဆိုသည်၊၊ ကားလမတ်(စ)က လူတို့၏ ကြွယ်ဝချမ်းသာမှုကအဓိက ကျသည်ဟု ရေးခဲ့သည်၊ ဘာထရန်ရပ်ဆဲလ် ကမူ လူတို့၏ အပြုအမှုကို အလွှမ်းမိုးဆုံးသောအရာမှာ ပါဝါ ခေါ် အခွင့်အာဏာ သာဖြစ် သည်ဟု ဆိုခဲ့ပါသည်။

ကျွန်တော်တို့ သည် တွေးခေါ်ပညာရှင်များ မဟုတ်ကြသောကြောင့် သူ၏ရေးသားချက်အားလုံးကို နားလည် သည်ဟုမဆိုနိုင်ပါ၊ သို့ပါသော်လည်း ရပ်ဆဲလ်က“ပါဝါသည် လူကို ခြစားပျက်စီးစေသည်” ဟုဆိုသည်နှင့်အတူ နိုင်ငံတခု တွင် အုပ်ချုပ်သော အစိုးရများ၏ အခွင့်အာဏာမှာ အထိန်းအကွပ်ရှိသင့်သည် ဟုရေးပြခဲ့ပါသည်။

ကမ္ဘာ့သမိုင်းတလျှောက် ဂရိ၊ အေသင်၊ ပလေတိုတို့ခေတ်မှစတင်၍အစိုးရများ၏ သက်ဦးဆံပိုင်၊ အာဏာရှင်၊ တပါတီစနစ်၊ ဆွေစဉ်မျိုးဆက်စနစ်စသည်ဖြင့် ပုံစံအမျိုးမျိုးရှိကြရာတွင် ဒီမိုကရေစီ စနစ်ဖြင့် အုပ်ချုပ်ခြင်းသည် သာအကောင်းဆုံးဖြစ်သည်ဟုဆိုခဲ့ပါသည်၊ သို့ပါသော်လည်း သမိုင်းကိုပြန်ကြည့်လျင် ဒီမိုကရေစီစနစ် ကြောင့် ပင် အဒေါ့(ဖ)ဟစ်တလာ၏ နာဇီအာဏာရှင်အစိုးရများ တက်လာနိုင်ခဲ့ကြသည်၊ ထို့ကြောင့် ဒီမိုကရေစီစနစ် သည် အဖြေမဟုတ်သေး၊ အဖြေ၏ တစိတ်တပိုင်းအဖြစ်သည်၊ အုပ်ချုပ်သော အစိုးရများကို Check and Balance ခေါ် စီစစ်ထိန်းချုပ်ပေးသည့် နည်းလမ်းများရှိရလိမ့်မည်ဟု ရေးသားခဲ့ ပါသည်၊

သူ၏အကြံပြုချက်များကို ခေါင်းစဉ် ၄ ခုဖြင့်ဆွေးနွေးခဲ့ပါ သည်၊ (၁) နိုင်ငံရေးအခြေအနေ၊ (၂) စီးပွားရေး အခြေအနေ (၃) ၀ါဒဖြန့်ချိရေး၊ (၄) လူတို့၏ စိတ်သဘောထား နှင့်ပညာရေး ဟူ၍ အပိုင်းလေးပိုင်း တင်ပြခဲ့ပါသည်။

ကွန်ဖြူးရှပ်က အုပ်ချုပ်သူများကို လူမှုရေးနှင့် အုပ်ချုပ်ရေး ပညာရပ်များကို သင်တန်းပေးခြင်းဖြင့် ပျော့ပြောင်း မှန်ကန်စွာ အုပ်ချုပ်တက်သော ခေါင်းဆောင်ကောင်းများ ထွက်ပေါ်လာရမည်ဟု ယုံကြည်ခဲ့ပါသည်၊ ဒီမိုကရေ စီစနစ်မှာ ပြည်သူအားလုံး ပြောရေးဆိုခွင့်ရှိအောင် အခွင့်အလန်းများကို ဖန်တီးပေးသော်လည်း ရုတ်တရက် ပေါ်ပြူလာဖြစ်လာသူတဦးကို ကျိုးကြောင်းပြည့်စုံအောင် မစဉ်းစားနိုင်ဘဲ မဲပေးတတ်ကြပါသည်၊

ထိုနည်းတူ ယနေ့ အမေရိကန်ပြည်တွင် ရွေးကောက်ပွဲကို ၂၀၁၆ ခု နိုဝင်ဘာလ ၈ရက်နေ့တွင် ကျင်းပတော့ မည်ဖြစ်ရာ မစ္စတာဒေါ်နယ်ထရန့် မှာ ပြည်သူသန်းပေါင်းများစွာက မဲပေးသဖြင့် ရီပါတ်ပလီကင်ပါတီ၏ သမ္ပတ လောင်းဖြစ်လာခဲ့သည်၊ သူ၏ မဆင်မခြင်ပါးစပ်သရမ်းမှုများအကြောင်းကို ကြားကြရပါသည်၊ သူသည် လက် သရမ်းသူတဦးလည်းဖြစ်ကြောင်း အမျိုးသမီးဆယ်ဦးထက်မနဲ ပြောဆိုနေကြပါသည်၊ ထရန့်ကမဲရလာဒ် ကို အတည်ပြုသင့်မှပြုမည်ဟု၎င်း၊ ပြိုင်ဘက်ကို သူသမ္မတဖြစ်လာပါက ထောင်ချပစ်မည် ဟူ၍ ၄င်းပြောဆိုလျက်ရှိ သည်။

ထို့ကြောင့် ဒီမိုကရေစီစနစ်က ကောင်းမွန်သော အစိုးရကို ရပါလိမ့်မည်ဟု အာမမခံကြောင်း ထင်ရှားပါသည်၊ သို့သော် တိုင်းသိပြည်သိ အကျင့်စာရိတ္တ မကောင်းဘူးဟု ယူဆရသူများကို တိုင်းပြည်ကမရွေးချယ် ဘဲနေနိုင် စေခဲ့ပါသည်၊၊ လူနည်းစုက ကြိုက်သည်ဆိုစေ ထိုအဖွဲ့အစည်းကို တနိုင်ငံလုံးရှိ လူများစုကို အုပ်ချုပ်ခွင့် မပေးရ အောင်တားမြစ်နိုင်ကြပါသည်။

သူက ဒီမိုကရေစီစနစ်အောင်မြင်ရေးအတွက် မွန်တက်စကျူး (Moutesquieu) ၏ ဥပဒေပြုရေးအာဏာ၊ အုပ်ချုပ်ရေး အာဏာနှင့် တရားစီရင်ရေးအာဏာတို့ကို တခုနှင့်တခု လွတ်လွတ်လပ်လပ် ထားရှိရန်လိုကြောင်း ထောက်ပြထားပါသည်၊ တရုတ်ပြည်တွင် ဧကရာဇ်မင်းကြီးများက ပြည်သူ့အကျိုး ကို ကာကွယ်လိုသော ရည်ရွယ်ချက်ဖြင့် “ကိုယ်တိုင်ဝန်ခံချက်မရှိဘဲ ဘယ်သူ့ကိုယ်မှ အပြစ်မပေးရ” ဆိုသော စည်းကမ်းချက်မျိုးကို ချခဲ့ဖူးပါသည်၊ ဤညွှန်ကြားချက်ကို လိုက်နာကြရသော အောက်မှအရာရှိများက တရားခံဆီ မှ ၀န်ခံချက်ကို မရမချင်း ညှင်းပန်းနှိပ်စက်ကြသော (Torture) နည်းကို သုံးလာကြပါသည်၊ တချို့ကလည်း ရဲတို့၏ အာဏာ အလွဲသုံးစားမှုကို မပျောက်စေရန် တရားခံဝန်ခံချက်ကို သက်သေအဖြစ်မသုံးရဟူသော ဥပဒေများပြဌာန်းလိုကြ ပါသည်။

ကားလမတ်(ခ)က နိုင်ငံရေး အာဏာတခုတည်းနှင့် ညီမျှခြေတခုသို့မရောက်နိုင်၊ စီးပွားရေးအင်အား ပါမှသာ တည်ငြိမ်သော လူနေမှုစနစ်ကို တည်ထောင်နိုင်လိမ့်မည်ဟု ရေးခဲ့သည်၊ ထို့ကြောင့် စီးပွားရေးကို နိုင်ငံအစိုးရ ကပိုင်ဆိုင်စေရမည်၊ ထိုအစိုးရသည် ဒီမိုကရေစီအစိုးရဖြစ်စေရမည် ဟုလည်းဆိုခဲ့ပါသည်၊ ကားလမတ်(စ) ၏အဆိုကို တ၀က်ကိုသာသုံးပြီး နိုင်ငံပိုင်စီးပွားရေးစနစ် ထူထောင်ခဲ့ကြကာ ဒီမိုကရေစီ ဖြစ်ရမည်ဆိုသော အချက်ကို လစ်လျူရှု ထားကြသည့် နိုင်ငံများစွာတို့၏ ဥပမာကို ကျွန်တော်တို့ တွေ့နိုင်ကြပါသည်။

အရင်းရှင်နိုင်ငံများတွင် စီးပွားရေးကုမ္ပဏီများမှာ စက်မှုပညာ တိုးတက်မှုကြောင့် အလွန်ကြီးမားလာကြပါ သည်၊ ထိုအခါ အစိုးရများအနေဖြင့် စီးပွားရေးလုပ်ငန်းများကို တပိုင်းတစ သိမ်းသွင်းလာကြသလိုပင် စီးပွားရေး လုပ်ငန်းရှင်များကို ပိုမို၍ ကျယ်ကျယ်ပြန့်နေရာပေးကြရပါသည်၊ အစိုးရကပျော့လွန်းလျင် စီးပွားရေး ကုမ္ပဏီများ က နိုင်ငံရေးကို ချယ်လှယ်လာတက်ကြပါ၏၊ ဘယ်နည်းပင်ဖြစ်စေ တည်ငြိမ်သော နိုင်ငံဖြစ်စေရန် နိုင်ငံရေးနှင့် စီးပွားရေး အာဏာများမှာ တစုတစည်း ရှိနေကြရန် လိုအပ်ပါ သည်။

ပုဂ္ဂလိကကုမ္ပဏီများ အင်အားကြီးမားလာမှုကြောင့် အစိုးရကို ရုပ်သေးရုပ်ဖြစ်စေပြီး အစိုးရ၏အာဏာပိုင်စိုးမှုကို လွှဲပြောင်းယူသင့်သည်ဟု မဆိုလိုပါ၊ အစိုးရများအနေဖြင့် ဘယ်သူ့စကားကိုမှ နားမထောင်ဘဲ ကိုယ်ထင်ရာစိုင်း နေ၍မရဟုသာဆိုလိုပါသည်။

ဒီမိုကရေစီနိုင်ငံများတွင် ပြည်သူလူထုသည် မိမိတို့၏ ခံစားချက်များကို ထုတ်ဖော်ပြောဆိုပိုင်ခွင့်ရှိရသည်၊ ဥပဒေကို ချိုးဖောက်အောင် လှုံ့ဆော်စည်းရုံးခြင်းမပြုသမျှ ပြည်သူတိုင်းက မိမိ၏ဆန္ဒကို ဖော်ပြနိုင်စွမ်းရှိကြရပါ မည်၊ အစိုးရအပေါ် ဝေဖန်မှုပြုသူကို အစိုးရက တရားဝင်ဖြစ်စေ၊ တရားမ၀င်ဘဲဖြစ်စေ အရေးယူအပြစ် ပေး၍ မရပေ၊ အစိုးရအပေါ်ဝေဖန်မှုများ ရှိနေသဖြင့် အစိုးရကမည်သည့်ကိစ္စမဆိုလက်လွတ်စပ္ပါယ်လုပ်၍မရ တော့ပေ၊

နိုင်ငံရေးလွတ်လပ်ခွင့်ရှိရမည်ဆိုသည်မှာမှန်၏၊ သို့ပါသော်လည်း ဟစ်တလာကဲ့သို့ အာဏာရပြီးသည်နှင့် မသမာသောနည်းများကိုသုံးကာ နောက်တကြိမ် မဲအနိုင်ရ အောင်လုပ်ခွင့်မရစေရန် သေချာရေးသားထားသော စည်းကမ်းချက်များရှိရပါမည်။

စိတ်ပညာသဘောအရ အာဏာအလွဲသုံးစားလုပ်မှုများ မပေါ်ပေါက်အောင် ဖန်တီးရန်မှာ အခက်ခဲဆုံးဖြစ်သည်၊ ကြောက်လန့်ခြင်း၊ တဇွတ်ထိုးပြုမူခြင်း လူအုပ်စုနှင့် အကြမ်းဖက်မှုများကြောင့် လူထုသည်ခေါင်းဆောင်တဦးကို မျက်စိမှိတ် ကိုးကွယ်ခြင်းပြုလုပ်လာတတ်ကြသည်၊ အာဏာရှင်ကြီးများမှာ ထိုအခြေအနေကို အခွင့်ကောင်းယူ ခါ မိမိသြဇာကျယ်ပြန့်အောင်ဖန်တီးတတ်ကြသည်။

ထို့ကြောင့် လူထုကို သွေးဆူလွယ်ခြင်းမရှိအောင်၊ ထစ်ကနဲဆို အကြမ်းဖက်နည်းဖြင့် ပြသနာ ဖြေရှင်းကြသော အကျင့်မရှိ်အောင် ပညာပေးကြရပါမည်။

သမ္မတအိုဘားမားက အီရတ်နှင့် အာဖဂန်နစ်စတန်တို့မှ စစ်တပ်များရုတ်သိမ်းခဲ့ရာတွင် အကြမ်းဖက်သမားများ၊ အစွန်းရောက်ဝါဒီများ၏ လွှမ်းမိုးခြင်းကိုမခံရအောင် လူငယ်များကိုပညာပေးမည့် စာသင်ကျောင်းများ တည် ဆောက်ပေးခွင့် မရခဲ့သည်ကို ၀မ်းနည်းမိကြောင်း (Presidential Townhall meeting) တခုတွင် ပြောသံကို ကြားလိုက်ရဖူးပါသည်။

ဒီမိုကရေစီသဘောထား ရှင်သန်ရေးအတွက် လူသည် အရည်အချင်းနှစ်မျိုးရှိဖို့လိုသည်၊ လူသည်မိမိဖါသာ ယုံကြည်မှုရှိပြီး မှားယွင်းသောဝါဒဖြန့်မှုကို ချက်ချင်းလက်ခံခြင်းမပြုသော ကိုယ်ပိုင်ခံယူချက်မျိုးရှိသင့်သည်၊ သို့ပါသော်လည်း အများဆန္ဒအရ တညီတညွတ်ဆုံးဖြတ်ထားချက်မျိုးကို လိုက်နာနိုင်စွမ်းလည်းရှိရမည်၊ ဤအချက်နှစ်ခုမှာ တခုနှင့်တခု ဆန့်ကျင်ဖက်ဖြစ်နေလေရာ အမှားအမှန်ကိုဆုံးဖြတ်ရန်မှာ မလွယ်ကူဘဲရှိ တတ်ပါသည်။

ဒီမိုကရေစီစနစ်အောင်မြင်စေရန် လူတို့တွင် အမုန်းတရားနှင့် ဖျက်လိုဖျက်ဆီးလုပ်လိုမှုများ ကင်းရှင်းရမည်၊ ၄င်းမှာလူတို့၏ ကိုယ်ပိုင်စာရိတ္တ၊ အသိဥာဏ်နှင့် နှင့် ၀ုန်းကနဲ ကောက်ချက်ဆွဲခြင်းကို ရှောင်ရှားနိုင်ခြင်းအပေါ် တွင်မူတည်နေပါသည်၊ လူတို့သည် နိုင်ငံရေး၊ စီးပွားရေးအခြေအနေဆိုးများနှင့် ဆိုင်နေရလျင် ဆီလျော်သော ဆုံးဖြတ်ချက်များကိုချနိုင်ရန် လူတိုင်းတွင် လုံလောက်သော ပညာအရည်အချင်းရှိထားကြရန် လိုပါသည်။

