(မိုးမခရဲ့ လွတ်လပ်တဲ့ အနုပညာစကားလက်ဆုံ ပြန်လည် ဆန်းသစ်ခြင်း)
ပန်းချီထိန်လင်းနဲ့ စကားလက်ဆုံ (လွတ်လပ်တဲ့အနုပညာနဲ့ လွတ်လပ်မှုကိုချစ်တဲ့ ပရိသတ်၊ ချစ်ခြင်းကို မခွဲပါနဲ့) မိုးမခ ဇူလိုင် ၇၊ ၂၀၀၈
မတ်လ ၁၃ ရက်နေ့ကစပြီးတော့ မြန်မာအရေးလှုပ်ရှားသူ အဖွဲ့ ၂ ဖွဲ့ဖြစ်တဲ့ ထိုင်းနိုင်ငံအခြေစိုက် အေအေပီပီ(ဘားမား)နဲ့ အက်ဖ်ဒီဘီ တို့က မြန်မာနိုင်ငံက နိုင်ငံရေးအကျဉ်းသားများ လွတ်မြောက်ရေး လှုပ်ရှားမှုကို စတင် ဖော်ဆောင်ခဲ့ကြပါတယ်။ အဲဒီက ထုတ်ပြန်တဲ့ ပိုစတာ၊ စာရွက်စာတမ်းများထဲက တီရှပ်မှာ ပန်းချီထိန်လင်းရဲ့ ပန်းချီကားနဲ့ ထုတ်ဝေထားတာကို တွေ့ရပါတယ်။

၁၉၈၈ ဒီမိုကရေစီရေး အရေးတော်ပုံမှာ တက္ကသိုလ်ကျောင်းသားတဦး၊ နယ်စပ်ရောက် တောခိုကျောင်းသား၊ နိုင်ငံရေး အကျဉ်းသား၊ ပန်းချီဆရာ၊ ကိုယ်တိုင်သရုပ်ဖော်တင်ဆက်တဲ့ အနုပညာရှင် စတဲ့ ဖြတ်သန်းမှု ဆေးရောင်စုံနဲ့ ယခုလည်း ပြည်ပမှာ ခြေဆန့်ပြီး မြန်မာပြည်အရေးတွေကို ထင်ဟပ်ခံစားတဲ့ အနုပညာတင်ဆက်မှုတွေကို ဆောင်ရွက်နေဆဲ၊ ယခင်က ဇာဂနာတို့နဲ့ လက်တွဲခဲ့တဲ့ မြပုဏ္ဏမာ အငြိမ့်ဝိုင်းတော်သားတဦးပီပီ စိတ်ကူးကောင်းကောင်းနဲ့ တခါတလေမှာ အငြိမ့်ခွင်တွေ စီစဉ်ကပြနေသေးတဲ့သူ ဖြစ်ပါတယ်။

ပန်းချီထိန်လင်းက သူ့ကိုယ်သူ အနုပညာသည် လို့ မြင်ပါသတဲ့။ နိုင်ငံရေး လှုပ်ရှားသူ တဦးမဟုတ်ပါဘူးတဲ့။ အနုပညာတခုကို နိုင်ငံရေးရည်ရွယ်ချက်တခုအတွက် အသုံးချတာဟာ နှစ်ဖက်စလုံးကို စော်ကားတာနဲ့ တူပါသတဲ့။ သို့သော် နိုင်ငံရေး အခြေအနေတွေက အနုပညာတွေ ပေါ်ထွန်းလာစေသလို၊ တခါတရံမှာ အဲဒီ ဖြစ်ရပ်တွေက အနုပညာရှင်ကိုယ်တိုင်ကို သိမ်းပိုက်ဝါးမြိုလိုက်ပါသတဲ့။ အနုပညာရှင်တယောက် ဖြစ်လာတဲ့လမ်းမှာ အတွေ့အကြုံတွေက သူ့ကို ပုံသွင်းသွားတတ်ပြီး၊ ထွက်ပေါ်လာတဲ့ ပန်းချီကားဟာလည်း သူကိုယ်တိုင်ပဲ ဖြစ်နေပါတော့တယ် … တဲ့။

သူနဲ့ စကားပြောကြည့်တာပါ။

ခင်ဗျားပန်းချီကားကို တီရှပ်မှာ ရိုက်ထားတာ တွေ့တယ်။ မြန်မာပြည်အကျဉ်းသားများ လွတ်မြောက်ရေး လှုပ်ရှားမှု အထိမ်းအမှတ်တီရှပ် ထုတ်တဲ့ဆီမှာ။
ဟုတ်တယ်။

၂၀၀၇ စက်တင်ဘာ သံဃာအရေးတော်ပုံနောက်ပိုင်း အဲဒါနဲ့ ပတ်သက်တဲ့ ပန်းချီကားတွေအများကြီး ဆွဲဖြစ်တာလည်း တွေ့တယ်။

ဟုတ်တယ်။

အနုပညာက အခုလိုအချိန်မျိုးမှာ တိုင်းပြည်တခု၊ စနစ်တခု ဒါမှမဟုတ် လူထုပရိသတ်အတွက် ဘယ်လို အခန်းကဏ္ဍမှာ ရှိနေသလဲ။ နေရာတနေရာကနေကော အရေးပါသလား။

ကျနော် မနေ့က ဒီ လန်ဒန်မှာ ကျင်းပတဲ့ စားပွဲဝိုင်းဆွေးနွေးပွဲတခုသွားနားထောင်တယ်။ သူတို့က ပြောတယ်၊ အနုပညာရှင်၊ သူ့အနုပညာနဲ့ နိုင်ငံရေးလှုပ်ရှားမှု၊ လူ့အခွင့်အရေး လွတ်လပ်မှု ပတ်သက်ပုံတွေကို ဆွေးနွေးကြတယ်ပေါ့ဗျာ။ အုပ်ချုပ်သူ လူတန်းစားကို ပြောင်းလဲလာစေဖို့ စင်ပေါ်ကတဆင့် တင်ဆက်ရမယ်လို့ ပြောကြတယ်ဗျ။

သြော် - အမျိုးသားပြဇာတ်ရုံကတဆင့် အာဏာပိုင်တွေကို နားသွင်းကြ ဆိုတဲ့ သဘောပေါ့။ ဟုတ်လား။

အင်း။ အဲဒီသဘောမျိုးပေါ့ဗျာ။ အဲဒီမှာ ကျနော်လည်း မနေနိုင်တာနဲ့ ၀င်ရောက် ဆွေးနွေးမိတယ် ဆိုပါတော့ဗျာ။ ၂၀၀၅ မေလ မှာ ရန်ကုန်မှာ ရေးဖော် ပန်းချီဆရာတွေ၊ ဆရာမတွေနဲ့ ပါဖော်မင့်အတ် ကိုယ်တိုင်သရုပ်ဖော်တဲ့ ပြပွဲတခု လမ်းပေါ်မှာ လုပ်ပြခဲ့ဖူးပါတယ် လို့။ အဲဒီမှာ လွတ်လပ်စွာ ထုတ်ဖော်ခွင့်၊ အနုပညာလွတ်လပ်ခွင့်အပေါ် သံသယကြီးလွန်းတဲ့ စစ်အာဏာပိုင်တွေက ကျနော်တို့ကို ဖမ်းဆီးထိမ်းသိမ်းပြီး ရက်အတန်ကြာအောင် စစ်ဆေးမေးမြန်းခဲ့ပါတယ် လို့ ကျနော်ရဲ့ ကိုယ်တွေ့ကို ပြောပြလိုက်မိတာပေါ့ဗျာ။

အင်း ဟုတ်တယ်။ အခုတလော စီအင်အင်ကလည်း မြောက်ကိုရီးယားမှာ အမေရိကန်တွေက သြခက်စတြာဝိုင်းကြီးနဲ့ သွားဖျော်ဖြေပြီး ဂီတနဲ့ ငြိမ်းချမ်းရေးဒီပလိုမေစီလုပ်နေတယ်ဆိုလား အထူးအစီအစဉ်နဲ့ တင်ဆက်နေတာက ကြည့်နေရတယ်ဗျ။ အဲသည်လိုမျိုး သူတို့က အထင်ရောက်နေတယ်နဲ့ တူတယ်နော်။

တခြားနိုင်ငံတွေတော့ မသိပါဘူးဗျာ။ ကျနော်တို့ တိုင်းပြည်မှာ အုပ်ချုပ်သူ လူတန်းစားဟာ အနုပညာ၊ ပန်းချီ၊ ဂီတတို့ကို နည်းနည်းလေးတောင်မှ မရူးသွပ်ဘဲ အာဏာကို ရူးသွပ်ပြီး တန်းတန်းစွဲ ဆုပ်ကိုင်ထားချိန်မှာ သူတို့ရဲ့ စင်မြင့်ပေါ်ကနေ ကျနော်တို့ အနုပညာနဲ့ သူတို့စိတ်တွေ ပြောင်းအောင် ဘယ်လို လုပ်ကြမလဲဆိုတာကို ကျနော်ကတော့ မေးခွန်းသာ ပြန်ထုတ်လိုက်ချင်တော့တာပဲ။

ကဲ အဲဒါဆိုရင် ခင်ဗျား ဖန်တီးတဲ့ အနုပညာက ဘယ်နေရာမှာလဲ။ စင်ပေါ်တက်လို့မရတော့ လမ်းပေါ်မှာလား။
အနုပညာကို ချစ်တဲ့၊ မြတ်နိုးသက်ဝင်တဲ့ ပရိသတ်ကြီးနဲ့ အတူတူ ရှိနေရမှာပေါ့။ မလွတ်လပ်တဲ့၊ မွန်းကြပ်နေတဲ့ ဒါပေမယ့် ခံစားတတ်တဲ့ ပရိသတ်ကြီးအတွက် သူတို့ကို အနုပညာတခု ဖန်တီးအသက်သွင်း ပြရတာပေါ့။

ဟုတ်တယ်နော်။ ကျနော်ပြန်စဉ်းစားကြည့်တော့ ၁၉၈၉ သင်္ကြန်မှာ အင်န်အယ်ဒီက သင်္ကြန်စင်ထိုးပြီး ကကြတယ်။ အာဏာသိမ်းပြီးစ စစ်တပ်က လူတွေကို လမ်းမတွေမှာ အတုံးအရုံး ပစ်သတ်ထားတာ သိပ်မကြာသေးဘူး။ ပြည်သူလူထုကြီးက ၀က်ဝက်ကွဲအားပေးကြတယ်။ လွတ်လပ်စွာ အချုပ်အနှောင်မဲ့ ဖန်တီးလိုက်တဲ့ အနုပညာတွေကို …

မှန်တယ်။ ၂၀၀၇ စက်တင်ဘာ သံဃာ့အရေးအခင်းအပြီးမှာ ကိုဇာဂနာတို့၊ ကိုဂေါ်ဇီလာတို့ ၀ိုင်းတော်သားတွေရဲ့ သီးလေးသီးနဲ့ ဆေးရောင်စုံအငြိမ့် ကန်တော်ကြီးမှာ၊ အရှေ့ကြို့ကုန်းမှာ ကပြကြတယ်လေ။ ဒဏ်ရာအနာတရ အကြီးအကျယ်ရထားတဲ့ ပရိသတ်ကြီးဟာ အဲဒီ စင်ရှေ့မှာ သူတို့တွေရဲ့ လွတ်လပ်တဲ့ အနုပညာတင်ဆက်မှုတွေကို ခံစားပြီး အင်အားသစ်တွေ ရကြတယ်။ လန်းဆန်းအားဖြည့်ကြရတယ် မဟုတ်ဘူးလား။

ခင်ဗျားကိုယ်တိုင်လည်း လူရွှင်တော် တဦးပဲ။ ခင်ဗျား ထောင်ကျနေတဲ့ နှစ်တွေမှာ ၉၈ ကနေ ၂၀၀၄ အတွင်း ထောင်ထဲမှာ ပန်းချီတွေ ဆွဲခဲ့တယ်။ ပြီးတော့ ထောင်ထဲက ပရိသတ်ကိုကော ဘာတွေ တင်ဆက်ပေးခဲ့ဖူးသလဲ။
အနုပညာဆိုတာ ပရိသတ်အတွက် ကြီးကျယ်ခန်းနားတဲ့ တစုံတရာပါ။ အံ့သြဖွယ်တွေနဲ့ ပြည့်နေတဲ့ တခုခုပဲ။ အဲဒါကို အနုပညာရှင်တွေက ဖန်တီးပြီး သူတို့ကို ပေးကြတာ။ ကျနော် မန္တလေးထောင်ထဲမှာ အငြိမ့် ကခဲ့ဖူးတယ်။

အသေးစိတ် ပြောပြပါဦးဗျာ။

ထောင်ထဲက တိုက်တွေ အဆောင်တွေကို ခြားထားတဲ့ ရိုးတွေဆိုတာ ရှိတယ်။ လက်ခုတ်တဖောင်လောက်မြင့်တဲ့ အုတ်စည်းရိုးတွေပေါ့ဗျာ။ အဲဒီပေါ်ကို ထောင်သားတွေတက်ရင် ထောင်စောင့်တဲ့ ရဲတွေက သေနတ်နဲ့ ပစ်ချလို့ရတယ်။ အားလုံးကို အဲသလို ထားတာ။ ဒါပေမယ့် အဲဒီတုန်းက တခုသော သင်္ကြန်မှာ ကျနော်တို့ နိုင်ငံရေးအကျဉ်းသားတွေ စုဝေးပြီးတော့ အငြိမ့်ကကြတယ်။ ထောင်တွင်းက တိုက်တွေကြား မြေကွက်လပ်မှာ။

ဆိုတော့ ထောင်မကြီးက အဆောင်တွေနဲ့ လှမ်းလှမ်းက သီးသန်း အကျဉ်းတိုက်တန်းတွေဆီမှာပေါ့။ ခင်ဗျားတို့က အငြိမ့်က ကြတယ် ဆိုတာက

ဟုတ်တယ်။ အိုင်စီအာရ်စီက ၀င်ထွက်နေချိန်ဆိုတော့ နည်းနည်းတော့ ကျနော်တို့ လွတ်လပ်ခွင့်ရတယ်။ အဲသည်တော့ ကျနော်တို့က အငြိမ့်ကကြတယ်ပေါ့ဗျာ။ အင်န်အယ်လ်ဒီက ဦးကျော်ငြိမ်းတို့၊ တိုင်းစည်းထဲက ဦးကျော်သောင်းတို့၊ နိုင်ငံရေးအကျဉ်းသားတွေ တော်တော်များတယ်။ ပြောင်းဖူးတွေက မိုက်ခွက်တွေ ဖြစ်လို့၊ ကော်ခွက်ကို ကြိုးတပ်ပြီး ဂီတာလုပ်ထားတာတို့၊ ကျနော်တို့တတွေ မြိုင်မြိုင်ဆိုင်ဆိုင်ပေါ့ဗျာ။ တိုက်ပုံတွေ ၀တ်ပြီးတော့တောင် အဖွင့်စကား ပြောတာတို့၊ မိန့်ခွန်းပြောတာတို့ လုပ်ကြတယ်။

သြော်။ ထောင်တွင်း တခုသော သင်္ကြန်မှာ ကြဲနေကြတာပေါ့။

ဟုတ်တယ်။ အဲဒီမှာ ဘယ်လိုက ဘယ်လို သတင်းက ပျံ့သွားတယ် မသိဘူး။ ထောင်မကြီးက အကျဉ်းသားတွေက အငြိမ့်ပွဲကို ကြည့်ဖို့ဆိုပြီး ထောင်တွင်းက ခုနင်က ရိုးတွေပေါ်မှာ တွယ်တက်၊ အဲဒီပေါ်မှာ ခွထိုင်ပြီး မျှော်ကြည့်ကြတော့တာပါပဲဗျာ။ ရိုးတွေပေါ်မှာ ထောင်ဝတ်စုံတွေ ဖွေးနေတော့တာပဲ။ ကျနော်တို့ အငြိမ့်ကို ၀ိုင်းကြည့်ဖို့ လုပ်ကြတာ။

သူတို့က ခင်ဗျားတို့ အသံတွေကို ကြားရပါ့မလား။

ဘယ်ကြားရမလဲ။ ပြောင်းဖူးရိုး မိုက်ခွက်နဲ့ကတဲ့ အငြိမ့်ကို။ သို့သော် အဲဒီ ပွဲကို အဝေးကနေ ဘယ်လိုပဲ တွေ့ရ တွေ့ရဆိုပြီး ရိုးတွေပေါ်တက်ကြည့်ကြတာနော်။ ထောင်ရဲတွေက ပစ်ချဖို့ဆိ်ုတာ တထောင်လုံးက ထောင်သားတွေအားလုံးကို ပစ်သတ်ဖို့သာ ရှိတော့တယ်။

အဲသည်တော့ ပစ်ချလိုက်ရောလား။

ကျနော်တို့ အငြိမ့်ကို လာပြီး ဖျက်လိုက်တာပေါ့ဗျာ။ ရပ်ခိုင်းပြီး လူစုခွဲလိုက်တာပေါ့။ ဒါပေမယ့် ပြောချင်တာက ကျနော်တို့တတွေရဲ့ အနုပညာတက်ဆက်မှုဆိုတာကို ဘယ်လို ဖိနှိပ်ချုပ်ချယ်မှုတွေ ရှိနေပါစေ ပရိသတ်ကြီးက အတင်းကို ရုန်းထပြီး ခံစားကြတယ်။ စားသုံးကြတယ်။ ချစ်ကြတယ်။ အဲဒါ …

ဟုတ်တယ် ကိုထိန်လင်း ပြောသလိုမျိုးပဲ အရှေ့ဥရောပက ဆာဘ်တွေ၊ ခရိုအက်တွေရဲ့ ပဋိပက္ခကြားမှာလည်း ဖြစ်ဖူးတယ်။ လူထုပရိသတ်ကြီးဟာ သေနတ်တွေ၊ အမြောက်တွေ၊ ဗုံးတွေ၊ လက်ဖြောင့်စစ်သားတွေ ကြားထဲမှာ အမှောင်ထုအောက်၊ တိုက်ပြိုတိုက်ပျက်တွေကြားထဲကနေ သူတို့ဆီက အနုပညာရှင်တွေ တင်ဆက်တဲ့ ဇာတ်တွေ၊ ပွဲတွေကို အသက်စွန့်ပြီး လာကြည့်ကြသတဲ့။ လူမျိုးတွေအချင်းချင်း သတ်ဖြတ်နေလို့ အကျည်းတန်မြင်ကွင်းတွေကို ဖြတ်သန်းနေကြချိန်မှာ သူတို့ဟာ သူတို့ချစ်တဲ့ အနုပညာကို ထွေးပွေ့ကြတယ်။ အဲဒီကနေ ခွန်အားဖြစ်လို့ ဆက်ပြီး အသက်ရှင်ကြတယ် တဲ့။

ဟုတ်ပါတယ်။ အခုအချိန်မှာ ကျနော်တို့ မြန်မာပြည်က အနုပညာရှင်တွေဟာ မည်သို့ပင် ပိတ်ပင်တားဆီးထားပါစေ၊ ဖမ်းဆီးချုပ်နှောင်ထားပါစေ၊ သူတို့ အနုပညာတွေကို ပရိသတ်ကြီးဆီ အရောက်ပို့ပြီး သူ့တို့ခံစားချက်တွေကော သူများတွေရဲ့ ခံစားချက်တွေကိုပါ ထင်ဟပ်ပြဖို့၊ လွတ်လွတ်လပ်လပ်ကြီးကို ဖန်တီးတင်ဆက်လိုက်ဖို့ကို နောက်တွန့်နေခြင်း မရှိဘူးဆိုတာကို တွေ့နေရပြီ ဖြစ်တယ်လို့ ပြောချင်ပါတယ်။

