ခင်ဇော်မိုး ● ခရီးသွား အတ္ထုပ္ပတ္တိအစ

August 1, 2018, 3:57 pm

≫ Next: ဒေါက်တာခင်မောင်ဝင်း(သင်္ချာ) - ဂိတ်စောင့်ခြင်း

≪ Previous: အောင်ရဲထွေးအမှု ပြန်ကြားနာရန် ဖမ်းခံခဲ့ရသူသုံးဦးကို ပြန်ဆင့်ခေါ်

ခင်ဇော်မိုး ● ခရီးသွား အတ္ထုပ္ပတ္တိအစ
(မိုးမခ) သြဂတ်စ် ၂၊ ၂၀၁၈

အဝေးပြေးကားကြီးပေါ်မှ ကျွန်မဆင်းလိုက်ချိန် ကားဝန်းကြီးထဲတွင် လူပေါင်းများစွာ သွားလာကူးသန်းနေကြသည်။ "သြော်.. ရန်ကုန် ရန်ကုန်"ဟုလည်း စိတ်ထဲမှ ရေရွတ်လိုက်မ်ိသည်။ ဖျတ်ခနဲ သတိရမိသွားတာက တောသားကိုရင်နှင့်မမမိုးဇာတ်လမ်းထဲက ကိုရင်ပြောသည့် "ရန်ကုန်ဆိုတာ တို့ရွာဘုရားပွဲထက်စည်ကားပါလား"ဟူသော စကားကိုပင်။ စူးစမ်းကြည့် နေမိချိန်မှာပဲ လာကြိုသည့် အစ်ကိုအစ်မတွေရောက်လာသည်နှင့် အဝေးပြေးကားဝန်းကြီးကို ကျောခိုင်းခဲ့တော့သည်။ ကျွန်မတို့အညာမှာ ည (၉) နာရီလောက်ဆို တိတ်ဆိတ်နေပြီ။ နေ့ခင်းဘက်အလုပ်လုပ်ထားသည်မို့ စောစောစီးစီး အိပ်စက် အနားယူကြပေမယ့် ရန်ကုန်မြို့ကြီးကတော့ လမ်းသလားကောင်းဆဲအချိန်ပါပဲ။ တဝူးဝူးတဝေါဝေါမြည်တွန်နေသည့် ကား၊ အင်ဂျင်စက်သံတွေကို စက္ကန့်မလပ်ကြားနေရသည်မှာ ကျွန်မအတွက် မောပန်းသလိုခံစားရသည်။ ခရီးပန်းလာသည်မို့ အတွေးနယ်ဆက်မချဲ့နိုင်တော့။

"ဘုရားဖူးပြီးတာနဲ့ ပြန်လာခဲ့နော်"လို့ မှာလိုက်သည့် အမေ့စကားက ကြာကြာနေမည်ဟုကြံစည်ထားသော ကျွန်မအတွေး တွေကို ရစ်ပတ်နေသည်။ ဒါပေမဲ့ ကျွန်မအနေနှင့် အညာသူမို့လားမသိ။ ရန်ကုန်က ကျွန်မအတွက် အသက်ရှူကြပ်သလို ခံစားနေမိသည်။ ပေါလိုက်သည့်လူ၊ ကြပ်လိုက်သည့်ကား။ တချို့သူတွေအတွက် ခက်လိုက်သည့် စီးပွားရှာမှု၊ မြို့ကြီးကျယ် သလောက် နေစရာရှားနေသော လူတချို့ကို မြင်ကွင်းထဲမှာတွေ့ရသည်။ အညာသူကျွန်မအတွက် ရက်သတ္တပတ်ထိကြာ မြင့်သော်လည်း ရန်ကုန်နှင့် အသားမကျခဲ့ပေ။ ဒီလိုနှင့် ရွာကအစ်ကိုအစ်မတွေကို အမြန်ဆုံး ဘုရားဖူးလိုက်ပို့ခိုင်းခဲ့သည်။

ပထမဆုံး ရွှေတိဂုံဘုရားကို သွားဖူးမြော်ကြသည်။ ရန်ကုန်ဆိုတာ အညာသူကျွန်မအတွက် မြင်မြင်သမျှက အဆန်းအပြားဖြစ်နေသည်မှာ အမှန်။ ရန်ကုန်ကိုကမ္ဘာကသိနေတာ မဆန်းပါလားဟု ရွှေတိဂုံ ဘုရားကြီးကို အဝေးကနေဖူးတွေ့လိုက် ကတည်းက သိခဲ့ရသည်။ ဘုရားခြေတော်ရင်းတွင် အစာကောက်နေသည့် ခိုအုပ်ကြီးက တနေရာမှတနေရာသို့ ပျံကျသွား လာနေသည်မှာ သစ်ရွက်ကြွေတွေကို လေမှုတ်သွားသလို လွင့်ခနဲ ဝဲခနဲ။ ဘုရားရင်ပြင်ပေါ်ထိ ဇောင်းတန်းအတိုင်း ခြေလျှင် တက်ကြသည်။ ရင်ထဲမှာလည်းကြည်နူးလို့ပါပဲ။ မြင့်မားလွန်းသော သိဂုင်္တ္တရကုန်းကို နတ်တို့်ဖန်ဆင်းခဲ့လေသလား ထင်မိ သည်။ ရွှေတိဂုံစေတီတော်ကြီးကို ဥက္ကလာပမင်းကြီးက မဟာသက္ကရာဇ် (၁၀၃) ခုနှစ်မှာ တည်ထားကိုးကွယ်ခဲ့သည်ဟု သိခဲ့ရ သည်။

တနေရာအရောက်မှာ ကားလမ်းဖြတ်ဖောက်ထားတာတွေ့တော့ အံ့သြနေမိတာတာအမှန်။ တကြိမ်တါခါမျှ မဖူးမြော်ဖူး သည့် ကျွန်မအတွက် ကမ္ဘာ့အံ့ဖွယ်တခုပါပဲ။ စေတီတော်ကြီးကိုဖူးမော့ကြည့်မိသည်။ ယခင်က ဉာဏ်တော် (၄၄) တောင်ရှိပြီး ယခုဉာဏ်တော် (၃၂၆) ပေရှိသည်။ လူကြီးတွေပြောစကားအရ ရွှေတိဂုံစေတီတော်ကြီးကို လူတစ်ရစ်၊ နတ်တစ်ရစ် တည် ထားခဲ့သည်ဟု သိရသေးသည်။ ဘုရား ရင်ပြင်ထက်ရောက်တော့ ဖူးမြော်ကြည်ညိုရခြင်းမှာ စိတ်ကို အေးချမ်း လှစေသည်။ ထူးခြားသည့် ခံစားမှုမျိုးပင်။ ဘုရားရင်ပြင်ထက်မှာ လူတွေများပြားလှသည်မှာ ပုရွက်ဆိတ်အုံ တုတ်နှင့်ထိုးဆွထားသလို။ ကျွန်မအတွက်တော့ ရန်ကုန်က အံ့ဖွယ်လူစည်ကားရာအရပ်ပါပဲ။

အဲဒီနေ့က တနေကုန် ရန်ကုန်မြို့ရှိ အထင်ကရတန်းခိုးကြီးဘုရားတွေကို ဖူးမြော်ဖြစ်ခဲ့သည်။ စိတ်ထဲမှာလည်း ထပ်ဆင့်တွေးလိုက်မိသည်။ ရန်ကုန်သည် သိပ်ချစ်စရာကောင်းသောမြို့။ ဒါကြောင့် လူစည်ကား လွန်းလေသလားဟု တွေးထင်မိသည်။ မှတ်မှတ်ရရ ရေလယ် ကျောက်တန်းဘုရားကို မဖူးမြော်ခဲ့ရပေ။ ကျွန်မအနေနှင့်လည်း ဖူးမြော်ခဲ့ရသည့် ဘုရားစေတီများနှင့်ပင် ကျေနပ်နေသည်က တကြောင်း၊ လူရှုပ် ကားကြပ်လွန်းသည်ကတကြောင်း၊ နောက်ရက်သွားရောက်မဖူးမြော်ခဲ့မိ။ ဒီလောက်နှင့်အိမ်ပြန်ဖို့ ကျွန်မအနေနှင့်စိတ်ကူးမရှိသေး။ ခက်တာက ရန်ကုန်မှာလည်း မပျော်မွေ့။ ဒါနှင့်ပဲ မြစ်ကြီးနားက အသိဆီ လှမ်းပြီးဖုန်းဆက်မိသည်။ အသိလို့သာပြောရသည်။ သူတို့သမီးတယောက်လို ချစ်ကြသူတွေသာ။ လာချင်သည့်အကြောင်းပြောတော့ သူတို့စီစဉ်ပေးကြသည်။ အဲ့ဒီအချိန်က ကျွန်မအသက်က (၁၉) နှစ်ပဲ ရှိသေးသည်။ ပြီးတော့ ဒါကပထမဆုံးခရီးဖြစ်ပြီး တယောက်တည်းဆိုတော့ သူတို့အနေနှင့်စိုးလည်းစိုးရိမ်နေကြရသည်။

ရန်ကုန်မှအသိတွေကလည်း ပထမဆုံးခရီးသွားဖူးစရှိသေးသည်မို့တစ်ကြောင်း၊ မြစ်ကြီးနားမှာအခြေနေမကောင်းသည်က တကြောင်း မသွားဖို့တားမြစ်ကြပါသေးသည်။ မတော်တဆ လမ်းခုလတ်မှာ အလွဲအချော်ဖြစ်ခဲ့ရင်ဆိုသော့အသိက သူတို့ စိတ်ကို ပူပန်စေခဲ့သည်။ ပြီးတော့ ကျွန်မ မသွားလိုအောင် "မြစ်ကြီးနားက မြို့ခြောက်၊ ဘာမှမစည်ကားဘူး။ ဟိုရောက်မှ ခရီးပန်းတာအဖတ်တင်ပြ်ီး နောင်တရနေမယ်"ဟု ပြောခဲ့ကြသည်။ ခေါင်းမာလွန်းသည့် ကျွန်မဆုံးဖြတ်ချက်ကို နောက်ဆုံး သူတို့လက်လျှော့ခဲ့ကြသည်။ အစ်ကိုအစ်မတွေနှင့်အတူ ရန်ကုန်မှာအလုပ်လုပ်နေကြသည့် ရွာကရင်းနှီးသူတွေက ကျွန်မ ပြန်တော့မယ်ဆိုတော့ အချိုရည်ဗူးတွေ၊ မုန့်တွေ လမ်းမှာစားဖို့ လက်ဆောင်ဝယ်ပေးကြသည်။ တယောက်တလက် ပေးကြသည်မှာ ခြင်းတလုံးနှင့်ပြည့်သွား၏။ ဒါကလည်း ကျွန်မတို့အညာသူ အညာသားများ၏ ဓလေ့တခုပင်။ ရင်နှီးချစ်ခင်သူတွေဆီအလည်သွားတယ် ၊ အလည်လာကြတယ်ဆိုရင် အပြန်မှာလက်ဆောင်ပစ္စည်းတွေ ပေးလေ့ရှိကြသည်။ မြို့က အသိတွေ ရွာကိုအလည်လာတယ်ဆိုရင်လည်း ကိုယ့်ယာထွက်သီးနှံတွေ ပေးလေ့ရှိသည်။ ကောင်းတာ မကောင်းတာ အပထား ပေးကြလေ့ပင်။

နောက်တနေ့ည (၉) နာရီအချိန်တွင် GI Group ကားနှင့် မန္တလေးကိုဆင်းခဲ့သည်။ ကားပေါ်မှ ယာဉ်မယ်များက ခရီး တဝက်လောက်အရောက်တွင် မုန့်ဖြင့်ဧည့်ခံသည်။ မြန်မာ့ခရီးသွားဝန်ဆောင်မှုတွေ မဆိုးပေဘူးဟုတွေးမိရင်း၊ ယာဉ်မယ် မိန်းကလေးလှလှ၊ မမများကြောင့် ခရီးသွားများအတွက် အဆင်ပြေတာတော့အမှန်။ မန္တလေးဆိုတာလည်း ကျွန်မအတွက် ပထမဆုံးခရီးပင်။ မနက်ခင်း (၄) နာရီလောက်တွင် ကျွဲဆည်ကန်သို့ရောက်သည်။ ဂိတ်ထဲမှာပဲ စောင့်နေဟူသောကြောင့် ကျွန်မလည်းဂိတ်ထဲမှပင် စောင့်နေခဲ့သည်။ အဝတ်အစားအရောင်နှင့် ကျောပိုးအိတ်အရောင်၊ ကျွန်မပုံစံကိုလည်း ဖုန်း ဆက်ပြီး ကားနံပါတ်ဘယ်လောက်ဆိုတာကအစ အတိအကျချိတ်ဆက်ကြရသည်။ အဲ့မှာဦးလေးကြီးတယောက်က ကားပေါ်ရှိသမျှလူ ကုန်ပြီဆိုမှ ဂိတ်ထဲသွားထိုင်နေသည့် ကျွန်မကို လာခေါ်သည်။ လာကြိုရင်ပြော သူတို့နှင့်ဖုန်းပြောပြီးမှ လိုက်ရမယ်မှာထား၍ မြစ်ကြီးနားကလူတွေဆီဖုန်းခေါ်ပြီးပြောခိုင်းသည်။ သေချာပြီဆိုမှ ကျွန်မလည်းလိုက်သွားတော့သည်။ တော်တော်တော့ အလုပ်ရှုပ်ကြရတာ အမှန်။ မိုးတဖွဲဖွဲကျနေသည့် မနက်ခင်းမို့ မန္တလေး၏ အလှက မပီဝိုးတဝါး။ မန္တလေးမှာတော့ လျှောက်မလည်ဖြစ်ခဲ့။ ကျွန်မအနေနှင့်လည်း မြစ်ကြီးနားကိုပဲ သွားချင်နေမိတော့ ရထားလက်မှတ်ရဖို့ အရေးကြီး နေမိသည်။ ပြီးတော့ မန္တလေးကအိမ်ပြန်လမ်းနှင့်နီးနေတော့ အမေခေါ်မှာလည်း စ်ိုးမိခြင်းပင်။ အခြေအနေ ရှုပ်နေချိန်မို့ မြစ်ကြီးနားရထားသည် အရင်တရက်က မထွက်ဘူးအသံကြားတော့ ကျွန်မစိုးရိမ်နေမီ တာအမှန်။ အဲ့ဒီအချိန်က မြစ်ကြီးနားတက်သည့် ကားလမ်းတွေ လုံးဝမကောင်းသေး။ဒီလိုနှင့် နေ့လည်ဘက်ရောက်တော့ ရထားလက်မှတ်သွားဖြတ်သည်။

ဘူတာအပေါ်ကိုတက်သည့်လမ်းမြင်တော့ အခုမှ မြို့ရောက်ဖူးသော ကျွန်မအတွက် တကယ့်အထူးအဆန်းပါပဲ။ `တော သားမြို့ရောက် ကျီးကန်တောင်းမှောက်´ဆိုသလို ဟိုဟိုဒီဒီ ငေးချင်ကြည့်ချင်စရာသာ ဖြစ်နေတော့၏။ ကံကောင်းစွာနှင့် ရထားထွက်မည်ဟုပြောသည်။ ပထမတွဲမှာ တခုံတည်းဘက်က နေရာရွေးဖြတ်ခဲ့သည်။ ညနေရောက်တော့ မန္တလေးက အသိတွေက မြို့သစ်ဘက်မှာနေသည့် အမျိုးတွေဆီ အလည်လိုက်ပို့သည်။ ပြီးတော့ အပြန်မှာ အောင်တော်မူဘုရားကို ဝင်ရောက်ဖူးမြော်ကြသည်။ ဘုရားဝန်းအတွင်းမှာလည်း စည်ကားလိုက်သည့်လူတွေ။ မန္တလေးမြို့၏ ညအလှ၊ ညမြင်ကွင်းကို ပထမဆုံးမြင်ဖူးသူ ကျွန်မအတွက်တော့ အထူးအဆန်းသာ ဖြစ်နေပြန်သည်။ ကျွန်မကြီးပြင်းခဲ့ရသည့် ရွာကလေးမှာတော့ မှောင်ရီပျိုးသည်နှင့် မှုန်ပြပြမီးရောင်ကလေးသာလင်း၍ ခပ်ဆိတ်ဆိတ်သာ ဖြစ်သည်။

ညဘက်မန္တလေးမြို့သူ၊မြို့သားများ အခုလိုဘုရားဖူးလေ့ရှိတာသိရတော့ ကြည်နူးမိသည်။ မန္တလေးမြို့ ကြီးနှင့်အတူ မြို့သူမြို့သားတွေကို လေးလည်းလေးစားမိတာအမှန်။ ဒီလိုမြင်ကွင်းသည် ကျေနပ်စရာအကောင်းဆုံးပင်။ လူငယ်တချို့ ကလည်း အကြွေစေ့တွေ ငွေဖလားထဲကိုလှမ်းထည့်လို ထည့်ကျ။ လူငယ်၊ လူကြီးတွေ တန်းစီပြီး သနပ်ခါးသွေး နေတာ တွေ့တော့ ဘာအတွက်လဲလို့ ကျွန်မမေးမိသည်။ နံနက်ခင်းဘုရားမျက်နှာသစ်တော်အတွက် သွေးကြခြင်းဟု ရှင်းပြကြသည်။ ဘာရယ်မသိ။ ကျွန်မကျေနပ်အားရစွာ ပြုံးလိုက်မိသည်။ ပြီးတော့ ကျွန်မသနပ်ခါးတွေ အများကြီးရအောင်သွေးသည်။ မြတ်စွာဘုရားတွက် မျက်နှစ်သစ်သနပ်ခါးရည်သွေးရသောကြောင့် ကျေနပ်ပျော်နေမိတာအမှန်။ ဘုရားမျက်နှာ သစ်သနပ်ခါးများ ကြုံတောင့်ကြုံခဲ သွေးရသည်ကိုပင် ကြည်နူးမဆုံးမိ။ အနီးနားမှ လူငယ်တွေကလည်း ရင်းနှီးဖော် ရွှေမှုရှိကြသည်။ မသိတာတွေပြောပြကြသည်။ ပျော်စရာကောင်းလှသည့် မန္တလေးပါလားဟု စိတ်မှရေရွတ်မိသည်။

အချိန်တန်၍သာ ပြန်ခဲ့ရသည်။ မန္တလေးမြို့နှင့် မြို့သူမြို့သားတွေ၏အပြုံးသည် ရင်ထဲကိန်းဝပ်ပါလာသည်။ "မန္တလေးရေ မင်းကိုငါချစ်တယ်"ဟု နှုတ်ဆက်ရင်း မနက် (၄) နာရီရထားနှင့် မြစ်ကြီးနားသို့ ခရီးဆက်ခဲ့တော့သည်။ ရထားကြီးက ဒဏ်ရာ ရသည့်မြွေဆိုးတကောင်နှယ် လူးလဲပြေးထွက်လာခဲ့သည်။ မန္တလေးမြို့ကြီးကတော့ နံနက်စောစော မြူ ဆိုင်းမြူငွေ့တွေကြား ဝေဝါးကျန်ရစ်ခဲ့တော့၏။

ခင်ဇော်မိုး

↧

ဒေါက်တာခင်မောင်ဝင်း(သင်္ချာ) - ဂိတ်စောင့်ခြင်း

August 1, 2018, 4:31 pm

≫ Next: ကာတွန်း ATH ရဲ့ မိုးပျံချိုင့်ခွက်တွေလည်း မြင်ရတော့မယ် ...

≪ Previous: ခင်ဇော်မိုး ● ခရီးသွား အတ္ထုပ္ပတ္တိအစ

ဒေါက်တာခင်မောင်ဝင်း(သင်္ချာ) - ဂိတ်စောင့်ခြင်း
ဒီမိုကရေစီစနစ်များ ကျဆုံးခြင်းအကြောင်းများ – အခန်းဆက် ၄

(မိုးမခဘာသာပြန်အခန်းဆက်) သြဂုတ် ၃၊ ၂၀၁၈

HOW DEMOCRACIES DIE စာအုပ်တွင် အခြား၌မသုံးဖူးသေးသော နိုင်ငံရေးဝေါဟာရတစ်ခုကို သုံးထားသည်ကို တွေ့ရသည်။ ထိုဝေါဟာရမှာ gate keeping ဖြစ်သည်။ နိုင်ငံရေးဝေါဟာရဟူသည် ဘာကိုခေါ်သည်ဟူသည်နှင့် ပတ်သက်၍ John Hoffman နှင့် Paul Graham ရေးသားသော Introduction to Political Theory တွင် ဤသို့ဆိုထား သည်။ မည်သည့်ဝေါဟာရစကားလုံးကိုမဆို မည်သူမဆို နိုင်ငံရေးဝေါဟာရဟု သတ်မှတ်လိုက်လျှင် ထိုစကားလုံး သည် နိုင်ငံရေးဝေါဟာရ ဖြစ်သွားသည်။

'gatekeeping'ဟူသော စကားလုံးကို ရှင်းရလျှင် -
gate(noun) တံခါး၊ တံခါးပေါက်၊ ဝင်ပေါက်၊ ထွက်ပေါက်၊ ဂိတ်၊ ခြံတံခါး
keep(verb) ထိန်းသိမ်းသည်၊ စောင့်သည်
keeping(noun) ထိန်းသိမ်းခြင်း၊ စောင့်ခြင်း
gatekeeping ကိုမြန်မာလိုပြန်လျှင်၊ ဂိတ်စောင့်ခြင်းဟု အနီးစပ်ဆုံး ဘာသာပြန်နိုင်သည်။

ထိုစကားလုံးသည် မူလက နိုင်ငံရေးဝေါဟာရမဟုတ်ပါ။ သို့သော် HOW DEMOCRACIES DIE စာအုပ်တွင်အသုံးပြုထားပုံအရ နိုင်ငံရေး ဝေါဟာရဖြစ်သွားပါသည်။ ထိုစာအုပ်တွင် သုံးထားသောပုံစံအရ 'gatekeeping'ဟူသည်မှာ နိုင်ငံတစ်နိုင်ငံတွင် 'ဒီမိုကရေစီစံနစ် မဆုံးရှုံးအောင် ထိန်းသိမ်းစောင့်ရှောက်ခြင်း'ကို ခေါ်သည်။ ထိုဝေါဟာရနဲ့ဆက်စပ်၍ 'gatekeeper'ဟူသော ဝေါဟာရကို ထိန်းသိမ်းစောင့်ရှောက်သောသူ (ဝါ)နိုင်ငံရေးသမား၊ နိုင်ငံရေးပါတီကို ခေါ်နိုင်သည်။

ဒီမိုကရေစီစနစ်ကို မဆုံးရှုံးစေရန် ထိန်းသိမ်းစောင့်ရှောက်သောလုပ်ငန်းများ

ဂိတ်စောင့်ခြင်းတွင် ဆုံးရှုံးမှုများ သည်။ များလည်းများသည်၊ အမှတ်တရလည်းရှိပါသည်။ သို့ရာတွင်အချို့သော ဥရောပတိုက်၏နိုင်ငံများတွင် ကမ္ဘာ ၏ နှစ်ခုအတောအတွင်းက အောင်မြင်စွာဂိတ်စောင့်ခြင်းလုပ်ငန်းကို အောင်မြင်စွာလုပ်ဆောင်ခဲ့သည်။ အံ့သြစရာ ကောင်းသည်မှာ နိုင်ငံငယ်လေးများထံမှ ကြီးမားသောသင်ခန်းစာများကို ရရှိခဲ့ခြင်းဖြစ်သည်။

ဥပမာအားဖြင့် ဘယ်လ် ဂျီယံ (Belgium)၊ ဖင်လန်(Finland)တို့ ဖြစ်ကြသည်။ ၁၉၂၀ နှင့်၁၉၃၀ နှစ်များက ဥရောပတိုက်၏နိုင်ငံရေးနဲ့ စီးပွားရေးကပ်ဆိုက်သောကာလများအတွင်းက ဒီမိုကရေစီကျဆုံးတော့မည့်လက္ခဏာများကို ဘယ်လ်ဂျီယံ နိုင်ငံနဲ့ ဖင်လန်နိုင်ငံတို့တွင် တွေ့ခဲ့ရသည်။ ထိုနိုင်ငံများတွင် အစွန်းရောက်ဝါဒီများတက်လာခဲ့သည်။ ထိုအစွန်းရောက် ဝါဒီများကြောင့် ဒီမိုကရေစီကျဆုံးတော့မည့်အန္တရာယ်များမှ ထိန်းသိမ်းစောင့်ရှောက်သည့် နိုင်ငံရေးသမားများက ကယ်တင်နိုင်ခဲ့သည်။ ဒုတိယကမ္ဘာစစ်တွင် နာဇီဂျာမနီ၏ ကျူးကျော်မှုကြောင့်သာလျှင် အရာရာပျက်စီး ယိုယွင်းခဲ့ ကြရသည်။

ဟစ်တလာ(Hitler) ၏ နာဇီဂျာမနီ၏ ကျူးကျော်ခြင်းမတိုင်မီ ဘယ်လ်ဂျီယံနဲ့ ဖင်လန်တို့တွင် ဂိတ်စောင့်ခြင်း အလုပ်(gatekeeping) ကို အောင်မြင်စွာလုပ်ဆောင်နိုင်ခဲ့ကြသဖြင့် ဒီမိုကရေစီရှင်သန်ခဲ့ပုံများသည် သမိုင်းတွင်ရှိပါသည်။ How Democracies Die စာအုပ်တွင် ဤသမိုင်းဖြစ်ရပ်များကို ရေးသားထားသော်လည်း ဘာသာပြန်သူ (ဒေါက်တာခင်မောင်ဝင်း)သည် ပါတီနိုင်ငံရေးပရိယာယ်များကို နားမလည်သဖြင့် ထိုအဖြစ်အပျက်များကို ဘာသာပြန် ပေးနိုင်စွမ်းမရှိပါ။

ဤကဲ့သို့ အောင်မြင်စွာ ဂိတ်စောင့်ခြင်းအလုပ်ကို ရှေးအခါကသာမက များမကြာမီကာကလည်း(Austria) သြစတြီး ယား တွင် အောင်မြင်စွာစွမ်းဆောင်နိုင်ပါသည်။ သြစတြီးယားသည် သြစတြေးလျ(Australia) မဟုတ်ကြောင်း သတိပေးလိုပါသည်။ သြစတြီးယားသည် ဥရောပတိုက်တွင်ရှိပြီး သြစတြေးလျသည် ကမ္ဘာ့၏တောင်ဘက်စွန်းရှိ ကျွန်းကလေးဖြစ်ပါသည်။ ၂၀၁၆ ခုနှစ်က သြစတြီးယားတွင် ဒီမိုကရေစီဆုံးရှုံးတော့မည့် အန္တရာယ်ကြုံတွေ့ရခဲ့သည်။ ထိုအချိန်က ပါတီနိုင်ငံရေးကိုဦးစားမပေးဘဲ ဒီမိုကရေစီမကျဆုံးရေးကိုသာ ဦးစားပေး၍ အရာရာကိုလုပ်ဆောင်ခဲ့သဖြင့် ဒီမိုကရေစီရှင်သန်ခဲ့သည်။

အချုပ်ကို ပြန်ပြောရသော် ဘယ်လ်ဂျီယံနဲ့ ဖင်လန်၊ သြစတြီးယားတို့တွင် ဘာသာပြန်သူ၏စကားဖြင့် ပြောရလျှင် မည်ကဲ့သို့လုပ်လိုက်သည်မသိ၊ ဒီမိုကရေစီမကျဆုံးအောင် ဂိတ်စောင့်ခြင်းအလုပ်ကို လုပ်နိုင်ခဲ့သည်။ အမေရိကန် ပြည်ထောင်စုသည် ဂိတ်စောင့်ခြင်းလုပ်ငန်းနဲ့ပတ်သက်၍ အတော်ချီးမွန်းလောက်အောင်ပင် လုပ်နိုင်ခဲ့ပါသည်။ ပြိုင်ဘက်ပါတီကြီး (၂) ခုဖြစ်သော ဒီမိုကရက်နှင့် ရီပတ်ဘလစ်ကန်ပါတီတို့သည် သူတို့၏နိုင်ငံရေးမူဝါဒများ ကွာခြားမှုကို ဖယ်၍ ဒီမိုကရေစီရှင်သန်ရေးကို ဦးစားပေး၍ဆောင်ရွက်ခဲ့ကြသည်။ ဒီမိုကရေစီကိုကျဆုံးအောင် လှုံ့ဆော်ကြသည့် အချို့သောနိုင်ငံရေးသမားများသည် လူထုထောက်ခံမှုကို အတော်ရရှိထားသောကြောင့် ဤအလုပ်သည် ပြောသလောက်မလွယ်ကူလှပါ။ ထိုပါတီ(၂)ခုစလုံးသည် ဒီမိုကရေစီ စံနစ်ကို ကျဆုံးအောင်လုပ်မည့်နိုင်ငံရေးသမားများကို အာဏာမရအောင် တားဆီးနိုင်ခဲ့ကြသည်။ သို့သော် ထိုရာဇ၀င်သမိုင်းတွင်မှုမှာ ၂၀၁၆ ထရမ့်အာဏာရရှိခဲ့သည်အထိသာ ဖြစ်သည်။

ထရမ့်အာဏာရရှိခဲ့ခြင်းသည် ဒီမိုကရေစီဆုံးရှုံးဖို့အတွက် ပထမအဆင့်ဖြစ်သည်။ အကယ်၍ ဒုတိယနဲ့ တတိယအဆင့်တို့ကို မကူးအောင် တားဆီးနိုင်လျှင် ဒီမိုကရေစီအတွက် မျှော်လင့်ချက်ရှိနိုင်သည်။

'Gatekeeping in America' (အမေရိကန်နိုင်ငံတွင် ဂိတ်စောင့်ခြင်းအလုပ်) ဟူသော ခေါင်းစဉ်ဖြင့် အမေရိကန် နိုင်ငံကို ဒီမိုကရေစီမဆုံးရှုံးအောင် ကြိုးပမ်းခဲ့သည့်ဖြစ်ရပ်များ အကြောင်းကို ရေးသားထားသည်။ ဤအခန်းတွင် ပထမဆုံးပါသော အကြောင်းအရာမှာ စိတ်ကူးယဉ်ဝတ္ထုတစ်ခုအကြောင်း ဖြစ်သည်။ ဝတ္ထု၏အမည်မှာ 'The Plot Against America' (အမေရိကန်နိုင်ငံကို ဆန့်ကျင်သောကြံစည်မှု) ဖြစ်ပြီး ဝတ္ထုရေးသူမှာ ဖိလစ်ရော(Phillip Roth) ဖြစ် သည်။ ဤကဲ့သို့သောစာအုပ်ထဲတွင် စိတ်ကူးယဉ်ဝတ္ထုအကြောင်းကို အဘယ်ကြောင့်ထည့်ထားသည်မှာ စဉ်းစားစရာ ဖြစ်ပါသည်။ ဘာကြောင့်ဟူသည်ကို မစဉ်းစားဘဲ ထိုအကြောင်းကို ဘာသာပြန်၍တင်ဆက်ရသော် ...

ဤဝတ္ထုတွင် စာရေးဆရာသည် သမိုင်းဖြစ်ရပ်များကိုမှီ၍ စစ်မဖြစ်မီကာလက အမေရိကန်နိုင်ငံတွင် အကယ်၍ ဖက်ဆစ်ဝါဒလွှမ်းမိုးခဲ့လျှင် ဘာဖြစ်မည်ကို စိတ်ကူးဖြင့် ပုံဖော်ထားသည်။ ဤဝတ္ထုတွင် အဓိက ဇာတ်ကောင်မှာ ချားလင်းဘတ်(Charles Lind-berg) သည် သမိုင်းတွင် ဧကန်တကယ်ရှိခဲ့သည်။
ချားလင်းဘတ်အကြောင်းကို ထိုစာအုပ်ရေးသော စာရေးဆရာသည် စာဖတ်သူများအနေဖြင့် သိပြီးသားလူတစ်ယောက်ပမာ ထည့်သွင်းထားသော်လည်း ဘာသာပြန်သူ ဒေါက်တာခင်မောင်ဝင်းအနေဖြင့် စာဖတ်သူများကို ထိုပုဂ္ဂိုလ်အကြောင်း သိသင့်သလောက်ကို ဖြည့်စွက်၍ပြောချင်ပါသည်။

ချားလင်းဘတ်ကို (၁၉၀၂) တွင် အမေရိကန်နိုင်ငံတွင် မွေးဖွားခဲ့သည်။ သူ၏အထင်ရှားဆုံးသော ကမ္ဘာကျော်သွား သောလုပ်ရပ်မှာ ၁၉၂၇ ခုနှစ်က အတ္တလန္တိတ်သမုဒ္ဒရာကိုဖြတ်၍ တဦးထဲ မရပ်မနားဘဲ လေယာဉ်ကို မောင်းခြင်းဖြစ် သည်။ သူသည် မေလ၂၀ရက်နေ့တွင် နယူးရောက်ခ်မြို့မှ လေယာဉ်စ၍မောင်းခဲ့ရာ မေ၂၁ရက်တွင် ပြင်သစ်နိုင်ငံ ပါရီသို့ရောက်ရှိခဲ့သည်။ ချားလင်းဘတ်ကို ဒုတိယကမ္ဘာစစ်အတွင်းတွင် နိုင်ငံအတွက် အမူထမ်းခဲ့သည်။ ၁၉၇၄ခုနှစ် တွင် ကွယ်လွန်သည်။ ဤသည်ကား စွယ်စုံကျမ်းထဲတွင် ပါဝင်သော ချားလင်းဘတ်၏ အထုပ္ပတ္တိအကျဉ်းပင်ဖြစ် သည်။

သို့သော် ဖီးလော့ဝတ္ထုထဲတွင် ချားလင်းဘတ်သည် ဤမျှလွယ်လွယ်ကူကူဖြင့် လူထုရှေ့မှ ပျောက်ကွယ်မသွား ပါ။ ဝတ္ထုထဲတွင် ၁၉၄၀ ရီပတ်ဘလစ်ကန်ပါတီသည် ချားလင်းဘတ်ကို သမ္မတလောင်းအဖြစ် တင်လိုက်သည်။ အမေရိကန်လူထု၏ သူရဲကောင်းပမာဖြစ်နေသော ချားလင်းဘတ်ကို 'လစ်ဒီအသက်တရာကျော်ရှည်ပါစေ'ဟူသော ကြေွး ကြော်သံများဖြင့် ကြိုဆိုကြသည်။ ချားလင်းဘတ်သည် အတ္တလန္တိတ်သမုဒ္ဒရာကို ဖြတ်သန်းခဲ့သော လေယာဉ်ဖြင့် တစ်မြို့ပြီး တစ်မြို့ မဲဆွယ်စည်းရုံးရေးခရီးထွက်ခဲ့သည်။

သမ္မတရွေးကောက်ပွဲတွင် ချားလင်းဘတ်သည် ရုစဘဲ့ကို အနိုင်ရခဲ့သည်။ နောက်ပိုင်းတွင် ချားလင်းဘတ် အဖြစ်မှန်များ ပေါ်လာသည်။ ချားလင်းဘတ်သည် နာဇီပါတီကို ထောက်ခံသူဖြစ်သည်။ သူ့ကို ဟစ်တလာက အားပေးခဲ့ သည်။ နောက်ပိုင်းတွင် ချားလင်းဘတ်သည် ဟစ်တလာအပါအဝင် အမေရိကန်၏ရန်သူများဖြင့် ငြိမ်းချမ်းရေးစာချုပ်များ ချုပ်ဆိုခဲ့သည်။

ဤအဖြစ်အပျက်များသည် စိတ်ကူးယဉ်ဇာတ်လမ်းများဖြစ်သည်။ သို့သော် ၂၀၁၆ တွင် ထရမ့်သမ္မတဖြစ်လာသည့် နောက်ပိုင်း ဖြစ်ရပ်များသည် ထိုဝတ္ထုထဲရှိ စိတ်ကူးယဉ်ဇာတ်လမ်းများဖြင့် တော်တော်ဆင်တူသည်ဟု အမေရိကန်များက ဆိုသည်။ ၁၉၃၀ခုနှစ်များတွင် အမေရိကန်နိုင်ငံ စီးပွားရေးကပ်ဆိုက်ခဲ့စဉ်က အမေရိကန်နိုင်ငံတွင် ဒီမိုကရေစီဆုံးရှုံးတော့မည့်အဖြစ်မျိုး ကြုံခဲ့သည်။ အမေရိကန်နိုင်ငံ၏ နိုင်ငံရေးသမားများက ဂိတ်စောင့်ကောင်းသော ကြောင့်သာ ဒီမိုကရေစီဆက်လက်၍ ရှင်သန်ခဲ့ခြင်းဖြစ်သည်။

(ဆက်လက်ဖော်ပြပါမည်)

↧

ကာတွန်း ATH ရဲ့ မိုးပျံချိုင့်ခွက်တွေလည်း မြင်ရတော့မယ် ...

