မောင်မောင်စိုး ● လွမ်းရစ်ဝေသော နေ့များ ညများ ဘဝပေါင်းများစွာ - အပိုင်း (၃၄)
(မိုးမခ) အောက်တိုဘာ ၁၉၊ ၂၀၁၆
(မိုးမခ) အောက်တိုဘာ ၁၉၊ ၂၀၁၆
● အင်ဒိုချိုင်းနား သုံးနိုင်ငံအောင်ပွဲ
ဒုတိယကမ္ဘာစစ်အပြီး စစ်အေးကာလဟု ဆိုသည့်အခါသမယတွင်ဒေသန္တရစစ်ပွဲများဖြစ်ပွားခဲ့ရာ အာရှဒေသတွင် ကိုးရီးယားစစ်ပွဲပြီးနောက်ဗီယက်နမ်စစ်ပွဲသည် အပြင်းထန်ဆုံးဖြစ်သည်ဟု ဆိုရမည်။ ဗီယက်နမ်စစ်ပွဲနှင့်အတူ ကမ္ဘောဒီးယား (ယခု ကမ်ပူကျဲ) နှင့် လာအိုတွင်လည်း နယ်ချဲ့ဆန့်ကျင်ရေး အမျိုးသားလွတ်မြောက်ရေးစစ်ပွဲများ ဖြစ်ပွားခဲ့သည်။ ရှည် လျားသောစစ်ပွဲများ ဖြစ်သည်။ ကွန်မြူ နစ်ဆန့်ကျင်ရေးအတွက် ဗီယက်နမ်ပြည်တွင်းစစ်တွင်ပါဝင်ခဲ့သော အမေရိကန်တို့ ဗီယက်ကောင်းတို့၏ အမျိုးသားလွတ်မြောက်ရေးစစ်ပွဲများတွင် နလံမထူနိုင်ခဲ့ကြပေ။
အမေရိကန်တို့အနေနှင့် ကိုရီယားအား တောင်မြောက် နှစ်နိုင်ငံ ပိုင်းခြားနိုင်အောင် စွမ်းဆောင်နိုင်ခဲ့သကဲ့သို့ ဗီယက်နမ်နိုင်ငံ အား တောင်မြောက်ပိုင်းခြားရန် စွမ်းဆောင်မှုကတော့ မအောင်မြင်ခဲ့ပေ။ ထိုခေတ်ကာလက အစွမ်းထက်ခေတ်အမှီဆုံး ဖြစ်သည့် ဘီ ၅၂ ဗုံးကြဲလေယဉ်များဖြင့် ပိုက်စိတ်တိုက် ဗုံးကြဲမှုများသည် ဗီယက်နမ်ပြည်သူများ၏ စိတ်ဓါတ်ကို မချိုးဖျက် နိုင်ခဲ့ပေ။ တောင်ဗီယက်နမ်အစိုးရကို အမေရိကန်က ကျားကန်ထောက်ပံ့ပေးသည့်အပြင် အမေရိကန်တပ်များ အမြောက် အများ ဝင်ရောက်တိုက်ခိုက်ခဲ့သော်လည်း ဗီယက်နမ်ပြောက်ကျားများ ပြည်သူများအားလုံးပါဝင်ဆင်နွှဲကြသည့် အမျိုးသား လွတ်မြောက်ရေးစစ်ပွဲအား မယှဉ်နိုင်ခဲ့။
တဖက်ကလည်း တရုတ်နှင့် ဆိုဗီယက်တို့က ဗီယက်နမ်အား စစ်လက်နက် ရုပ်ဝတ္ထု ပစ္စည်းများထောက်ပံ့ပေးခဲ့သော်လည်း ကိုရီးယားမှာကဲ့သို့ အပျော်တမ်းတပ်များ ပါဝင်တိုက်ခိုက်ခဲ့ခြင်းမရှိပါ။ ဗီယက်နမ်တို့၏အားသာချက်မှာ ဗီယက်နမ်ပြည်သူ အားလုံးအား လှုံ့ဆော်၍ အမျိုးသားစစ်ပွဲဆင်နွှဲနိုင်ခဲ့ခြင်းဖြစ်သည်။ ဘီ ၅၂ ဗုံးကြဲလေယဉ်များအား ဗုံးခိုကျင်းများ ဥမင်လိုင် ခေါင်းများတူး၍ အံတုခဲ့ကြသည်။ ရှည်လျားဖြူဖွေးသည့် မုတ်ဆိတ်မွှေးများပိုင်ဆိုင်ပြီး အေးချမ်းရိုးစင်းသည့် ကျောင်းဆရာ တယောက်နှင့်တူသည့် ဟိုချီမင်းသည် ဗီယက်နမ်ပြည်သူများအား ဦးဆောင်၍ အမေရိကန်တို့အား အနိုင်တိုက်နိုင်ခဲ့သည်။ ဗီယက်နမ်မှ ငုယင်ဂီယက်ကဲ့သို့ စစ်ခေါင်းဆောင်များ ငုယင်ဗန်ထရွိုင်းကဲ့သို သူရဲကောင်းများ ဒိုင်ဗင်ဖူးကဲ့သို့သော တိုက် ပွဲကြီးများသည် ကမ္ဘာကျော်ခဲ့သည်။
အမေရိကန်တို့ကား ဗီယက်နမ်စစ်ပွဲတွင် အရေးနိမ့်သကဲ့သို့ ပြည်တွင်းနှင့်နိုင်ငံတကာတွင်လည်း ဗီယက်နမ်စစ်ဆန့်ကျင်ရေး ဆန္ဒပြမှုများကို ပြင်းပြင်းထန်ထန်ခံနေရသည်။ အလားတူ ဗီယက်နမ်ပြည်သူများအားလုံး၏ ဆန့်ကျင်မှုကိုခံရသည့် အမျိုး သားစစ်ပွဲ ကြုံလာရသည်နှင့် ဗီယက်နမ်ပြည်သူအားလုံးသည်လည်း အမေရိကန်တို့၏ ရန်သူများဖြစ်လာသည်။ထိုအခြေအနေအောက်တွင် အမေရိကန်တပ်မှ ဗိုလ်ကယ်လီတို့လည်း ဗီယက်နမ်ပြည်သူများအပေါ် စစ်ရာဇဝတ်မှု ကျူးလွန်ခဲ့ကြပြီး ထိုဖြစ်ရပ်မှာလည်း ကမ္ဘာသ်ိဖြစ်ကာ အမေရိကန်တို့ သိက္ခာကျဆင်းခဲ့သည်။
နောက်ဆုံးတွင် ၁၉၅၅ ခုနှစ်မှ စတင်ခဲ့သော ဗီယက်နမ်စစ်ပွဲ၏ အဆုံးသတ်အဖြစ် ၁၉၇၅ ခုနှစ် ဧပြီလ ၃၀ ရက်နေ့တွင် တောင်ဗီယက်နမ်၏မြို့တော် ဆိုင်းဂုံအား ဗီယက်ကောင်းတို့ ဝင်ရောက်သိမ်းပိုက်နိုင်ခဲ့သည်။ အမေရိကန်တို့ ဗီယက်နမ်မှ ဆုတ်ခွါခဲ့ရသည်။ ထို့နောက်တွင်တော့ တပေါင်းတစည်းထဲဖြစ်သော ဗီယက်နမ်နိုင်ငံပေါ်လာခဲ့သည်။ ယခင်တောင်ဗီယက်နမ် ၏မြို့တော် ဆိုင်းဂုံသည်လည်း ဟိုချီမင်းမြို့တော်အဖြစ်ပြောင်းလဲသွားခဲ့သည်။ ဗီယက်နမ်၏အောင်ပွဲနှင့်အတူ လောနှင့် ကမ္ဘောဒီးယားတွင်လည်း တော်လှန်ရေးအင်အားစုများ အောင်ပွဲခံနိုင်ခဲ့သည်။
အမေရိကန်နယ်ချဲ့သမားကို အနိုင်တိုက်နိုင်သည်က အရှေ့တောင်အာရှပြည်သူများအတွက် ကြီးမားသော အောင်ပွဲဖြစ် သကဲ့သို့ လက်ဝဲဝါဒရေပန်းစားစေသည့် အကြောင်းတရပ်ဖြစ်ခဲ့သည်။ ထို့အတူ လက်နက်ကိုင်တော်လှန်ရေးများသည် မှန် ကန်သည် ပြည်သူလူထု၏လွတ်မြောက်ရေးအတွက် လက်နက်တော်လှန်ရေးများ လိုအပ်သည်ဟု တွန်းအားပေးစေသည့်အကြောင်းရင်းတချက်ဖြစ်သည်။