တချို့သော မိဘများနှင့် ကျောင်းများက ကလေးများကိုစာသင်ကြားရာတွင် ရိုသေကျိုးနွံစေသောအကျင့်ကို သင်ပေးလိုကြရာ ၄င်းတို့က ကျွန်များ သို့မဟုတ် သူပုန်များဖြစ်အောင် တွန်းနေကြသလိုဖြစ်ပြီး လူအဖွဲ့အစည်ုး အတွက် လိုအပ်သောလုပ်သားများကို ဖန်တီးပေးရာမရောက်ပေ၊ ဒီမိုကရေစီစနစ်က လူအများနှင့် လိုက်လျော ညီထွေဖြစ်အောင် အလုပ်လုပ်တတ်သော လုပ်သားများကိုသာ လိုအပ်ပါသည်။

(၄)

ရပ်ဆဲလ်က လူမှုရေးညီမျှမှုများရရှိစေရန် အာဏာခွဲဝေရေးတွင် လက်တွေ့အကျနိုင်ဆုံးနှင့် ညီတူညီမျှ ဖြစ်စေ ရမည်ဟု ဆော်သြခဲ့ပါသည်၊ လူနေမှုစနစ်ကို ထိမ်းကျောင်း ဦးဆောင်နိုင်ရန်မှာ ချမ်းသာကြွယ်ဝခြင်းကပဓါန မဟုတ်၊ သြဇာ အာဏာကသာ အဓိကပိုကျသည်ဟုသူယုံကြည်ခဲ့ပါသည်၊ နိုင်ငံတော်သည် မြေနှင့်သယံဇာတ တို့ကို ပိုင်ဆိုင်သော်လည်း အစိုးရမှာ ဒီမိုကရေစီအစိုးရ မဟုတ်လျင် ပြည်သူ့အတွက် အကျိုးမရှိနိုင်ဟုလည်း ရေးသားခဲ့ပါသည်၊

ဂျော့အိုဝဲလ်က ၁၉၃၈ ခုနှစ် ရပ်ဆဲလ်၏စာအုပ်ကိုဖတ်အပြီး ဘာထရန်ရပ်ဆဲလ်လို ပုဂ္ဂိုလ်မျိုး ထောင်ကျခံမနေ ရဘဲ လွတ်လပ်သော ကမ္ဘာတွင် အသက်ရှင်နေဆဲဖြစ်သည်ဆိုသောအချက်ကပင် သူ့အတွက်ကျေနပ်ပီတိ ဖြစ်ရပါသည် ဟုဆိုခဲ့သည်၊ အကယ်၍ ရပ်ဆဲလိ၏စာအုပ်တွင် အချို့သော စာမျက်နှာများမှာ ဖတ်စရာမပါ ဗလာကျင်းနေသည်ဟုဆိုပါလျင် သူကအငြင်းပွားစရာမရှိသော အများသိ၊ အမှန်တရားများကို ရေးထားသော ကြောင့်သာဖြစ်ပါလိမ့်မည်၊ သို့ဆိုလျင် ယနေ့ အသိဥာဏ်ရှိသော လူတို့၏တာဝန်မှာ အမှန်တရားကို ပင် ထပ်ခါထပ်ခါ ပြောပြရန်တာဝန်ရှိသည်ဟု ဆိုရလိမ့်မည်၊ အင်အားသုံး၍ စည်းလွတ်ဝါးလွတ် အနိုင်ကျင့်ကြ သော ယနေ့ခေတ်တွင် ထိုအချက်များကို ထပ်ချည်းတလဲလဲ ပြောကြရပါလိမ့်မည်၊

ဒီမိုကရေစီစနစ်သည်စီးပွားရေးညီမျှမှုမရှိခဲ့လျင်၎င်း၊ ထိုက်တန်သော ပညာရေးစနစ်မရှိခဲ့လျင်၎င်း အဓိပ္ပါယ် မပြည့်ဝ အနှစ်သာရကင်းမဲ့နေတတ်ပါသည်၊ စာရေးသူအများစုသည် ဒီမိုကရေစီ၏ အနှစ်သာရကို ချီးချီးပပ ပြောဆိုနိုင်ကြပြီး ထိုအခြေအနေကို ရောက်ရန် ဘာလုပ်ရမည်ဆိုသော နည်းလမ်းများကိုမူ တိတိပပ မပြောနိုင် ကြပေ၊

ကျွန်တော်တို့သည် နိုင်ငံအသီးသီး အစိုးရအသီးသီးတို့၏အပြုအမူနှင့် နိုင်ငံတို့၏ အတက်အကျသမိုင်း ဖြစ်ရပ် များကို လေ့လာနေကြဆဲဖြစ်ပါသည်၊ လူ့ဘောင်ကောင်းကျိုးအတွက် လိုက်နာအပ် သတိပြုအပ်သော အချက် များကိုလည်း ရေးသားဝေဖန်နေကြရဆဲဖြစ်ပါသည်၊ မည်သို့ဆိုစေ ကမ္ဘာတွင် အာဏာရှင်စနစ်များသည် တစစ ပြိုကွဲပျက်ပြုန်းရမည်ဆိုခြင်းမှာ အမှန်တရားတရားတခုဖြစ်နေပါပြီ၊

ကွန်ပျူတာခေတ်၊ သတင်းနည်းပညာခေတ် ကိုမရောက်မှီ ၁၉ရ၀ ခုနှစ်ကကွယ်လွန်သွားသောကြောင့် အင်တာနက် တော်လှန်ရေးအကြောင်း ရပ်ဆဲလ်၏ အမြင် အယူအဆများကို ကျွန်တော်တို့ ကြားနာခွင့်မရတော့ ပါ၊ တခေတ်တခါက ကမ္ဘာကြီးကိုပိုမိုအေးချမ်းသောနေရာ ဖြစ်စေရန် အတွေးခေါ်အမြင်သစ် များစွာကိုရေးသား ခဲ့သော ဖီလိုဆိုဖာကြီးအဖို့ ယနေ့ခေတ်သစ်အကြောင်း ပြောစရာမြောက်များစွာ ရှိနေမှာသေချာပါသည်။

ကိုသန်းလွင်

Reference: Power: A new Social Analysis By Bertrand Russell

artistsinspireartists.com

ယောဟန်အောင် -  ဆေးမှူးကလေးရဲ့ ပြောပြချက် 
(မိုးမခ) နိုဝင်ဘာ ၁၊ ၂၀၁၆

ငါ ငိုကြွေးပြီကောင်လေး...
ဆေးမှူးလေးရေ
စစ်ပွဲနံ့တွေရနေတယ်...။

တိမ်တွေဟာ သူ့မိုးစက်တွေကို
သိမ်းလိုပါလျက် စွန့်ရသလို
ဝါထိန်စိုပြေ တောင်ယာတွေ
ငါတို့စွန့်ရလေတော့မယ်။

တောကောင်တွေ
ရွာမှာဝင်နေ၊ သေဆုံးတဲ့ရွာ
တေးသံပျောက်ဆုံး
မီးခိုးပျောက်ဆုံး
ကျောက်တုံးတွေတောင် သေနေသလို...။

ပုရစ်ကောက်သလို
ပုန်းတဲတွေ ဖြိုခံရလေတော့မယ်။
တချို့တလေလဲ
တသီတတွဲကြီး ဖမ်းခံရ
ပြန်တွေ့ကြတော့မှာ မဟုတ်ဘူး...။

တောင်ကျချောင်းရေကြမ်းတာမျိုး
အဆိုးရွားဆုံး သက်တမ်းတချိန်
အို ...ကျိန်စာတော်
သားရဲတွင်းကို ဖန်ဆင်းတော်မူတယ်..။

ငါတို့ရဲ့ မျှော်လင့်ခြင်းတွေ
ဆုတောင်းအပ်နှင်းနိုင်တဲ့
ဘုရားကျောင်းတွေ
မီးထဲ လဲလျောင်းခဲ့ရ
ပြာဟောင်းမြေမှာ မြက်ထောင်းထောင်းထ
ဆာလောင်တဲ့အခါကျမှ
ဗိုက်ဝတဲ့ကျေးဇူးတော်ကို ကြည်နူးရတယ်..။

ဘုရားသခင်ဟာ ဘယ်တော့မှ မအိပ်ဘူး
သူမြင်တယ်။
ကညင်ဆီ မီးတုတ်လို
ထူးခြားထွန်းလင်းတဲ့
ကြီးမားအားရှိတဲ့ ဘုရားသခင်
ငါထင်တယ်..
အခုတော့ သူအလုပ်များနေတယ်။

မိုးကျမှ
မျက်နှာပြရတဲ့ မှိုပွင့်များလို
ငါတို့ရွာပုန်းတွေ
ဘယ်ရာသီအထိ ခိုရမလဲ။
လင်းနို့ငှက်တွေ အိပ်တန်းတက်သလို
ဘယ်ခါ အိမ်ကိုပြန်ရမလဲ။
စစ်ပွဲပြီးတဲ့အခါ
ပြန်လည်ရှင်သန်ခြင်းရွာ
တခါ ဖန်ဆင်းပါလိမ့်မယ်။

နားစွင့်စမ်း ကောင်လေး...
အဲဒါဟာ
ကျွဲချိုမှုတ်တဲ့ တေးသံထင်တယ်....။

ယောဟန်အောင်
၁၉၉၇ နိုဝင်ဘာ ၁၁။

မောင်မိုးသူ - စိန်မြင့် သုံးယောက် အကြောင်း
  (မိုးမခ) နိုဝင်ဘာ ၁၊ ၂၀၁၆

မနက်က မောနင်းစတားကို စိန်မြင့်လာပါတယ်။ လာတော့ မောင်မိုးသူ စားပွဲမှာ လာရပ်၊ မောင်မိုးသူကို လက်ဆွဲပြီးနေကောင်းလားဘာလားလို့ အာလာပ သလ္လာပ ပြောနေတာပေါ့လေ။ မောင်မိုးသူလည်းဝိုင်းထဲက ပုဂ္ဂိုလ်များနဲ့ အဲဒါမန္တလေးက စိန်မြင့်ပေါ့၊ နာမည်ကျော် နာမည်ကြီးပါပဲလို့ ပြောရတာပေါ့။

ဟုတ်ပါတယ်။ စိန်မြင့်ဟာ မန္တလေးမှာက ရွှေချည်ထိုး စိန်မြင့်ဆိုပြီး နာမည်ကျော်ပေါ့။ ကြံ့ခိုင်ဖွံ့ဖြိုးရေးခေတ်မှာလည်း လူကြီးတစ်ယောက် လုပ်ဖူးထင်ပါ့။ အဲသည် စိန်မြင့်ဟာ ဝင်းဖေတို့၊ ပေါ်ဦးသက်တို့၊ မောင်မိုးသူတို့ထက် နည်းနည်းငယ်ပါတယ်။ ပေါ်ဦးသက်နဲ့တော့ အမျိုးတော်သလား မသိပါဘူး။ ပန်းချီမှာလည်း နာမည်ကျော်ပေါ့ ခင်ဗျ။ မောင်မိုးသူက သူ့လက်ရာတွေကို မြင်တိုင်း မင်းလက်ကတော့ ပေါ်ဦးနဲ့ ဝင်းဖေ စပ်ကျထားတဲ့သူလို့ ပြောဖူးပါတယ်။ ပေါ်ဦးရဲ့ မြန်မာမှုနဲ့ ဝင်းဖေရဲ့ မော်ဒန်ကိုတစ်မျိုး ဖြစ်အောင် စပ်ရေးနိုင်တဲ့သူလေ။ စိန်မြင့်ရဲ့ နတ်ကားတွေက အထင်အရှားအကျော် အကြားပေါ့။

စိန်မြင့်နဲ့ ဥမ္မာမိုးမြင့်တို့ နှစ်ယောက်တွဲ ထရိတ်ဒါးဟိုတယ်မှာလုပ်တဲ့ ပြပွဲကိုလည်းသွားဖူးသလို ဝင်းဖေမြန်မာပြည် ပြန်ရောက်စဝင်းဖေနဲ့ စိန်မြင့်နှစ်ယောက်တွဲပြတဲ့ပွဲလည်း မောင်မိုးသူသွားဖြစ်ရောက်ဖြစ် အားကျဖြစ်ရ ပါတယ်။

တစ်လောက ရုပ်ရှင်အစည်းအရုံး ရုပ်ရှင်သက်ကြီးပူဇော်ပွဲမှာ ဝင်းဖေနဲ့တွေ့တော့ ဝင်းဖေက သူကတော အရုပ်တွေရေးနေရတယ်ဗျာ၊ ကိုမိုးကောတဲ့။ မောင်မိုးသူက ကျွန်တော်ကတော့ ဆောင်းပါးတွေရေးနေရတာနဲ့ ပန်းချီဘက်ကိုမလှည့်နိုင်ပါဘူး၊ မလှည့်ဖြစ်သေးပါဘူးလို့ ပြောရပါတယ်။ ဝင်းဖေကတော့ မြှောက်ပေးတယ်။ ဆွဲပါဗျ၊ ပန်းချီဆွဲရတာ ပျော်စရာကောင်းပါတယ်တဲ့။

ဟုတ်ပါတယ်။ ကင်းဗတ်အဖြူထည်ကြီးပေါ်မှာ အရောင်တွေတင်ရတာ၊ ရေးရတာ၊ ဆွဲရ တာ ပျော်စရာကောင်းကြောင်း မောင်မိုးသူသိပါတယ်။ ဒါပေမဲ့ ဖုတ်ပူမီးတိုက် ဆောင်းပါးတွေ အများကြီး အများကြီးရေးနေရလေတော့ ပန်းချီဘက်ကိုမလှည့်နိုင်ဘူး ဖြစ်နေပါတယ်။

အဲသည် ရုပ်ရှင်သက်ကြီးပူဇော်ပွဲမှာပဲ ဂရေ့စ်ခေါ် ဆွေဇင်ထိုက်က မောင်မိုးသူကို လူတွေသူတွေအကြားမှာ ဦးစိန်မြင့်လို့ခေါ်ပြီး နှုတ်ဆက်ပါတယ်။ ဆွေဇင်ထိုက်ခေါ် ဂရေ့စ်ရဲ့ မိဘနှစ်ပါးလုံးနဲ့လည်းသိ၊ ဂရေ့စ်ရဲ့ညီမ ဒေါ်လီနဲ့လည်း မောင်မိုးသူ သိတဲ့အပြင် ဆွေဇင်ထိုက်နဲ့လည်း ရုပ်ရှင်ကားကြီးတစ်ကား၊ ဗီဒီယိုတစ်ကား၊ နှစ် ကားတိတိ မောင်မိုးသူ ဒါရိုက်တာလုပ်ပြီး ရိုက်ဖူးပါတယ်။

ဂရေ့စ်က မောင်မိုးသူကို ဘယ်အချိန်တွေ့တွေ့ ဦးစိန်မြင့်လို့ခေါ်လေ့ရှိပါတယ်။ မောင်မိုးသူကလည်း အေး ညည်းယောကျာ်း ဟိုအကောင်ကို သတိရတိုင်း မောင်မိုးသူကို ဦးစိန်မြင့် ခေါ်နေတာပေါ့လေဆိုတော့ သူက စပ်ဖြဲဖြဲလုပ်နေပါ တယ်။ တကယ်လည်း ဆွေဇင်ထိုက်ရဲ့ ခင်ပွန်းက စိန်မြင့်ပဲလေ။ ကလန်ကလားနဲ့ ရုပ်ရှင်မင်းသားစိန်မြင့်ပေါ့။ အဲသည် စိန်မြင့်နဲ့ မောင်မိုးသူတို့ကတော့ စိန်မြင့်တို့ ညီအစ်ကို ဆန်းညွန်ဦးမှာလုပ်က တည်းက သိပါတယ်။ စိန်မြင့်နဲ့ မိုးသူက သက်တူရွယ်တူလောက်ပဲ ရှိလိမ့်မယ်ထင်ပါရဲ့။