ကျေးဇူးတင်ပါတယ်။

(ဓာတ်ပုံများ - Htein Lin Performance - 1 June 2008, Trafalgar Square, ပြီးတော့ ၂၀၀၅၊ မင်းကိုနိုင်၊ ကိုကိုကြီးတို့နဲ့ တွေ့ခဲ့ရတဲ့ ပန်းချီ ထိန်လင်း (ဓာတ်ပုံ - မိုးမခမိတ်ဆွေများ))

ခင်​​ဇော်​မိုး - ရတနာနှင့် မခြားသည့်​
(မိုးမခ) ဇူလိုင် ၁၅၊ ၂၀၁၆

အဆက်​မပြတ်​ကျ​နေသည့်​ မိုးဖွဲ​လေး​​အောက်​မှာ ကျွန်​မခန္ဓာကိုယ်​က ရွှဲရွှဲစိုနစ်​​နေပြီ။ ​ချောင်း​ရေ​တွေလည်း တဖြည်းဖြည်း​နောက်​ကျိပြီး ​ရေတိုးလာသည်​။ ​လေ​က ​ဝေ့ယမ်းတိုက်​ခိုက်​​နေသည်​မို့ မြင်​မြင်​ရသမျှ ပတ်​၀န်းကျင်​ဟာ မှုန်ဝါးလျက်​။ ရိုး​​ရေ၊ ​မြောင်း​ရေ၊ လယ်​​ရေ​တွေ​ပါ ​ချောင်းအတွင်းကို ​ပေါင်းဆုံစီးဆင်းမှု​ကြောင့်​ မိုးရာသီဆိုရင်​ ​ချောင်း​ရေကြီးစမြဲ။ အထက်​မှတည်​ထား​သောဆည်​ကလည်း မိုးရာသီဆိုလျှင်​ ​ရေမနိုင်​၍ ​ဆည်​​ရေကို​ နေ့စဉ်​ပုံမှန်​လွှတ်​​ပေးသည်​သာ။ တခါတ​လေ မိုးအားကြီးစွာရွာသည့်​အခါ ဆည်​ကျိုးနိုင်​သဖြင့်​ ​ချောင်းကမ်းပြည့်​တဲ့အထိ ​ရေလွှတ်​တတ်​သည်​။

ရက်​ရှည်​မိုး​စွေ​နေ​သော​ကြောင့်​ ​ချောင်း​ရေ တိုးသထက်​တိုးလာသည်​။ ​နေမင်းကြီးခမျာ မိုးသားထု ညိုအိအိကြီး​အောက်​မှာ ​​ပျောက်​ကွယ်​လျက်​။ ​ရာသီဥတုဟာ ဆိုးသထက်​ ဆိုးလာသည်​။ ​​ရေလှိုင်း ကြီး​တွေက မြည်​တွန်​ပြီး ​ပြေးလာ​ကြသည်​။ လှိုင်းလုံးကြီးများက မာန်​ဖီပြီး အချင်းချင်းပုတ်​ခတ်​​နေသည်​။ ဆူးလုံးကြီး​တွေ ၊ ထင်း​တွေ ၊ သစ်​ပင်​ကြီး​တွေနှင့်​ ထန်းပင်​ စသည်​တို့သည်​ ​ရေပြင်​လှိုင်း လုံးများကြားတွင်​ ကစဉ့်​ကလျား​ မျောပါ​နေကြသည်​။ တ​ဝေါ​ဝေါမြည်​တွန်​​နေသည့်​ ​ချောင်း​ရေတို့က ​သွေးဆာ​နေ​သော သားရဲတကောင်​နှယ်​ ​ကြောက်​မက်​ဖွယ်​အတိ။

တဖက်​ကမ်းပါးယံဆီ လှမ်း​မျှော်​ကြည့်​မိ​​သောအခါ ကြီးမားသည့်​သရက်​ပင်​ကြီးသည်​ ကမ်းပါးယံမှ တွဲ​လှောင်းကျလျက်​။ ​တိုက်​စား​ပုတ်​ခတ်​​နေသည့်​ ​​ရေလှိုင်းများ​ကြောင့်​ အ​ပွေးတို့ပွန်းပဲ့​နေပြီ။ သစ်​ရွက်​များက ​​ရေလှိုင်း ရိုက်​ချက်​တိုင်းမှာ လွင့်​စင်​​မျောပါဆဲ။ မြင်​ကွင်းဟာ သားသတ်​​နေသည့်​အထာ မျိုး။ သရက်​ပင်​ကြီးသည် သူ​နေထိုင်​ကျင်​လည်​ရာ​ ​နေရာ​လေးကို စွမ်းသမျှအားနဲ့ဖက်​တွယ်​​နေရှာ သည်​။ ကုပ်​တွယ်​ထား​သော သရက်​မြစ်​လက်​တက်​များကို ​ရေလှိုင်းကြီးများက အားကုန်​ရိုက်​ချ​နေ သည်​။ ​ဆူးလုံး​နှင့်​ထင်းတချို့သည်​ သရက်​ပင်​ကြီးကို တွဲချိတ်​ကာ ​ချောင်း​ကြီးထဲသို့ ဆွဲနှစ်​ချ​နေ သည်​။ ​ရေစီးအားနှင့်​အတူပူး​ပေါင်းကာဆွဲနှစ်​သည့်​အခါ ​သရက်​ပင်​ကြီးခမျာ နောက်​ဆုံး "အားမသန်​ မာန်​​လျှော့"ရှာ​ရသည်​။ သူ​နေခဲ့ရာရပ်​၀န်းကို ​ရေလှိုင်း​တွေကြားမှ ရီ​ဝေစွာကြည့်​ရင်း လိုက်​ပါသွား​တော့သည်​။

တ​ဖျောက်​​ဖျောက်​ကျ​နေသည့်​ မိုး​ရေ​တွေနှင့်​​အတူ ကျွန်​မမျက်​၀န်းမှ မျက်​ရည်​စ​များသည်လည်း ​​ချောင်းကြီး အတွင်းသို့ လိမ့်​ဆင်း​နေကြသည်​။ ​ခေါင်းကိုငုံကာ လက်​နှစ်ဖက်​ဖြင့်​ က​လးတယောက်​ မျက်​ရည်​​တွေသုတ်​သလို ပွတ်​သပ်​သုတ်​လိုက်​သည်​။

ဟိုဘက်​ကမ်းပါး၊ ဒီဘက်​ကမ်းပါး ကူးဖြတ်​သည့်​လမ်းဆီကို ကျွန်​မအကြည့်​​တွေ ​နေရာချ​ပေးလိုက်​မိသည်​။ မြင်​လိုက်​ရသည့်​မြင်​ကွင်း​ကြောင့်​ ကျွန်​မရင်​ဟာ စက်​အင်ဂျင်တလုံး အားမနိုင်​လို့ ကြွသွား သည့်​နှယ်​။ ထီးကိုယ်​စီဖြင့်​ ကျွန်​မတည်​ရှိရာ ကမ်းပါးဘက်​သို့ ​ငေးကြည့်​​နေကြသည်​။ အဖြူအစိမ်း ယူနီ​ဖောင်း​လေး​တွေက တ၀က်​တ​ပျက်​ မိုးစို​နေပြီ။ ဘာလို့များ မိုး​တွေတဖွဲဖွဲကျ​​နေပြီး ​နေမင်းကြီး​အိပ်​စက်​​​နေတဲ့ရက်​မှာ ဘာလို့များ သူတို့တ​တွေ အိမ်​ကထွက်​လာခဲ့ကြသလဲ။ ဟို(၂) မိုင်​ခရီး​လောက်​က​ လာခဲ့ကြတဲ့သူတို့တ​တွေက အိမ်​ကိုမပြန်​လိုကြ။ စာသင်​​ကျောင်းကြီးတည်​ရှိရာ ဒီဘက်​ကမ်းပါးကို​ ငေးကြည့်​​နေကြသည်​။

တဖွဲဖွဲကျ​နေသည့်​မိုးသည် တဖြည်းဖြည်းတိတ်​သွားသည်​။ သို့​သော်​ ​ချောင်း​ရေသည်​ကား မ​လျော့။ မိုးတိတ်​သည့်​ ​ကောင်းကင်​ကြီးက က​လေးများတဖက်​ကမ်းသို့ကူးရန်​ မြူဆွယ်​လိုက်​သလို။ ကျွန်​မ မ​ကျေနပ်​စွာ ​မော့ကြည့်​မိသည်​။ ပကတိငြိမ်​​နေတာဆို​ပေမယ့်​ ကျွန်​မအမြင်​မှာ ​ကောင်းကင်​ကြီးက သ​ရော်​ပြုံး ပြုံးကာလှုပ်​လှုပ်​ရွရွဖြစ်​​နေသည်​ထင့်​။ ​သေချာကြည့်​မိ​တော့ မဟုတ်​။ ကောင်းကင်​က တိမ်​ထုကြီးထဲမှာ ​ချောင်း​ရေ​တွေ တဟားဟားရယ်​​နေကြသည့်​အရိပ်​​တွေ။ ပြိုကျ​နေသည့်​ တိမ်​သားစ​လေး​တွေကို မာယာ​တွေလူးထားသည့်​လက်​ကြီးများနှင့်​ ဆွဲတန့်​ထားသည်​။
က​လေး​တွေဆီကို အ​ပြေးအလွှားကြည့်​မိသည်​။ ကျွန်​မ​ နာနာကျင်​ကျင်​ ​ခေါင်းကိုဖြည်းညင်းစွာ ရမ်း လိုက်​မိသည်​။

အ​အေးလွန်​ပြီး ကုပ်​ကပ်​တွ​နေသည့်​ ကျွန်​မလက်​​​တွေကို ဟန့်​တားဖို့အတွက်​ ကြိုးစားဆန့်​ထုတ်​သည်​။ မရ အချည်းနှီးသာ။ "မကူးခဲ့ပါနဲ့"လို့ အားကုန်​​အော်​လိုက်​သည်​။ သူတို့တ​တွေ မကြားကြ။ ကျွန်​မကိုယ်​က အညှာခိုင်​သည့်​ သစ်​ရွက်​နုနု​လေး​တွေ​​တောင်​ ​ကြွေကျသွာသည်​။ ​ချောင်း​ရေ​တွေက ကျွန်​မကိုကြည့်​ပြီး ​ဟားတိုက်​ရယ်​​နေကြသည်​။

(၁၅)နှစ်​အရွယ်​က​လေးတစ်ယောက်​က အဖြူ​ရောင်​စတစ်​​​ကော်​လံနှင့်​ အင်္ကျီ​လေးကိုဦးစွာချွတ်​လိုက်​သည်​။ ပြီး​တော့ ​ကျောင်းစိမ်းပုဆိုးကိုပါချွတ်​ပြီး ကျွတ်​ကျွတ်​အိပ်​ထဲမှာစုထည့်​သည်​။ ​အစက လှိုင်းထန်​​နေသည့်​​ချောင်း​ရေပြင်သည် ကြွက်​ခုတ်​​တော့မည့်​ ​ကြောင်​တကောင်​လို ငြိမ်​ချက်​သား​ကောင်းလှသည်​။ ​အားလုံးအမြင်​မှာ ​ချောင်း​​ရေဟာ နိမ့်​​လျော့သွားပြီဟု ထင်​မှတ်​ရသည်​။ က​လေး ငယ်​က ​ ရူးမိုက်​စွာ ချောင်းတွင်းသို့ ဦးစွာဆင်းသည်​။ က​လေးငယ်​သည် ​ရေကူးကျွမ်းကျင်​စွာ ​ချောင်းကိုဖြတ်​​နေသည်​။ ​က​လေး​ချောင်းလယ်​အ​ရောက်​မှာ ကံဆိုးစွာ အထက်​မှဆည်​​ရေ​တွေ ကျလာသည်​။ ကြီးမားသည့်​လှိုင်းလုံးကြီးများက အညှိုးတကြီးထိုးနှက်​ဖို့ အားစိုက်​​ပြေးလာ​နေသလို။ က​လေးငယ်​လည်း ကြိုးစားပြီးကမ်းဆီအ​ပြေးကူးခတ်​လျက်​။ ကမ်း​ရောက်​ဖို့ (၅)​ပေအလို​လောက်​မှာ လှိုင်းလုံးကြီးများက ရက်​စက်​စွာ ပစ်​တိုက်​ ဖုံးအုပ်​သွားသည်​။

ကျန်​ရစ်​ခဲ့သည့်​ ကမ်းမှက​လေးများက အံ့အားသင့်​စွာ မယုံကြည်​နိုင်​စွာ သူတို့နှုတ်​ခမ်း​လေး​တွေကို လက်​၀ါး​လေးဖြင့်​ ကာလိုက်​မိလျက်​။ အမည်​တခုကို က​လေးငယ်​​တွေ ​အော်​​ခေါ်​နေသည်​။ မည်​သူ မှ ပြန်​လည်​မထူး။ ​လှိုင်းများကြားတွင်​ က​လေးငယ်​၏ အရိပ်​အ​ရောင်​မျှမ​တွေ့။ လှိုင်းလုံးကြီးများက ​အောင်​နိုင်​သူများလက်​၀ါးချင်းရိုက်​လိုက်​ကြသည့်​နှယ်​ မြည်​ဟီး​နေသည်​။ ခဏအကြာမှာ လူကြီး များ ​ရောက်​လာပြီး ​ချောင်း​ရေထဲတွင်​ ​ပြေးလွှားကူးခတ်​ကြသည်​။ အ​ဝေးကြီးထိ ​ရေလှိုင်း​တွေနဲ့ အတူလိုက်​ပါသွားကြသည်​။ ​နောက်​ဆုံး​ချောင်းစပ်မှာ ပြန်​လည်​​ရောက်​ရှိလာသည်​။ ​လူတ​​ယောက်​က ​ဒေါသ​တွေနှင့်​ ​​ချောင်းကမ်းပါးယံကို လက်​သီးဆုပ်​များ ပစ်ကြဲ​နေသည်​သာ။

အဲ့ဒီအဖြစ်​အပျက်​များစွာကို နာကျည်းမုန်းတီးလွန်းလို့ ကျွန်​မ​ကောင်းကင်​ကြီးမှာပဲ အကြည့်​​တွေအ​ခြေချ​နေခဲ့​တော့သည်​။ တိမ်​မျှင်​တန်း​လေး​တွေကို ခပ်​ကျဲကျဲစုတ်​ချက်​ဆွဲထားသည့်​ ​နောက်​ခံ​ကောင်းကင်​ကြီးနှင့်​ လှပ​သောပန်းချီကားသဖွယ်​ဖြစ်​​နေသည်​ကိုလည်း တစ်​ခါတ​လေ​တွေ့မြင်​ရသည်​။ ပြီး​တော့ မိုးသားတိမ်​ထုကြီး​ ပြိုကျ​နေသည့်​မြင်​ကွင်းကိုလည်း မြင်​ရသည်​။ ​ပြီး​တော့ ​ဆောင်းနှင်းများ​ ​ကြွေကျလာသည့်​မြင်​ကွင်းကိုလည်း မြင်​ရသည်​။

နာရီ​ပေါင်းများစွာ ဘယ်​​လောက်​​ သေ​ကြေပျက်​စီးသွားသည်​မသိ။ ဆူဆူညံညံလူသံများ၊ ​အော်​သံ ညာသံများ ​ချောင်းအတွင်းဆီမှတဆင့် ကျွန်​မထံပြန့်​လွင့်​လာမှ ကျွန်​မပတ်​၀န်းကျင်​ကို သတိရမိ သည်​။ အဲ့ဒီရပ်​၀န်းဆီကို ကျွန်​မမျက်​လုံး​တွေ ခရီးမသွားဖြစ်​တာ ရာသီ​ပေါင်းများစွာလည်​ပတ်​ခဲ့ ပြီးပြီ။ အကြည့်​​တွေကိုတားဆီးကြည့်​​​နေချိန်​မှာ စိတ်​ဟာ လွတ်​​ချော်​ထွက်​ခဲ့။ စိုးထိတ်​စွာနှင့်​ အသံ​တွေကျက်​စားရာဆီသို့ ကြည့်​မိသည်​။

"အို!!!!....."
ကျွန်​မအံ့သြစွာ ​ရေရွတ်​မိသည်​။ ​ရေအနည်းငယ်​သာ ​ကွေ့ပတ်​စီးဆင်း​နေသည့်​ ​ချောင်းအတွင်းမှာ လူ​ပေါင်းများစွာ အလုပ်​လုပ်​​နေကြသည်​။ ​ တ၀က်​ထိပြီးစီး​နေပြီဖြစ်​တဲ့ ခိုင်​ခန့်​​သော တံတားကြီး တ​စင်းဟာ ဟိုဘက်​ကမ်းပါးယံမှ ချီတက်​လာ​နေပြီ။ မျှော်​လင့်​မထားမိသည့်​ မြင်​ကွင်း​ကြောင့်​ ​လေ မတိုး​ပေမယ့်​ ကျွန်​မကိုယ်​ကသစ်​ရွက်​​လေး​တွေက ကြက်သီးများထကာ တဖျန်းဖျန်းလှုပ်​တွန့် သွားသည်​။ မိုးမကျ​ပေမယ့်​ သို​လှောင်​ထားသည့်​မိုး​ရေ​တွေက အ​ပျော်​​တွေ​ကြောင့်​ လွင့်​စင်​ကျ​နေသည်​။ ​

နွေပူပူမှာ ငတ်​မွတ်​​နေသည့်​ ​အေးမြတဲ့မိုးစက်​​လေး​တွေရလို့ ကျွန်​မကိုယ်​ထည်​​အောက်​က မြက်​ပင်​​လေး​တွေက ကျွန်​မ​မော့ကြည့်​ပြီး ပြုံးလို့။ လိုအပ်​တပ်မက်​စွာ ​မျှော်​လင့်​ဖူးသည့်​တံတားကြီးတစင်း က ကျွန်​မရှိရာကမ်းပါးဆီ ဦးတည်​​ရှေ့ရှူ​နေတာမြင်​ပြီး ကျွန်​မက ပြုံးလို့။ လုပ်​အား​ပေး​နေသည့်​ ​ကျေးရွာများစွာက လူ​တွေအားလုံးကလည်း ပီတိ​တွေနှင့်​ပြုံး​ပျော်​လို့။ အားလုံးရဲ့အပြုံး​တွေဟာ ​​နွေဦးက သစ်​ရွက်​နုပုရစ်​ဖူး​တွေလို ရွှန်းရွှန်း​နု​ဝေလို့။ ဒီအပြုံး​တွေ မိုနာလီဇာများမြင်​ခဲ့ရင်​ ငိုမယ်​ထင်​ပါရဲ့။