ဟနွိုင်းမြို့တွင်း ဝင်ရောက်သိမ်းပိုက်လိုက်သော ဗီယက်နမ်တော်လှန်ရေးတပ်ဖွဲ့များက ဟနွိုင်းမြို့ပေါ်တွင် တဖျပ်ဖျပ်လွင့်နေ သော အောင်လံနီများစိုက်ထူလိုက်သော အခိုက်အတန့်သည် မိမိတို့အား ကြီးစွာသော လှုံ့ဆော်မှုပေးလိုက်သော အခိုက် အတန့်လည်းဖြစ်ပေသည်။ စစ်အင်အား လက်နက်အင်အားသာလွန်သည့် အမေရိကန်တို့ အနှစ် ၂၀ ကြာမျှ တော် လှန်တိုက် ခိုက်ပြီး အမေရိကန်စစ်သည် ၅၈၀၀၀ (ငါးသောင်းရှစ်ထောင်ကျော်) သေဆုံးကာ ၃ သိန်းကျော် အားဒဏ်ရာရ စေခဲ့ပြီး အောင်ပွဲယူနိုင်ခဲ့သည့် ဗီယက်နမ်ပြည်သူတို့၏အောင်ပွဲသည် မိမိအား နက်နက်ရှိုင်းရှိုင်း တွန်းအားပေးခဲ့ပါသည်။
● ပြည်သူ့အသံနှင့် သခင်သန်းထွန်းနောက်ဆုံးနေ့များ
"ဒီ ပီကင်းအသံက တရုတ်မလေးက အတော်စွာတာဘဲကွဲ့"ဟု မှတ်ချက်ချရသည့်အသံကြားရသည်မှာ ၁၉၆၆ တရုတ်ပြည် ယဉ်ကျေးမှု တော်လှန်ရေးနှင့် ၁၉၆၇ တရုတ်ဗမာအရေးအခင်းကာလအပြီး တရုတ်အစိုးရ၏ ပီကင်းအသံ မြန်မာပိုင်းအစီ အစဉ်၏ ထုတ်လွှင့်ချက်များ ပေါ်ထွက်ချိန်ဖြစ်သည်။ ထိုအချိန်က ပီကင်းအသံမှ နေဝင်း - စန်းယုစစ်အစိုးရဟု တိုက်ရိုက်ထိုး
နှက်တိုက်ခိုက်နေချိန်ဖြစ်သည်။ မြန်မာပြည်နှင့် တရုတ်ပြည်အစိုးရချင်း ဆက်ဆံရေး အဆိုးဝါးဆုံးအချိန်လည်းဖြစ်သည်။
နေဝင်း-စန်းယုစစ်အစိုးရအား ရှုံ့ချတိုက်ခိုက်ခြင်းနှင့်အတူ "ထလော့ကမ္ဘာတဝှမ်း ကျေးကျွန်တို့တတွေ"ဟုဆိုသည့် အင်တာနေရှင်နယ်သီချင်းတေးသံတို့အား နေ့စဉ်ထုတ်လွှင့်နေမှုနောက်ပိုင်းတွင် (၁၉၇၀ နောက်ပိုင်းဟုထင်ပါသည်) ပြည်သူ့ အသံက လွှဲပြောင်းယူလိုက်သည်။ အသံလွှင့်လိုင်းမီတာ ၆၀ မှ ဗမာပြည်ကွန်မြူနစ်ပါတီ (CPB) ဗဟိုကော်မတီ၏ ကြွေး ကြော်သံအဖြစ် ပြည်သူ့အသံပေါ်လာသည်။ ထိုအသံလွှင့်ဌာနမှ မဆလအစိုးရအား ထိုးနှက်တိုက်ခိုက်မှုနှင့်အတူ မြန်မာပြည် အရှေ့မြောက်ပိုင်းမှ တိုက်ပွဲသတင်းများအား မနက် တကြိမ်၊ ည တကြိမ် ပုံမှန်လွှင့်ထုတ်ပေးခဲ့သည်။ ပြည်သူ့အသံ၏ အသံလွှင့်ချက်များသည် ၁၉၇၁ ခုနှစ် မတ်လ ၂၈ ရက်နေ့ CPB ၏ ၂၃ နှစ်မြောက် လက်နက်ကိုင်တော်လှန်ရေးနေ့မှ စတင် ထုတ်လွှင့်ခဲ့သည်။