စိန်မြင့်က ရုပ်ရှင်ထဲကို မောင်မိုးသူနောက်မှ ရောက်လာတာပါ။ သူ့ရဲ့ပထမ ဆုံးကား သာကေတ မြရတနာရုံမှာ တင်တုန်း စိန်မြင့်ကိုမင်းသားတင်ပြီးရိုက်ချင်တဲ့ ကုမ္မဏီတစ်ခု က သူ့ဇာတ်ရုပ်နဲ့ ကားတစ်ကားရေးပေးလို့လာအပ်တော့ မောင်မိုးသူက စိန်မြင့်ကို လူချင်းရင်းပေမဲ့ ရုပ်ရှင်ဇာတ်ရုပ်ကို မသိဘူး၊ သူ့ကား ရန်ကုန်မှာတင်တုန်းကလည်း မကြည့်ဖြစ်ဖူးဆိုတော့ သာကေတ မြရတနာရုံမှာတင်ထားတဲ့ ကားသွားကြည့်ပါဆိုပြီး ရုပ်ရှင်ကုမ္မဏီက ကားစီစဉ်ပေးပါတယ်။

ညနေ ၆း၃၀ နာရီ သာကေတ မြရတနာရုံမှာ စိန်မြင့်ဇာတ်ကားပြသနေတုန်းဖြစ်ပါတယ်။ မောင်မိုးသူ ရုံရှေ့ရောက်တော့ လူတွေက ရုံးစုရုံးစုနဲ့ မောင်မိုးသူကို ဝိုင်းကြည့်ကြပါတယ်။ သူတို့က ရုပ်ရှင်မင်းသား စိန်မြင့်လာမယ်ဆိုလို့ စောင့်နေကြတာတဲ့။ တချို့ကလည်း ပိန်တာ ရှည်တာပဲ တူတာပါကွလို့ ပြောကြဆိုကြပေါ့။

စိန်မြင့်က ဆွေဇင်တိုက်နဲ့ အိမ်ထောင်ကျပါတယ်။ သူတို့ရဲ့သမီးကလေး နွေးနွေးဟာ မောင်မိုးသူရဲ့ အငယ်ဆုံးသား ညီညီနဲ့  မတိမ်းမယိမ်း၊ ဖြူဖြူပိန်ပိန်ကလေးတွေ။

စိန်မြင့်နဲ့ မောင်မိုးသူ စာပေဟောပြောပွဲမှာလည်း အတူဟောဖူးပါတယ်။ ဟောပြောပွဲမှာ စိန်မြင့်က ကျွန်တော်က ဘာမှ မဟောတတ်ဘူးခင်ဗျလို့ပြောတာကိုပဲ ပရိသတ်ကပွဲကျ နေတာကို ကြုံရဖူးပါတယ်။

စိန်မြင့် ကွယ်လွန်တော့ စိန်မြင့်ရဲ့အသုဘကို ဂရေ့စ်ကတာဝန်ယူပါတယ်။ ဂရေ့စ်ရဲ့ နံဘေးမှာရှိတာက ဒါရိုက်တာမောင်ဝဏ္ဏနဲ့ မောင်မိုးသူ။သည်နှစ်ယောက်ကတော့ အရပ်မတူပေမဲ့ ရုပ်ကတူတယ်။ နှုတ်ခမ်းမွေးပါတာရော၊ စုတ်ချွန်းချွန်းနိုင်တာရော၊ အရက်သောက်တာချင်းရော။ ဒါပေမဲ့ မောင်မိုးသူက မောင်ဝဏ္ဏထက် အသက်ကြီးပြီး ရုပ်ချောပါတယ်။ မောင်ဝဏ္ဏက မောင်မိုးသူကို တစ်သက်လုံး အစ်ကိုအစ်ကိုနဲ့ ပေါင်းပြီး အတူသောက်ခဲ့ကြတာ ။ စိန်မြင့်ရဲ့ အသုဘမှာ ဂရေ့စ်နံဘေးမှာရှိခဲ့တဲ့ မောင်ဝဏ္ဏလည်း ခုတော့ မရှိပြီပေါ့။ အဲဒါက မောင်မိုးသူနဲ့ နာမည်တူ ရုပ်ရှင်မင်းသားစိန်မြင့်ဖြစ်ပါတယ်။

နောက်ထပ် နာမည်တူ စိန်မြင့်ကတော့ မောင်မိုးသူကိုယ်တိုင်ပါပဲ။ မောင်မိုးသူရဲ့ ငယ်နာ မည်က စိန်မြင့်ဖြစ်ပါတယ်။ ကျောင်းသားဘဝနာမည်ကလည်း စိန်မြင့်ပဲ၊ အထက်တန်း အောင်လို့ မန္တလေးတက္ကသိုလ်ရောက်တော့ ကျောင်းသားခေါင်းဆောင်လုပ်တုန်းက လည်း နာမည်ကစိန်မြင့်ပဲဖြစ်ပါတယ်။ ကဗျာတွေစာတွေရေးတော့ ကလောင်နာမည်က မောင်သက်ဦး ဖြစ်ပါတယ်။

၁၉၅၈ မှာ အဖမ်းခံရပြီး စိန်ပန်းဂါတ်တဲမှာချုပ်ထားတုန်း အပြင်ကစာနယ်ဇင်းတွေကို စိန်မြင့် နာမည်၊ မောင်သက်ဦး နာမည်နဲ့ရေးလို့ မဖြစ်နိုင်တော့ကြည်အေးကို စွဲလမ်းတဲ့ မောင်မိုးသူဟာ ကြည်အေးရဲ့ ညကြီးမိုးချုပ် ထပြီးထိုင်နေဆိုတဲ့ တစ္ဆေကဗျာကို ကြည်အေးက မမိုးသူဆိုတဲ့ ကလောင်အမည်နဲ့ရေးခဲ့တာကို သတိရပြီး မောင်မိုးသူဆိုတဲ့ ကလောင်အမည်ယူခဲ့တာပဲဖြစ်ပါတယ်။

အချုပ်ထဲကလွတ်တော့ တက္ကသိုလ်ပြန်မတက်ဖြစ်တော့ဘဲ စာပေလောကထဲ ခြေစုံပစ်ဝင်လိုက်တော့ မောင်မိုးသူဖြစ်နေပါပြီ။ ၁၉၅၉ ကပါ။ အဲသည်လိုနဲ့ စာပေ လောက၊ ရုပ်ရှင်လောကတွေမှာ မောင်မိုးသူလို့ပဲ သိကြသူ ကများပြီးစိန်မြင့်ဆိုတဲ့ နာမည်ကို သိတဲ့သူတောင်အတော်ရှားသွားပါတော့တယ်။ ရှစ်လေးလုံးအရေးတော်ပုံမှာ ပါတာလည်း မိုးသူ၊ အင်န်အယ်လ်ဒီအဖွဲ့ တည်ထောင်ရာမှာပါတာလည်း မိုးသူမို့ ထောင်ထဲမှာ မိုးသူရဲနာမည် ကိုရေးတာတောင် စိန်မြင့်ခေ မိုးသူလို့ မရေးဘဲမိုးသူခေါ် စိန်မြင့်လို့ ရေးဆွဲထားလေတော့ စစ်အစိုးရက မိုးသူကိုပဲထောင်ချချင်နေတာ၊ မိုးသူကိုပဲ စာမရေးစေချင်တာ၊ ရုပ်ရှင်မရိုက်စေချင်တာ၊ နိုင်ငံရေး မလုပ်စေချင်တာလို့ မှတ်ယူခဲ့ရပါ တယ်။

၂၀ဝ၀ ပြန်အလွတ်မှာ မိုးသူနာမည်ကို သုံးခွင့်ရပါတယ်။ စိန်မြင့်နာမည်ကိုတော့ မန္တလေး စိန်မြင့်လာတဲ့အခါ၊ ဒေါ်ဆွေဇင်ထိုက်က ဦးစိန်မြင့်လို့ ခေါ်တဲ့အခါမှ ကိုယ့်နာမည်ကို စိန်မြင့်မှန်း ပြန်မှတ်မိရပါတယ်။

စိန်မြင့်သုံးယောက်အကြောင်းဖြစ်ပါတယ်။

မောင်မိုးသူ

စီစီသွယ် (S/OKA ၀၈၉ ၈၁၈) - နိုင်ငံတော်အတိုင်ပင်ခံ၏ ပန်ကြားချက်နှင့် ပြည်ဝင်ခွင့်
(မိုးမခ) နိုဝင်ဘာ ၁၊ ၂၀၁၆

အသံတွေ ကြားနေရသည်။ အမေရိကန်ပြည်ထောင်စု မြန်မာသံရုံး၏ အင်တာနက်စာမျက်နှာထဲ ၀င်ကြည့်ရတာလဲ အကြိမ်ကြိမ်။ အမိမြေနင်းခွင့်ရရန် ဖြည့်ရသည့် လျှောက်လွှာပုံစံများလည်း နဂိုအတိုင်း။ ခံဝန်ချက်ထုိုးရသည့် အချက်များလည်း တုပ်တုပ်မျှ မလှုပ်။ ပျောက်ကွယ်ခြင်း မရှိသေး။ ကွန်ပျူတာများ၊ အသိများ၏ လက်ကိုင်ဖုန်းများမှ ၀င်ကြည့်တော့လည်း တွေ့ရှိချက်က အတူတူ။

နိုင်ငံတော်အတိုင်ပင်ခံက ပြည်ပရောက် မြန်မာနိုင်ငံသားများ မြန်မာပြည်သို့ လာရောက်ကူညီပါ။ တိုင်းတပါးသားများအားလည်း လာရင်းကိစ္စလုပ်ရင်း မြန်မာနိုင်ငံသားများအား တတ်နိုင်သည့် ကိစ္စများ လုပ်ပေးသွားပါ၊ သင်ပေးသွားပါ ဟု ပန်ကြားသည်။

တကယ်လက်တွေ့မှာတော့ ပြည်ဝင်ခွင့်လျှောက်လွှာပုံစံများတွင် ပါရှိသည့် အချက်များကြောင့် မြန်မာနိုင်ငံတွင်းတွင် ကူညီမှုများ တရားဝင် လုပ်ပေး၍ မရပါ။

တိုင်းတပါးသားများလည်း လာရင်း ရည်ရွယ်ချက်မှ လွဲ၍ တရားဝင် ကျန်တာ လုပ်ခွင့် မရှိပါ။ နိုင်ငံခြားသားများ လျှောက်နိုင်သည့် ပြည်ဝင်ခွင့် ၁၁ မျိုးတွင် “အလုပ်ရာဇ၀င်” လျှောက်လွှာပုံစံကို ဖြည့်ရပါသည်။

ပြည်ပမှ မြန်မာနိုင်ငံသားများနှင့် ၎င်းတို့၏ မိသားစု ရင်းချာများ ပြည်ဝင်ခွင့်လျှောက်ရာတွင် ကိုယ်ရေးရာဇ၀င်၊ အလုပ်ရာဇ၀င်၊ လူမှုရေးဗီဇာ၊ သံအမတ်ကြီးသို့ လိပ်မူသော လျှောက်လွှာပုံစံ၊ စုစုပေါင်း ၄ စောင် ဖြည့်ရပါသည်။

သို့မှသာ မိဘဆွေမျိုးများ၏ အိမ်တွင် နေထိုင်ခွင့် ရှိမည်။

(၁) သံအမတ်ကြီးသို့ လိပ်မူသော ပုံစံတွင် မိဘဆွေမျိုးများနှင့် တွေ့ဆုံလိုခြင်း သက်သက်ကြောင့် ပြန်ခွင့်ပြုပါရန်

(၂) အလုပ်ရာဇ၀င် လျှောက်လွှာပုံစံတွင် လာရင်းရည်ရွယ်ချက်မှ လွဲ၍ ဆက်စပ်ခြင်း မရှိသည်များကို မလုပ်ရပါရန်

(၃) လူမှုရေးဗီဇာ လျှောက်လွှာပုံစံတွင် အခကြေးငွေ ယူ၍ဖြစ်စေ၊ မယူဘဲဖြစ်စေ မည်သည့်ကိစ္စတွင်မှ ပါဝင်ပတ်သက်ခြင်း မရှိပါရန် … စသည့် ခံဝန်ချက် ကန့်သတ်ချက်များ ပါရှိနေပါသည်။

အထက်ပါအချက်များကြောင့် မြန်မာပြည်သို့သွားလျင် မိဘဆွေမျိုးများနှင့် တွေ့ဆုံခြင်းမှ လွဲ၍ တရားဝင် ကျန်တာလုပ်၍ မရပါ။ ထိုအချက်များ တရားဝင် မဖြုတ်သ၍ နိုင်ငံတော်အတိုင်ပင်ခံ၏ ပန်ကြားချက်ကို တရားဝင်လုပ်ဆောင်ပေးရန် မဖြစ်နိုင်ပါ။ နိုင်ငံ၏ အကျိုးပြုလုပ်ငန်းများကို တရားဝင်လုပ်ဆောင်ခွင့် မရှိပါ။

“က၀ိအို၏ အိမ်ပြန်ချိန်” ရေးချိန်တွင် သိမ်းထားသော ပြည်ဝင်ခွင့်လျှောက်လွှာပုံစံများကို အလွယ်တကူကြည့်နိုင်ရန် တင်ပြပါသည်။ အမေရိကန်နိုင်ငံရှိ မြန်မာသံရုံး (Washington DC, New York, Los Angelese) အင်တာနက်စာမျက်နှာများတွင်လည်း ၀င်ရောက်ကြည့်ရှုနိုင်ပါသည်။

နိုင်ငံတော် အတိုင်ပင်ခံ၏ ဆန္ဒ၊ ပြည်သူ့ဆန္ဒများ ပြီးပြည့်စုံစေရန် ရည်သန်လျက်


စီစီသွယ် (S/OKA ၀၈၉ ၈၁၈)
ခေတ္တ အမေရိကန်ပြည်ထောင်စု

လက်ရှိပုံစံတွေကိုလည့်း မြန်မာသံရုံးရဲ့ ဝဘ်ဆိုက်ဒ် စာမျက်နှာဖြစ်တဲ့ http://www.mewashingtondc.com/visa_en.phpမှာ ကြည့်လို့ရပါတယ်

 