August 2, 2018, 2:46 am

≫ Next: K ငြိမ်ချမ်း ● သူတို့ပြောတဲ့ နှစ် ၃ဝပြည့် ၈၈၈၈ လူထုအရေးတော်ပုံ - အပိုင်း (၂)

≪ Previous: ဒေါက်တာခင်မောင်ဝင်း(သင်္ချာ) - ဂိတ်စောင့်ခြင်း

ကာတွန်း ATH ရဲ့ မိုးပျံချိုင့်ခွက်တွေလည်း မြင်ရတော့မယ် ...

(မိုးမခ) သြဂတ်စ် ၂၊ ၂၀၁၈

↧

K ငြိမ်ချမ်း ● သူတို့ပြောတဲ့ နှစ် ၃ဝပြည့် ၈၈၈၈ လူထုအရေးတော်ပုံ - အပိုင်း (၂)

August 2, 2018, 3:04 am

≫ Next: မောင်ကြူးရင့် ● ကျည်ဆန်ရထား ချေဂွေဗားရား ချမ်းမြေ့မောင်ချို

≪ Previous: ကာတွန်း ATH ရဲ့ မိုးပျံချိုင့်ခွက်တွေလည်း မြင်ရတော့မယ် ...

K ငြိမ်ချမ်း ● သူတို့ပြောတဲ့ နှစ် ၃ဝပြည့် ၈၈၈၈ လူထုအရေးတော်ပုံ - အပိုင်း (၂)

(မိုးမခ) သြဂတ်စ် ၂၊ ၂၀၁၈

(နေဦးဝေ၊ မင်းကိုနိုင်၊ ကိုဒြပ်၊ မောင်လင်းရိပ်၊ ခင်အောင်ဝင့်၊ စိုးဘားဒိုင်၊ ချစ်ထွန်း၊ ညွှန့်လွင်(စက်မှုတက္ကသိုလ်)၊ ဟာရီ ကိန်း၊ ကိုထက်(ရေဦး)၊ မော်မင်းသန်း၊ မောင်နန်းဝေ(ဗန်းမော်)၊ စံညိမ်းဦး၊ အလင်းလက်၊ တင်လတ်ကို)

မြန်မာနိုင်ငံမှာ ၁၉၆၂ ကစလို့ စစ်အာဏာရှင်စနစ်အောက်ကျရောက်ခဲ့ရတာ လူတိုင်းအသိဖြစ်ပါတယ်။ ၁၉၆၂ တော်လှန် ရေး ကောင်စီလက်ထက်မှာ တကြိမ်၊ ၁၉၉၂ နဝတ၊ နအဖလက်အောက်မှာ တကြိမ်နဲ့ စုစုပေါင်း နှစ်ပေါင်း ၅ဝ နီးပါး စစ်အုပ် ချုပ်ရေးတွေနဲ့ နေထိုင်လာခဲ့ရပါတယ်။

ပြည်သူလူထုက စစ်အုပ်ချုပ်ရေးစနစ်ကို မနှစ်မြို့ငြင်းဆန်တိုက်ပွဲဝင်ခဲ့ကြတာကြောင့် ကျောင်းသားအရေးအခင်းတွေ၊ အ လုပ်သမား အရေးအခင်းတွေ၊ သံဃာ့အရေးအခင်းတွေဟာ စစ်အုပ်ချုပ်ရေးကာလ နှစ်ပေါင်း ၅ဝ ကျော်အတွင်းမှာ အကြိမ် ပေါင်းများဖြစ်ပွားခဲ့ပါတယ်။ ဖြစ်ပွားတိုင်းလည်း စစ်အာဏာရှင်တွေဟာ လက်နက်နဲ့ဖြေရှင်းခဲ့တာမို့ ပြည်သူလူထုဘက်က သွေးချောင်းစီးခဲ့ရပါတယ်။

အဲဒီလို စစ်အာဏာရှင်စနစ်ကို တွန်းလှန်တိုက်ပွဲဝင်ခဲ့ကြတဲ့ အရေးအခင်းတွေထဲမှာမှ ကျောင်းသားပြည်သူရဟန်းသံဃာ အလုံးစုံပါဝင်ခဲ့ပြီး မြန်မာနိုင်ငံရဲ့တော်လှန်ရေးလှိုင်းအကြီးဆုံးကတော့ ၈ ရက် ၈ လ ၁၉၈၈ မှာဖြစ်ပွားခဲ့တဲ့ ၈၈၈၈ လူထု အရေးတော်ပုံကြီးဖြစ်ပါတယ်။

လာမယ့်သြဂုတ်လ ၈ ရက်နေ့ဆို အဆိုပါ လူထုအရေးတော်ပုံကြီးဟာ နှစ်ပေါင်း ၃ဝ ပြည့်ပြီဖြစ်ပါတယ်။ ၈၈၈၈ လူထုအရေး တော်ပုံကြီး နှစ် ၃ဝပြည့်အထိမ်းအမှတ်အဖြစ် ကဗျာဆရာ၊ စာရေးဆရာ၊ အနုပညာရှင်တို့ရဲ့အမှတ်တရစကားသံများကို မိုးမခဝိုင်းတော်သား K ငြိမ်းချမ်းက မေးမြန်းကာ စုစည်းဖော်ပြလိုက်ပါတယ်။

နေဦးဝေ
ရှစ်ဆယ်ရှစ်ရဲ့အမွေ
ဆေးခွက်မှောက်ကျ
အကျည်းတန်ရ
တပိုင်းတစ ပန်းချီကား။

ဒီပန်းချီကား
အမှောင်ကြားမှာ
ပစ်မထားပါနဲ့။
facebook တွေ media တွေ
စတိတ်ခုံတွေ ဗီဒီယိုတွေ
ကားဂိတ်တွေ ဈေးထိပ်တွေ
စက်ရုံတွေ လယ်ကွင်းတွေ
ကျေးလက်တွေ မြို့ပြတွေ
မြေပြန့်တွေ တောင်တန်းတွေအနှံ့
စာသင်ခန်းကနေ အလုပ်ခွင်တွေအထိ
မီးဖိုချောင်ကနေ ကတုတ်ကျင်းတွေအထိ
ဆိုက်ကားသမားကနေ သစ်ခုတ်သမားတွေအထိ
မူလပိုင်ရှင်
ကုဋေကုဋာ လက်တွေဆီ
အရောက်ပို့လိုက်စမ်းပါ။

မိုးသောက်ပန်းခင်း
ရွှေရောင်ဝင်းနဲ့ အံ့ဖွယ်မူမူး
အာရုဏ်ဦး ပန်းချီကားတချပ်
မုချဆတ်ဆတ် ရစေမယ်။

မင်းကိုနိုင်
ကျေးဇူးတင်ပါတယ်။

ကိုဒြပ်
အပြောင်းအလဲတစ်ခုဟာ သွေးစွန်းမှ ပြောင်းလဲမှာဆိုရင် မစွန်းချင်ပေမယ့် မဖြစ်မနေ သွေးဟာ စွန်းပေးရပါတယ်။ 8888 ဟာလည်း ဒီလိုဖြစ်ခဲ့ရပါတယ်။

မောင်လင်းရိပ်
နှစ် ၃ဝ မှာ ပြန်ကြည့်လိုက်တော့ ရှစ်လေးလုံး လူထုအရေးတော်ပုံကြီးရဲ့ ခရီးက အဆုံးမသတ်သေးတာ သတိပြုမိကြမှာပါပဲ။ စစ်အာဏာရဲ့ သင်္ကေတ စစ်ဖိနပ်တစ်ဖက်ဟာ နိုင်ငံတော် အိမ်ဦးခန်းမှာ တည်နေတုန်း၊ ရပ်နေတုန်း။ ပိုသိမ်မွေ့တဲ့ တော် လှန်ရုန်းကန်မှုနဲ့ ဆက်သွားကြရဦးမှာပါ။ ကျောချင်းကပ်ထားကြရမယ့် အချိန်တွေက မဆုံးနိုင်သေးပါ။

ခင်အောင်ဝင့်
ရှစ်လေးလုံးဆိုတာ ကိန်းဂဏန်းတွေမဟုတ်ဘူး။ ပြည်သူတွေရဲ့ရင်ခေါင်းသံတွေ။ သွေးတွေ မျက်ရည်တွေ ဝိညာဉ်တွေနဲ့ ပေါင်းစုနယ်ထားတဲ့ တော်လှန်ရေးအစိုင်အခဲကြီးပါ။ အ်ိပ်မက်ပုံဆောင်ခဲ မဟုတ်ဘူး။

စိုးဘားဒိုင်
၈၈၈၈ အရေးတော်ပုံဟာလူထုတစ်ရပ်လုံးရဲ့ဆန္ဒသဘောထားတွေကိုစိတ်တူ အသံတူ ဖွင့်ဖော်ခဲ့တဲ့မြန်မာ့သမိုင်းဝင် နိုင်ငံ သူ နိုင်ငံသားအားလုံးကို ကိုယ်စားပြုခဲ့တဲ့အရေးတော်ပုံဖြစ်တယ်။

မြန်မာနိုင်ငံသူနိုင်ငံသားအားလုံးနဲ့ ပတ်သက်နေတဲ့အရေးကြီးသော ခေတ်ပြောင်းတော်လှန်ရေးတပ်လှန့်ပွဲကြီးလည်းဖြစ်ပါတယ်။

ပေးဆပ်လိုက်ရတဲ့အသက်၊သွေးများစွာကလည်း နိုင်ငံသူနိုင်ငံသားတွေရဲ့ပြတ်သားတဲ့သဘောထားကို ထင်ထင်လင်းလင်းဖော်ပြခဲ့တာဖြစ်သလို၊ အာဏာရှင်တွေရဲ့ရက်စက်မှုအပေါင်းကို မှတ်တမ်းတင်ခဲ့ရတဲ့သာဓကလည်း ဖြစ်တယ်။

ဒီအရေးတော်ပုံက နိုင်ငံသူနိုင်ငံသားတွေဟာ သူတို့ ရင်ဆည်းခံနိုင်သလောက်ကို ခံနေကြပေမယ် မခံနိုင်တော့တဲ့ အချိန် ကာလကို ရောက်လာရင် ရင်ထဲသိမ်းဆည်းခံမျှကို ရင်ဖွင့်ဆန့်ကျင် ဆန္ဒထုတ်ဖော်တော်လှန်လာကြမှာပဲဆိုတဲ့သမိုင်း ကမ္ပည်းတင်ခဲ့တဲ့မော်ကွန်းလည်း ဖြစ်ပါတယ်။

၈၈၈၈ အရေးတော်ပုံကနေ သင်ခန်းစာတွေ အများအပြားရရှိနေမှာဖြစ်လို့ အစဉ်ထာဝရသတိရ၊ သတိချပ်သင့်တဲ့အရေးတော်ပုံဖြစ်ပါတယ်။

ချစ်ထွန်း
လက်နက်၊ အာဏာနဲ့ လူ့အသိတရား လွတ်ထွက်မှု အဆက်အစပ်မှာ ရှစ်ပူး အသိနဲ့ အမြဲသတိရှိကြဖို့ပါပဲ။

ညွှန့်လွင် (စက်မှုတက္ကသိုလ်)
၈ လေးလုံး လူထုအုံကြွမှုအရေးတော်ပုံကြီး နှစ် ၃ဝ ရှိပါပြီ။ အဲဒီတုန်းက ပြည်သူလူထုတရပ်လုံး ပါဝင်ခဲ့တာပါ။ တစ်ပါတီ အာဏာရှင်စနစ်ကို မကြိုက်မနှစ်သက်ဘဲ မုန်းတီးရွံရှာလို့ အားလုံးအုံကြွတော်လှန်ခဲ့ကြတာပါ။ လူပေါင်းမြောက်မြားစွာ သေ ကြေခဲ့ရပါတယ်။ အခု နှစ်သုံးဆယ် ကြာလာပြီဆိုတော့ လူတစ်ဆက် ရှိလာပါပြီ။ နောက်လူငယ်မျိုးဆက်ကို လူကြီးတွေက ၈ လေးလုံး အရေးတော်ပုံကြီးအကြောင်း ပြောပြရှင်းပြရပါမယ်။ မပြီးဆုံးသေး တဲ့သမိုင်းပေးတာဝန်တွေကို လူငယ်တွေနဲ့အတူ ဆက်လက်ထမ်းဆောင်ရမယ်လို့ ကျွန်တော်ပြောချင်ပါတယ်။

ဟာရီကိန်း
၈၈၈၈ တော်လှန်ရေးနေ့ဆိုတာ စစ်အာဏာရှင်နေဝင်းကို တိုင်းသူပြည်သားအားလုံး ညီညီညွတ်ညွတ်နဲ့ တော်လှန်ခဲ့တဲ့ နေ့ ထူးနေ့မြတ်ဖြစ်တယ်။ အခု ပြည်သူလိုလားခဲ့တဲ့ စစ်မှန်တဲ့ဒီမိုကရေစီ မရှိသေးပါဘူး။ ကျနော်တို့ တိုင်းရင်းသား ညီအကို မောင်နှမအားလုံး လက်တွဲညီညီနဲ့ အမြစ်မပြတ်သေးတဲ့ စစ်အာဏာရှင်စနစ်ဆိုးကြီးကို ဆက်လက်တိုက်ပွဲဝင်ဖို့ တိုက်တွန်းနှိုး ဆော်အပ်ပါတယ်။

ကိုထက် (ရေဦး)
၈ ရက် ၈ လ ၈၈ က လူထုအရေးတော်ပုံကြီးပွင့်ထွက်လာခဲ့တာ ခုဆိုနှစ်သုံးဆယ်ပြည့်ခဲ့ပြီ။ ပေးလိုက်ရတဲ့ ဘဝတွေ ကျသွား ခဲ့ရတဲ့သွေးတွေ ပျောက်သွားခဲ့ရတဲ့အိပ်မက်တွေ ရှုမကောင်းမြင်မကောင်းအောင် ဒုနဲ့ဒေး တွေးတိုင်း ရင်နာစရာတွေးတိုင်း ထိတ်လန့်စရာ။ ဒီအရာတွေ ဒီအဖြစ်တွေ မနေ့တစ်နေ့ကလို ခုချိန်ထိ ဆက်သွားစရာပန်းတိုင်နဲ့ ဆက်လုပ်စရာ အလုပ်တွေနဲ့ လမ်းက ကြမ်းပါတယ်။ ရောက်အောင် ဆက်လှမ်းရုံမှ တပါးအခြားမရှိ ဆက်လက်ရုန်းကန် ကြပါဦးလို့ သာပြောပါရစေ၊ အားလုံးအတူ။

မော်မင်းသန်း
ရှစ်လေးလုံး အရေးတော်ပုံဟာ စစ်အာဏာရှင်ကို တလျှောက်လုံးဆန့်ကျင်လာတဲ့ ရဟန်းရှင်လူ ကျောင်း သား ပြည်သူတွေရဲ့ တိုက်ပွဲတွေရဲ့ အဆက်ဖြစ်တယ်။ တနိင်လုံး အုံကြွခဲ့ကြတဲ့ အရေးတော်ပုံကြီးကို ကိုယ်တိုင်ပါဝင် ဖြတ် သန်းခဲ့ရတဲ့အတွက် ဂုဏ်ယူမိတယ်။ ရှစ်လေးလုံးဟာ တိုင်းပြည်ကို အလှည့်အပြောင်း ဖြစ်ရုံသာမကဘူး။ လူပေါင်းများစွာ ဘဝပေါင်းများစွာကို လည်း ပြောင်းလဲစေခဲ့တယ်။ ရှစ်လေးလုံးတိုက်ပွဲရဲ့ အရှိန်အဟုန်နဲ့ သြဇာဟာ တိုင်းပြည်အပေါ်မှာ ခုချိန် အထိ သက်ရောက် နေဆဲပါပဲ။ နှစ်သုံးဆယ်ကြာပေမယ့် မမေ့နိင်တဲ့သမိုင်း ရင်ခုန်သံတွေကတော့ ပူနွေးတဲ့သွေးတွေလို နွေးနေဆဲပါပဲ။

မောင်နန်းဝေ (ဗန်းမော်)
(ဝ) တွေ ပေါင်းစည်းပြီးတော့
(ထ) ကြတယ်။
(ထ) ပြီးမှ "ထူ"လိုက်ကြတော့
(8) ဖြစ်လာတယ်။
အဲ့ဒီ (8) တွေ
လက်မောင်းချင်းချိတ်တော့မှ
(8888) ရှစ်လေးလုံးပေါ်လာတာ။
(8888) ဆိုတာ
(ဝ) ရှစ်လုံးရဲ့ညီညွတ်မှုရလဒ်ပါပဲ။
ဒီ (8888) စိတ်ဓာတ်
အဓွန့်ရှည်ကြာ တည်တံ့နိုင်ပါစေ ။     ။

စံညိမ်းဦး
၁၈၈၅ ပါတော်မူပြီးနောက်ပိုင်း နိုင်ငံရေးနိုးကြားမှုများအစပြုခဲ့တဲ့ ၁၉ဝဝ ပြည့်နှစ်အလွန်များကနေ ယနေ့ထိ နယ်ချဲ့ဆန့်ကျင် ရေး ဖက်ဆစ်ဆန့်ကျင်ရေး လွတ်လပ်ရေး ဒီမိုကရေစီရေး စစ်အာဏာရှင်ဆန့်ကျင်ရေး တဖြတ်တဖြတ် အဆက်ဆက် သမိုင်းစဉ်မှာ ပြည်သူလူထုတရပ်လုံးရဲ့အထန်ပြင်းဆုံး အမြင့်မားဆုံးရောက်ရှိခဲ့တဲ့ အရေးတော်ပုံကြီး (၂) ရပ်ရှိခဲ့တယ်။

၁၃ဝဝပြည့်အရေးတော်ပုံကြီးနဲ့၁၃ဝဝပြည့်အရေးတော်ပုံရွှေရတုသမယမှာတိုက်ဆိုင်စွာပေါ်ပေါက်ခဲ့တဲ့ လှည်းနေလှေ အောင်း မြင်းဇောင်းမကျန်တိုက်ပွဲဝင်ခဲ့တဲ့ ရှစ်လေးလုံးပြည်သူ့ဒီမိုကရေစီအရေးတော်ပုံကြီးပါပဲ။

၁၉၆၂၊ ၁၉၇၄၊ ၁၉၇၅၊ ၁၉၇၆၊ ၁၉၈၈၊ ၁၉၉၆၊ ၁၉၉၉၊ ၂ဝဝ၇၊ ၂ဝ၁၅ စတဲ့ ဒီမိုကရေစီတိုက်ပွဲများအခန်းကဏ္ဍရဲ့ ပုံသဏ္ဍာန်မျိုး စုံထဲကမှ ၈၈၈၈ ကတော့ အမြင့်မားဆုံးရှိတဲ့ လုထုဒီရေမြင့်သစ်ပါပဲ။

၁၃ဝဝ ပြည့်စိတ်ဓါတ်၊ ၈၈၈၈ စိတ်ဓါတ်ဆိုတာ စစ်အာဏာရှင်ဆန့်ကျင်ရေး ငြိမ်းချမ်းရေးဒီမိုကရေစီအရေးနဲ့ ပြည်သူ့လွတ် မြောက်ရေးတောင်းဆိုမှုအခြေခံတွေကနေလာတာမို့ မကွယ်ပျောက်စကောင်း မမေ့စကောင်းတဲ့ နိုင်ငံရေး ပရမတ်တရား တခုလို့ ခံစားမိပါတယ်။ ညီညွတ်ရေးဆိုတာ 'ဘာ'ဆိုတာကို မီးမောင်းထိုးပြခဲ့တဲ့ အရေးတော်ပုံကြီးတရပ်လည်းဖြစ် ပါ တယ်။ ပြည်သူ့အာဏာအမှန်တကယ်တည်သောပြည်သူ့အစိုးရတရပ်ပေါ်ပေါက်ရေးဟာလည်း သမိုင်းပေးအသိအရ ပန်း တိုင်တရပ်လို့နားလည်ရင်း ကျနော်တို့ရဲ့ကဗျာဆရာ (ဆရာအုန်းမြင့်လှိုင်) ရဲ့စကားလေးကို ပြန်လည်တင်ပြအပ်ပါ တယ်။ ''ရှစ်လေးလုံးဆိုတာ တကယ်ဖြစ်ခဲ့တာဗျ''တဲ့။

အလင်းလက်
၈၈၈၈ ဖောက်ခဲ့တဲ့လမ်းဟာ အစတစ်ခုကိုပဲရောက်နေပါတယ်။ ဆက်သွားဖို့လိုနေပါသေးတယ်လို့ ယုံကြည် ပါတယ်။

တင်လတ်ကို
လူတန်းစာအလွှာပေါင်းစုံပါဝင်ခဲ့ပြီး စစ်အာဏာရှင်စနစ်ကို လက်နက်မပါဘဲ ကြွေးကြော်သံတွေနဲ့ အောင်ပွှဲဆင် ဖြုတ်ချနိုင်ခဲ့ တဲ့ စိတ်ဓာတ်စွမ်းပကားကို ပြန်လည်အောက်မေ့မိကြရင်ကို စစ်အာဏာရှင်စနစ်ဟာ အခါခါသေဆုံးနေရမယ်လို့ မမှိတ်မသုန် ယုံကြည်သက်ဝင်ပါတယ်။

↧

မောင်ကြူးရင့် ● ကျည်ဆန်ရထား ချေဂွေဗားရား ချမ်းမြေ့မောင်ချို

August 2, 2018, 3:43 am

≫ Next: ဆောင်းယွန်းလ ● ကြယ်ကြွေကောက်ခြင်း

≪ Previous: K ငြိမ်ချမ်း ● သူတို့ပြောတဲ့ နှစ် ၃ဝပြည့် ၈၈၈၈ လူထုအရေးတော်ပုံ - အပိုင်း (၂)

မောင်ကြူးရင့် ● ကျည်ဆန်ရထား ချေဂွေဗားရား ချမ်းမြေ့မောင်ချို
(မိုးမခ) သြဂတ်စ် ၂၊ ၂၀၁၈

ပို့စ်မော်ဒန်ကျည်ဆန်ရထားဟာ ငါ့ဦးဏှောက်ထဲမှာ
ရိတ်ကနဲ ရိတ်ကနဲ ပြေးနေတယ်
ကျည်ဆန်ရထားဟာ အမေရိကန်မှာ ရပ်နားတုန်း လေဟာပြင်မှာ ဖျော်ဖြေနေတဲ့
ပေါ့ကြယ်ပွင့်တေလာဆွိစ် သီချင်းဆိုတာကို အားပေးလိုက်တယ်
ကမ္ဘာ့နိုင်ငံရေးမှာ ဘယ်နိုင်ငံမဆို ကိုယ်ကျိုးစီးပွားဝါဒကို ကာကွယ်ကြသူချည့်ပဲ
ဒါဒို့ပြေ ဒါဒို့မြေသီချင်းကို လက်သီးလက်မောင်းတန်းဆိုကြသူချည့်ပဲ

သူ့နိုင်ငံလွတ်မြောက်ဖို့ တိုက်ပွဲဝင်ပြီး
တခြားနိုင်ငံလွတ်မြောက်ဖို့ တိုက်ပွဲဝင်ခဲ့တဲ့ချေဂွေဗားရားဟာ
ကမ္ဘာမှာမရှိသလောက်ရှားတယ်

နှစ်ဆယ်ရာစုမိုးကောင်းကင်မှာ
တကမ္ဘာလုံးက လူသားတွေရဲ့ အချစ်ကိုရခဲ့တယ်
ပန်းတွေကပွင့်နေဦးမှာပဲ ကြယ်တွေက လက်နေဦးမှာပဲ
သမိုင်းဘိုးအင်းဂျက်လေယာဉ်ကလည်း ဆက်လက်ပျံသန်းနေဦးမှာပဲ

ပင်လယ်ထဲရေနံတင်သင်္ဘောမှောက်တော့
ငှက်တွေရဲ့အသက်ကို တာဝန်ယူ တန်ဖိုးထား ကယ်ထုတ်ကြတယ်

ဘဲတအုပ် စီစီရီရီ လမ်းဖြတ်ကူးတာကို
ဘဲတွေရဲ့အသက်ကို တန်ဖိုးထားပြီး ကားတွေရပ်ပေးကြတယ်

ဖားကန့်မှာ လူ့အသက်ကို ငှက်တွေ ဘဲတွေလောက်တောင် တန်ဖိုးမထားပဲ
လူသားတွေသေဆုံးပျောက်ဆုံးနေတာကို
ဘယ်သူက တာဝန်ယူတာဝန်ခံကြမှာလဲ

အငှားကားတက္ကစီစီးတဲ့ အမျိုးသမီးဆရာဝန်တယောက် ရိုက်အလုခံရပြီး
ဆေးရုံရောက်သွားတယ်
တလအတွင်း ကျောင်းသားသုံးဦး ဓါတ်လိုက်သေဆုံးသွားတယ်
"ကျမအမြင် အောင်ရဲထွေးဟာ နှစ်ခါအသတ်ခံရတယယ်လို့ ခံစားရတယ်
တရားရေးမဏ္ဍိုင်ကျဆုံးမှုကိုပြတာလို့ ယူဆတယ်"
လူငယ်တက်ကြွလှုပ်ရှားသူ မသဉ္ဇာရွှန်းလဲ့ရည်
ဘုရား ဘုရား ငါဟာ လူ့ပြည်မှာ မွေးလာတာဟုတ်ပါရဲ့လား
လူသားရဲ့လွတ်လပ်မှု လုံခြုံမှု တာဝန်ယူမှု တာဝန်ခံမှု တန်ဖိုးထားမှုကို
ဘယ်နေရာမှာရှာဖွေရမှာလဲ

ကဲ မိတ်ဆွေ ဒီကဗျာကို လှလှပပလေးအဆုံးသတ်ချင်တယ်
မြန်မာအိုင်ဒေါမှာ အသံရော ဟန်ရော လူရော
ချစ်စရာကောင်းပြီး လှပတဲ့ချမ်းမြေ့မောင်ချိုဟာ
လွတ်လွတ်ကျွတ်ကျွတ်သုံးဦးကျန်ထဲမှာ ပါသွားတယ်

ဒါဟာ ငါ့အတွက်တော့ သိပ်ကိုဝမ်းသာစရာပဲ။

↧

ဆောင်းယွန်းလ ● ကြယ်ကြွေကောက်ခြင်း

August 2, 2018, 3:45 am

≫ Next: မောင်မောင်စိုး ● တတိယအကြိမ် ၂၁ ရာစုပင်လုံကို အနီးကပ်ကြည့်ရှုခြင်း - အပိုင်း (၁)

≪ Previous: မောင်ကြူးရင့် ● ကျည်ဆန်ရထား ချေဂွေဗားရား ချမ်းမြေ့မောင်ချို

ဆောင်းယွန်းလ ● ကြယ်ကြွေကောက်ခြင်း
(မိုးမခ) သြဂတ်စ် ၂၊ ၂၀၁၈

နံရံတွေပေါ်မှာ နားတွေရှိတယ်ဆိုလို့
ဟင်းလင်းပြင်ထဲ ပြေးထွက်ပြီး
အကျယ်လောင်ဆုံး ဟစ်အော်လိုက်မိတယ်

နားထောင်သူမဲ့နေတဲ့အသံဟာ
ကိုယ့်ဆီကို တန်းတန်းမတ်မတ်ပြန်လာတယ်
စကားလုံးတွေတော့ အကုန်ပြန်ပါမလာခဲ့ဘူး

အခု
ကိုယ်က ကြယ်အကြွေတွေကို လိုက်ကောက်နေမိတယ်
အဲဒီ တိတ်ဆိတ်တဲ့ ဟင်းလင်းပြင်ကြီးထဲမှာပဲ

ကြိုးနဲ့ သီစရာ ကိုယ့်အသံကိုယ်ပြန်ရှာနေရတဲ့
ညမှာ။

ဆောင်းယွန်းလ

↧

မောင်မောင်စိုး ● တတိယအကြိမ် ၂၁ ရာစုပင်လုံကို အနီးကပ်ကြည့်ရှုခြင်း - အပိုင်း (၁)

August 2, 2018, 4:40 am

≫ Next: မောင်လူပေ - မြန်မာ အမေရိကန်တို့အကြောင်း

≪ Previous: ဆောင်းယွန်းလ ● ကြယ်ကြွေကောက်ခြင်း

မောင်မောင်စိုး ● တတိယအကြိမ် ၂၁ ရာစုပင်လုံကို အနီးကပ်ကြည့်ရှုခြင်း - အပိုင်း (၁)
(မိုးမခ) သြဂတ်စ် ၂၊ ၂၀၁၈

● နောက်ကျခဲ့သော ညီလာခံ
ဒုတိယအကြိမ်ပင်လုံညီလာခံအပြီး တနှစ်ခန့်ကြာမှ တတိယအကြိမ်ညီလာခံကို ကျင်းပနိုင်ခဲ့ပါသည်။ ယခုထက်စော၍ ကျင်းပရန်စီစဉ်ခဲ့ကြသော်လည်း ကျင်းပခြင်းမရှိနိုင်ခဲ့ပေ။ NCA လက်မှတ်ထိုးထားသော EAOs များနှင့် အစိုးရ/တပ်မတော် ကြား အမျိုးသားအဆင့်နိုင် ငံရေးဆွေးနွေးပွဲများကျင်းပရေးနှင့်ပတ်သက်၍၎င်း၊ နိုင်ငံရေးဆွေးနွေးမှုများမှသဘောတူညီချက်ရယူမှုရာတွင်၎င်း သဘောထားကွဲလွဲမှုများကြောင့် မကျင်းပနိုင်ခဲ့ခြင်းဖြစ်သည်။

အချိန်ကာလကြာ ညီလာခံမကျင်းပနိုင်ဘဲဖြစ်နေရာမှ ယခု တတိယအကြိမ်ပင်လုံညီလာခံသည် ငြိမ်းချမ်းရေးလုပ်ငန်းစဉ်အသက်ဆက်ရန် မဖြစ်မနေကျင်းပခဲ့ရသော ညီလာခံဟုဆိုနိုင်သည်။ ညှိနှိုင်းမရသော အရေးပါသည့် နိုင်ရေးနှင့်လုံခြုံရေး ကဏ္ဍမှ အရေးကြီးသောအချက်များကို ချန်လှပ်၍ ညှိနှိုင်းရန်လွယ်ကူမည့်ကဏ္ဍနှင့် အချက်အလက်များကို ရွေးထုတ်၍ သ ဘောတူညီချက်ရယူသည့်ညီလာခံဟု ဆိုရပါမည်။

ဤညီလာခံတွင် လုံခြုံ ရေးကဏ္ဍမှ မည်သည့်သဘောတူညီချက်မှ မပါဘဲနိုင်ငံရေးကဏ္ဍမှ ၄ ချက်၊ စီးပွားရေးကဏ္ဍ မှ ၁ ချက်၊ လူမှုရေးကဏ္ဍမှ ၇ ချက်မြေယာ သယံဇာတနှင့်သဘာဝပတ်ဝန်းကျင်ကဏ္ဍမှ ၂ ချက် စုစုပေါင်း ၁၄ ချက်အား သဘော တူညီချက်ရယူသွားမည်ဖြစ်သည်။ နိုင်ငံရေးကဏ္ဍ အချက် ၄ ချက်တွင် အရေးကြီးသော တိုင်းရင်းသားအခွင့်အရေးပြဿနာများမပါဘဲကျား/မ မခွဲခြားရေးပြဿနာကဲ့သို့ သာမန်ဒီမိုကရေစီပြဿနာများသာပါဝင်သည်။ ထို့ပြင် တိုင်းရင်းသားအခွင့် အ ရေးနှင့်ညိသော အခြားကဏ္ဍမှ အချက်အချို့လည်း ၂၀၁၈ ခုနှစ် ဇူလိုင် ၉ ရက်နေ့တွင်ကျင်းပသော UPDJC အစည်းအဝေးတွင် ချန်လှပ်ထားခဲ့ရသည်ဟု ဆိုပါသည်။

● တတိယပင်လုံဖွင့်ပွဲ မိန့်ခွန်းများ ကောက်နုတ်ချက်များ
ညီလာခံဖွင့်ပွဲနေ့တွင်ပြောကြားသော အဖွင့်မိန့်ခွန်းများမှ ညီလာခံအခြေအနေ၊ ငြိမ်းချမ်းရေးလုပ်ငန်းစဉ်အခြေအနေနှင့် ပါ ဝင်သည့် အစုအဖွဲ့အသီးသီး၏ သဘောထားများကို တွေ့မြင်နိုင်ပါသည်။

● ဒေါ်အောင်ဆန်းစုကြည် (အစိုးရ)
အစိုးရအဖွဲ့ခေါင်းဆောင်တဦးအနေနှင့် ငြိမ်းချမ်းရေးလုပ်ငန်းစဉ်တခုလုံးအား အကောင်းမြင်ဘက်မှကြည့်ရှု ချဉ်း ကပ်သုံးသပ် သွားသည်ဟု ဆိုရပါမည်။ ဒေါ်အောင်ဆန်းစုကြည်မိန့်ခွန်းပါ အဓိကအချက်များမှာ ...