ထိုမီတာ ၆၀ မှ ထုတ်လွှင့်သည့် ပြည်သူ့အသံကို ကောင်းကောင်းမွန်မွန်နားထောင်၍ မရပေ။ အသံလွှင့်ခြင်းစတင်သည်နှင့် တဂျီဂျီမည်နေသည့် စက်သံ နှောက်ယှက်သံများပေါ်လာပြီး ပြည်သူအသံမှ ထုတ်လွှင့်ချက်များအား မကြားတချက် ကြား တချက်ဖြင် နားစိုက်ထောင်ရသည်။ အစိုးရကအသံလှိုင်းဖျက်စက်ဖြင့် အနှောက်အယှက်ပေးနေသည်ဟု သိရသည်။ နိုင်ငံ ရေးတိုက်ပွဲ စစ်ရေးတိုက်ပွဲများသာမက ဝါဒဖြန့်ချိရေးတိုက်ပွဲကလည်း ပြင်းထန်သည်ဟု ဆိုရပါမည်။
အစိုးရသတင်းဌာနများကတော့ တရုတ်သြဇာခံ တရုတ်ရုပ်သေးအဖြစ် CPB အား သရုပ်ဖေါ်သည်။ CPB ၏ဥက္ကဌဖြစ်သူ သခင်သန်းထွန်းလုပ်ကြံခံရပြီးနောက် CPB မှ လက်နက်ချ များဖြစ်ကြသော ဦးမြ၊ ဦးဘခက် (ပီကင်းပြန်) တို့ စုပေါင်းရေး သားသည့် "သခင်သန်းထွန်း၏ နောက်ဆုံးနေ့များ"ဟူသည့် စာအုပ်အထူကြီး ၂ တွဲထွက်လာသည်။ သူတို့၏ရည်ရွယ်ချက်မှာ သခင်သန်းထွန်းနှင့် CPB အားထိုးနှက်ရန် ရည်ရွယ်ခြင်းဖြစ်သည်။ သို့သော် ထိုစာအုပ်တွင် CPB ၏ မူရင်းစာရွက်စာတမ်းများ သခင်သန်းထွန်းနှင့် CPBခေါင်းဆောင်များ၏ မိန့်ခွန်းများပါရှိပေရာ ထိုစာအုပ်သည် CPB နှင့်ပတ်သက်၍ ရေးသားသူများ၏ ရည်ရွယ်ချက်နှင့် ပြောင်းပြန် CPB ၏သမိုင်းနှင့် CPB ၏ ၆၄ လမ်းစဉ်ခေါ် စစ်နိုင်ရေး အာဏာသိမ်းရေးလမ်းစဉ်ကို လေ့လာ ခွင့်ရလိုက်ကြသည်။
တချိန်တည်းတွင် CPB ရဲဘော်များ၏ ယုံကြည်ချက်အတွက် စွန့်လွှတ်စွန့်စားရဲသည့်စိတ်ဓါတ်များ အဆင်းရဲအပင်ပမ်းခံလုံးပမ်းသည့်စိတ်ဓါတ်များ ကိုယ်ကျိုးမဖက်သည့်လုပ်ရပ်များကို နှစ်သက်သဘောကျခဲ့သည်။ ထို့ကြောင့်လည်း ဖဆပလမှ ဦးဗ ဆွေက "အေးပေါ့ဗျာ ကွန်မြူ နစ်ပါတီကတော့ တကယ်ယုံကြည်ကြတဲ့သူတွေ လုပ်တာလေဗျာ။ အဲဒီတော့ လူသန့်တာပေါ့၊ ကျုပ်တို့ ဖဆပလကတော့ အာဏာရပါတီဆိုတော့ အခွင့်အရေးလိုချင်သူတွေ ရောနှောနေတာပေါ့"ဆိုခဲ့ခြင်း ဖြစ်ပုံရသည်။
● တပါတီအာဏာရှင်စနစ်နှင့် ဒီမိုကရေစီ