အဲလိုထူး - ဂါ… ဂါ … ဂါရဝ
(မိုးမခ) နိုဝင်ဘာ ၂၊ ၂၀၁၆
စီးပွားရေးလက်ကြီးသမားတွေ.. အရာရှိအရာခံကြီးတွေနဲ့ ပတ်သက်တဲ့အသိုင်းအဝန်းကြားမှာတော့.. အတိုကောက်အဖျားဆွတ်ပြီး …ဂါ… တယ်ဆိုရင်ပဲ ပြည့်စုံကုံလုံနေပါပြီ။ သူတို့လူကြီးတွေကိုယ်တိုင်က လိုလိုချင်ချင်သုံးစွဲနေတဲ့ ဘန်းစကား အသုံးအနှုံးဖြစ်ပါတယ်။ သူတို့မှာတော့ အဆင့်ဆင့်သွားကြရတဲ့ အနေအထားရှိပါတယ်။ စီးပွားရေးလောကမှာ တော်ရုံတန်ရုံ တနိုင်တပိုင် လုပ်ငန်းသေးသမားက နိုင်ငံတော်အဆင့်လုပ်ငန်းကြီးသမားကို ဂါ ရတယ်၊ အသက်အရွယ်နဲ့မဆိုင်ဘူး၊ ဆရာဂုဏ်သမားဂုဏ်နဲ့ မဆိုင်ဘူး၊ တခါ နိုင်ငံတော်အဆင့် စီးပွားရေးသမား (ခရိုနီလို့လည်းခေါ်ကြတယ်) ကလည်း သူနဲ့ပတ်သက်ဆက်နွယ်နေတဲ့ နိုင်ငံတော်အဆင့် လူကြီးမင်းတွေကို ဂါရတယ်။ အဲဒီနိုင်ငံတော်အဆင့်လူကြီးမင်းတွေကလည်း သူ့ထက်ကြီး… ရွှေပြည်စိုးတွေကို သူ့အဆင့်အတန်းအလိုက် ဂါကြရပါတယ်၊ ယခုလိုသီတင်းကျွတ်ကာလမျိုးဆိုရင် ဂါလို့ မဆုံးကြတော့..။ အဆင့်ဆင့်ကို ဂါနေကြရတာ.. ဒါလည်း..လုပ်ငန်းသဘောတွေနဲ့ ဆက်စပ် ပတ်သက်နေတာ အမှန်ပါပဲ။

တကယ်တော့..ဂါရဝပြုတယ် ကန်တော့တယ်ဆိုတာ ကိုယ်ထက်အသက်အားဖြင့် ဝါအားဖြင့် ရာထူးအားဖြင့် ကြီးမြတ်တဲ့သူတွေ မိဘဆွေမျိုးဆရာသမားတွေကို ဝါထွက်မှာ ကန်တော့ကြတဲ့အလေ့အထပါ။ အင်မတန် ကောင်းမွန်တဲ့အလေ့အထပါ။ ဒါကိုလိုအပ်တဲ့နေရာဆွဲယူပြီး စီးပွားရေးအပေးအယူအတွက် ကောင်းကောင်းကြီး အသုံးချနေတာမျိုးကတော့ ဆယ့်ခြောက်နှစ်သားတို့ရဲ့ ဘာသာစကားနဲ့ပြောရရင်… မမိုက်ဘူး။

နိုင်ငံပိုင်သတင်းစာတွေထဲမှာ ဆရာကန်တော့ပွဲနဲ့ပတ်သက်တဲ့ လှုပ်ရှာမှုတွေ အစပျိုးနေကြတာ တွေ့မိပါတယ်၊ ဘယ်ကျောင်းရဲ့ ဆရာကန်တော့ပွဲကိုတော့ ဘယ်ရက်… ဘယ်ရက်မှာ ကျင်းပမှာဖြစ်ပါတယ်၊ အနယ်နယ်အရပ်ရပ်ကို ရောက်နေတဲ့ ကျောင်းသူကျောင်းသားဟောင်းတွေအနေနဲ့ ဒီလို ဆက်သွယ်ပါဆိုပြီး၊ ဂါရဝတရားကို ဖော်ကျုးတဲ့ပွဲ။ 

တိုက်တိုက်ဆိုင်ဆိုင်ပါပဲ၊ ဆွမ်းပတ်တခု တာဝန်ယူထားလို့ မွေးရပ်မြေပြန်တဲ့အချိန်မှာပဲ အလယ်တန်း အထက်တန်းတက်ခဲ့တဲ့ကျောင်းက ဆရာကန်တော့ပွဲကျင်းပရေးကော်မတီ ဖွဲ့တဲ့ အစည်းအဝေးကို တက်ရောက်ပေးဖို့ ဖိတ်ကြားတယ်။ ကိုယ်က.. ရန်ကုန်ရောက်ကျောင်းသားဟောင်းတွေရဲ့ ကိုယ်စားပေါ့။ လုပ်နေကျ နယ်ခံဦးလေးဦးကြီးတွေက နာယကနေရာနေပြီး ကိုယ်တွေသက်တမ်းကလူတွေနဲ့ ဆရာ ကန်တော့ပွဲဖြစ်မြောက်ရေးကော်မတီကို ဖွဲ့စည်းလိုက်တယ်။ ကိုယ့်ကို စာပေနယ်ထဲမှာ ရှိနေမှန်းသိလို့ ဆရာကန်တော့ပွဲ အမှတ်တရစာစောင်တခု ထုတ်ဝေနိုင်ဖို့ တာဝန်ပေးတယ်။ ကိုယ်လည်း တာဝန်ယူပါတယ်ပေါ့။ အ.ထ.က (ထူးကြီး) မြတ်ဆရာ ပူဇော်ကန်တော့ပွဲ အမှတ်တရစာစောင်..။

အဲဒီမှာ.. မနှစ်က  ကော်မတီဟောင်းကတင်ပြပြီး နာယကဆရာတဦးက ဆွေးနွေးတဲ့အကြောင်းအရာတခုကို အာရုံစိုက်မိတယ်။ ဆရာဟောင်း ဆရာမဟောင်းတွေကို ကန်တော့တဲ့ငွေကြေးတန်ဖိုး၊ မနှစ်က ဆရာ/ ဆရာမတဦးကို ၆၀၀၀၀ (ခြောက်သောင်းကျပ်) ကန်တော့တယ်လို့ ဆိုပါတယ်။ အခုခေတ်လို ငွေကြေးဖောင်းပွမှုမျိုးနဲ့ စာရင် အလွန်နည်းပေါ့။ ခြောက်ဆယ်ကျော် ခုနှစ်ဆယ် ရှစ်ဆယ် ဆရာကြီး ဆရာမကြီးတွေအဖို့ တပည့်တွေအပေါ် ကျောင်းအပေါ် တာဝန်ကြေခဲ့တာနဲ့စာရင် ငွေခြောက်သောင်းက ဘာမှ မပြောပလောက်ဘူး ဖြစ်နေတယ်။ ဒါကြောင့် ဒီနှစ်မှာတော့ ခုနှစ်သောင်းလောက် တိုးပေးဖို့ ကော်မတီအသစ်ကို တင်ပြ ဆွေးနွေးလာခြင်း ဖြစ်ပါတယ်။ အကျိုးမသိ အကြောင်းမသိ ဆိုရင်တော့ တိုးပေါ့။ တကယ်ဆို ဆရာ ဆရာမတဦးကို တစ်သိန်းလောက် ပေးသင့်တာ။

ဒါပေမဲ့ ကော်မတီသစ်မှာ တာဝန်ရှိသူတယောက်က ထပြီး ဆွေးနွေးရှင်းလင်း တယ်။ အရင်နှစ်က.. ကန်တော့ခံ ဆရာ ဆရာမ (၉၆) ယောက်ရှိပြီး ဒီနှစ်မှာတော့ အသက်ခြောက်ဆယ်ပြည့်ပြီး ကန်တော့ခံစာရင်းဝင် သွားတဲ့ ဆရာဆရာမ ခြောက်ဦး ခုနှစ်ဦးလောက် ထပ်တိုးဖို့ ရှိတဲ့အတွက် ကန်တော့ခံအရေ အတွက်က ရာကျော်ဖြစ်သွားမှာ သေချာတယ်လို့ တင်ပြပါတယ်။ ဒီတော့.. တဦးလျှင် ၆၀,၀၀၀ နှုန်းနဲ့ မြှောက်ချလိုက်ရင်တောင် သိန်း (၆၀) လောက် လျှောခနဲ ကုန်သွားမှာဖြစ်တဲ့အကြောင်း၊ ဆရာကန်တော့ပွဲ အခမ်းအနားပီပီပြင်ပြင်ဖြစ်မြောက်အောင် အကျွေးအမွေးနဲ့ ဧည့်ခံမှုအပိုင်းမှာ ကုန်ကျတာတွေနဲ့ ပေါင်းလိုက်ရင် နှစ်စဉ် သိန်း (၁၀၀) ရဲ့ အထက်မှာပဲ ရှိတယ်ဆိုတဲ့အကြောင်း၊ ဒီနှစ်မှာ.. စီးပွားရေးလုပ်ငန်းကိုင်ငန်းတွေလည်း ချို့တဲ့၊ လယ်သမား ယာသမားတွေလည်း ထွက်နှုန်းနည်း ဈေးနည်းဖြစ်နေတာကြောင့် အလှုငွေ သိန်းတစ်ရာပြည့် အောင် တိုက်တိုက်တွန်းတွန်း အလှူငွေ ရှာဖွေရမှာဖြစ်တယ်လို့ တင်ပြလာပါတယ်။ ဒါလည်း ထည့်သွင်းစဉ်းစားရ မယ့် အချက်တစ်ချက် ဖြစ်နေပါတယ်။ ဝါကျတွေကို ချုံ့ချလိုက်ရင် ကိုယ့်ဆရာ ဆရာမတွေကို ဂါဖို့ကို စီစီစစ်စစ် ချင့်ချင့်ချိန်ချိန် လုပ်ရမယ့်သဘော၊ လတ်တလော မဆုံးဖြတ်နိုင်သေးပဲ အလှူငွေအခြေအနေပေါ်ကြည့်ပြီး လုပ်ကြတာပေါ့လို့ မှတ်ချက် ရေးသွင်းလိုက်ရပါတယ်။

ဆရာကန်တော့ပွဲတာဝန်တချို့ကို ကိုင်ပြီး ရန်ကုန်ပြန်ရောက်တော့ ဧည်သည်အဖြစ် ညီတော်မောင် ရောက်လာ တယ်။ သူ့ အကြောင်းတရားနဲ့သူပါ။ မြို့ထဲထွက်ရက်နဲ့ ကြုံနေတာမို့ အပြန်မှာ အတူပြန်ကြမယ် ချိန်းလိုက်တယ်။ လမ်း(၄၀)ထိပ်က GOLDEN SKY မှာ ချိန်းလိုက်တော့ အိတ်အရှည်ကြီး တလုံးဆွဲပြီး ဆိုင်ထဲဝင်လာတယ်။

သူကိုလည်း ဆရာကန်တော့ပွဲနဲ့ပတ်သက်တဲ့ တာဝန်တခု ပေးစရာရှိတယ်။ သူက. .နိုင်ငံတော်အဆင့် တာဝန်ထမ်းဆောင်နေရသူ။ သူတို့နယ်ပယ်မှာ ထူးကြီးကျောင်းထွက်တွေ အများကြီး ရှိတယ်။ ရာထူးကြီးကြီးတွေရော… သေးသေးတွေရော၊ ဒါတွေဆီက အလှူခံပေးဖို့ပြောမယ် ဆို… ဆရာကြီး ဆရာမကြီးတွေကို ဂါရဝပြုကြဖို့၊ သူကလည်း ကောက်ပေးမယ်လို့ အာမခံထားပါတယ်။ လောလောဆယ်တော့ သူ သောက်ဦးမယ်ပေါ့။ ဝိုင်းထဲက ပုလင်းလက်ကျန်ကို လက်လှမ်းပြီး လက်နှစ်လုံးလောက် လောင်းထည့်၊ ရေခဲထည့်ရေ ထည့်ပြီး စာရေးဆရာ ကာတွန်းဆရာတွေနဲ့ တသားတည်းဖြစ်အောင် မော့ချလိုက်တယ်။ ပြီးတော့ သူမှာပါလာတဲ့ စက္ကူအိပ်ကို ဟပြီး ပုလင်းရှည်အတောင့်ကြီးကို ဆွဲထုတ်လိုက်တယ်။ ဒါကိုချကြမလားပေါ့။

အာလုံးတွန့်သွားကြတယ်။ Blue Label။

လက်ရှိ ဝိုင်းထဲမှာ သောက်နေကြတာက GRAND ROYAL ဝီစကီအပြာ၊ တစ်ပိုင်းပြားနဲ့ ဘီယာသုံးလေးခွက်၊ ကြက်ဥကြော်ကလေးနှစ်လုံး၊ ဘယ်လိုမှ လိုက်ဖက်မှု မရှိပါဘူး၊ သူ့ကို ဂါလိုက်တာလို့ ဆိုပါတယ်။ ဆရာ ဆရာမတွေကို ဂါဖို့အကြောင်းပြောရင်းနဲ့ တန်ကြေးအားဖြင့် တစ်သိန်း ရှစ်သောင်းကျော် ရှိတယ်လို့ သိတဲ့ လူကပြောပါတယ်။

ဆရာ ဆရာမတွေအတွက် တယောက်ကို ခြောင်သောင်း ဂါ တာကနေ ခုနှစ်သောင်း တိုးဖို့ ဘယ်လိုလုပ်ကြမလဲလို့ စဉ်းစားရ ခက်နေတဲ့ကြားမှာ…။

အဲလိုထူး

ဆောင်းယွန်းလ - “နှစ်ဆယ့်ရှစ်နှစ်တံဆိပ်နဲ့ အင်္ကျီ”
(မိုးမခ) နိုဝင်ဘာ ၂၊ ၂၀၁၆
တချို့နေရာတွေက ကွဲကုန်ကြပြီး
တချို့နေရာတွေကတော့ ပြဲကုန်ကြပြီ။


တချို့နေရာတွေက ချုပ်ရိုးတွေပြုတ်ပြီး
တချို့နေရာတွေက အသားဆွေး လောက်တွေဖွေးခဲ့ပြီ။

တချို့နေရာတွေမှာ အဖာအထေးတွေများလာခဲ့ပြီး
တချို့နေရာတွေမှာတော့ အနာဖေးတွေများလာခဲ့ပြီ။

အဲဒီ နှစ်ဆယ့်ရှစ်နှစ်တံဆိပ်နဲ့ အင်္ကျီကိုပဲ
တချို့က ကျည်ကာအင်္ကျီတထည်လို ဝတ်ထားကြပြီး
တချို့က ဆုတ်ဖြဲပြီး မီးရှို့ဖျက်ဆီးပစ်လိုက်ကြပြီ။

အဲဒီ နှစ်ဆယ့်ရှစ်နှစ် အင်္ကျီကိုပဲ
တချို့က သေတ္တာထဲ ခေါက်သိမ်းထည့်ထားပြီး
တချို့က အပြစ်အနာရှာပြီး တံဆိပ်ခွာခဲ့ကြပြီ။

အဲဒီ နှစ်ဆယ့်ရှစ်နှစ် အင်္ကျီကိုပဲ
တချို့က အမြတ်အစွန်းနဲ့ လေလံတင် ရောင်းလိုက်ကြပြီး
တချို့က ရက်လည်ဆွမ်းသွပ် အမျှဝေလိုက်ကြပြီ။

ငါတို့မှာသာ
အဲဒီ ဟောင်းနွမ်းသွားတဲ့ အင်္ကျီလေးရဲ့ တံဆိပ်ကို
လမ်းသွားတိုင်း အပြင်ဘက်ထုတ်ဝတ်ထားကြရင်း
သတင်းကြီးတဲ့ မင်းသမီးရဲ့ ဇာတ်သိမ်းခန်းကို
ကန္တာရထဲမှာ မိုးမျှော်သလို မျှော်ခဲ့ကြ…။

ဆောင်းယွန်းလ (အောက်တိုဘာ ၃၁ရက်၊ ၂၀၁၆)
ကျောင်းသားတပ်မတော် (မကဒတ) ဖွဲ့စည်းခဲ့ခြင်း ၂၈နှစ်မြောက်အတွက် အမှတ်တရ ရေးဖြစ်ပါသည်။

ဟေမန်သဇင် - Halloween Festival ... ဟောလိုဝင်းပွဲတော် နဲ့ တွေးမိတွေးရာ
(မိုးမခ) နိုဝင်ဘာ ၂၊ ၂၀၁၆