၁။ NCA သည် ပြီးပြည့်စုံခြင်းမရှိဟုဆိုနိုင်သော်လည်း ငြိမ်းချမ်းရေးအတွက် အစပြုချက်ဟူ၍ NCA နှင့်ပတ်သက်၍ ထပ်မံရပ် ခံ။

၂။ NCA ကိုပြန်လည်သုံးသပ်ပြီး အလွတ်သဘောဆွေးနွေးပွဲများ ကြိမ်ဖန်များစွာကျင်းပခဲ့ပြီး သဘောတူညီချက်များရယူခါ ဒီမိုကရေစီဖက်ဒရယ်ပြည် ထောင်စုဖြစ်ထွန်းရေး အရွေ့တခု ဆောင်ရွက်ရန်လှုံ့ဆော်။ (အရင်က လက်မခံသော ဖက်ဒရယ် ကို ယခုလက်ခံလာသည်ကို အကောင်းမြင်ဖို့လိုသည်ဟုဆို)

၃။ NCA ၏အသီးအပွင့် JMC ၏ကဏ္ဍကို လေးစားပြီးလက်နက်ကိုင်ပဋိပက္ခလျော့ချနိုင်မှုကို ဆက်လက်ထိမ်းသိမ်းရန်။

၎။ NCA မှာ လက်မှတ်မထိုးသေးသော အဖွဲ့များ ပါဝင်ဖို့လိုအပ်။

၅။ Biletral ထိုးခြင်း၊ NCA ထိုးခြင်း၊ ပြည်ထောင်စု သဘောတူညီမှုရယူခြင်းတို့ တဆင့်ပြီးတဆင့် ခရီးပေါက်နေ။ ဝိဝါဒ ကွဲပြားသော အဖြေရှာမှုများနှင့် ထွေပြားလျင်သော်၎င်း အားလုံးညှိနှိုင်းပြီးမှ ငြင်းပယ်လျင်သော်၎င်း ယုံကြည်မှု ပျက်ပြားနိုင် သည်ကို သတိပြုရန်။

၆။ အားလုံးညှိနှိုင်းပြီး အပေးအယူအလျော့အတင်းနှင့်စေ့စပ်ညှိနှိုင်းရန်၊ ကွဲလွဲမှုများကို ကျော်လွှားရန်။

၇။ နောက်ဆုံးတွင် မည်သူက ငြိမ်းချမ်းရေးလိုလားသည် မလိုလားသည်ဆိုသည်မှာ ၂၁ ရာစုပင်လုံညီလာခံတွင် ပေါ်လွင် လာမည်ဖြစ်ပြီး ပြည်သူလူထုက စောင့်ကြည့်နေသည်ဟုဆိုသည်။

● ဗိုလ်ချုပ်မှူးကြီးမင်းအောင်လှိုင် (တပ်မတော်)
တပ်မတော်ခေါင်းဆောင်တယောက်အနေနှင့် တပ်မတော်သဘောထားကိုဖေါ်ပြသွားသကဲ့သို့ တပ်မတော်အားလည်း ကာ ကွယ် ရပ်ခံသွားသည်။ မိန့်ခွန်းပါအဓိကအချက်များမှာ ...

၁။ တိုင်းပြည်ဖွံ့ဖြိုးရန် ငြိမ်းချမ်းရေးလိုအပ်။

၂။ ပြည်တွင်းစစ်တရားခံသည် ကိုလိုနီစနစ် သွေးခွဲအုပ်ချုပ်ရေးမှအခြေခံ။ နောက်ပိုင်းတွင် နိုင်ငံရေး၊ အယူဝါဒရေး၊ ဘာသာ ရေးများပေါ်တွင် အခြေခံပြီး လက်နက်ကိုင်ပုန်ကန်မှုများပေါ်လာ။ တပ်မတော်ကြောင့် ပေါ်လာသည်မဟုတ်။

၃။ ၁၉၄၈ ခုနှစ် မေလ ၁၅ ရက်မှာ နုမူ ၁၅ ချက်ထွက်လာပြီး ဗိုလ်နေဝင်းဥက္ကဌလုပ်ပြီး ငြိမ်းချမ်းရေးစတင်။
- ၁၉၆၃ ခုနှစ် ဇွန် ၁၁ ရက်မှာ တော်လှန်ရေးကောင်စီက ငြိမ်းချမ်းရေးကမ်းလှမ်းခဲ့။
- ၁၉၈၀/၈၁ မှာလည်း ငြိမ်းချမ်းရေးဆွေးနွေးပွဲများ ပြုလုပ်ခဲ့။
- ၁၉၈၈ ခုနှစ်နောက်ပိုင်းမှာ အဖွဲ့ကြီး ၁၇ ဖွဲ့၊ အဖွဲ့ငယ် ၄၀ နှင့်အပစ်ရပ်ငြိမ်းချမ်းရေးယူခဲ့။
- ၂၀၁၁ ခုနှစ် သြဂုန်လ ၁၈ တွင် ၁/၂၀၁၁ ကြေညာထုတ်ပြန်ပြီး ငြိမ်းချမ်းရေးလုပ်ငန်းစဉ် စတင်ခဲ့။ ယခုချိန်ထိ ၁၀ ဖွဲ့ NCA ထိုးပြီး။

၎။ လွှတ်တော်က အတည်ပြုပြီးသည့် NCA ကို EAOs အဖွဲ့အားလုံး ပါဝင်လက်မှတ်ရေးထိုးဖို့လို။

၅။ လက်ရှိနိုင်ငံရေးဆွေးနွေးပွဲများတွင် နိုင်ငံရေးပြဿနာများ မပြီးပြတ်ဘဲချန်ထားကြသည်များကို ပြီးပြတ်အောင်ဆွေးနွေးဖို့ လိုကြောင်း။ ၂၀၂၀ခုနှစ်မှာ ကျင်းပမည့် ဒုတိယအကြိမ် ပြည်ထောင်စုငြိမ်းချမ်းရေးညီလာခံတွင်ငြိမ်းချမ်းရေးလုပ်ငန်းစဉ်များ ပြီးပြတ်စေရေးဆောင်ရွက်သွားရန် တိုက်တွန်းကြောင်း။

၆။ သဘောတူညီချက်ကိုသာ ထိမ်းသိမ်းနိုင်ရင် သေနတ်သံထွက်မည်မဟုတ်၍ ကိုယ့်လူကိုယ်ထိမ်းရန်လိုကြောင်း။

၇။ နိုင်ငံရေးပါတီများ/တိုင်းရင်းသားအဖွဲ့အစည်းများသည် ၎င်းတို့အားထောက်ခံသူများကိုသာ ကိုယ်စားပြုကြောင်း၊ တပ်မ တော်သည်သာ ပြည်သူလူထုတရပ်လုံးကို ကိုယ်စားပြုကြောင်း။

၈။ အခြေခံဥပဒေပြင်ဆင်ရေးအား ဥပဒေပါ ပြဌာန်းချက်များအတိုင်း ပြုလုပ်ရန်။

၉။ တခုတည်းသောတပ်မတော်တရပ်တည်ဆောက်ပြီး လက်နက်ကိုင်လမ်းစဉ်ချုပ်ငြိမ်းစေရန်

၁၀။ ပြည်တွင်းအားသည် ပြည်တွင်းမှာသာရှိပြီး အရွေ့တခုအတွက် အချိန်မဆွဲကြရန်။ တည်ငြိမ်အေးချမ်းသော နယ်စပ် ဒေသများဖြစ်စေရန် ဆောင်ရွက်သွားမည်ဟုဆိုသည်။

● ဗိုလ်ချုပ်ကြီးစောမူတူးစေးဖေါ (KNU)
တိုင်းရင်းသားလက်နက်ကိုင်တပ်ဖွဲ့များဖက်မှ အမြင်နှင့်စိုးရိမ်ပူပန်မှု အား ဖေါ်ပြသွားသည်ကိုတွေ့ရသည်။

၁။ EAOs အဖွဲ့ ၈ ဖွဲ့ စတင်လက်မှတ်ရေးထိုးပြီး ငြိမ်းချမ်းရေးအုတ်မြစ်ချခဲ့။

၂။ အချက် ၃၇ ချက်ပါ ပြည်ထောင်စု သဘောတူညီချက် အစိတ်အပိုင်း ၁အား ချုပ်ဆိုနိုင်ခဲ့။

၃။ ဒို့တာဝန်အရေးသုံးပါးကို ရှေ့ရှုပြီး လွတ်လပ်မှု၊ တန်းတူညီမျှမှု၊ တရားမျှတမှု များပေါ် အခြေခံသည့် ပင်လုံစိတ်ဓါတ်နှင့်အညီ ဒီမိုကရေစီရေး၊ အမျိုးသားတန်းတူရေး၊ ကိုယ်ပိုင်ပြဌာန်းခွင့်အခွင့်အရေးများ အာမခံချက်ရှိသည့် ဒီမိုကရေစီနှင့်ဖက်ဒရယ် အခြေခံသော ပြည်ထောင်စုအား ဆွေးနွေးပွဲရလဒ်နှင့်အညီ တည်ဆောက်သွားရန်။

၎။ ပင်လုံစာချုပ်အရ ပြည်ထောင်စု ဖြစ်ပေါ်လာ။ ပြည်ထောင်စုအား စစ်ရေးဖိအားနှင့်တည်ဆောက်၍ မရနိုင်။ တိုင်းရင်းသား ချင်းစည်းလုံးညီညွတ်ရေးကို တိုင်းရင်းသားများကြား လွတ်လပ်မှု၊ တန်းတူညီမျှမှု၊ တရားမျှတမှုအခြေခံများပေါ်မှသာ တည် ဆောက်နိုင်။ ယုံကြည်မှု၊ နားလည်မှု၊ စာနာမှုများပေါ်မှသာ တည်ဆောက်နိုင်။

၅။ အမျိုးသားအဆင့်နိုင်ငံရေးဆွေးနွေးပွဲများကို မူဘောင်ပြဌာန်းချက်များနှင့်အညီ မကျင်းပနိုင်ခြင်း၊ ဆွေးနွေးသောအ ကြောင်းအရာများအပေါ်အမြင်မတူ၍ သတ်မှတ်သည့် အချိန်ကာလအတွင်း ညီလာခံမကျင်းပနိုင်ခြင်းတို့အား ထောက်ပြ။

၆။ ငြိမ်းချမ်းရေးလုပ်ငန်းစဉ် နောက်ပြန်လျှောမကျရန် လိုအပ်သည်ဟုထောက်ပြသွားပါသည်။

● ဒေါ်အေးနုစိန် (ANP)
နိုင်ငံရေးပါတီအစုအဖွဲ့မှ ပထမဆုံး အဖွင့်မိန့်ခွန်း ပြောခွင့်ရသည့် တိုင်းရင်းသားပါတီဖြစ်သည်။ ပထမနှင့်ဒုတိယအကြိမ်တို့တွင် ပြည်မမှပါတီကြီးများဖြစ်သည့် NLD နှင့် USDPတို့မှပြောခွင့်ရခဲ့ပြီး ယခုအကြိမ်တွင် တိုင်းရင်းသားပါတီတခုဖြစ်သည့် ANP ပါတီမှပြောခွင့်ရခဲ့ပြီး တိုင်းရင်းသားပါတီတခု၏အမြင်ကို ကြားသိရသည်။

၁။ ၁၉၄၇ ခုနှစ်အခြေခံဥပဒေအောက်တွင် ရခိုင်သည် ပြည်နယ်အဆင့်ပင်မရခဲ့။ ၁၉၇၄ ခုနှစ်အခြေခံဥပဒေတွင် ပြည်နယ် နယ်အဆင့်ရခဲ့သော်လည်း ဘာမှမထူးခြားဘဲ ဆင်းရဲမွဲတေခဲ့။

၂။ ANP ပါတီ၏ ရည်မှန်းချက်များမှာ
- စစ်မှန်သော ဖက်ဒရယ်ပြည်ထောင်စု တည်ဆောက်ရန်။
- ရခိုင်ပြည်နယ်ရှိ တိုင်းရင်းသားမျိုးစုများ၏အကျိုးစီးပွားအား ကာကွယ်စောင့်ရှောက်ရန်နှင်ဖွံ့ဖြိုးတိုးတက်စေရန်။
- ဒီမိုကရေစီစနစ် ဖွံ့ဖြိုးရေး ကြိုးပမ်းဆောင်ရွက်ရန်။

၃။ မြန်မာ့နွေဦးဟုပြောရမည့်အချိန်တွင် ပြည်နယ်နှင့်ပြည်မကြား ဖွံ့ဖြိုးမှုမညီမျှခြင်း၊ ပြည်နယ်များတွင် စစ်ဘေးဒဏ်နှင့် ဆင်းရဲနွမ်းပါးမှု ဒဏ်ခံနေရ။

၎။ တိုင်းရင်းသားများကို အစွန်းရောက်နေသူများဟု မမှတ်ယူဘဲ ဗမာပါတီကြီးများနှင့်တပ်မတော်၏ သဘောထားကြီးမှု ကိုမျှော်လင့်။

၅။ မြန်မာပြည်ငြိမ်းချမ်းရေး ဒီမိုကရေစီရေးမှာ ဖြေရှင်းရန်လိုအပ်နေသည်မှာ ဘင်္ဂါလီမွတ်စလင်ပြဿနာလည်းတခုအပါအဝင်ဖြစ်။ ၎င်းပြဿနာ သည်နိုင်ငံသားနှင့်တရားဝင်နေထိုင်မှုပြဿနာကို ပြတ်ပြတ်သားသား မဖြေရှင်းနိုင်၍ဖြစ်ပေါ်လာခြင်း ဖြစ်။

၆။ ရခိုင်ပြဿနာဟု ပြောဆိုနေကြသည့် ဘင်္ဂါလီမွတ်စလင်ပြဿနာကို ဖြေရှင်းရာတွင် ပထမအနေနှင့် ရခိုင်တိုင်းရင်းသားများ ၏ မူလအခွင့်အရေး မဆုံးရှုံးရန်လိုအပ်ပြီး ဒုတိယအနေနှင့် ပြဿနာကိုဖြေရှင်းရာမှာ ရခိုင်လူမျိုးများ၏အသံကို မပစ်ပယ်ရန် နှင့် ရခိုင်လူမျိုးတို့၏နိုင်ငံရေးကဏ္ဍအား မပစ်ပယ်ရန် အရေးကြီးသည်ဟု ထောက်ပြသွားခဲ့သည်။

● အဖွင့်မိန့်ခွန်းများအားသုံးသပ်ချက်
အစိုးရအာဘော်ဖြစ်သော ဒေါ်အောင်ဆန်းစုကြည်၏ မိန့်ခွန်းသည်ငြိမ်းချမ်းရေးလုပ်ငန်းစဉ်အား အကောင်းမြင်ဖက်မှ သုံး သပ်သည်။ NCA အားထပ်မံအတည်ပြု ပြီး NCA လုပ်ငန်းစဉ်အတိုင်း နိုင်ငံရေးဆွေးနွေးပွဲအားဆက်လက်ဖေါ်ဆောင်ရန် အတည်ပြု သည်။ အပေးအယူ အလျော့အတင်းနှင့်စေ့စပ်ညှိနှိုင်းပြီး ကွဲလွဲမှုများကိုကျော်လွှားခါ ဒီမိုကရေစီဖက်ဒရယ်နိုင်ငံတည်ဆောက်မည်ဟု ဆိုပါသည်။

ဒေါ်အောင်ဆန်းစုကြည်၏ မိန့်ခွန်းတွင် ထူးခြားချက်မှာ ၂၁ ရာစုပင်လုံညီလာခံအတွင်း ငြိမ်းချမ်းရေးမလိုလားသူများပေါ်လာနိုင်သည်ဟု ညွှန်းဆိုသွားသည်ကိုတွေ့ရပြီး ထိုသူများသည်မည်သူမည်ဝါများဖြစ်သည်ဆိုခြင်းကို၎င်း ထိုသူများကို မည်သို့ မည်ပုံကျော်လွှားဖြေရှင်းမည်ဆိုခြင်းကို၎င်း ဖေါ်ပြထားခြင်းမရှိပါ။ အနာဂါတ်တွင် ကြုံတွေ့ရမည့် ပြဿနာတရပ်အဖြစ် ရည်ညွှန်းထားသည်ဟု ဆိုရပါမည်။

တပ်မတော်၏အာဘော်ဖြစ်သော ဗိုလ်ချုပ်မှူးကြီးမင်းအောင်လှိုင်၏မိန့်ခွန်းသည် တပ်မတော်အားကာကွယ်ပြောဆိုသွား သကဲ့သို့ တပ်မတော်၏သဘောထားအားလည်း ဖေါ်ပြသည်ကိုတွေ့ရသည်။

ပထမအချက်အနေနှင့် လက်နက်ကိုင်ပဋိပက္ခများသည် တပ်မတော်ကြောင့် ပေါ်ပေါက်လာရခြင်းမဟုတ်ကြောင်း၊ အခြေခံ အားဖြင့် နယ်ချဲ့ကိုလိုနီများ၏ သွေးခွဲအုပ်ချုပ်မှုကြောင့်ဖြစ်ပြီး နောက်ပိုင်းတွင် နိုင်ငံရေး၊ အယူဝါဒရေး၊ ဘာသာရေးနှင့် ပတ်သက်သည့် အခြေခံပေါ်မှ လက်နက်ကိုင်ပဋိပက္ခများ ဖြစ်လာကြောင်းရပ်ခံသည်။ သို့သော် အနှစ် ၇၀ ကြာပြည်တွင်းစစ် တွင်တပ်မတော်သည် အစိုးရတာဝန်ကို နှစ် ၅၀ ကြာ တာဝန်ယူခဲ့သည့်ပြင် လက်ရှိ ၂၀၀၈ အခြေခံဥပဒေအောက်တွင်လည်း တပ်မတော်၏သီးခြားအခန်းကဏ္ဍရှိနေပေရာ တပ်မတော်အနေနှင့် တာဝန်ရှိမှု တာဝန်ယူမှုအပိုင်းနှင့်ပတ်သက်ပြီး ရှောင်လွှဲ ရန် ခက်ခဲပါသည်။

ဒုတိယအနေနှင့် ပါတီအဖွဲ့အစည်းများနှင့် တိုင်းရင်းသားအဖွဲ့အစည်းများသည် ၎င်းတို့ထောက်ခံသူများကိုသာ ကိုယ်စားပြု ပြီး ပြည်သူလူထုကို ကိုယ်စားမပြုဘဲ တပ်မတော်သည်သာ ပြည်သူလူထုကို ကိုယ်စားပြုသည်ဟုဟု ပြောကြားချက်သည်လည်း အငြင်းပွားဖွယ်ဖြစ်သည်။ ပါတီအဖွဲ့အစည်း၏ ကိုယ်စားပြုမှုကို ငြင်းခုံနိုင်သော်လည်း ဒီမိုကရေစီနည်းနှင့် လူအများစုကရွေး ကောက်တင်မြှောက်လိုက်သော အစိုးရသည် ပြည်သူလူထုအများစုကိုကိုယ်စားပြုသည်ဆိုသည်ကိုတော့ ငြင်းပယ်၍မရပေ။ ထို့အတူ တပ်မတော်အနေနှင့် ပြည်သူလူထုအား ကိုယ်စားပြုသည်ဆိုခြင်းနှင့် ပတ်သက်၍ ပြည်တွင်း ပြည်ပလက်ခံနိုင်သည့် စံနှုန်းများရှိရန်လိုအပ်ပေသည်။ သို့ဖြစ်ရာ တပ်မတော်အား ကာကွယ်ပြောဆိုသည်ကို နားလည်၍ရသော်လည်း အထက်ပါ အချက်နှစ်ချက်သည် အငြင်းပွားဘွယ်ရာဖြစ်ပြီး အများလက်ခံနိုင်ရန် ခက်ခဲပေသည်။

တတိယအချက်အနေနှင့် ကာကွယ်ရေးဦးစီးချုပ်သည် NCA အားထပ်မံ အတည်ပြု ရပ်ခံပါသည်။ NCA နှင့်ပတ်သက်၍မူ အစိုးရနှင့်တပ်မတော် တသဘောထဲဟု ဆိုရပါမည်။ ငြိမ်းချမ်းရေးလုပ်ငန်းစဉ်တွင် NCA သည် အစိုးရနှင့်တပ်မတော်အတွက် မူဝါဒပြဿနာဖြစ်နေသကဲ့သို့ ဂုဏ်သိက္ခာပြဿနာလည်းဖြစ်သည်ဟု ဆိုရပါမည်။

တပ်မတော်၏ သဘောထားဖေါ်ပြချက်တွင် စတုတ္ထအချက်သည် ထူးခြားချက်ဖြစ်သည်။ သတိပြုရမည့်အချက်ဖြစ်ပါသည်။ ၎င်းမှာ ငြိမ်းချမ်းရေးဆွေးနွေးပွဲများတွင် သဘောတူညီမှု မရသေးသည်များကို ဆိုင်းငံ့မထားဘဲပြီးပြတ်အောင် ဆွေးနွေးရန် တိုက်တွန်းထားပြီး ၂၀၂၀ တွင် ကျင်းပမည့်ဒုတိယအကြိမ် ပြည်ထောင်စုငြိမ်းချမ်းရေးညီလာခံတွင် ဆွေးနွေးညှိနှိုင်းမှုများပြီးပြတ်ရန် မျှော်လင့်သည်ကို တွေ့ရသည်။ တပ်မတော်အနေနှင့် နိုင်ငံရေးဆွေးနွေးပွဲများအား အချိန်အကန့်အသတ်နှင့်လုပ်ဆောင်ရန် သဘောထားသည်ကို တွေ့ရသည်။ နိုင်ငံရေးဆွေးနွေးပွဲများကို၂၀၂၀ အထိသာ အချိန်ကန့်သတ်သည်ဟု ဆိုရပါ မည်။ ထို့ပြင် တပ်မတော်အနေနှင့် ငြိမ်းချမ်းရေးလုပ်ဆောင်နေသည်မှာ အင်အားချိနဲ့၍မဟုတ်ဟု ဆိုခဲ့ပါသည်။

ဤနေရာတွင် မရှင်းလင်းသည့်အချက်မှာ ၂၀၂၀ ခုနှစ် တွင် ကျင်းပ မည့် ပြည်ထောင်စုငြိမ်းချမ်းရေးညီလာခံအား "ဒုတိယ အကြိမ်"ဟုသုံးစွဲခြင်း ဖြစ်ပါသည်။ လက်ရှိ အကြိမ်ရေတွက်ပုံနှင့် ကွဲလွဲနေသည်ကို တွေ့ရပါသည်။( PC မှတာဝန်ရှိသူတဦးမှမူ ညီလာခံအား တနှစ်လျင် ၂ ကြိမ် ကျင်းပရန် ဆုံးဖြတ်ထားသည်ဖြစ်ရာ ၂၀၂၀ ခုနှစ်တွင် ကျင်းပမည့် ဒုတိယအကြိမ်ကျင်းပမည့် ညီလာခံကို ရည်ညွှန်းသည်ဟုဆိုပါသည်)

EAOs ဘက်မှသဘောထားဖြစ်သည့် ဗိုလ်ချုပ်ကြီးမူတူးစေးဖေါ၏တင်ပြချက်မှာ ပထမအချက်အနေနှင့် မကြာမီက NCA နှင့် ပတ်သက်၍ သံသယရှိသည့်ကြေညာချက်တစောင်အား KNLAက ထုတ်ပြန်ခဲ့သော်လည်း KNU ဥက္ကဌအနေနှင့် NCA လမ်း ကြောင်းပေါ်တွင် အောင်မြင်မှုများရရှိကြောင်းပြောဆိုပြီး NCA အား ထပ်မံအတည်ပြုပါသည်။ KNU ဥက္ကဌ၏ NCA နှင့် ပတ် သက်သည့်သဘောထားမှာလည်း အစိုးရ၊ တပ်မတော်တို့နှင့်ကွဲလွဲမှုမရှိဟု ဆိုရပါမည်။

ဒုတိယအချက်အနေနှင့် တိုင်းရင်းသားစည်းလုံးညီညွတ်မှုကို စစ်ရေးဖိအားဖြင့်မတည်ဆောက်နိုင်ကြောင်း ယုံကြည်မှု၊ နား လည်မှု၊ စာနာမှုများဖြင့်သာ တည်ဆောက်နိုင်မည်မည်ဟု ဆိုသည်။ ဒို့တာဝန်အရေးသုံးပါးကိုလည်း ဖေါ်ပြသကဲ့သို့ အမျိုး သားတန်းတူရေးနှင့် ကိုယ်ပိုင်ပြဌာန်းခွင့်ကိုလည်း ဖေါ်ပြပေရာ နှစ်ဖက်စေ့စပ်ညှိနှိုင်းနိုင်ရန် အားသန်သည်ဟုဆိုရပါမည်။

တတိယအချက်အနေနှင့် KNU ဥက္ကဌ ၏မိန့်ခွန်းတွင် ထူးခြားသည်မှာ ငြိမ်းချမ်းရေးလုပ်ငန်းစဉ် နောက်ပြန်လျှောကျမည်ကို စိုးရိမ်ပူပန်သည်ကိုတွေ့ရပြီး ရှေ့မတိုးနိုင်သော်မှ နောက်ပြန်လျှောမကျစေရေးအတွက် တိုက်တွန်းသွားသည်ကို တွေ့ရပါ သည်။ ဤသို့တိုက်တွန်းသည်မှာ ငြိမ်းချမ်းရေးလုပ်ငန်းစဉ် အချိန်မရွေးရပ်တန့်သွားနိုင်သည်ဟု သူသိမြင်ခံစားနေရ၍ ဖြစ်ပုံ ရသည်။

နိုင်ငံရေးပါတီအစုအဖွဲ့မှ ANP ပါတီ၏သဘောထားမှာ ၎င်းတို့ရခိုင်ပြည်နယ်၏ ထူးခြားချက်ကို ပိုမိုထင်ဟပ်ဖေါ်ပြသည်ဟုဆိုရပါမည်။ ဒေါ်အေးနုစိန်မိန့်ခွန်းတွင် အောက်ပါတို့ကို တွေ့ရသည်။

ပထမအချက် မြန်မာ့နွေဦးဟု ခေါ်ဆိုရမည့် မြန်မာပြည်ဒီမိုကရေစီအပြောင်းအလဲကာလတွင် ပြည်မနှင့်ပြည်နယ်ကြား ဖွံ့ဖြိုး မှု မညီညာသည့်အပြင် ပြည်နယ်များတွင် စစ်ဒဏ်နှင့်ဆင်းရဲမွဲတေမှု ဒဏ်ခံစားနေရသည်ကိုထောက်ပြသည်ကို တွေ့ရပါ သည်။

ဒုတိယအချက်အနေနှင့် တိုင်းရင်းသားများအား အစွန်းရောက်သူများဟု မသတ်မှတ်ဘဲ ဗမာပါတီကြီးများနှင့် တပ်မတော်၏ သဘောထားကြီးမှုကို မျှော်လင့်ကြောင့်ဖေါ်ပြပါသည်။

တတိယအချက်အနေနှင့် ရခိုင်ပြဿနာဟု ခေါ်ဆိုနေကြသည့် ဘင်္ဂါလီမွတ်စလင်ပြဿနာဖြေရှင်းရာတွင် ရခိုင်တို့၏ အသံ အား နားထောင်ရန်နှင့်ရခိုင်တို့၏နိုငံရေးအခန်းကဏ္ဍအား မပစ်ပယ်ရန် အရေးကြီးကြောင်း ထောက်ပြသွားသည်။ ဤအချက် သည် ဖက်ဒရယ်ဟုဆိုနေချိန်တွင် ပြည်နယ်သားတို့ ကိုယ်စားပြုမှုနှင့် ကိုယ်ပိုင်ပြဌာန်းခွင့် လက်တွေ့ပြဿနာကို ထောက်ပြ လိုက်သည်ဟု ဆိုရပါမည်။ ရခိုင်ပြဿနာဟုဆိုပြီး ပြဿနာဖြေရှင်းရာတွင် ရခိုင်ကိုယ်စားပြုမှု မပါဝင်ခြင်း၊ ရခိုင်တို့၏ အသံ နားမထောင်ခြင်းနှင့်ပတ်သက်၍ ဖက်ဒရယ်ဟုဆိုနေခြင်းအား မေးခွန်းထုတ်လိုက်ခြင်းလည်း ဖြစ်သည်။

ဒေါ်အေးနုစိန်မိန့်ခွန်းနှင့် ပတ်သက်၍ လှုပ်လှုပ်ခတ်ခတ်ဖြစ်သည်။ထိုနေ့ညနေပိုင်းတွင် ၎င်းမိန့်ခွန်းပါသဘောထားမှာ နိုင်ငံ ရေးပါတီအစုအဖွဲ့၏ သဘောထားမဟုတ်ကြောင်း၊ မိန့်ခွန်းပါအကြောင်းအရာများသည်လည်း ငြိမ်းချမ်းရေးလုပ်ငန်းစဉ်နှင့်တိုက်ရိုက်သက်ဆိုင်ခြင်းမရှိဟုဆိုသည်။ နိုင်ငံရေးပါတီအစုအဖွဲ့ အတွင်းရေးမှူး စိုင်းကျော်ညွန့် (SNLD) ကမူ နိုင်ငံရေး ပါတီအစုအဖွဲ့မှ ပါတီများ ရွေးကောက်ခံရသည့်ရလဒ်အတိုင်း အလှည့်ကျပြောဆိုကြခြင်းဖြစ်ကြောင်း၊ ယခင် ပထမနှင့် ဒုတိယအကြိမ်တို့တွင်ပြောခဲ့သော NLD နှင့် USDP တို့သည်လည်း ၎င်းတို့ပါတီသဘောထားကိုပြောဆိုခဲ့ခြင်းဖြစ်ကြောင်း၊ စတုတ္ထပင်လုံတွင် အလှည့်ကျမည့် SNLD သည်လည်း ၎င်းပါတီ၏သဘောထားကို ပြောမည်သာဖြစ်သည်ဟုဆိုသည်။

ချုပ်၍ ဆိုရလျင် အစိုးရ/တပ်မတော်/ လက်မှတ်ထိုးထားသော EAOsတို့အနေနှင့် NCA လမ်းကြောင်းအား တသဘောတည်း အခိုင်အမာ ရပ်ခံပြီး NCA လုပ်ငန်းစဉ်အတိုင်း ငြိမ်းချမ်းရေးလုပ်ငန်းစဉ်ဆက်လက်သွားမည်ဟု ဆိုပါသည်။ NCA မထိုးသေး သော အဖွဲ့များအားလည်း NCA လမ်းကြောင်း ထဲသို့ ခေါ်ယူသိမ်းသွင်းသွားမည်ဟုလည်း ဆိုပါသည်။

ထူးခြားချက်များအနေနှင့် အစိုးရက ငြိမ်းချမ်းရေးမလိုလားသူများ ပေါ်လာနိုင်သည်ဟု ညွှန်းဆိုသည်ကို၎င်း၊ တပ်မတော်က ငြိမ်းချမ်းဆွေးနွေးမှု အား ၂၀၂၀ ခုနှစ်တွင် ပြီးပြတ်ရန် မျှော်လင့်သည်ဟု အချိန်ပိုင်းခြားသတ်မှတ်ဖေါ်ပြသည်ကို၎င်း၊ လက် မှတ်ထိုးထားသော EAOs များက လက်ရှိသွားနေ သော ငြိမ်းချမ်းရေးလမ်းကြောင်း ရပ်တန့်မည်ကို စိုးရိမ်ပူပန်မှု ရှိနေသည်ကို ၎င်း၊ ဖက်ဒရယ်ဟုဆိုနေပြီး လက်တွေ့တွင် ရခိုင်ပြဿနာဖြေရှင်းရာတွင် တွေ့ရှိနေရသည့် ရခိုင့်အသံနှင့် ရခိုင် နိုင်ငံရေး ကဏ္ဍနှင့်ပတ်သက်ပြီး ANP ပါတီက ဖက်ဒရယ်မေးခွန်းထုတ်လိုက်သည်ကို၎င်း တတိယအကြိမ်ညီလာခံဖွင့်ပွဲ နေ့တွင် တွေ့ ရှိလိုက်ရပေသည်။

ဆက်လက်ဖေါ်ပြပါမည်။
မောင်မောင်စိုး

↧

မောင်လူပေ - မြန်မာ အမေရိကန်တို့အကြောင်း

August 2, 2018, 1:57 pm

≫ Next: စာနယ်ဇင်းကာတွန်းကျင့်ဝတ်ဆိုင်ရာဆွေးနွေးပွဲ မြန်မာနိုင်ငံကာတွန်းဆရာများအသင်းရုံးခန်း

≪ Previous: မောင်မောင်စိုး ● တတိယအကြိမ် ၂၁ ရာစုပင်လုံကို အနီးကပ်ကြည့်ရှုခြင်း - အပိုင်း (၁)

မောင်လူပေ - မြန်မာ အမေရိကန်တို့အကြောင်း
(မိုးမခ) သြဂုတ် ၃၊ ၂၀၁၈

အမေရိကားရောက်နေတဲ့ မြန်မာတွေကို မြန်မာအမေရိကန်တွေလို့ ခေါ်ကြတယ်။ မြန်မာပြည်မှာမွေးကြတဲ့ မြန်မာအပါအဝင် တိုင်းရင်းသားပေါင်းစုံဟာ မြန်မာ အမေရိကန်တွေပါပဲ။ ဘိုဆန်ဆန်ပြောရင်တော့ Burmese American တွေဆိုပါတော့။

မိုင်ပေါင်းသောင်းချီဝေးတဲ့ ဒီဒေသကိုရောက်နေကြတဲ့မြန်မာပြည်ဖွားအပေါင်းကလည်း အမေရိကားရဲ့ ၂၀၁၀ တရားဝင် သန်းကောင်စာရင်းအရ တစ်သိန်းနဲ့နှစ်ရာ စာရင်းပေါက်တယ်။ အခု၂၀၁၈ဆိုတော့ တွေးသာကြည့်ပေတော့။ ၂၀၂၀မှာကောက်မဲ့ သန်းကောင်စာရင်းမှာဆိုရင်တော့ ခန့်မှန်းကြည့်တာ သုံးသိန်းလောက် စာရင်းပေါက်မယ်ထင်တယ်။