မိမိတို့ဖြတ်သန်းကြီးပြင်းလာသည့် ခေတ်ကာလသည် မဆလ တပါတီအာဏာရှင်စနစ်ကျင့်သုံးသည့် ခေတ်ကာလ ဖြစ်ရာ လူထုအတွက် ပြောခွင့်ဆိုခွင့်မရှိသည့် အချိန်ကာလဖြစ်သည်။ လွတ်လပ်စွာ စည်းရုံးခွင့်လွတ်လပ်စွာ အသင်းအပင်းဖွဲ့စည်းခွင့် လွတ်လပ်စွာပြောဆိုခွင့် လွတ်လပ်စွာဆန္ဒပြခွင့် စသည့် အခြေခံဒီမိုကရေစီအခွင့်အရေးများ ဆုံးရှုံးနေသည့်ကာလဖြစ်သည်။
စာအုပ်စာတမ်းများ ထုတ်ဝေခွင့်မှာ ကန့်သတ်ချက်များစွာချမှတ်ထားသည်။ ယခင် ပုဂ္ဂလိကသတင်းစာများမှာ ပြည်သူပိုင် များ ဖြစ်သွားကြပေပြီ။
၁၉၇၀ ပတ်ဝန်းကျင် ဂျာနယ်တချို့ ပြန်လည်ဖွင့်ပေးသော်လည်း နောက်ပိုင်းတွင် ကန့်သတ်မှု များလာခဲ့သည်။ ထိုစဉ်က မတ်ဝါဒနှင့်ပတ်သက်သည့် စာအုပ်စာတမ်းများကို စာအုပ်အဟောင်းတမ်း၌ ရှာရလေ့ရှိသည်။ ဖဆပလခေတ်က ကျော် လင်းစာပေမှ အတော်များများထုတ်ဝေခဲ့သည်ကို တွေ့ရသည်။ မော်စီတုန်းလက်ရွေးစင်ကျမ်းနှင့် စာအုပ်ငယ်လေးများက တော့ တရုတ်သံရုံးပြန်ကြားရေးဌာနမှတဆင့် စာအုပ်အသစ်အနေနှင့် ရှာဖွေရရှိနိုင်သည်။
အစိုးရ အရပ်ဖက်ဝန်ကြီးဌာနများတွင် စစ်ဖက်အရာရှိများက အထူးအရာရှိဟူသည့် ရာထူးဖြင့် တဖြေဖြေး စတင်ဝင်ရောက် လာပြီး နောင်တွင်ညွှန်မှူးညွှန်ချုပ်ရာထူးအားလုံး၌ စစ်ဖက်အရာရှိများ တာဝန်ယူလာခဲ့သည်။ တချိန်တည်းတွင် စစ်ထောက် လှမ်းရေး၏ လုပ်ပိုင်ခွင့်နှင့်သြဇာသည် တဖြေးဖြေးမြင့်တက်လာပြီး နိုင်ငံရေးအရ အမြင်မတူသူများကို ဖမးဆီးနိုင်သည့်အ ခွင့်အာဏာ ပိုမြင့်လာသည်။ တန်ခိုးထက်လာသည်။ လူအများအတွက် ရွံကြောက်ဖြစ်၍လာသည်။
● အရှေ့ကိုမျှော်ခြင်း
တကယ်တမ်းဆိုရလျင် တရုတ်အားမိမိတို့လေ့လာသိရှိမှုများသည် မော်စီတုန်း၏ လက်ရွေးစင်ကျမ်းများသက်သက်သာမကပေ။ ထိုစဉ်က အနောက်တိုင်းသတင်းစာဆရာတစ်ဦးဖြစ်သည့် အဂ္ဂါစနိုး၏ "တရုတ်ပြည်ပေါ်က ကြယ်နီ" (တင်ထွေး ဘာသာပြန်) "ဘဝချင်းမတူသည့် တရုတ်ပြည်" (လူထုဒေါ်အမာ ဘာသာပြန်သည်) စသည့်စာအုပ်များကလည်း အထောက် အကူ ဖြစ်သည်။ စစ်အာဏာရှင်များ စစ်ဘုရင်များ အုပ်ချုပ်၍ ခေတ်နောက်ကျ နေသော တရုတ်ပြည်ကြီးအား တရုတ်ကွန်မြူ နစ်ပါတီကခေါင်းဆောင်၍ ပြောက်ကျားစစ်ပွဲဆင်နွှဲပြီး အောင်ပွဲခံနိုင်ခဲ့ခြင်း တရုတ်ပြည်ကြီးအား တစည်းတလုံးထဲ စုစည်း နိုင်ခဲ့ခြင်းသည်လည်း မိမိတို့အတွက်လေ့လာဘွယ်ရာ အနီးခေတ်သမိုင်းဟု ဆိုရပါမည်။