အမေရိကန် ပြည်ထောင်စုမှာ အောက်တိုဘာ ၃၁ ရက်နေ့  ကို ဟောလိုဝင်း ပွဲတော် နေ့  လို့  သတ်မှတ်ထားတယ်။ ဒီနှစ် မှာ တော့ အောက်တိုဘာ ၃၁ ရက်နေ့  က တနင်္လာ နေ့  ဖြစ်တာ ကြောင့် ကျောင်း တွေ အလုပ်တွေ မှာ တော်တော် များ များ ဟာ သူတို့ နှစ်သက်တဲ့ ၀တ်စုံတွေ ၀တ်ပြီး ကျောင်းသွား အလုပ်သွားကြတယ်။ ကျောင်းတွေ အလုပ်တွေ မှာ လည်း ဟောလိုဝင်း ပါတီ တွေ ကို ပျော်ပျော် ပါးပါး လုပ်ကြတယ်။

ဟောလိုဝင်းနားနီး ပြီ ဆို စတိုးဆိုင်တွေ ဈေးတွေ မှာ ရွှေဖရုံ သီး အသေး အလတ် အကြီး ဆိုဒ်စုံ ရောင်းကြတယ်။ သူတို့ တွေ ကို အိမ်တွေ ရှေ့  မှာ ချထား ပြီး ဟောလိုဝင်း ကို ကြိူ ကြတာကိုး ။
ဒီလိုပဲ ဟောလိုဝင်းနဲ့ ပတ်သက်တဲ့ ဝတ်စုံတွေ အမျာကြီး ကို စတိုးဆိုင်တွေမှာ ရောင်းကြတယ်။ စုံးမ ..သူရဲ စတဲ့ ဝတ်စုံ က စလို့  စင်ဒရဲ လား ၀တ်စုံ. စူပါမန်း.. ဘက်မန်း.. သူနာပြု..ဆရာဝန်.. မီးသတ်.. စတဲ့  အသင့်ချုပ်ပြီးသား အမျိုးမျိူး အစုံ စုံ ကို ကိုယ်ကြိုက်တာ ရွေး ၀ယ်နိုင်သလို .. ကိုယ့် ပုံစံ စတိုင်နဲ့ ကိုယ့်ဖာသာ ဒီဇိုင်းထွင်ပြီး ချုပ်တဲ့ သူ တွေ လည်း ရှိတယ်။ ဟိုးတုန်း က တော့  ၀တ်စုံတွေ ဟာ တယောက်နဲ့  တယောက် ပိုပြီး ကြောက်စရာ ကောင်းတဲ့ ဒီဇိုင်း တွေ နဲ့ အပြိုင်အဆိုင် ၀တ်ကြဆင်ကြတယ်။ ကြောက်စရာ့ မျက်နှာဖုံးတွေ တပ်နဲ့ ပေါ့။

ဒါပေမဲ့  ဒီဖက် နှစ်တွေ မှာ အမုန်းတရားတွေ အကြမ်းဖက် တာတွေ ကြိ့ ကြား ကြို့ ကြား တွေ ဖြစ်နေတော့.. ဟောလိုဝင်း မတိုင်မီမှာပဲ.. တချို့  စတိုးဆိုင်တွေဟာ ..မျက်နှာဖုံး နဲ့  ၀တ်စုံတွေ မရောင်းဖို့  သူတို့ ဖာသာ သူတို့ တွေ ဆုံးဖြတ်တယ်ဆို တဲ့  အကြောင်း သတင်းထဲ မှာ တွေ့ လိုက်ရသေးတယ်။

အိမ်တွေမှာလည်း ဟောလိုဝင်း အပြင်အဆင်တွေအတွက် တနှစ်နဲ့ တနှစ် မရိုးရအောင်.. အမျိုးမျိုး အဖုံုံ ဖုံ ပြင်ကြ ဆင်ကြတယ်။ ပင့်ကူအိမ်တွေ.. အရိုးခြောက်တွေ.. ကြောက်စရာ့  အရုပ်တွေ.. တို့ လို တွဲလောင်း နဲ့ .. တချို့  အိမ် တွေ မှာ ဆုို ရောင်စုံ မီးတွေ ထိန်ထိန်ထွန်းပြီး ဟောလိုဝင်း ကို ကြို ကြတယ်။ ကိုယ်တွေ နဲ့  ကပ်ရက် က အိမ်မှာ ဆို သူ့ အိမ်ရှေ့  ခြံ ကို သချိင်္ုင်း ကြီး လို ပြင်ထားတယ်။ တအိမ်ကျော် ကလည်း သရဲ ခြောက်တဲ့ အိမ် ပုံစံ ပြင်ထားပြီး လာတဲ့  သူတွေ ကို စိတ်ဝင်စား အောင် လုပ်ထားတယ်။

ကိုယ်တွေ က တော့  တခြားသူတွေ လို ထွေထွေထူးထူး ပြင်ဆင်မထားပါဘူး။ ညဖက်မှာ ၀တ်စုံ အမျိုး မျို နဲ့  လာကြမဲ့  ဟောလိုဝင်း ချစ်သူတွေ အတွက်.. ကြို ဆို ပါတယ်.. အိမ်ကိုလာပြီး Trick or Treat လာပြီး တောင်းလှည့် ပါ....ဆိုတာ သိအောင်.. လျှပ်စစ်ရွှေဖရုံသီး လေးထွန်း.. အိမ်ရှေ့  မီးကို ဖွင့်ပြီး စောင့် နေရုံ ပါပဲ။

ကိုယ်တို့  လမ်းလေး မှာ တချို့ အိမ်တွေ ဟာ ဟောလိုဝင်း အတွက် တကယ့် ကို စိတ်ပါလက်ပါ ပြင်ဆင်ကြတာမို့  အဲဒီနေ့  ဆို ကိုယ် တို့ လမ်းဟာ တကယ့် ကို စည်ကားပါတယ်။ ည ၆နာရီ ခွဲ လောက်က စပြီး ကလေး အရွယ်စုံ ဟာ သူတို့ ကြိုက်တဲ့  ၀တ်စုံလေးတွေ ၀တ်ပြီး တအိမ် ၀င် တအိမ်ထွက် Trick or Treat မေးကြ.. အိမ်ရှင် တွေ က လဲ Treat လို့ ပြောပြီး သူတို့  စီစဉ်ထားတဲ့ လက်ဆောင်လေးတွေ ကို ပေးကြပေါ့။ တော်တော် များများ က ကိုယ်တွေ လိုပဲ သကြားလုံး မျိုးစုံ.. ကွတ်ကီး နဲ့  ချောကလက်မျိုးစုံ ကို ပါလာတဲ့  ပုံးလေးတွေ..အိတ်လေးတွေ ထဲ ထည့်ပေးကြတယ်။ တချို့ တွေ က တော့  တခြား လက်ဆောင်လေးတွေ.. ကလေး တွေ အကြိုက် Sticker လေးတွေ.. အထွေအထူးလေးတွေကို ထုပ်ပိုးပြီး ပေးလေ့ရှိတယ်။

ကိုယ်တွေ ဖက်မှာ လာလေ့ ရှိတဲ့ သူ တွေ ဟာ ကလေးတွေ များပါတယ်။ ၂ နှစ် ၃နှစ် က စလို့  မူကြို မူလတန်း အရွယ်တွေ များပါတယ် ။ သူတို့ တွေ ရဲ့  မိဖ တွေ အဖိုးအဖွားတွေ ကြီးဒေါ်တွေ ဖြစ်ဟန် တူတဲ့  လူကြီးတွေ ဟာ ခြံဝ တွေ မှာ စောင့် ပြီး သူတို့ ကလေး တွေ ရဲ့ Trick or Treat တောင်းတာ ကို စောင့် ပေးကြတယ်။ ပြီးရင် Thank you.. Happy Halloween လို့ ကလေးတွေက အိမ်ရှင်တွေကို ပြောဖို့  ခပ်လှမ်းလှမ်း က နေ လှမ်းသတိပေး သင်ပေးကြတယ်။ သူတို့ ကိုယ်တိုင် ကလည်း ခြံထိပ်ကနေ သူတို့ ကလေးတွေ အတွက် Thank You လို့ လှမ်းပြောကြတယ်။

 တနှစ်မှာ ဒီတရက်ဟာ ကိုယ်နဲ့ မသိတဲ့ သူတွေ ဆီကနေ ပျော်ပျော်ပါးပါး တောင်းလို့ ရတဲ့ နေ့ ဖြစ်သလို ပေးတဲ့ သူတွေ ကလည်း ကိုယ်နဲ့ တခါမှ မသိဖူး မမြင်ဖူး တဲ့ သူတွေ ကို ပျော်ပျော်ရွှင်ရွှင် ပေးကြတဲ့ နေ့ လေးတနေ့  လည်းဖြစ်တယ်။ အကောင်းနဲ့ အဆိုး ဟာ ဒွန်တွဲ နေသလို ပဲ.. ဒီလို နေ့ တွေ မှာ အခွင့်ကောင်းယူပြီး ဒုစရိုက်တွေ လုပ်တဲ့သူတွေ လည်း ရှိနေတတ်တယ်။ ဒါပေမဲ့  ဆောင်ရန် ရှောင်ရန်တွေ သတိတရားတွေ နဲ့  ဒီဓလေ့ ကို လက်ဆင့် ကမ်းပြီး တနှစ်ပြီး တနှစ် ဆင်နွဲ နေဆဲပါပဲ။

ကလေးတွေ အတွက်တော့  ဟောလိုဝင်းဟာပျော်စရာပေါ့။။ သူတို့  ကြိုက်တဲ့ ဝတ်စုံ လေး တွေ ၀တ်.. ညဖက်ရောက် ရင် တလမ်းဝင် တလမ်းထွက် တအိမ်ဝင် တအိမ်ထွက်.. Trick or Treat လုပ်ပြီး ..ရလာတဲ့ သကြားလုံးတွေ ကွတ်ကီးတွေ ချောကလက်တွေ.. လက်ဆောင်လေးတွေ.. တပွေ့ တပိုက်နဲ့  .. အိမ်ရောက် ရင်သူတို့ ရလာတာလေးတွေ တစိမ့်စိမ့် ကြည့်နဲ့ ပေါ့။

ကိုယ်တွေ အတွက်ကောလို့ တွေးလိုက်မိတော့ .. ကလေးတွေလုို ကိုယ်က Trick or Treat မလုပ်ဖြစ်ပေမဲ့  နှစ်တိုင်း ၀တ်စုံအမျိုး မျိုး နဲ့ လာ တဲ့ အရွယ်စုံ ကလေးတွေ အတွက်.. သကြားလုံးမျိုးစုံ ကို တောင်းကြီးထဲ အပြည့်ထည့် ပြီး ..လာသမျှ တွေ ကို Treat..Treat လို့ ပြောပြီး ပေးရတာ.. ပျော်စရာ ဟောလိုဝင်း နေ့ လေး ဖြစ်ပါစေ..လို့ ပြန်နှုတ်ဆက်ရတာ .. ဟာ ကိုယ့်စိတ်ကို ချမ်းမြေ့ စေတယ်။

ဒီလို အချိန်မှာ ကိုယ်တွေ ဖက်မှာ နွေကုန်ပြီး ဆောင်းဝင်စပြုပြီပေါ့။ နွေ မှာ အားပါးတရ မြင်ရတဲ့  နေရဲ့  အလင်းရောင် ကို ဒီအချိန်မှာ တိုရေရှားရေ ပဲမြင်ရတော့တယ်။ မနက်ဆို လည်း နောက်ကျ မှ နေ ကို မြင် ရ တော့ သလို ညနေ ဆိုလည်း တနေ့ ထက်တနေ့  စော စော ပြီး နေ၀င် သွားတော့ တနေ့ ထက် တနေ့  အမှောင်ဟာ စော စော ပြီး ရောက် လာတော့တယ်။ ဒါ့အပြင် ရာသီဥတု ကလည်း တဖြည်းဖြည်း အပူဓါတ်တွေ နဲ နဲ လာပြီး အအေး ဓါတ်တွေ က ပိုပို ကဲလာနေတယ်။ 

လူစိတ် သဘာဝ ဟာ လည်း ဥတုရာသီ ကို အမှီပြုတယ် ထင်ပါရဲ့ ။ အသက်အရွယ်ပေါ် မူတည်ပြီး အမှီပြု ပမာဏ ဟာ တိုက်ရိုက်အချိုး ကျတယ်ထင်ပါ့ ။ ရာသီဥတု ကြည်လင်ရင်.. စိတ်ကလေးဟာ ရွှင်ပြ ဖို့  လွယ်တယ်။ ရာသီ က မုန်မှိုင်း..မိုး က တစိမ့်စိမ့်.. အအေးက ကဲ ဆိုရင်တော့ .. စိတ် ကလေး ဟာ ဥတုရာသီ လိုပဲ မှုန်တုန်တုန် မှိုင်းတိုင်းတိုင်း ဖြစ်ချင်သလိုသလို နဲ့  ..  ဒီလို အချိန်မျိုးမှာ ဒီလို ဟောလိုဝင်း ပွဲတော် ကျင်းပတာဟာ.. လကွယ်ည မှောက်မိုက်နေတဲ့  ကောင်းကင်မှာ ကြယ်တွေ ကို ပြိုးပြိုးပျက်ပျက် မြင်လိုက်ရသလို..မှုန်မှိုင်း ချင်နေတဲ့  စိတ် လေး ကို လည်း အပျော်ဓါတ်လေး ပက်လိုက်သလို ခံစားရပါတယ်။

နေရာတိုင်းမှာ အလုံးစုံ ပြည့်စုံနိုင်ဖို့ ဆိုတာ ရှားပါတယ်။ တရားမျှတလို မှု့  နဲ့  မတရားအနိုင်ကျင့်လိုမှု့ .. ငြိမ်းချမ်းလိုမှု့  နဲ့  အကြမ်းဖက်လိုမှု့ ..ပျော်ရွှင်နုးညံ့ လိုမှု့ နဲ့  နှိပ်စက် ညှဉ်းပမ်းလိုမှု့  စတဲ့ ဆန့်ကျင် ဖက်တွေဟာ အမြဲလိုလို.. စီးချင်းထိုးနေသလိုပါပဲ.. ဒီလို ဟောလိုဝင်းပွဲတော်မှာလည်း ရုပ်ဆိုး အကျဉ်းတန်စေတဲ့  ဖြစ်ရပ်တွေ က လဲ ကြို့ ကြား ရှိနေတာပါပဲ.. ဒါပေမဲ့ ဒါတွေကို ဆင်ခြင်သတိနဲ့  ပျော်ရွှင်တဲ့ ပွဲတော် ပုံရိပ်ကလေး ဆက်ဆက်ပြီး ဖြစ်နေဖို့  ကို မျိုးဆက်တွေ တဆက်ပြီး တဆက် လက်ဆင့်ကမ်း ပေးနေတယ်လို့  ကိုယ့်စိတ်ထဲ မြင်မိခံစားမိသလိုပဲ။ ဒီလို အတွေးကလည်း ဥတုရာသီ နဲ့  အပြိုင် မှုန်တုန်တုန် မှိုင်းတိုင်းတိုင်း ဖြစ်နေတဲ့  စိတ်ကလေး ကို အကြည်ဓါတ် ကလေး ပက်လိုက်သလို ကြည်လင် လန်းဆန်းလာသလို ခံစားရမိပါတယ်။

ဟောလိုဝင်းရဲ့ သမိုင်းကြောင်း နောက် ခံ ကို စိတ်ဝင်စားရင်တော့   Wiki တို့  Google တို့  မှာ ရှာလိုက်ရင် တပုံတပင် ကြီး တွေ့ နိုင်တာမို့  သူနဲ့ ဆက်စပ်ပြီး ပေါ်လာ တဲ့ တွေးမိတွေးရာ ကို ပဲ ရေးလိုက်တာပါ။