မကြည့်​ဖြစ်​တာကြာပြီဖြစ်​သည့်​ ဒီ​နေ့​နေ၀င်​ဆည်းဆာက ​ရွှေ​ပိုးမျဉ်​​တွေနှင့်​ ထိုးထားသည့်​ အလှဆုံး ဇာပုဝါသားလို။ တဖြည်းဖြည်းအ​ရောင်​​တွေရင့်​ ရင့်​လာသည့်​အ​မှောင်​စ​တွေကြားမှ လမင်းကြီးက တိုးထွက်​​နေသည်​။ တံတား​ဆောက်​​သည့်​ ဟိုဘက်​ကမ်းပါးယံမှ လွင့်​ပျံလာသည့်​အသံ​တွေ​ကြောင့်​ တံတားဖြစ်​တည်​လာ​သောအ​ကြောင်းရင်းများစွာကို ကျွန်​မသိခဲ့ရသည်​။

ဆရာ​တော်​ အရှင်​​ဝေပုလ္လမှ တံတားဖြစ်​တည်​ဖို့ စီမံဦး​ဆောင်​ခဲ့သည်​။ ထူးမြတ်​သည့်​အလှူ ဒါနတ​ခုကို ဖွင့်​လှစ်​ကာ ​ဆံပင်​များကိုအလှူခံခဲ့သည်​။ မြန်​မာနိုင်​ငံအနယ်​နယ်​အရပ်​မှ အမျိုးသမီးများ သည်​ သူတို့၏ဆံပင်​များကို စိတ်​အားထက်​သန်​စွာလှူဒါန်းခြင်း​ကြောင့်​တမျိုး၊ ဆရာ​တော်​ဘုရား၏ ဘုန်းတန်​ခိုးကြောင့်​တသွယ် တံတားကြီးတည်​​ဆောက်​နိုင်​ခဲ့သည်​။ ရည်​သန်ဦးတည်​မှု​ကောင်းမွန်​လှ​သော ဆရာဘုရား၏ လားရာစိတ်​ပန္နက်​​ကောင်းမွန်​လှ​သော​ကြောင့်​ ​ဒေသခံအားလုံးသည်​ ဆရာ​တော်​ဘုရား​ခြေဆုံတွင်​ ဖူး​မျှော်​ခိုလှုံကြသည်​။

အပြုံး​တွေ ဝေ​ဝေဆာလို့ ပီတိ​တွေက လူတိုင်းရင်​မှာ ပန်းများသဖွယ်​ ပွင့်​လန်း​နေသည်​။ လှပခန့်​ ညားသည့်​ တံတားကြီးက ကျစ်​လစ်​​တောင့်​တင်းသည့်​ အပျိုစင်​တဦးလို။ ဒီနှစ်​မိုးရာသီ တချို့ရက်​များတွင်​ ​နေမသာ​နိုင်​​ပေမယ့်​ အပြုံး​တွေ သာယာလှပကြသည်​။

တံတားကြီးကို အမှီသဟဲပြုကာ ​ဒေသခံ​တွေသည် မြို့ပြဆီသို့ နွေ၊ မိုး၊​ ဆောင်း ရာသီမ​ရွေး အမြန်​ခရီးနှင်​နိုင်​ပြ်ီ။ ​ကျောင်းသူ၊​ ကျောင်းသား က​လေးငယ်​​တွေ တံတား​ပေါ်မှသက်​​တောင့်​သက်​သာ ဖြတ်​​လျှောက်​ပြီး ​ကျောင်းပျက်​ရက်​မရှိ တက်​နိုင်​ပြီ။ ​ ရေကြီး​နေချိန်​ အ​ရေး​ပေါ်ကျန်းမာ​ရေးချို့တဲ့​နေသူများ ​မ​သေဆုံးသင့်​ဘဲဆုံးရှုံးခဲ့ရခြင်းများမှ ဒေသခံရွာသူ ရွာသား​တွေလွတ်​​မြောက်​ခဲ့ပြီ။

အ​လောင်း​တော်​ကဿပ ဖူး​မျှော်ရန်​သွားလာကြသည့်​ ဘုရားဖူးများတွက်​ လမ်းပန်းဆက်​သွယ်​​မှုက ​ကောင်းမွန်​ခဲ့ပြီ။ ဆရာ​တော်​ဘုရားသည် ယမား​ချောင်းတံတားကြီးအပြင်​ ယင်းမာပင်​မြို့မှ လယ်​​ငေါက်​ရွာ အ​လောင်း​တော်​ကဿပလမ်းခွဲသို့ ဦးတည်​ရာလမ်းမကြီးကိုလည်း ကတ္တရာခင်းတမျိုး၊ ကွန်​ကရစ်​ခင်းတမျိုးဖြင့်​ ​ကောင်းမွန်​သည့်​လမ်းအသွင်​သို့ပြုပြင်​ကာ တံတားတိုများကိုလည်း ပြုလုပ်​ခဲ့သည်​။

အခုဆို ​ဆရာ​တော်​ဘုရား၏​မေတ္တာ​ကြောင့်​ ​ဒေသခံများ၏စိတ်​သည်​ ​အေးချမ်းမှုများစွာရခဲ့ပြီ။ မဆုံးရှုံးသင့်​ပဲ ဆုံးရှုံးခဲ့ရသည့်​ ရင်​နင့်​ဖွယ်​အဖြစ်​များမှလွတ်​​မြောက်​ခဲ့ကြပြီ။ ​​ရွှေဆံပင်​တံတားကြီး သည် ​ဒေသခံပြည်​သူများတွက်​ ရတနာနှင့်​မခြားသည့်​ စစ်​မှန်​​သော ​ရွှေဆံပင်​တံတားကြီးဖြစ်​သည်​သာ။

တံတား​ပေါ်မှ​ ​လေညင်းခံ​နေ​သောလူများကိုကြည့်​ရင်း ကျွန်​မရင်မှာ​ ​အေးချမ်းရသည်​။ ဆရာ​တော်​ဘုရားသတင်းသုံး​နေထိုင်​ရာသို့ ရည်​သန်​ရင်း ကျွန်​မကိုယ်​ထည်​က သစ်​ရွက်များဖြင့်​ လက်​အုပ်​ချီကာ ကန်​​တော့လိုက်​ပါ​တော့သည်​။

ပြင်သစ်တော်လှန်ရေး ဘာစတီးနေ့မှာ အကြမ်းဖက်တိုက်ခိုက်မှုကြောင့် လူ ၈၀ဦး သေဆုံး

မောင်မောင်စိုး - လွမ်းရစ်ဝေသော နေ့များ ညများ ဘဝပေါင်းများစွာ - အပိုင်း ၁၂

ထက်ခေါင်လင်း - အငြင်းပွားဖွယ်ဖြစ်လာတဲ့ မဘသအဖွဲ့ ဆက်လက်တည်ရှိရေး 
(Myanmar NOW) မိုးမခ၊ ဇူလိုင် ၁၆၊ ၂၀၁၆ 

၂ဝ၁၅ ဇွန်လက ရန်ကုန်တွင် ပြုလုပ်သော အမျိုး ဘာသာ သာသနာ စောင့်ရှောက်ရေးအဖွဲ့ ညီလာခံ မြင်ကွင်း (ဓာတ်ပုံ - Myanmar Now)

ရန်ကုန် (Myanmar Now) - အမျိုး ဘာသာ သာသနာ ထိန်းသိမ်းစောင့်ရှောက်ရေးအဖွဲ့က လူမျိုးရေး၊ ဘာသာရေး အကဲဆတ်တဲ့ မြန်မာနိုင်ငံမှာ လတ်တလော အငြင်းပွားစရာ အဖြစ်ဆုံး အဖွဲ့အစည်း ဖြစ်နေပါတယ်။

မဘသ လို့ အတိုကောက် ခေါ်ကြတဲ့ ဒီအဖွဲ့ဟာ ၂ဝ၁၂ ခုနှစ် ရခိုင်ပြည်နယ်အတွင်း ဘာသာရေး၊ လူမျိုးရေးပဋိပက္ခ ဖြစ်ပွားပြီး နောက်တစ်နှစ်မှာ ပေါ်ပေါက်လာတာပါ။ မဘသ ဆရာတော်အများအပြားရဲ့ ဟောပြောချက်တွေမှာ မွတ်စလင် ဆန့်ကျင်ရေး၊ အမုန်းတရားပွားများစေတဲ့ အသုံးအနှုန်းတွေ ပါဝင်တာကြောင့် အပြင်းအထန် ဝေဖန်ခံနေရပါတယ်။

မန္တလေးမြို့၊ မြဝတီမင်းကြီးကျောင်းတိုက်ဆရာတော် ဦးအရိယဝံသာ ဘိဝံသက မဘသအဖွဲ့ရဲ့ လုပ်ရပ်ဟာ ဗုဒ္ဓရဲ့ လမ်းစဉ်နဲ့ ကိုက်ညီမှုမရှိဘူးလို့ မိန့်ပါတယ်။

“မဘသကို သံဃာထုတွေက မနှစ်မြို့ကြပါဘူး။ သူတို့လုပ်နေတာကလည်း မနှစ်မြို့စရာတွေလေ။ ဒါပေမဲ့ သံဃာထုထဲမှာ သံဃာကောင်းတွေက ဘာမှမပြောချင်လို့သာ သူတို့အသံတွေ ကျယ်နေတာ” လို့ ဆရာတော်က မိန့်ပါတယ်။

မဘသ ပေါ်ပေါက်စမှာ သံဃာအများအပြားက အမျိုးသားရေးတာဝန်အတွက်ဆိုပြီး ပူးပေါင်းပါဝင်ကြပေမယ့် နောက်ပိုင်းမှာ ထောက်ခံမှု လျော့နည်းလာတယ်လို့ ဆရာတော်က သုံးသပ်ပါတယ်။

အငြင်းပွားဖွယ်ရာအဖွဲ့အစည်းဖြစ်တဲ့ မဘသ အဖွဲ့ရဲ့ လှုပ်ရှားမှုကြောင့် သံဃာထုကြား စိတ်ဝမ်းကွဲပြားမှု ပိုမို ဖြစ်ပေါ်လာနိုင်တယ်လို့ အထင်ကရ သံဃာတချို့က မိန့်ကြားကြပါတယ်။

မဘသ အဖွဲ့ တည်ရှိမှု

မကြာသေးမီက ရန်ကုန်တိုင်းအစိုးရအဖွဲ့ ဝန်ကြီးချုပ် ဦးဖြိုးမင်းသိန်းက မဘသအဖွဲ့ဟာ မလိုအပ်တဲ့ အဖွဲ့ဖြစ်တယ်လို့ နှစ်ကြိမ် ပြောဆိုခဲ့ပါတယ်။ မြန်မာပြည်အတွင်း အတော်လေး ဂယက်ရိုက်ခတ်ခဲ့၊ သတင်းစာမျက်နှာဖုံးသတင်းတွေ ဖြစ်ခဲ့တဲ့ သူ့ရဲ့ ပြောဆိုချက်ကြောင့် မဘသအဖွဲ့ ခေါင်းဆောင်ပိုင်းက ဇူလိုင် လဆန်းပိုင်းမှာ အရေးပေါ်အစည်းအဝေး ခေါ်ယူပြီး လတ်တလော ရင်ဆိုင်ရတဲ့အခြေအနေအကြောင်း ဆွေးနွေးကြပါတယ်။

ဒီအတောအတွင်း သံဃာတွေကို လူသိထင်ရှား ဝေဖန်လေ့မရှိတဲ့ မြန်မာနိုင်ငံမှာ မဘသ အဖွဲ့ မရှိသင့်တော့ဘူးလို့ ပွင့်ပွင့်လင်းလင်း ထုတ်ဖော်ပြောဆိုသူ အများအပြား ပေါ်ပေါက်နေပါပြီ။ အခြားတစ်ဘက်မှာတော့ မဘသ အဖွဲ့ ဆက်လက်တည်ရှိရေးကို လိုလားကြောင်း ပြောဆိုသူတွေကိုလည်း အများအပြား တွေ့ရမှာပါ။

မဘသ အဖွဲ့ထဲမှာ အထင်ရှားဆုံး ဖြစ်တဲ့ ဦးဝီရသူက ဇူလိုင် ၁၃ ရက်နေ့မှာ ကြေညာချက်တစ်စောင် ထုတ်ပြန်ပါတယ်။

"အမျိုး ဘာသာ သာသနာစောင့်ရှောက်ရေး (မဘသ) အဖွဲ့ မလိုအပ်ကြောင်း ပြောဆိုလာခြင်းသည် အာဏာရပါတီနှင့် နိုင်ငံတော်အစိုးရ၏ သဘောထားဖြစ်မှန်း သိသာထင်ရှားသည်"လို့ အဲဒီ ထုတ်ပြန်ချက်မှာ ဖော်ပြထားပါတယ်။

မဘသအဖွဲ့ကို မည်သည့်အခါကမှ အသိအမှတ် မပြုခဲ့ဘူး ဆိုတဲ့ နိုင်ငံတော် သံဃာ့မဟာနာယကအဖွဲ့ရဲ့ ကြေညာချက် ထွက်ပေါ်လာပြီး နောက်တစ်နေ့မှာ ဦးဝီရသူက အဲဒီလို တုန့်ပြန်လိုက်တာပါ။ သာသနာရေးဝန်ကြီးဌာနရဲ့ "အစိတ်အပိုင်းတစ်ခု"ဖြစ်တဲ့ သံဃာ့မဟာနာယကအဖွဲ့ရဲ့ ကြေညာချက်ကြောင့် ဘုရားသားတော်ညီနောင် အချင်းချင်း စိတ်ဝမ်းကွဲစရာ အကြောင်းမရှိဘူး လို့လည်း ဦးဝီရသူက တုန့်ပြန်ပါတယ်။

မဘသအဖွဲ့ ရှိသင့်ကြောင်း ထုတ်ဖော်ပြောကြားသူများထဲမှာ ထင်ရှားကျော်ကြားတဲ့သူ အရေအတွက် နည်းပါးပါတယ်။ ယခင် ပြန်ကြားရေးဝန်ကြီးဟောင်း ဦးရဲထွဋ်က မဘသ အဖွဲ့ ရှိသင့်တယ် လို့ သဘောထား ပေးသူပါ။

"ဗုဒ္ဓဘာသာမှာသာမက ခရစ်ယာန်၊ အစ္စလာမ်နဲ့ ဟိန္ဒူ ဘာသာတွေမှာလည်း အဲဒီလို အဖွဲ့အစည်းတွေ အများကြီးရှိပါတယ်။ မဘသ တစ်ခုတည်းကို ရွေးထုတ်ပြီးပြောဖို့ မသင့်ဘူး"လို့ ဝန်ကြီးဟောင်းက သူ့ရဲ့ Facebook စာမျက်နှာမှာ ဇူလိုင်လ ၇ ရက်နေ့က ရေးလိုက်ပါတယ်။

မဘသ အဖွဲ့အစည်းနဲ့ အဖွဲ့အစည်းဝင် ပုဂ္ဂိုလ်တစ်ဦးချင်းကြားမှာ ခွဲခြားမြင်နိုင်ဖို့ လိုတယ်၊ ပြီးခဲ့တဲ့ မဘသ ညီလာခံမှာ ဆွေးနွေးချက်များ၊ မိန့်ခွန်းများကို လေ့လာရင် မဘသဟာ ဘာသာရေးအစွန်းရောက် အဖွဲ့အစည်းမဟုတ်ဘူး ဆိုတာ တွေ့နိုင်ပါတယ်လို့ ဝန်ကြီးဟောင်းက ဆိုပါတယ်။

မဘသကို ဝေဖန်ပြောဆိုမှု၊ ကာကွယ်ပြောဆိုမှုတွေ အပြန်အလှန် ရှိနေချိန် မဘသ ဗဟိုအဖွဲ့ ပြောရေးဆိုခွင့်ရှိသူ ဒေါက်တာဦးသောပါကက “မဘသမှာက ရည်ရွယ်ချက်နဲ့ လုပ်ငန်းစဉ်တွေ ရှိတယ်။ ကိုယ့်ရည်ရွယ်ချက်အတိုင်း၊ ကိုယ်လုပ်ရမယ့် လုပ်ငန်းစဉ်တွေကို ဆက်လက် ဖော်ဆောင်သွားမှာပါ” လို့ သတင်းထောက်တွေကို မိန့်ပါတယ်။

ပြည်ပရောက် သံဃာတို့အပေါ် သက်ရောက်မှုတချို့

ပြီးခဲ့တဲ့ ရွေးကောက်ပွဲမှာ မဘသအဖွဲ့ ဦးဆောင်ဆရာတော်တချို့က ပြည်ခိုင်ဖြိုးပါတီဘက်ယိမ်းတဲ့အသံတွေ ထင်ထင်ရှားရှားပြသတဲ့နည်းနဲ့ မဲဆွယ်ပေးခဲ့ကြတယ် လို့ ၂ဝဝ၇ ရွှေဝါရောင် သံဃအရေးအခင်းမှာ ဦးဆောင်ပါဝင်ခဲ့တဲ့ ဆရာတော်တပါးဖြစ်တဲ့ ကရင်ပြည်နယ်၊ ဘားအံမြို့၊ နောက်ပတုတ်ကျေးရွာ ဝိမုတိသုခဝိဟာရ ကျောင်းတိုက်ဆရာတော် ဦးဣဿရိယက ဝေဖန်လိုက်ပါတယ်။

“အမျိုးကိုစောင့်ရှောက်ဖို့ဆိုပြီးခေါင်းစီးတပ်ထားပေမယ့် တချိန်လုံး သမ္မတဟောင်းဦးသိန်းစိန်တို့ဘက်ကို ထောက်ခံခဲ့တယ်။ မှားတာတွေကို ထောက်ပြဝေဖန်တာတွေ မလုပ်ခဲ့ဘူး။ NLD ကို တိုက်ခိုက်ပြီး အမုန်းတရားတွေ၊ အစွန်းရောက်တရားတွေ ဟောခဲ့ကြတယ်” လို့ ဆရာတော်က ဝေဖန်ပါတယ်။

မဘသအဖွဲ့မှာထင်ရှားတဲ့ ဆရာတော်ဦးဝီရသူဟာ ကုလသမဂ္ဂရဲ့ မြန်မာနိုင်ငံ လူ့အခွင့်အရေး စုံစမ်းစစ်ဆေးသူ မစ္စရန်ဟီးလီကို သူ့ရဲ့ ၂ဝ၁၅ ဇန်နဝါရီလ မြန်မာပြည်ခရီးစဉ်အတွင်း လူသိထင်ရှား ဆဲရေး တိုင်းထွာတာခြင်းဖြင့် ဝိနည်းနဲ့ မညီတဲ့ လုပ်ရပ်ကို ကျူးလွန်ခဲ့ပေမဲ့ အဖွဲ့က အရေးယူခြင်းမပြုခဲ့ဘူး၊ မဘသအဖွဲ့က ဦးစီးထုတ်ဝေတဲ့ စာစောင်တွေမှာ သူ့လုပ်ရပ် မှန်ကန်လို့ ထောက်ခံတယ်ဆိုပြီး ရေးသားခဲ့ကြောင်း ဆရာတော်က ဆက်မိန့်ပါတယ်။

“မဘသအဖွဲ့ ပေါ်လာပြီးနောက်မှာလူတွေ၊ သံဃာတွေ စိတ်ဝမ်းတွေ ကွဲတယ်၊ မညီမညွတ်တွေ ဖြစ်လာတယ်။ အမျိုးကို စောင့်ရှောက်ပုံက လွဲမှားပြီး ဖျက်ဆီးသလိုကို ဖြစ်နေတာ” လို့ ဆရာတော်က မှတ်ချက်ပြုပါတယ်။