မြန်မာအမေရိကန်တွေထဲမှာ အများဆုံးကတော့ တရုတ်လို့ မြန်မာတွေခေါ်ကြတဲ့ မြန်မာပြည်ဖွားချိုင်းနိစ်တွေပါ။ မြန်မာစစ်စစ်တွေလိုပဲ မြန်မာစကားပြောတယ်။ မြန်မာပြည်ကိုချစ်တယ်။ မြန်မာဘုန်းကြီးကျောင်းတွေထောင်တယ်။ မြန်မာအစားအစာတွေကို ကြိုက်တယ်။ မြန်မာသီချင်းဆိုတယ်။ မြန်မာအက ကကြတယ်။ ဥပမာပြောရရင် ကယ်လီဖိုးနီးယားပြည်နယ် ဖရီးမောင့်မြို့က ရပ်ကွက်ကွန်မြူနီတီစင်တာတစ်ခုမှာလုပ်တဲ့ ဘုန်းကြီးကျောင်းသင်္ကြန်ပွဲကို ၁၉၉၉ က ရောက်သွားတော့ မြန်မာသင်္ကြန်သီချင်းတွေကို ဆိုနေသူရော က,နေသူရော ရွှေပွဲလာပရိတ်သတ်တွေရော အားလုံးရဲ့ ရာခိုင်နှုန်းကိုးဆယ်ကိုးလောက်ဟာ မြန်မာချိုင်းနိစ်တွေချည်း ဖြစ်နေတာ သတိထားမိတယ်။ ပေါက်ဖေါ်တွေပေမဲ့ မြန်မာစကားပြောရမှ အားရတဲ့ မြန်မာနိုင်ငံသားစစ်စစ်ကြီးတွေမို့ အမေရိကန်ရောက်တော့လည်း မြန်မာသင်္ကြန်သီချင်းတွေကို အားပါးတရ သီဆိုနေကြတယ်။ အခုနောက်ပိုင်းမှာတော့ မြန်မာတွေရော အခြားတိုင်းရင်းသားတွေပါ အများအပြား ရောက်ရှိနေကြပါပြီ။

အမေရိကားကို ပထမဆုံးရောက်လာတဲ့ မြန်မာလူမျိုးလို့ သတ်မှတ်ခံရသူက ၁၈၅၈မှာရောက်လာခဲ့သူ ဒေါက်တာရှောလူး တဲ့။ ပင်ဆာဗေးနီးယားပြည်နယ်က လူးဝစ္စဘတ်ခ်ျတက္ကသိုလ် (ယခုဘပ်ဂ်နဲတက္ကသိုလ်) ကနေ ဆရာဝန်ဘွဲ့ကို ၁၈၆၇မှာယူပြီး နောက်နှစ်မှာ မြန်မာပြည်ပြန်သွားပါသတဲ့။ (အခုခေတ်ဆိုရင်တော့ အမေရိကားမှာပဲ အထူးကုဆရာဝန်လုပ်ပြီး နေခဲ့မယ်ထင်တယ်။)

အမေရိကားကို မြန်မာတွေ အလုံးအရင်းနဲ့ ပထမဆုံးပြောင်းရွှေ့ခဲ့ကြတာက ၁၉၆၂ခုနှစ်မှာ ဗိုလ်ချုပ်ကြီးနေဝင်းစစ်အာဏာသိမ်းပြီးနောက်ပိုင်းက စပါတယ်။ ပြည်သူပိုင်သိမ်းတယ်၊ တရုတ်ဗမာရိုက်ပွဲဖြစ်တယ်။ အဲဒီလိုနဲ့ မြန်မာပြည်ဖွား ချိုင်းနိစ်များအတွက် မလုံခြုံတော့တဲ့အခါ မြန်မာပြည်ကို စွန့်ခွာဖို့ ဖြစ်လာခဲ့ရတယ်။ ၆၀ခုနှစ်နှောင်းပိုင်းကနေ ၇၀ခုနှစ်နှောင်းပိုင်းများအထိ အမေရိကားကို ရောက်လာခဲ့ကြတဲ့ မြန်မာအမေရိကန်တွေဟာ ချိုင်းနိစ်နွယ်ဖွားတွေချည်းများတယ်။ ထေရဝါဒဗုဒ္ဓဘာသာကို အမေရိကားမှာ စတင်မိတ်ဆက်ပေးခဲ့တာလည်း သူတို့ပဲ။ မြန်မာချိုင်းနိစ်တွေဟာ ပညာတတ်တွေ၊ လုပ်ငန်းရှင်တွေ၊ ပညာရှင်တွေများကြတယ်။ အိန္ဒိယသွေးနှောတဲ့ မြန်မာကပြားတွေလည်း အနည်းငယ်ပါရှိခဲ့တယ်။

မြန်မာအမေရိကန်တွေ ဒုတိယလှိုင်းအနေနဲ့ အမေရိကားကို ရောက်ရှိလာကြတာကတော့ ၁၉၈ဂပြည်သူ့အရေးတော်ပုံကြီး(ရှစ်လေးလုံးလူထုလှုပ်ရှားမှုကြီး) နောက်ပိုင်းမှာပါ။ အဲဒီဒုတိယလှိုင်းနဲ့ ရောက်လာသူအစုထဲမှာ မြန်မာနဲ့ အတူ ကရင်၊ ကချင်၊ ချင်းစတဲ့တိုင်းရင်းသားမျိုးစုံ ပါလာခဲ့ပြီ။ ရှစ်လေးလုံးနောက်ပိုင်းကနေ ၂၀၀၀ခုနှစ်အတွင်း လူနှစ်သောင်းခွဲကျော် ရောက်လာခဲ့ကြပါသတဲ့။ နိုင်ငံရေးဒုက္ခသည်တွေအများစုဖြစ်တဲ့ ဒီအသုတ်မှာပါတဲ့ မြန်မာခြောက်ထောင်ကျော်က အင်ဒီယားနားပြည်နယ် ဖို့ဝိန်းမြို့မှာ အခြေချကြတယ်။

၂၀၀၆ကနေ နောက်ပိုင်းမှာ တတိယလှိုင်းနဲ့ရောက်လာခဲ့ကြသူတွေကတော့ ထိုင်းမြန်မာနယ်စပ်က စစ်ပြေးဒုက္ခသည်စခန်းတွေမှာ နေထိုင်ကြတဲ့ တိုင်းရင်းသားပေါင်းစုံပါပဲ။ ကရင်လူမျိုးအများစုပါ။ ၂၀၀၆ခုနှစ် အောက်တိုဘာလကနေ ၂၀၀၇ခုနှစ် သြဂုတ်လအထိ ဆယ့်တစ်လအတွင်းမှာပဲ ကရင်ဒုက္ခသည်ပေါင်း တစ်သောင်းနှစ်ထောင့်ရှစ်ရာအထိ အမေရိကားကို ရောက်လာခဲ့တယ်။ အခုနောက်ဆုံးစာရင်းတွေအရ တတိယလှိုင်းနဲ့ ဝင်လာကြတဲ့မြန်မာအမေရိကန်ပေါင်း တစ်သိန်းခြောက်သောင်းကျော်ရှိတာကြောင့် (၂၀၀၇-၂၀၁၇)ဆယ်နှစ်တာအတွင်းအမေရိကန်ရောက် တကမ္ဘာလုံးက စစ်ပြေးဒုက္ခသည်စာရင်းမှာ မြန်မာခရစ်ယာန်(ကရင်လူမျိုးအများစု) တွေက နံပါတ်တစ်စာရင်း ဝင်သွားပါတယ်။

အရင်ရောက်နှင့်ပြီးဖြစ်တဲ့ မြန်မာအမေရိကန်မိသားစုဝင်တွေက တရားဝင်ခေါ်ယူကြတဲ့အခါ မိဘ၊ သားသမီး၊ ဇနီး၊ ခင်ပွန်း၊ ညီအကို၊ မောင်နှမ တွေ ရောက်ရှိလာကြတယ်။ ဒါ့အပြင် ဒီဗွီမဲလို့ အတိုခေါ်ကြတဲ့ Diversity Visa Program အရ မဲပေါက်ပြီးရောက်လာကြသူကလည်း နှစ်စဉ်လိုလိုမနည်းလှပါ။

စစ်အစိုးရအဆက်ဆက်ရဲ့ ကျေးဇူးတော်အဖုံဖုံကြောင့် ရောက်ရှိလာကြတဲ့ မြန်မာအမေရိကန်စာရင်းဟာ တိုးပြီးရင်းတိုးပါပဲ။ ဆယ်နှစ်တစ်ခါကောက်တဲ့ အမေရိကန်သန်းကောင်စာရင်းအရပြောရရင် ၂၀၀၀ခုနှစ်စာရင်းအရ မြန်မာဦးရေ (၁၆,၇၂၀)ပဲရှိရာက ၂၀၁၀စာရင်းမှာ (၁၀၀,၂၀၀)ဖြစ်သွားလို့ တိုးနှုန်းက ၄၉၉%ပါတဲ့။ ဆယ်နှစ်အတွင်း ငါးဆနီးပါး တက်လာတယ်။ အရင်က သန်းကောင်စာရင်းမှာ 'အခြားအာရှလူမျိုးများ'လို့ ဖြည့်ခဲ့ကြရပေမဲ့ အခုလာမဲ့ ၂၀၂၀သန်းကောင်စာရင်းမှာတော့ 'မြန်မာ-အမေရိကန်'လို့ ကိုယ့်လူမျိုးအမှန်အတိုင်း ဖြည့်ခွင့်ရတော့မယ် ထင်ပါရဲ့။

မြန်မာအမေရိကန်တွေအများဆုံးနေထိုင်တဲ့ မြို့တွေကတော့

(၁)မင်နီဆိုးတားပြည်နယ်၊ မင်နီယားပူးလစ်( Minneapolis, Minnesota) မှာ မြန်မာနွယ်ဖွား တစ်သောင်းနီးပါးရှိတယ်။ ကရင်နွယ်တွေ နှစ်ထောင့်ငါးရာကျော်အပါအဝင် တိုင်းရင်းသားပေါင်းစုံပဲ။

(၂)အင်ဒီယားနားပြည်နယ်၊ ဖို့ဝိန်းမြို့(Fort Wayne, Indiana)မှာ မြန်မာပြည်က နိုင်ငံရေးဒုက္ခသည်အများအပြားအပါအဝင် မြန်မာခြောက်ထောင်ကျော်နေတယ်။

(၃)နယူးယော့ခ်ပြည်နယ်၊ နယူးယော့ခ်( New York, New York) တစ်ဝိုက်မှာ မြန်မာချိုင်းနိစ်နွယ်အများစုဖြစ်ပြီး ခုနှစ်ထောင်ကျော်နေတယ်။

(၄)ကယ်လီဖိုးနီးယားမြောက်ပိုင်း၊ ဆန်ဖရန်စစ္စကိုဗေးဧရိယာ( San Francisco Bay Area, California) တစ်ဝိုက်မှာလည်း ချိုင်းနိစ်နွယ်ဖွားအများစုဖြစ်တဲ့ မြန်မာတွေ ခြောက်ထောင်ကျော်လောက် ရှိကြတယ်။

(၅)ကယ်လီဖိုးနီးယားတောင်ပိုင်း၊ လော့စ်အိန်ဂျလိစ္စမြို့( Los Angeles, California) တစ်ဝိုက်မှာလည်း ချိုင်းနိစ်နွယ်ဖွားအများစုဖြစ်ပြီး မြန်မာခြောက်ထောင်နီးပါးရှိတယ်။

(၆)တက္ကဆက်ပြည်နယ်၊ဒါးလက်စ်၊ ဟူစတန်တဝိုက်( Dallas, Texas) မှာလည်း မြန်မာငါးထောင်နီးပါးရှိတယ်။

(၇)ဥက္ကလာဟိုးမားပြည်နယ်၊ တူလ်ဆာ(Tulsa, Oklahoma) တစ်ဝိုက်မှာ ချင်းလူမျိုး ငါးထောင်ကျော် နေတယ်။

(၈)အင်ဒီယားနားပူးလိ(Indianapolis)၊ ဘတ်ဖလိုး( Buffalo)၊ ဝါရှင်တန်(Washington) တစ်ဝိုက်တွေမှာလည်း လေးထောင်ခန့်ဆီ ရှိကြတယ်။

(၉) မြန်မာအမေရိကန်တွေ အများစုနေကြတဲ့ နောက်ထက်မြို့ကြီးတွေကတော့ ချီကာဂို၊ဆန်ဒီယေးဂို၊ဘော့စတွန်၊ ဖလော်ရီဒါ စတဲ့မြို့တွေပါပဲ။ မြို့ကြီးတွေအများစုမှာ လိုလို မြန်မာတွေနေကြပါတယ်ပေါ့ဗျာ။

အခုလို အမေရိကားပြည်နယ်အနှံ့က မြို့ကြီးတွေကို မြန်မာတွေ ပျံ့နှံ့သွားရခြင်း နောက်ထပ်အကြောင်းတစ်ခုကတော့ ဆူရှီ(Sushi) လို့ခေါ်တဲ့ ဂျပန်ထမင်းလိပ်နဲ့ငါးထမင်းကပ် လုပ်ငန်းကြောင့်ပါပဲ။ 'သခင်မျိုးဟေ့ ဘီရုမာ'တွေဟာ အမေရိကားရောက်တဲ့အခါ 'နိပွန်'တွေဖြစ်ကုန်ကြပြီး ဆူရှီဆိုင်တွေ ထောင်ကြပါတယ်။ ဂျပန်အစားအစာရောင်းရင်း အသက်မွေးကြတဲ့ မြန်မာအမေရိကန်က အများစုပါ။ဆူရှီလုပ်ငန်းစုတစ်ခုကို ထူထောင်ခဲ့တဲ့ မြန်မာလုပ်ငန်းရှင်တစ်ဦးဆိုရင် သမ္မတအိုဘားမားရဲ့ မိန့်ခွန်းပြောပွဲအခမ်းအနားကို ဖိတ်ကြားခံခဲ့ရဖူးတယ်။

ဒီလိုထူးချွန်ထက်မြက်တဲ့ မြန်မာအမေရိကန်တွေလည်း အများကြီးပါပဲ။ ဆရာဝန်တွေ၊ တက္ကသိုလ်က ပရော်ဖက်ဆာတွေ၊ နာဆာအဖွဲ့ကြီးက ပညာရှင်တွေ၊ စွန့်ဦးတီထွင် လုပ်ငန်းရှင်တွေ ရေးပြရရင် ကုန်နိုင်စရာမရှိ။ နိုင်ငံကျော်အနုပညာရှင်တွေထဲကဆိုရင်တော့ ဂန္ထဝင်အဆိုတော်ကြီးအန်တီဒေါ်မာမာအေး၊ အန်ကယ်နိုး(သိန်းတန်၊မြန်မာပြည်)၊ မေယု၊မေဆွိ၊ မေဝင်းမောင်၊ နီနီဝင်းရွှေ၊ မီမီဝင်းဖေ၊ရတနာဦး။ (ကွယ်လွန်သွားပြီဖြစ်ကြတဲ့ ဒါရိုက်တာဦးကြီးမြင့်၊ စာရေးဆရာတင်မိုး၊ ကြေးမုံဦးသောင်း၊ မောင်သာရ၊ နေရှင်းဦးလောရုံ၊ မယ်ဗမာနော်လွီဇာဗင်ဆင်) တို့အပြင် ဒါရိုက်တာဦးဝင်းဖေ၊ ဆရာမောင်စွမ်းရည်၊ မေငြိမ်း၊ ခက်မာ တို့ဟာ အမေရိကန်အခြေစိုက် မြန်မာတွေပါ။ ကယ်လီဖိုးနီးယားပြည်နယ်တစ်ခုထဲမှာကိုပဲ လူငယ်သတင်းအယ်ဒီတာတွေဖြစ်တဲ့ ကိုခိုင်ဘွား( မြန်မာဂေဇက်)၊ ကိုထိန်လင်း( ဧရာဝတီသတင်းဌာန အယ်ဒီတာဟောင်း) တို့အခြေစိုက်ပြီး မြန်မာအမေရိကန်သတင်းသမားတွေအဖြစ် ရှိနေကြတယ်။ မြန်မာပြည်အတွက် မှန်ကန်တဲ့သတင်းတွေကို ထုတ်ပြန်ပေးနေကြတယ်။

အခြားထင်ရှားတဲ့ မြန်မာသွေးပါကြသူ မြန်မာအမေရိကန်မိသားစုဝင်တွေကတော့

▪ Julie Chen: television personality
▪ Rich Cho: sports executive
▪ Wendy Law-Yone: writer
▪ Kyaw Kyaw Naing: hsaing waing musician
▪ Natalise: singer
▪ Aung San Oo: brother of Aung San Suu Kyi
▪ Abraham Sofaer: actor, of Burmese Jewish origin
▪ Ezra Solomon: economist
▪ Alex Wagner: television anchor
▪ Patrick Wang: actor and writer
▪ Moe Z. Win: professor at Massachusetts Institute of Technology
▪ Adrian Zaw: actor တို့ ဖြစ်ကြတယ်။

မြန်မာအမေရိကန်တွေအကြောင်း သိချင်သူများအတွက် အနည်းငယ်သော သိသင့်သမျှကို အင်တာနက်ကြီးထဲမှာတွေ့သမျှ ဝေမျှ လိုက်တဲ့သဘောပေါ့။ အကျယ်သိချင်သူများအတွက်ကတော့ Wikipedia ထဲဝင်ဖတ်ချင်ဖတ်၊ ဒါမှမဟုတ် ဂူဂဲလ်(Google)ထဲသာ ဝင်မွှေကြပါတော့လို့။

ချစ်တဲ့
မောင်လူပေ

↧

စာနယ်ဇင်းကာတွန်းကျင့်ဝတ်ဆိုင်ရာဆွေးနွေးပွဲ မြန်မာနိုင်ငံကာတွန်းဆရာများအသင်းရုံးခန်း

August 2, 2018, 2:00 pm

≫ Next: မျိုးတေဇာမောင် - ကဗျာကို ဘာသာပြန်ခြင်း

≪ Previous: မောင်လူပေ - မြန်မာ အမေရိကန်တို့အကြောင်း

စာနယ်ဇင်းကာတွန်းကျင့်ဝတ်ဆိုင်ရာဆွေးနွေးပွဲ မြန်မာနိုင်ငံကာတွန်းဆရာများအသင်းရုံးခန်း
K (မိုးမခ) သြဂုတ် ၃၊ ၂၀၁၈

မြန်မာနိုင်ငံကာတွန်းဆရာများအသင်းမှစီစဉ်သော စာနယ်ဇင်းကာတွန်းကျင့်ဝတ်ဆိုင်ရာဆွေးနွေးပွဲကို ရန်ကုန်မြို့ အမှတ် (၁၇၃/ ၁၇၅) ပန်းဆိုးတန်းတာဝါ-အခန်းအမှတ်(၆၀၁)ပန်းဆိုးတန်းလမ်း(အလယ်)ရှိ မြန်မာနိုင်ငံကာတွန်းဆရာများ အ သင်းရုံးခန်းမှာ သြဂုတ်လ ၄ရက်နေ့ နေ့လယ် ၁ နာရီမှ ၃နာရီထိ ကျင်းပပြုလုပ်သွားမယ်လို့သ်ိရပါတယ်။

အဆိုပါဆွေးနွေးပွဲမှာ ကဏ္ဍအလိုက် ဦးဆောင်ဆွေးနွေးမယ့်ပညာရှင်များကတော့ ကာတွန်းဆရာ ဦးဝင်းအောင်၊ ဥပဒေ ရေးရာ ဦးအောင်စိုးဦး၊ ဂျာနယ်လစ်အယ်ဒီတာ ဦးဇေယျာလှိုင်၊ သတင်းမီဒီယာကောင်စီမှ ဦးသီဟစောတို့ဖြစ်ပါတယ်။

ဟောပြောဆွေးနွေးမှုနဲ့ပတ်သက်ပြီး ကာတွန်းဝင်းအောင်က “ တော်တော်များများက ဖေ့ဘုတ်မှာရော ကျင့်ဝတ်နဲ့ ပတ် သက်ပြီး မသိတဲ့သူတွေ ရှိတယ်လေ။ လူငယ်တွေလည်းသိအောင် ဆွေးနွေးနိုင်အောင် ပြုလုပ်ပေးတာဖြစ်ပါတယ်"လို့ ပြော ပြပါတယ်။

ယခုပြုလုပ်တဲ့ဆွေးနွေးပွဲဟာ ပထမဆုံးအကြိမ်ပြုလုပ်တဲ့ဆွေးနွေးပွဲဖြစ်တယ်လို့လည်း သိရပြီး ကာတွန်းကျင့်ဝတ်နဲ့ ပတ် သက်ပြီး ကာတွန်းမိုးထက်မိုးက ...

“ကာတွန်းကျင့်ဝတ်မှသည် ပညာရှင်ဖြစ်ဖို့ဆိုရင် ပညာအသိ..သိရမယ်။ ပညာမသိ/မရှိဘဲ တတ်သယောင်ယောင်နဲ့ ၀င်ယောင်နေရင် မိမိလည်း အကျိုးမရှိ၊ ၀န်းကျင်အတွက်လည်းအကျိုးမရှိ လောက နစ်နာဖို့ပဲရှိ တယ်။ကာတွန်းပညာမှာ ကာတွန်းရုပ်ကလေးတွေဆွဲတတ်ရုံနဲ့ ပညာရှင်ဖြစ်မယ်ဆိုရင် ပုံဆွဲတတ်တဲ့ကလေးတွေလည်း ပညာရှင် ဖြစ်ရောပေါ့။ ဒီလိုမဟုတ်ဘူး။

ကာတွန်းတစ်ခုကောင်းဖို့ဆိုရင် ဖွဲ့စည်းပုံတွေ ကောင်းရမယ်။ ဖွဲ့စည်းပုံတွေဆိုတာမှာ အရုပ်ရဲ့ဖွဲ့စည်းပုံရှိသလို၊ ကိုယ်ပြော ချင်တဲ့အကြောင်းအချက်အလက်တွေ (idea)ရဲ့ ဖွဲ့စည်းပုံလည်းရှိတယ်။ အဲဒီ ၂ ခု ကောင်းနေရမယ်။

ကိုယ်ရေးတတ်သလိုလျှောက်ရေးနေပြီး ကာတွန်းဆရာကွလို့ ကိုယ်ထင်ရာ တံဆိပ်ခတ်နေဖို့ထက် ကိုယ်ရေးတဲ့ကာတွန်း ဟာ နှစ်သက်ဖွယ် ဖြစ်ရဲ့လား၊ ကိုယ်ပြောချင်တဲ့အကြောင်းအရာပေါ်ကို တကယ်ရောက်ရဲ့လား၊ ရယ်ပြုံးပျော်ရွှင်စေရဲ့ လားဆိုတဲ့..လားပေါင်းများစွာမေးခွန်းတွေအပေါ်မှာ ကောင်းမွန်စွာဖြတ်ကျော်နိုင်ဖို့လိုမယ်။

နိုင်ငံရေးသတင်းခေတ်ဖြစ်လို့ အယ်ဒီတာတွေကလည်း နိုင်ငံရေးနဲ့ဆိုင်ရာသတင်းကာတွန်းများကိုပဲ အဓိကထား ရွေးချယ် ကြတဲ့အခါမှာ အခြားလူမှုဝန်းကျင်တွေအကြောင်း၊ အလွဲအချော်တွေအကြောင်း၊ အူကြောင်ကြောင်ဖြစ်ရပ်တွေအကြောင်း ရေးဆွဲကြတဲ့ လူမှုကာတွန်းတွေ၊ သဘာဝပတ်ဝန်းကျင် ပျက်စီးမှုတွေ၊ ဖောက်ပြန်မှုတွေ၊ စာရိတ္တချို့ယွင်းမှုတွေ၊ အကျင့် ပျက်ခြစားမှုတွေ စသဖြင့် လူနေမှုစရိုက်တွေကို သရော်ထားတဲ့ကာတွန်းတွေရဲ့အရသာလည်း မှေးမှိန်လာသလိုဖြစ်နေ တယ်။ သတင်းစာတစ်ခုကိုဖတ်မိ/ကြားမိရုံနဲ့ အဲဒီသတင်းစာအတိုင်း ဒဲ့ကြီးပုံတူ ကူးရေးနေကြတဲ့ကာတွန်းတွေကိုလည်း ကြိုကြားကြိုကြား မြင်နေတွေ့နေရတော့ အံ့သြတကြီးလည်းဖြစ်မိပါရဲ့။

ဟိုးအရင်မဂ္ဂဇင်းခေတ်က ကာတွန်းတွေပြန်ကြည့်ရင် သတင်းကိုရေးတာလည်းမဟုတ်ဘဲ လူ့စိတ်၊ လူ့သဘာဝ၊ လူ့ပတ်ဝန်း ကျင်ကို သရော်ပြီးရေးကြတဲ့ကာတွန်းကောင်းတွေ အများကြီး တွေ့ရမယ်။လေ့လာရမယ်။ နမူနာယူရမယ်။ ပြန်လည်ဆန်း သစ်သင့်တယ်။

ကိုယ်ထင်သလိုရေးချင်ရာရေးကြတဲ့အခါမှာ စောင့်စည်းအပ်တဲ့ကျင့်ဝတ်တွေကိုလည်း မစဉ်းစားမတွေးတောဘဲ ကိုယ့် အတ္တ ခံစားချက်တွေကို ဦးစားပေးပြီး မိဘမောင်နှမ ဖတ်ကြည့်ဖို့မသင့်တော်တဲ့ အရေးအသားတွေ၊ သရုပ်ဖော်ပုံတွေနဲ့ ထင်သလိုရေးထားတာကိုမှ ဒီလိုကာတွန်းက ဒဲ့ထိတာကွလို့ မြှောက်သူကမြှောက်ပေးကြတော့လည်း ထီမထင်ကာတွန်း ဆရာတွေဆိုတာ မိုးဦးမှိုတွေလို အများအပြားပေါ်လာနိုင်သလို ကာတွန်းကျင့်ဝတ်၊ ကာတွန်းအရသာကောင်းတွေဟာ ရေပေါ်အရုပ်ရေးသလို ပျောက်ကွယ်နေသလို ခံစားရတယ်။

မိမိဖော်ပြတော့မယ့်ကာတွန်းမှာ ဘယ်လိုသက်ရောက်မှုတွေရလာမလဲဆိုတဲ့ ကျင့်ဝတ်ဆိုင်ရာထိန်းသိမ်းမှုတွေကို ကာတွန်း ရေးဆွဲသူတွေက သိထားမယ်/ကျင့်သုံးကြမယ်ဆိုရင် နောင်အခါပေါ်ထွန်းလာဦးမယ့် အနာဂတ်ကာတွန်းဆရာလေးတွေ အတွက် ရှေ့ဆောင်လမ်းပြကောင်းတွေဖြစ်လာကြမှာပေါ့။ တချိန်မှာလည်း ပြန်လည်လက်ဆင့်ကမ်း ပြောပြပေးနိုင်လာမှာ ပေါ့။

ပညာဆိုတာ သူ့ကို တကူးတကလိုက်ရှာသူဆီကိုသာ တွဲကပ်တဲ့သဘောရှိတယ်။ ပညာလိုချင်ရင် ပညာရှိရာသွားတဲ့။

ကျွန်တော်တို့တွေအားလုံး အနုပညာကျင့်ဝတ်တွေအကြောင်း တီးမိခေါက်မိသိရှိထားရင် ခုထက်ပိုကောင်းမွန်တဲ့အနုပညာ ကောင်းတွေ ဖန်တီးနိုင်ဖို့အခွင့်အလမ်းတွေ ထွက်လာနိုင်မှာပေါ့။

ကျွန်တော်တို့ကာတွန်းအသင်းကတော့ ကာတွန်းနဲ့ဆိုင်ရာ အတွေ့အကြုံမျှဝေခြင်းတွေ၊ ဖြတ်သန်းမှုတွေ၊ ခံစားချက်တွေကို လတိုင်းပြုလုပ်နေရာက ခုတစ်ခါတော့ ကာတွန်းနဲ့ဆိုင်ရာကျင့်ဝတ်တွေအကြောင်းကို ဘက်ပေါင်းစုံက တတ်သိပညာရှင် တွေက ရှုဒေါင့်အစုံစုံက ၀ိုင်းဝန်းဆွေးနွေးကြမှာမို့ ကာတွန်းဆရာတွေတင်မဟုတ်ဘဲ အခြားသောနေရာအသီးသီးက ပညာ ရှင်တွေကိုလည်း လာရောက်ဆွေးနွေးနိုင်ပါကြောင်း ခင်မင်မှုကို ရှေ့တန်းတင် ရင်းနှီးနွေးထွေးတဲ့စိတ်နဲ့ ဖိတ်ခေါ်လိုက်ရပါ တယ်။”

လို့သူ့ရဲ့လူမှုကွန်ရက်မှာ ရေးသားပြောဆိုထားပါတယ်။

↧

မျိုးတေဇာမောင် - ကဗျာကို ဘာသာပြန်ခြင်း

August 2, 2018, 3:23 pm

≫ Next: ကာတွန်း ရွှေဗိုလ် - ရေတိမ်

≪ Previous: စာနယ်ဇင်းကာတွန်းကျင့်ဝတ်ဆိုင်ရာဆွေးနွေးပွဲ မြန်မာနိုင်ငံကာတွန်းဆရာများအသင်းရုံးခန်း

မျိုးတေဇာမောင် - ကဗျာကို ဘာသာပြန်ခြင်း
(မိုးမခ) သြဂုတ် ၃၊ ၂၀၁၈

နိဒါန်းစကား

ဒီနေ့ ကျနော် စာတမ်းတစ်စောင် ဖတ်မှာ မဟုတ်ပါဘူး။ အကဲဒမစ် ကျကျ ပြောနိုင်ဖို့လည်း သိပ်မတတ်စွမ်းပါဘူး။အလွန်နည်းပါးလှတဲ့ ကျနော့် ရဲ့ ကဗျာ ဘာသာပြန်အတွေ့အကြုံ တချို့၊ ဘာသာပြန်ရာမှာ ကြုံရတဲ့ အခက်အခဲတချို့၊ နဲ့ ကဗျာဘာသာပြန်ခြင်း နဲ့ ဘာသာပြန်ကဗျာဆိုင်ရာ ကျနော့် ပုဂ္ဂလိက အမြင်တချို့ ကို YTU က မိတ်ဆွေတွေနဲ့ မျှဝေမှာပဲဖြစ်ပါတယ်။ နောက်ပြီး ခင်ဗျားတို့ နဲ့ ကဗျာ တစ်ပုဒ်လောက် အတူတူဘာသာပြန်ကြည့်ကြမယ်လို့ စိတ်ကူးထားပါတယ်။

၁။ကဗျာကို ဘာသာပြန်လို့ရသလား
ဘာသာပြန်ကဗျာနဲ့ပတ်သက်ပြီး ကျနော်မေးခွန်း (၁)ခု လောက် မေးကြည့်ပါမယ်။

ကဗျာကိုဘာသာပြန်လို့ရသလား ။

ဒီမေးခွန်း နဲ့ပတ်သက်ပြီးတော့ ခင်ဗျားတို့တွေးမိနိုင်တာကဘာသာပြန်လို့ရလို့ပဲ ဘာသာပြန်ကဗျာတွေ ဖတ်နေရတယ်၊ စာအုပ်တွေထုတ်နေကြတာပဲ ၊ဒီမေးခွန်းဟာ မလိုအပ်တဲ့ မေးခွန်းတစ်ခုလို့ မြင်စရာအကြောင်းရှိပါတယ်။

ဒီနေရာမှာ အမေရိကန် ကဗျာဆရာကြီး Robert Frost ရဲ့ ကျော်ကြားတဲ့အဆိုအမိန့် တစ်ခု ကို ကိုးကားပါမယ်။

Poetry is what gets lost in translation.

ကဗျာ ဟာ ဘာသာပြန်ထဲ ပျောက်သွားတဲ့အရာ။
ကဗျာ နော် ၊Poetry နော်၊ Poem မဟုတ်ဘူး။
ကဗျာတစ်ပုဒ်ချင်းဟာ Poem ဖြစ်ပြီး ကဗျာရဲ့ အတွင်းသဘော၊အသံအလှ၊စကားလုံးအလှ စတာတွေကိုခြုံယူပြီး Poetryလို့ ဆိုချင်ပါတယ် (ကဗျာဓာတ်လို့ ပြောချင်ရင်လည်း ယာယီ အားဖြင့် လက်ခံထားလို့ရပါတယ်။)အဲ့ဒီ့ Poetry/ကဗျာဓာတ် ဟာ ဘာသာပြန်ရာမှာ ပျောက်ဆုံးသွားသတဲ့။ ဖရော့စ်တ် ရဲ့အလိုအရဆိုရင် ကဗျာဟာ ဘာသာပြန်လို့မရဘူးလို့ မပြောနိုင်ပေဘူးလား။

နောက်ထပ် အမြင်တစ်ခု ထပ်ပြောကြည့်ပါမယ်။

မက္ကဆီကို ကဗျာဆရာ Octavio Paz ရဲ့အမြင်။

Poetry is what is gained in translation.