 Nov 01. 2016

 
လှမျိုးထွန်း ● မြန်မာ့ဆိုရှယ်လစ်လမ်းစဉ်ကို ပြောင်းရန် ၁၉၇၆ ခုနှစ်တွင် အာဏာသိမ်းရန် ကြိုးပမ်းခြင်း
(The Ladies News Journal / မိုးမခ) နိုဝင်ဘာ ၂၊ ၂၀၁၆
ဗိုလ်ကြီးအုံးကျော်မြင့်၏ အမှုက ၁၉၇၆ ခုနှစ်တွင် တိုင်းပြည်၏ စိတ်ဝင်စားမှုကို အခံရဆုံး ဖြစ်ခဲ့သည်။ အရပ်ထဲက လူတွေကတော့ နိုင်ငံတော် လုပ်ကြံမှုဟု ခေါ်ကြ၏။ မဆလအစိုးရ သတင်းစာတွေကတော့ နိုင်ငံ ခေါင်းဆောင်များကို လုပ်ကြံရန် ကြံစည်မှုဟု ခေါင်းကြီးတပ်ရေးခဲ့သည်။ လုပ်ကြံမှုကို ခေါင်းဆောင်သူက ကာကွယ်ရေးဦးစီးချုပ် အသစ်၏ ကိုယ်ရေးအရာရှိ၊ ပူးပေါင်း ဆောင်ရွက်သူတွေကလည်း တပ်မတော် အရာရှိကြီးများ၏ ကိုယ်ရေးအရာရှိတွေ၊ အသေးအမွှားကိစ္စကို အကြောင်းပြုကာ မကြာသေးခင်က ရာထူးမှ ထုတ်ပယ်ခြင်းခံရသော ဗိုလ်ချုပ်ကြီးဟောင်း တဦးကလည်း ကြံရာပါအဖြစ် ပါဝင်သည်ဟု ရေးတော့ အားလုံးက စိတ်ဝင်စားခဲ့တာ အမှန်ပင်ဖြစ်သည်။

စစ်အုပ်ချုပ်ရေးနှင့် စစ်တပ် အသွင်ပြောင်း အုပ်ချုပ်ရေး တလှည့်စီ အုပ်ချုပ်တာကို မျိုးဆက် ပေါင်းများစွာ ခံလိုက်ရတာကြောင့် သမိုင်းနှင့် ပတ်သက်သော ဖြစ်ရပ်ပေါင်းများစွာကို ကောလာဟလအဖြစ် နှင့်သာ မြန်မာနိုင်ငံသားတွေ သိခဲ့ရတာ များသည်။ တပ်အုပ်ချုပ်ရေးတွေ ဘယ်လိုပဲ နာမည်ပြောင်းပြောင်း မပြောင်း တာကတော့ စာပေနှင့် သတင်းလွတ်လပ်ခွင့်ပင် ဖြစ်သည်။ တာဝန်ကျေတာထက် ပိုအလုပ်လုပ် တတ်သည့် ဆင်ဆာဘုတ် အဖွဲ့ဝင်တွေကြောင့် အဖြစ်မှန်တွေက ဦးစားပေးမခံရ။ အချို့သော ဖြစ်ရပ်များက ဒဏ္ဍာရီပုံပြင်လို ကျန်ရစ်ခဲ့သော်လည်း အချို့သောဖြစ်ရပ်များက လက်ခံသောသူ၏ နိုင်ငံရေးအမြင်နှင့် သုံးသပ်ချက်ပေါ် မူတည်၍ သူရဲကောင်းတဖုံ မိုက်မဲသော တလမ်းသွားသမား တလှည့်အဖြစ် ကျန်ရစ်လေသည်။ ပြည်သူ့အစိုးရ ခေတ်ဟု မကြားတကြား ပြောခွင့်ရသော ယခုအချိန်တွင် လွန်ခဲ့သော အမှောင်ခေတ်က ထုတ်ဖော်ပြောခွင့် မရသော အကြောင်းအရာ ပေါင်းများစွာ စာတစောင် ပေတဖွဲ့ဖြင့် ထုတ်ဝေခွင့် ရလာခဲ့ပြီ ဖြစ်သည်။

လွန်ခဲ့သော နှစ်ပေါင်းလေးဆယ်နီးပါးက ဗိုလ်ကြီးအုန်းကျော်မြင့် ခေါင်းဆောင်ခဲ့သော မအောင်မြင် ခဲ့သည့် နိုင်ငံတော် လုပ်ကြံမှုအကြောင်း ထိုစဉ်က ကိုယ်တိုင်ပါဝင် ပတ်သက်ခဲ့သူတဦး ရေးသည့် စာအုပ် မကြာသေးမီက ထွက်ပေါ်လာသည်။ ရေးသားသူ ကိုယ်တိုင်က တပ်မတော်က ဗိုလ်ကြီးဟောင်းတဦး ဖြစ်သည့် အပြင် လက်ရှိအာဏာရ ပါတီကြီးတွင် ထင်ရှားသော ဗဟိုအလုပ်အမှုဆောင် အဖွဲ့ဝင်လည်း ဖြစ်သည်။ အဖြစ် အပျက်နှင့် တိုက်ရိုက်ပတ်သက်ခြင်း မရှိသူတွေ၊ ထိုခေတ်ကို မမီလိုက်သူတွေ အတွက်တော့ မသိသောအချက် အလက်တွေ အများအပြား ဖတ်ခွင့်ရသည်။ စာရေးသူကတော့ “ကျွန်တော်ရေးချင်တဲ့ အကြောင်း၊ ကျွန်တော်ပြောချင်တဲ့ အကြောင်း” ဟု စာအုပ် အမည်ပေးထားသလို သူပြောချင်တာတွေကိုချည်း တအုပ်တမကြီး ပြောချသွားခဲ့သည်။ အဓိကဇာတ်ဆောင် ဗိုလ်ကြီးအုန်းကျော်မြင့် အကြောင်းတွေက အနည်းငယ်သာ ပါဝင်၏။

စစ်ရုံးတွင် တာဝန်ကျသော ဗိုလ်ကြီးတဦးနှင့် ကာကွယ်ရေးဦးစီးချုပ်၏ ကိုယ်ရေးအရာရှိ တဦးတို့၏ စားရိပ်သာတွင် ဆုံလေ့ရှိသည့် အကြောင်းကလွဲ၍ ဘာတခုမှမပါ။ ဒါကလည်း ပြသ၁နာမရှိပါ။ သူသိသလောက်သာ ရေးပေလိမ့်မည်။ သို့သော် ဗိုလ်ကြီးအုန်းကျော်မြင့်၏ လူကြီးများကို လုပ်ကြံဖို့အထိ ဖြစ်ပေါ်လာသော အကြောင်းတရားနှင့် အကြံအစည် အထမြောက်သွားခဲ့ပါက ဘာတွေ ဆက်လုပ်မည်ဟူသော ရည်ရွယ်ချက် အကြောင်းကို သုံးသပ်ပုံကတော့ ထူးဆန်းသည်ဟု ဆိုရမည်ဖြစ်သည်။ ဗိုလ်ချုပ်ကြီးတင်ဦးကို ဘာမဟုတ်သည့် အကြောင်းပြချက်ဖြင့် ကာကွယ်ရေး ဦးစီးချုပ်အဖြစ်မှ ဖယ်ရှားလိုက်ခြင်းကို မကျေနပ်သဖြင့် ထလုပ်သည့် အစီအစဉ် မကျသော လုပ်ကြံမှုသာဖြစ်သည်ဟု သုံးသပ်ခဲ့သည်။

ပစ်မှတ်ထားသူများတွင် ဦးနေဝင်းမပါ။ နိုင်ငံတော် ကောင်စီဝင် ထိပ်တန်းခေါင်းဆောင်အချို့ကိုသာ ပစ်မှတ်ထားပြီး တပ်မတော်နေ့ ညစာစားပွဲတွင် အူဇီစက်သေနတ်ငယ်ဖြင့် အနီးကပ် ပစ်ခတ် သတ်ဖြတ်မည်ဟုသာ ထိုစဉ်က သတင်းစာများတွင် ပါဝင်သော ထုတ်ပြန်ချက်အတိုင်း တင်ပြခဲ့သည်။

ဗိုလ်ချုပ်ကြီးတင်ဦးကို တပ်မတော်ကနေ ထုတ်ပယ်ခဲ့သည့်ကိစ္စတွင် အဓိကကျသည့် ဦးနေဝင်း၊ ထိုအချိန်က လူတိုင်း ဖိန့်ဖိန့်တုန်အောင် ကြောက်ရသည့် အာဏာရှင် အစစ်အမှန်ကြီးတဦးကို ချန်လှပ်ပြီး လက်ညိုးထောင် ခေါင်းညိတ်သာ လုပ်နိုင်သည့် ဒုတိယတန်း ခေါင်းဆောင်တွေကိုသာ ပစ်မှတ်ထား လုပ်ကြံရလောက်အောင် စီမံမှုညံ့ဖျင်းကြောင်း ပေါ်လွင်အောင် ရေးသားခဲ့သည်က ဘဝင်မကျစရာ ဖြစ်သည်။ ခေါင်းဆောင်မှုတွင် ပါဝင်သော အရာရှိငယ်များ အားလုံး ဗိုလ်သင်တန်းတွင် ထူးချွန်စွာအောင်မြင်ခဲ့ကြပြီး တိုက်ပွဲအတွေ့အကြုံ ကိုယ်စီကနေမှ တပ်မတော် ခေါင်းဆောင်များ၏ ကိုယ်ရေးအရာရှိ ဗိုလ်ကြီးများဖြစ်ကြ ခြင်း ဖြစ်သည်။ မဆလပါတီ ထိပ်တန်းခေါင်းဆောင် ဗိုလ်ချုပ်ကြီးဟောင်း အချို့ကို လုပ်ကြံသတ်ဖြတ်ပြီးမှ တပ်မတော်မှ ထုတ်ပယ်ပြီးသား ဗိုလ်ချုပ်ကြီးတဦးကို ကာကွယ်ရေးဦးစီးချုပ်အဖြစ် ပြန်လည်တင်မြောက် မည်ဆိုတာ မဖြစ်နိုင်မှန်း တပ်မတော် အကြီးအကဲများနှင့် တွဲဖက်လုပ်ကိုင်နေသည့် ကိုယ်ရေးအရာရှိ ဗိုလ်ကြီးများက အခြားသူထက် လက်တွေ့ကျကျ ပိုသိမည်သာ ဖြစ်၏။

အမိန့်ကိုသာ ဦးထိပ်ပန်ဆင်သော တပ်မတော်တွင် အထက်အရာရှိကို လုပ်ကြံဖို့မပြောနှင့် ပေးအပ်သော အမိန့်အတိုင်း မလိုက်နာလျှင်တောင် ပြင်းပြင်းထန်ထန် အပြစ်ပေးနိုင်တာ လူတိုင်းအသိပင် ဖြစ်သည်။ စစ်ဥပဒေက အရပ်ဘက် ဥပဒေထက် ပိုမိုပြင်းထန်သည်။ သေဒဏ်ထိုက်ရုံသာမက အမည်ပါပျက်အောင် လုပ်တတ်သော ခေတ်ဆိုတာကိုလည်း ဗိုလ်ကြီးအုန်းကျော်မြင့်တို့ အားလုံး နားလည်ထားပြီးသား ဖြစ်မည်။ သို့သော် သူတို့၏ ရည်ရွယ်ချက်က မွန်မြတ်သည်ဟု ပြောရမည်။ ကိုယ်ကျိုးအတွက် ဘာတခုမှမပါ။ စစ်မြေပြင် အရည်အချင်းထက် အာဏာရှင်အပေါ် သစ္စာခံသည့်သူများကို ရွေးချယ်မြှောက်စား တတ်သော အလေ့အထကို လက်တွေ့ကျကျ တော်လှန်ပြခြင်းဖြစ်သည်။

အမှန်တကယ်က ဆင်ကန်းတောတိုး သာမာန်လုပ်ကြံမှု မဟုတ်။ နိုင်ငံရေး အပြောင်းအလဲအတွက် တပ်မတော် အရာရှိငယ်တစု စွန့်စားခြင်း ဖြစ်သည်။ ခေါင်းဆောင်သူကား တပ်မတော်ကာကွယ် ရေးဦးစီးချုပ်၏ အနီးကပ် ကိုယ်ရေးအရာရှိ ကိုယ်တိုင်ပင်ဖြစ်သည်။ လူယုံတွေကိုသာ မြှောက်စားတတ်သည့် မြန်မာ့ဆိုရှယ်လစ် လမ်းစဉ်နှင့် အာဏာရှင်ဦးနေဝင်းကို ဖြုတ်ချဖို့အတွက် တပ်မတော်၏ အစဉ်အလာအတိုင်း အာဏာသိမ်းခြင်းရန် ကြံစည်ခြင်းသာ ဖြစ်တော့သည်။

အာဏာသိမ်းအဖွဲ့ကို ခေါင်းဆောင်သော ဗိုလ်ကြီးအုန်းကျော်မြင့်က ပြည်ပ ခရီးထွက်ခွာမည့် ဦးနေဝင်းကို ရန်ကုန်လေဆိပ်တွင် ဖမ်းဆီးရန် ဖြစ်သည်။ အစိုးရသစ်၏ ခေါင်းဆောင်အတွက် ရာထူးမှ ဖယ်ရှားခြင်း ခံထားရသော ဗိုလ်ချုပ်ကြီးဟောင်း သူရဦးတင်ဦးကို ရည်မှန်းထားသည်။ သို့သော် သူရဦးတင်ဦးကို တစုံတရာ တိုင်ပင်ခြင်း အလျဉ်းမရှိ။ ဦးနေဝင်းကို ဖမ်းဆီးပြီး အာဏာသိမ်းမှု အောင်မြင်သော အခါတွင်မှ အစိုးရအဖွဲ့ကို ခေါင်းဆောင်ဖို့ ကမ်းလှမ်းရင်း ဖွင့်ပြောဖို့ ကြံရွယ်ထားခြင်းဖြစ်သည်။ သတ္တုတွင်း ဝန်ကြီးဌာနတွင် ဒုဝန်ကြီးဖြစ်နေသည့် ဗိုလ်မှူးကြီးသန်းတင်ကိုလည်း ပူးပေါင်းပါဝင်ဖို့ ပြောဆိုသည့်အခါ အာဏာသိမ်းအဖွဲ့တွင် ပါဝင်ကောင်း ပါဝင်မည်ဟုလည်း မျှော်လင့်ထားကြောင်း ရန်ကုန်ရှိ အမေရိကန်သံရုံးမှ ဝါရှင်တန်သို့ ပေးပို့သော စာတွင် ရေးသားထားသည်။

ဗိုလ်ကြီးအုန်းကျော်မြင့်၏ နိုင်ငံရေး ရည်ရွယ်ချက်နှင့် ပတ်သက်၍ အာဏာသိမ်း အစိုးရသစ်သည် အနောက်အုပ်စုနှင့် ဆက်ဆံရေးလိုလားသော အစိုးရဖြစ်မည်၊ ဒီမိုကရေစီ အစိုးရဖြစ်မည်၊ မြန်မာ့ဆိုရှယ် လစ်လမ်းစဉ်ကို ဆန့်ကျင်သော အစိုးရဖြစ်မည်ဟု သံတမန်အရာရှိနှင့် စကားပြောဆိုစဉ်က အမေရိကန် အစိုးရထံသို့ ၎င်း၏ ရည်ရွယ်ချက်များ အကြောင်း ပြောပြခဲ့သည်။ တဖြည်းဖြည်း ယိုယွင်းနိမ့်ကျသော တိုင်းပြည်၏ စီးပွားရေးနှင့် လွတ်လပ်ခွင့်များ ဆုံးရှုံးနေသည့် မြန်မာနိုင်ငံ၏ အနာဂတ်ရေးအတွက် စိတ်တူကိုယ်တူ အရာရှိများကို စုစည်းကာ တိုင်းပြည်အတွက် စွန့်စားလုပ်ဆောင်ကြရန် တိုင်ပင်သဘောတူ ခဲ့ကြသည်ဟု ဗိုလ်ကြီး အုန်းကျော်မြင့်က ပြောကာ အာဏာသိမ်းခြင်း နည်းလမ်းဖြင့်သာ အစိုးရအဖွဲ့ကို ပြောင်းလဲနိုင်မည်ဟု ၎င်းတို့ အရာရှိတစုက ယုံကြည်ကြောင်း ပြောခဲ့သည်။

