တစ်ကိုယ်တော် သရုပ်ဆောင်ထားသည့် “ ရဲရင့် ” ၏ နေတတ်တယ် တစ်ယောက်တည်းငါ ဗီဒီယိုဇာတ်ကား စာနယ်ဇင်းမိတ်ဆက်
ရန်နောင်(ဗိုလ်တထောင်) မိုးမခ ဇွန် ၂၉ ၂၀၁၅
 |
| ဒါရိုက်တာ ဒီအေးလွင် |
 |
| သရုပ်ဆောင် “ ရဲရင့် ” |
သရုပ်ဆောင် “ ရဲရင့် ” တစ်ကိုယ်တည်း ပါဝင်သရုပ်ဆောင်ထားသော နေတတ်တယ် တစ်ယောက်တည်းငါ ဗီဒီယိုဇာတ်ကား စာနယ်ဇင်း မိတ်ဆက်ပွဲ ကို ရန်ကုန်မြို့ စီးတီးစတားဟိုတယ်တွင် ၂၉-၆-၂၀၁၅ နေ့က ကျင်းပပြုလုပ်ခဲ့သည်။
အဆိုပါ သရုပ်ဆောင် ရဲရင့် စာနယ်ဇင်းမိတ်ဆက်ပွဲတွင် အခမ်းအနားမှူးအဖြစ် ဆရာ ဦးအောင်သျှံဝိုင်းမှ ဆောင်ရွက်ခဲ့ပြီး ဓါတ်ပုံ အကယ်ဒမီ ဦးထွန်းလှိုင်၊ ဒါရိုက်တာရဲဝန်ထမ်းဟောင်းတဦး ၊ ဒါရိုက်တာ ဦးမောင်မောင်မြင့်တို့ က အမှတ်တရစကားများ ပြောကြားခဲ့ပြီး စာနယ်ဇင်းမီဒီယာများကိုယ်စားဒါရိုက်တာမောင်ယဉ်ကျော် က မုဒိတာစကားပြောကြားပေးခဲ့သည်။ ထို့နောက် နေတတ်တယ် တစ်ယောက်တည်းငါ ဗီဒီယို ဇာတ်ကားရိုက်ကူးသူ ဒါရိုက်တာဒီအေးလွင် မှ ဇာတ်ကားရိုက်ကူးဖြစ်ပုံအား ရှင်းလင်းပြောကြားခဲ့ပြီး သရုပ်ဆောင် ရဲရင့် က ကျေးဇူးတင်စကားပြောကြားခဲ့သည်။
ဆက်လက်၍ သရုပ်ဆောင်ရဲရင့် မှ ဆရာသမားများဖြစ်ကြသော ဒါရိုက်တာ ဓါတ်ပုံဦးထွန်းလှိုင်၊ ဒါရိုက်တာ ရဲဝန်ထမ်းဟောင်းတဦး၊ ဒါရိုက်တာ မောင်မောင်မြင့် ၊ ဒါရိုက်တာ ဒီအေးလွင် ၊ထုတ်လုပ်သူ ဒေါ်စန်းစန်းမော် တို့အား ဂါရဝတရားရှေ့ထားကာ လက်အုပ်ချီ၍ ကန်တော့ခဲ့ပြီး ကန်တော့ပစ္စည်းများပေးအပ်ခဲ့သည်။
အဆိုပါ ဗီဒီယို ဇာတ်ကားသည် သရုပ်ဆောင် တယောက်တည်း သရုပ်ဆောင်ထားခြင်းဖြစ်ပြီး အခြား မည်သူတစ်ဦးတစ်ယောက်မျှ ပါဝင်ခြင်းမရှိသော ထူးခြားသည့် ဇာတ်ကားဖြစ်သဖြင့် မြန်မာဗီဒီယိုလောက တခေတ်ဆန်းစေသော ဇာတ်ကားတစ်ကားဖြစ်သည်။