ကဗျာဟာ ဘာသာပြန်ခြင်း ထဲ မှာ ရလိုက်တဲ့ တိုးပွားမှု၊အကျိုးအမြတ်တစ်ခု။ကျနော်ကတော့ ကိုယ်တိုင်လည်း ကဗျာ ဘာသာပြန်နေသူတစ်ယောက်ဖြစ်တာကြောင့် Paz ရဲ့ အမြင်နဲ့ပိုနီးစပ်ပါတယ်။

ဒါဆိုရင် ဖရော့စ်တ် ရဲ့ အဆိုကို ငြင်းသလားဆိုတော့ တစ်ရာရာခိုင်နှုန်းတော့ မငြင်းနိုင်ပါဘူး။

ဘာသာမပြန်ရက်လို့ ဘာသာမပြန်ဘဲထား ထားရတဲ့ ကဗျာတွေရှိပါတယ် ။ နောက်ပိုင်းမှာဆွေးနွေးပါတယ်။ ဒါကတော့ ကဗျာကို ဘာသာပြန်ခြင်းနဲ့ ပတ်သက်ပြီး နည်းနည်း နွေးသွားအောင် လုပ်လိုက်ရုံပါပဲ။

ကျနော်တို့ ကဗျာတွေကို ဘာသာပြန်ကြတဲ့အခါ အင်္ဂလိပ်လိုရေးထားတဲ့ ကဗျာ တွေ ကို ဘာသာပြန်ကြသလို အင်္ဂလိပ်ဘာသာနဲ့ရေးသားထားတာမဟုတ်တဲ့ ကဗျာတွေကို လည်း မူရင်းကနေတိုက်ရိုက်ဘာသာပြန်ကြတာရှိတယ်။(ဥပမာ- ဟိုက္ကူကဗျာတွေကို ဂျပန်ဘာသာကနေတိုက်ရိုက်ဘာသာပြန်တာမျိုး) နောက်တစ်မျိုးက မူရင်းဘာသာစကားတစ်ခု ကနေ ဘာသာပြန်ထားတဲ့ အင်္ဂလိပ်ဘာသာန်မူ က တစ်ဆင်ဘာသာပြန်တာ။ ကျနော် အခုအချိန်ထိ ဘာသာပြန်သမျှမှာ ရောဘတ်ဘလိုဝ်း ၊ ဂျိမ်းစ် ရိုက်၊ ဝီလျံ ဒပ်ဖီ၊ ဂျိမ်းစ်တိတ်၊ မာ့ထ် စထရန်း စတဲ့ အမေရိကန်ကဗျာဆရာ တချို့ကလွဲရင် အများစု ဟာ မူရင်းအင်္ဂလိပ်ဘာသာမဟုတ်ပါဘူး။ နောက် တရုတ်ကဗျာဆရာ ဟ ဂျင်း ။သူကတော့ တရုတ်ပေမယ့် အင်္ဂလိပ်လိုရေးတဲ့ တရုတ် ။

အဲ့တော့ ကျနော် ဘာသာပြန်ဖူးတာ

၁။ မူရင်းအင်္ဂလိပ်ဘာသာနဲ့ ရေးသားထားတဲ့ ကဗျာတွေ

၂။ မူရင်းအခြားဘာသာစကားနဲ့ရေးသားထားပြီး အင်္ဂလိပ်ဘာသာနဲ့ ဘာသာပြန်ထားတဲ့ ဘာသာပြန်မူကဗျာတွေ

၃။ အင်္ဂလိပ်မဟုတ်တဲ့ ကဗျာဆရာ ရဲ့ အင်္ဂလိပ် ဘာသာနဲ့ရေးထားတဲ့ကဗျာ... ဒီသုံးမျိုး။

ကျနော့် သိမှု၊ကျနော့်လုပ်ဆောင်ချက် ဘောင် ကို တင်ကူးချပြတာပါ။ အဲ့ဒီ့ဘောင်ထဲက ပဲ ကျနော် ဆက်ဆွေးနွေးပါမယ်။

ကဗျာကို ဘာသာပြန်တဲ့အခါ ကျနော် တို့ ဗမာပြည် မှာ စံထားအပ်တဲ့ ''ဟန် ''နှစ်မျိုးရှိတယ်လို့ ကျနော်မြင်တယ် ။

ဆရာမောင်သာနိုး ရဲ့ ဘာသာပြန်ဟန် နဲ့ ဆရာမောင်သစ်တည် (ဆရာမြသန်းတင့်) ရဲ့ ဘာသာပြန်ဟန် လို့ ကျနော့် အတ္တနောမတိ အရ ခွဲခြား ပါတယ်။ ဆရာမောင်သာနိုး က အတ္ထာလင်္ကာရ လို့ခေါ်တဲ့ အနက်ကို ရှေးရှု ဘာသာပြန်တာ သာမက သဒ္ဒါလင်္ကာရ လို့ခေါ်တဲ့ အသံကိုပါ မူရင်းနဲ့ ထပ်တူမျှနိုင်သမျှ ၊ထပ်တူမျှ နိုင်အောင် အားထုတ်လေ့ရှိပြီး၊ ဆရာမောင်သစ်တည် ကတော့ အနက်ကို ပိုပြီး ထိမိ ဖို့ ကို အဓိကပြုတတ်တယ် လို့မြင်ပါတယ်။ဒီ ဆရာနှစ်ပါးရဲ့ ဟန် နှစ်ခုကြားမှာ မျှမျှတတ ထွင်ထွက်လာတာ မောင်သစ်မင်း လို့မြင်ပါတယ်။( မောင်သစ်မင်း ရဲ့ သုံးယောက်ကောင်းကင် နဲ့ ကွာဝေး ဘာသာပြန်များ)

၂။ကဗျာ ကို ဘာသာပြန်ဖို့ ဘာတွေ လိုအပ်သလဲ။

၂.၁။ဘာသာပြန်ခြင်း
ဘာသာပြန်ခြင်း ဆိုတာ ဘာသာစကားတစ်ခု ကနေ အခြားဘာသာစကား တစ်ခု ဆီ အနက်ပြန်ဆိုခြင်း လို့ အကြမ်းအားဖြင့် ပြောနိုင်ပါတယ်။

ရိုမန် အိုင်ဂါဒင် Roman Igarden ရဲ့ အလိုအရ ဘာသာပြန်ခြင်းဟာ ဘယ်တော့မှ ပြည့်စုံလုံလောက်မှာမဟုတ်။ ဘာသာပြန်ခြင်းကိုယ်၌ မှာ ပြဿနာ ကိန်းဝပ်နေတယ်လို့ဆိုပါတယ်။ ကဗျာဘာသာပြန်ရာမှာ ပိုပြီး မလုံလောက်စေမယ့် ကိစ္စက အနက်ကို ဘာသာပြန်ခြင်းအပြင် မူလ ကဗျာရဲ့ အသံအလှကို ဘယ်လောက်ထိ ရအောင်ယူနိုင်မလဲဆိုတာက ပါလာပြန်တယ်။ ဆရာဇော်ဂျီရဲ့ အလိုအရပြောရမယ်ဆိုရင် ''သဒ္ဒါ နည်း၊ သဒ္ဒါလင်္ကာရ နည်း ၊အတ္တာလင်္ကာရ နည်းကိုသိ၍ကျွမ်းကျင်လိမ္မာစွာသုံးတတ်စေကာမူ စိတ်ကူးဉာဏ်မရှိလျှင် ထိုသူသည်ကဗျာဆရာမဖြစ်နိုင် ထိုသူ၏စာလည်း ကဗျာအဖြစ်မရပ်တည်နိုင်''ဆိုတာ့ ကား မူလကဗျာဖန်တီး စဉ် က မူလကဗျာဆရာရဲ့ ''စိတ်ကူးဉာဏ်''ဆီ အနီးဆုံးရောက်ဖို့ ချဉ်းကပ်ပြီး ဘာသာမပြန်နိုင်ဘူးဆိုရင် ဘာသာပြန်ကဗျာ တစ်ပုဒ်ဟာ ဘာသာစကားတစ်ခု ကနေ တစ်ခုဆီ ကူးပြောင်းသွားရုံပဲရှိပြီး ကဗျာဖြစ်လာမှာမဟုတ်ဘူး။ ဒါဆိုရင် အစောပိုင်းက ကိုးကားခဲ့တဲ့ ရောဘတ် ဖရော့စ်တ် ရဲ့ စကားလို ကဗျာ ဟာ ဘာသာပြန်ထဲ ပျောက်ဆုံးသွားရတော့မှာပါပဲ။ဒါ့ကြောင့် ပြန်ချုပ်ရရင် ကဗျာဘာသာပြန် လုပ်ငန်းတစ်ခုမှာ

၁။ မူရင်းဘာသာစကား /Source

၂။ ဘာသာပြန်မယ့် ဘာသာစကား/Target

၃။ မူလ ကဗျာရေးသူရဲ့ စိတ်ကူးဉာဏ် /Imagination ဆီ ချဉ်းကပ်ခြင်း ဆိုတဲ့ အချက် သုံးချက်လိုအပ်မယ်လို့ မြင်ပါတယ်။

၂.၂။ယဉ်ကျေးမှု ကိစ္စ

ကဗျာဘာသာပြန်ခြင်းမှာ သာမက ပါဘူး၊ ဘာသာပြန်ခြင်းဆိုတာ ဟာ ယဉ်ကျေးမှု ခြင်းကူးလူးဆက်သွယ်ပေးတာလည်းဖြစ်ပါတယ်။ မူလ လက်ရာ ကိုဖန်တီးခဲ့တဲ့ ဒေသ နဲ့ ကာလ ရဲ့ ယဉ်ကျေးမှု ဖြစ်စဉ်ကို လည်း ဘာသာပြန်သူ က မဖြစ်မနေ ထည့်သွင်းစဉ်းစားရပါလိမ့်မယ်။ယဉ်ကျေးမှု ဆိုရာမှာ မူရင်း ကဗျာ ပေါ်ထွန်းရာ ဒေသနဲ့ ကာလရဲ့ သမိုင်းနောက်ခံ၊ နိုင်ငံရေးအခြေအနေ၊ဒေသိဘာသာစကား စတာတွေပါလာပါလိမ့်မယ်။အရာအားလုံးဟာ

နိုင်ငံရေး ရဲ့ လက်အောက်ခံဖြစ်တယ်ဆိုတဲ့ အမြင် ဟာ အတိုင်းအတာတစ်ခုထိ မှန်နေပါသေးတယ်။ ကဗျာဟာ လည်း နိုင်ငံရေးရဲ့ လက်အောက်မှာ တစ်ခါတလေ တော့ ရှိနေနိုင်ပါတယ်။ဒါ့ကြောင့် ကဗျာ ကိုဘာသာပြန်ရာ မှာ မူလ ကဗျာရေးသူရဲ့ နိုင်ငံရေးနောက်ခံ၊နိုင်ငံရေးအမြင်ကိုလည်း ထည့်သွင်းစဉ်းစားရပါလိမ့်မယ်။သမိုင်းနောက်ခံ အကြောင်းအရာတွေ နဲ့ ဒေသိယ ဘာသာစကား ကိစ္စမှာတော့ လိုအပ်ရင် အောက်ခြေမှတ်စုတွေ ထည့်သွင်းပေးရတာမျိုးလည်းရှိတတ်ပါတယ်။ တခါတရံ မှာ အောက်ခြေ မှတ်စုတွေဟာ ကဗျာဖတ်ခြင်းကို အနှောက်အယှက် ပေးနေမလားလို့ စဉ်းစားမိကောင်းစဉ်းစားမိပါလိမ့်မယ်။ တခါတရံ မှာတော့ အောက်ခြေမှတ်စုတွေ ကြောင့် ကဗျာဖတ်ရတာ ပိုပြီး ချောမွေ့သွားတာမျိုးလည်းရှိနိုင်ပါတယ်။

ဆရာမောင်သာနိုး ရဲ့ ထင်းရှူးပင်ရိပ် ကို ဗမာခေတ်ပေါ်ကဗျာရဲ့ လမ်းညွှန်တစ်ခုလို့ တော်တော်များများက သတ်မှတ်ကြတာဟာ ဒီအချက်ကို လက်ခံကြောင်းသက်သေပြချက်တစ်ခုပါပဲ။ ဆရာမောင်သာနိုး ဟာ ထင်ရှူးပင်ရိပ်ကို ရည်ရွယ်ချက်မရှိဘဲ အင်္ဂလိပ်စာ တတ်ကြောင်းပြဖို့ သက်သက် ဘာသာပြန်ပေးခဲ့တာ မဟုတ်ပါဘူး။ ထင်ရှူးပင်ရိပ် မှာ စိန်ခေါ်သံ၊တပ်လှန့်သံပါ ပါတယ်။ မော်ဒန် ကဗျာဆိုလို့ မူးလို့ရှူစရာတောင်မရှိဘူးဆိုတဲ့ စကားပါပဲ။

ဆရာနိုး ရဲ့ အလုပ်တွေအကြောင်းပြောကြရင် ထင်းရှူးပင် ဆိုပြီး ဖတ်ဖူးသူရော၊မဖတ်ဘဲနဲ့ရော ရောချပြောဆိုကြပါတယ်။ အဲ့ဒီလိုနည်းနဲ့ အရက်ဝိုင်းတွေ စိုပြည်ဖို့ လောက်ပဲ ထင်းရှူးပင်ရိပ်ခဲ့ကြတာ နှစ်ပေါင်းများစွာ ။ဆရာနိုးကတော့ရပ်တန့်မနေပါဘူး။ နိုင်ငံတကာကဗျာ ကို ဆက်လက် တင်သွင်းပေးနေခဲ့ပါတယ်။ တောမှော်ရုံလမ်း၊ဆွတ်ပျံ့ဖွယ်အောင်.. အဲ့ဒီ့စာအုပ်တွေမှာ အနီးခေတ်နိုင်ငံတကာကဗျာဆီ ရောက်သထက်ရောက်လာပါပြီ။

နောက်ပြီး မကြာခင်ကမှထွက်ရှိထားတဲ့ မိုးတစိမ့်စိမ့် ၊ကျနော်တို့နှစ်ပေါင်းများစွာမျှော်လင့်ခဲ့ရတဲ့ မိုးမခပင်ရိပ် စတဲ့စာအုပ်တွေ နဲ့ ဆရာနိုးရဲ့ ကျေးဇူးဟာ ဗမာကဗျာအပေါ်ကြီးကြီးမားမားရှိပါတယ်။

ဘာသာပြန်ကဗျာနဲ့ ပတ်သက်တဲ့ အရေးပါသောအမြင်များ
၁။ ဒီတိုင်းပြည်မှာ ခေတ်ပေါ်ကဗျာဆိုတာ ကဗျာဖွဲ့နည်း ကျမ်းမရှိခဲ့ဘဲ နိုင်ငံခြားကဗျာ စာကြောင်းလိုက်၊အတန်းလိုက် ဘာသာပြန်ပုံသဏ္ဍာန် ကို ခံတွင်းတွေ့ခဲ့ရာမှ (၁၀)နှစ်စီလူငယ်များ တစ်ဦးကဗျာ တစ်ဦး လှမ်းကြည့်ကာ အလွတ်သဘော စာပေအနုပညာဝိုင်းများမှာ ဖလှယ်နှီးနှော ကြကာ ကမ္ဘာပေါ်က လွတ်လပ်တဲ့ အနုပညာ လှုပ်ရှားတင်ဆက်မှုများကို အမြင်အကြားဖြင့် မှီးယူအတုခိုးကာ ရေးသားရှင်သန် တဲ့ အနုပညာဖြစ်ပါတယ်။
အောင်ချိမ့် ရဲ့ အမှာစာ မှ (လူနှစ်ယောက်နဲ့ ကဗျာ -မောင်ပြည့်မင်း၊ခင်အောင်အေး)

၂။ ကဗျာဆိုတာ ဒီလိုရေးလို့ လည်း ရပါလားဟု သိမြင်လာကြသည်။နာမည်ကျော်အနောက်တိုင်း ကဗျာဆရာများ၏ ကဗျာများကို တုပရေးရာမှ ခေတ်ပေါ်မြန်မာကဗျာပုံစံတစ်ခုဖြစ်ထွန်းလာရန် ကျနော်တို့ကြိုးစားအားထုတ်ခဲ့ကြသည်။ အဲ့ဒီတုန်းက ၁၉၇၀ တစ်ဝိုက်။ ခေတ်ဦးမော်ဒန် ကဗျာသမားများသည် 'ထင်းရှူးပင်ရိပ် 'ကို မော်ဒန်ကဗျာ သမ္မာကျမ်းစာ အဖြစ်ကိုင်စွဲခဲ့ကြတာ ဘယ်သူမှ ငြင်းမရ။
သစ္စာနီ (ကဗျာလောက အမှတ်-၆)
၃။ ထင်းရှူးပင်ရိပ် ဖတ်ပြီးနောက်ပိုင်းမှာ မြန်မာကဗျာတွေရဲ့ ပုံစံဟာ လုံးဝပြောင်းလဲသွားပါတယ်။
ရေမွန်ဝဏ္ဏ
(နိုင်းနိုင် ရဲ့ '၏'ကဗျာစာအုပ် အမှာစာ)

၎။ နိုင်ငံရပ်ခြားကဗျာတွေ ကို မဖတ်နိုင်ကြတဲ့ လူငယ်ကဗျာသမားတွေဟာ မောင်သာနိုးရဲ့ 'ထင်းရှူးပင်ရိပ် 'မှာ အားဖြည့်ကြပါတယ်။ မြဇင်နဲ့ မောင်သာနိုး နှစ်ဦးရဲ့ ကျေးဇူးနဲ့ ကျနော်တို့တတွေ ခေတ်ပေါ်ကဗျာလမ်းကို နင်းမိကြပါတယ်။..... ကျနော်တို့ မန္တလေး ကဗျာဆရာများဟာ ခေတ်စမ်းလက်သစ်တွေအဖြစ် ယက်ကန်ယက်ကန် ပါပဲ။ နောက်ပိုင်း လူငယ်တွေကတော့ ရှေးဟောင်းစာပေ သံယောဇဉ် နည်းကြတဲ့ မောဒန်လမ်းပေါ်ရဲရဲလျှောက်သွားကြပါတယ်။
မောင်စွမ်းရည်
(ကဗျာ့နရီ နှင့်နိမိတ်ပုံ တတိယအကြိမ် အမှာစာ)
၅။ မောင်သစ်တည်(မြသန်းတင့် ) ၏ ဘာသာပြန်ကဗျာများထဲမှ ယုဂိုဆလဗ် ကဗျာဆရာ ဗာ့စကို ပေါ့ပါ ၏ 'ကွာဝေး'(၁၉၇၅၊ရှုမဝ) ကိုဖတ်ရှုရပြီး အောင်ချိမ့်သည် ''ကျနော်လန့်ဖြန့်ပြီး အသဲခိုက်ရ၊ကျနော်တို့တတွေ ယောက်ယတ်ခတ်ခဲ့ရတဲ့ 'ကွာဝေး'ပါပဲ။ ဟု ရေးခဲ့ပါတယ်။
(မောင်သစ်မင်းဘာသာပြန် ကွာဝေး အမှာစာ)

၆။ ထင်းရှူးပင်ရိပ်ဟာ ခေတ်ပေါ်ကဗျာရဲ့ ဒစ်ရှင်နရီ
အောင်ချိမ့်
(သစ်ရွက်အသေများပေါ်မှ ရက်စက်သောဂီတ /ဒု-ကြိမ် အမှာစာ)

ရန်ကုန်နည်းပညာတက္ကသိုလ် စာပေအသင်း (YTU -Literature Association) /Poetry Workshop မှာဖတ်ကြားဆွေးနွေးခဲ့တဲ့ အရေးအသားဖြစ်ပါတယ်။

မျိုးတေဇာမောင်

↧

ကာတွန်း ရွှေဗိုလ် - ရေတိမ်

August 2, 2018, 3:32 pm

≫ Next: ကိုသစ် (သီတဂူ) ● မုန်တိုင်းထဲက ဖယောင်းတိုင် - အပိုင်း (၁၉)

≪ Previous: မျိုးတေဇာမောင် - ကဗျာကို ဘာသာပြန်ခြင်း

ကာတွန်း ရွှေဗိုလ် - ရေတိမ်

(မိုးမခ) သြဂုတ် ၃၊ ၂၀၁၈

↧

ကိုသစ် (သီတဂူ) ● မုန်တိုင်းထဲက ဖယောင်းတိုင် - အပိုင်း (၁၉)

August 3, 2018, 5:37 am

≫ Next: ကာတွန်း ဇာနည်ဇော်ဝင်းရဲ့ အဖျားရှူးနေလေသော နိုင်ငံ

≪ Previous: ကာတွန်း ရွှေဗိုလ် - ရေတိမ်

ကိုသစ် (သီတဂူ) ● မုန်တိုင်းထဲက ဖယောင်းတိုင် - အပိုင်း (၁၉)
(မိုးမခ) သြဂတ်စ် ၃၊ ၂ဝ၁၈

ဘုန်းတော်ကြီးဒလိုင်းလားမား အိန္ဒိယပြည်ကိုရောက်သွားပြီဟူသော သတင်းက တိဗက်ပြည်သူတွေကို စိတ်သက်သာရာ ရစေပါသည်။ ဘုန်းတော်ကြီး ဒလိုင်းလားမားသည် တိဗက်ပြည်သူတို့အတွက် သက်ရှိဘုရားတဆူပင်ဖြစ်သည်။ အရာရာ အားလုံးကို ဆုံးရှုံးရမည်ဆိုလျှင်တောင်မှ ဒလိုင်းလားမားကိုယ်တော်လေးကို မဆုံးရှုံးသေးသရွေ့ ဆုံးရှုံးသည်ဟု တိဗက်ပြည် သူတွေက မခံယူ။ လားမားကိုယ်တော်လေး ဒီကမ္ဘာကြီးထဲမှာ သက်ရှိထင်ရှားရှိနေခြင်းက တိဗက်ပြည်သူတွေကို အားသစ် အင်သစ်တွေ တိုးစေခဲ့ပါသည်။ အသက်နှင့်ခန္ဓာ တည်မြဲနေသေးသရွေ့ လားမားကိုယ်တော်လေးကို ဖူးမြင်ခွင့်ရဖို့ အခွင့် အရေးတွေ သူတို့မှာ အပြည်အဝရှိနေသေးသည်။ ဘဝမှာ ဘာမှကြီးကြီးမားမား မဖြစ်လို။ သို့သော် တကြိမ်တခါလောက်တော့ လားမား ကိုယ်တော်လေးကို ဖူးမြင်ခွင့်ရချင်ကြသည်မှာ တိဗက်လူမျိုးတို့၏ အပြင်းပြဆုံး ဆန္ဒတစ်ခုပင်ဖြစ်သည်။

တိဗက်ပြည်သည် အရင်လိုလွတ်လပ်သော တိဗက်တိုင်းပြည်တခု မဟုတ်တော့။ အရင်လို တရားသံတွေ၊ ဂါထာမန္တရား ရွတ်အံသံတွေ မကြားရတော့။ ပုတီးစိပ်သံ၊ ကြေးစည်သံတို့ ဆိတ်သုဉ်းသွားခဲ့ကြလေပြီ။ တောင်တန်းကြီးများ၊ ထင်းရှုးတော ကြီးများကိုဖြတ်ပြီး ဆီးနှင်းတို့ ထူထပ်သိပ်သည်းစွာ ကျလေ့ရှိသော တိဗက်ပြည်၊ ရေခဲတောင်ကြီး တွေကြားမှာ လားမားတို့၏ သင်္ကန်းရောင်ဖြင့် လှချင်တိုင်းလှနေသည့် တိဗက်ပြည်၊ ရိုးသားမှု၊ စာနာမှုနှင့် မေတ္တာတရားတို့ဖြင့် ထုံမွှမ်းထားအပ်သော တိဗက် ပြည်သည် အခုတော့ သေဆုံးသွားခဲ့ရပြီဖြစ်သည်။ “ကိုယ်နေထိုင်နေတဲ့ ကိုယ့်တိုင်း ပြည်ဆုံးရှုံးသွားတယ်ဆိုတာ တကယ်တော့ ကိုယ့်မိဘတွေ သေဆုံးသွားတာနဲ့ အတူတူပဲပေါ့ဗျာ”ဟု တိဗက်အမျိုးသားကြီး လော့ဆန်ညိမ်မက ဝမ်းနည်း စကားဆိုပါသည်။

တိဗက်ပြောက်ကျားတပ်များရဲ့ အခြေအနေက တနေ့တခြားဆိုးရွား လာလေပြီ။ လက်နက်ခဲယမ်းများလည်း သိပ်မရှိတော့။ လက်နက်အတွက် အိမ်နီးချင်းနိုင်ငံများဖြစ် သည့် အိန္ဒိယ၊ နီပေါနှင့် ဘူတန်တို့ကို အားကိုးလို့မရတော့။ သူတို့ကိုယ်တိုင်က ပီကင်းရဲ့ ငြိုငြင်မှာကို စိုးရိမ်နေကြသူများဖြစ်သည်။ တိဗက်ပြောက်ကျားတပ်တချို့ လက်နက် ချလိုက်ပြီဆိုသော သတင်း တွေ နေ့စဉ်လိုလို ကြားနေရသည်။ သူတင်ကိုယ်တင် ယှဉ်ပြိုင်သည့်နေရာမှာ အင်အားချင်းမျှဖို့ အရေးကြီးကြောင်း တိဗက် တို့ ကောင်းကောင်းနားလည်သွားပြီဖြစ်သည်။ သူတို့ရဲ့ မီးကျိုးမောင်းပျက် လက်နက်ကလေးများဖြင့် ခေတ်မီတရုတ် တပ်မတော်ကြီးကို အဘယ်သို့လျှင် တန်ပြန်ခုခံတိုက်ခိုက်နိုင်ပါအံ့နည်း။ တရုတ်စစ်သားများက တရွာဝင်တရွာထွက် တအိမ် တက်ဆင်း စစ်ဆေးရှာဖွေပြီး တိဗက်အမျိုးသားများကို ဖမ်းဆီးနေပြီဖြစ်သည်။ မြို့တော်လာဆာကို သိမ်းပိုက် ပီးနောက် ဇုန် သုံးခုဖြင့် ထိန်းချုပ်ထားပြီဖြစ်သည်။ အများစုကတော့ တောင်တန်းများ ရေခဲပြင်ကြီးများကိုဖြတ်ကျော်ပြီး အိမ်နီးချင်း တိုင်းပြည်များသို့ ထွက်ပြေးတိမ်းရှောင် နေကြပြီဖြစ်သည်။ အခုတော့ နယ်စပ်ဒေသမှာရှိသည့် ထွက်ပေါက်များကိုပါ ပိတ်ဖို့ ကြိုးပမ်းနေကြလေပြီ။ လမ်းများကို တင်းတင်းကျပ်ကျပ်ပိတ်ဆို့ စစ်ဆေးပြီး ညမထွက်ရ အမိန့်ထုတ်သည်။ သစ်နှင့် သဘာဝတွင်းထွက်ပစ္စည်းများကို ကားကြီးကားငယ်များဖြင့် ပြည်မကြီးသို့ သယ်ယူနေလေပြီ။ ဟောင်ကောင်နှင့် ထိုင်ဝမ်ဈေး ကွက်တွင် တိဗက် ရှေးဟောင်းပစ္စည်းများက နေရာယူထားပြီးဖြစ်သည်။

ဒလိုင်းလားမားကိုယ်တော်လေးသည် အိန္ဒိယနိုင်ငံကို ဘေးကင်းစွာရောက်ရှိသွားသည့် တိုင် တိဗက်ပြည်မှာ ပန်ချန်းလားမား ကိုယ်တော်လေး ကျန်နေခဲ့သည်။ တော်လှန်ရေး ကာလသုံးလအတွင်းမှာ နှစ်သောင်းကျော်သော တိဗက်ပြည်သူများ အသက်ပေးခဲ့ကြရပြီးပြီ။ ယခုအချိန်ထိလည်း ဖမ်းဆီးချုပ်နှောင်မှု၊ ညှင်းပမ်းနှိပ်စက် သတ်ဖြတ်မှု တွေရှိနေသေးသည်။ လက်နက်ချင်း၊ အင်အားချင်း မညီမျှသည့် ဒီတိုက်ပွဲကို ဆက်ပြီး ဆင်နွှဲနေဦးမည်ဆိုလျှင် တိဗက်ပြည်သူတွေ ဒီထက်ပိုပြီး အထိနာဖို့ပဲ ရှိပါသည်။ တိဗက်ပြောက်ကျားစစ်ပွဲ ဆင်နွှဲခြင်းကို ရပ်မှဖြစ်တော့မည်။ ၁၉၅၉-ခု ဧပြီလ ၃ဝ-ရက်နေ့မှာ လက် နက်ကိုင်တော်လှန်ရေးကို စွန့်လွှတ်လိုက်ပြီဖြစ်ကြောင်း ပန်ချန်း လားမားကိုယ်တော်လေးက ကြေညာလိုက်ပါသည်။ တိဗက်ပြောက်ကျားစစ်ဆင်ရေးတို့ အဆုံးသတ်သွားလေပြီ။ တနှစ်ကျော်ကြာဆင်နွှဲခဲ့သည့် စစ်ဆင်ရေးအတွင်းမှာ ရှစ် သောင်းခုနှစ်ထောင်ကျော်သော တိဗက်ပြည်သူတို့ အသက်ဆုံးရှုံးခဲ့ရပါသည်။

စစ်သုံ့ပန်းအဖြစ် ဖမ်းဆီးထိမ်းသိမ်းခံရသူအများစုကို ရဲဘက်စခမ်းတွေဆီပို့သည်။ ကျောက်ထုတ်စခမ်းတွေမှာ ကျောက်ထု ခိုင်းသည်။ လမ်းဖောက် သစ်ထုတ်နှင့် မိုင်းတွင်း စသည့် အလုပ်ကြမ်းတွေရှိရာဆီကို ပို့သည်။ သြဇာတိက္ကမကြီးမားလှသည့် လားမားကြီး များကို ဖမ်းဆီးထိမ်းသိမ်းလိုက်ပြီး ဘုန်းကြီးကျောင်းများကို ပိတ်ပစ်ခဲ့သည်။ ၁၉၅၉-ခုနှစ်ကနေ ၁၉၆၁-ခုနှစ်ထိ နှစ်နှစ်အတွင်း ကျောင်းပေါင်း ခြောက်ထောင့်ငါးရာ နှစ်ဆယ့်လေးကျောင်းကို ဖျက်ဆီးပစ်ခဲ့သည်ဟုဆိုပါသည်။ တိဗက်ပြည် ရဲ့ ပထမဆုံးကျောင်းဖြစ်မှာ စမ်မြေကျောင်းဖြစ်ပြီး လားမားငါးရာကျော် နေထိုင်သီတင်းသုံး နေသည့် ကျောင်းတိုက်ကြီး တတိုက်ဖြစ်သည်။ ယခုတော့ လားမာ ၃၆ ပါးမျှသာ ကျန်တော့သည်။ ကျောင်းဆောင်အများစုကလည်း ဖျက်ဆီးခံလိုက် ရပြီဖြစ်သည်။ တချိန်တုန်းက ပျော်ရွှင် စရာကောင်းသည့် အနာဂတ်မျှော်လင့်ချက်တွေက အခုတော့ စိုးရိမ်ထိန့်လန့်မှုတွေနှင့် ရောပြွမ်းနေပြီဖြစ်သည်။ လုံခြုံမှုကင်းမဲ့ပြီး စိုးရိမ်မှုများဖြင့် ရှင်သန်နေရသောဘဝသည် တန်ဖိုးမဲ့သော ဘဝတခုပင်ဖြစ်သည်။ တိဗက်ပြည်မှာကျင့်သုံးနေသည့် တရုတ်ပေါ်လစီက သားရေဦးထုပ်စိုနှင့်တူနေကြောင်း တိဗက်လွတ်မြောက်နယ်မြေမှာ ရောက် ရှိနေသည့် တိဗက်အမျိုးသားကြီး လော့ဆန်ညိမ်မက ပြောပါသည်။ သံသယ၊ အကြောက်တရားနှင့် စိုးရိမ်ထိန့် လန့်မှုတို့ဖြင့် ရှင်သန်ရသောဘဝသည် အဓိပ္ပါယ်မဲ့သောဘဝများသာဖြစ်ကြောင်း တိဗက်ပြည်သူတို့က ပိုသိပါသည်။

ဒီဇင်ဘာမြူနှင်းတွေက တိဗက်ပြည်ကို မိမိရရ လွှမ်းခြုံထားပြီဖြစ်သည်။ ဘယ်ကိုပဲ ကြည့်လိုက်ကြည့်လိုက် တွေ့မြင်နေရသည့် မြင်ကွင်းတွေက မပီဝိုးတဝါး။ မြူခိုး တွေဝေနေပြီး ဆီးနှင်းတွေ တဖွဲဖွဲကျနေသည့် ဆောင်းရာသီအောက်မှာ တိဗက်တောင် တန်းကြီးတွေကတော့ အိပ်မောကျနေကြလေပြီ။ တိဗက်ပြည်သူတွေမှာတော့ အိပ်လို့ ပျော်မှပျော်ကြပါ့မလား ကျနော်တပ် အပ်သေချာမသိ။ တိဗက်ပြည်သူတွေရဲ့ မျှော်လင့်ချက်တွေက ဟိမဝန္တာတောင်တန်းကြီးတွေပေါ်ကနေ ဖြာကျလာသည့် ဆီးနှင်းခဲကြီးတွေနဲ့ တူသလား၊ မတူသလား ကျနော်မဝေခွဲတတ်တော့။ တောအထပ်ထပ် တာင်အစွယ်စွယ်ကို ဖြတ်ကျော် တိုက်ခတ်လာသည့် တိဗက်ပြည်ရဲ့ လေနုအေးက တိဗက်ပြည်သူတွေကို မနွေးစေတော့ဘူးတဲ့ဗျာ။

ဆက်လက်ဖော်ပြပါဦးမည်။

ကိုသစ် (သီတဂူ)
၈၊ ၂၊ ၂ဝ၁၈

↧

ကာတွန်း ဇာနည်ဇော်ဝင်းရဲ့ အဖျားရှူးနေလေသော နိုင်ငံ

August 3, 2018, 5:42 am

≫ Next: ဥုံဖွ - "ထောင်သရဲနှင့် ဘာယာဒုတ်"

≪ Previous: ကိုသစ် (သီတဂူ) ● မုန်တိုင်းထဲက ဖယောင်းတိုင် - အပိုင်း (၁၉)

ကာတွန်း ဇာနည်ဇော်ဝင်းရဲ့ အဖျားရှူးနေလေသော နိုင်ငံ

(မိုးမခ) သြဂတ်စ် ၃၊ ၂၀၁၈

↧

ဥုံဖွ - "ထောင်သရဲနှင့် ဘာယာဒုတ်"