စစ်အာဏာရှင်စနစ် ဆန့်ကျင်လိုသူ မိမိတို့အတွက် တရုတ်ပုံစံသည်ကိုးကားဘွယ်ရာ အကောင်းဆုံးပုံစံဖြစ်ခဲ့သည်။ ထို့အတူ ထိုအချိန်ကာလကတရုတ်ပြည်ကွန်မြူ နစ်ပါတီ၏ ကြွေးကြော်သံဖြစ်သည့် ကမ္ဘာ့ပစ္စည်းမဲ့များသွေးစည်းကြ။ နိုင်ငံတကာ အဖိနှိပ်ခံပြည်သူများသွေးစည်းကြ ဟူသည့်ကြွေးကြော်သံများနှင့် နိုင်ငံတကာကွန်မြူနစ်ပါတီများ နိုင်ငံတကာ တော်လှန်ရေး များအား တရုတ်၏ကူညီထောက်ပံ့မှုများသည် မိမိတို့အတွက် ထိုစဉ်ကမျှော်လင့်ချက် ရောင်ချည်သဖွယ်ဖြစ်ခဲ့သည်ကတော့ အမှန်ပင်ဖြစ်သည်။
● ချေဂွေဗားရား၊ ဂျူးလိယက်ဖူးချစ်၊ ကျူးဘားတော်လှန်ရေးနှင့် မိမိ
လက်တင်အမေရိက တော်လှန်ရေးလှုပ်ရှားမှုများတွင် ထင်ပေါ်ခဲ့သည့် တော်လှန်ရေးသမားတစ်ယောက်မှာ ချေဂွေဗား ရားဖြစ်သည်။ သူသည် အာဂျင်တီးနားနိုင်ငံသားတယောက်ဖြစ်သော်လည်း ကျူးဘားတော်လှန်ရေးတွင် ပါဝင်ခဲ့သူဖြစ်သည်။ ကျူးဘားတော်လှန်ရေးအောင်ပွဲခံပြီးနောက်တွင်လည်း လက်တင်အမေရိကတွင် တော်လှန်ရေးများ ဆက်လက်ပြုလုပ် ရန်ကြိုးစားခဲ့သူ နိုင်ငံတကာတော်လှန်ရေးသမားဖြစ်ပြီး ဘိုလစ်ဗီးယားတွင် ကွယ်လွန်ခဲ့သူဖြစ်သည်။
လူပုံချောချော ဆံပင်ရှည်ရှည် ကြယ်နီတပ်ထားသည့် ဘယ်ရီဦးထုတ်အားဆောင်းထားသည့် သူ၏ရုပ်ပုံလွှာသည် နိုင်ငံတ ကာ လက်ဝဲတော်လှန်ရေးသမားတယောက်၏အိုင်ကွန် icon အဖြစ် ယနေ့တိုင် ကမ္ဘာတလွှား ဖမ်းစားနိုင်ဆဲဖြစ်သည်။ ဆေး ကျောင်းသားတယောက်ဖြစ်သော ချေဂွေဗားရား၏ "ဆေးထိုးအပ်တချောင်းနဲ့ အသက်ပေါင်းဘယ်လောက်ကယ်နိုင်မလဲ"စကားသည် မိမိရင်အား ထိမှန်စေသည်။ စနစ်ဆိုးများကြောင့် ငတ်မွတ်ခေါင်းပါးပြီး သေဆုံးနေရသည့် အဖိနှိပ်ခံပြည်သူများ အား ဆေးထိုးတချောင်းနှင့် မကယ်တင်နိုင်။ ဆေးထိုးအပ်အစား သေနတ်ကိုင်သည့် တော်လှန်ပုန်ကန်မှုကသာ ခေတ်စနစ် ကို ပြောင်းလဲစေနိုင်မည်ဟု ယုံကြည်မိခဲ့သည်။
ကြိုးစင်တက်ရတော့ ဥရောပက တော်လှန်ရေးသမားတစ်ယောက်ဖြစ်သည့် ဂျူးလိယက်ဖူးချစ်၏ "ကြိုးစင်ပေါ်က မှတ်တမ်း များ"တွင် သူ၏ချစ်သူ ဂူစတီနာအား အမှာပါးခဲ့သည့် "လူဘဝဇတ်ခုံပေါ်တွင် ပွဲကြည့်ပရိတ်သတ်မရှိ ကပြသူအတိ"ဆို သည့် စကားသည်လည်း မိမိအား တွန်းအားပေးခဲ့သည်။