ဗိုလ်ကြီးအုန်းကျော်မြင့်တို့၏ အကောင်အထည် မဖော်ခဲ့နိုင်သော ၁၉၇၆ ခုနှစ် တပ်မတော်နေ့ ညစာစားပွဲ လုပ်ကြံမှု အကြောင်းကိုသာ မဆလအစိုးရ မီဒီယာများက ရေးသားဖော်ပြခဲ့ကြသည်။ ဦးဝင်းထိန်ရေးသော စာအုပ်တွင်လည်း ဒီအကြောင်းအရာကိုပဲ အစီအစဉ်မကျသော လုပ်ကြံမှုအဖြစ် ချိုးချိုးနှိမ်နှိမ် ရေးသားတာကို ဖတ်ရသည်။ အမှန်က တပ်မတော်နေ့ ညစာစားပွဲတွင် သတ်ဖြတ်ဖို့ အစီအစဉ်ပျက်သွားပြီး နောက်ထပ်လုပ်မည့် အာဏာသိမ်း အစီအစဉ်ကြောင့် ဖြစ်သည်။ ၁၉၇၆ ခုနှစ် ဩဂုတ်လတွင် ဦးနေဝင်း၏ မြောက်ကိုရီးယားနိုင်ငံကို သွားဖို့အစီအစဉ်က ရှိထားပြီဖြစ်သည်။ ရန်ကုန်လေဆိပ်တွင် တပ်ခွဲ နှစ်ခွဲ အင်အားဖြင့် အာဏာရှင်ကြီး ဦးနေဝင်းကို ဖမ်းဆီးရန် ကြံရွယ်ထားသည်။

ဇာတ်သိမ်းပိုင်းကတော့ အားလုံးသိပြီးသားပင် ဖြစ်သည်။ လူကြီးတွေကို လုပ်ကြံမည်၊ အာဏာသိမ်းမည် ဆိုသည့်အကြောင်း သတင်းအစအန ရသွားသည်နှင့် ဝန်ကြီးချုပ်ဖြစ်သူ ဦးစိန်ဝင်းက ကာကွယ်ရေးဦးစီးချုပ်ကို ဝန်ကြီးချုပ်ရုံးထံလာဖို့ ဇူလိုင်လ ၂ ရက်နေ့မနက်တွင် အရေးကြီး အစည်းအဝေးခေါ်သည်။ အမျိုးသား ထောက်လှမ်းရေးအဖွဲ့က မျက်မှန်ကြီးတင်ဦး ကိုယ်တိုင် အချိန်ကြာမြင့်သော အစည်းအဝေး၌ ပါဝင်သည်။ ညနေပိုင်းမှပြီးသော အရေးပေါ် အစည်းအဝေးကနေ စစ်ရုံးကိုအပြန် ဦးစီးချုပ်၏ကားကို ကိုယ်တိုင် မောင်းပို့ပေးခဲ့ရသူက ကိုယ်ရေးအရာရှိ ဗိုလ်ကြီးအုန်းကျော်မြင့် ကိုယ်တိုင်ပင်ဖြစ်သည်။ “ဒီတရားခံတွေကို ပိုက်စိပ်တိုက်မတွေ့ တွေ့အောင် မြေလှန်ရှာမယ်။ ဘာမှ သနားစရာမလိုဘူး။ တွေ့တဲ့နေရာမှာ ခွေးတကောင်ကို ပစ်သတ်သလို သတ်ပစ်မယ်” လို့ စည်းဝေးရာမှာ ပါဝင်သည့် စစ်ထောက်လှမ်းရေး ညွန်ကြားရေးမှူး ဗိုလ်မှူးကြီးအောင်ဌေးက ကြိမ်းဝါးခဲ့သည်ဆိုသော စကားကို ပြန်ကြားသည်။

ပုံမှန်မဟုတ်သော အခြေအနေကို ရိပ်စားမိသောကြောင့် ညမှောင်သော အချိန်တွင် ဗိုလ်ကြီး အုန်းကျော်မြင့် ဆုံးဖြတ်ချက် ချလိုက်သည်။ ထောက်လှမ်းရေး လက်ကနေ လွတ်အောင် အရပ်ဝတ်ဖြင့် အမေရိကန်သံအမတ်ကြီး အိမ်ကိုသွားကာ နိုင်ငံရေးခိုလှုံခွင့် တောင်းခံခဲ့သည်။ သံအမတ်ကြီးက အိမ်တွင်မရှိ၊ ပါကစ္စတန်သံအမတ်ကြီး၏ ဧည့်ခံညစာစားပွဲ ရောက်နေသည်။ သံရုံးက သူ၏တောင်းခံမှု ငြင်းပယ်ခဲ့သည့်နောက် ဗိုလ်ကြီးအုန်းကျော်မြင့် အတွက် မျှော်လင့်ချက် ကုန်ဆုံးသွားသည်ဟု ပြောရမည်။ နောက်ပိုင်းတွင် ရက်စက်သော အမျိုးသား ထောက်လှမ်းရေးအဖွဲ့၏ ဖမ်းဆီးခြင်းကို ခံလိုက်ရသည်။

နိုင်ငံခေါင်းဆောင်ကြီးများကို လုပ်ကြံရန် ကြံစည်မှုဖြင့် ဗိုလ်ကြီးအုန်းကျော်မြင့်ကို သေဒဏ် ပေးခဲ့သည်။ ထို့အပြင် ၁၉၇၅ ခုနှစ်က ပြဋ္ဌာန်းခဲ့သော အသစ်စက်စက် ဥပဒေဖြစ်သည့် မြန်မာ့ဆိုရှယ်လစ် လမ်းစဉ်ပါတီကို နှောင့်ယှက် ဖျက်ဆီးမှုများဖြင့် ထောင်ဒဏ် ၁၄ နှစ်ပင် ပါလိုက်သေးသည်။

နိုင်ငံတော်လုပ်ကြံမှုဟု ခေါင်းစဉ်တပ်သည်ထက် မအောင်မြင်သော စစ်အာဏာသိမ်းရန် ကြံစည်မှုအဖြစ် ခေါ်တာကမှ ပိုမိုသင့်တော်မည် ထင်သည်။ ကိုယ်ကျိုးမပါ မြန်မာနိုင်ငံအား ဆိုရှယ်လစ် လမ်းစဉ်အောက်မှ လွတ်မြောက်အောင် ကြံစည်ကြိုးပမ်းရင်း သေဒဏ်ပေး အသတ်ခံရသော ဗိုလ်ကြီးအုန်းကျော်မြင့်ကို နောက်လူတွေက စနစ်တခုကို ပြောင်းလဲအောင် အားထုတ်ခဲ့သူအဖြစ် အသိအမှတ်ပြုထားသည်သာ ဖြစ်၏။

ပုဂ္ဂိုလ်ရေးအရ သူရဦးတင်ဦး ရာထူးမှဖြုတ်ချခံရသည့် အတွက် မကျေမနပ်ဖြစ်ကာ တပ်မတော်နေ့ ညစာစားပွဲတွင် မဆလလူကြီးအချို့ကို အူဇီသေနတ်ဖြင့် လုပ်ကြံရန်ကြံစည်မှု အဖြစ်သာ သေးသိမ်သော အကြမ်းဖက် လုပ်ရပ်အဖြစ် ဝါဒဖြန့် သတင်းထုတ်ပြန်ချက် အတိုင်း ရေးသားနေသည်ကို ပြန်လှန်ချေပနိုင်ရန် အတွက် ထိုစဉ်က အဖြစ်အပျက်များကို သိမီခဲ့သူများက သည်ထက်ပိုမို၍ ပြည့်ပြည့်စုံစုံ ရေးသားနိုင်လျှင် ပိုကောင်းပါလိမ့်မည်။

လှမျိုးထွန်း
The Ladies News
(စာရေးသူနှင့် The Ladies News ၏ ခွင့်ပြုချက်ဖြင့် မိုးမခတွင် ကူးယူ ဖော်ပြခြင်း ဖြစ်သည်။)
မူရင်း The Ladies News Link :
http://theladiesnewsjournal.com/articles/sat-2016-10-29-1246/4026

https://www.facebook.com/News.TheLadies/photos/a.179109772264000.1073741828.178829095625401/647052888803017/?type=3

မြန်မာစာရေးစာဆရာ ၃ ဦး အမေရိကန် စာပေဟောပြောပွဲခရီး လာရောက်မည်
(မိုးမခ) နိုဝင်ဘာ၂၊ ၂၀၁၆

နိုဝင်ဘာ လလယ်ပိုင်းမှာ မြန်မာစာရေးဆရာများဖြစ်တဲ့ ကြည်မင်း၊ ရွှေကူမေနှင်း နဲ့ မိချမ်းဝေတို့ အမေရိကန်ပြည်ထောင်စုကို စာပေဟောပြောပွဲခရီးစဉ်အဖြစ် ရောက်ရှိလာမှာ ဖြစ်ပါတယ်။ ပထမဦးဆုံး စာပေဟောပြောပွဲကို နိုဝင်ဘာလ  ၂၀၊ ဆန်းဒေးမှာ ဆန်ဖရန်ဘေးဧရိယာမှာ ကျင်းပမှာဖြစ်ပြီး ဒုတိယစာပေဟောပြောပွဲကိုတော့ နယူးယောက်ပြည်နယ်မှာ ကျင်းပဖို့ ရှိပါတယ်။ အသေးစိတ်ကို ဆက်လက်တင်ပြပါမယ်။

လက်ခံရရှိထားတဲ့ စာရေးဆရာများရဲ့ အထုပ္ပတ္တိအကျဉ်းကို တင်ဆက်လိုက်ပါတယ်။


 ကြည်မင်း (ကျော်စောမင်း) ၏ စာပေနှင့် ကိုယ်ရေးဘဝ အကျဉ်း


စာရေးဆရာကြည်မင်း (ခေါ်) ကျော်စောမင်း (အမည်ရင်း ဦးမောင်မောင်စံ) ၏ Profession မှာတိရစ္ဆာန် ဆေးကုဆရာဝန်ဖြစ်ပြီး မွေးမြူရေးဆိုင်ရာဆေးတက္ကသိုလ်တွင် ပါမောက္ခချုပ်အဆင့်အထိ တာဝန်ထမ်းဆောင် ခဲ့သည်။ ယခုအခါတွင်အငြိမ်းစားယူပြီး ရန်ကုန်မြို့တွင်အခြေချနေထိုင်သည်။

မြန်မာနိုင်ငံစိုက်ပျိုး၊ သစ်တောနှင့် မွေးမြူရေးနှင့်ရေလုပ်ငန်းပညာရှင်များအဖွဲ့Academy of Science ၏ အဖွဲ့ဝင်ပညာရှင်တဦးလည်းဖြစ်သည်။  ယဉ်ကျေးမှုဝန်ကြီးဌာန ၏ မြန်မာနိုင်ငံပြက္ခဒိန် အကြံပေးအဖွဲ့တွင်လည်း အဖွဲ့ဝင်ဖြစ်ခဲ့ဖူးသည်။ မြန်မာနိုင်ငံသတင်းစာဆရာအသင်းတွင် ရန်ကုန်တိုင်းဥက္ကဋ္ဌအဖြစ် တာဝန်ယူခဲ့ဖူးပြီး ယခုအခါတွင် ဗဟိုစည်းကမ်းထိန်းသိမ်း ရေးကော်မတီ ဥက္ကဋ္ဌအဖြစ် ထမ်းဆောင်လျက်ရှိသည်။ မြန်မာနိုင်ငံသတင်းမီဒီယာကောင်စီ၏ စာရင်းစစ်လည်း ဖြစ်သည်။

၁၉၄၆ ဇန်န၀ါရီတွင် ပုသိမ်မြို့တွင်မွေးဖွားသည်။ အသက် ၁၅ နှစ်အရွယ်တွင် ကဗျာဖြင့် စာပေနယ်သို့ဝင် ခဲ့သည်။ အသက်၂၀ တွင်ကြည်မင်း ကလောင်အမည်ကို အတည်တကျယူသည်။ မိခင်ဒေါ်ငွေကြည်နှင့်ဖခင် ဦး ကျင်မင်းတို့၏နာမည်များကို ပေါင်းစည်းထားခြင်းဖြစ်သည်။ ကြည်မင်း ကလောင်အမည်ဖြင့် ပထမဆုံးရေးသား သောစာပေမှာ ၁၉၆၈ မိုးရာသီထုတ်အိုးဝေဂျာနယ်မှ သရော်စာများဖြစ်သည်။ ဝေဖန်ရေးဆောင်းပါးများ ရေးရန် အတွက် ကျော်စောမင်းအမည်ကိုယူပြီး ၁၉၉၀မှစ၍ ဟန်သစ် မဂ္ဂဇင်းတွင် ဖတ်ကြည့်ကဏ္ဍကို တာဝန်ယူခဲ့သည်။

ကွယ်လွန်သူအထောက်တော်လှအောင်နှင့်အတူ သတင်းဂျာနယ်ကို ၁၉၆၉တွင် တည်ထောင်ခဲ့သည်။

ယနေ့အထိ ကဗျာ ၅၀ခန့်၊ ၀တ္ထုတို/ရှည် ၇၀ခန့်၊ ဆောင်းပါး ၆၀၀ ကျော်နှင့် လုံးချင်း ၄၀ ကျော် ပုံနှိပ်ပြီး ဖြစ်သည်။

ပထမဆုံးလုံးချင်းမှာ တူဒေးစာပေတိုက်မှ မျဉ်းပြိုင်မျိုးဆက် ဖြစ်ပြီး၊ နောက်ဆုံးထုတ်မှာ Wisdom House စာပေတိုက်မှထုတ်ဝေသော ဦးအောင်သင်းနှင့်ကျွန်တော် စာအုပ်ဖြစ်သည်။

လုံးချင်းစာအုပ်များအနက် လုပ်ချင်တာလုပ်နိုင်ဖို့၊ လုပ်သင့်တာလည်းလုပ်နိုင်ဖို့နှင့် ရှင်းတူးရှင်တူး မှာကိုယ်တွေ့ဖြစ်ရပ်များဖြင့် တင်ပြထား သော လူငယ်ကြီးပွားရေး အားဖြည့်လမ်းညွှန်စာပေ ဖြစ်သည်။ ဗေဒါတောမှဆည်းဆာမှာ ၀တ္ထုတိုပေါင်းချုပ်ဖြစ် သည်။ စာဖတ်သူတဦး၏ ဒိုင်ယာရီ မှာ ဝေဖန်ရေးဆောင်းပါးများဖြစ်သည်။ ပညာခရီးနှင့်ပညာမျက်စိ စာအုပ်မှာ နိုင်ငံခြားတွင် ပညာသင်ကြားခဲ့ရသော အတွေ့အကြုံများနှင့် ပညာရေးအတွေးအမြင်များဖြစ်သည်။ အင်္ဂလိပ်ဘာ သာဖြင့်လည်း ကဗျာ၊ ၀တ္ထုတို၊ ဆောင်းပါး၊ ပညာရပ်ဆိုင်ရာဆောင်းပါးများနှင့် စာပေသုတေသနစာတမ်းများရေး သားခဲ့သည်။