August 3, 2018, 11:50 am

≫ Next: Myanmar NOW - ဒေါ်ညိုညိုသင်းနှင့် တွေ့ဆုံမေးမြန်းခြင်း

≪ Previous: ကာတွန်း ဇာနည်ဇော်ဝင်းရဲ့ အဖျားရှူးနေလေသော နိုင်ငံ

ဥုံဖွ - "ထောင်သရဲနှင့် ဘာယာဒုတ်"
(မိုးမခ) သြဂုတ် ၄၊ ၂၀၁၈

အရေးတော်ပုံကာလအတွင်းမှာ အရေးတော်ပုံကြီးကို သေးသိမ်စေမည့် လူသတ် ခေါင်းဖြတ် စတဲ့ ပြစ်မှု့ကြီးတွေကို ကျူးလွန်ပြီးအင်းစိန်ထောင်ထဲမှာ ပြစ်ဒဏ်ခံနေကြတဲ့ ရန်ကုန်ဘက်က လူရမ်းကား လူမိုက်အုပ်စုတွေဟာ ၉၃ အလွန် ကာလအရောက်မှာတော့ တောင်ငူထောင်ထဲကို ထောင်ပြောင်းအဖြစ်နဲ့ ရောက်လာကြပြီး ဗိုလ်ကျစိုးမိုး ခဲ့ကြဘူးတယ်။ ထောင်ပိုင်ကို လစာမက မက်မောလောက်တဲ့ ရွှေတိုငွေစ ပေးရုံတင်မက လစဉ် ရွှေ ၂ ကျပ်သား တန်ကြေးရှိတဲ့ငွေကို ပေးမယ်ဆိုတဲ့ မက်လုံးတွေနဲ့ နယ်ခံဖြစ်တဲ့ ၆ ဆောင်ပိုင်တန်းစီးကို ဖြုတ်ခိုင်းပြီး နေရာဝင်ယူခဲ့တယ်။ လူပုံတွေက ခပ်ကြမ်းကြမ်း ခပ်ရမ်းရမ်း ထောင်ထောင်မောင်းမောင်းတွေနဲ့ ရွှေဘတောင် လန့်လောက်တဲ့ စတိုင်တွေဆိုပဲ။

ဒီနေရာမှာ ထောင်ပြောင်းဆိုတဲ့ ဝေါဟာရခက်ဆစ်ကို နားလည်လွယ်အောင် ပြောပြရရင် အကျဉ်းသား
တယောက် ထောင်စည်းကမ်း မလိုက်နာလို့ပဲဖြစ်ဖြစ်၊ အုပ်စုဖွဲ့ပြီး ရမ်းကားတတ်လို့ပဲ့ဖြစ်ဖြစ်၊ ထောင်ပိုင် ထောင်မှူးတွေကို ထိုက်သင့်သလောက် ရေမလောင်းလို့ပဲဖြစ်ဖြစ်၊ ရန် ခဏခဏဖြစ်တတ်လို့ပဲ ဖြစ်ဖြစ် ထောင်ပြောင်းပေးတတ်ပြီး၊ တချို့လည်း လက်ရှိကျနေတဲ့ထောင်မှာ ကိုယ့်ထက်စွာတဲ့၊ မိုက်တဲ့၊ အစွမ်းထက်တဲ့၊ ဆရာကျတဲ့သူတွေကို မကျော်နိုင်လို့ တခြားထောင်ပြောင်းပြီး လူမိုက်လုပ်စီးပွားရှာလိုတဲ့ အကြံအစည်နဲ့ သက်ဆိုင်ရာ ထောင်ကျရုံး ကိုင်တဲ့ထောင်မှူးကို ငွေပေးပြီး ပြောင်းခိုင်းကြတာလည်း ရှိလေရဲ့။

ဒီလို ငွေပေးပြီး နေရာယူလာကြတဲ့ ထောင်ပြောင်းအုပ်စုတွေဟာ ပေးထားရတာနဲ့တန်အောင် ၀င်လာသ
မျှ "ကျသစ်"တွေကို ၀ုန်း ဒိုင်း ဗုန်း ဂွမ်းနဲ့ ထုနှက်ကန်ကျောက်ပြီး ကြောက်သွားအောင်လုပ် မတန်တဆငွေ
တောင်းကြပါတယ်။ မပေးနိုင်တဲ့သူတွေကိုတော့ စိတ်ကြိုက် ထိုးနှက်ကန်ကျောက်ပြီး စက်ဆုတ်ရွံရှာဘွယ်ကောင်းတဲ့ မိလ္လာဘုတ်ပို့ ချေးပုံးထမ်း ခိုင်းကြပါတယ်။ ကိုယ့်အိမ်က ထောင်ဝင်စာ လာတွေ့ရင်ပိုက်ဆံကို အမိအရတောင်းခိုင်းပြီး ဧည့်တွေ့တွေ ပြန်သွားတာနဲ့ ထောင်ဝင်စာထုပ်တွေထဲက စားသောက်စရာတွေကို အနိုင်ကျင့် ယူသွားလေ့ရှိပါတယ်။ တန်းစီးကိုယ်တိုင် ပေးကျွေးမွေးမြူထားတဲ့ ထောင်တွင်း လူမိုက် ခိုးဆိုးနှိုက်တွေကလည်း အင်အားတောင့်တင်းပေတာကိုး။

အိပ်ယာလိပ်ဆိုလည်း သူတို့အဖွဲ့ထဲကလူ ချုပ်တဲ့အိပ်ယာလိပ် ၀ယ်ရမယ်၊ ကော်ဖီမစ်ဆိုလည်း သူတို့အဖွဲ့ရောင်းတဲ့ ကော်ဖီမစ်ပဲ ၀ယ်ရမယ် စသဖြင့် ပိုက်ဆံရမည့် ဝင်ပေါက်မှန်သမျှကို သူတို့လူတွေပဲ အုပ်စိုးထားကြတယ်။ ကြာလာတော့ တခြားအကျဉ်းသားတွေ မကြည်ကြတော့ မခံရပ်နိုင်ကြတော့ဘူး။ ဖိလွန်းတော့ ကြွချင်ချင်ဖြစ်လာပြီ၊ တီးတိုးတီးတိုးဖြစ်လာပြီ။ နှစ်သေးသမားတွေက ကိုယ်ကျတဲ့နှစ်ကြည့်ပြီး သီးခံနေကြပေမည့် နှစ်ကြီးသမားတွေကတော့သေမထူး နေမထူးဇာတ်ခင်းဘို့ တာစူလာကြပြီ။

တော်လှန်မှုတခု၊ ပုန်ကန်မှုတခု၊ အရေးတော်ပုံတခု ဖြစ်တော့မည်ဆိုရင် လူစွမ်းကောင်း၊ သူရဲကောင်းဆို
တာ ပေါ်လာတတ်တယ်လို့ ဆရာမြတ်မင်းသူ ပြောတဲ့အတိုင်း လူစွမ်းကောင်း သတ္တိခဲ ၂ ယောက် ပေါ်လာတယ်။ တောင်ငူနယ်ခံတွေဖြစ်ကြတဲ့ စန်းမိုးနဲ့ ချစ်တော် "ချစ်ထော်"ဆိုတဲ့ လူရွယ်၂ယောက်။

စန်းမိုး ... သူက ထောင်ထဲမရောက်ခင် အပြင်မှာတုန်းက သနပ်ခါးပါးကွက်ကြားနဲ့ နေတတ်လွန်းလို့ သူ့ကို
အခြောက် လို့တောင်ခေါ်ပြီး အကြောင်းအားလျှော်စွာ လူသတ်မှုဖြစ်ပြီး ထောင်ကျလာတာ၊ သူ ထောင်ကျတော့ သူ့အသက်က ၁၇နှစ် ပိုပို ၁၈နှစ်သား လောက်ပဲရှိသေးသတဲ့။ နောက် ... ချစ်တော်"ချစ်ထော်"သူလည်း လူသတ်မှုနဲ့ ၀င်လာတဲ့ လူရွယ်တယောက်ပဲ။ သူတို့ရည်ရွယ်ချက်က နယ်မြေပြန်လုချင်တဲ့ ရည်
ရွယ်ချက် မဟုတ်ဘူး။ အကျဉ်းသားအားလုံးအပေါ် မတရားလုပ်လို့၊ ဖိနှိပ်လို့၊ အနိုင်ကျင့်လွန်းလို့ ဒီလိုကြံစည်ကြတာ၊ မင်းသားကြီး သီဟတင်စိုးရဲ့ ဇာတ်လမ်းတွေထဲက စိတ်ဓာတ်မျိုးနဲ့ ဆိုပါတော့။

တယောက်ချင်းဆိုရင် တန်းစီးရဲ့ ခွန်အားဗလနဲ့ အရပ်အမောင်းအပြင် သူမွေးထားတဲ့ ခွေးဆိုးတွေပါ ရှိနေ
တော့ ယှဉ်ဘို့မလွယ်ဘူး။ ထောင်ပိုင်ကို သွားတွေ့ ပူဇော်ပြီး ပြန်လာချိန်မှာတော့ တယောက်ထဲ သွားလာတတ်တဲ့ ဟာကွက်ကိုစောင့်ပြီး နှစ်ယောက် ၀ိုင်းတွယ်ပြီး ပွဲသိမ်းခရာ မှုတ်ပေးလိုက်ကြတယ်။
ထောင်ပိုင်တွေသိသွားပြီးသက်သက်သာသာပဲ ထောင်တွင်းပြစ်ဒဏ် ချလိုက်ပါတယ်။ "တသေဒဏ်၊
တကျွန်းနဲ့ တိုက်ပိတ်ပြစ်ဒဏ်" ... တဲ့။

တကယ်တော့ ထောင်တွင်းပြစ်ဒဏ်ဆိုတာ တရားရုံးပြစ်ဒဏ်လို မဟုတ်ဘူး။ ပါးစပ်ထဲ တွေ့တဲ့အတိုင်း မ
ထင်ရင်မထင်သလို ပြစ်ဒဏ် ချတတ်တာမျိုးကိုး။ နောင်ကျဉ်အောင်ဆိုတဲ့ သဘောမျိုး။ နောက်လူတွေ မလုပ်ရဲအောင် ဆိုတဲ့ သဘောမျိုးတွေလည်း ပါချင်ပါမှာပေါ့။ တရားရုံးပြစ်ဒဏ်ကတော့ သိရင်သိသလို၊ မျက်နှာ
ကြီးရင် ကြီးသလို၊ ပေးနိုင်ရင်ပေးနိုင်သလို၊ သနားရင် သနားသလို လိုတိုး ပိုလျှော့ရှိတယ်။ အင်း ... သနားရင် သနားသလို ဆိုတဲ့စကားကို စာအရသာ ရေးရတာပါ၊ တရားသူကြီးဖြစ်တဲ့နေ့ကစပြီး သနားတတ်တဲ့စိတ်ကို ၀ါသနာနှင့်တကွ ပယ်သတ်ထားတတ်ကြပြီး "ဤအမှုတွင် အမှန်အကန် စားပါမည်၊ အကယ်၍ မစားမိပါက ကျမ်းစူးပါစေသား"ရယ်လို့ ကျမ်းကျိမ်ခဲ့ကြလေသလားမသိ။

ဆေးမှုနဲ့ကျနေတဲ့ "နောင်နောင်"ဆိုတဲ ကောင်လေးတယောက်ကို ထောင်ထဲကို ဆေးပြားတွေသွင်းတာ မိလို့ "ထောင်တသက်၊ လွတ်ရက်မရှိ" ထောင်တွင်းပြစ်ဒဏ် ခံချထားတာကိုလည်း တွေ့ခဲ့ရပါတယ်။ သွင်းတဲ့လူကလည်း ရောက်အောင်သွင်းတတ်ပြီး၊ ချတဲ့လူတွေကလည်း တန်အောင် ချတတ်ကြပါပေရဲ့။

သူတို့နှစ်ယောက် တိုက်ထဲရောက်သွားချိန်မှာ တန်းစီးအသစ် တက်လာတယ်။ သူ့နာမည်ကတော့ "ချက်ကြီး"တဲ့။ သူ့အကြောင်းကို စုံစမ်းကြည့်လိုက်တော့ သူ့ရဲ့အထက်အရာရှိကို သတ်ပြီး ထောင်ထဲ ၀င်လာတဲ့ စစ်သား။ ဖြစ်ပုံက ဒီလို ... သူ့အထက်အရာရှိသမီးနဲ့က ရည်းစားတွေ ဖြစ်နေကြတာ တဲ့။ အဲဒါကိုသိပြီး "ငါ့သမီးနဲ့ တူသလား တန်သလား ဘာညာနဲ့ မတူမတန် မှိုချိုး၊ မျှစ်ချိုး ပြောပြီး လူကြားထဲမှာ ပါးရိုက်လိုက်လို့ ရှက်ဒေါသတွေဖြစ်ပြီး သတ်ပစ်လိုက်တာတဲ့။ လူပုံက သေးကွေးပေမည့် ဇ က မသေးဘူး။

သူ တက်လာလာချင်း အကျဉ်းသားတွေကို "အခုအချိန်ကစပြီး တယောက်နဲ့တယောက် အနိုင်မကျင့်ကြနဲ့၊ဒီထဲကို ပျော်လို့ ဆိုပြီး လာနေတဲ့သူ တယောက်မှ မပါဘူး။ ပေးနိုင်တဲ့လူ ပေး၊ မပေးနိုင်တဲ့လူ နေ၊ ရှိတဲ့အလုပ်တွေကိုတော့ ညီညီညာညာနဲ့ မခိုမကပ်လုပ်ကြ၊ ဟိုတိုက်ထဲ ရောက်နေတဲ့ နောင်တော်ကြီးတွေကို ကျေးဇူးတင်ကြ၊ သူတို့လွတ်လာရင် အခုလုပ်နေတဲ့တန်းစီးနေရာက သူတို့နေရာပဲ"လို့ ခပ်တိုတိုပဲ ပြောသွားတယ်။

သူ့လက်ထက်မှာ တော်တော်ပြောင်းလာတယ်။ အခုလို ၀ါတွင်းကာလတွေမှာ သံဃာတွေပင့်ပြီး သီလပေး
တရားနာပွဲတွေ လုပ်ပေးတယ်။ လပြည့် လကွယ်နေ့တိုင်း ပဌာန်းတို့၊ ဓမ္မစင်္ကြာတို့ ရွတ်ဘို့ အဖွဲ့တွေ ဖွဲ့ပေးတယ်။ ဒီအဖွဲ့တွေကို သူကိုယ်တိုင်ဦးစီးပြီး ကော်ဖီတို့၊ မုန်တို့၊ လဘက်သုတ်တို့ စတာတွေ စီစဉ်ပြီး ကျှေးမွေးတယ်။ အကျဉ်းသားတွေ တီဗွီကြည့်ရဘို့ ထောင်ပိုင်နဲ့ အကြီးအကျယ် ငြင်းခုံဆွေးနွေးပြီး တီဗီ သွင်းခွင့်ရအောင် လုပ်တယ်။ တီဗွီဝယ်ဘို့အတွက် တတ်နိုင်တဲ့သူတွေ စေတနာရှိသလောက် ထည့်ဝင်ကြဘို့ တိုက်တွန်း စည်းရုံးပြီးဝယ်တယ်။ သင်္ကြန်ရက်တွေမှာ တဆောင်နဲ့ တဆောင် အပြိုင်အဆိုင် မုံ့လုံးရေပေါ်၊ သာကူ၊ မုန့်ဟင်းခါး၊ ကြာဇံ စတာတွေ ချက်ပြုတ် စီမံပေးပြီး စိတ်ညစ်နေတာတွေကို ပြေပျောက်အောင် လုပ်ပေးတယ်။

တီဗွီကို ည ၉ နာရီ ထိ ကြည့်ခွင့်ရတယ်။ ၉ နာရီ ထိုးတာနဲ့ အိပ်ချိန်သတ်မှတ်ပြီး တီဗွီပိတ်၊ ပိတ်ပြီး အလှည့်ကျကင်းသမားတွေ ကင်းစောင့်ပြီး အခြေအနေကို သတင်းပို့၊ ပို့ပြီးတာနဲ့ ၀ါးကုလားတက်ကို တောက် တောက် တောက် တောက် တောက် လို့ ရှေ့ ၂ ချက် ကို နဲနဲခြားပြီး နောက် ၃ ချက် ကို ဆက်တိုက် ခေါက်ရတယ်။

ကင်းသမားကို "ဘာယာ"လို့ ခေါ်တယ်။ ကင်းချိန်တွေက ၉ နာရီ ကနေ ၁၁ နာရီ၊ ၁၁ နာရီ ကနေ ၁ နာရီ၊ ၁ နာရီ ကနေ ၃နာရီ၊ ၃ နာရီ ကနေ ၅ နာရီထိ လေးချိန် စောင့်ရတယ်။ ၅ နာရီ ကျတဲ့ နောက်ဆုံး ကင်းသမားက သူ့အချိန်ပြည့်တာနဲ့ အားလုံးကိုနှိုး ဘုရားဝတ်တက်ရတယ်။ ည အိပ်ချိန်၉ နာရီ ကနေ ၅ နာရီ ထိ တာဝန်အရှိဆုံးနဲ့ အာဏာအရှိဆုံးက "ဘာယာ"လို့ခေါ်တဲ့ ကင်းသမား။

တန်းစီးရဲ့ အာဏာကုန်လွှဲအပ်ခြင်းခံရသူ၊ တယောက်နဲ့ တယောက် ထ ရန်ဖြစ်ကြ၊ သတ်ကြရင်ပဲ ဖြစ်ဖြစ်၊
ထောင်ဖောက်ပြေးရင်ပဲ ဖြစ်ဖြစ် ဘာယာရဲ့တာဝန်၊ သူ့လက်ထဲက ဘာယာဒုတ်နဲ့လည်း ရိုက်ခွင့် ရှိသလို
ဘာယာဒုတ်နဲ့ ကုလားတက်ကို ခေါက်ပြီးတော့လည်း နှိုးခွင့်၊ သတင်းပို့ခွင့်ရှိတယ်။

သရဲခြောက်တယ်၊ သရဲစီးတယ်ဆိုတဲ့ အဖြစ်မျိုးကို အပြင်မှာတုန်းက ကြားဖူးရုံသာ ရှိခဲ့ပေမည့် ထောင်ကျ
ကာမှ တခန်းလုံးကို သရဲစီးပြီး အိပ်နေသူတွေ အားလုံး အသံနက်ကြီးတွေနဲ့အော်ကြတဲ့ အသံတွေကို ကြားမိမှ ထိတ်လန့်ကြောက်ရွံပြီး အသားတွေ တဆတ်ဆတ်တုန်အောင် ဖြစ်ခဲ့ရတယ်။ ကိုယ်တွေနေခဲ့ရတဲ့ အဆောင်မှာ ဖြစ်တာတော့မဟုတ်ဘူး။ တခြားအဆောင်မှာဖြစ်တာ။

သရဲ စပြီး စီးတော့မည့်အသွင်မျိုး အိပ်နေရင်း ၀ူးဝူးဝါးဝါး စဖြစ်ချိန်မှာ အဲဒီအကျဉ်းသားကို ဘာယာဒုတ်နဲ့
ရိုက်လိုက်လို့ရင် သရဲမစီးတော့ဘူးတဲ့။ စ စီးပြီး ၂ယောက်၊ ၃ယောက်လောက် အော်လာပြီ ဆိုရင်လည်း နောက်လူတွေ ဆက်မစီးအောင် နောက်ဆုံး အစီးခံနေရတဲ့အကျဉ်းသားကို ရိုက်လိုက်ရင်လည်း ရပ်သွားသတဲ့။ ခပ်ထူထူ ခပ်အအ ကောင်မျိုး ကင်းကျပြီး အမြန်မတားဆီးနိုင်တဲ့ အချိန်မျိုးဆိုရင်တော့ တဆောင်လုံး အစီးခံရပြီး ဆူညံ ပွက်လောရိုက်ပြီသာ မှတ်ပေရော့။ ဒါက ယောက်ျားလေးဆောင်မှာ စီးတဲ့ သရဲ။

မိန်းကလေးဆောင်က သရဲကြတော့ စီးတာမဟုတ်ဘူး။ ခီး တာတဲ့။ မိန်းမဆောင်က သရဲအကြောင်းကိုတော့ ကိုယ်တွေလို ၂ လုံး မှု နဲ့ ကျခဲ့တဲ့လု ပ်ဖော်ကိုင်ဘက်က ပြန်ပြောပြ
လို့ သိရတာ။ သူလည်း လက်တွေ့မကြုံခဲ့ဘူးပေမည့် သူ့ရှေ့က နှစ်ကြီးကျတဲ့ စီနီယာအမကြီးတယောက်လက်တွေ့ဖြစ်ခဲ့တဲ့ အကြောင်းပြောပြလို့ ကြောက်ပြီး ညအိပ်တိုင်း ဘုရားစာတွေရွတ်ပြီး စောင်နဲ့တင်းနေအောင် ပတ်ပြီးမှ အိပ်သတဲ့။ သူစီးတဲ့ အချိန်မှာ မလှုပ်နိုင်၊ မရုန်းနိုင်အောင် ဖြစ်
ပြီး လင်မယားအရသာကို အပြည့်အ၀ ခံစားရသလိုပဲတဲ့။ သရဲထွက်သွားတဲ့အချိန်မှာတော့ အားအင်တွေ
ဆုတ်ယုတ်သွားပြီး နွမ်းလျှ မောဟိုက် သွားသတဲ့။ သူလည်း သူ့ရှေ့က တယောက် သတိပေး ပြောကြားထားဘူးပေမည့် ရှောင်တိမ်းခြင်းငှါ မတတ်သာခဲ့ပါဘူးတဲ့။ သေချာတယ် ... ဒီသရဲကတော့ မုဒိန်းကောင်သေလို့ ၀င်စားတဲ့ သရဲပဲ နေမှာ။

မှတ်ချက်။ ။ ညစ်ပတ်ပြီး ရေးခြင်း မဟုတ်ပါ၊ အမှန်ကို ရေးသားခြင်းသာ ဖြစ်ပါသည်၊ ရိုင်းသည်ဟု ယူဆပါ
က အနူးအညွတ်တောင်းပန်ပါသည်။ ။

ဥုံဖွ

↧

Myanmar NOW - ဒေါ်ညိုညိုသင်းနှင့် တွေ့ဆုံမေးမြန်းခြင်း

August 3, 2018, 12:03 pm

≫ Next: မောင်အောင်မွန် (၀င်းအောင်ကြီး) - ၈-၈-၈၈ ရောင်းစားသူ၊ ကောင်းစားသူနှင့် သေသွားသူများ (၁)

≪ Previous: ဥုံဖွ - "ထောင်သရဲနှင့် ဘာယာဒုတ်"

Myanmar NOW - ဒေါ်ညိုညိုသင်းနှင့် တွေ့ဆုံမေးမြန်းခြင်း
ဖြိုးသီဟချို/Myanmar Now
(မိုးမခ) သြဂုတ် ၄၊ ၂၀၁၈

"တိုင်းပြည်မှာ ကြုံတွေ့နေရတဲ့ စီးပွားရေး၊ ပညာရေး၊ နိုင်ငံရေး အခက်အခဲတွေကို အခြေခံဥပဒေမပြင်ဘဲနဲ့ အနည်းဆုံး ၅၀ ရာခိုင်နှုန်းလောက် တော့ ဖြေရှင်းနိုင်ပါတယ်။ မယုံရင် လုပ်ပြမယ်။ တကယ်လုပ်ပြနိုင်ပါတယ်။"
================

ရန်ကုန် တိုင်းဒေသကြီးလွှတ်တော် ကိုယ်စားလှယ်ဟောင်း ဒေါ်ညိုညိုသင်းသည် ဥပဒေ၊ ကျားမနှင့် နိုင်ငံရေးကျောင်းဖြစ်သော School of Law, Gender and Politics (SLGP) နှင့် တရားရုံး၊ လွှတ်တော်နှင့်အစိုးရ စောင့်ကြည့်ရေး အဖွဲ့ ဖြစ်သော Yangon Watch တို့ကို တည်ထောင်သူဖြစ်သည်။ Myanmar Now နှင့်တွေ့ဆုံရာတွင် အခြေခံဥပဒေပြင်ဆင်ရေး၊ တရားစီရင် မဏ္ဍိုင်ကဏ္ဍ၊ တပ်မတော်နှင့်နိုင်ငံရေး စသည့် အချက်များကို ဖြေကြားထားသည်။

မေး။ ။ ဒေါ်ညိုညိုသင်းဟာ ၂၀၀၈ ခုနှစ် အခြေခံဥပဒေကို လွှတ်တော်ထဲဝင်ပြင်မယ်ဆိုပြီး ၂၀၁၀ ပြည့်နှစ် ရွေးကောက်ပွဲမှာ ဝင်ရောက် ယှဉ်ပြိုင်ခဲ့သူဖြစ်ပါတယ်။ ခုအချိန်မှာ ပြန်ကြည့်ရင် အဲဒီတုန်းက ရွေးကောက်ပွဲ ဝင်ရောက်ယှဉ်ပြိုင်ခဲ့တဲ့ ဆုံးဖြတ်ချက် ဘယ်လောက်မှန်ကန်မှုရှိပါသလဲ။ အခြေခံဥပဒေကိုအရင် ပြင်ဆင်ပြီးမှ သာ ရွေးကောက်ပွဲဝင်ဖို့ တိုက်တွန်းခဲ့သူတွေကိုရော ဘာများပြောချင်ပါသလဲ။

ဖြေ။ ။အဲဒါက ပြောဖို့ခက်ပါတယ်။ ဘာကြောင့်လဲဆိုတော့ အဲဒီလို နှိုင်းယှဉ်ဖို့ဆိုတာ အခြေခံဥပဒေပြင်ပြီးမှ ရွေးကောက်ပွဲ ဝင်ခဲ့တဲ့ဖြစ်ရပ်နဲ့ နှိုင်းယှဉ်ကြည့်စရာမရှိလို့ပါပဲ။ ပြည်သူလူထုအနေနဲ့ရော နိုင်ငံရေး သမားတွေ အနေနဲ့ရောပေါ့။ တကယ်ပဲ ဒီမိုကရေစီ စံနှုန်းအရ ဆိုရင်တော့ အခြေခံဥပဒေကို ပြင်ဆင်ပြီးမှ ရွေးကောက်ပွဲ ကိုဝင်တာ အကောင်းဆုံးပဲပေါ့။ ဒါပေမယ့်လည်း လက်တွေ့မှာ အဲဒါဟာ အခြေအနေမပေးခဲ့ပါဘူး။ အခြေအနေ လုံးဝမပေးခဲ့တာကလဲ ဒီနေ့ထိပါပဲ။

အဲဒါအခြေအနေမပေးသလို ရွေးကောက်ပွဲဝင်ပြီး အခြေခံဥပဒေ ပြင်ဆင်မယ်ဆိုတဲ့ ကျွန်မတို့ ၂၀၁၀ ရွေးကောက်ပွဲကိုဝင် နိုင်ငံရေး အုပ်စုတွေကလည်း အခြေခံဥပဒေကို ဒီနေ့အထိ မပြင်နိုင်သေးဘူး။

အဲဒီတော့ ရှင်မေးတဲ့ မေးခွန်းကို ဖြေဖို့ဆိုရင် ကျွန်မက နှစ်ခုကို ယှဉ်တွဲပြီး ဘယ်ဟာက ပိုကောင်းသလဲဆိုတာ ကြည့်ရမှာဖြစ်တဲ့အတွက် အဲဒီယှဉ်တွဲစရာ အခြေခံဥပဒေကို ပြင်ပြီးမှဝင်ရမယ်ဆိုတဲ့ အခြေအနေက ဒီနိုင်ငံမှာ အခုထိ မပေးတဲ့အတွက်ကြောင့် ဘယ်လိုဖြေရမှန်းကိုမသိဘူးပေါ့။ ဒါကြောင့် ရှင်မေးခွန်းရဲ့အဖြေကို အမှန်ဆုံးပေးနိုင်လိမ့်မယ် မထင်ပါဘူး။ သုံးသပ်ချက်ပေးဖို့ ခက်ပါတယ်။

မေး။ ။၂၀၁၀ ရွေးကောက်ပွဲမှာ ဝင်ရောက်ယှဉ်ပြိုင်ခဲ့ကြသူတွေ အများစုက ပြောခဲ့ကြတာက ရွေးကောက်ပွဲလိုင်းကသာ သွားမယ်ဆိုရင်တော့ တပ်မတော်က နိုင်ငံရေးကနေ ဆုတ်ခွာသွားလိမ့်မယ်လို့ ဆိုကြတယ်။ ခုဆို ရှစ်နှစ်ကြာခဲ့ပြီ။ တပ်မတော်ဟာ နိုင်ငံရေးကနေ တဖြည်းဖြည်း ဆုတ်ခွာနေပြီလို့ ထင်ပါသလား။

ဖြေ။ ။နိုင်ငံရေးဘက်မှာ အရင်တုန်းကလို တပ်မတော်က အုပ်ချုပ်ရေးပိုင်းမှာ ဝင်စွက်ဖက်တာ ကြီးကြီးမားမား မတွေ့ရတော့ပါဘူး။ မရှိတော့ဘူးလို့ပြောတာမဟုတ်ဘူးနော်။ ရှိတုန်းပဲ။ ပြည်သူလူထု ဘက်ကလည်း အကြောက်တရားလျော့သွားတယ်။ ပြည်သူလူထုကလဲ သူတို့ကို အုပ်ချုပ်နေတာဟာ ဒီမိုကရေစီအစိုးရလို့ ယုံကြည်လာတာနဲ့အမျှ အစိုးရက ခန့်အပ်တဲ့ အုပ်ချုပ်ရေး အရာရှိတွေကို ပြောရဲဆိုရဲ မေးခွန်းထုတ်ရဲ ရှိလာတယ်။ ဒါကြောင့် ကျွန်မတို့က အုပ်ချုပ်ရေးကဏ္ဍမှာ တပ်ရဲ့ လွှမ်းမိုးမှုက လျော့ပါးလာပြီ လို့ ပြောလို့ရလာပါတယ်။ ဒါက အနှစ်သာရပိုင်းအရပြောတာပါ။ အသွင်သဏ္ဌာန်အရ ဆိုရင်တော့ မြို့နယ် အုပ်ချုပ်ရေးမှူးတွေ အများစုက တပ်က ခန့်အပ်ထားသူတွေ ဖြစ်နေပါတယ်။ အဲဒီ မြို့နယ် အုပ်ချုပ်ရေးမှူးတွေထဲမှာ တချို့က ပြည်သူလူထုနဲ့ တစ်သားတည်း ရပ်နေတဲ့ အုပ်ချုပ်ရေးမှူးတွေကိုလည်း တွေ့လာရပါတယ်။ တပ်ရဲ့ အမာခံတွေရှိသလို ခေတ်နဲ့ အညီ ပြုပြင်ပြောင်းလဲလိုစိတ် ရှိတဲ့ အုပ်ချုပ်ရေးမှူးတွေလည်း ရှိလာပါတယ်။ အရင်ခေတ်ကဆို အမျိုးသမီး အခွင့်အရေးလှုပ်ရှားမှုတွေ၊ စစ်ပွဲရပ်ဆိုတဲ့ လှုပ်ရှားမှုတွေ၊ မီဒီယာတွေ အရင် ကထက် လွတ်လပ်မှုတွေ တွေ့လာရပါတယ်။ ၂၀၁၀ ပြည့်နှစ် မတိုင်ခင်ကနဲ့စာရင်တော့ အခု အခြေအနေက အများကြီးကောင်းလာ တယ်လို့ပြောလို့ရပါတယ်။

ဒါပေမယ့် တိုင်းပြည်မှာ ဒီနေ့ရင်ဆိုင်နေရတဲ့ ပြဿနာတွေဟာ ၂၀၁၀ မတိုင်ခင်ကထက် စာရင် အများကြီး ပိုလာပါတယ်။ မေးခွန်းထုတ်တဲ့ လူတချို့ရှိတယ်။ ဒီနေ့တိုင်းပြည်မှာ ရင်ဆိုင်ကြုံတွေ့နေရတဲ့ ပြဿနာတွေဟာ ၂၀၀၈ ဖွဲ့စည်းပုံအခြေခံ ဥပဒေကို မပြင်နိုင်လို့ဖြစ်ရလားပေါ့။ ကျွန်မကတော့ အလုံးစုံ လက်မခံနိုင်ပါဘူး။ ဒါကို ၃၀ ရာခိုင်နှုန်းလောက်ပဲ လက်ခံနိုင်ပါတယ်။ ဒီနေ့ တိုင်းပြည်မှာ ကြုံတွေ့နေရတဲ့ စီးပွားရေး၊ ပညာရေး၊ နိုင်ငံရေး အခက်အခဲတွေကို အခြေခံဥပဒေမပြင်ဘဲနဲ့ အနည်းဆုံး ၅၀ ရာခိုင်နှုန်းလောက် တော့ ဖြေရှင်းနိုင်ပါတယ်။ မယုံရင် လုပ်ပြမယ်။ တကယ်လုပ်ပြနိုင်ပါတယ်။ ဖွဲ့စည်းပုံအခြေခံဥပဒေကို ပြင်ဆင်ရေးကို မလုပ်နိုင်ဘဲ တိုင်းပြည်ရဲ့ ပြဿနာကို မဖြေရှင်းနိုင်ဘူးဆိုတာကို ကျွန်မ အပြည့်အဝ မယုံကြည် ပါဘူး။ အဲလိုပြောလို့ ကျွန်မက ၂၀၀၈ ဖွဲ့စည်းပုံ အခြေခံဥပဒေကို ထောက်ခံနေတာမဟုတ်ပါဘူး။ ဒါပေမဲ့ ဒါကြောင့်ဆိုပြီး တိုင်းပြည်ရဲ့ ပြဿနာတွေကို မဖြေရှင်းဘဲ ၂၀၀၈ ကိုပဲ ပုံချပြီး ဒီတိုင်းထိုင်နေပြီး လခယူနေတာကိုတော့ ပြည်သူလူထု အတွက် မတရားဘူးလို့ ထင်ပါတယ်။

မေး။ ။၂၀၀၈ ဖွဲ့စည်းပုံ အခြေခံဥပဒေဘောင်ထဲကနေ သွားခဲ့ကြတဲ့ နိုင်ငံရေးအခင်းအကျင်းအရ အုပ်ချုပ်ရေး၊ ဥပဒေပြုရေး၊ တရားစီရင်ရေးကဏ္ဍတွေမှာ ဘယ်ကဏ္ဍတွေကို အားရမှုရှိပါသလဲ။