ကျူးဘားတော်လှန်ရေးအတွက် ကျူးဘားကျွန်းပေါ်အရောက် ဘာတစ္စတာအစိုးရ၏ ဆီးကြိုတိုက်ခိုက်မှုကြောင့် လူ ၈၀ ကျော်မှ လူ ၁၂ ယောက် သေနတ် ၁၂ လက်သာကျန်ခဲ့သည့် ကပ်စထရိုနှင့် သူရဲဘော်များ၏ အနိုင်မခံ အရှုံးမပေးဘဲ တိုက်ပွဲဝင်ခဲ့မှု ဘာတစ္စတာအစိုးရအား ဖြုတ်ချနိုင်ခဲ့မှုများသည်လည်း အိပ်ယာဝင်ပုံပြင်များထက် ပို၍ စိတ်ကူးယဉ်ဆန်သည့် လက်တွေ့ဖြစ်ရပ်များဖြစ်ခဲ့ကြပြီး မိမိရင်ကို လှုပ်ခတ်စေသည်။
အဖမ်းခံရသောကျောင်းသားများ တက်ကြွသူများကို ထိုစဉ်က တန်ခိုးထွားသည့် ထောက်လှမ်းရေး မျက်မှန်တင်ဦးကပြော သည့်"ခင်ဗျားတို့ မြို့ ပေါ်မှာ ပြဿနာရှာမနေကြနဲ့ ... သတ္တိရှိရင် တောထဲသွားလက်နက်ကိုင်တိုက်ကြ"ဆိုသည့်စကားက လည်း မိမိတို့ခံပြင်းဘွယ်ဖြစ်ခဲ့သည်။
ဤသို့သောအခြေအနေအရပ်ရပ်အောက်တွင် စာသင်ခန်းကိုစွန့်၍ ဆရာဝန်ဘဝကိုစွန့်၍ လက်နက်ကိုင်လမ်းကြောင်းကို ရွေးချယ်ရန်သည်လည်းကောင်း၊ CPB ၏ ၆၄ လမ်းစဉ်နှင့် စစ်နိုင်ရေးအာဏာသိမ်းရေးလမ်းစဉ်သည်လည်းကောင်း၊ မိမိရှေ့ လျောက်မည့်လမ်းအဖြစ် စဉ်းစားဆုံးဖြတ်ခြင်းအား တဖြေဖြေး ပိုမိုခိုင်မာလာစေသည်ဟု ဆိုရပေတော့မည်။ ထိုရွေးချယ်မှု နှင့်ပတ်သက်၍ ကောင်းသည် ဆိုးသည်ဆိုသည်ကိုတော့ ရွေးချယ်သူ မိမိတာဝန်ယူရမည်သာ ဖြစ်ပါသည်။
ဖြစ်တည်မှု ပဓါနဝါဒ (ဝါ) အိပ်ဇစ်စတင်ရှယ်လစ်ဇင်ဆိုသည်ကို လက်ကိုင်ထားသည့် အဲလ်ဘတ် ကမူးက "စည်းအပြင်ကလူ outsider ဆိုသည့် ဝတ္ထုတအုပ်တွင် လူတယောက်ပစ်သတ်လိုက်သည့်အကြောင်း ဖေါ်ပြရာ၌ ဘာကြောင့် အဘယ်ကြောင့် ဆိုသည့် အကြောင်းပြချက်မပါဘဲ စိတ်တဒင်္ဂအတွင်း ဖြစ်ပေါ်လာသည့် ခံစားမှုနှင့် ပစ်သတ်လိုက်သည်ကို ဖော်ကျူးခဲ့သည်။ မိမိကတော့ မိမိရွေးချယ်မိသည့်လမ်းနှင့်ပတ်သက်၍ အကျိုးအကြောင်းများကို ဖေါ်ပြခဲ့ပြီးဖြစ်သည်။ ထိုအကျိုးအကြောင်းများ ခိုင်လုံခြင်းရှိမရှိကတော့ အားလုံးဝေဖန်သုံးသပ်ခွင့် ရှိသည်သာ ဖြစ်ပါသည်။
ဆက်လက်ဖေါ်ပြပါမည်
Mg Mg Soe (မောင်မောင်စိုး)