ယခုအချိန်တွင် ဒီမိုကရေစီတူဒေး သတင်းစာနှင့် ပြည်သူ့အရေး ဂျာနယ်တွင် နိုင်ငံရေးဝေဖန်စာများနှင့် ကြေးမုံသတင်းစာတွင် စာပေဝေဖန်ရေးများကို ပင်တိုင်ဆောင်းပါးရှင်အဖြစ် ရေးသားနေဆဲဖြစ်သည်။

စာဖတ်သူတဦး၏ဒိုင်ယာရီ စာအုပ်ဖြင့် ၂၀၀၄ ထန်းရိပ်ညို စာပေဆုနှင့် ဦးဆောင် စွန့်စား စီးပွားရေး တည်ဆောက်ခြင်း စာအုပ်ဖြင့် ၂၀၀၈ သုတစွယ်စုံဘာသာပြန်စာပေဆု ရခဲ့ဖူးသည်။

ဇနီးဖြစ်သူ ဒေါက်တာခင်မမ (ဒုတိယပါမောက္ခချုပ်-ငြိမ်း)၊ သမီး၎ ဦးနှင့်အတူ ရန်ကုန်မြို့စမ်းချောင်းရပ် တွင်နေထိုင်လျက်ရှိသည်။

ရွှေကူမေနှင်း၏ ဘ၀နှင့်စာပေမှတ်တမ်း
 
အမည်ရင်း။ ။ ဒေါ်စံမေ

၁၉၃၉။ သြဂုတ်လ(၁၅)ရက်တွင်၊ ကချင်ပြည်နယ်၊ ရွှေကူမြို့၊ အဖ သစ်တော အကောက်စာရေးကြီး ဦးစိန်၊ အမိဒေါ်စောရင်တို့မှ မွေးဖွားခဲ့သည်။ မွေးချင်း ၈ယောက်မြောက်အနက် ပဉ္စမမြောက် ဖြစ်သည်။

၁၉၄၂။ ဒုတိယကမ္ဘာစစ်အတွင်း၊ တောတောင်းတွင်းü ပြေးပုန်းခဲ့ရသည်။

၁၉၄၆။ ရွှေကူမြို့၊ တောပုန်းရွာ၊ မူလတန်းကျောင်းü စတင်ပညာသင်ကြားသည်။

၁၉၄၇။ ရွှေကူမြို့၊ S.P.P ကျောင်းü ဆက်လက်ပညာသင်သည်။

၁၉၅၀။ ရွှေကူမြို့၊ အစိုးရအထက်တန်းကျောင်းü ပညာသင်သည်။

၁၉၅၅။ မတ်လ(၁)ရက်နေ့ထုတ်၊ တိုင်းရင်းမေဂျာနယ်တွင် 'ချောကလက်'အမည်ရှိ ၀တ္ထုတိုစတင်ပုံနှိပ် ခံရသည်။ (ရှစ်တန်းကျောင်းသူဘ၀)

၁၉၅၆။ တက္ကသိုလ်ဝင်တန်းအောင်မြင်သည်။ တပြည်လုံးပထမဆင့်အုပ်ဆုü ပါဝင်ပြီး၊ တက္ကသိုလ် စကောလားရှစ်ပညာသင်ဆုရသည်။

၁၉၅၆။ ရန်ကုန်၊ ဆရာအတတ်သင်သိပ္ပံတက်ရောက်သည်။

၁၉၅၇။ ရွှေကူမြို့ü အလယ်တန်းပြဆရာမအဖြစ် အမှုထမ်းသည်။

၁၉၅၉။ ရန်ကုန်တက္ကသိုလ်သို့ ကချင်ပြည်နယ်၊ ပညာရေးဌာန၏ ပညာတော်သင်အဖြစ်တက်ရောက် သည်။ (ရတနာဆောင်၊ သဟာယနှင့်စာဖတ်အသင်းအမှုဆောင်၊ ကချင်ပြည်နယ်၊ ကျောင်း သားသမဂ္ဂ အမှုဆောင်)

၁၉၆၁။ ရွှေကူမြို့ü အထက်တန်းပြဆရာမအဖြစ် အမှုထမ်းသည်။

၁၉၆၃။ ဗန်းမော်သို့ပြောင်းရွှေ့အမှုထမ်းသည်။

၁၉၆၇။ B.A (ပြင်ပ၀ိဇ္ဇာ) ဘွဲ့ရသည်။

၁၉၇၀။ အထက်တန်းကျောင်းအုပ်တိုးမြှင့်ခံရသည်။ (လက်မခံ)

၁၉၇၁။ မြန်မာ့အသံသို့ ပြောင်းရွှေ့ အမှုထမ်းသည်။

၁၉၇၂။ ပထမဆုံးလုံးချင်းဝတ္ထု (ဘယ်မှာမိုးခိုရမလဲကွယ်) ထုတ်ဝေသည်။

၁၉၈၃။ မြန်မာ့အသံမှ ဆေးလက်မှတ်ဖြင့် အငြိမ်းစားယူသည်။

၁၉၈၈။ ၈၈-အရေးတော်ပုံတွင် စာပေနှင့်အနုပညာရှင်များအဖွဲ့မှာ ပါဝင်လှုပ်ရှားခဲ့သည်။

၁၉၈၉။ အမျိုးသားဒီမိုကရေစီအဖွဲ့ချုပ် - ဗဟိုအမျိုးသမီးလုပ်ငန်းအဖွဲ့ခေါင်းဆောင်။ (ကလောင်အမည် ပိတ်ခံရသည်။)

၁၉၉၀။ ရန်ကုန်တိုင်း၊ တိုက်ကြီး (၁)လွှတ်တော်ကိုယ်စားလှယ်။

၁၉၉၁။ အင်းစိန်အကျဉ်းထောင်သို့ နိုင်ငံရေးပုဒ်မဖြင့် (၃)နှစ် အကျဉ်းကျသည်။

၁၉၉၂။ ထောင်မှလွတ်သည်။

၁၉၉၂။ အမေရိကန်သံရုံး၊ ဘာသာပြန်စာအုပ်ထုတ်ဝေရေးဌာနတွင် ဘာသာပြန်ဆရာ(ကန်ထရိုက်စနစ် ဖြင့်စာအုပ်များပြန်ဆိုထုတ်ဝေခဲ့သည်။) (သောမတ်ဂျက်ဖာဆင် အတ္ထုပ္ပတ္တိ၊ အမေရိကန်အစိုးရ၊ အမေရိကန်ဒီမိုကရေစီစာအုပ်များ ထင်ရှားသည်။)

၁၉၉၆။ ရွှေ… စာပေထုတ်လုပ်ရေး စတင်ထူထောင်သည်။ (ကလောင်အမည် ပြန်လည် သုံးစွဲနိုင်ခဲ့သည်။)

၂၀၀၀။ ပြည်ပသင်တန်းများ၊ ၀ပ်ရှော့များ၊ ဆွေးနွေးပွဲများ ဖိတ်ကြားခြင်းခံရသော်လည်း Passport မရခဲ့။

၂၀၁၀။ Passport ရသည်။

၂၀၁၀။ ရန်ကုန်တက္ကသိုလ်သမိုင်းတစိတ်တဒေသအဖြစ် 'ငါတို့ခေတ်ကတက္ကသိုလ်'ကို ရေးသား ထုတ်ဝေသည်။

၂၀၁၂။ အင်းစိန်အကျဉ်းထောင်တွင်းမှ ဘ၀အထွေထွေကိုဖော်ပြသော 'အင်းစိန်မှတ်တမ်း''အကျဉ်းစံ မိန်းမများ''နိုင်ငံရေးအကျဉ်သူများ''ကန္တာရနှင်းဆီ'စာအုပ်တို့ကိုထုတ်ဝေသည်။

၂၀၁၆။ 'အင်းစိန်မှတ်တမ်း'ကို အင်္ဂလိပ်ဘာသာဖြင့် ထုတ်ဝေသည်။ ယနေ့ထိဝတ္ထုတို ၁,၀၀၀ ကျော်၊ ဆောင်းပါး၂,၀၀၀ကျော်၊ မဂ္ဂဇင်းဝတ္ထုရှည် ၄၀၊ ပင်ကိုရေးလုံးချင်း စာအုပ် ၁၅၊ ဘာသာပြန် စာအုပ်၃၀၊ အတ္ထုပ္ပတ္တိနှင့် ဘာသာရပ်ဆိုင်ရာကျမ်း ၁၀၊ ပင်ကိုရေး အက်ဆေး၂၅ ရေးသားပြီးဖြစ်သည်။

ရွှေ…စာပေဒါနအဖွဲ့ (စာကြည့်တိုက်များသို့ စာအုပ်လှူခြင်း၊ ဟောပြောခြင်း)နှင့် မြန်မာနိုင်ငံ စာရေးဆရာများသမဂ္ဂ (ဒု-ဥက္ကဋ္ဌ) အဖြစ် ပရဟိတလုပ်ငန်းများ ဆောင်ရွက်လျက်ရှိသည်။

Email - writerhnin@gmail.com



မိချမ်းဝေ၏ ဘ၀နှင့်စာပေ ကိုယ်ရေးအကျဉ်း

ဆရာမ မိချမ်းဝေသည် သထုံမြို့ ၌ အဖ ဦးထွင်းခင် (မြန်မာ) အမိဒေါ်သန်းစိန် (မွန်)တို့မှ ၁၉၅၃ ခုနှစ် အောက်တိုဘာလ (၄) ရက်နေ့မှာ ဖွားမြင်သည်။

၁၉၇၂ ခုနှစ်၊ အမှတ် (၈၇) အိုးဝေဂျာနယ်မှာပါဝင်သည့် ''ကျော်ဟိန်းအလိုရှိသည်''ဆောင်းပါးဖြင့် စာပေ နယ်သို့စတင်ဝင်ရောက်သည်။ ထိုဆောင်းပါးကို သခွတ်ပန်း(သထုံ) ကလောင်အမည်ဖြင့်ရေးသားခြင်းဖြစ် သည်။ စာရေးဆရာမကြီးခင်နှင်းယု၏ သခွတ်ပန်းဝတ္ထုကို နှစ်သက်í ယူသည်။ ထိုအမည်ဖြင့်ပင် တိုင်းရင်းမေ ဂျာနယ်မှာ ကဗျာများရေးဖွဲ့သည်။

၁၉၇၅ ခုနှစ်မှာ သထုံမြို့နယ် အ.ထ.က (၂) မှ ၁၀တန်းအောင်မြင်ပြီး တနင်္သာရီတိုင်းဒေသကြီး မြိတ်မြို့  နယ်တွင် မူလတန်းဆွဲခန့်ဆရာမအဖြစ် စတင်တာဝန်ထမ်းဆောင်သည်။

၁၉၈၄ ခုနှစ်တွင် မြိတ်မဂ္ဂဇင်း ၌ ကျွန်တော်ဖောင်းသမား'၀တ္ထုတိုကို မိချမ်းဝေ ကလောင်အမည် ယူလျက် ပါဝင်ရေးသားသည်။ ထိုဝတ္ထုသည် ဆရာမ မိချမ်းဝေ၏ ပထမဦးဆုံးဝတ္ထုတို လက်ရာဟုဆိုနိုင်သော မီးသွေးဖောင်းလုပ်သား တို့၏ ဘ၀ကိုညွှန်းဆိုနိုင်သည့် ၀တ္ထုဖြစ်သည်။

၁၉၉၀ ခုနှစ်မှ၍ ကျောင်း၊ ဈေးနှင့်လူမှုဘ၀ရှုခင်းဝတ္ထုတိုများကို ရုပ်ရှင်တေးကဗျာ၊ ကလျာ၊ မြားနတ်မောင်၊ မဟေသီ၊ မြန်မာ့ဓန စတဲ့ မဂ္ဂဇင်းတွေမှာ ပါဝင်ရေးသားသည်။

၁၉၉၆ ခုနှစ်၊ လုပ်သက် (၂၁) နှစ်အရတွင် ကျောင်းဆရာမအလုပ်မှ အနားယူကာ တနင်္သာရီတိုင်း ရေလုပ် သားတို့၏ဘ၀၊ ကျွန်း၊ တောင်၊ သောင်၊ ကမ်း-နောက်ခံဂုံးရှာ၊ ကမာငုပ်၊ ဂွေးဖောင်ချ၊ ၀ါးလတ်၊ ၀ါးတန်း၊ ငါးဖမ်း လှေစသော ပင်လယ်ပျော်တို့အကြောင်း အဓိကထား၍ ၀တ္ထုတိုများရေးသားခဲ့ပါသည်။

'ငါ့သမီးကတနင်္သာရီတိုင်းမှာနေခဲ့တယ်၊ တို့မြန်မာစာပေသမိုင်းမှာ အတွေ့ရနည်းတဲ့ ပင်လယ်တံငါ အကြောင်းတွေရေးဖို့ ကြိုးပမ်းပါလို့ လိုင်းချပေးသည့် မိခင်တဦးသဖွယ်စောင့်ရှောက်ခဲ့သူ စာရေးဆရာမကြီး လူထု ဒေါ်အမာရဲ့အားပေးမှုကြောင့် ပင်လယ်ရေလုပ်သားတို့ဘ၀ကို ကွင်းဆင်းလေ့လာရေးသားခဲ့သည်။

စာရေးဆရာ၊ သတင်းစာဆရာကြီး၊ လူထုစိန်ဝင်းက ပထမဆုံးပင်လယ်တံငါ စာရေးဆရာမအဖြစ် ချီးကျူး ကမ္ပည်း တင်ခြင်းခံရပြီး ဆရာမ၏ ဆလုံတိုင်းရင်းသားသရုပ်ဖော် 'ဇီဝဇိုးကျိန်စာ'၀တ္ထုတိုမှာ စာပေလောကသား တို့ အသိအမှတ်ပြုခံရသော ၀တ္ထုဖြစ်သည်။

ပင်လယ်ဝတ္ထုတိုများကိုစုစည်း၍ ဒေါ်ဒေါ်မာ၏ကြီးပွားရေးစာအုပ်တိုက် (မန္တလေး)က 'ကမာရင်ကွဲနဲ့ အခြားပင်လယ်ဝတ္ထုတို'များစာအုပ်ကို ထုတ်ဝေခဲ့သည်။

ထိုစာအုပ်ဖြင့်ပင် အမျိုးသားစာပေ၀တ္ထုတိုပေါင်းချုပ်ဆုကို ဆွတ်ခူးရရှိခဲ့သည်။ ၂၀၀၀ပြည့်နှစ်က ဖြစ်ပါ သည်။

၂၀၀၃ ခုနှစ်တွင် ပဂဲ(ခေါ်)ကျောက်ပုစွန်မွေးမြူ တင်ပို့ရောင်းချခြင်းဆိုင်ရာ အမျိုးသမီးတို့ရဲ့အားမာန် သရုပ်ဖော် 'မေ့ဆေး'၀တ္ထုတိုကို ဂျပန်နိုင်ငံတိုယိုတာ ဖောင်ဒေးရှင်းကထုတ်ဝေသောစာအုပ်တွင် ဂျပန်ဘာသာ သို့ ထည့်သွင်းပြန်ဆိုခြင်းခံရသည်။

ယခုအခါ လုံးချင်းဝတ္ထုရှည်၊ ၀တ္ထုတို၊ ခရီးသွားစာပေ စာအုပ်ပေါင်း(၂၂)အုပ်ကိုထုတ်ဝေပြီးဖြစ်သည်။