ဖြေ။ ။ကျွန်မ လွှတ်တော်ကိုယ်စားလှယ်အဖြစ်ရှိခဲ့တဲ့ ၂၀၁၅ အထိကာလကိုပဲပြောရမှာပါပဲ။ ၂၀၁၅ ခုနှစ်အထိက တပ်မတော် ဦးဆောင်တဲ့ အစိုးရ၊ ကြံ့ခိုင်ဖွံ့ဖြိုးရေး ပါတီ အာဏာလွှမ်းမိုးတဲ့ ကာလဖြစ်ပါတယ်။ အဲဒီကာလမှာ ကြံ့ခိုင်ရေး ကိုယ်တိုင်ကိုက အခြေခံဥပဒေကို ပြင်ဆင်ချင်ပါတယ်။ တပ်မတော်သားတွေကိုယ်တိုင်က အခြေခံဥပဒေကို ပြင်ဆင်သင့်တယ်လို့ သူတို့ ကိုယ်တိုင်ပြောတယ်။ နိုင်ငံ အနှံ့အပြားမှာ အခြေခံဥပဒေပြင်ဆင်ရေးဆိုင်ရာ အကြံပြုချက်တွေ အများကြီး ဖိတ်ခေါ်ခဲ့ပါတယ်။ လွှတ်တော်ထဲမှာ အများကြီးပဲ။ ပြည်သူလူထုရဲ့ ဆန္ဒသဘောထားတွေ တောင်းပြီးတော့ ပြင်ဆင်ဖို့ကို ကြိုးစားအားထုတ်ခဲ့တယ်။ အဲဒီအချိန်မှာပဲ ဒေါ်အောင်ဆန်းစုကြည်က အခြေခံဥပဒေ ပုဒ်မ ၄၃၆ ပြင်ဆင်ရေး ဆိုပြီး လက်မှတ်တွေ ကောက်ခံခဲ့တယ်။ တကယ်ကိုပဲ သက်ဆိုင်ရာ အစိုးရကို ပို့ခဲ့နိုင်တယ်ပေါ့။ ပြည်သူလူထုဟာ အခြေခံဥပဒေကို ဘယ်လောက်တောင် ပြင်ဆင်လိုပါတယ်ဆိုတာကို သက်သေကောင်း တစ်ခုကို ပို့ခဲ့နိုင်ပါတယ်။ လွှတ်တော်ထဲမှာလည်း အခြေခံဥပဒေ ပြင်ဆင်ရေးအတွက် အခြေခံဥပဒေ ပြင်ဆင်ရေးဆိုင်ရာ အခြေအတင် ဆွေးနွေးပွဲတွေ ကြိမ်ဖန်များစွာ လုပ်ခဲ့ပါတယ်။ ခုထက်ထိ အဲဒီမှတ်တမ်းတွေ ရှိနေတယ်။ မဲခွဲခဲ့တာတွေရှိတယ်။ ကျွန်မ မှတ်မိတာကအဲဒီအချိန်တုန်းက ဒီမိုကရေစီအင်အားစုတွေ တော်တော်များများ မခံချိမခံသာဖြစ်ရတာက အမျိုးသားဒီမိုကရေစီအဖွဲ့ချုပ်က အခြေခံဥပဒေကို ပြင်ဆင်မယ်ဆိုပြီးရွေးကောက်ပွဲဝင်သွားခဲ့ပြီး ၄၄ နေရာရပေမယ့် ဖွဲ့စည်းပုံပြင်ဆင်မယ့်ကိစ္စကို တကယ်လုပ်သွားတာက ကြံ့ခိုင်ရေး ကဖြစ်နေတယ်။ ကြံ့ခိုင်ရေး ဒုဥက္ကဋ္ဌက အဆိုတင်သွင်းခဲ့တာ။ နိုင်ငံရေးအရ ဒီချုပ်ဟာ လက်ဦးမှုမယူတတ်ဘူးဆိုတာကို ပြောချင်တာပါ။ ကြံ့ခိုင်ရေးအမတ်တွေကပဲ ဖွဲ့စည်းပုံပြင်ဆင်ရေးကို အဆိုတင်သွင်းပြီးတော့ ကော်မတီဖွဲ့စည်းပြီး တော့ အမျိုးသားဒီမိုကရေစီ အဖွဲ့ချုပ်က လွှတ်တော်ကိုယ်စားလှယ်တွေလည်း ပါတယ်။ အကြီးအကျယ်ကို လုပ်ခဲ့ကြပါတယ်။ ဖွဲ့စည်းပုံအခြေခံဥပဒေကို ပြင်ဆင်ဖို့ ၂၀၁၄-၂၀၁၅ ကာလတုန်းက လွှတ်တော်ထဲမှာ ကြိုးပမ်းမှုကြီးတွေ ရှိခဲ့ပေမယ့် အဲဒီလို ကြိုးပမ်းအားထုတ်မှုမျိုးကို ၂၀၁၅ ရွေးကောက်ပွဲမှာ တက်လာတဲ့ အမျိုးသားဒီမိုကရေစီအဖွဲ့ချုပ်ရဲ့ လွှတ်တော်ကမရှိဘူးဖြစ်နေတယ်။ အဲဒါကို ကျွန်မတို့က ကောင်းကောင်း မေးခွန်းထုတ်ရမယ်။

မေ။ ။ ဒုတိယသမ္မတ တစ်ဦးကို တပ်မတော်က တိုက်ရိုက်ရွေးကောက် တင်မြောက်ခွင့်လိုအချက်တွေ၊ တပ်က ၂၅ ရာခိုင်နှုန်းရှိနေတာတွေကိုရော တပ်နဲ့ကြံ့ခိုင်ရေးက ဦးဆောင် ပြင်ဆင်သွားလိမ့်မယ်လို့ ယူဆပါသလား။ ဒီအချက်တွေကို အမျိုးသားဒီမိုကရေစီအဖွဲ့ချုပ်က ပြင်ဆင်ဖို့ကြိုးပမ်းခဲ့ရင်ရော သူတို့က လိုက်လျောလိမ့်မယ်လို့ယူဆပါသလား။

ဖြေ။ ။ဒါကတော့ ခေါင်းဆောင်တွေရဲ့ ညှိနှိုင်းဆွေးနွေးရေးနဲ့ဆိုင်တဲ့ အစွမ်း (Negotation Skill) တွေနဲ့ပဲ ဆိုင်မယ်။ သက်ဆိုင်ရာ ခေါင်းဆောင်များ (တပ်မတော်အပါအဝင်၊ နိုင်ငံရေး ခေါင်းဆောင်တွေ)ရဲ့ ပြည်သူလူထုအပေါ်မှာ ဘယ်လောက်စေတနာ ထားသလဲ၊ ဒီမိုကရေစီကို ဘယ်လောက်ယုံကြည်သလဲဆိုတဲ့ အပေါ်မှာ မူတည်တယ်လို့ ပြောရမှာပါပဲ။ အဲဒီ ခေါင်းဆောင်တွေက လူထုကို ဒီမိုကရေစီပေးချင်သလား၊ မပေးချင်ဘူး လား။ အဲဒီအပေါ်မှာ မူတည်နေပါတယ်။ ဒါကတော့ တပ်မတော်ကတော့ သူတို့ အသာစီးရထားလို့ ပြင်ချင်စိတ် မရှိဘူးလို့ တစ်ထစ်ချ မှတ်ထားလို့မရပါဘူး။ တပ်မတော်ခေါင်းဆောင်တွေထဲမှာ ဖွဲ့စည်းပုံကို ပြင်ချင်တဲ့ စိတ်ရှိထားတယ်လို့ ကျွန်မတို့သိထားရတာတွေ အများကြီးရှိပါတယ်။ တပ်က ၂၅ ရာခိုင်နှုန်း ရှိနေတာကို သူတို့ကိုယ်တိုင် သဘောမကျတဲ့သူတွေကိုလည်း ကျွန်မတို့ တွေ့ဖူးတာပဲ။ ဒါကြောင့် ခေါင်းဆောင်တွေရဲ့ နိုင်ငံရေးအရ ဘယ်လောက်ကျွမ်းကျင်၊ ပါးနပ်သလဲဆိုတဲ့ အချက်အပေါ်မှာ အများကြီး မူတည်ပါတယ်။ တကယ်လူထုကို စေတနာရှိတယ်ဆိုရင်တော့အရပ်သားဖြစ်ဖြစ်၊ တပ်ကဖြစ်ဖြစ် ဒီအချက်ကို မလုပ်ရဲစရာ အကြောင်းမရှိပါဘူး။

မေး။ ။ ၂၀၁၀ နောက်ပိုင်း တရားစီရင်ရေး ကဏ္ဍကရော ပြောင်းလဲလာတယ်လို့ ယူဆပါသလား။

ဖြေ။ ။ တရားစီရင်ရေး မဏ္ဍိုင်ကတော့ ထူးထူးခြားခြားပြောင်းလဲတာတော့ မရှိဘူးပေါ့။ အစိုးရသစ် တက်တက်ခြင်း တစ်လ၊ နှစ်လ လောက်တော့ တရားရုံးတွေမှာ အတောင်းအရမ်းတွေ နည်းနည်းငြိမ်သွားတယ်။ ဒါပေမယ့် အစိုးရသစ်တက်ပြီးတော့ ခြောက်လလောက်မှာတော့ မူလအတိုင်းပဲ ပြန်ဖြစ်သွားတယ်။ တောင်းတတ်တဲ့လူက တောင်းမြဲပေါ့။ မတောင်းတဲ့လူတွေကတော့ မတောင်းမြဲပေါ့။ မူလအတိုင်းပဲ ပြန်ဖြစ်သွားတယ်လို့ပဲ ပြောရတော့မှာပေါ့။

မေး။ ။အဓိက ကျတဲ့ အခြေခံဥပဒေကို မပြင်ဆင်ဘဲ တရားစီရင်ရေး မဏ္ဍိုင်ကို ပြုပြင်ပြောင်းလဲဖို့ ဆိုတာ ဖြစ်နိုင်ပါ့မလား။

ဖြေ။ ။ဖွဲ့စည်းပုံ အခြေခံဥပဒေကိုပြင်မှ တရားစီရင်ရေး မဏ္ဍိုင်ကိုပြင်ဆင်နိုင်တာမျိုးမဟုတ်ဘူး။ ဥပဒေသမား တစ်ယောက် အနေနဲ့ နည်းလမ်းတွေ အများကြီးရှိတယ်။ ပြည်ထောင်စု တရားစီရင်ရေး ဥပဒေကို ပြင်ဆင် ပြီးတော့ တရားစီရင်ရေး မဏ္ဍိုင်ကို တည့်မတ်လို့ရတယ်။ ပြည်ထောင်စုတရားစီရင်ရေး ဥပဒေကိုပြင်ဖို့ ဆိုတာက လွှတ်တော်မှာလည်း လုပ်လို့ရတယ်။ လွှတ်တော်မှာလည်း NLD က မဲအများဆုံးရထားတာဖြစ်တဲ့အတွက် ဒါ ကောင်းကောင်းကြီး ပြင်နိုင်တယ်။ ဘာကြောင့်မပြင်တာလဲ ဆိုတာတော့ ကျွန်မလည်း မပြောနိုင်ပါဘူး။

မေး။ ။တရားရေးကဏ္ဍကို အစိုးရသစ်က ကိုင်တွယ်လို့မရတဲ့ အနေအထားဖြစ်နေတာလား။

ဖြေ။ ။တရားစီရင်ရေး၊ အုပ်ချုပ်ရေး၊ ဥပဒေပြုရေး ကဏ္ဍတွေက လွတ်လပ်ဖို့လိုပါတယ်။ ဒါကြောင့် လွတ်လပ်စွာရှိနေတဲ့ တရားစီရင်ရေး ကဏ္ဍကို ဖွဲ့စည်းပုံအခြေခံ ဥပဒေနဲ့အညီ ထိန်းကျောင်းနိုင်တဲ့ အရာတွေ အများကြီးရှိတယ်။ ဥပမာအားဖြင့်ဆိုရင် လွှတ်တော်တွေက တရားစီရင်ရေး မဏ္ဍိုင်ယိမ်းယိုင်နေပြီ ဆိုတာ အချက်အလက် ခိုင်ခိုင်မာမာတွေ့လို့ရှိရင် တရားသူကြီးတွေကို ပြစ်တင်ရှုတ်ချလို့ရတယ်။ လူလဲပစ်လို့ရတယ်။ တချို့တွေကထင်တယ်။ ဖွဲ့စည်းပုံအခြေခံဥပဒေအရ တရားသူကြီးတွေကို ဖြုတ်လို့မရဘူးပေါ့။ ဒါကြောင့်မို့လို့ တရားစီရင်ရေးကို ထိန်းကျောင်းလို့မရဘူးပေါ့။ အဲဒါတွေက အကုန်မမှန်ဘူး။ ဖွဲ့စည်းပုံအခြေခံဥပဒေအရကို တရားရုံးချုပ် တရားသူကြီးတွေကို ပြစ်တင်ရှုတ်ချနိုင်တယ်။ လွှတ်တော်တွေကနေ ဖြုတ်ချလို့ရတယ်။

မေး။ ။ လက်ရှိတရားသူကြီးချုပ် ဦးထွန်းထွန်းဦးက တပ်မတော်ဘက်ကနေ လာသူဖြစ်နေတယ်။ စစ်ဥပဒေချုပ်ရုံးမှာ တာဝန်ထမ်းဆောင် ဖူးတယ်။ သူ့အပေါ် ဘယ်လိုသုံးသပ်ပါသလဲ။

ဖြေ။ ။ကျွန်မကတော့ သူ့ကို အစည်းအဝေးတွေမှာ တွေ့ဖူးသလောက်ကတော့ တစ်ကြိမ်၊ နှစ်ကြိမ်လောက်သာ ရှိတော့ လုံလောက်တဲ့ အချက်အလက်မရှိလို့ မသုံးသပ်နိုင်ပါဘူး။ ဒါပေမယ့် လက်ရှိအစိုးရနဲ့လွှတ်တော်ကို ပြောချင်တာကတော့ တရားစီရင်ရေးစနစ်ဟာ ယိမ်းယိုင်နေတယ်လို့ အမျိုးသားဒီမိုကရေစီအဖွဲ့ချုပ်ရဲ့ လွှတ်တော်ကိုယ်စားလှယ်တော်တော်များများက ထောက်ပြနေကြတယ်။ အဲဒါဆိုရင် ဖြောင့်မှန်တဲ့ တရားစီရင်ရေးကို ဖော်ဆောင်မယ့် တရားသူကြီးချုပ်တွေကို ရှာဖွေသင့်ပါတယ်။ အဲလိုပြောလို့ ဦးထွန်းထွန်းဦးကို မသင့်တော်ဘူးလို့ပြောတာမဟုတ်ဘူး။ တပ်ဖက်ကလာတာဖြစ်တာကြောင့် သူ့ရဲ့ ကျွမ်းကျင်မှုဟာ တပ်ဘက်မှာ ပိုများလိမ့်မယ်။ တပ်နဲ့ ဆိုင်တဲ့ ဘက်မှာဖြစ်လိမ့်မယ်။ ကျွန်မတို့နိုင်ငံမှာ တပ်မဟုတ်တဲ့ ပြည်သူလူထုက ၉၀ ရာခိုင်နှုန်းလောက်ရှိနေတယ်။ ပြည်သူလူထုအတွက် တရားမျှတမှုကို ဖော်ဆောင်ဖို့ဆိုရင် ပြည်သူလူထုနဲ့ အနီးစပ်ဆုံး ဥပဒေပညာရှင်တွေကို စဉ်းစားသင့်တယ်။ တပ်မတော်အစိုးရက တပ်နဲ့ နီးစပ်တဲ့ ဥပဒေပညာရှင်ကို ခန့်ထားခဲ့တာဟာ သဘာဝကျတယ်။ တပ်မတော် အစိုးရကခန့်ထားတဲ့ တပ်နဲ့ နီးစပ်တဲ့ ဥပဒေပညာရှင်ကို ဒီမိုကရေစီအစိုးရလို့ ခေါ်တဲ့ အရပ်သားအစိုးရက ဆက်ခန့်ထားပြီးတော့ တရားစီရင်ရေးမဏ္ဍိုင်ကို ထိန်းကျောင်း၊ အုပ်ချုပ်စေတာကတော့ ကျွန်မအနေနဲ့ကတော့ မဖြစ်သင့်ဘူးလို့ထင်ပါတယ်။ သူက ပြည်သူလူထုနဲ့နီးစပ်တဲ့ ဥပဒေပညာရှင်လို့ပြောဖို့ခက်တယ်။ ဘာကြောင့်လဲဆိုတော့ သူဟာ တပ်မတော်က လာခဲ့တဲ့ တပ်မတော်က မွေးထုတ်ထားတဲ့ တရားသူကြီးတစ်ယောက်ဖြစ်လို့ပဲ။

မေး။ ။အမျိုးသားဒီမိုကရေစီအဖွဲ့ချုပ်ကလည်း တရားရေးမဏ္ဍိုင်ကို အပြောင်းအလဲလုပ်ဖို့အတွက် အစိုးရတာဝန်ကို စယူချိန်ကတည်းကပြောခဲ့တယ်။ ဒီချုပ်ရဲ့ ရွေးကောက်ပွဲကြွေးကြော်သံမှာလည်း တရားဥပဒေ စိုးမိုးရေးဆိုတဲ့ အချက်ကို အရေးကြီးတဲ့အချက်အနေနဲ့ ထည့်ထားတာတွေ့ရတယ်။ ဒါပေမဲ့ ဘာလို့ ခုထက်ထိ ရွေးကောက်ပွဲကတိကဝတ်အတိုင်း အကောင်အထည် ဖော်ဖို့ကိုနှေးကွေးနေသေးတာလဲ။

ဖြေ။ ။ကျွန်မအနေနဲ့ကတော့ အမျိုးသားဒီမိုကရေစီအဖွဲ့ချုပ်ဟာ လုပ်သင့်လုပ်ထိုက်တာကို မလုပ်ဘူးလို့ပဲ ယူဆတယ်။ ပွင့်ပွင့်လင်းလင်းပဲပြောရတော့မှာပဲ။ ဘာကြောင့်လဲဆိုတော့ ဖွဲ့စည်းပုံအခြေခံဥပဒေက ဘယ်လိုပဲ ဆိုဆို ပြည်ထောင်စုတရားစီရင်ရေးဥပဒေဆိုတာ လွှတ်တော်က ပြဋ္ဌာန်းလို့ရတယ်။ အစိုးရ အဆက်ဆက်မှာ ပြည်ထောင်စု တရားစီရင်ရေး ဥပဒေကို အကြိမ်ကြိမ်ပြင်ခဲ့တယ်။ ဒီချုပ်အစိုးရ လက်ထက်မှာလည်း ဒီဥပဒေ ကြီးကို ပြင်ဆင်ပြဋ္ဌာန်းလို့ရတယ်။ ဖွဲ့စည်းပုံအခြေခံဥပဒေနဲ့ ညီညွတ်အောင်ကို လုပ်လို့ရတယ်။ ကျွန်မလို အင်မတန်ငယ်ရွယ်တဲ့ ဥပဒေသမားတောင်မှ ယိမ်းယိုင်နေတဲ့ တရားစီရင်ရေး စနစ်ကို ဘယ်လိုသွားရမယ်၊ လုပ်ရမယ်ဆိုတာကို နည်းလမ်းတွေရှိတယ်။ ဘာကြောင့် အစိုးရက မရှိရတာလဲ။ ဒါကို ကျွန်မက မသင်္ကာဘူး။

အမျိုးသား ပြန်လည်သင့်မြတ်ရေးကြောင့် တရားသူကြီးချုပ်ကို မလဲတာလား။ အမျိုးသား ပြန်လည် သင့်မြတ်ရေးကြောင့် ပြည်ထောင်စု တရားစီရင်ရေး ဥပဒေကို မပြင်ဆင်တာလား ဆိုပြီးတော့ မေးခွန်းထုတ် ရမလိုဖြစ်လာတယ်။ အမျိုးသား ပြန်လည်သင့်မြတ်ရေးနဲ့ ယိမ်းယိုင်နေတဲ့ တရား စီရင်ရေးစနစ်နဲ့ ဘာမှမဆိုင်ဘူး။ မှန်ကန်တဲ့ တရားစီရင်ရေးစနစ်ကို ဖန်တီးပေးခြင်းအားဖြင့် အမျိုးသား ပြန်လည် သင့်မြတ်ရေးကို အထောက်အကူတောင်ပြုမှာ။ ဘာကြောင့်လဲဆိုတော့ တပ်မတော်ကလည်း အကြိမ်ကြိမ် ပြောတယ်။ သူတို့လည်း တရားဥပဒေစိုးမိုးရေးကို လိုလားတယ်။ သူတို့လည်း ငြိမ်းချမ်းရေးကို လိုလားတယ်လို့ အကြိမ်ကြိမ် ပြောနေတာကြောင့် မှန်ကန်တဲ့ တရားစီရင်ရေး၊ တရားဥပဒေ စိုးမိုးရေးကို တပ်မတော်က လိုချင်နေတာ အမှန်ပဲ။ သူတို့ ခေါင်းဆောင်တွေရဲ့ ပြောစကားအရ ဆိုရင်ပေါ့လေ။ ဒါကြောင့် အမျိုးသား ပြန်လည် သင့်မြတ်ရေး အတွက် ယိမ်းယိုင်တဲ့ တရားစီရင်ရေးစနစ်ကို မှန်ကန်တဲ့ တရားစီရင်ရေးအဖြစ် မလုပ်နိုင်ဘူး ဆိုတာတော့ မဖြစ်နိုင်ဘူး။ ဒါကြောင့်မို့ သမ္မတဦးဝင်းမြင့်ကလည်း မှန်ကန်တဲ့ တရားစီရင်ရေး စနစ်ဖြစ်အောင် ထိန်းကျောင်းမယ်လို့ သူ့ရဲ့ ပထမဆုံး မိန့်ခွန်းမှာ ပြောကြားခဲ့တာပေါ့။ ဒါကြောင့် ကျွန်မက အရင်သမ္မတ လက်ထက်မှာ မလုပ်နိုင်ခဲ့ပေမယ့် အခု သမ္မတ လက်ထက်မှာတော့ ထိုက်သင့်တဲ့ ပြုပြင်ပြောင်းလဲမှုကို လုပ်နိုင်လိမ့်မယ်လို့ မျှော်လင့်ပါတယ်။

↧

မောင်အောင်မွန် (၀င်းအောင်ကြီး) - ၈-၈-၈၈ ရောင်းစားသူ၊ ကောင်းစားသူနှင့် သေသွားသူများ (၁)

August 3, 2018, 12:56 pm

≫ Next: ကာတွန်း မောင်ရစ် - ရွှေမိနဲ့ အင်္ဂလိပ်စာ - daydreaming

≪ Previous: Myanmar NOW - ဒေါ်ညိုညိုသင်းနှင့် တွေ့ဆုံမေးမြန်းခြင်း

မောင်အောင်မွန် (၀င်းအောင်ကြီး) - ၈-၈-၈၈ ရောင်းစားသူ၊ ကောင်းစားသူနှင့် သေသွားသူများ (၁)
(မိုးမခ) သြဂုတ် ၄၊ ၂၀၁၈

အထောက်တော်လှအောင် အရေးအခင်းနဲ့ ၀င်းအောင်ကြီး

(၁)

၈-၈-၈၈ အရေးအခင်းကြီး။ ရှေ့ပြေးအဖြစ် ၀တ္ထုရေးသူ မောင်အောင်မွန် ကနေ အယ်ဒီတာ ၀င်းအောင်ကြီး အကြောင်းတစေ့တစောင်းပါ။

(၂)

၁၉၈၇ ခု၊ မှာ ဘယ်ကလောင်က ဘာစာထွက်သလဲသိ၊ရယူနိုင်စွမ်းရှိသူ သတင်းစာအယ်ဒီတာချုပ်၊ သတင်းဂျာနယ် အယ်ဒီတာချုပ် လုပ်ခဲ့ဖူးသူ အထောက်တော်လှအောင်က သတင်းလွှာဂျာနယ် ထုတ်နိုင်ဖို့ ပြင်ဆင်ရာ၌ ဘာသာပြန် ဆရာကြီးများ ဖြစ်ကြသော တင်မောင်မြင့်က ဒု-ချုပ်၊ မြတ်ငြိမ်းက အုပ်ချုပ်မှုအယ်ဒီတာအဖြစ်ရာထားခဲ့သည်။

(၃)

မြန်မာ့အသံထွက်၊ ဆိုဗီယက်၊ ဂျာမနီ၊ပြင်သစ်၊ဗြိတိန်၊ ဂျပန်တို့က မီဒီယာနဲ့ထိတွေ့ခဲ့သူ၊ Kuwait News Agency (KUNA) ၏ မြန်မာနိုင်ငံဆုင်ရာ နိုင်ငံခြားသတင်းထောက်အဖြစ်က ဦးနေ၀င်းကိုယ်တိုင် ပြောကြားသည့် ကျုံတနိရေနံကိစ္စ သတင်းအမှားကြောင့် အလုပ်ပြုတ်ခဲ့ရသူ ကျနော့အား Foreign Affairs Editor အဖြစ်ရထား၏။

မောင်အောင်မွန်၏ ကလောင်ခွဲ ၀င်းအောင်ကြီး သုံးဖို့ဖြစ်လာရ၏။

(၄)
ထိုစဉ်ကထုတ်ဝေနေသည့် နိုင်ငံပိုင်သတင်းစာ အားလုံးသည် မြန်မာ့သတင်းစဉ်က ပေးသည့် ရေးသည့်အတိုင်း ဖေါ်ပြနေကြသည်ကို သရော်သောအားဖြင့် အပတ်စဉ်ထုတ် သတင်းဂျာနယ်ကို သတင်းလွှာ (News Bulletin) ဟု အယ်ဒီတာချုပ် အထောက်တော်လှအောင်က နာမည်ပေးသည်။
သောင်ပြောင်းထွေလာ ထုတ်ဝေခွင့်ငှါးထုတ်စဉ်ကပင် အားထားရသော ကာတွန်းငွေကြည်လည်းပါလာ ဖျာပုံကိုသောင်းညွန့်လို သူရောင်းရင်း နယ်သတင်းထောက်များနှင့် ပြန်ဆက်ကာ ပြည်တွင်းသတင်းများ ထည့်လို့ရသေလာက် ထည့်နှင့်---၁၉၈၇ ခု၊ဒီဇင်ဘာလတွင် စတင်ထုတ်ခဲ့ကြ၏။

(၅)

သို့သော်လည်း နိုင်ငံခြားသတင်းကို ဟန်ပြအဓိကထားသည်။
ထုတ်ဝေခွင့်ငှါးထုတ်ခြင်းမဟုတ်ဘဲ၊ သတင်းဂျာနယ် အသစ်ထုတ်ခွင့်ရအောင် ကြံတတ် ဖန်တတ် ငွေထုပ်နှင့် ထိုးဖောက်နိုင်စွမ်းရှိသူ အထတလှအောင်က အမှတ်(၁) တွင် ထည့်သွင်းသည့် ကာတွန်းငွေကြည် ဦးနေ၀င်းမိသာစု စီးပွါးရေးကို သရော်ထားပုံ ကာတွန်းကိုသာ ကြည့်ပါ။
လူအများစိတ်ဝင်စားသည်ကိုသိ၊ သတင်းကိုင်လှုပ်တတ်သူ အထတလှအောင်က အဖုံးမှာ ပါကစ္စတန်စာလုံကသေးသေး-- လေယာဉ်ပျက်ကျလို့ ဗိုလ်ချုပ်တွေသေ စာလုံးကဧရာမအကြီးကြီးနှင့် ထုတ်ရာ ရောင်းကောင်း၏။ အလားတူ ဆက်စခန်းသွားကြ၏။
ဒုဗိုလ်မှူးကြီးဦးဆောင်ကာ အာဏာကိမ်းပြီ ဆိုတဲ့စလားမည်ကြီးနှင့် ဖိလစ်ပိုင်သတင်း မျက်နှာဖုံးကြောင့် အပိတ်ခံလိုက်ရသည်။

(၆)

ကျွန်တော်တို့ အယ်ဒီတာ (၃) ယောက် လခ မရ ကြတော့။
သို့သော်လည်း ဇာတ်ပေါင်းမကွဲကြပါ။ အထတလှအောင်အပါး၌ စုကာဆုံကာ နေလေ့ရှိ၏။ သတင်းစာ သတင်းဂျာနယ် မထုတ်ရလျှင် စားမ၀င် အိပ်မပျော်-- ပြောရပါစေတော့ သေလျှင်ပင် အသေမဖြောင့်မည့်သူရဲ့ ပြန်ထုန်နိုင်ရေး အိပ်မက်ထဲ ကျွန်တော်တို့ အယ်ဒီတာပြုတ် (၃) ယောက်လည်း ၀င်ပါနေရ၏။

(၇)

၈-၈-၈၈ အရေးအခင်းကြီး၏ သတင်းများ၊ ဓာတ်ပုံများ ပထမဆုံး စွန့်စားဖေါ်ပြသည့် သတင်းမဂ္ဂဇင်း ထုတ်ပြန်ကြပုံကို ဆက်လက်ရေးသားပါမည်။

၂၀၁၈ ခု၊သြဂုတ်လ (၂၈) ရက်နေ့

↧

ကာတွန်း မောင်ရစ် - ရွှေမိနဲ့ အင်္ဂလိပ်စာ - daydreaming

August 3, 2018, 2:54 pm

≫ Next: မောင်မောင်စိုး ● တတိယအကြိမ် ၂၁ ပင်လုံကို အနီးကပ်ကြည့်ရှုခြင်း - အပိုင်း (၂)

≪ Previous: မောင်အောင်မွန် (၀င်းအောင်ကြီး) - ၈-၈-၈၈ ရောင်းစားသူ၊ ကောင်းစားသူနှင့် သေသွားသူများ (၁)

ကာတွန်း မောင်ရစ် - ရွှေမိနဲ့ အင်္ဂလိပ်စာ - daydreaming

(Academic Weekly Journal, Yangon) မိုးမခ၊ သြဂုတ် ၄၊ ၂၀၁၈

↧

မောင်မောင်စိုး ● တတိယအကြိမ် ၂၁ ပင်လုံကို အနီးကပ်ကြည့်ရှုခြင်း - အပိုင်း (၂)

August 3, 2018, 4:12 pm

≫ Next: ဒီနေ့ မနက်ဖြန် ပြန်ခွင့်ရနိုးနိုး နဲ့ ၇၅နှစ်ရှိ က၀ိအိုလည်း တရားနဲ့ ဖြေတဲ့အဆင့် ရောက်နေပါပြီ

≪ Previous: ကာတွန်း မောင်ရစ် - ရွှေမိနဲ့ အင်္ဂလိပ်စာ - daydreaming

မောင်မောင်စိုး ● တတိယအကြိမ် ၂၁ ပင်လုံကို အနီးကပ်ကြည့်ရှုခြင်း - အပိုင်း (၂)
(မိုးမခ) သြဂတ်စ် ၄၊ ၂၀၁၈

● မြောက်ပိုင်း ၇ ဖွဲ့
မြောက်ပိုင်း ၇ ဖွဲ့ဟုခေါ်သော UWSA/NDAA/KIA/SSPP/AA/TNLA/MNDAA အဖွဲ့များသည် ယခုချိန်ထိ နိုင်ငံရေးအရဆွေးနွေးဖြေရှင်းသည့်ဖြစ်စဉ်အတွင်း ပါဝင်နိုင်ခြင်းမရှိသေးပေ။ မြောက်ပိုင်း ၇ ဖွဲ့မပါဘဲ ငြိမ်းချမ်းလုပ်ငန်းစဉ်သည် ပြီးပြည့်စုံ မည်မဟုတ်သကဲ့သို့ စစ်ပွဲများကိုလည်း ရပ်တန့်နိုင်မည်မဟုတ်ပေ။ မြောက်ပိုင်းအဖွဲ့များ၏ စုစုပေါင်းလက်နက်ကိုင် အင် အားမှာ တပြည်လုံးရှိ တိုင်းရင်းသားလက်နက်ကိုင်အင်အား၏ ၈ဝ % ရှိနေပေရာ မြောက်ပိုင်းအဖွဲ့များပြဿနာကို ဖြေရှင်း ရေးသည် ငြိမ်းချမ်းရေးအတွက် အရေးပါသည်။

၂ဝ၁၇ နှစ်ဆန်းပိုင်း အဆိုပါမြောက်ပိုင်းအဖွဲ့များသည် FPNCC ဟူ၍ မြောက်ပိုင်းမဟာမိတ်အဖွဲ့ကိုဖွဲ့စည်းပြီး အစိုးရ/တပ်မ တော်တို့နှင့် ဆွေးနွေးရေးအား NCA မဟုတ်သောလမ်းကြောင်းမှသွားမည်ဟု ထုတ်ပြန်ကြေညာခဲ့သည်။ အဆိုပါ မြောက်ပိုင်း မဟာမိတ်အဖွဲ့ FPNCC အား စတင်ဖွဲ့စည်းကထဲက ယနေ့အထိ အစိုးရနှင့်တပ်မတော်က အသိအမှတ်မပြုခဲ့ပေ။ ထို့ပြင် အဆိုပါ မြောက်ပိုင်း ၇ ဖွဲ့ထဲမှ KIA/TNLA/MNDAA/AA အဖွဲ့ ၄ အား အကြမ်းဖက်အဖွဲ့များအဖြစ် သတ်မှတ်ရန် တပ်မတော် နှင့် ကြံ့ခိုင်ရေးပါတီတို့က ပြည်သူ့လွှတ်တော်တွင် တင်သွင်းလာခဲ့ရာ မဲခွဲ၍ ရှုံးနိမ့်သွားခဲ့သော်လည်း တပ်မတော်နှင့် ကြံ့ခိုင် ရေးပါတီအများစုရှိသော ရှမ်းပြည်နယ်လွှတ်တော်တွင် တင်သွင်းအတည်ပြုနိုင်ခဲ့သည်ကို တွေ့ရသည်။ သို့ဖြစ်ရာ ၂ဝ၁၇ ခုနှစ်အတွင်းမြောက်ပိုင်းအဖွဲ့များနှင့် တင်းမာမှု မြင့်တက်ခဲ့သည်ဟု ဆိုရပါမည်။

၂ဝ၁၇ ခုနှစ် ဇူလိုင်တွင်း ကျင်းပသည့် ဒုတိယအကြိမ် ၂၁ ရာစုပင်လုံညီလာခံသို့ တရုတ်၏ ညှိနှိုင်းမှုအရ မြောက်ပိုင်းအဖွဲ့များ လာတက်သည်။FPNCC အနေဖြင့်သာ ဆွေးနွေးမည်ဆိုသည့် မြောက်ပိုင်း ၇ ဖွဲ့သည် တရုတ်၏ညှိနှိုင်းမှုကြောင့် တဖွဲ့ချင်း ဖိတ်ကြားသည်ကို လက်ခံခဲ့ရသည်။ ဒေါ်အောင်ဆန်းစုကြည်နှင့်တွေ့ဆုံရာတွင် KIA/SSPP/UWSA/NDAA အဖွဲ့ ၄ ဖွဲ့ နှင့် AA/TNLA/MNDAA အဖွဲ့ ၃ ဖွဲ့ဟူ၍ နှစ်ဖွဲ့ခွဲတွေ့ဆုံခဲ့ရသည်။ သို့သော် တပ်မတော်ခေါင်းဆောင်ပိုင်းနှင့် တွေ့ဆုံခဲ့ခြင်းမရှိ သကဲ့သို့ ညီလာခံသို့ လာရောက်သော်လည်း ဆက်ဆံရေးများက မာမာထန်ထန်ရှိနေသည်ကို တွေ့ရသည်။ ၂ဝ၁၇ ဒုတိယပင်လုံသို့လာရောက်ပြီးနောက်ပိုင်းတွင်လည်း တိုးတက်မှု သိသိသာသာ မတွေ့ရသည့်ပြင် ၂ဝ၁၇ နှစ်ကုန်ပိုင်းနှင့် ၂ဝ၁၈ ခုနှစ်ဆန်းပိုင်းတွင် မြောက်ပိုင်း ၄ ဖွဲ့နှင့် တိုက်ပွဲများ ဖြစ်ပွားခဲ့သည်။