မြန်မာပြည် ဒေသအများအပြားမှာ လူမျိုးရေး၊ ဘာသာရေး ပဋိပက္ခဖြစ်ပွားတာကို ကမ္ဘာက သိရှိနေပြီး မဘသအဖွဲ့ရဲ့ လှုပ်ရှားမှုဟာ ပြည်ပရောက် သံဃာတွေ သီတင်းသုံးမှု၊ သာသနာပြုမှုကို ထိခိုက်စေတယ်လို့လည်း ဥရောပကို ၂ ကြိမ်သွားရောက်၊ ထိုင်းနိုင်ငံမှာ ၈ နှစ်ကြာ သီတင်းသုံးခဲ့ဖူးတဲ့ ဆရာတော်က မိန့်ပါတယ်။

ပြီးခဲ့တဲ့နှစ် ဇူလိုင်လက ဒိန်းမတ်နိုင်ငံမှာ ရှိနေစဉ် အစ္စလမ်ဘာသာဝင်တချို့က သူ့ကို နှောင့်ယှက်ခဲ့တယ်လို့ ဆိုပါတယ်။

“ဘယ်နိုင်ငံကလာတာလဲလို့ မေးတယ်။ မြန်မာကလို့ပြောရော မင်းတို့နိုင်ငံက ငါတို့ဘာသာဝင်တွေကို နှိပ်စက်နေတဲ့နိုင်ငံ၊ မင်းတို့ဘာသာက ငါတို့ဘာသာကို ဖိနှိပ်နေတဲ့ဘာသာဆိုပြီး နောက်ကနေ တကောက်ကောက် လိုက်ပြောဆိုနေတာ” လို့ ဆရာတော်က မိန့်ပါတယ်။

“မဘသပေါ်လာပြီးမှ ဒီလိုဖြစ်ရပ်တွေ ဖြစ်ပေါ်လာရတာလို့ အဲ့ဒီဥရောပမှာရှိတဲ့ ကိုယ့်မိတ်ဆွေတွေကလည်း ပြောကြတယ်”

သူ့မိတ်ဆွေတွေ ဖြစ်တဲ့ ပြင်သစ်ရောက် ဦးကုမာရ၊ ဆွီဒင်ရောက် ဦးသောမနတို့လည်း အစ္စလမ်ဘာသာဝင်တွေရဲ့ နှောက်ယှက်ခြင်းကို ခံခဲ့ရတယ်လို့ ဆရာတော်က မိန့်ပါတယ်။

လူသားတိုင်းကို မေတ္တာထားပြီး ညီညွတ်ရေး၊ ငြိမ်းချမ်းရေး၊ တည်ငြိမ်ရေးတို့ကို ဆောင်ရွက်ရေးက သံဃာတော်တွေရဲ့ တာဝန်ဖြစ်တာကြောင့် ဘာသာမတူသူကို ပစ်မှတ်ထားတဲ့ မဘသရဲ့ လုပ်ငန်းစဉ်တွေဟာ ဗုဒ္ဓလမ်းစဉ်ကို ဖျက်ဆီးသလိုဖြစ်စေတယ်လို့ မန္တလေးမြို့၊ မဟာဝိဇိတာရာမ ကျောင်းတိုက်က ဆရာတော် ဦးစိန္တိတက မိန့်ကြားပါတယ်။

“သာသနာ အကျိုး ယှဉ်တွဲ ဆောင်ရွက်ရာကနေ သံဃာထုကြားမှာ ထောက်ခံတဲ့အုပ်စုနဲ့ မထောက်ခံတဲ့အုပ်စု ဆိုပြီး သူ့ဘက်ကိုယ်ဘက် အပြစ်တွေ အပြန် အလှန် ပြောနေကြရတဲ့အဆင့်ကို ရောက်နေပြီ” လို့ ဆရာတော် ဦးစိန္တိတက မိန့်ကြားပါတယ်။

သူက လွန်ခဲ့တဲ့ ၄ လကျော်က မဘသ ဦးဆောင်ဆရာတော်ဖြစ်တဲ့ ဦးဝီရသူကို ဝေဖန်ခဲ့ပါသေးတယ်။ ဦးဝီရသူကို ထောက်ခံသူတချို့က သူ့ကို ဖုန်းဆက်ပြီး သတ်ဖြတ်မယ်၊ ဓားနဲ့ ခုတ်မယ် ဆိုပြီး ခြိမ်းခြောက်တယ်လို့ ဆရာတော်က မိန့်ပါတယ်။

ပြီးခဲ့တဲ့လကလည်း ညပိုင်း မဟာမြတ်မုနိဘုရားက အပြန်မှာ နောက်ကနေ ဆိုင်ကယ်နဲ့ လိုက်တိုက်ခံရပေမဲ့ ဘာကြောင့်တိုက်တယ်၊ ဆိုင်ကယ်သမား ဘယ်သူဆိုတာတွေကို အခုထိ မသိရဘူး လို့ ဆရာတော်က မိန့်ပါတယ်။

ပြည်ခိုင်ဖြိုးပါတီနဲ့ဆက်ဆံရေး

မဘသအဖွဲ့ဟာ ပြီးခဲ့တဲ့ ပြည်ခိုင်ဖြိုးအားကောင်းတဲ့ လွှတ်တော်၊ ပြည်ခိုင်ဖြိုးအစိုးရလက်ထက်မှာတုန်းက မျိုးစောင့်ဥပဒေ ၄ ခု ပေါ်ပေါက်လာအောင် လှုံ့ဆော်နိုင်ခဲ့ပါတယ်။

မဘသအဖွဲ့ဟာ ယခင် စစ်အာဏာရှင်တွေဘက်ကို ယိမ်းခဲ့တာ မှားတယ်လို့ ၂ဝဝ၇ ရွေဝါရောင် သံဃာ့အရေးအခင်း ဦးဆောင်သံဃာ တစ်ပါးဖြစ်တဲ့ ရန်ကုန်မြို့ ရွှေသိမ်ကျောင်းတိုက် ဆရာတော် ဦးသန္တာသီရိက မိန့်ပါတယ်။

“သံဃာ့အဖွဲ့အစည်းဟာ မြန်မာနိုင်ငံကို ထေရဝါဒသာသနာရောက်လာခဲ့တဲ့ အချိန်ကစပြီး ဒီနေ့ဒီအချိန်လို သံဃာ သင်းကွဲတာတွေ၊ သံဃာဂိုဏ်းကွဲတာတွေ တစ်ခါမှ မဖြစ်ခဲ့ဖူးပါဘူး။ ဒါကြောင့် မဘသရဲ့ လုပ်ရပ်တွေဟာ ဝိနည်းတော်နဲ့ မညီညွတ်ပါဘူး။ သံဃာထု မလိုလားတဲ့ ကိစ္စတွေကို ရပ်တန့်သင့်ပါတယ်” လို့ သူက တိုက်တွန်း မိန့်ကြားလိုက်ပါတယ်။

မဘသ အထွေထွေ အတွင်းရေးမှူး ဦးဝိမလဗုဒ္ဓိကတော့ သူတို့အဖွဲ့ဟာ ပြည်ခိုင်ဖြိုးပါတီနဲ့ အပေးအယူ ရှိခဲ့တယ် ဆိုတဲ့ သုံးသပ်ချက်တွေ၊ စွပ်စွဲချက်တွေကို့ ပယ်ချပါတယ်။

စစ်ခေါင်းဆောင်ဟောင်းတွေ ဦးဆောင်တဲ့ ပြည်ခိုင်ဖြိုးပါတီရဲ့ အသုံးချခံဖြစ်တယ်ဆိုတဲ့ စွပ်စွဲချက်တွေ၊ ယူဆချက်တွေဟာလည်း ယုတ္တိမရှိဘူး၊ မဘသ ဥက္ကဋ္ဌဆရာတော် ဦးတိလောကဘိဝံသဟာ စစ်အာဏာရှင်ခေတ်က အကျဉ်းကျခံခဲ့ရဖူးတယ် ဆိုတဲ့ အချက်ကို သူက ထောက်ပြပါတယ်။

“ဒါပေမဲ့ မျိုးစောင့်ဥပဒေကို လျှောက်ထားရတော့မယ် ဆိုတော့ (ဦးသိန်းစိန်ဦးဆောင်တဲ့) အစိုးရဆီမှာ လျှောက်ထားရတာလေ။ အဲဒီတော့ အစိုးရနဲ့ပဲ ပူးပေါင်းပြီး လုပ်ရတာပေါ့”လို့ မွန်ပြည်နယ်၊ မော်လမြိုင်မြို့ မြစေတီကျောင်းတိုက်ဆရာတော် ဦးဝိမလဗုဒ္ဓိက မိန့်ပါတယ်။

မဘသအဖွဲ့ ဆက်ရှိနေသင့်တယ်၊ မရှိသင့်တော့ဘူးဆိုတဲ့ အငြင်းပွားမှုတွေ ပြင်းထန်နေတဲ့ အချိန်မှာပဲ နိုင်ငံတော်သံဃ မဟာနာယကအဖွဲ့က ရန်ကုန်မှာ အစည်းအဝေး ပြုလုပ်နေပါတယ်။ ဇူလိုင် ၁၃ ရက်နေ့မှာ အစည်းအဝေးတက်ရောက်တဲ့ သာသနာရေးနှင့် ယဉ်ကျေးမှုဝန်ကြီး သူရဦးအောင်ကိုက ကြည်ညိုလေးစားဖွယ်ရာ ထေရ်ကြီးဝါကြီး သံဃာတော် အများအပြား ပါဝင်တဲ့ မဘသအဖွဲ့ဟာ ဒီမိုကရေစီကို နောက်ပြန်သွားလိုတဲ့ လူပုဂ္ဂိုလ်တစ်စုတစ်ဖွဲ့ရဲ့ လက်ကိုင်တုတ်အဖြစ် အသုံးချခြင်း မခံရဘူးဆိုရင် ရေရှည်ရပ်တည် နိုင်မယ်လို့ ယုံကြည်ကြောင်း သတင်းထောက်တွေကို ပြောလိုက်ပါတယ်။ ။

လှကျော်ဇော - ဝ တောင်တန်းက လွမ်းပန်းချီ (၁)
(ပြည်တွင်းစစ်အတွင်းက မမေ့နိုင်တဲ့ ပုံရိပ်လွှာ)
(မိုးမခ) ဇူလိုင် ၁၆၊ ၂၀၁၆

ဒေါ်မာရွယ်(ရဲဘော်နော်ဆိုင်းဇနီး-အရှေ့မြောက်စစ်ဒေသ-အမျိုးသမီးတပ်ခွဲ-တပ်ခွဲမှုး)
ဒေါ်မာဂရက်(မျက်မှန်နဲ့)-အရှေ့မြောက်စစ်ဒေသဆေးရုံဒုဆေးရုံအုပ်

အခုတလော ရခိုင်ဒေသတွင်းပြန်လည်ပေါ်ထွက်လာတဲ့ စစ်ပွဲများနဲ့အတူ ကျွဲကူးရေပါပြဿနာ ဖြစ်တဲ့ ပေါ်တာပြဿနာ ... ဆိုတာလည်း ပြန်ကြားလာရပါတယ်။ ဗမာစစ်တပ်ကတော့ ပေါ်တာဆိုတဲ့စကား ကြားလိုက်ရင်ကို ဆတ်ဆတ်ခါ နာသွားပုံရပါတယ်။ ပြည်သူတွေက ပေါ်တာပြဿနာကြောင့် သူတို့ကို ကန့်ကွက်ဆန့်ကျင်လာကြလို့ နာကြတာပါ။

ပေါ်တာဆွဲတာနဲ့အတူ ပေါ်တာတွေကို သတ်ပစ်တာ၊ နှိပ်စက်တာ၊ ပေါ်တာဆွဲတာ အမျိုးသမီးတွေပါ ဆွဲပြီး ဝိုင်းဝန်း မုဒိမ်းကျင့်တာ၊ ပေါ်တာတွေကို ရှေ့ဆုံးကထားပြီး မိုင်းရှင်းကိရိယာလို အသုံးချနေတာ၊ လူသားခံကတုတ်လုပ်နေတာတွေကြောင့် ဒီပြဿနာတွေ ဖုံးမနိုင်ဖိမရဖြစ်ကာ ပြည်သူတွေ တဆင့်တိုး ကန့်ကွက်မှုတွေ လုပ်လာလို့သူတို့ မခံမရပ်နိုင် ဖြစ်နေကြတာပါ။

ကျွန်မတို့တတွေ တိုက်နေတဲ့ စစ်ပွဲများမှာ လက်နက်ကိုင်ထားတဲ့ (ဘက်-၂-ဘက်က) စစ်သားတွေ ချည်း တိုက်နေတာ မဟုတ်ပါဘူး။ အဲဒီစစ်ပွဲများအတွင်းမှာ စစ်သားချည်းပဲ သေဆုံးနေရတာ ထိခိုက် ဒဏ်ရာရနေတာ ဒုက္ခိတဖြစ်နေရတာလည်း မဟုတ်ပါဘူး။ (မယ်တော်ဆေးခန်းမှာ မပြတ်ရောက်နေတဲ့ မိုင်းထိ ရွာသားများကိုကြည့်ပါ။)

ပြည်တွင်းစစ်ကြီး ရှိနေသရွေ့ ပေါ်တာပြဿနာ ရှိနေမှာပါ။

ဗမာပြည်အတွင်းက လက်နက်ကိုင်အဖွဲ့အစည်း အမျိုးမျိုးအကြောင်း သုတေသနပြုပြီး စာအုပ်ရေးဖို့ ကြိုးပမ်းနေတဲ့ နိုင်ငံခြား သတင်းထောက်တဦးက ကျွန်မကို… "မင်းတို့တတွေ စစ်တိုက်နေတုန်းကရော ပေါ်တာဆွဲဖူးသလား"လို့ မေးဖူးပါတယ်။ ဒီ တော့ ကျွန်မက ဆတ်ခနဲဖြစ်သွားပြီး ... "တို့တိုက်နေတာက ပြည်သူတွေအကျိုးအတွက် တိုက်နေတာ။ တို့တပ်ကို ပြည်သူ့တပ်မတော် (People’s Army) လို့တောင် နံမည်ပေးထားတာ။ အစစအရာရာ ပြည်သူလူထုကို မှီခိုရတာ။ တို့တပ်တွေအတွက် လက်နက် ခဲယမ်းမီးကျောက်၊ ရိက္ခာ ဘယ်သူ သယ်ပို့ပေးမှာလဲ။ ဒဏ်ရာရတဲ့ တို့ရဲဘော်တွေကို နောက်တန်းပြန်ပို့ဖို့ ဘယ်သူက ထမ်းပေးမှာ လဲ။ တို့အခြေခံဒေသအတွင်း တိုက်ပွဲစစ်မျက်နှာ အနီးအနားရွာတွေက ပြည်သူတွေကိုပဲ နိုင်ငံရေးအရ လှုံ့ဆော်ပြီး သူတို့ကိုပဲ တာဝန်ပေးရတာပေါ့။ သူတို့မှမကူညီရင် တို့ဘယ်လိုလုပ် စစ်တိုက်နိုင်မှာလဲ ..."လို့ဖြေလိုက်ပါတယ်။

ဒါ့အပြင် "တို့က သူတို့ကို လူသားချင်းစာနာတဲ့စိတ်နဲ့ ကောင်းကောင်းမွန်မွန် ဆက်ဆံပါတယ်…"လို့ လည်း ထပ်ဖြည့် ပြော လိုက်ပါတယ်။

ဒါ့ထက် ပိုရှင်းအောင် ပြောရင် တော်လှန်ရေးဘက်က စစ်တိုက်တယ်ဆိုတာ ရန်သူကို ခုခံတိုက်ခိုက်ဖို့နဲ့ မိမိဒေသ မိမိ ပြည်သူကို ကာကွယ်ဖို့ ပြည်သူကို စည်းရုံးလှုံ့ဆော်ကာ ပြည်သူ့စစ်ပွဲ ဆင်နွှဲနေခြင်း ဖြစ်ပါတယ်။ ဒီစစ်ပွဲထဲမှာ ပြည်သူတွေရဲ့ ပါဝင် ထမ်းဆောင်မှုဟာ လက်နက်အားကိုး ပြည်သူကို အနိုင်ကျင့်နေတဲ့ အစိုးရစစ်တပ်ရဲ့ ပေါ်တာဆွဲမှုနဲ့ အနှစ်သာရအရ အကွာကြီး ကွာခြားပါတယ်။ လက်တွေ့အရ ကြည့်ရင်လည်း မိမိဒေသကို ရန်သူထိုးစစ်ဆင်လာတဲ့အခါမှာ ရန်သူ့ထိုးစစ်ကို ခုခံတုံ့ပြန်ဖို့၊ မိမိ ဒေသ မိမိပြည်သူကို ကာကွယ်ဖို့ ပြည်သူ့စစ်များနဲ့ ပြည်သူကို နိုင်ငံရေးအရ စည်းရုံးလှုံ့ဆော်တာတွေ ပညာပေးတာတွေ လုပ်ရ ပါတယ်။ ဒါကြောင့် လွတ်မြောက်ဒေသက ပြည်သူ့စစ်များနဲ့ ပြည်သူများဟာ မိမိတို့ကိုယ်ကို ခုခံကာကွယ်ဖို့ အသိစိတ်ဓာတ်များ နိုးကြားလာကာ တော်လှန်ရေးစစ်ပွဲအတွင်း ကိုယ်တိုင် ပါဝင်ထမ်းဆောင်တာ၊ ကူညီထောက်ပံ့မှုတွေလုပ်လာတာ ဖြစ်ပါတယ်။ အဲသလို ပြည်သူတွေကိုယ်တိုင်ရဲ့ ပါဝင်ထမ်းဆောင်မှုနဲ့ ပြည်သူတွေရဲ့ ကူညီထောက်ပံ့မှုအပေါ် မှီခိုအားကိုးပြီး တိုက်ရတာ ဖြစ်တဲ့ အတွက်ကြောင့်လည်း ပြည်သူ့စစ်ပွဲလို့ ခေါ်ဆိုတာ ဖြစ်ပါတယ်။ အရှေ့မြောက်ဒေသမှာ အသိစိတ်ဓာတ်မြင့်မားစွာ စစ်ရေးတာဝန် တွေ တောင်းဆိုရင်း ပြည်သူအတွက် ဂုဏ်ပြောင်စွာ အသက်စွန့်သွားကြတဲ့ ပြည်သူ့စစ် သူရဲကောင်းတွေ ရှိသလို ပြည်သူ့စစ်ပွဲရဲ့ ရှေ့တန်းမှာ တာဝန်တွေ ထမ်းဆောင်ဖို့ တက်ကြွစွာ တောင်းဆိုပြီး တာဝန်ထမ်းဆောင်ခဲ့ပြီး စံနမူနာ စိုက်ထူခဲ့ကြတဲ့ အမျိုးသမီး သမဂ္ဂအဖွဲ့တွေ၊ ကျေးရွာအလိုက် ပြည်သူတွေ ရှိခဲ့ပါတယ်။ ဒါသာမက ရှေ့တန်းအထိ စွန့်စွန့်စားစား သွားရောက်ကာ ရှေ့တန်းမှာ စစ်တိုက်နေတဲ့ ပြည်သူ့တပ်မတော်များအတွက် အသားဟင်းလျာ၊ ဟင်းသီးဟင်းရွက်ကအစ ပို့ဆောင်ပေးကြတဲ့ ရှေ့တန်းကူညီ ရေးအဖွဲ့တွေလည်း အမြဲတမ်း ရှိခဲ့ကြပါတယ်။ ဒါကြောင့် နှိုင်းယှဉ်မယ်ဆိုရင် အစိုးရစစ်တပ်ရဲ့ ပေါ်တာဆွဲမှုနဲ့ အနှစ်သာရ မတူ ပါဘူး။

ဒါပေမဲ့ ဓမ္မတာအတိုင်း ပြည်သူ့စစ်ပွဲအတွင်း ပြည်သူတွေ ပါဝင်ပြီး တာဝန်ထမ်းဆောင်ရာမှာ ပြည်သူကို လှုံဆော် စည်းရုံး ပညာပေးရာမှာ မလုံလောက်တဲ့အခါများမှာတော့ ပြည်သူတွေ တာဝန် ထမ်းဆောင်တဲ့အခါမှာ အဆင်မပြေမှုလေးတွေနဲ့ ကြုံတတ်ပါတယ်။ စစ်ပွဲရဲ့ ပြင်းထန်မှုအလိုက် လုပ်ငန်းအရေးကြီးတဲ့အခါနဲ့ ပြည်သူတွေအပေါ် စာနာမှု မလုံလောက်တဲ့ တပ်မှူး တပ်သား တချို့တလေနဲ့ တွေ့ရတဲ့အခါ၊ ဒါမှမဟုတ် လုပ်ငန်းစီမံမှု ချွတ်ယွင်းတဲ့အခါများမှာတော့ ပြည်သူတွေနဲ့ ပြည်သူ့တပ်မတော် အတူတကွ တာဝန်ထမ်းဆောင်တဲ့အခါမှာ အဖုအထစ်လေးတွေ၊ ပြဿနာလေးတွေ အနည်းအပါး ပေါ်တတ်တာတော့ ရှိပါတယ်။ ဒါပေမဲ့ ဒါမျိုးတွေဟာ ပြည်သူတွေ  ပါဝင်ဆင်နွှဲနေတဲ့ ပြည်သူ့စစ်ပွဲအတွင်းမှာ ပြည်သူတွေနဲ့ ပြည်သူ့တပ်မတော်ကြား အဓိကပြဿနာ ဖြစ်လာတဲ့အထိ ဘယ်တုန်းကမှ မပေါ်ခဲ့ဘူးပါဘူး။

ဒါပေမဲ့ အဲဒီလို ကိစ္စတွေထဲကပဲ ကျွန်မ စိတ်ထဲ အမှတ်ထင်ဖြစ်နေတဲ့ ကိစ္စတရပ်တော့ ရှိခဲ့ပါတယ်။ ပြည်တွင်းစစ် ရဲ့ဒဏ်ကို တပြည်လုံးက ပြည်သူတွေ ပင်ပန်းကြီးစွာ ခံစားနေရတာရဲ့ ပြယုဂ်တခုလို့ပဲ ဆိုရမှာပါ။

ဒီအကြောင်း ပြန်လည်ဖော်ပြဖို့ ကြိုးစားရင်း စိတ်ထဲမှာပေါ်လာနေတဲ့ လူတယောက်ရဲ့ပုံကို တိတ်တိတ်ကြိတ်ပြီး တောင်း ပန်နေမိပါတယ်။

၁၉၈၀ခုနှစ် ဧပြီလအတွင်း ဗမာပြည်ကွန်မြူနစ်ပါတီ-အရှေ့မြောက်စစ်ဒေသက ဆင်နွှဲခဲ့တဲ့ ကောင်းလင်းကောင်း လန်းတိုက်ပွဲကာလက အဖြစ်အပျက်တရပ်ပါ။ ကျွန်မအတွက် ဘယ်တော့မှ မမေ့နိုင်ဘဲ အကြောင်းတိုက်ဆိုင်လာတိုင်း ဖြစ်ရပ်တစုံ လုံး ပြန်ပြန် မြင်ယောင်နေမိတဲ့ အဖြစ်အပျက်ပါ။ ၁၉၇၉ခုနှစ်နှောင်းပိုင်းမှာ မဆလအစိုးရက ကျွန်မတို့ပါတီရှိရာအခြေခံဒေသများကို “မင်းရန်အောင်” ထိုးစစ်ဆင်လာပါတယ်။ "နှစ်သစ်ကူး ထမင်းစားပွဲကို ပန်ဆန်းမှာ ကျင်းပမယ်"လို့ ကြွေးကြော်လာခဲ့တာပါ။ ကျွန်မတို့က နေရာအတော်များများကနေ တန်ပြန်တိုက်ခိုက်ပြီး ထိုးစစ်ကို ရပ်တန့်စေခဲ့ပါတယ်။ ထိုးစစ်ရဲ့ ဘယ်တောင်ပံ - ညာတောင်ပံ (ထင်းရှူးတောင်တိုက်ပွဲ- မန်ခါတိုက်ပွဲ- ၂ပွဲ) တို့ကို ကျွန်မတို့ ပြည်သူ့တပ်မတော်က ရိုက်ချိုးလိုက်နိုင်ပေမယ့် စစ်ရင်အုပ်အဖြစ် ပန်ဆန်း-ဗဟိုကို ဦးတည်ထိုးလာမယ့် ထိုးစစ်ကို ခုခံဖို့ ကျွန်မတို့တတွေ ပြင်ဆင်ရပါတော့တယ်။ ပန်ဆန်းကို ခြိမ်းခြောက်နေတဲ့ ရန်သူ တပ်မ-၇၇-ကို ထိထိမိမိ ချေမှုန်းဖို့နဲ့ အလယ်ပိုင်းကိုဆင်းမယ့် ပါတီဗဟိုဌာနခွဲရဲ့ အလယ်ပိုင်းဗျူရို တပ်များအတွက် လမ်းရှင်းပေးဖို့အတွက်ပါ ရည်ရွယ်ပြီး တိုက်ပွဲကြီး တပွဲ တိုက်ရန်ပါ။

အဲဒီကာလက- ဗဟိုရဲ့ တာဝန်ပေးချက်အရ ကျွန်မက ပန်ဆန်းအရှေ့မြောက်စစ်ဒေသ ဆေးရုံအတွင်း “ဗဟိုဆေး ကျောင်း” ဖွင့်ထားပါတယ်။ ပါတီတွင်းဒေသအသီးသီး တပ်အသီးသီးက သင့်တော်တဲ့သူများကိုရော ပါတီနဲ့တပ်ပေါင်းစုဖွဲ့ထားတဲ့ အဖွဲ့အစည်းအသီးသီးကရော သင်တန်းသားများရွေးချယ်ပြီး ၂နှစ် ဆေးသင်တန်းဖွင့်ပြီးသင်ကြားနေတာပါ။ ပါတီဟာ အဲသလိုဆေး သင်တန်းမျိုးကို တော်လှန်ရေးစချိန်ကစလို့ အဆက်မပြတ်ဖွင့်လှစ်ခဲ့တာပါ။ အခြေအနေပေးရင် ပေးသလို ရက်တိုသင်တန်း ရက် ရှည်သင်တန်း အဆင့်အမျိုးမျိုး (ရှေးဦးသူနာပြု-သူနာပြု-ဆရာဝန်) သင်တန်းတွေ ဖွင့်ခဲ့ပါတယ်။ အဲဒီသင်တန်းတွေရဲ့အဆက် အဖြစ် ဗဟိုဆေးကျောင်းကို ဖွင့်ခဲ့တာပါ။ ပထမပတ် ဆေးကျောင်းကာလမှာ ဒီထိုးစစ်ကြီးနဲ့ တိုးနေတာပါ။ ဆေးကျောင်းမှာ သဘော တရားဘာသာရပ် အတော်များများလည်း သင်ကြားပြီးပြီဖြစ်လို့ လက်တွေ့ဆင်းမယ့် အချိန်နဲ့လည်း ကိုက်သွားပြီး-- ရှေ့တန်းဆေး အဖွဲ့- လုပ်ငန်း ကို ကျွန်မတို့ဆေးကျောင်းကပဲ တာဝန်ယူလိုက်ပါတယ်။

၁၉၇၉ ခုနှစ်မကုန်မီ တိုက်ခဲ့ရတဲ့ မန်ခါတိုက်ပွဲတုန်းကလည်း ရှေ့တန်းဆေးအဖွဲ့နဲ့အတူ ကျွန်မလိုက်ဖူးပါတယ်။ အဲဒီ တုန်းက ကျွန်မကလေ့လာသူအဖြစ် လိုက်သွားတာဖြစ်ပြီး အားလုံးကိုစစ်ဒေသဆေးရုံကြီးက ဒုဆေးရုံအုပ် ဒေါ်မာဂရက်က ဦးစီးခဲ့ တာပါ။ ဒေါ်မာဂရက်ဟာ ၁၉၅၀ ခုနှစ်များက တရုတ်ပြည်ရောက်လာတဲ့ ရဲဘော်နော်ဆိုင်းတပ်ကဖြစ်ပြီး ဒေါက်တာဆီးဂရေစ့် ရဲ့ တပည့်တဦးလည်း ဖြစ်ပါတယ်။ ကရင်အမျိုးသမီး တောင်ပေါ်သူကြီးဖြစ်ပါတယ်။ နမ်းခမ်းဆေးရုံက ဒေါက်တာဆီးဂရေစ့်ရဲ့ ဆေးသင်တန်းဆင်းသူ အတော်များများဟာ ကျွန်မတို့ပါတီ အရှေ့မြောက်စစ်ဒေသ ဖွင့်စကတည်းက အခြေခံဒေသ တည်ဆောက် ရေးလုပ်ငန်းတွေမှာ အထူးသဖြင့် ဆေးလုပ်ငန်းတွေမှာ အလွန်အဓိကကျတဲ့ အခန်းကဏ္ဍများက ပါဝင်ခဲ့ပါတယ်။ ယခုအခါ အတော် များများ (အများစုကြီး) ကွယ်လွန် ကုန်ပါပြီ။

ကျွန်မက ရှေ့တန်းဆေးအဖွဲ့လုပ်ငန်း အတွေ့အကြုံတွေကို ဒေါ်မာဂရက်ဆီက သင်ယူလေ့လာရပါတယ်။ သူက ကျွန်မ တို့ တပ်ထဲမှာလည်း နံမည်ကြီးလေ။ ၁၉၇၅ ခုနှစ် ပါတီတပ်များ လာရှိုးဆင်းစဉ်က မိုင်းထိထားတဲ့ ရဲဘော်တယောက်ကို ရွာထဲက သစ်ဖြတ်တဲ့လွှ ဌားပြီး ခြေထောက်ဖြတ်ပေးပြီး အသက်ကယ်ဖူးပါတယ်။ သူ့မှာ တခြားပုံပြင်တွေလည်း ရှိပါသေးတယ်။

ဥပမာ- သူ့ကို ဗမာပြည်ရဲ့ လွေ့ဖုန်း--လို့ ခေါ်တဲ့ ကိစ္စမျိုးပေါ့။ (မှတ်ချက်--တရုတ်ပြည်ယဉ်ကျေးမှု တော်လှန်ရေးအတွင်းက တရုတ်တပ်ထဲမှာ ရဲဘော်လွေ့ဖုန်းလို့ခေါ်တဲ့ ရဲဘော်တယောက် ပေါ်ခဲ့ဖူးပါတယ်။ ၁၉၆ဝ ခုနှစ်များကပေါ့။ သူက ဘယ်သူ့ကိုမဆို အလွန် ကူညီ သူပါ။ အသက်ငယ်ငယ်မှာပဲ ဓာတ်တိုင်ပိပြီး ကွယ်လွန်သွားခဲ့ပါတယ်။ ဥက္ကဋ္ဌမော်က တပါတီလုံးကို "ရဲဘော်လွေ့ဖုန်းကို လေ့ လာကြ"ဆိုတဲ့စာလုံးကြီးပိုစတာရေးပြီး လှုံ့ဆော် ခံရဖူးတဲ့ စံပြ ရဲဘော်တယောက်ပါ။)

ဒေါ်မာဂရက်ရဲ့ပြောပြချက်များအရ ရှေ့တန်းမှာ ဒဏ်ရာရတဲ့ ရဲဘော်အများစုဟာ လက်နက်ကြီးများကြောင့် (အမြောက် ဆန်-ဗုံးဆန်) ဖြစ်ပြီး အဓိက အင်္ဂါကြီးများ(ခေါင်း၊ ရင်ခေါင်း) မထိရင် အသက်သေဆုံးမှုနှုန်းကို နည်းအောင်လုပ်နိုင်ကြောင်း၊ ကိုယ် ခန္ဓာက ဆုံးရှုံးသွားတဲ့အရည် (သွေး-ချွေး) များကို အချိန်မီ ပြန်ဖြည့်နိုင်ပြီး အနာယောင်ယမ်း ကူးစက်မှုကို ထိန်းနိုင်ရင် နာလန်ထနှုန်း အလွန်ကောင်းကြောင်း သိရပါတယ်။ ဖြစ်နိုင်ပါတယ်။ ရဲဘော်အများစုဟာ အသက်အရွယ်အရ ငယ်ရွယ်နုနယ်ကြပြီး အခြေခံ ကျန်း မာရေးအရလည်း ကောင်းကြတာကြောင့် ဒဏ်ရာရပြီး ယာယီပြဿနာတွေ (သွေးထွက်လွန်လို့- သွေးဖိအားကျတာ၊ အနာရင်း တာ) ကို လက်ဦးမှုရှိရှိ ဖြေရှင်းနိုင်ရင် အသက်ဆုံးရှုံးမှုကို အများကြီး လျှော့ချနိုင်ပါတယ်။ အဲဒီ ကျွန်မတို့ရဲ့ လူမျိုးစုရဲဘော်လေး တွေမှာ နောက်အားသာချက်တခု ရှိပါသေးတယ်။ သူတို့ အနေနဲ့ ပဋိဇီဝဆေးများ မသုံးဖူးကြလို့ ဆေးသိပ်တိုးပါတယ်။ ကုသရတာ အားတက်စရာကြီးပါ။ အနာကျက်တာ သိပ်မြန်ပါတယ်။

ဒါကိုအခြေခံပြီး ကျွန်မက ရှေ့တန်းဆေးအဖွဲ့ကို ၂ သုတ်ခွဲလိုက်ပါတယ်။ တသုတ်ကို ရှေ့တန်းနဲ့ အနီးဆုံးနေရာမှာ စခန်းထောက်ဖွင့်ဖို့ လွှတ်လိုက်ပါတယ်။ နောက်တသုတ်ကိုတော့- ကျွန်မနဲ့အတူ ထားပြီး နားမွန်းဆိုတဲ့ ရှမ်းရွာလေးနားက ၀ါးရုံ တောကြီးထဲမှာ ရှေ့တန်းဆေးရုံအဖြစ် ဖွင့်ထားလိုက်ပါတယ်။

ကျွန်မတို့တပ်တွေထဲမှာ တပ်ရင်းအလိုက် ရှေးဦးသူနာပြုများ ရှိပါတယ်။ သူတို့တာဝန်က ဒဏ်ရာရသူများကို စစ်မြေပြင် အထိ တက်ကောက်ပြီး ရှေးဦးသူနာပြုနည်းများအရ သွေးတိတ်အောင် ပတ်တီးစည်းတာ၊ သွေးတိတ်ဆေးထိုးပေးတာ၊ မေးခိုင်ကာ ကွယ်ဆေးထိုးတာ စတာတွေ လုပ်ပေးရပါတယ်။ ပြီးတော့ တိုက်ပွဲခွင်ထဲက လူနာကို ထမ်းထုတ်လာရပြီး ကျွန်မတို့ရဲ့ ရှေ့တန်း ဆေးအဖွဲ့ကို အပ်ရပါတယ်။ တိုက်ပွဲခွင်ထဲကနေ ရှေ့တန်းဆေးရုံအထိ တောက်လျှောက် သယ်ရတာပါ။ အဲဒီလမ်းမှာ ကျဆုံး တတ်တာ များပါတယ်။ ဒါကြောင့် ကျွန်မက တိုက်ပွဲခွင်နဲ့ ရှေ့တန်းဆေးရုံအကြားမှာ စခန်းထောက် ဖွင့်လိုက်တာပါ။ ဒဏ်ရာရ လူနာတွေကို ကြိုဖို့ ရှေ့တန်းလွှတ်လိုက်တဲ့ ဆေးကျောင်းသားတွေကို ဆေးဝါးအပြည့်အစုံနဲ့ သင်တန်း သေသေချာချာပေးပြီးမှ လွှတ်ထားတာပါ။ (ပြောလို့သာ ပြောရတယ်။ သင်တန်းသားအများစုဟာ ရှေ့တန်းအတွေ့အကြုံ ကျွန်မထက် ရင့်ပါတယ်။ အခြေခံသဘောတရားလေး ဖြည့်ပေးရတာ၊ လုပ်ငန်းတာဝန်တွေ စနစ်တကျ ခွဲဝေပေးလိုက်ရတာ၊ လိုအပ်တဲ့ပစ္စည်းတွေ ရအောင် ရှာဖွေပေးရတာ စတာတွေ ပြည့်စုံအောင် လုပ်ပေးရတာလောက်ပါပဲ။)

ဒါကြောင့် သူတို့က သူတို့ဆီရောက်လာတဲ့ လူနာတွေကို သူတို့ဆီမှာ တထောက်နားခိုင်းပြီး ဒဏ်ရာတွေကို ပြန်စစ် ဆေးတာ သွေးဖိအားကျနေသူများ (သွေးထွက်လွန်လို့) ကို သွေးရည်ကြည်များ သွင်းပေးထား ပင်နင်စလင်တည့်မတည့် စစ်ဆေးပြီး တည့်ရင် တခါတည်း ထိုးပေးလိုက်တာ နောက်တန်းကို သွေးဖိအားငြိမ်မှ ပြန်ပို့တာ၊ ပြင်းထန်တဲ့လူနာများကိုလည်း (ဆေးမပြတ် သွင်းဖို့အတွက်) လမ်းတလျှောက် လိုက်ပါစောင့်ရှောက်ဖို့ သူနာပြုထည့်ပေးတာစတဲ့ အဆင့်ဆင့်နည်းတွေကိုသုံးပြီး ကုသကယ် တင်ကြတဲ့အတွက် ကျွန်မတို့ ရှေ့တန်းဆေးရုံလေးဆီကို အသက်ရှင်လျက် ရောက်လာတဲ့ လူနာများအားလုံးကို ကယ်တင်နိုင်ခဲ့ ပါတယ်။ ကျွန်မတို့လက်ထဲမှာ သွေးထွက်လွန်ပြီး ရှော့ခ်ရလို့ဖြစ်ဖြစ် - ကူးစက်မှုပြင်းထန်ပြီး သွေးအဆိပ်တက်လို့ဖြစ်ဖြစ် ကျဆုံးရတာ မရှိခဲ့ပါဘူး။ စစ်မြေပြင်မှာနဲ့ စစ်ပွဲခွင်ထဲက သယ်ထုတ်လာတဲ့ အခါများမှာသာ ကျဆုံးတာတွေရှိခဲ့တာပါ။