● တွေ့ဆုံမှုများ
သို့ရာတွင် ၂ဝ၁၇ နှစ်ကုန်ပိုင်းနှင့် ၂ဝ၁၈ နှစ်ဆန်းပိုင်းတွင် တွေ့ဆုံမှု အချို့ရှိခဲ့သည်။ UWSA နှင့် NDAA (မိုင်းလား) တို့အား နယ်စပ်ဒေသဖွံ့ဖြိုးရေးခေါင်းစီးအောက်တွင် နယ်စပ်ဒေသဝန်ကြီးခေါင်းဆောင်၍ ၂ဝ၁၇ နှစ်ကုန်ပိုင်းတွင် သွားရောက် တွေ့ဆုံခဲ့သည်။ ထိုတွေ့ဆုံမှုတွင် PC (ငြိမ်းချမ်းရေးကော်မရှင်) မှ တာဝန်ရှိသူများပါဝင်ခဲ့သည်။

၂ဝ၁၈ ခုနှစ်အစောပိုင်းတွင် KIA ကိုယ်စားလည်အဖွဲ့နှင့် တပ်မတော်ခေါင်းဆောင်များ တရုတ်ပြည်တွင်းတွေ့ဆုံခဲ့သကဲ့သို့ PC မှတာဝန်ရှိသူများလည်း UWSA ခေါင်းဆောင်များနှင့် တရုတ်ပြည်တွင်း၍ တွေ့ဆုံခဲ့သည်။ ထို့ပြင် SSPP ဌာနချုပ်သို့လည်း PC မှ တာဝန်ရှိသူများ သွားရောက်တွေ့ဆုံခဲ့သည်။ ဆိုရလျင် MNDAA/TNLA/AA အဖွဲ့ ၃ ဖွဲ့မှ လွဲ၍ ကျန် ၄ ဖွဲ့အား တွေ့ ဆုံခဲ့ပြီး NCA လက်မှတ်ထိုးလာစေရန် PC မှ ရည်ရွယ်ခဲ့သည်ကို တွေ့ရသည်။ အကဲခတ်များကမူ မြောက်ပိုင်းမဟာမိတ် ၇ ဖွဲ့အား ခွဲထုတ်ရန် ကြိုးစားမှုအဖြစ် ရှုမြင်ခဲ့ကြသည်။

● မြောက်ပိုင်း ၇ ဖွဲ့နှင့် တရုတ်
၂ဝ၁၁ ခုနှစ် မြန်မာပြည် ငြိမ်းချမ်းရေးလုပ်ငန်းစဉ်စတင်စဉ်ကပင်တရုတ်အစိုးရသည် အာရှရေးရာ အထူးသံတမန်တဦး ခန့်အပ်ပြီး မြန်မာ့ငြိမ်းချမ်းရေးလုပ်ငန်းစဉ်တွင် လေ့လာသူအဖြစ် နီးနီးကပ်ကပ် ပါဝင်ခဲ့သည်။ ၂ဝ၁၅ ခုနှစ် နှစ် NCA လက် မှတ်ရေးထိုးရာတွင် မြောက်ပိုင်းအဖွဲ့များ တဖွဲ့မှပါဝင်ခြင်း မရှိသည့်အပြင် ၂ဝ၁၆ ခုနှစ် နှစ်ကုန်ပိုင်း၌ မြောက်ပိုင်း တရုတ် နယ်စပ်တလျောက် တိုက်ပွဲများပြင်းထန်စွာဖြစ်ပွားပြီးနောက် တရုတ်တို့သည် မြန်မာငြိမ်းချမ်းရေးဖြစ်စဉ်တွင် တက်ကြွစွာ ပါ ဝင်လာသည်ကို တွေ့ရသည်။

ထိုအချိန်ကစ၍ တရုတ်သံတမန်သည် မြောက်ပိုင်းအဖွဲ့များကို NCA ထိုးရန် တရားဝင် စတင်တိုက်တွန်းလာသည်ကို တွေ့ရ သည်။ တရုတ်တို့သည်NCA နှင့်ပတ်သက်၍ အစိုးရနှင့်တပ်မတော် ကိုင်စွဲထားသည့်လမ်းကြောင်းဖြစ်၍ ထိုးသင့်သည်ဟု ယူဆသည်လော သို့မဟုတ် မြန်မာပြည်ငြိမ်းချမ်းရေးအဖြေရှာနိုင်သည်ဟု ယူဆ၍လော သို့မဟုတ် NCA သည် မည်သို့ပင်အားနည်းချက်ရှိသည်ဖြစ်စေ စမှတ်တခုအဖြစ် ကိုင်ဆွဲသင့်သည်ဟု ယူဆ၍လောဆိုသည်ကတော့ မသဲကွဲပေ။

သို့သော် ထိုသို့ တရုတ်သံတမန်က NCA ထိုးရန် ဖိဖိစီးစီးတိုက်တွန်းနေစဉ်မှာပင် ၂ဝ၁၇ နှစ်ဆန်း၌ FPNCC ခေါ် မြောက် ပိုင်းမဟာမိတ် ၇ ဖွဲ့ ထွက်ပေါ်ခဲ့သည်ကလည်း အံ့သြစရာပင်ဖြစ်သည်။ ထိုအဖွဲ့နှင့်ပတ်သက်၍ အနောက်တိုင်းဝေဖန်သုံးသပ် သူများက တရုတ်သြဇာအောက်တွင် ဖွဲ့စည်းသော အဖွဲ့အစည်းဟု၎င်း အနောက်တိုင်းနှင့်နီးစပ်သည့် UNFC မှ အဖွဲ့များ ကိုဆွဲထုတ်လိုက်သည့် လုပ်ဆောင်ချက်ဟု ကြည့်မြင်ကြသည်။

မြောက်ပိုင်း ၇ ဖွဲ့သည် တပ်မတော်နှင့် စစ်ရေးပဋိပက္ခ ပြင်းထန်နေစဉ်တွင် နယ်မြေချင်းဆက်စပ်နေသည့်အဖွဲ့များ၊ NCA နဲ့ပတ်သက်၍ မကြေလည်သည့် အဖွဲ့များစုစည်းမိခြင်းဖြစ်သကဲ့သို့ တရုတ်တို့နှင့် နီးနီးစပ်စပ် ဆက်စပ်နေသည်ကတော့ အမှန်ပင်ဖြစ်သည်။ FPNCC သည် နိုင်ငံရေးမဟာမိတ်သာဖြစ်ပြီး စစ်ရေးမဟာမိတ်မဟုတ်ဟု ဆိုသော်လည်း မြောက်ပိုင်း၎ ဖွဲ့မှာ စစ်ရေးအရပူးတွဲတိုက်ခိုက်နေပြီး UWSA နှင့်မူ စစ်လက်နက်ခဲယမ်း ရယူမှုနှင့် ဆက်စပ်ပတ်သက်မှုရှိသည်ဟု အကဲ ခတ်များက သုံးသပ်ကြပါသည်။

FPNCC သည် တပ်ပေါင်းစု တရပ်အနေနှင့် ရပ်တည်ပြီး NCA မဟုတ်သည့်လမ်းကြောင်းဖြင့် အစိုးရနှင့်ဆွေးနွေးသွားမည်ဆိုသော်လည်း ၂ဝ၁၇ခုနှစ် နှစ်လည်တွင် ကျင်းပသည့် ဒုတိယပင်လုံတွင် FPNCC အနေနှင့် မဟုတ်သော်လည်း တဖွဲ့ ချင်းဖိတ်ကြားသော်လည်း တက်ရောက်ခဲ့ရသည်။ ၎င်းကဲ့သို့ တက်ရောက်ရခြင်းမှာ တရုတ်၏တိုက်တွန်းမှု ထက်ပိုသော ဖိ အားပေးမှုကြောင့်ဟု အကဲခတ်များက ဆိုကြသည်။ တဖက်ကလည်း တရုတ်တို့သည် အစိုးရနှင့်ညှိနှိုင်းပြီး NRPC မှ ၇ ဖွဲ့လုံးသို့ တဖွဲ့ချင်းစီဖိတ်စာအား ယူဆောင်ပေးနိုင်ခဲ့သည်။

● တတိယပင်လုံနှင့် တရုတ်၏ပါဝင်မှု
၂ဝ၁၈ ခုနှစ် နှစ်ဆန်းပိုင်း တရုတ်မြန်မာနယ်စပ်တွင် တိုက်ပွဲများဖြစ်ပွားလာပြီးနောက် အထူးသဖြင့် မူစယ်တိုက်ပွဲပြီးနောက် တရုတ်သည်မြောက်ပိုင်း နယ်စပ်အရေးတွင် ပို၍တက်ကြွစွာပါဝင်လာသည်ကို တွေ့ရသည်။ နယ်စပ်တွင် တိုက်ပွဲများ ရပ် တန့်ရန် တပ်မတော်အားလည်း ဆွေးနွေးပြောဆိုမှု များရှိခဲ့သကဲ့သို့ မြောက်ပိုင်း ၇ ဖွဲ့အား တိုက်ပွဲများရပ်တန့်ရန် ဖိအားပေး တောင်းဆိုလာခဲ့သည်။ တရုတ်တို့အနေနှင့် နယ်စပ်တွင် တိုက်ပွဲများ ဖြစ်ပွားသည်ကို မတွေ့မြင်ကြောင်း ပြန်ဖြစ်လာလျင် တိတိကျကျ တုန့်ပြန်မည်ဖြစ်သည်ဟု တရုတ်တို့ပြောဆိုလာသည်ကို တွေ့ရပေသည်။

တချိန်တည်းတွင် မြောက်ပိုင်းအဖွဲ့များနှင့်၎င်း အစိုးရ၊ တပ်မတော်တို့နှင့်၎င်း ညှိနှိုင်းမှုများပြုလုပ်လာခဲ့ပြီး တတိယအကြိမ် ၂၁ ရာစုပင်လုံညီလာခံ သို့ မြောက်ပိုင်းအဖွဲ့များ ရှောရှောရှူရှူ တက်ရောက်လာခဲ့ကြသည်။ တဆက်တည်းတွင် တပ်မ တော်ကာကွယ်ရေးဦးစီးချုပ်နှင့် ဒုကာကွယ်ရေးဦးစီးချုပ်တို့သည် မြောက်ပိုင်းအဖွဲ့များကို ၂ ဖွဲ့၍ တွေ့ဆုံခဲ့သည်ကို မြောက်ပိုင်းအဖွဲ့များသည် ၇ ဖွဲ့လုံးတွေ့ရေးကို ဦးစွာရပ်ခံခဲ့သော်လည်း နောက်ဆုံးတွင် နှစ်ဖွဲ့ခွဲ၍ တွေ့သည်ကို လက်ခံခဲ့ရ သည်မှာ တရုတ်၏ ပါဝင်ပတ်သက်မှုကြောင့်ဟု ဆိုနိုင်သည်။

တတိယအကြိမ် ၂၁ ရာစုပင်လုံတွင် တရုတ်သံအမတ်ကြီး မစ္စတာဟုန်လျံ နှင့် အာရှရေးရာအထူးသံတမန် မစ္စတာဆွန်ကော့ ရှန် စသည့် သံတမန် နှစ်ဦးနှင့် အဖွဲ့ဝင် ၅ဝ နီးပါးခန့်ဖြင့် အင်ပြည့်အားပြည့် ပါဝင်ဆောင်ရွက်သွားသည်ကို တွေ့ရသည်။ တဖက်ကလည်း မြောက်ပိုင်း ၇ ဖွဲ့၏နေထိုင်စားသောက်ရေး ၊ သွားလာရေး၊ လုံခြုံ ရေးတို့ကို တရုတ်တို့က အပြည့်အဝကောင်းမွန်စွာတာဝန်ယူထားပြီး တဖက်ကလည်း ငြိမ်းချမ်းရေးလုပ်ငန်းစဉ်တွင် မြောက်ပိုင်းအဖွဲ့များပါဝင်ရေးအတွက် တွန်း အားပေးနေခဲ့သည်။

တရုတ်တို့ မြန်မာငြိမ်းချမ်းရေးဖြစ်စဉ်တွင် တက်ကြွစွာပါဝင်လာသည်မှာ တရုတ်တို့၏ OBOR အကျိုးစီးပွားကြောင့် ဖြစ်သည်ဆိုသည်ကို ရှင်းလင်းစွာမြင်နိုင်သည်။ လက်ရှိအချိန်တွင် တရုတ်တို့၏သဘောထားမှာ မြောက်ပိုင်း ၇ ဖွဲ့အား NCA ထိုးရန်တောင်းဆိုထားပြီး ကျန်ပြဿနာများကို နိုင်ငံရေးဆွေးနွေးပွဲတွင် ဖြေရှင်းကြရန်လိုလားသည်။ နယ်စပ်တလျောက် တိုက်ပွဲများဖြစ်ပွားပြီး OBOR ထိခိုက်သည်ကို တရုတ်တို့ လက်ခံနိုင်မည်မဟုတ်သကဲ့သို့ မြောက်ပိုင်းအဖွဲ့များ NCA မထိုးဘဲဆန့်ကျင်သည့် ကိစ္စအား တရုတ်အနေနှင့် လက်ခံမည်မဟုတ်ဟု တရုတ်တို့က အတိအလင်းဆိုပါသည်။

တရုတ်တို့၏ လှုပ်ရှားမှု မှတွေ့ရသည်မှာ မြောက်ပိုင်းအဖွဲ့များ NCA လက်မှတ်ရေးထိုးရေးအား ၂ဝ၁၈ ခုနှစ် နှစ်မကုန်မီ မျှော် မှန်းဆောင်ရွက်သွားလိုပုံရသည်။ တရုတ်သမတရှီကျင့်ပင်သည် OBOR နှင့်ပတ်သက်၍ MOU လက်မှတ်ရေးထိုးရန် ယခုနှစ်ကုန်ပိုင်းတွင် မြန်မာပြည်သို့ လာရောက်မည်ဟု သတင်းများထွက်ပေါ်နေရာ ထိုကာလနှင့် တပြိုင်ထဲပြီးမြောက်အောင်စဉ်းစားထားပုံရသည်။ ထို့ပြင် မြောက်ပိုင်းဒေသ နယ်စပ်တလျောက်ငြိမ်းချမ်းရေးအားလည်း ၃ နှစ်အတွင်း ပြီးစီးအောင် ဆောင်ရွက်ခါ ၎င်းတို့၏ OBOR စီမံကိန်းနှင့် ချိန်ကိုက် အကောင်အထည်ဖေါ်ရန် ရည်ရွယ်ထားသည်ဟု ခန့်မှန်းသုံးသပ်ရသည်။ တပ်မတော် ကာချုပ်မိန့်ခွန်းပါ နိုင်ငံရေးဆွေးနွေးမှု များအား ၂ဝ၂ဝ ခုနှစ်တွင် ပြီးပြတ်အောင် ဆောင်ရွက်သွားမည်ဆိုသည်နှင့်ချိန်သားကိုက်နေသည်ဟု ဆိုရပါမည်။ ဤသည်မှာ လက်ရှိ တရုတ်တို့၏ စဉ်းစားလှုပ်ရှားမှုဟု ဆိုရပါမည်။

ဤသို့လုပ်ဆောင်နေသည်အချိန်ကာလအတွင်း တွေ့ရသည်မှာ တရုတ်တို့အနေနှင့် မြောက်ပိုင်းအဖွဲ့များ၏ ငြိမ်းချမ်းရေးဖြစ် စဉ်တွင် အနောက်အုပ်စုမှ ပါဝင်ပတ်သက်ခြင်းအားလက်မခံကြောင်း အနောက်အုပ်စုပါဝင်ပတ်သက် ပါက ရှုပ်ထွေးမှု များဖြစ်လာနိုင်သည်ဟု ဆိုသည်။ ဤသို့ကြည့်မြင်ခြင်းမှာအခြားပယောဂများကြောင့် ငြိမ်းချမ်းရေးလုပ်ငန်းစဉ် မထိခိုက်ရန် စဉ်းစား သည်ဟုဆိုနိုင်သော်လည်း ထိုအခြေခံပေါ်မှ အနောက်တိုင်းမှအဖွဲ့အစည်း များနှင့်ဆက်ဆံခြင်း၊ ကုလ သမဂ္ဂအထွေ ထွေအတွင်းရေးမှူး၏အထူးကိုယ်စားလှယ်နှင့် မြောက်ပိုင်းမှအဖွဲ့အချို့ တွေ့ဆုံခြင်းတို့အား ကန့်သတ်ခြင်းများ တွေ့မြင် နေရပေရာ ထိုဆောင်ရွက်ချက်သည် သင့်လျော်သည့်ဆောင်ရွက်ချက် ဖြစ်မည်မဟုတ်ပေ။ တရုတ်တနိုင်ငံထဲနှင့် ဆက်ဆံ နေသည့်မြောက်ကိုးရီယားသည်ပင် ၎င်းနိုင်ငံပြဿနာဖြေရှင်းနိုင်ရန် အမေရိကန်နှင့်တွေ့ဆုံဆွေးနွေးနေ ရသည့်ချိန်တွင် မြောက်ပိုင်းအဖွဲ့များအနေနှင့်ငြိမ်းချမ်းရေးလုပ်ငန်းစဉ်အတွင်း တရုတ်နှင့်သာ ဆက်ဆံရမည်ဆိုသည့် အချက်သဘာဝမကျပေ။

တတိယပင်လုံညီလာခံကာလအတွင်း တရုတ်သံတမန်နှင့် မြောက်ပိုင်း ၇ ဖွဲ့မှ ခေါင်းဆောင်အချို့ သမတရှီကျင့်ပင်၏ စာအုပ်အား ကိုယ်စီကိုင်၍ မှတ်တမ်းတင်ဓါတ်ပုံရိုက်ထားသည်ကို တွေ့ရသည်။ တရုတ်သံတမန်က စာအုပ်လက်ဆောင် ပေးသည်ကို ဓါတ်ပုံရိုက်ထားပုံရသည်။ လွန်ခဲ့သော နှစ် ၅ဝ ကလည်း မော်စီတုန်း စာအုပ်နီလေးများကိုင်ထားသော ဗမာ ပြည်ကွန်မြူနစ်ပါတီအား တရုတ်တို့ ကူညီခဲ့ဘူးသည်။ အောင်မြင်မှု မရခဲ့ပေ။ မော်စီတုန်းသည်၎င်း ရှီကျင့်ပင်သည်၎င်း တရုတ်ပြည်၏ခေါင်းဆောင်ကောင်းများဖြစ်သည်မှာ အငြင်းပွားဖွယ်မရှိပေ။ သို့သော် မတူညီသော နိုင်ငံများကြား လုပ်ဆောင် ချက်များအား ပုံတူကူးချ၍မရပေ။ သီးခြားလက္ခဏာနှင့် ထူးခြားချက်များကို သုံးသပ်ဆောင်ရွက်ရန်လိုအပ်ပါသည်။ သို့မ ဟုတ်ပါက ဖိနပ်တော်အောင် ဖနောင့်လှီးသကဲ့သို့ အောင်မြင်မှု ရမည်မဟုတ်ပေ။

တရုတ်တို့၏ မြန်မာ့ပြည်ငြိမ်းချမ်းရေးလုပ်ငန်းစဉ်တွင် ပါဝင်ခြင်းမှာ OBOR အကျိုးစီးပွားအတွက် နယ်စပ်ဒေသ တည်ငြိမ် ရေးအတွက်ဖြစ်သည်။ သို့ဖြစ်ရာ စေ့စပ်ညှိနှိုင်းသူအဖြစ် တရုတ်တို့ပါဝင်မှုအား ငြင်းပယ်ရန်မရှိသော်လည်း တရုတ်တို့အနေ နှင့် ငြိမ်းချမ်းရေးရရှိရန် လိုအပ်သည့် မြန်မာ့ပြည်၏ပကတိ အခြေအနေ၊ တိုင်းရင်းသားလူမျိုးများ၏ဆန္ဒသဘောထားနှင့် ရှည်ကြာသောသမိုင်းဇစ်မြစ်များအား နားလည်အောင် အားထုတ်ရန် လိုအပ်သကဲ့သို့ မြန်မာပြည်ငြိမ်းချမ်းရေးလုပ်ငန်းစဉ်တွင် ပါဝင်သည့် အစုအဖွဲ့အသီးသီးမှ stakeholders များ၏ အမြင်များကို အလေးထားရန်လိုသည်။ တရုတ်တို့သည် စေ့စပ်သူညှိနှိုင်းသူအခန်းကဏ္ဍမှပါဝင်ပါက လက်မခံနိုင်စရာမရှိပေ။ စေ့စပ်ညှိနှိုင်းသူဆိုသည်မှာ မိမိလိုချင်သည့်ရလဒ်အတွက် ပုံဖေါ်သူသက်သက်မဟုတ်ဆိုသည်ကို ဂရုပြု ရန်လိုအပ်သည်။နှစ်ဖက်စလုံး ၏ အမြင်သဘောထားများကို သေချာစွာ ဂရုပြု နားထောင်ရန်လိုအပ်သည်။ မိမိအကျိုးစီးပွားအခြေခံပေါ်မှ မိမိလိုချင်သည့်ရလဒ် အမြန်ထွက်စေရန် မလိုလားအပ်သည့် ဖိအားပေးမှု များပြုလုပ်ပါက ဆိုးကျိုးများထွက်ပေါ်လာနိုင်ပါသည်ကို သတိပြုရန်လိုအပ်ပါသည်။ မည်သို့ပင်ဖြစ်စေ တရုတ်-မြန်မာ နယ်စပ် တည်ငြိမ်ရေးအတွက် အပစ်ရပ်ရေးနှင့် နိုင်ငံရေးဆွေးနွေးမှု များတွင် တလျောက်လုံးငြင်းပယ်ခဲ့သော TNLA/AA/MNDAA အဖွဲ့ ၃ ဖွဲ့ ပါဝင်ရေးကို တရုတ်တို့ ရပ်ခံခဲ့ခြင်းသည် ထိုအဖွဲ့ ၃ ဖွဲ့အတွက်သာမက မြန်မာပြည် ငြိမ်း ချမ်း ရေးလုပ်ငန်းစဉ်တွင် အားလုံးပါဝင်ရေး ရပ်ခံချက်အတွက် အထောက်အကူဖြစ်စေခဲ့သည်ကတော့ ငြင်းပယ်ရန်မရှိပေ။

● တပ်မတော်နှင့် မြောက်ပိုင်းအဖွဲ့များ
တတိယအကြိမ် ၂၁ ရာစုပင်လုံတက်ရောက်လာသော မြောက်ပိုင်း ၇ ဖွဲ့အား ကာချုပ်နှင့် ဒုချုပ်တို့က အသီးသီးခွဲ ၍တွေ့ ခဲ့ကြပါသည်။ အဖွင့်မိန့်ခွန်း၌ ကာချုပ်၏မိန့်ခွန်းသည် မူအရတင်းမာသည်ဟု ဝေဖန်မှု များရှိနေသော်လည်း မြောက် ပိုင်း ၇ ဖွဲ့နှင့်တွေ့ဆုံရာ တပ်မတော် ခေါင်းဆောင်များသည်ပျော့ပြောင်းမှုရှိသည်ဟု မြောက်ပိုင်းအဖွဲ့များက ခံစားရပြီး တလျောက် လုံးအငြင်းခံခဲ့ရသော အဖွဲ့ ၃ ဖွဲ့အားလည်း လမ်းဖွင့်ပေးလာသည်ဟုဆိုပါသည်။ UWSA ခေါင်းဆောင် ၂ ဦး ဆေးရုံတက်ရ ချိန်တွင်လည်း တပ်မတော်ခေါင်းဆောင်က နွေးထွေးမှုပြခဲ့သည်ဟု ဆိုရမည်။

သို့ဖြစ်ရာ တတိယ ၂၁ ရာစုပင်လုံညီလာခံသို့ မြောက်ပိုင်းအဖွဲ့များလာရောက်ခြင်းသည် ဒုတိယအကြိမ်ထက် ပို၍တိုးတက်မှု ရှိသည်ဟု ဆိုရပါမည်။ ဆက်လက်ဆွေးနွေးရန် လမ်းပွင့်သွားခဲ့ပြီး အခိုင်အမာဆွေးနွေးကြရာတွင် အလျော့အတင်းပြု လုပ်ပြီး သဘောတူညီမှု ရယူနိုင်ရန်သာ လိုအပ်နေပေတော့သည်။ သို့သော်လည်း ငြိမ်းချမ်းရေးအတွက်လမ်းဖွင့်သည့် တပ်မတော်ခေါင်းဆောင်တို့၏သဘောထားသည် အောက်ခြေပိုင်းအထိရောက်ရှိရန်လိုအပ်ပေသည်။

ဆက်လက်ဖေါ်ပြပါမည်။
မောင်မောင်စိုး

↧

ဒီနေ့ မနက်ဖြန် ပြန်ခွင့်ရနိုးနိုး နဲ့ ၇၅နှစ်ရှိ က၀ိအိုလည်း တရားနဲ့ ဖြေတဲ့အဆင့် ရောက်နေပါပြီ

August 3, 2018, 9:26 pm

≫ Next: ကျော်ဟုန်း - ပုလဲရတု မိန့်ခွန်း

≪ Previous: မောင်မောင်စိုး ● တတိယအကြိမ် ၂၁ ပင်လုံကို အနီးကပ်ကြည့်ရှုခြင်း - အပိုင်း (၂)

ဒီနေ့ မနက်ဖြန် ပြန်ခွင့်ရနိုးနိုး နဲ့ ၇၅နှစ်ရှိ က၀ိအိုလည်း တရားနဲ့ ဖြေတဲ့အဆင့် ရောက်နေပါပြီ

စီစီသွယ် (S/OKA ၀၈၉၈၁၈)၊ မိုးမခ၊ သြဂုတ် ၄၊ ၂၀၁၈

လွန်ခဲ့သော"နှစ်၂၀''က'ဂျာမဏီနိုင်ငံ၊ Osnabruck မြိူ့၏ မြို့တော်ခန်းမတွင်
နိုဘယ်ဆုရ တိဗက်ဘုန်းတော်ကြီး ဒလိုင်းလားမားနှင့်အတူ
(ဓါတ်ပုံ ဦးမောင်မောင်ရံ ၊ ၆၊၆၊ ၉)

အဝေးရောက် နိင်ငံရေး အဖိုးအို ဒေါက်တာစိန်ဝင်း၏ဇနီးစီစီသွယ်မှ အစီရင်ခံ တင်ပြအပ်ပါသည်ရှင့်။

လမ်းကြုံလျင်၊ ၊ ကျွန်မတို့၏ပြည်သူ့သမ္မတကြီးနှင့် လူထုခေါင်းဆောင်၊ နိုင်ငံတော်အတိုင်ပင်ခံတို့ထံ သယ်သွားပေးပါရှင့်။

ကျွန်မတို့ မြန်မာပြည်ပြန်ခွင့်ရရန် ... “၇၊ ၇၊ ၂၀၁၆ မှ စ၍’’ စဉ်ဆက် မပြတ်ကြိုးစားနေတာ “၂ နှစ်” ကျော် ပါပြီ။ ဆရာ (ဒေါက်တာစိန်ဝင်း) လည်း တရားနဲ့ ဖြေတဲ့အဆင့် ရောက်နေပါပြီ။

၂၀၁၆ မှစ၍ သားလေး လရောင် နွေကျောင်းပိတ်ရောက်တိုင်း ... “ဒီနေ့ မနက်ဖြန် ပြန်ခွင့်ရနိုးနိုး’’ နဲ့ စောင့် နေရတာ ယခုကျောင်းပြန့်ဖွင့်ရန် တလနီးပါးပဲ ကျန်ပါတော့သည်။ (နွေကျောင်းပိတ် ၃ ခါ ကျော် ခါနီးပါပြီ။)

အခြေအနေပေးလျှင် “ ရှစ် လေး လုံး နှစ် ၃၀ ပြည့်နေ့” တွင် မြန်မာပြည်တွင် ရှိချင်ပါသည်။ အိမ်ပြန်ရောက်သင့်ပြီ။

လေးစားစွာဖြင့်

စီစီသွယ် (S/OKA ၀၈၉၈၁၈) ခေတ္တ - အမေရိကန်ပြည်ထောင်စု
PS ... အဝေးရောက် နိင်ငံရေး အဖိုးအို၊ က၀ိအိုတယောက်၏ ခံစားချက်နှင့် က၀ိအို၏အိမ်ပြန်ချိန်တို့ကို http://moemaka.com/archives/63663နှင့်
http://moemaka.com/archives/52678တို့တွင် ဖတ်ရှုနိုင်ပါသည်။

ကလေးနှစ်ယောက် အပါအ၀င် ကျွန်မတို့မြန်မာနိုင်ငံသားစစ်စစ် ကိုးဦးသည် “ပထမဦးဆုံးအကြိမ် လကံ္ခရ ရှိသော မြန်မာသံရုံးမှ e-mail (သံအမတ်ကြီးကိုယ်စား ဦးဆွေဆက် မှ ၂၀၊၄၊ ၂၀၁၈ တွင် ပေးပို့သော e-mail (စာအမှတ် ၈၁-၈၃/ ၄၅ ၁၁ ၁၁)) အတိုင်း “မြန်မာနိုင်ငံကူး စာအုပ်နှင့် နိုင်ငံသားစိစစ်ရေးကဒ်များကို အမေရိကန်နိုင်ငံဆိုင်ရာ ပြည်ထောင်စုသမ္မတမြန်မာနိင်ငံတောာ် သံအမတ်ကြီး ဦးအောင်လင်းအား လိပ်မူ၍ ၃၀၊၄၊၂၀၁၈ တွင် လျှောက်ထားခဲ့ပါသည်။ (ယင်းကို နိုင်ငံခြားရေးဝန်ကြီး ဒေါ်အောင်ဆန်းစုကြည်၊ ဒုနိုင်ငံခြားရေးဝန်ကြီး၊ အမြဲတန်း အတွင်းဝန် ညွှန်ခုပ်၊ နိုင်ငံခြားရေးဝန်ကြီးဋ္ဌာနတို့အား နိုင်ငံခြားရေးဝန်ကြီးဋ္ဌာန၏ e-mail များမှ တင်ပြခဲ့ပါသည်။)

ကမ္ဘာအနှံ့ ပြန့်ကျဲနေတဲ့ က၀ိအုိုတွေ၊ တိုင်းပြည်အတွက် နှစ်ပေါင်းများစွာ “တော ဖြတ်၊ ထောင် ဖြတ်” ခဲ့ရသူတွေ၊ ရောက်ရာနေရာတွေမှာ အတွေးရော အလုပ်ရော အမိမြေအတွက် ပေးဆပ်နေသူတွေ ဘယ်တော့ “ခံဝန်ချက် ထုိုးရတဲ့ဘ၀” ကလွတ်မလဲ။ ဘယ်တော့မှ သိက္ခာရှိရှိ အိမ်ပြန် ရပါ့မလဲ။ ဘယ်တော့မှ …

အိမ်ပြန်ရောက်သင့်ပြီ။
စီစီသွယ် (S/OKA ၀၈၉၈၁၈) ခေတ္တ - အမေရိကန်ပြည်ထောင်စု
ည ၁၀နာရီ ၁၀မိနစ်၊ သြဂုတ် ၃၊ ၂၀၁၈

↧

ကျော်ဟုန်း - ပုလဲရတု မိန့်ခွန်း

August 4, 2018, 5:26 pm

≫ Next: ဇော်အောင် (မုံရွာ) ● မြန်မာပြည် မိုဘိုင်းဘဏ်နဲ့ ATM စနစ်

≪ Previous: ဒီနေ့ မနက်ဖြန် ပြန်ခွင့်ရနိုးနိုး နဲ့ ၇၅နှစ်ရှိ က၀ိအိုလည်း တရားနဲ့ ဖြေတဲ့အဆင့် ရောက်နေပါပြီ

ကျော်ဟုန်း - ပုလဲရတု မိန့်ခွန်း

(မိုးမခ) သြဂုတ် ၅၊ ၂၀၁၈
အဟောင်းကြိုက်သူနဲ့
အကောင်းနှိုက်သူတို့ ဗိုလ်လုပွဲမှာ
လ ခဏ ခဏ ကြတ်တယ်။

ကမ္ဘာကြီးလည်း
နေကြတ်လိုက်
လကြတ်လိုက်
ခဏ ခဏ ဖြစ်နေတယ်။

သက်ရှိတို့ရဲ့ ခွန်အားဟာ
စပရိင်လိုပဲ။

ဖိလေ ရုန်းကြွလေ ဖြစ်စဉ်ယဉ်ကျေးမှု
မွေးရာပါ အမွေလို
အကျည်းတန်ဆုံး အလှဗေဒနဲ့
မသေသ၍ ရုန်းထကြပေတော့။

အို ... အနှစ် ၃၀
ပုလဲရတုမြောက် နှစ်ပတ်လည်
ပုလဲတွေလို ဖြူဝင်းထယ်ပြီလား
ပုလဲတွေ မစီဘဲ
တကွဲ သီလေမလား။

အဟောင်းကြိုက်တွေက
ရသမျှ အကုန်စားခဲ့ရတော့
မစင်ပုံ လောက်မစွန့်ပယ်နိုင်သလို
ကုတ်ကပ်လို့ တွယ်။

အသစ်ကြိုက် အကောင်းနှိုက်တွေအဖို့
ဈေးကြီးတဲ့ အသွေးမီကို
လှမ်းရ ခက်တယ်။

ပုလဲဖြစ်ဖို့ 
ကမာကောင်တို့ 
ဒုက္ခလှလှကို ရင်းခဲ့ရတာ
မမေ့အပ်တဲ့ တိုက်ပွဲ။

လုံးဝ မမေ့နဲ့ 
နေ အမြဲ မကြတ်သလို
လ အမြဲ မကြတ်ဘူး။

သံသရာစက်ဝန်းကို
ပြိုင်တူ လှည့်နိုင်ပါတယ်။

ကျွံနေတဲ့ ဘီးကို ဆယ်ဖို့
အရှိန်နဲ့အချိန်ကို သုံးရမယ်။

ပုလဲသီသလို ညီစေ။ ။

ကျော်ဟုန်း
၂၀၁၈၀၈၀၄

↧