ဒီနေရာမှာ ကျွန်မကြုံလို့ ကိစ္စတခုပြောချင်လာပါတယ်။ မဆလခေတ်၊ န၀တခေတ်၊ နအဖခေတ်၊ ခေတ်အဆက်ဆက်က ဗိုလ်ချုပ်ကြီးများ အငြိမ်းစားယူပြီးနောက်ရေးသားကြတဲ့ စာအုပ်များမှာပဲဖြစ်ဖြစ် သတင်းစာများမှာပါတဲ့ တိုက်ပွဲအကြောင်း ဆောင်း ပါးများမှာပဲဖြစ်ဖြစ် ပါတတ်တဲ့အကြောင်းအရာတခုကတော့ "တိုက်ပွဲတွေဖြစ်ပွားပြီးရင် ဗကပ အလောင်း ရာကျော် ကျန်ခဲ့တယ်"ဆိုတာပါပဲ။

ဒီဗိုလ်ချုပ်ကြီးများ အောက်ခြေနဲ့ အတော်ကင်းကွာပုံရပါတယ်။ အောက်ခြေက တင်ပေးသမျှကို ယုံလို့ပဲလား သူတို့ရဲ့ စိတ်ဓာတ်စစ်ဆင်ရေးဆိုင်ရာ ၀ါဒဖြန့်ချက်ကိုပဲ ယုံချင်ယောင်ဆောင်ရလို့ပဲလား-တခုခုတော့ တခုခုပါပဲ။ ကျွန်မ အရှေ့မြောက် ဒေသမှာ ရှိစဉ် (၁၉၇၈-၁၉၈၉) တိုက်ပွဲကြီးဟူသမျှ ကျွန်မရှေ့တန်းဆေးအဖွဲ့ဝင်အဖြစ် ပါဝင်ဖူးခဲ့တာချည်းပါပဲ။ ဒဏ်ရာ(အကြီး-အသေး) ရာကျော်တာသာ ရှိဖူးပါတယ်။ ကျဆုံးသူ (၅၀) ကျော်တောင် မရှိဘူးပါဖူး။ (အဲဒီ ကောင်းလင်း- ကောင်းလန်းတိုက်ပွဲမှာ ကျဆုံးသူ (၃၀) ကျော်ပဲ ရှိခဲ့ပါတယ်။)

အလျဉ်းသင့်လို့ ပြောပြချင်တာက ကျွန်မတို့တော်လှန်ရေးတိုက်ပွဲတွေဟာ ပြောက်ကျားစစ်ကိုသာ အဓိကထားတိုက် နေရတဲ့ တော်လှန်ရေးစစ်အဆင့်သာ ရှိပါသေးတယ်။ နေရာယူခံစစ်တွေ၊ လှုပ်ရှားစစ်တိုက်ပွဲကြီးတွေ တိုက်ပြီး အာဏာသိမ်းရေး အဆင့်မဟုတ်သေးပါဘူး။ ပြောက်ကျားစစ် အဓိကထား တိုက်နေတာမို့ နေရာတခုအတွက် အသက်ပေါင်းများစွာ စတေး တိုက်နေ တာမျိုးလည်း မဟုတ်ပါဘူး။ ဒါကြောင့် ဘယ်လိုမှ အလောင်းရာချီကျန်မယ့်တိုက်ပွဲတွေ မဟုတ်ဘူးဆိုတာတော့ ဗိုလ်ချုပ်ကြီး များလည်း သိနိုင်လိမ့်မယ်ထင်ပါတယ်။

ကျွန်မတို့မှာ တိုက်ပွဲတပွဲပြီးတိုင်း နိဂုံးချုပ်အစည်းအဝေးများ ရှိပါတယ်။ တိုက်ပွဲတွင်းပါဝင်တဲ့ တပ်ဖွဲ့အားလုံးက မိမိတို့ အဖွဲ့ရဲ့ နိဂုံးချုပ်အစီရင်ခံစာ တင်ကြရပါတယ်။ ဗဟိုစစ်ကော်မရှင်က ခေါင်းဆောင်များ တက်ရောက်နားထောင်ကြပါတယ်။ အဲဒီ အစည်းအဝေးတွေမှာ ကိန်းဂဏန်းတွေကို စစ်ဆေးတာ (ဥပမာ- ကျွန်မတို့ တင်တဲ့ စာရင်းနဲ့ တပ်ရင်းအသီးသီးကတင်တဲ့ (ကျဆုံး- ဒဏ်ရာရ) စာရင်း ကိုက်ညီခြင်းရှိမရှိ စတာမျိုး)- တိုက်ပွဲတွင်း ပါဝင်ခဲ့တဲ့ တပ်ဖွဲ့အသီးသီးအကြား ရှိခဲ့တဲ့အဆင်မချောမှုများ-(ဥပမာ- ထောက်ပံ့ရေးဌာနက ကျွန်မတို့ ဆေးအဖွဲ့လိုအပ်တဲ့ ဆေးဝါးပစ္စည်းများ အလုံအလောက် အချိန်မီထုတ်မပေးမှု-) ကိုဖြေရှင်းပေးတာ နောင်တိုက်ပွဲများအတွက် သင်ခန်းစာ ထုတ်ယူတာ--တွေလုပ်ပါတယ်။ ပြီးမှ တိုက်ပွဲနိဂုံးချုပ် အစီရင်ခံစာကို အပြည့်အစုံရေးပြီး ဗဟို ကို တင်ရတာပါ။ ကျွန်မမှာအစီရင်ခံစာ မိတ္တူတွေ (ရှေ့တန်းဆေးအဖွဲ့ဆိုင်ရာတွေရော - ဆေးသင်တန်းဆိုင်ရာတွေရော) အပြည့်အစုံ ရှိပါတယ်။ ၁၉၈၉ခုနှစ် ဧပြီလ(၁၆) ရက်နေ့ ည လူမျိူးစုခွဲထွက်တပ်များ ဗဟိုသိမ်းဖို့ ဆင်းလာပြီ ဆိုတဲ့သတင်းကြောင့် အရေးကြီး စာရွက်စာတမ်းများ အားလုံး စုပုံမီးရှို့ရာမှာ ပါသွားကုန်ပါတယ်။ ဒါကြောင့် ကိန်းဂဏန်း အတိအကျ မပြောနိုင်တော့ဘဲ ယေဘုယျ ခေါင်းထဲပေါ်တာလောက်သာ ပြောရတာပါ။ အဲဒီအလောင်းရာကျော်ကျန်ခဲ့တယ်-ဆိုတာ မဖြစ်နိုင်တဲ့ နောက်တကြောင်းရှိပါသေး တယ်။

ကျွန်မတို့တပ်က အောက်ခြေရဲဘော်အများစု (အားလုံးလောက်နီးနီး)ဟာ အဲဒီဒေသက လူမျိုးစုလေးတွေပါ။ သူတို့မှာ ငယ်စဉ်ကတည်းက စွဲလမ်းနေတဲ့ အယူဓလေ့တွေ ရှိပါတယ်။ ပါတီက တချို့ကို ပညာပေးပြီး ဖျောက်ဖျက်ပေးနိုင်ပေမယ့် တချို့ ကျန်ကောင်းကျန်ရာတွေလည်း ရှိပါတယ်။ ဥပမာ- တိုက်ပွဲတွင်း ကျကျန်ခဲ့တဲ့ ကိုယ့်ရဲဘော်တွေကို (ဘယ်အခြေအနေမဆို) ဘယ် တော့မှ ပစ်မထားခဲ့တာ-မျိုးပေါ့။ သူတို့ငယ်စဉ်က လူမျိုးစုအုပ်စုချင်း တိုက်ပွဲများမှာ အနိုင်ရတဲ့သူများက တိုက်ပွဲမှာ ရရှိတဲ့ (ရှုံး သွားတဲ့အဖွဲ့ရဲ့) အလောင်းတွေရဲ့ ခေါင်းတွေကို ဖြတ်ပြီး သူတို့ရွာတွေမှာ ယဇ်တင်ပြီး ရွာစောင့်လုပ်ခိုင်းတာတွေ လုပ်ပါတယ်။ (ကျွန်မတို့အယူဆိုရင်တော့ မကျွတ်မလွတ်ဖြစ်သွားတဲ့ သဘောပေါ့။) ဒါကြောင့် သူတို့ဓလေ့က ကိုယ့်အုပ်စုရဲ့ အလောင်းကို ဘယ် တော့မှ ပစ်မထားခဲ့ဘူး။ တချို့ဆို ကိုယ့်အသက်နဲ့ရင်းပြီးတောင် အလောင်းကို တက်ဆွဲတာပါ။ တကိုယ်လုံး မသယ်နိုင်ရင် ခေါင်း ဖြတ်သယ်ပါတယ်။ ရန်သူလက်ထဲ ခေါင်းအပါမခံနိုင်တဲ့ သဘောပါ။ ဒါကြောင့် ကျွန်မတို့တပ်က ကျဆုံးတဲ့ ရဲဘော်များ အလောင်း ကျန်ခဲ့တာ တခါမှ မရှိပါဘူး။

တိုက်ပွဲတွေအပြီး တပ်ရင်းအလိုက် ပျောက်ဆုံးသူများစာရင်းလည်း ရှိတော့ရှိပါတယ်။ ဒါကလည်း တခါမှ ဆယ်ဂဏန်း မရောက်ပါဘူး။ ကျွန်မ ရှေ့တန်းဆေးအဖွဲ့အဖြစ် အကြိမ်ကြိမ်ထွက်ရာမှာ စာရင်းအရ ကျွန်မတို့ပြန်မရတဲ့ အလောင်း (၆) လောင်းပဲ ရှိဖူးပါတယ်။

၁၉၈၈ ခုနှစ်- မိုင်းယန်းတိုက်ပွဲတွင်း ကပါ။ တပ်မတော် လေတပ်က ဗုံးလာကြဲရာမှာ ကတုတ်ကျင်း ပေါ်တည့်တည့် ကျပြီး အဲဒီကတုတ်ကျင်းထဲက ရဲဘော်(၆)ယောက်စလုံး အရှင်လတ်လတ် မြေမြှုပ်ခံလိုက်ရပါတယ်။ ကျန်ရဲဘော်များက အတင်းတက် ဆွဲပါတယ်။ (၂)ယောက်ထပ်ကျပါတယ်။ အဲတော့မှ တပ်ကပြန်ဆုတ်ခိုင်းလို့ ရပါတယ်။ တက်ဆွဲလို့ ကျသွားတဲ့ ရဲဘော်(၂)ယောက် အလောင်းကို နောက်တန်းထိ ပြန်သယ်လာနိုင်ကြလို့ အဲဒီတုန်းက ကျွန်မတို့ ရှေ့တန်းဆေးရုံ ဖွင့်ထားရာ (အခု ရှမ်းပြည် အထူး ဒေသ-၄) စလဲ့မြို့အနီးက မန်ဝိုင်းဆိုတဲ့ ပလောင်ရွာလေးဘေးမှာ မြေမြှုပ် သင်္ဂြိုဟ်ပေးခဲ့ရပါတယ်။ အဲဒီ (၆) လောင်းပဲ ကျွန်မတို့ ပြန်မရဘူးတာပါ။ ကျွန်မတို့ဗကပများ ဘယ်တုန်းကမှ ရာနဲ့ချီပြီးတော့လည်း မကျဆုံးဖူးဘူး။ ကျဆုံးတဲ့ ရဲဘော်များကိုလည်း ဘယ် တုန်းကမှ ပစ်မထားခဲ့ဖူးပါဘူး။

ကောင်းလင်း-ကောင်းလန်းတိုက်ပွဲ ပြန်ဆက်ရရင်တော့-တိုက်ပွဲပြင်ဆင်ကတည်းက ဗဟိုက- လူထုလုပ်ငန်းများ လုပ်ဖို့ အလုပ်အဖွဲ့များကို ရွာတွေ-ဒိုင်နယ်တွေဆီ လွှတ်ပြီး ပြည်သူ့စစ်များနဲ့ စုစည်းပြင်ဆင်မှုတွေ-လှုံ့ဆော်မှုတွေ လုပ်ရပါတယ်။ ပြည်သူ့ စစ်များကရွာတွေရှိ အမျိုးသမီးများပါအပါ --ရှေ့တန်းကူညီရေးအဖွဲ့များဖွဲ့ပြီး ရှေ့တန်းတပ်ဖွဲ့များက လိုအပ်တာများကို စီစဉ်ပေးရ ပါတယ်။ တိုက်ပွဲပြင်ဆင်ကတည်းက-ရှေ့တန်းတပ်များအတွက် ကတုတ်တွေ ဆောက်ပေးရတာ လမ်းတွေပြင်ပေးရတာ နေရာထိုင် ခင်းတွေ(ဥပမာ- ကျွန်မတို့ဆေးရုံအတွက် တဲတွေဆောက်ပေးရတာ) ပြင်ဆင်ပေးရတာ၊ စတာတွေအပြင် နောက်တန်းဌာနအသီး သီးက ရှေ့တန်းအတွက်ပို့ဖို့ လိုအပ်တဲ့ပစ္စည်းများ (လက်နက်- ခဲယမ်းမီးကျောက်- ရိက္ခာ-ဆေးဝါး စသည်ဖြင့်ကို ပါတီထောက်ပံ့ရေး ဌာနမှ ကားများနဲ့ ပို့လို့ရတဲ့ နေရာအထိ ရှေ့တန်းစခန်းကို ပို့ပြီးစုပုံထားကာ အဲဒီကနေ မြင်း-လားတပ်၊ နွားဝန်တင်တပ်တို့နဲ့ ဆက် သယ်ကာ၊ နောက်ဆုံးအဆင့်များမှာ အထက်မှာ ပြောခဲ့သလို ပြည်သူ့စစ်များ၊ အရပ်သားများကို ဆင့်ခေါ် သယ်ယူပို့ဆောင်ခိုင်း ပါတယ်။) ကို သူတို့ကပဲ ထမ်းပိုး ပို့ရပါတယ်။ တိုက်ပွဲ ပြင်ဆင်ရေးကာလ မဟုတ်တော့ဘဲ တိုက်ပွဲပြင်းထန်နေတဲ့ အချိန်ဆိုရင် ရှေ့ တန်းက အပြန်မှာတော့ ဒဏ်ရာရ လူနာတွေကို ထမ်းရပြန်ပါတယ်။ ထောက်ပံ့ရေးလမ်းကြောင်း ရှည်ရင်ရှည်သလောက် ဒေသခံ ပြည်သူလူထု ဒုက္ခကြီးပါတယ်။

တခါတရံ လယ်ယာလုပ်ငန်းများ မလုပ်မဖြစ်ပေါ်ပေါက်လာရင် နေ့ခင်းပိုင်းအိမ်ကိစ္စ လယ်ကိစ္စများလုပ်ကြရပြီး ညပိုင်း ကျမှ ရှေ့တန်းကူညီရေး လုပ်ငန်းတွေ လုပ်ရရှာပါတယ်။

တိုက်ပွဲစဉ်က ၁၉၈၀ ခုနှစ်ဧပြီလ(၁၀)ရက်မှာ စပါတယ်။ (၃၀)ရက်နေ့မှာ ပြီးဆုံးပါတယ်။ တောက်လျှောက် တိုက်နေ တာတော့ မဟုတ်ပါဘူး။ တိုက်လိုက် နားလိုက်ပါ။ ကျွန်မတို့ ရှေ့တန်းဆေးရုံကတော့ မနက်အစော အမြောက်သံစကြားတာနဲ့ ရေနွေးအိုးစတည်သူတည်-ထမင်းဟင်း စချက်သူချက်နဲ့ နောက်-၁-နာရီ-၂-နာရီအတွင်း ရောက်လာတော့မယ့် လူနာများနဲ့ အထမ်း သမားများအတွက် ဆေးကုသရေး -ကျွေးမွေးရေးစတာတွေ အတွက် ပြင်ဆင်ရပါတော့တယ်။ ပြီးနောက် လမ်းလျှောက်ပြီး ရောက် လာတဲ့လူနာများ (ဒဏ်ရာအပေါ့စားများ-ခြေထောက်မထိသူများ) ကိုရော- အထမ်းနဲ့ ရောက်လာ သူများကိုရော ဒဏ်ရာပြင်းမပြင်း အရင်စစ်ဆေး ပြင်းရင်ချက်ချင်းဖြေရှင်း- ပြီး-မှတ်ပုံတင်။ အပျော့စားများကိုတော့ အေးအေးဆေးဆေး အနားပေး-ထမင်းကျွေး လုပ်ရပါတယ်။ ကျွန်မတို့စခန်းရောက်လာတဲ့ ဒဏ်ရာသမားများကို ဘယ်လောက်ပြင်းပြင်း ချက်ချင်းနောက်တန်း(စစ်ဒေသဆေးရုံ) ကို မပို့ပါဘူး။ အတော်တည်ငြိမ်စိတ်ချရမှ ဆေးသွင်းရက် (ဆေးပုလင်းတန်းလန်းနဲ့) သူနာပြုတဦးနဲ့အတူ လွှတ်ပါတယ်။ ကျွန်မ တို့က မိုးလင်းတာနဲ့ ဒီနေ့ဘယ်သူတွေကို စစ်ဒေသဆေးရုံကို လွှဲပေးမယ်-ဆိုတာကို ရွေးချယ်ထားပြီး အထမ်းသမားတွေရှိတာနဲ့ ပို့လွှတ်ရပါတယ်။

တိုက်ပွဲစခါစကတော့ နိုင်ငံရေးလုပ်ငန်းတွေကလည်း တရွာဝင်တရွာထွက် လုပ်ထားတာကြောင့်ဒေသခံလူထုရဲ့ တက် တက်ကြွကြွ ကူညီအားပေးမှုကို ခံရပါတယ်။ ရှေ့တန်းပစ္စည်းတွေထမ်းပိုး ပို့ပြီး ပြန်လာသူများဟာ ကျွန်မတို့ရှေ့တန်းဆေးရုံလေး ထဲ(တခုတ်တရ)၀င်လာကြပြီး နောက်တန်းပြန်ထမ်းပို့ဖို့ လူနာရှိမရှိ မေးမြန်းတတ်ကြပါတယ်။ မရှိဘူးဆိုမှ သူတို့ရွာ သူတို့ ပြန်ကြ ပါတယ်။ ကျွန်မတို့ နေရာလေးကလည်း စစ်ကြောင်းလမ်းမကြီးကနေ အတွင်းဘက်(ဝါးရုံတောထဲ) ကိုက်(၂၀၀) လောက် ဆင်းဝင် လာရတာပါ။ ရှေ့တန်းဆေးရုံတွေကို လေယာဉ်ကွယ်နေရာတွေကို ရွေးရပါတယ်။ လေယာဉ်တွေက လူနာသယ်တဲ့နေရာတွေကို ကောင်းကင်က ထောက်လှမ်းလိုက်လာပြီး ဗုံးကြဲတတ်ပါတယ်။

တိုက်ပွဲက ၁ ပတ်က ၂ ပတ်-၃ပတ်ဖြစ်လာတော့ လူထုက ပန်းလာပါတယ်။ အစပိုင်း တက်တက်ကြွကြွနဲ့ လူနာပို့ စရာရှိ-မရှိ ဝင်မေးတာအထိ လုပ်ကြပေမယ့် ရေရှည်ပင်ပန်းလာတဲ့အခါကျတော့ ရှေ့တန်းပို့ စရာပို့ပြီးရင် ကျွန်မတို့စခန်းကို ရှောင် လာပါတယ်။ သူတို့က တောလည်းကျွမ်းတော့ တောလမ်းများကနေ ရှောင်ကြပါတော့တယ်။ ဒီတော့ ကျွန်မတို့ကလည်း လူနာပို့ဖို့ အရေးတကြီးလိုနေတော့ မတတ်သာဘဲ သူတို့ပြန်တဲ့ တောလမ်းဘက်ကို သွားပြီး သူတို့ကို လိုက်လံရှာဖွေပြီး လူနာထမ်းဖို့ အတင်းခေါ်ကြရတော့တာပေါ့။ ဒီတော့ သင်တန်းသားများက သူတို့အပြန်လမ်းတွေကနေ စောင့်ဖမ်းသလို အခြေအနေမျိုး ဖြစ် သွားပါတယ်။ ငိုအားထက်ရယ် အားသန်ရတဲ့ အဖြစ်အပျက်တွေလည်းရှိခဲ့ပါတယ်။

တခါတော့ အဲသလိုတောထဲ သွားဖမ်းတဲံ့အဖွဲ့က လူတအုပ်ဖမ်းလာပါတယ်။ အဲဒီအထဲ-သင်္ကန်းနဲ့ ကိုရင်တပါး ပါလာပါ တယ်။ ကျွန်မက အထိတ်တလန့်ဖြစ်ပြီး ဦးစီးပြီးဖမ်းခေါ်လာတဲ့- ဘရန်ဒီး(ကေ-အိုင်-အေမှ လာတဲ့ ဆေးသင်တန်းသား) ကို ... "အမယ် လေး-ဘရန်ဒီးရယ်၊ ဘယ်လို လုပ်လာတာတုန်း။ ဗကပကို ဓမ္မ န္တရာယ် ... ဘုရားမရှိ-တရားမရှိလို့ အပြောခံနေရတဲ့အထဲ။ လွှတ်လိုက်-လွှတ်လိုက်"လို့ပြောတော့-ဘရန်ဒီးက- "သူက ငါးဖမ်းနေတာလေ"လို့ဆင်ခြေတက်လာပါသေးတယ်။ ကျွန်မရဲ့ ရှမ်းစကား-၀စကား ဘာသာပြန် အိုက်ရိုက် (ယခု-ပန်ခန်းဆေးရုံ) ကိုခေါ်ပြီး ကိုရင်လေးကို ကျေကျေလည်လည်ပြောပြ တောင်းပန်ပြီး ပြန်လွှတ်လိုက် ရပါတယ်။

တခါလည်း -မြစ်အနောက်ဘက် တပ်မဟာ (၂) က သင်တန်းလာတက်နေတဲ့ ရဲဘော်ထွယ်အောင် (အခုမုံဂူ) က လူတအုပ် ဖမ်းလာပြီး ရှမ်းလို တဖြစ်တောက်တောက် ပြောနေပါတယ်။ ဘာဖြစ်တာတုန်းလို့ မေးကြည့်တော့-ကြည့်လေ။ သူကခြုံပုတ်ထဲ ခေါင်းထိုးထားပြီး ပုန်းနေတာ။ ကျွန်တော်လည်း ဘယ်သိမလဲ။ အောက်တပိုင်းပဲ ပေါ်နေတာ။ ခါးကနေဆွဲပြီး ကြည့်လိုက်တော့ တခေါင်းလုံးဖြူနေတဲ့ အဘိုးကြီးဖြစ်နေတယ်လေ။ လူအားကလည်း မပြည့်တော့ ပြန်လည်းမလွှတ်နိုင်ဘူး-ဘာလို့ လွတ်အောင် မပြေးတာလဲလို့ သူ့ကို ပြောနေတာ--တဲ့။

တနေ့တော့-မိုးလင်းတာနဲ့ နောက်တန်းဆေးရုံပြန်ပို့ဖို့ လူနာ (၆) ယောက် ရှိနေပါတယ်။ ရှေ့ တန်းက ဘာသံမှလည်း မကြားရတော့-ဒီနေ့တိုက်ပွဲရှိမှာ မဟုတ်။ ဒါဆိုရင် လူနာသစ်လည်း ရောက်မှာ မဟုတ်လို့ အထမ်းသမားလည်း ရှိမှာမဟုတ်လို့-အထမ်းသမား(၄၀) လောက်ရှာဖို့ လိုလာပါတယ်။ လူနာတထမ်းကို အထမ်းသမား(၆)ယောက် လိုပါတယ်။ ဒါမှ အလှည့်ကျ ထမ်းနိုင်တာပါ။ ကျောင်းသားတွေကို အထမ်းသမားရှာဖို့-၂-သုတ်ခွဲ လွှတ်လိုက်ပါတယ်။ သိပ်မကြာခင်မှာပဲ-ရှေ့တန်းကို အမြောက် ဆန် ပို့ပြန်လာတဲ့ အရပ်သားအုပ်တအုပ်နဲ့ တွေ့ပြီး ပြန်ခေါ်လာကြပါတယ်။

ကျွန်မတို့ကလည်း ထမင်းချက်-ပဲစင်းငုံပြုတ်ပြီး ဆီပါလေဟန်နဲ့ ပဲသနပ်လေးချက်ထားပါတယ်။ မုံညင်းဟင်းရည်လေး လည်း တည်ထားပါတယ်။ ပို့ရမယ့်လူနာတွေကိုလည်း ထမင်းကျွေးပြီး စီထားတဲ့ထမ်းစင်တွေပေါ် အဆင်သင့် တင်ထားပါတယ်။ အထမ်းသမားတွေလည်း ရောက်လာရော သူတို့ကို ထမင်းအရင်ကျွေး၊ တယောက်ကို ဆန်မတ်ခွက်တခွက်စီပေးပြီး (သူတို့လမ်းမှာ ချက်စားဖို့) (၆)ယောက်တတွဲစီပြီး ထမ်းစင်တခုစီ ခွဲပေးရပါတယ်။ အဲသလိုလုပ်ကိုင်နေတုန်း ဆူဆူညံညံအသံတွေ ထွက်လာလို့ ဘာများဖြစ်နေကြတာတုန်း ဆိုပြီး ကျွန်မက တဲအပြင်ထွက်ကြည့်တော့ အထမ်းသမားတယောက်က လစ်ပြေးမယ်လုပ်လို့တဲ့၊ ကျောင်းသားတယောက်က သူ့လက်ဖမ်းဆွဲထားပြီး ကျွန်မဆီ ဆွဲခေါ်လာပါတယ်။ ကျွန်မက ဘာသာပြန်ကနေတဆင့် အခြေ အနေမေးဖို့ ပြင်နေတုန်းမှာပဲ အဲဒီအထမ်းသမားကြီးက ကျွန်မကို စိမ်းစိမ်းကြီးကြည့်ပြီး သူ့လက်ကို ဆောင့်ရုန်းလိုက်ပါတယ်။ ပြီးမှ သူ့အင်္ကျီစ ၂ ဖက်ကိုဆွဲပြီး ပခုံး ၂ ဖက်စလုံးကို လှစ်ပြလိုက်ပါတယ်။ ပြီးတော့အနီးက တောအုပ်ထဲ လှစ်ခနဲဝင်ပြေးသွားပါတယ်။

အလိုဘုရား-ဘုရား။ ဖြစ်မှဖြစ်ရလေ။

ကျွန်မ မျက်စိတွေပြာဝေသွားပြီး မျက်ရည်တွေလည်းကျလာပါတယ်။ ရင်ထဲလည်း ကျင်သွားပြီး ဆို့တက်လာလို့ ရင်ပတ်ကို လက်နဲ့ဖိထားလိုက်ရပါတယ်။ အထမ်းသမားကြီးရဲ့ပခုံးတဖက်ဟာ စုတ်ပြတ်ယောင်ကိုင်းနေပြီး သွေးပုပ်တွေ-ပြီတွေ မြင်မကောင်း အောင် စီးကျနေပါတယ်။ နောက်တဖက်ကလည်း အရေပြားတွေလန်ပြီး စယောင်နေတာသွေးစတွေနဲ့ နီရဲနေပါတော့တယ်။

ကျွန်မတို့တတွေ ဘယ်လောက် ကြက်သေသေသွားသလဲ မသိဘူး။ အနာကို ဆေးထည့် ပေးရမယ်-ဆိုတဲ့ အသိဝင် လာတော့ အဲဒီအထမ်းသမားကြီးကို အရိပ်အယောင်တောင် မတွေ့ရတော့ပါဘူး။ ဒီအထမ်းသမားကြီးရဲ့ မျက်လုံးစိမ်းစိမ်းကြီးတွေနဲ့ အဲဒီပခုံး(၂) ဘက်ဟာ ကျွန်မအတွက်တော့ ဘယ်တော့မှ မမေ့နိုင်ဘဲ ခြောက်အိပ်မက်လို့ အကြောင်းအရာတခုခု တိုက်ဆိုင် လာတိုင်း ပြန်ပေါ် ပေါ်လာနေပါတယ်။ ဆေးလေးတောင် ထည့်မပေးလိုက်ရလေခြင်းဆိုပြီး ပြည်သူ့ဆရာဝန်တယောက်ရဲ့ တာဝန် ပျက်ကွက် မှု အတွက် စိတ်မကောင်းဖြစ်ရင်း အားနာပြီး စိတ်ထဲကနေတောင်းပန်နေမိပါတယ်။

ပေါ်တာအဖြစ်နဲ့ပဲဖြစ်ဖြစ် ရှေ့တန်းကူညီရေး အဖွဲ့ဝင်အဖြစ်နဲ့ပဲဖြစ်ဖြစ်၊ ရိုးရိုးပြည်သူ့စစ်အဖြစ် လုပ်ကိုင်ရတဲ့ လုပ်ငန်းတာဝန်တွေဟာ ဒေသခံပြည်သူတွေအနေနဲ့ ပြည်တွင်းစစ်အတွင်းတွေ့ရတဲ့ အသေးအမွှားလို့ ဆိုနိုင်တဲ့ ဒုက္ခလေးတခုပါ။ ဒါကြောင့် စစ် ဘေးဒဏ်ခံပြည်သူတွေ ငြိမ်းချမ်းရေး လိုချင်တာ မထူးဆန်းပါဘူး။ ပြည်တွင်းငြိမ်းချမ်းရေးရရှိမှသာ ဒီပြသာနာတွေ ဖြေရှင်း နိုင်မှာပါ။

ပြည်တွင်းစစ်အတွင်းမှာ မိမိကိုယ်ကိုယ် ခုခံကာကွယ်ရေးစစ်ဆင်နွှဲရင်း ပါဝင်နေရတဲ့ ကျွန်မတို့ ဗမာပြည်ကွန်မြူနစ်ပါတီ ဟာ ခေတ်အဆက်ဆက်မှာ “ပြည်တွင်းစစ်ရပ်စဲရေး၊ ပြည်တွင်းငြိမ်းချမ်းရေး အလံ”ကို လွှင့်ထူခဲ့၊ အကောင်အထည်ပေါ်လာဖို့ ကြိုးပမ်းအားထုတ်ခဲ့ပါတယ်။ အနီးခေတ် ၁၉၈၀-၈၁ ခုမှာ “ပြည်တွင်းစစ်ရပ်စဲရေး၊ ပြည်တွင်းငြိမ်းချမ်းရေး၊ အမျိုးသား စည်းလုံးညီ ညွတ်ရေး၊ ဒီမိုကရေစီရေး” အလံ (၃) လက်ကို ပိုမိုမြင့်မြင့်မားလွှင့်ထူပြီး ပြည်တွင်းစစ်ရပ်စဲရေး-ပြည်တွင်း ငြိမ်းချမ်းရေး၊ အမျိုးသား စည်းလုံးညီညွတ်ရေး၊ ဒီမိုကရေစီရေးအတွက် မဆလစစ်အစိုးရနဲ့ တွေ့ဆုံဆွေးနွေး အဖြေရှာခဲ့ဖူးပါတယ်။ မဆလ စစ်အစိုးရက ဆွေးနွေးပွဲကို တဖက်သတ် ရပ်ဆုိုင်းပစ်ခဲ့ပါတယ်။ န၀တ ခေတ်မှာလည်း ဗိုလ်ခင်ညွန့်တို့ထံ တိုင်းပြည်ရဲ့ ပြဿနာတွေ ညှိနှိုင်းဆွေး နွေး အဖြေရှာဖို့ ကမ်းလှမ်းခဲ့ပေမယ့် ဘာမှ အကြောင်းမပြန်ခဲ့ပါဘူး။ ဗမာပြည်မှာ ပြည်တွင်းငြိမ်းချမ်းရေး ရဖို့အတွက် အခရာဟာ အုပ်စိုးသူအစိုးရတပ်ပေါ် မူတည်ပါတယ်။ တပ်မတော်အနေ နဲ့ လက်ရှိရရှိထားတဲ့ နိုင်ငံရေး-စီးပွားရေး အခွင့်ထူးများကို စွန့်လွှတ်ပြီး ဒီမိုကရေစီနိုင်ငံများရဲ့ အစဉ်အလာအတိုင်း တပ်မတော်ဟာ အစိုးရလက်အောက်ခံ အဖွဲ့အစည်းတရပ်အနေနဲ့ ရပ်တည်ကာ တပ်မတော်ကို ခေတ်မီတပ်မတော်တရပ် ဖြစ်ရေးအတွက် လုံးပန်း အားထုတ်ရင်း ကျန်အင်အားစုများ (နိုင်ငံရေးပါတီများ-လူမျိုးစုအဖွဲ့အစည်းများ) အပါအ၀င် ပြည်သူလူထုကြီး တရပ်လုံးနဲ့ သင့် တော်စွာ မျှဝေခံစားနိုင်မှသာလျှင် ဖြစ်နိုင်ပါလိမ့်မယ်။ အထူးသဖြင့် ဗမာ့တပ်မတော်က ဗမာပြည် နိုင်ငံရေးမှာ ဦးဆောင်ကဏ္ဍက ပါဝင်နေသရွေ့ (တနည်း)၂၀၀၈ ဖွဲ့စည်းအုပ်ချုပ်ပုံ အခြေခံဥပဒေကြီး ရှိနေသရွေ့ ပြည်တွင်း ငြိမ်းချမ်းရေးကြီးကတော့ ရွှေပြည် တော် မျှော်တိုင်းဝေး ...ပဲ ဖြစ်မြဲ ဖြစ်နေပါလိမ့်မယ်။

ထို့အတူ ပေါ်တာပြဿနာအပါအ၀င် ပြည်တွင်းစစ်ရဲ့အနိဋ္ဌာရုံများကလည်း တနေရာမဟုတ်တနေရာမှာ ဆက်လက် ပေါ် ပေါက်နေဦးမှာပါ။ ပြည်သူလူထုကြီးတရပ်လုံး ပန်းလှပါပြီ။

လှကျော်ဇော
၂၀-၅-၂၀၁၆။
မှတ်ချက်။၇-၇-၂၀၁၆နေ့ထုတ်-အရေးတော်ပုံဂျာနယ်။အတွဲ(၂)အမှတ်(၅)မှ။

ပြည်သူ့အင်အားက စစ်တပ်ရဲ့ တင့်ကားတွေကို အနိုင်ယူ
People Power wins Military Tanks in Turkey's Coup Attempt

တူမောင်ညို - (မဘသ) သည် “နိုင်ငံတော်သံဃမဟာနယကအဖွဲ့” ထံကနေ “သြဝါဒခံယူ” ဖူးပါတယ်
(မိုးမခ) ဇူလိုင် ၁၇၊ ၂၀၁၆
(မဘသ) ကိစ္စ နဲ့ပတ်သက်ပြီး သတင်းစာဟောင်း/ မှတ်စုဟောင်း/ဆောင်းပါးဟောင်းတွေ ပြန်ကြည့်ရင်း ရေးစရာအချက် အလက်အချို့ပေါ်လာပါတယ်။ လွန်ခဲ့တဲ့ တနေ့က မိုးမခမှာ ဖော်ပြခဲ့တဲ့ ဆောင်းပါးရဲ့အဆက်လို့ ဆိုချင်လည်းဆိုနိုင်ပါတယ်။

၂၀၁၆ ခုနှစ်၊ ဇူလိုင်လ ၁၂ ရက်နေ့၊ ရက်စွဲနဲ့ ထုတ်ပြန်ခဲ့တဲ့ နိုင်ငံတော်သံဃမဟာနယကအဖွဲ့ “ကြေညာချက်” ထဲမှာ အောက်ပါ အချက်ပါရှိပါတယ်။

“ မည်သည့် ဂိုဏ်းပေါင်းစုံ အစည်းအဝေးကြီးကမျှ (မဘသ)အဖွဲ့ကို အသိအမှတ်ပြုခြင်း၊ သန္ဓေတည်ပေါက်ဖွားစေခြင်း မရှိခဲ့ သည့်အပြင် (မဘသ) ဟူသောအသုံးအနှုန်းကိုပင် ခေါ်ဝေါ်သုံးစွဲခဲ့ခြင်း အလျဉ်းမရှိခဲ့ပါ”

ဒီလို ရေးသားတာက “ သံဃာ့အဖွဲ့အစည်း အခြေခံစည်းမျဉ်း၊ လုပ်ထုံးလုပ်နည်း၊ သံဃနာယကလက်စွဲ၊ ညွန်ကြားလွှာများ” နဲ့ အညီ ဖွဲ့စည်းထားတာမဟုတ်ဘူးဆိုတဲ့ အချက်ကို ထင်ရှားစေအောင်ဖော်ပြတာမျိုး(ဝိနည်းလွတ်) ပဲဖြစ်ပါလိမ့်မယ်။

ဒါပေမယ့် (မဘသ)အဖွဲ့က ဆရာတော်တွေဟာ နိုင်ငံတော်သံဃမဟာနယကအဖွဲ့(မဟန)ထံကနေ “သြဝါဒခံယူ” ဖူးပါတယ်။

“သြဝါဒခံယူပွဲ” ကို ၂၀၁၄ခုနှစ်၊ မေလ ၉ ရက်နေ့မှာ ပြုလုပ်ခဲ့တာပါ။

နေရာက “ရန်ကုန်တိုင်ဒေသကြီး ၊ မရမ်းကုန်းမြို့နယ်၊ ကမ္ဘာအေးကုန်းမြေရှိ၊ ဝိဇယမင်္ဂလာဓမ္မသဘင်” မှာပါ။

“သြဝါဒခံယူပွဲ”သို့ နိုင်ငံတော်သံဃမဟာနာယကအဖွဲ့ ဥက္ကဋ္ဌဆရာတော် အဘိဓဇမဟာရဋ္ဌဂုရု၊ အဘိဓဇအဂ္ဂမဟာ သဒ္ဓမ္မ ဇောတိက ဒေါက်တာ ဘဒ္ဒန္တကုမာရာဘိဝံသအမှူးပြုသော နိုင်ငံတော်သံဃမဟာနာယကအဖွဲ့ဝင် ဆရာတော်ကြီး ၄၇ ပါး တက်ရောက်ပါတယ်။

(မဘသ)ဘက်မှ “အင်းစိန်မြို့နယ်၊ ရွာမပရိတ္တိစာသင်တိုက် ပဓာနနာယက အမျိုးဘာသာသာသနာစောင့်ရှောက်ရေး အဖွဲ့(ဗဟို)ဥက္ကဋ္ဌ အဂ္ဂမဟာပဏ္ဍိတ၊နိုင်ငံတော်သြဝါဒါစရိယဆရာတော်ဘဒ္ဒန္တတိလောကာဘိဝံသ အမှူးပြုသော အမျိုး ဘာသာ သာသနာစောင့်ရှောက်ရေးအဖွဲ့(ဗဟို) မှ ဆရာတော် ၂၂ ပါး” တက်ရောက်ပါတယ်။

အစိုးရဘက်မှ “သာသနာရေးဝန်ကြီးဌာန၊ ပြည်ထောင်စုဝန်ကြီးဦးဆန်းဆင့်၊ ဒုတိယဝန်ကြီး ဦးစိုးဝင်း၊ ဌာနဆိုင်ရာ တာဝန်ရှိသူများ၊ တိုင်းဒေသကြီးနှင့်ပြည်နယ်သာသနာရေးမှူးများ”တက်ရောက်ပါတယ်။

ဒါ့အပြင်“အမျိုးဘာသာသာသနာစောင့်ရှောက်ရေးအဖွဲ့(ဗဟို)မှ ဥပါသကာများနှင့်ဥပါသိကာများ” လည်း တက်ရောက်ကြ ပါတယ်။

ဒီအချက်အလက်တွေကို ၂၀၁၄ ခုနှစ်၊ မေလ ၁၀ ရက်နေ့ထုတ် အစိုးရပိုင်သတင်းစာတွေဖြစ်တဲ့ မြန်မာ့အလင်းသတင်းစာနဲ့ ကြေးမုံသတင်းစာထဲကနေ ကောက်နုတ်ဖော်ပြလိုက်တာပါ။ သတင်းစာ နှစ်စောင်က သတင်းစာကိုယ်အရ ဘာမှမကွဲပြားပေမယ့် သတင်းစာခေါင်းစဉ်ကတော့ ခြားနားပါတယ်။ ဒီလိုဖော်ပြတာကလည်း အစီအစဉ်ရှိရှိဖော်ပြတာလို့ယူဆပါတယ်။

မြန်မာ့အလင်းသတင်းစာက “သြဝါဒခံယူပွဲ” ကို အခု ဒဲ့ဒိုးပဲ ခေါင်းစဉ်တပ်ပါတယ်။

“အမျိုးဘာသာသာသနာစောင့်ရှောက်ရေးအဖွဲ့ (ဗဟို) ဆရာတော်များက နိုင်ငံတော်သံဃမဟာနာယကအဖွဲ့ထံမှ သြဝါဒခံယူ”

“ကြေးမုံသတင်းစာ” က အခုလိုဖော်ပြတယ်။


ဒီလို သြဝါဒခံယူပွဲမျိုးရှိပါလျက်နဲ့ (မဟန) ရဲ့ ဇူလိုင် ၁၂ ရက်၊ “ကြေညာချက်” ထဲက ရေးသားဖော်ပြထားမှုတွေဟာ သွေးရိုး သားရိုးမှ ဟုတ်ပါရဲ့လားလို့ စဉ်းစားမိတာပါ။ ဒီအချက်ကို သာသနာရေးဝန်ကြီးဌာနက ဝန်ထမ်းတွေမသိနိုင်စရာအကြောင်းမရှိပါဘူး။

ဒါ့အပြင် ၂၀၁၄ ခုနှစ်၊ မေလ ၉ ရက်နေ့က “သြဝါဒခံယူပွဲ” ဆိုတာကရော သွေးရိုးသားရိုးဟုတ်ပါရဲ့လား။

နိုင်ငံတော်အစိုးရက ကြိုးကိုင်စီမံတဲ့ အကွက်ချလုပ်ကြံဖန်တီးချက်ဖြစ်မယ်လို့ ယူဆပါတယ်။ ဇာတ်လမ်းဇာတ်ကွက်တွေကို လုပ်ကြံဖန်တီးရာမှာ လုပ်ကြံဖန်တီးသူတွေတောင် တစ်ဖွဲ့နဲ့တစ်ဖွဲ့ မသိစေဘဲ သီးခြားစီ လုပ်ကြံဖန်တီးယူပြီးနောက်မှ လိုသလိုပုံသွင်းယူ သွားတာဖြစ်မယ်လို့ယူဆပါတယ်။

ပထမခြေလှမ်းက “နိုင်ငံတော်သံဃမဟာနာယကအဖွဲ့ကို အမျိုးဘာသာသာသနာစောင့်ရှောက်ရေးအဖွဲ့က ဦးဆောင်၍ ကန့် ကွက်မည်၊ ဆန္ဒပြမည်၊ ဖြုတ်ချမည်” စတဲ့ သတင်းကို အင်တာနက်များ၊ ဆိုရှယ်မီဒီယာများ၊ စာနယ်ဇင်းများကနေ ဖြန့်ထုတ်လိုက်တယ်။

ဒီသတင်းကို ဘယ်သူလုပ်ကြံဖြန့်ဖြူးနေသလဲ၊ ဘယ်လိုရည်ရွယ်ချက်နဲ့ဖြန့်နေသလဲဆိုတာကို (မဟန) ဆရာတော်ကြီးတွေ သိကောင်းမှသိမယ်။(မဘသ)ဦးဆောင်သူတွေကတော့ သိချင်သိနိုင်တယ်။ ဒီသတင်းကိုကျယ်ပြန့်သွားအောင်လည်း ဖွထုတ်လိုက်မယ်။

ဒီတောာ့မှ ဒုတိယအဆင့်အဖြစ် ဒီသတင်းကို ချေဖျက်ရေးဆိုတဲ့ ဂွင်ထဲကို (မဟန) နဲ့ (မဘသ) ကို ဆွဲသွင်းလာမယ်။ ဒီခြေလှမ်းကနေ (မဘသ)က (မဟန)ထံ “သြဝါဒခံယူ” ပြီး ဒီကောလဟာသတင်းကို တုန့်ပြန်ဖြေရှင်းမယ်ဆိုတဲ့ ဇာတ်လမ်းကို ဆက်လာ တာဖြစ်မယ်။

ဒီမှာတင်ပဲ (မဘသ) ကို (မဟန)ရဲ့ သြဝါဒခံလည်းဖြစ်စေ၊ အတူတကွပူးပေါင်းဆောင်ရွက်တဲ့ပုံစံလည်း အများပြည်သူ ကမြင် သွားစေ၊ (မဘသ) က လုပ်နေတဲ့ “မျိုးစောင့်ဥပဒေ” ဆိုတာကိုလည်း ဗြောင်ကြော်ငြာပြီးသားဖြစ်စေ၊ (မဟန)နဲ့ (မဘသ) စိတ်တူ သဘောတူဖြစ်လေဟန်ပက်ပက်စက်စက် အကွက်ရိုက်လုပ်ကြံဖန်တီးလိုက်တာပဲလို့ယူဆပါတယ်။ တစ်ချက်ခုတ်တာနဲ့ အပိုင်းပိုင်းပြတ် သွားစေတဲ့ အကြံယုတ်ပဲ။

ဒီလိုနဲ့ (မဟန) ထံကနေ (မဘသ)က “သြဝါဒခံယူတယ်”ဆိုတာနဲ့ (မဘသ)ကို “အရောင်တင်”လိုက်တယ်၊ “သိဒ္ဓိတင်” ပွဲ ကြီး ကြီးပေးပြီး ပွဲထုတ်လိုက်တာဖြစ်တယ်။

သတင်းစာထဲမှာ (မဟန) ဥက္ကဋ္ဌ ဆရာတော်ကြီးပေးတဲ့ သြဝါဒကို ဘယ်လို ဖော်ပြထားသလဲဆိုတော့

(မဟန) သြဝါဒပေးပုံ


“ နိုင်ငံတော်သံဃမဟာနာယကအဖွဲ့ ဥက္ကဋ္ဌဆရာတော်က မိမိတို့ သံဃာတော်အချင်းချင်း ညီရင်းအစ်ကို၊ မိဘနှင့်သားသမီး စိတ်ဓာတ်ဖြင့် ညီညွတ်ရန်လိုကြောင်း၊ ပွင့်ပွင့်လင်းလင်းလျှောက်ထားဆွေးနွေးရန်လိုကြောင်း၊ မည်သည့်ကိစ္စမဆိုအသိပေး၍ တိုင်တိုင် ပင်ပင်လုပ်ရန်လိုကြောင်း၊ နိုင်ငံတော်သံဃမဟာနာယကအဖွဲ့ကလည်း စိတ်တူသဘောတူလုပ်မည်ဖြစ်ကြောင်း၊ ဘာသာသာသနာ ဆိုင်ရာလုပ်ငန်းကြီးများလုပ်မည်ဆိုပါက ဒွိဟဖြစ်နေသည့်ကိစ္စရပ်များရှိပါက နိုင်ငံတော်သံဃမဟာနာယကအဖွဲ့သို့ လျှောက်ထားနိုင်ပါ ကြောင်း၊ အမျိုးဘာသာသာသနာစောင့်ရှောက်ရေးအဖွဲ့က သြဝါဒခံယူမည့်အကြောင်း လျှောက်ထားသဖြင့် ဝမ်းသာမိပါကြောင်းနှင့် ယခု သြဝါဒခံယူပွဲကို သက်ဆိုင်ရာတာဝန်ရှိသူများက အမှန်အတိုင်းသတင်းထုတ်ပြန်ပေးဖို့ မေတ္တာရပ်ခံလိုပါကြောင်း သြဝါဒချီးမြှင့်သည်” တဲ့။ [ဒီလို စကားလုံးတွေ (မဟန)ဆရာတော်ကြီးတွေ သြဝါဒပေးရာမှာ တကယ်ပဲ သုံးစွဲခဲ့သလားဆိုတာကလည်း ဆန်းစစ်ကြည့်စရာပါ]

(မဘသ) ဘက်က ဘယ်လိုပြန်လည်လျှောက်ထားသလဲဆိုတော့

(မဘသ) သြဝါဒခံယူပုံ

“ နိုင်ငံတော်သံဃမဟာနာယကအဖွဲ့ ဥက္ကဋ္ဌဆရာတော်ကြီး၏ သြဝါဒချီးမြှင့်မှုနှင့်ပတ်သက်၍ အမျိုးဘာသာသာသနာစောင့် ရှောက်ရေး အဖွဲ့(ဗဟို) ဥက္ကဋ္ဌဆရာတော်က ဆရာတော်ကြီး၏ သြဝါဒကို လိုက်နာမည်ဖြစ်ကြောင်း၊စည်းလုံးညီညွတ်ခြင်းကို လိုလားပါ ကြောင်း၊ မိမိတို့ အဖွဲ့သည် ကိုယ့်လူမျိုး၊ ကိုယ့်ဘာသာ၊ ကိုယ့်သာသနာအတွက် နံပါတ်တစ်ထား၍ လုပ်ဆောင်နေပါကြောင်း၊ မည်သည့် ပုဂ္ဂိုလ်၊ မည်သည့်ပါတီကိုမျှ မရည်ရွယ်ပါကြောင်း၊ နိုင်ငံတော်သံဃမဟာနာယကအဖွဲ့နှင့်လက်တွဲရမည်၊ အချင်းချင်းမညီညွတ်ပါက ဆိုး ကျိုးများ သာရရှိမည်ဖြစ်ကြောင်း၊ နောင်တွင်လည်းလူလွှတ်၍ဖြစ်စေ၊ ဖုန်းဆက်၍ဖြစ်စေအချိန်မရွေးခေါ်ယူ သြဝါဒပေးနိုင်ပါကြောင်း နှင့် ဖြစ်ပေါ်နေသည့်သတင်းနှင့်ပတ်သက်၍ ဦးပါမောက္ခ ကို မေးမြန်းနိုင်ပါကြောင်း လျှောက်ထားသည်” တဲ့။

ဒီနေရာမှာ ထည့်စဉ်းစားသင့်တာက မကြာခင် (မဘသ)ကနေ လမ်းခွဲထွက်သွားတဲ့ကိစ္စပါ။

ဦးပါမောက္ခက “ကြံ့ဖွံ့ပါတီအနိုင်ရရေး မဲဆွယ်လှုပ်ရှားမှုတွေ” လုပ်ခဲ့လို့ဆိုတဲ့ အကြောင်းပြချက်နဲ့ (မဘသ) ကနေ လွန်ခဲ့တဲ့ ဇွန်လ ၉ ရက်နေ့ကပဲ နှုတ်ထွက်တဲ့ကိစ္စ (RFA) သတင်းဌာနနဲ့အင်တာဗျူးမှာကြားလိုက်ပါတယ်။ ဒါကလည်း ထူးခြားတဲ့ခြေလှမ်းနဲ့ အချက်ပြမှုတစ်ခုပါ။ (မဘသ) ကို (မဟန) က ကိုင်တွယ်တော့မယ်ဆိုတာ ကြိုတင်သိရှိလို့ ဒီခြေလှမ်းကိုလှမ်းသလား ဆိုပြီးတွက်ကြည့် မိပါတယ်။ ဦးပါမောက္ခ (မဘသ) ကထွက်တယ်ဆိုတဲ့သတင်းနဲ့ (မဟန) က (မဘသ)ကို ကြေညာချက်ထုတ်ပြန်ပြီးဖွင့်ချတာဟာ တစ်လ နည်းပါးပဲကွာခြားတာပါ။ ဒါဟာသာမန်တိုက်ဆိုင်မှု ဟုတ်မှ ဟုတ်ပါရဲ့လား။

“သြဝါဒခံယူတယ်” ဆိုတာရဲ့ အတွင်းသဘောနဲ့ အဓိပ္ပာယ်ဟာ ဘုန်းကြီးလောကမှာ နက်နဲပါတယ်။

ဒီလို အထင်အရှား “သြဝါဒခံယူ”ဖူးပါလျက်နဲ့ (မဟန)ကြေညာချက်မှာ “အသိအမှတ်ပြုခြင်း၊ (မဘသ) ဟူသော အသုံးအနှုန်း ကိုပင် ခေါ်ဝေါ်သုံးစွဲခဲ့ခြင်း အလျဉ်းမရှိခဲ့ပါ” လို့ ရေးသာတာဟာ သွေးရိုးသားရိုးမဟုတ်တန်ရာ။ ရန်တိုက် ထိုးဆွပေးဖို့ တမင် ရည်ရွယ် တာလို့ယူဆပါတယ်။ (မဟန)ဆရာတော်ကြီးတွေဟာ သက်တော်ကြီးလှပါပြီ။ ဒီလို စကားလုံးအသုံးအနှုန်းကအစ အသေးစိတ်ကိစ္စတွေ ကို လိုက်ပါစစ်ဆေးကြီးကြပ်နိုင်ပါ့မလား။

သာနာရေးဝန်ကြီးဌာနက လူပုဂ္ဂိုလ်တွေရဲ့ပက်စက်တဲ့ လုပ်ရပ်တွေပဲလို့မြင်ပါတယ်။

ဘာသာ၊သာသနာကို ကိုယ်ကျိုးအတ္တကွက်ကွက်ကလေးအတွက် အသုံးချရုံမကဘူး၊ ဆရာတော်ဘုရားကြီးတွေရဲ့ ကြည်ညို ဖွယ်ဂုဏ်သိက္ခာကိုပါ ရူးရူးမိုက်မိုက် ခုတုန်းလုပ်အသုံးချနေတာပဲဖြစ်ပါလိမ့်မယ်။ အစိုးရယန္တယားမှန်သမျှသူတို့စိတ်ကြိုက်ချုပ်ကိုင်လာခဲ့ တာ၊ ချုပ်ကိုင်ထားဆဲဖြစ်တယ်ဆိုတဲ့အချက်တွေနဲ့လည်း ထည့်သွင်း ဆက်စပ်စဉ်းစားရမှာပါ။

နောက်ထပ်ထည့်သွင်းစဉ်းစားစရာကတော့ အချိန်ကာလနဲ့ အဲဒီကာလမှာတာဝန်ယူနေတဲ့ပုဂ္ဂိုလ်တွေနဲ့ဖြစ်ရပ်တွေပါပဲ။

၂၀၁၄ ခုနှစ် မေ နဲ့ဇွန်လအတွင်းဖြစ်ရပ်တချို့ကိုလည်း ထည့်သွင်းစဉ်းစားကြည့်ဖို့လိုပါတယ်။

သာသနာရေးဝန်ကြီးက ဦးဆန်းဆင့်ဖြစ်ပါတယ်။ သန္တိသုခကျောင်းအရေးအခင်းဖြစ်ပါတယ်။ ဦးဆန်းဆင့်အဖမ်းခံရပါတယ်။ (၂၀၁၄ ခုနှစ်၊ ဇွန်လ ၁၉ ရက်နေ့စွဲနဲ့ ) ဝန်ကြီးရာထူးကနေ ထုတ်ပယ်ခဲ့ပါတယ်။

သမ္မတပြောခွင့်ရ ဗိုလ်ရဲထွဋ်အပြောအရတော့ သာသနာရေးဝန်ကြီးဗိုလ်ဆန်းဆင့်ဟာ “သန္တိသုခကိစ္စက အကြောင်းအချက် တွေထဲက တစ်ခုသာလျှင်ဖြစ်တယ်၊ အဓိကမူဝါဒ ၂ ရပ်အကောင်အထည်ဖော်မှုမှာ အားနည်းချက်ချို့ယွင်းချက်တွေအများကြီးရှိတယ်၊ သမ္မတ မှာကြားတာထက် ဘောင်ကျော်လုပ်တယ်၊ ဒါကြောင့်မလွှဲမရှောင်သာအရေးယူလိုက်ရတယ်” ပြောပါတယ်။

ပြန်ကြားရေးဝန်ကြီးက ဦးအောင်ကြည်ဖြစ်ပြီး၊ ဒုတိယဝန်ကြီးက ဦးရဲထွဋ်ဖြစ်ပါတယ်။ ဦးရဲထွဋ်ဟာ သမ္မတဦးသိန်းစိန်ရဲ့ပြော ခွင့်ရလည်းဖြစ်ပါတယ်။

“ကိုးကွယ်ရာဘာသာကူးပြောင်းခြင်းဆိုင်ရာဥပဒေ (မူကြမ်း)” ဆိုတာကို ၂၀၁၄ ခုနှစ်၊ မေလ ၂၇ ရက်နေ့မှာ သတင်းစာတွေ ကနေ (လေ့လာရန်) ထုတ်ပြန်ပေးလိုက်ပါတယ်။

ဆိုလိုချင်တာကတော့ အစိုးရယန္တရားမှန်သမျှရဲ့သော့ချက်နေရာတွေကို အုပ်စိုးသူဟောင်းများရဲ့သစ္စာခံများက ပိုင်ပိုင်နိုင်နိုင် ချုပ်ကိုင်ထားနေဆဲဖြစ်ပါတယ်။ ဒီကနေ့အထိ သူတို့ထင်သလို လုပ်ကြံဖန်တီးနိုင်တယ်ဆိုတာပါပဲ။

ညွန်း
(၁၀ - ၅ - ၂၀၁၄ ) မြန်မာ့အလင်းသတင်းစာ၊ စာမျက်နှာ ၇
(၁၀ - ၅ - ၂၀၁၄ ) ကြေးမုံသတင်းစာ၊ စာမျက်နှာ နောက်ကျောဖုံး၊ စာမျက်နှာ ၈

ရန်ကုန်မြို့ရှိ နာမည်ကျော် အင်းစိန်ထောင် (ဓာတ်ပုံ - Myanmar Now)